رواية رونز قلبي الفصل الأول 1 بقلم رونز مراد

رواية رونز قلبي الفصل الأول 1 بقلم رونز مراد

رواية رونز قلبي البارت الأول

رواية رونز قلبي الجزء الأول

رواية رونز قلبي الحلقة الأولى

يعني ايه مش موافقة تقابلني؟
=والله يبني قولتلها وهي رافضة -والهانم بقى على كدا مقموصة مني للدرجادي!
=معلش يا أدهـم انت عارف دماغهـا وبعدين انت برضو مكنش ينفع تضربها قدام المجموعة كدا
-يا ست الكل هي اللي استفزتني يعني جاية متأخر ومش عاملة الواجب وكمان مش مركزة في الشرح
=امم ويا ترى بقى مكنتش مركزة ليه؟
أدهم بإرتباك وفرحة: علشان طالبة زميلتها بتاخد عندي كانت بتهزر معايا فجأة لقيتها قفلت الكتاب ولا كإني بشرح
= هي بتنهيدة وانت عارف كويس إنها بتغير عليك يبقى ليه تزعلها..الله يهديكم يبني ويصلح بينكم اصبر هدخل أحاول معاها تاني
-هو بفرحة ربنا ما يحرمنا منك أبداً يا ست الكل يغالية
هي بعياط: يعني ايه مكنش قصده يا شهد هو عارف كويس إني مش بحب البت دي وبالذات إنه قبل ما يكون خطيبي كنت عارفة إنها بتحبه
شهـد: اهدي يا رونز يحبيبي انت قولتيها بنفسك انت اللي خطيبته وبعدين برضو احنا دخلنا مش عاملين الواجب وانت عارفة إنه بيكره الإهمال
رُونز بعياط: يقوم يضربني زيي زيها لا وكمان بيزعق فيا
شهد: طب اهدي هو أكيد هيجي يصالحك
رُونز: لا مش عاو..
خبط على الباب
اتفضل يا ماما
الأم : وبعدين معاك قاعد برا متعصب كفاية كدا واطلعي اتكلم معاه واتفاهمو سوا
رونز بفرحـة: هو برا بجد؟؟؟
احم قصدي لا معلش يا ماما قوليله تعبانة أو بذاكر معلش
الأم بخبث: يبت عليا أنا طيب أروح أقوله يروح بقى
رونز بسرعة: لا لا..خ خلاص هقوم أشوفه علشان بس ضيف عندي
الأم بمكر: يبت ضيف برضو
رونز بإرتباك : أيوة طبعاً..احم اسبقيني يماما وأنا جاية
-الو يا شهد هخلص وأكلمك
شهد بضحك: الله يسهلك يعم عقبالي يارب
رونز: اكتمي يبت ويلا سلام هبقى أكلمك تاني
شهد: اشطا سلاموز متنسيش تخفي عياطك ودموعك بس يختي
رونز جهزت نفسها وطلعت
-السلام عليكم ورحمة الله وبركاته
نعم حضرتك عاوزني
أدهم: وعليكم السلام ورحمة الله وبركاته
حضرتك!؟..دا الهانم زعلانة أوي بقى؟
رونز والدموع في عينيها: لا خالص انت عملت حاجة تزعلني؟
أدهم: وانا مش ناديت عليك في آخر الحصة ومشيت ، يا رونز انت اللي استفزتيني يعني مش عاملة الواجب وكمان علشان تنرفزيني بتتكلم وتضحك مع صاحبتك بصوت عالي في مجموعة فيها شباب وانا حذرتك قبل كدا
رونز: تقوم تضربني أنا والسلعوة دي..تضرب خطيبتك وتساويني بيها
أدهم وهو بيضحك: سلعوة ايه حرام عليك يبنتي وبعدين أنا مدرسك قبل ما أكون خطيبك يا أستاذة ومقبلش بتقصير منك بالذات..من امتى وانت مش بتعمل واجبي؟
رونز بتوتر: مرة غصب عني
ادهم بجدية: لا مفيش حاجة اسمها غصب عني..ايه اللي يعطلك عن الواجب وكان باين عليك جاية خايفة ومرتبكة ليه؟
رونز بإرتباك: أصل…
أدهم بغضب: نعـم والله يا رونز شكلك هتزعلي مني جامد أوي ازاي دا حصل انطقي

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية رونز قلبي)