رواية بنت الصعيد الفصل الحادي عشر 11 بقلم رنا أحمد

رواية بنت الصعيد الفصل الحادي عشر 11 بقلم رنا أحمد

رواية بنت الصعيد البارت الحادي عشر

رواية بنت الصعيد الجزء الحادي عشر

رواية بنت الصعيد الحلقة الحادية عشر

في فيلا الجبالي..
كان الكل واقف مصدوم من الي حصل كانت بتبصله بدموع وقهره أما فهد كان بيبصله بغضب لتسرعه الغبي قرب منها بجمود .
/ايه رايك مش كده احسن بدل متنشغلي ببيت وزوج كده اريح تبقا متفرغه لانجازاتك ونجاحاتك بس بقولهالك من دلوقتي قبل ماتجيلي راكعه انتي فاشله نجاحك الوحيد انك كنتي مراتي ودي كمان فشلتي فيها .
طلع فارس علي فوق بعد مافجر القنبله في وشهم .
ادهم بغضب جحيمي وصوت عالي /فااكر انك كده دكر ي عني طب وحياه امي ي فارس مانت شايف ضفرها تاني يلا ي ست الحسن مش ده حبيب القلب اهو باعك بالرخيص يلا .
جميله بحزن شديد/بالراحه ي ادهم أن شاء الله كل حاجه هتتصلح .
ادهم بغضب وكأنه بيقولها هي الكلام ده /هو ايه الي يتصلح ها انتي شايفه طلقها ازي انتي واخوكي بتعملوا فينا كده ليه كل ده علشان بنحبكم ملعون ابو الحب الي يذل صاحبه يلا ي حياه .
خد حياه الي كانت ماشيه زي المومياء مش مصدقه الكابوس ده طلعت جميله تجري علي فوق بدموع .
ملك بدموع ومراره/شوفت ي فهد مش قولتلك فارس عنيد اهو طلقها .
فهد بغضب /ابنك غبي وصدقيني هو الي هيندم وحياه هتفضل في الشركه غصبن عنه لحد ما يرجع لعقله .
طلعله فهد بحده وغيظ .
*****************
في جناح فارس وحياه..
كان واقف فارس بضيق شديد كان بيبص لجناح بحزن شديد وكأنه مش متخيل أنها خلاص مبقتش مرائته ولا معاه خبط فهد ودخل بهدؤء مريب .
فارس بجمود /طبعا حضرتك جاي تلومني مش كده .
فهد بحده/لا مش جاي الومك انت خدت قرراك ونفذته من غير ماتعمل حساب لاي حد بس جاي اقولك أن حياه هتفضل في الشركه وهي خلاص مبقتش مراتك ي عني مش هسمحلك تتعرضلها باي شكل سامع .
فارس بحده وغيظ /حضرتك فاهم غلط هي آخرها بكره وهتجيلي هنا راكعه وتقولي أنها خلاص موافقه علي كل شروطي .
فهد بحده/غرورك ده آخرته مش حلو ي فارس انت بقيت عامل زي القفص الي حابس فيها عصفوره بس خلاص العصفوره هربت ومش هترجع لسجنك مره تانيه ي فاارس وهفكرك انك انتي الي مش هتقدر تعيش من غيرها.
فاارس بحده /أنا ابنك وحته منك انت كنت مستحيل تقبل بالي حصل أو مكاني .
فهد بحده /ايوه كنت غضبت وثورت وهديت الدنيا لكن مكنتش طلقت الكلمه دي سهله علي لسانك اوي كده اديك نطقتها وخليت الي كانت في حضنك متحرمه عليك ي خساره ي فاارس ابقا فكر بقا هترد علي خالك تقوله ليه انت بعملتك دي خلتيني لاول مره اوطي راسي قدام مراد لأن بنته كانت في حمايتي مش عارف أقوله ايه .
خرج بحده وساب فاارس غرقان في دوامه .
***************.
في جناح جميله .
كانت بتبكي بوجع ومراره قربت منها بسمه بحزن شديد.
/اهدي ي حبيبتي علشان خاطري ادهم مش قصده الي قاله هو محروق علي حياه .
