رواية شغف الغرام الفصل الحادي عشر 11 بقلم همس كاتبة

رواية شغف الغرام الفصل الحادي عشر 11 بقلم همس كاتبة

رواية شغف الغرام البارت الحادي عشر

رواية شغف الغرام الجزء الحادي عشر

رواية شغف الغرام الحلقة الحادية عشر

مر اسبوعين على سفر زين و كمان شريف سافر ، غرام بدأت تتأقلم مع الوضع شوية شوية و قررت تطلق من زين
كان واقف و بيدخن بغضب
ليث : اسماء انتي ايه الي جابك مش هتسبيني بحالي بقا
اسماء بدموع : ليث انا مش قادرة اشيلك من دماغي ، انا بفكر فيك كتير اوي ، انا مش هنكر اني كنت غبية اوي المرة الي فاتت ، بس انا بجد عايزاك ، انت بقيت كل حياتي ليل نهار بفكر فيك ، انا بحبك
ليث بصدمة : نعم ؟
اسماء بدموع : ايوة بحبك ، لما سألت غرام عليك قالت بتحب بنت تانية و هتتجوزها و انا استنتجت ان البنت دي هند ، انت اكيد مش بتحبها مش كدة ؟
ليث فتح عنيه بدهشة وقال : هند ! هند مين الي احبها ، وبعدين انتي اكيد بتكدبي غرام لا يمكن تقول كدة …..استني استني هند صاحبة غرام ، يا انهار اسود دول مزبطين الحكاية بقا
اسماء بفرح : يعني انت مش بتحبها ؟
ليث بغضب : انا لا بحبها و لا بحبك و لا بطيقكم انتو الاتنين غوري من وشي يا شيخة
دفعها و ذهب الى حديقة البيت وجد هند تسقي الزرع
ليث بغضب : انتي فاكرة اني ممكن ابصلك يا هند
هند بصدمة : في ايييه ؟

ليث بجنون : بقولك ايه يا بت انتي ، انتي من ساعة ما شوفتني و انتي بتجري ورايا ، و انا عامل نفسي مش واخد بالي ، بطلي الحركات دي عشان انا مستحيل ابص لوحدة شبهك
هند بدموع : ييه في ايه بس انت يه بتكيمني كدة
ليث بغضب : انتي مش شايفة شكلك عامل ازاي ؟ عمالة تتفقي مع غرام انك توقعيني في شباكك فاكرة اني هتجوزك مثلا ، بصي لنفسك للمراية بصي للبس بتاعك ده شبه اولاد الشوارع ولا نضارتك كعب الكوباية دي و لا شعرك المنكوش بصي لنفسك ده حتى لسانك اعوج ، فاكرة اني ممكن اسيب كل المزز الي عرفتها و بالاخر اتجوزك انتي ؟ و افرضي لو ده حصل ، هخلف عيال متخلفين شبهك ؟ ولا اقولهم ايه لما يشوفو امهم بالمنظر ده ؟ وياترى بقا هتعرفي تهمتمي بيهم و انتي مش عارفة تهمتي بنفسك ؟ انا اصلا مش بطيق ابص بوشك ، بطلي الحركات دي يهند مش لايقة عليكي و متأمليش نفسك كتير عشان انا مش هتجوز بنت شغالة عندنا و كمان غبية و متخلفة
كانت هند تنظر له بصدمة و دموع وهو نظر لدموعها شوية و بعدين ذهب من امامها
بعد وقت
كانت غرام و ملاك و هند قاعدين على البلكونة في اوضة غرام
ملاك بدموع : اهو كلنا شربنا من نفس الكاس ، انا ضيعت سنين عمري و انا بقول معتز ليا و هيحبني اكيد مستحيل اقدر احب غيره معتز الي عشقته طول عمري و متأكدة انه نصيبي ، فاضل كام يوم و يتجوز و الانيل من كدة هيتجوز وحدة كانت بيوم من الايام صاحبتي ، ليه كدة يا معتز ؟ لييه ؟ حرقت قلبي لا انا قادرة انسا حبك و لا قادرة اشوفك مع غيري
هند بدموع : اقول ايه انا ؟ انا الي كدبت كدبة طول السنين دي لحد ما صدقتها ، بقيت اشوف نفسي عبيطة بجد عشان اقدر احمي نفسي كل السنين دي كنت بسمع كلام بيجرحني اوي بس مش بتفرق ، بس لما حبيت بقت تفرق كتير ، الجرح بقا اكبر ، انا كنت بسمع كلام و تنمر من كل الناس الي حواليا و اتقالتلي بوشي انتي وحشة و مفيش حد هيحبك بس كنت بقوي نفسي لكن دلوقتي انا سمعت كلام من حد قلبي حبه وقفل عليه ، هو انا وحشة بجد ؟ انا عمري ما جربت الحب قبل كدة ، مكنتش عارفة انه نار ابويا اهون مليون مرة من نار الحب ، انا لو كنت اعرف اني هتوجع كدة مكنتش هفكر احب حد بحياتي كلها ، هم الرجالة كدة ما يهمهمش غير وحدة تكون حلوة و لابسة فستان مفتوح و شعرها سايب هو ده الي يعجبهم مش بيشوفو هي ايه من جوة ، دايما بتهمهم المظاهر

