رواية مقيدة بماضيه الفصل الثامن 8 بقلم سلمى تامر

رواية مقيدة بماضيه الفصل الثامن 8 بقلم سلمى تامر

رواية مقيدة بماضيه البارت الثامن

رواية مقيدة بماضيه الجزء الثامن

رواية مقيدة بماضيه الحلقة الثامنة

سمع صوتها وهي بتناديه بضعف
برق عنيه بصدمه ولف بسرعه وابتسم بسعادة وفرحه لما شافها باصه في عنيه ورجعت لوعيها من تاني بعد غيبوبتها الطويلة
قرب منها واتكلم بسعادة مقدرش يمنعها:
_نور !
أخيراً فوقتي…انتِ مش متخيلة انا كنت بتعذب قد ايه طول الفترة دي وانتِ فاقدة الوعي
رديت بنبرة شخص فاقد الحياه:
_فارق معاك اوي ياوليد ارجع للحياة ولا لأ
وجعه سؤالها لأنه فاهم مغزاه وان نور عارفه انه مش بيبادلها نفس المشاعر ده غير اللي عمله فيها علشان كده اتكلم بصدق ونبرة قوية :
_زي ما انا السبب في الحالة اللي انتِ وصلتلها اوعدك اني هخرجك منها

اوعدك يانور اني هصلح غلطتي وهرجعك تاني للحياة اللي حرمتك منها
ابتسمت بشحوب وبعدت عينيها عنه
_ياريته كان بالساهل ياوليد
انا فقدت الثقه في الناس كلها اولهم انت ومستحيل اصدق الكلام المعسول اللي بتقوله ليا دلوقت علشان تخفف احساسك بالذنب من ناحيتي
_عارف اني لو قعدت اقولك من هنا لبكرة ان لما اغت،صبتك مكنتش في وعيي وانك اكيد كرهتيني بس ده ميمنعش اني هفضل احاول معاكي يانور واحاول اكسب ثقتك فيا من تاني
بصتله بحيرة كبيرة وخوف اكتسبته بسبب الحادثة دي
لكن وليد بادلها النظرات بقوة ودعم
_انت بتعمل ايه هنا
بص وراه لقى ميرال اللي بتبصله بنظرات نارية
بصلها بضيق وكلمها بحدة
_انتِ كنتِ عارفه انها منتح،رتش ولسه عايشه ومقولتليش!
_علشان كنت عايزة اشوفك متعذب ياوليد
كنت حابه نظرة الضياع وتأنيب الضمير اللي كانت في عنيك وانت مفكر انك السبب في موتها
علشان كده انا خبيتها
وبصيت لنور بحده

_وانتِ
سامحتيه وقاعده بتتكلمي معاه وبتسمعيله!
انتِ نسيتي عمل فيكي ايه
لسه مصدقاه لحد دلوقت
_انتِ دمرتيها اكتر باللي عملتيه
دفنتيها بالحيا بسبب غلطه ملهاش ذنب فيها
يبقى ملكيش دعوة بيها
وغلطتي اللي عملتها انا هصلحها
بص لنور وغمض عنيه لثواني وهو بيفتكر هدى ونظراتها اللي كلها حب ليه وضحكتها المميزة اللي كان بيسرح فيها لساعات من غير ملل
طفولتهم اللي قضوها كع بعض قبل ما يعزل وينساها بسبب دراسته وعبثه والحياة الجديدة اللي اختارها
وبعدها رجعلها تاني في شبابه وكان متوقع ان حب الطفولة ده خلص لكن لما اتعامل معاها تاني اكتشف انها كانت مُحتلية جزء كبير من قلبه وواضح انه حبه ليها خالد
بص لخاتم جوازهم اللي مقلعهوش من ايده وابتسم بحزن وحنين
لكن وأد ابتسامته دي وأخد نفس واتكلم بصعوبه كبيرة وهو شايف قدامه نور اللي كان السبب في عذابها وتدميرها بسبب غلطه ارتكبها بعدم وعي
_انا عايز اتجوزك