جميله بدموع ووجع/أنا بيكي علي حياه أنا عارفه انها روحها فيه وهو كمان وادهم خلاص بقا شيفني عدوه ليه وانا الي مواقفه جوازنا وبيلومني ويحاسبني طول الوقت علي ده وانا مش عارفه اعمل اتقبل أنه بيغني ومعجباته الي حواليه وكله حرام في حرام ولا اسيبه وندمر احنا الاتنين بجد مش عارفه .
فرحه بحزن عميق/اهدي ي جميله احنا حياتنا اقدار محدش عارف القدر مخبي لكل واحد فينا ايه .
جميله بألم شديد /خليك معانا يارب .
******************.
في فيلا الرشيدي…
كانت واقفه رقيه بغضب جحيمي.
/طيب ي ابن فهد أنا هربيك من اول وجديد تتيلق البت كده ماشي .
مراد بحده /أنا عايز افهم ايه الي غلط فيه لما الست تعصي جوزها وتخرج من غير أذنه يبقا تستاهل
الي يجرالها .
حياه بدموع ومراره//بابا انت ازي بتقول كده ده بدل ماتوقفه عند حده وتربيه على الي عمله معايا.
مراد بحده /انتي بالذات مش عايز اسمع صوتك كفايه انك كدبتي عليهم وقولتي أنك قولتيلي وانا وافقت وده محصلش كمان بتكدبي ي ست حياه انتي ايه الي مزعلك مش كنتي عايزه تشتغلي خلاص اديكي هتشتغلي انسي فارس بقا .
رقيه بحده /بالراحه ي مراد مش كده مانت عارف ان روحها فيه .
مراد بحده /لو بتحبه فعلا متعاندش معاه كانت كلمته بالراحه وبهدؤء لكن مش كده وبعدين خلاص محدش عارف الي جاي مخبي ايه ..
**********************.
في جناح اسر ..
كان قاعد بيشتغل علي بحث مهم دخل فارس بضيق شديد ونام في سريره .
اسر باستغراب /ده اسمه ايه ده أن شاء الله.
فارس بغضب /جرا ايه يالا هنام فيه ايه.
اسر بنظره خبيثه/مش عندك جناح طويل عريض متنام فيه .
فارس بزفر وضيق /اوووف انت عارف اني بتخنق لو نمت لوحدي بحب يكون نفس حد معايا .
اسر بنظره خبيثه/لا الله الا الله مكنت بتنام في حضنها كان لازم تتبطر ي عني .
فارس بغيظ شديد/بقولك ايه يالا مش عايز اسمع صوتك واقفل الوفاه خليني انام .
اسد بابتسامه/ي حول الله يارب البيت بيت ابونا والغرب يطردونا حاضر ي سيدي وادي الاباجوره .
*******************.
في عربيه جاسم …
كان قاعد جنبيه ادهم بغيظ شديد.
جاسم بزهق /بقولك ايه يالا أنا مبحبش حرقه الدم دي والتوتر ده انا جيبتك معايا وانا رايح اصور الغلاف ده علشان تفك كده هتفضل تخبطلي وتاكل في نفسك هرميك من هنا .
ادهم بغيظ شديد/ي اخي ايه البرود الي انت فيه ده ايه ي اخي ده اخوك طلق مرائته الي بينت خالك وعمتك وحياتهم بتتدمر وانت ولا سال .
جاسم ببرود طاغي/علشان عارف الي فيه أنهم بيعشقوا بعض وهيرجعوا لبعض في اقرب وقت وهتشوفوا .
ادهم بحده /مين دول الي يرجعوا لبعض ده بعده ده انا اخليه يلف كده حوالينا نفسه زي الكلب علشان ترضاه عنه بس .
جاسم بغيظ شديد/بقولك ايه ي روح امك اتكلم عدل متنساش أنه اخويا وبعدين بقا علشان منحورش علي بعض اختك غلطانه الست لازم تكون طوع جوزها وهي حياه غلبانه انت وخالك الي ولعتوها ي عندك أنا مثلا لما اتجوز صوتها كده اسمه بالعافيه من احترمها ست تعلي صوتها علي راجل ده كلام ده انت هتشوف أنا هبقا مسيطر سيطره.
بص ادهم بصدمه للبنت الي قاعده وحواليها اقفاص خضار وفاكهه اتكلم باستغراب .
/ايه ده احنا داخلنا السوق ولا ايه ي عني مش ده المكان الي هتصور فيه الغلاف.