غرام بضحكة وجع : طب انتو و اكتشفتو الحكاية من اول الطريق ، طب انا ايه ؟ انا الي اتخطبت اول مرة غصب عني و طلبت من العريس يهرب و يتجوز حبيبته ، و جدي عمل ايه بالمقابل ؟ طلب من زين يكتب عليا من غير ما يعملي كرامة و اتخطبت ليه كمان ، سنتين ، سنتين بحالهم و انا اتخيل اليوم الي هيجي و يقولي حقك عليا ، سنتين وانا بصبر نفسي و لا انا طايلة ابيض ولا اسود ، بعد كدة لاقيته رجع تاني عشان يتجوزني و بالغصب كمان ، لما عشت معاه قولت ياااااه اهو ده العوض الي كنت مستنياه من زمان ، حبيته و حبيت حياتي معاه قولت كفاية حزن لغاية كدة ، اخيرا الدنيا ضحكتلي ، مكنتش عارفة انه ماشي بالشمال فجأة لاقيت وحدة داخلة عليا بتقولي انا حامل من جوزك ، واهو جوزي الي حبيته محبنيش و راح لست تانية و هيخلف منها و اكيد هيتجوزها و بالاخر انا الطرف الخسران رغم كل ده مش قادرة اصدق ان زين ممكن يعمل كدة ،انا تعبت ، تعبت وانا بصبر نفسي ع الفاضي ، حتى شريف اخويا سابني هو كمان و سافر ، مبقاش ليا حد انا فعلا بقيت كرت محرق في حياتهم بيحسسوني اني مليش قيمة و انا ساكته كل ده عشان خاطر جدي رغم اني اقدر اعمل حجات كتير و دلوقتي مستنية ورقة طلاقي ، ليه كدة ؟ انا عملت ايه بحياتي ؟ كل ده عشان ايه ؟ انا معملتش حاجة تستاهل وجع قلبي ده
ملاك بدموع : احنا كلنا كرامتنا اتمرمطت كل ده تحت مسمى الحب و الكلام الفارغ ده ، احنا ضيعنا نفسنا عشان علاقات ما تستاهلش حاجة ، انا طول عمري عايشة دور البنت الطيبة و الغلبانة وده السبب في كل الي بيحصلي
كانت تستمع لهم و قلبها بيتقطع عليهم هي كمان عاشت الي عاشوه ، كل وحدة فيهم اتوجعت و اتقهرت خرجت للبلكونة هي كمان
رباب بدموع : انا سمعت حديثكم من غير ما اقصد بس عايزة اقولكم على حاجة هم الرجالة كدة يبنات ، مش بيسيبو بنت الا ويكسرو قلبها ، انتو عارفين انا من تلاتين سنة كنت مكانكم كدة كنت لسا صغيرة مكنتش اعرف ايه يعني حب لغاية ما حبيت واحد من العيلة بس ايه لاقيت نفسي متجوزة من راجل ظالم و على ايدي عيل ، مكنتش قادرة اتخيل ان ده هو نفسه الي حبيته ، كان بيضربني و يذلني و عملني خدامة لامه ، كلنا اتوجعنا و قلوبنا اتكسرت ، انا عايزاكم تبقو اقوى من كدة. دافعو عن حبكم ، انتي يا ملاك معتز لو اتجوز فرح هيدمر نفسه اصل فرح زي امها حاولي تحببيه فيكي ، وانتي يا هند كفاية الدور الي انتي عايشاه ، اظهري على طبيعتك و عيشي حياتك ، وانتي يا غرام خليكي واثقة بجوزك زين مالوش بالعوج انا الي مربياه و انتي قولتي البيت ده مش بيربي اي كلام ، الدنيا مش راجل يبنات عيشو حياتكم و اتبسطو و اوعو تدوسو على نفسكم عشان الحب بس برضو دافعو عن حبكم وقبل كدة اتأكدو من انه الشخص الصح

