رواية عروس الالفا (الهجينة 2) الفصل السادس والعشرون 26 بقلم ماهي أحمد
رواية عروس الالفا (الهجينة 2) الفصل السادس والعشرون 26 بقلم ماهي أحمد
رواية عروس الالفا (الهجينة 2) البارت السادس والعشرون
رواية عروس الالفا (الهجينة 2) الجزء السادس والعشرون
رواية عروس الالفا (الهجينة 2) الحلقة السادسة والعشرون
زهره : معقول انتي الخاله
حكيمه : فك اللعنه رجعني زي ما كنت يازهره ..
ياسين : غريبه مش مستغربه اني معاهم
الخاله حكيمه : استغرب من ايه ياياسين .. انا كنت عارفه انك هترجع تحن للي من د/ مك خللي بالك من اللي من
د/مك ياياسين وانا هاجي ومعايا العلاج بأسرع وقت
( ياسين باستغراب وهو مش فاهم )
ياسين : تقصدي مين باللي من د/مي
الخاله : باخوك علي ..علي اخوك هو اللي من د/مك ياولدي
( وهو مصدوم ومش فاهم )
ياسين : علي .. أخويا
ياسين : انتي بتقولي ايه ؟
الخاله حكيمه : زي ما سمعت ياياسين ؟
(ضيق عنيه بعدم فهم وهو مش قادر يستوعب اللي بتقوله )
ياسين : اللاه .. انتي صغرتي وخرفتي ولا ايه ياخاله
( زهره مابقيتش فاهمه زيها زي ياسين )
زهره : اي اللي بتقوليه ده ياخاله حكيمه
الخاله حكيمه : زي ما بقولك يازهره وياريت ماضيعووش وقت .. الوقت كل ما بيعدي بنخسر اكتر واكتر
انا جيالكم في اسرع وقت
ياسين : استني هنا انتي رايحه فين انا مش هسيبك الا لما اعرف منك كل حاجه
الخاله : ماتستعجلش ياولدي هتعرف كل حاجه بأوان
ياسين : ولدگ .. ولدگ مين ده انا بقيت ابوكي
( ضحكت ابتسامه سخريه بجانب شفايفها وهزت راسها شمال ويمين )
الخاله : مافيش فايده فيگ عمرگ ما هتتغير رجعت ياسين بتاع زمان قبل ما ياخدگ الضبع ويحطگ تحت جناحه
ياسين : اي الكلام اللي عامل زي فوازير رمضان ده وعايز حد يحله
الخاله : ما انا هاجي عشان احله
( شاورت براسها لورا على شريف وولاء )
الخاله : البت والواد دوول لازمآ ييجوا معايا
( عز شد الفون من ياسين )
عز : انتي بتقولي ايه .. لاء طبعا انا مجنو/ن اجيبهم هنا انتي عايزاهم يمو/توا
الخاله : المو/ت هينبش وراهم وريحتهم بقت في المزرعه واللي في المزرعه مش هيسيبوهم الا لما يقطعو/هم بسنانهم
عشان عرفوا سرهم قبل الأوان
انت حر والاختيار ليگ ياسيبهم لوحديهم ياييجوا معايا
( عز استغرب وضم حواجبه بعدم فهم )
عز : بس المزرعه مكانش فيها حد
( حاول يداري على الكلام )
داغر : يبقى ماتسيبهمش لوحدهم ولازم ييجوا معاكي ياخاله
( الخاله قفلت الفون وادته لشريف )
الخاله : جهزوا نفسكم هتيجوا معايا
( شريف وولاء بصوا لبعض وهما مش فاهمين حاجه )
شريف : لو ماجيناش معاكي ايه اللي ممكن يحصلنا
الخاله : زي ما سمعت
شريف : طيب واعمالنا واشغالنا هنا
الخاله : لا هتعمل ولا تستغل لو موت
( بخ/وف وهي مش قادره تستوعب)
ولاء : طيب وهي الكائنات دي هتوصلنا ازاي انتي مش
مو/تيها
(شاورت براسها بزهق )
الخاله : ما/توا بس في غيرهم عايشين
