رواية قوة الحب الفصل الحادي عشر 11 بقلم تقى حسام

رواية قوة الحب الفصل الحادي عشر 11 بقلم تقى حسام

رواية قوة الحب البارت الحادي عشر

رواية قوة الحب الجزء الحادي عشر

رواية قوة الحب الحلقة الحادية عشر

فريده. ايه يا نرمين هتفضلي واقفه كده مش هاتيجي تسلمي
نرمين. اهلا وسهلا نورتو
العمه بضحكه. أنتي لحقتي تطفشي جوزك من تاني يوم مش موجود ليه
فريده. اه صحيح فين عاصم دا طبعه مش بيحب الخروجات معقوله مبقاش عايز يقعد في البيت
الجد. ايه الأوفر ده كل الموضوع إن سامي زيدان حب يعزمه على الأكل وبالمره يتناقشوا في كم حاجة كده وخلاص هو على وصول عشان أهل نرمين في الطريق
الجرس رن
عاصم وأهل نرمين جم
نرمين. ماما وحشتيني
عايده. وانتي اكتر ياحببتي عامله ايه
نرمين بزعل. انا كويسه الحمد لله
يوسف. ايه الحلاوه دي على فكرة حسينا بقمتك ومفتقدينك في البيت
جرمين. دي حقيقة فعلا
الجد. واحنا بتنا نور بوجودها فيه
عاصم. بضبط
فريده. ازيك يا عاصم

عاصم بغيظ. الحمدلله
الكل قعد
العمه. بقى ينفع ياعاصم نرمين تنشر صور فرحكم دا كلام
عاصم. وايه المشكله
مامت فريده. الناس بتسأل انت مجوز مين واتعرفتو على بعض ازاي وانا بصراحه كل ما افتكر اضحك
عايده . وليه بقى
مامت فريده. اصل انا سمعت عن جواز اللي بالحب او جواز المصلحه او جواز المتعه لاكن جواز عشان حياتها مهدده بالقتل اول مره اسمع عنها
نرمين. عن إذنكو
عاصم بغضب. متنسيش إن نرمين هي اللي أنقذت حياتي لولاها كان زماني ميت دلوقتي
فريده بدلع. ليه كده بس احنا بنهزر متوقعش قلبي يا عاصم الحمد لله إنك بقيت بخير
عايدة. بس لو كل واحد يخلي باله من كلامه كل حاجه هتبقى كويسه
فريده. خلاص يا طنط انا هاروح اشوف نرمين واصلحها
عاصم حب يلطف الجو. بقولك ايه يابطل
يوسف. نعم
عاصم. تيجي أوريك اسطبل الخيل
يوسف. ياريت
يلا بينا
الجد. وانا جاي معاكم
وفاء. زينب ونرمين اتصاحبوا على بعض أوى وفيهم كتير من بعض
عايده. كويس نرمين طول عمرها مالهاش صحاب غير اختها اهو بقي عندها اخت تانيه
نرمين في أوضه الموسيقى
فريده. انتي زعلتي
نرمين. لأ بس محبتش اتكلم عشان لو اكلمت هقول كلام يزعل
فريده. وتقوليه ليه احنا ماقولناش غير الحقيقه وبعدين مش على اساس إن عاصم مش في دماغك
نرمين. ملكيش دعوه بينا
فريده. هههه باين عليه عايز يسلي نفسه شويه بيكي
جرمين. انتي محروقه أوى كده ليه
فريده. وانتي مالك أيه اللي دخلك انتي بتجسسي علينا
جرمين. بت اتلمي انا ممكن اروح احكي لعاصم
فريده. ماتروحي وهو هيصدق واحده طماعه ويكذب بنت عمه اللي بيحبها
نرمين سابتهم ومشيت
زينب. جرمين بعد إذنك عايزه فريده على إنفراد
جرمين. ماشي
زينب. فريده انتي عايزه ايه من نرمين
فريده. وهعوز منها ايه انا جايه اصالحها