حضنت رباب ملاك و غرام و هند و التلاتة قعدو يعيطو
مسحت رباب دموعها وقالت : كفاياكو عياط بقا انا عندي شغل
في اوضة فرح
كانت قاعدة سرحانة فجأة الباب خبط
فرح : ادخل
دلفت سلام
سلام : ممكن اتكلم معاكي ؟
فرح بحدة : عايزة ايه
سلام قربت من فرح وقعدت مقابلها وقالت : انا عارفة انك مش مبسوطة و الوضع ده كله مش عاجبك بس كل ده ما يغيرش حقيقة اني اختك و ممكن اكون صاحبتك لو عايزة ، فرح انا طول عمري عايشة لوحدي مليش اخوات ولا صحاب و فجأة ظهرتي انتي ، فرحت اوي ان بقا عندي اخت كبيرة ، فرح انا بحبك اوي و كان نفسي اوي تحبيني و تعتبريني اختك
فرح : ومين قالك اني مش بحبك ؟ انتي اختي يا سلام و دي حقيقة صحيح انا لسا مش متقبلاها بس انتي اختي و اكيد انا بحبك
سلام بسعادة : بجد يعني انتي بتحبيني بجد؟
فرح بابتسامة و دموع : اكيد ، انتي عارفة انا كمان معنديش صحاب خالص ، كل صحابي كانو بيصاحبوني مصلحة ، مكانش ليا الا غرام و ملاك كنت بحبهم اوي بس حصلت ظروف دمرت علاقتنا
سلام : بصي هو انا صحيح صغيرة بس عايزة اقولك على حاجة ، انتي الي دمرتي علاقتك فيهم ، غرام و ملاك مش بيكرهوكي بس انتي غلطتي معاهم ، فرح لو بتحبيني بجد بطلي تغلطي مع الناس ، حببي الكل فيكي و اعمليلك صحاب ، ده حتى معتز انتي مش بتحبيه

فرح بدموع : عندك حق ، انا دخلت حياتهم كلهم بوظتها ، كلنا كنا عارفين من زمان ان غرام لزين و زين ليها من ايام ما كنا اطفال ، و انا كنت اعرف ان ملاك بتحب معتز بس بغبائي عملت مشاكل كتير في حياتهم ، حتى شريف انا بوظتله حياته كلها و بقا مقعد بسببي ، انتي عارفة انا امي ربتني كدة ، ربتني ابص لحياة غيري دايما ، كانت بتقارني بغرام على طول لدرجة انها كانت بتقولي انتي ليه تخينة كدة بصي لغرام وسطها مرسوم رسم ، لغاية ما بقا عندي اكتئاب و بطلت اكل خالص و لما خسيت اوي قالتلي ليه انتي رفيعة اوي كدة بصي لغرام جسمها ملفوف لف و حلو ، ربنا يسامحها بالي عملته بيا
سلام : فرح حاولي تصلحي من نفسك عشان خاطري ، صدقيني الكل هنا بيحبك بس انتي حاولي تكوني ايجابية و تصالحي مع نفسك
فرح بابتسامة : انتي بتتكلمي زي الدكاترة هههه
سلام بهزار : ايه مش لايق عليا
غرام : جدو انا عايزة اشتغل
الجد : ليه يا بنتي انا قصرت معاكي بحاجة ؟
غرام : لا يجدو انا بس كنت عايزة اشغل وقتي و اعمل حاجة مفيدة عايزة افتح مشروع تجارة الكترونية
الجد : انا مفهمش اي حاجة بالكلام ده ، عندك معتز خبير بالحجات دي هو هيزبطلك الدنيا
غرام بسعادة : اوك يجدو
معتز بابتسامة : و بتفكري تفتحي مشروع ايه ؟
غرام : بص انا كلمت وحدة اعرفها و وصيتها على شحنة بضاعة شنط و هدوم و كمان ميكاب و عايزة اعمل بيدج مخصوص عشان اسوق للمنتجات دي و يبقا الطلب اونلاين و هخزن البضاعة في مخازن عمو فريد الفاضية و انت مهمتك تكلم مندوبين مبيعات يوصلو الاوردرات للزباين
معتز : اوك بس الحكاية مش بالسهولة دي لازم اشرف على كل الخطوات الي قولتيها عشان اضمن انه ما يحصلش مشاكل
غرام بسعادة : اوك

