Uncategorized
اسكريبت حتى النهاية الفصل الثاني 2 بقلم بسملة محمد
اسكريبت حتى النهاية الفصل الثاني 2 بقلم بسملة محمد
 |
| اسكريبت حتى النهاية الفصل الثاني 2 بقلم بسملة محمد |
اسكريبت حتى النهاية الفصل الثاني 2 بقلم بسملة محمد
ملك:هو ايه اللي انت مخططله يا مالك
مالك بصدمة: ملك!!
ملك:انت مخبي عليا ايه يا مالك
مالك بكذب:ااه ده انا كنت محضرلك مفاجأة بس انتي كدة كشفتيني
ملك بفرحة:ايه مفاجأة ايه قول بسرعة يا مالك يلا
مالك:اهدي يا بنتي اكيد مش هقولك ايه هي يعني وبعدين ايه الريحة الغريبة دي
ملك وهي بتجري للمطبخ:يلاهوي الاكل بيتحرق
مالك في سره:شكلك هتتعبيني معاكي
مالك:طباخة شاطرة فعلا
ايه ده هي دي بامية
ملك:كانت بامية وبعدين ثانية انت عرفتها ازاي
مالك:هاا.. اااه كنت كلتها قبل كدة في أمريكا ومعجبتنيش كويس انها اتحرقت وعلى فكرة انا اعرف اكل مصري كتير
ملك:والله انت ما بتفهمش حاجة
مالك:ايه!!
ملك:بص الملوخية متحرقتش احنا ناكلها بقي
مالك:هي دي ملوخية؟انا اللي اعرفه ان الملوخية لونها أخضر مش اصفر
ملك:لا ما انا بنوع عشان متزهقش وبعدين التغيير مطلوب برضوا
مالك:هتاكلي بيتزا معايا
ملك:هاتلى معاك اتنين كريب وواحد شاورما
مالك:هتاكليهم لوحدك يا مفترية
ملك:ايه ياعم انت هتعد عليا من اولها ولا ايه
مالك:خلاص يا ماما ايه يا حبيبتي اسكتي شوية خلاص هجيبلك اللي انتي عايزاه
ملك:خلصانة
“بعد نص ساعة”
ملك:انا خلاص شبعت مش قادرة
مالك:ما هو طبيعي ده انتي واكلة نص البيتزا بتاعتي كمان
ملك:لا ده انت اخ مش جدع بقى
مالك:بت انتي معندكيش مذاكرة مبتروحيش جامعة مبتخرجيش قاعدة على طول كدة
ملك:لاحظ ان كلامك جارح وبعدين انا النهاردة لغيت كل مواعيدي عشان حضرتك
مالك:طب انا عندي مشوار كدة هخلصه واجي
ملك:هتروح فين وتسيبني لوحدي وبعدين انت متعرفش حاجة هنا في مصر
مالك:مش هتأخر متقلقيش وبعدين انا كنت اتعرفت على واحد من الفيس وهنتقابل وكدة يعني
ملك:تمام بس متتأخرش
مالك:متقلقيش انا نازل سلام
“نزل مالك وفضلت قاعدة لوحدي زهقانة فضلت اتفرج ع التليفزيون شوية لحد ما نمت مكاني”
________________في مكان اخر__________________
مالك:أدهم باشا بنفسه طلب يقابلني انا مش مصدق نفسي والله
ادهم:متستقلش بنفسك انت من أهم رجالتي يا مالك وبعدين ده انا اللي المفروض افرح اني اخيرا شوفت الشخص اللي الكل بيتكلم عنه وعن كفائته في الشغل
مالك:ده الشرف ليا يا باشا والله ومتقلقش انا هشرفك.. خلينا نتكلم في الشغل شوية شحنة السلاح هتوصل بعد اسبوعين ولازم نجهز للصفقة دي كويس اوي
ادهم:انا مش عايز اي أخطاء انت عارف ان الصفقة دي أهم حاجة حاليا
مالك:ماتخفش يباشا كل حاجة هتبقى تمام
ادهم:مكافئتك هتبقى كبيرة اوي عندي لما الشغل يخلص
مالك:كتر خيرك يا باشا عن اذنك انا عشان اتأخرت
“ده أدهم المنياوي عنده ٣٤ سنة اكبر تاجر سلاح والبوليس مش عارف يمسك حاجة ضده لانه مبيسبش أثر وراه”
________________في بيت ملك__________________
“صحيت من النوم على صوت قفل الباب عرفت ان مالك جه”
مالك:انتي نايمة كدة ليه يا بنتي
ملك:كنت مستنياك انت اتأخرت كدة ليه
مالك:مفيش لفيت شوية مع صحابي ورجعت.. انا هدخل اخد شاور بقي
ملك:تمام
” دخل ياخد شاور وانا قومت اروق البيت سمعت صوت تليفون بيرن والصوت كان جاي من أوضة مالك قولت اكيد مالك سمع الصوت بس الموبايل فضل يرن لحد ما قفل وبعدين رن تاني دخلت الاوضة عشان اشوف الموبايل بس ملحقتوش وقفل وبعدها بثواني جاتله رسالة ع الواتس اتصدمت لما شوفتها… “
يتبع…..
لقراءة الفصل الثالث : اضغط هنا
لقراءة باقي فصول الاسكريبت : اضغط هنا
نرشح لك أيضاً رواية حين التقينا للكاتبة شيماء جمعة