زينب. فريده مش عليا الكلام ده انتي عمرك ما صلحتي حد وعمرك ما جيتي هنا
فريده. وايه المشكله لما اشوف عمتي وجدي
زينب. مافيش مشكلة ولا حاجه بس مالكيش دعوه بعاصم ولا نرمين مش ناقصين مشاكل
العمه. مالك يا نرمين
نرمين بتجاهل . مافيش حاجه
بعد فتره
يوسف. ياااه دا الخيل بتاعك رووعه
محمد. فعلا ربنا يزيدك يابني
عاصم. الله يخليك يا عمي ابقى تعالى بقى يا بطل ونركب سوي ونرمين معانا
نرمين. مش عايزه
زينب بصوت منخفض لعاصم . الجو متوتر والجماعه دايقو نرمين
عايده. عاصم
عاصم. نعم
عايده. انا بنتي امانه في رقبتك حافظ عليها
عاصم. دي في عنيا يا أمي!
عاصم قرب من نرمين. الجميل مكشر ليه؟
نرمين. مافيش حاجه عالي يا يوسف عشان بحب الاغنيه دي
يوسف. دي اغنيه ايه؟.
نرمين. Love me like you do
عاصم. طب ما تيجي نرقص عليها مرقصناش سوي في الفرح كتييير
نرمين. انا مش بعرف ارقص
عاصم. ولله ولا انا بس أهو هنتعلم عالي يا يوسف وانتي يا زينب صورينا فيديو
نرمين قبل ما تعترض شدها عاصم ولف أيده على وسطها
عاصم. امسكي أيدي وعينك في عنيا
نرمين بتوتر. حاضر
فريده واقفه مش طايقه نفسها وبتبص عليهم
عاصم. يلا تلت خطوات لورا وزيهم لقدام
نرمين. بدأت تندمج في الرقصه وزينب بتصور والكل واقف حواليهم بيسقفو
نرمين كانت فرحانه اووي انه عمل كده قدامهم وعجبتها الرقصه
عاصم بصوت منخفض. دي بقت اغنيتنا بقى
وانتهت الرقصه♥️

جرمين قربت من فريده. ياااه دا فعلا بيحبك اوي ومش شايف غيرك
فريده. مالكيش دعوه عمتو انا همشي سلام
نرمين بضحكه. ليه لسه بدري
عايدة. يابنتي براحتها
محمد. طب واحنا كمان مش يلا بقى ولا ايه ورانا حاجات كتير بكره
عايده. يلا بينا بصوت منخفض. حببتي خلي بالك من نفسك وعاصم باين عليه بيحبك متخسريهوش يا نرمين
في الفيلا المجاوره
شوفتي عاصم عمل ايه دا حتى محترمش وجودي معبرنيش
العمه. اهدي انا هبقي اتكلم معاه
الجرس رن
عاصم. مساء الخير
كويس يا فريده إنك لسه هنا
فريده. وانت عايز ايه
عاصم. بدون دخول في تفاصيل انا مش ناقص وجع دماغ لو سمحتو محدش له دعوه بمراتي وجو التريقه اللي حصل قدامي ميتكررش مفهوم
العمه بغضب. جري ايه يا عاصم انت جاي تعلمنا نكلم ازاي
عاصم بهدؤ. لا العفو انا بس جاي أوضح إن كرامه مراتي من كرامتي ومقبلش ان حد يهنها او يزعلها
مامت فريده. انت ماسك مراتي مراتي هي نفسها مش عايزاك
عاصم. اظن ان دي حاجه بيني وبينها يا مرات عمي متشغليش بالك انتي
فريده. وطلاما انت يهمك اوي مراتك وكرامتها مكنتش كده معايا ليه كنت سايبني لوحدي على طول عمرك ما جبتلي هديه عمرك ما قولتلي نرقص سوي أعلنت خبر طلاقنا ولما طلعت اشاعه اننا رجعنا لعبض قولت ان ده محصلش
عاصم. بلاش جو الضحيه ده كنت سايبك لان انتي عايزه كده صحابك اهم عندك من اي حاجه مافيش حاجه جبتها وعجابتك اهم حاجه عندك الفلوس وبس وسمعتك بودني وانتي بتقولي كده لصحبتك في الفون انا عايشه معاه عشان خاطر فلوسه هو اللي كبر الشركه وكل حاجة تحت ايديه وايدي ولما واجهتك عايرتيني لإني مبخلفش ويا حرام جايه على نفسك ومستحملاني اطلقنا واديتك كل حقوقك وبعدت عنك عايزه ايه تاني؟
فريده. وانت فاكر إن السنيورة هتستحمل انك مبتخلفش ماهي هتطلق منك هي كمان واظن لنفس السبب
عاصم بحزن. مالكيش دعوه

العمه. مهما كان فريده مش زي نرمين دي هتفضل بنت عمك الله يرحمه وأمانه لازم تحافظ عليها
عاصم. جدي موجود واخوها موجود ربنا يخليهملها لاكن حتى لو طلقت نرمين انا وانتي يا فريده انتهينا
خرج عاصم وطلع على النيل في المكان اللي بيحبو
وقاعد زعلان بيفكر انها ممكن فعلا تسيبه ومختار في أمرها وبيقلب في الصور بتاعت نرمين وزينب بعتتله فيديو رقصهم بعد ما اتفرج الفون رن.
عاصم. الو
الضابط. ازيك يا عاصم بيه
عاصم. باشا حبيبي ايه الاخبار
الضابط. اخبار حلوه قبضنا على الراس الكبيره متلبس في قضيه مخدرات ورجالته اعترفوا عليه هو وابنه انهم كانوا ورا اللي حصلك وكل حاجة باقت في ايدينا متقلقش ومعدش فيه خطر على حياه المدام
عاصم. بجد؟

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قوة الحب)