كانت هند قاعدة في الحديقة
ليث : ممكن اتكلم معاكي
نظرت له ببرود و هزت دماغها بمعنى اه
قعد جنبها وقال بصوت مبحوح : انا اسف ، انا اول مرة اكلم حد بالطريقة البشعة دي ، صدقيني انا مش عارف ايه الي حصلي لما اسماء قالتلي كدة ، كنت متعصب انا من زين بعد ما كلمني وقالي عن مشكلة في الشغل و طلعت كل عصبيتي فيكي ، انا بجد اسف مكنتش عايز اجرحك ، صدقيني انا اكتشفت فيكي حجات اهم من الشكل و المظهر
هزت دماغها تاني ببرود شديد
ليث بصدق : هند انا عرفت ستات كتير اوي و منهم الحلوين و منهم الوحشين عرفت ستات بتجري ورا الفلوس و ستات بتجري ورا الحرام عمري ما فكرت اتجوز ابدا منا كدة كدة مبسوط وعايش حياتي فاكرة اول مرة شوفتك استغربتك جدا قولت ايه المنظر ده بس لما عرفتك بجد عرفت قد ايه انتي بنت نضيفة من جوة قلبك ابيض و حنونة و اكبر دليل على ده ان غرام حبتك جدا و غرام دي بتعرف تقرا الناس كويس انا عايزك تسامحني انا عارف اني جرحتك بس بصراحة انتي اكتر انسانة كويسة عرفتها بحياتي
سكت شوية بعدين قال : ااا ..انا..انا بحبك
نظرت له هند بصدمة : ايه ؟
ليث : مش عارف امتا و ازاي يهند بس كل الي اعرفه اني بجد بقيت عايزك معايا ، انتي عارفة لما شوفت الدموع بعينك توترت و معرفش اعمل ايه حسيت حاجة جوايا وجعتني اوي قعدت مع نفسي شوية لاقيت الدنيا كلها ضلمت بوشي انا طول عمري ميفرقش معايا حد فضلت اتسائل اشمعنا انتي قلبي وجعني لما جرحتك لغاية ما عرفن اني حبيتك
نظرت له هند مطولا و بعدين قالت : ممكن تستناني هنا شوية ؟
هز رأسه بهدوء وهي طلعت لاوضتها

طلعت بنطلون جينز و توب ابيض من الدولاب و اتجهت للمراية فكت الشعر الي هي حاطاه و سابت شعرها الاسود الناعم على اكتافها و خلعت النضارة الي كانت لابساها و شالت القطعة البلاستك من بوقها و نضفت حواجبها الغامقة فظهرت طبيعية ، لبست و ظبطت نفسها بصت للمراية بثقة كانت كأنها شخص تاني تماما بنت جميلة و لابسة حلو نزلت عن السلم بهدوء
رباب باستغراب : وه انتي مين يا بتي اول مرة اشوفك هنه
هند بابتسامة : انا هند يا طنط
رباب بصدمة و اعجاب : هند ! كنتي مخبية الجمال ده فين بس ، برافو عليكي عايزكي كده على طول
هند بابتسامة : حاضر يا طنط ، هنزل انا بقا
عند غرام كانت قاعدة في اوضتها و واضح انها تعبانة جدا
فرح بهدوء : ممكن ادخل ؟
غرام : عايزة ترمي عليا كلام تاني ؟ ولا المرة دي عايزة تشمتي تاني ؟ ولا لقيتي كلام عشان تجرحيني بيه ؟
فرح بهدوء : انتي عندك حق تكرهيني ، بس انا المرادي مش عايزة اعمل كدة ، انا جاية اعتذرلك انا غلطت بحقك كتير و انتي مأذيتنيش ، غرام انا ضايعة ومش لاقية نفسي انا تعبت من الي بعمله ، عملت كل حاجة و بالاخير من غير نتيجة
غرام باستغراب : طب في ايه بس ؟
فرح بدموع : انا بجد ضايعة مش عارفة اعيش حياتي ، غرام انا حتى مش عارفة انا بحب مين هو انا بحب زين ؟ و لا بحب معتز ؟ و لا بحب شريف ؟ مش عارفة
غرام بصدمة : شرييييف ؟؟؟ دي جديدة
فرح بدموع : غرام انا دمرت الدنيا مش لاقية الشخص الصح الي ااحبه