جاسم بصدمه /ايوه هو ايه ده .
نزل بغضب وقف قدامها بحده .
/انتي ي بنت انتي وبتعملي ايه هنا .
كريمه بغيظ شديد/بت لما تبتك ي جدع انت أنا كريمه .
جاسم بغيظ شديد/ي سلام وايه الفخر ده امال لو اسمك نانسي كنتي عملتي ايه انتي مين وبتعملي ايه هنا .
كريمه بغرور وثقه/أنا كريمه بنت الحاج جابر ابن عباس.
جاسم بغيظ شديد/وانا مالي بكل ده هو أنا هطالعلك بطاقه انتي بتعملي ايه في المكان .
كريمه بغيظ شديد/هو البعيد عبيط ولا ايه انت مش شايف البضاعه هكون بعمل ايه بعمل شااي أنا بشتغل بياعه خضار وجايه اقلب رزقي .
جاسم بغيظ شديد/ده ايه الغباء ده جايه تبيعي في مكان متظبط ومتزوق زي ده ليه ي اختي مستنين الاميره ديانا بقولك ايه ي بت انتي شيلي الزباله دي خليني اشوف شغلي .
كريمه بغيظ شديد/لا بقولك ايه بقصتك دي أنا مش متحركه من هنا غير لما ابيع البضاعه وخليك بقا كده ولا اعمل حاجه خليتي أفرج عليك خلقه وانا شرشوحه فاهم ولا لا روح جاتك نيله وانت عامل زي الجزره بشراشيبها كده .
ادهم بضحك /هههههه لا فعلا مسيطر هههه .
*****************.
في كليه التربيه..
كانت داخله جميله المدرج فجاه وقفها الدكتور حمزه بابتسامه .
/صباح الخير ي جميله .
جميله باستحياء وهي باصه في الأرض /الحمد لله ي دكتور .
حمزه بابتسامه /ماشاء الله عليكي ي جميله مبروك عليكي النقاب فرحتلك جدا .
جميله بابتسامه/شكرا جدا ي دكتور علي فكره انا نويت ادخل باذن الله الاختبار الجاي .
حمزه بابتسامه اعجاب /كويس جدا ايوه كده انا عايز اشوف حماس منك .
جميله بابتسامه/اوعدك ي دكتور أن هعوض كل الي فات عن اذن حضرتك .
حمزه بابتسامه وهمس /اه ي جميله مش عايز غيرك من الدنيا احنا زي مانكون واحد بس أنا هعمل المستحيل علشان نكون مع بعض .
*******************.
في شركه الرشيدي .
في مكتب فهد ..
كان قاعد فهد بيمضي بعض الأوراق دخلت حياه بحزن وتعب .
/حضرتك طلبتني .
فهد بابتسامه/طول ماحنا لوحدنا شيلي التكليف قوليلي عامله ايه.
حياه بقوه وثبات /الحمد لله ي خالي اطمن مش هموت أنا قويه والمره دي مش هعمل زي كل مره فارس زودها اووي وكل ده ليه علشان بقا ضامن اني في أيده بس خلاص انا قررت اطير من سجنه ده .
فهد بابتسامه/أنا معاكي في أي حاجه بس خليكي عارفه أنه بيموت فيكي وانتي كمان فاهمه .
حياه بدموع ومراره/فاهمه ي خالي .
فهد بابتسامه/جهزي نفسك للحفله بليل دي اهم حفله بالنسبه الي الصفقه دي كنت مستنيها .
حياه بابتسامه باهته /أن شاء الله ي خالي .
**********************.
علي شاطئ البحر…
كانوا قاعدين اسر وفرحه .
فرحه بابتسامه /عامل ايه ي حبيبي .
اسر بابتسامه ساحره/يلهووي بسمعها منك بتوه .
فرحه بابتسامه عاشقه/امتا بقا نتجوز واعيش معاك في بيت واحد ي اسر.
اسر بابتسامه/أنا آسف ي روحي أنا عارف ان أنا السبب في كل ده بس دي امنيتي أنا مش عايز اخد قرش من ابويا أنا عايز بيتي اكون انا الي مسؤؤل عنه اتمنا ي روحي أنه ده ميديكيش.
فرحه بابتسامه وسعاده/اضايق من ايه ي حبيبي ده انت رجلي الي طول عمري بتمناه كل يوم بحبك اكتر من الي قبله .