( عم حسين جه وشاف الق/لق اللي باين على وش ولاء وشريف )
عم حسين : شايف وشك لونه مخطو/ف ياشريف مالك فيك ايه يابني
(الخاله حكيمه بصت لعم حسين وراها )
الخاله حكيمه : أي حد عايش اهنه يمشي فورآ لحد ما يزهقوا من التدوير عليكم ده لسلامتكم انتوا وياريت تحضروا نفسكم السفر كمان ساعات
( خاله حكيمه في لحظه مكانتش موجوده وعم حسين بقى مستغرب سرعتها دي )
شريف : عم حسين ياريت ترجع بلدك النهارده
عم حسين : في ايه يابني فاهمني ومين الست دي
( هز راسه شمال ويمين حاجه بسيطه )
شريف : والله ما انا فاهم حاجه بس حاسس اني لازم امشي وراها اسمع اللي بقولهولك ياعم حسين خد محمود وروحوا البلد وماتقلقش مرتبك ماشي زي ما هو لحد ما نرجع انا وعز من السفر
( شريف ساب ولاء وعم حسين وجه يمشي ولاء وقفته )
ولاء : انت رايح فين
شريف : انتي ماسمعتيش لازم نجهز نفسنا وياريت تطلعي ترتاحي شويه انتي كمان
ولاء : بس انا مش تعبانه عشان ارتاح
شريف : بس انا بقى تعبان ومحتاج ارتاح
ولاء : سلامتك مالك
شريف : مافيش شويه صداع مش اكتر
ولاء : سلامتك يارب انا
شريف : امين يارب
( شريف سابها وطلع وولاء وقفت مكانها وبوقها مفتوح ومبرقه وهي مش مصدقه انه قلها كده )
______________( بقلمي ماهي احمد )_______________
( عز بص لداغر)
عز: احنا لازم نرجع المستشفي
داغر : انا كمان قلقان على هدير ومش عارف ازاي سيبتها حتى لو مااتكتبلهاش على خروج على الاقل افضل معاها النهارده
( عز وداغر رجعوا المستشفى مره تانيه و هدير كانت نايمه على السرير ومتعلقلها المحاليل داغر دخل هو وعز لقوا غرام نايمه على الكرسي وواخده غدير الطفله في حضنها )
( بهمس عشان مايصحيش الطفله )
عز : غرام .. غرام اصحي
( فتحت عنيها بالعافيه وهي مش قادره بتبص لاقيته عز )
غرام : عز هي الساعه كام دلوقتي
عز : احنا لسه الفجر
( بيفتحلها ايديه وبيشاور على الطفله )
عز : هاتي الطفله بالراحه عشان ماتصحاش
( ادته غدير بالراحه اوي واخدها في حضنه وغرام بقت بتحاول تفك جسمها اللي اتكسر من كتر النومه على الكرسي )
غرام : هي الساعه كام دلوقتي
عز : قربنا على الفجر
غرام : وايه اللي جابكم بدري كده
( لف وشه لورا وبص على داغر )
عز : مش قادر يستنى للصبح عشان كده اجبرني نيجي دلوقتي
( غرام ابتسمت واتكلمت بصوت واطي )
غرام : ودخلته المستشفى ازاي
عز : ودي محتاجه سؤال من الشباك طبعآ
( مسك الطفله وهي في حضنه بأيد ومد ايده التانيه لغرام )
عز : تعالي في اوضه جنبنا مافيهاش مرضى وفيها سرير فاضي سيبي داغر مع هدير لوحدهم
( شاورت براسها من فوق لتحت لعز وبصت وراها لداغر اللي كان واقف جنب هدير واتكلمت بصوت واطي جدآ )
غرام : ماتقلقش هتبقى كويسه .. هدير قويه
( شاورلها براسه من فوق لتحت بابتسامه بسيطه )
داغر : شكرآ على كل حاجه ياغرام
غرام : ماتقولش كده هدير زي اختي واكتر كمان