غرام : انتي مش لاقية نفسك ، دوري على نفسك هتلاقي الي بتحبيه بجد ، انتي عايزة زين عشان مكانته الاجتماعية و شكله و عايزة معتز عشان فلوسه و عايزة شريف عشان حنيته و كان صديقك من زمان ، انتي عايزة من كل واحد فيهم صفة معينة عشان الصفات دي مش موجودة عندك ، عايزة تعبي الفراغ و النقص الي جواكي باي حد ، صدقيني لو بصيتي لنفسك كويس هتلاقي نفسك و مش هتحتاجي لحد فيهم
فرح : تصدقي دي اول مرة حد يفهمني بجد ، انتي ازاي قدرتي تعرفي مشكلتي الي انا اصلا مش عارفاها
غرام : فرح احنا طول عمرنا كنا صحاب و انا عارفاكي من زمان ، فرح انتي دلوقتي بقا عندك اخت عارفة يعني ايه ؟ حاولي تهتمي بيها ومتشغليش بالك بالي حواليكي عيشي حياتك انتي مش حياة غيرك و صدقيني هتلاقي نفسك
ليث باستغراب : مين حضرتك ؟
هند : انا هند بشخصيتها الحقيقة
ليث بصدمة : نعممممم ؟؟؟
هند بدموع : انا زيي زي اي بنت و اقدر اعيش طبيعي ، انا مش متخلفة على فكرة ولا غبية و عبيطة انا كل ده عملته عشان اقدر احمي نفسي
ليث باستنكار : تحمي نفسك ؟ من مين ؟
هند : من اقرب الناس ليا ، ابويا ، اصل انت متعرفهوش من وانا صغيرة كان بيعذبني اوي و بيضربني ده حتى خلاني اشتغل في بيوت الناس و هو ياخد تعبي و يصرفه ع الستات و الحرام و كان بيجيب بنات ليل للبيت و قدامي و بعدين زهق مني وداني لخالتي و عشت هناك و اضطريت اعمل عبيطة كل ما بابا يشوفني عشان ما يجبرنيش اعيش معاه و اهو دلوقتي سابني و سافر ، انت عارف دور البنت العبيطة ده علمني حجات كتير اوي زي ان كلكم شبه بعض و بتدوسو على اي حاجة عشان نفسكم مش بتهتمو لو كانت الست كويسة من جوة ولا لا كل الي عايزينه هو وحدة جميلة تدلعكم مش كدة ؟

ليث : لا مش كدة يا هند ، انا قولتلك قبل كدة انا لما عرفتك فهمت حاجات كتير اوي و اهم حاجة ان الناس بالجوهر مش المظهر هند انا كنت معجب بشخصيتك من قبل و انتي بتحاسبيني على كلام قولته في لحظة غضب من ورا قلبي و مش بتهتمي لكلامي الي قولته من قلبي
هند بدموع : مش فارقة ما انت عندك حق كمان
ليث بصدق : هند انا اسف اني جرحتك بكلامي صدقيني لحظة غضب ، انا شكلك ده ما يفرقش معايا خالص لاني حبيت شخصيتك حبيت هند الطيبة و الحنونة و الي ما يهونش عليها تشوف حد زعلان
مر اسبوعين كمان
غرام فتحت المشروع بتاعها بمساعدة معتز و بقت اغلب الوقت تشتغل و معتز كان مهتم بيها بشكل كبير
ليث بيحاول يكسب هند بكل الطرق و هند بتحاول تثقل عليه بشكل كبير و مستمتعة بمحاولاته دي
ملاك بقت طول الوقت باوضتها
فرح بتقضي اغلب يومها مع سلام بتذاكرلها و تهتم بيها و بيتسلو مع بعض كتير
اما زين فهو مسافر و مفيش اي اخبار عنه و شريف كذلك
استيقظت غرام من النوم
غرام : وبعديين مع التعب ده انا مش قادرة ، لازم اروح للدكتورة
لبست وجهزت نفسها و خرجت من البيت
بعد وقت
غرام : في ايه يا دكتورة
الدكتورة خلعت نضارتهاو قالت : نتائج التحاليل ظهرت
غرام بتوتر : طيب فيها ايه ؟
الدكتورة اخذت نفس عميق و بصت لغرام وقالت : مش عارفة اقولك ايه بس……

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية شغف الغرام)