اسر بابتسامه عاشقه/وانا بعشقك ي روحي يلا علشان نجهز الحفله احنا مش قد غضب فهد بااشا .
********************.
في الاداره ..
في مكتب فاارس..
كان قاعد ومرجع رأسه للوراء ومغمض عنيه بتعب فجاه دخلت شاكي وحطت ايديها علي جبينه وهي بتحركها واتكلمت برومانسيه .
/دماغك مصدعه جامد مالك ي فارس .
فارس بابتسامه ساحره/ايه ريحه البرفيوم دي .
شاكي بابتسامه ساحره/ايه عجبتك .
فارس بابتسامه/أوووي .
شاكي بابتسامه وحنان /قولي بقا مالك فيك ايه انت مش مظبوط .
فارس بسخريه /ابدا شويه مشاكل بس ده العادي بقولك ايه ماتيجي تروحي معايا حفله فهد باشا .
شاكي بابتسامه خبيثه/لا ي سيدي مراتك مجنونه أنا مش قد غضبها .
فارس ببرود /مراتي خلاص بقا عندها اهتمامات أخري المهم معايا ولا لا.
شاكي بابتسامه وسعاده/طبعا معاك ي كبير .
******************.
في فيلا الرشيدي…
كانت واقفه حياه وهي لابسه فستان احمر مثير جدا كانت تهبل اي حد يشوفها من جمالها .
رقيه بابتسامه/ايه الحلاوه دي ي حياه قمر منور .
حياه بقوه وثبات /لاول مره احس نفسي فعلا حلوه مش كان بيتحكم بس في البس حتي في النفس الي بتنفسه واخيرا بقت عايشه حره .
ادهم بابتسامه وتصفير بإعجاب /اوباااا ايه الحلاوه دي يخربيت عقلك ده صاحبك هيتجنن يلا ي عسل .
*******************.
في الحفله ….
كان الكل متجمع علي سفره واحده ومعاهم شاكي شاكي ظابط برتبه رائد وزميله فارس والكل يعرفها ومتقبل صداقتهم طبعا الا حياه فجاه أنصدم فارس من منظر حياه والدم غلي في عروقه بالذات لما قرب منها زميل ليها في الشركه وطلبها من ادهم للرقص وادهم وافق وهو بيبص بخبث ل فارس الي الغيره مش قادر يداريها .
اسر بخوف وهمس /دي باينها هتقلب ضلمه ربنا يستر.
فرحه بابتسامه وهمس /بصراحه لو ولع في المكان كله هيبقي عنده حق انت مش شايف البت بصراحه قمر.
بسمه بابتسامه وهمس /ده فارس هيولع الدنيا .
جاسم ببرود طاغي وهو ينفخ سيجارته /ي ترا البت دي هلاقيها في نفس المكان ولا ادور عليها في سوق الجمعه اكيد هقدر اوصلها .
جميله قربت من ادهم بغيظ شديد/عجبك الي بيحصل ده طبعا انت الي كبرتها في دماغها ده منظر بذمتك .
ادهم بقوه وثبات/ايه المشكله بترقص مع زميلها ما اخوكي مع الست اشكي اهيه ولا هو حرام علي اختي بس سبيها في حالها كفايه الي اخوكي عمله فيها .
جميله بغيظ وقسوه /صح وانا بتكلم معاك ليه انت واحد مغني كل يوم الي الحال ده دمك بقا فيه مياه ساقعه لما تقبل علي اختك كده للاسف ي ادهم انت نزلت من نظري .
***************.
علي سفره فهد وعائلته .
كان قد وصل الحال الي ذلك للحد وأصبح الصبر لا وجود له لينقض عليهم بغيره وغضب ليلكم زميلها بغضب جحيمي لتتحدث حياه بحده وغيظ .
/انت اتجننت ايه الي بتعمله ده .
بس رد فارس كان غير متوقع صفعه قويه نزلت علي وشها مسكها من شعرها بغضب جحيمي وغيره قتلاه .
/أنا صحيح مبقتش جوزك لكن أنا ابن خالك وراجل أوووي حالا مشفش وشك هنا بدل قسما بالله هاضربك بالجزمه قدام الناس دي كلها فااهمه ..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت الصعيد)