رواية طفله امتلكت النمر الفصل السابع 7 بقلم ملك شطري

رواية طفله امتلكت النمر الفصل السابع 7 بقلم ملك شطري

رواية طفله امتلكت النمر البارت السابع

رواية طفله امتلكت النمر الجزء السابع

رواية طفله امتلكت النمر الحلقة السابعة

حور بصت ل بسمه بخوف: ب بعدت من غير قصدي مكنتش شايفه ومغمضه عيني ف لما شيلت الشريط لقيت نفسي ف مكان غريب وفي اتنين ضخمين جم وخطفوني
نمر بصلها بشك: متأكده
حور برتباك: ا اه اه
نمر بشك: تمام
نمر: اطلعي خدي شاور وغيري هدومك
حور: حاضر
طلعت حور خدت شاور وغيرت هدومها ونمر قاعد بيبص ل بسمه بشك وغموض
نزلت حور وجيه معاد الغدا واتغدوا ونمر اكل حور كالعاده
بعد الغدا قعدوا شويه مع بعض بعد كده الكل طلع ينام
عند نمر كانت حور راحت ف النوم وهو بيفكر ف كلام حور انها تاهت غصب عنها
فونه رن وكان امجد المسؤل عن المخازن بتاعه الشركه
نمر: الو يا امجد
امجد: نمر بيه المخزن الي فيه الاجهزه الجديده اتحرق وقدرنا نطفي الحريق ف اسرع وقت وهما كام جهاز بس الي اتحرقوا
نمر بعصبيه: انت بتقول اي
امجد: والله يانمر بيه ده الي حصل

نمر: اقفل انا جاي حالاً
قفل نمر معاه وبص ل حور الي نايمه ببرائه
نمر حاول يصحيها براحه: حور حوري
حور بنعاس: مممم في اي ينمر
نمر ببتسامه: قومي عايز اقولك حاجه
اتعدلت حور وهي مغمضه عينها وخدودها حمرا اثار النوم وشعرها متنعكش بطريقه قمر اوي على وشها: اي يانمر الي عايزني فيه وميتأجلش للصبح
نمر ابتسم على شكلها: انا هرجع القاهره
حور: اي ده هنرجع
نمر بترقب شديد: ه هرجع انا هرجع لوحدي
حور عيطت: انت قولت مش هتسيبني لوحدي انت هتسيبني ليه دلوقتي
نمر بتراجع:لا لا والله مقصدش الي انتي فهمتيه انا بس هروح القاهره اخلص شويه شغل مهم ومينفعش تبقي معايا لاني مش هرجع البيت غير متأخر اوي وانتي بتخافي تقعدي لوحدك هتقعدي مع مين بقا انما هنا انتي هتبقي مع اسيل وماما وانا يومين بس وهاجي اخدك ونرجع على القاهره عشان اصلا الاجازه بتاعه مدرستك قربت تخلص
حور بفرحه: اي ده هو انا هروح المدرسه

نمر بفرحه ل فرحتها: طبعا
وبعد اقناع من نمر ل حور رضيت انه يمشي لوحده ويجي كمان يومين ياخدها(وياريتها مارضيت احم مش هحرقلكوا بقا🐣)
قام نمر ورن على زين الي كان ف الاوضه الي جمبهم عشان يلبس وينزلوا للقاهره وفعلا خبط على اسيل وفهمها كل حاجه
نزلوا على تحت ومعاهم اسيل وحور الي مبطلتش عياط
نمر قعد على ركبته عشان يكون نفس طولها ومسح دموعها بكف ايده: مش قولت حور حبيبه قلب نمر دموعها متنزلش ابدا طول ما انا عايش
حور بدموع حضنته: انا اتعودت على وجودك
نمر: واوعدك اني مش هتأخر عليكي
سلموا عليهم ومشيوا وطلعت اسيل وحور يكملوا نومهم وحور طبعا نامت جمب اسيل لانها مش هتعرف تنام لوحدها
تاني يوم الصبح كان وصل نمر على البيت وزين روح بيته غير نمر هدومه ل بدله رسميه وقميص اسود ونزل ركب عربيته واتجه للشركه وقابل زين قدام الشركه ودخلوا مع بعض وكان منظرهم في هيبه كبيره جدا
طلع على مكتبه ومعاه زين وطلب من دينا السكرتيره تبلغ كل الموظفين ان في اجتماع مهم جدا وخلال ربع ساعه يكونوا ف غرفه الاجتماعات
وفعلا خلال ربع ساعه كانوا كل الموظفين ف غرفه الاجتماعات دخل نمر ووراه زين وقعد على رأس الترابيزه واتكلم بعصبيه وزعيق: انا عايز الاساتذه الي مسؤلين عن المخازن دول يدوني عذر يخليهم مش مركزين ف شغلهم ل درجه ان يدخلوا بكل سهوله يحرقوا المخزن بالاجهزه الي لسه مستلمنها ها يلا عايز اسمع من كل واحد فيكم
واحد من الموظفين: يانمر بيه حضرتك عارفنا كلنا احنا عارفين قيمه الحاجات دي وانها خسرتنا فلوس كتير اوي بس حضرتك عارفنا من زمان واحنا بنشتغل عند حضرتك من زمان ومطلعتش مننا غلطه

نمر بعصبيه: ده الي هيجنني اني عارفكوا بس ده ميمنعش انكوا مش مركزين الفلوس تتعوض بأسهل طريقه لكن الي حرق المخزن مره يقدر يحرقوا التانيه طلاما حضراتكوا مش مركزين ف شغلكم لو مبقتوش قد الشغل تستقيلوا الاجتماع خلص
خرجوا كل الموظفين خوفاً من عصبيته
عند حور كانت اسيل نزلت راحت مدرستها لانها ف تالته ثانوي وسابت حور قاعده قدام التلفزيون تحت
لما بسمه شافتها قاعده لوحدها لانها عرفت من اسيل ان نمر رجع القاهره يومين عينها لمعت بخبث وراحت قعدت جمب حور الي اول ما شافتها اترعبت بمعنى الكلمه وانكمشت ف نفسها
بسمه بتمثيل: متخافيش مني ياحور انا مكانش قصدي اعمل كده انا اسفه وانا ياستي هاخدك انا وانتي ننزل نخرج وهعملك كل الي نفسك فيه بس نتصالح
حور بطيبه: اوكي موافقه
بسمه: طب قومي البسي عشان ننزل

طلعت حور تلبس وبعد وقت نزلت لقت بسمه بتتكلم ف الفون بس مسمعتش بتقول اي
خدتها بسمه وخرجوا على الطريق برا
حور: احنا رايحين فين
بسمه: ها ه هخرجك خروجه حلوه اوي
قالت ف سرها: ومش هترجعي منها ان شاء الله
كانوا ماشيين على الطريق ما بين العربيات وللأسف حور بتخاف جدا تمشي ف شارع زحمه كده وفي اصوات وعربيات كتير وكل ما كانت تمشي على جمب تزقها بسمه تمشيها ف نص الطريق
كانوا ماشيين لحد ما عربيه جت مستقصده حور ومره واحده خبطت فيها بأقسى سرعه وقوه
بسمه اول ما شافتها وقعت سايحه ف دمها وبقت تجيب دم من جميع جسمها وراسها مشيت بعيد وسابتها واقعه على الارض
وحور كانت شايفه بضوء بسيط جدا وسامعه اصوات ناس صدى صوت حواليها لحد ما الرؤيه اختفت تماماً

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية طفله امتلكت النمر)