________________________________
كانت واقفه في البلكونه سرحانه كعادتها الاخيرة وبتفكر في آخر لقاء بينهم لما نهيت كل حاجة
الدنيا بدأت تمطر جامد وبقيت برد
لكن محستش بيه بسبب جروح قلبها اللي لسه بتنز،ف
لمحت راجل وست معديين تحت بيتهم سنهم كبير وكان الراجل ماسك الجاكيد بتاعه ورافعه على عليه هو ومراته علشان يحميهم من المطر وكانوا بيضحكوا بصوت عالي ونظرات حب اي حد ممكن يلاحظها
ابتسمت بحنان عليهم ومسحت دموعها وهي بتفتكر انه كان نفسها تعيش كل ده مع وليد لكن القدر فرقهم بنجاح
اشتغلت اغنية على الراديو اللي في المخل اللي تحت بيتهم
ركزت في كلامها وابتسمت بسخريه وحزن
لأنها كانت بتوصف حالتها
“تفوت سنين واقول نسيت خلاص هواه وانا ولا بنساه
واشوف صورته بتوحشني حياتي معاه
واقول نسيت خلاص هواه وانا ولا بنساه
واشوف صورته بتوحشني حياتي معاه
عمال بتيجي في بالي وبفتكر اللي فات
والعمر يعدي قصادي ويتعاد في حكايات

واهي ذكريات”
برقت عنيها بصدمه لما لمحته واقف تحت بيتها وهو متغرق من المطر وملامحه مرهقة ومتغيرة جداً وبيبصلها بعشق وعذاب
وبعدعا مشى تاني بخطوات سريعه وكأنه ندم على مجيئه ليها
دموعها نزلت اكتر ودخلت بسرعة قفلت الشباك ومسكت مخدتها وقعدت تعيط
الباب خبط ودخل والدها بقلق وهو بيقرب منها
_مالك ياحبيبتي فيه اي
_بابا
قالتها ببكاء وهي بتترمي في حضنه
طبطب عليها بحنان وقعد جنبها
_مالك ياحبيبة بابا
_مش قادرة اعيش ، موضوع ان وليد مش في حياتي مدمرني وفي نفس الوقت مبقاش ينفع نرجع لبعض
انا حاسه انه حبة لعنة
او مرض ملهوش علاج
ولا عارفه اخلص منه ولا عارفه اعيش معاه
فهم حالتها واتكلم بهدوء وندم
_اول مره اندم على كلام قولته لما نصحتك تساعديه يتغير
المفروض كنت احط في بالي انك مش مضطرة على ده حتى لو بتحبيه

_بس انت نجحت في ده
ده بقا احسن من اللي انا عايزاه
بس الماضي بتاعه هو اللي وقف بينا
_يبقى الاحسن انك تركزي في شغلك وصلاتك وقربك لربنا اللي واثق ومتأكد انه هيرحمك من العذاب ده
وصدقيني لو ليكم لسه نصيب في بعض هتتجمعوا تاني
يمكن ده اختبار من ربنا وهيعدي
هزيت دماغها بموافقه على كلامه وباسها من دماغها وطلع من الاوضة
موبايلها رن برقم غريب
فتحت ولقيت صوت خبيث بقيت تكرهه مؤخراً واللي كان كريم وهو بيقول
_لسه مش راضيه تنسي اللي جرحك وآذاكي وتفتحي قلب للي شاريكي
اتكلمت بغضب وحدة
_واضح انك مريض بقا وهتقرفنا معاك
بقولك ايه انا رفضتك بدل المره الف بالذوق والاحترام وشكل المعامله دي مش جاية معاك
_طب اهدي اهدي متدخليش حامية علينا كده انا اصلا كنت عايز ابلغك بحاجه بخصوصه
رديت بقلق مقدرتش تمنعه

_حاجة ايه دي
_مش تباركي ل ليدو…فرحه الاسبوع اللي جاي على حبيبة القلب القديمة

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية مقيدة بماضيه)