( عز اخد غرام وطلعوا من الاوضه بالراحه جدا وقفلوا الباب وراهم ودخلوا الاوضه اللي جنبهم عز حط الطفله بالراحه اوي على السرير وغطاها )
غرام : طيب ولو جت ممرضه دلوقتي وشافتنا هنعمل ايه ؟
( هز كتفه حاجه بسيطه )
عز : ماتقلقيش لسه كانوا بيمروا من شويه على بقيت الاوض ومش هيمروا الا في وقت الشيفت بتاعهم
( قعدت على الكرسي اللي قدام السرير وابتسمت ابتسامه بسيطه )
غرام : ياااه ده انت واخد بالك من كل حاجه بقى
عز : مش كل حاجه بالظبط
غرام : مممم تقصد أيه ؟ النظره دي انا عارفاهه كويس
( قعد قدامها على السرير جنب الطفله)
عز : نظره ايه ؟
غرام : نظره ان في حاجه مخبيها عني وعايز تقولها
( اتعدل في قعدته وبصلها )
عز : انتي بقيتي حفظاني اوي كده
( قامت من على الكرسي وقعدت على السرير قدامه )
غرام : اقولك على حاجه ياعز
( غمض عنيه وشاور براسه من فوق لتحت حاجه بسيطه بمعنى قولي )
( اتنهدت وهزت كتفها )
عز : انا بقرا الكلام في عنيك قبل ما تقولوا ببص في عنيك واعرف انت عايز تقول ايه ؟
( استغرب وضم حواجبه وهو بيبصلها فهمته وابتسمت )
غرام : طبعا مش ببقى عارفه انت هتقول ايه بالمعنى الحرفي بس زي دلوقتي بنظرتك دي ..
( ضمت شفايفها )
مممممم يعني انا فهمت من نظرتك دي انك مش مصدق كلامي
( عز ابتسم حاجه بسيطه ورفع حاجبه الشمال وهو مضيق عنيه حاجه بسيطه )
غرام : بالظبط زي النظره دي بتقول ان في حاجه عايز تقولها بس متردد
( قربت منه اكتر وبقى وشها في وشه .. رفعت ايدها ولمست خده وبكل حنيه وهي بتبص في عنيه )
غرام : عايز تقول ايه ياعز .. انا سمعاك
( عز ابتسم ورفع ايديه ومرر صوابعه مابين خصلات شعرها وهو بيبصلها في عنيها بكل حب )
عز : ولاء وشريف جايين بيت داغر النهارده يعني كمان شويه
( غرام كانت بتبتسم لعز انمحت ابتسامتها بالبطىء وابتدت نظرات الحب تتبدل لنظرات غيظ مره واحده قامت ووقفت قدامه وقالت بصوت عالي )
غرام : نننننننننننننعم
________________( بقلمي ماهي احمد )_____________
( داغر جاب كرسي وقعد جنب هدير وهي نايمه وبقى يمرر ايديه على خصلات شعرها بالراحه اوي كانت نايمه ومغمضه عنيها ومتعلق في أيديها محاليل كانت شبه الملاك النائم )
( شال ايديه من على خصلات شعرها ورفع ايديه الاتنين وبقى يحسس على ملامحها بكل حنيه وافتكر اول مره دخلت عنده البيت ومسك وشها بعن/ف وبقى يحسس على ملامحها بكل عصب/يه وبر/ود
عشان يكون صوره لملامحها في خياله داغر الوحش مابيسمحش لحد يقعد في بيته الا لما يكون عارف ملامحه افتكر صوت دقات قلبها ونفسها اللي كان طالع نازل من كتر الخو/ف منه غمض عنيه وهو مخنو/ق من اللي كان بيعملوا معاها نزل بأيديه بالراحه وبقى يحسس على بطنها اللي شايله أبنه وبقى بيسمع دقات قلب الصغنن اللي جواها
وبقى بيفتكر أول مره يشيلها عشان يخيطلها جر/حها
والعذ/اب اللي اتعذ/بته وهي معاه لمجرد انها مكانتش بتسمع كلامه ولما حاولت تهرب حط راسها في برميل مايه ساقع متلج قبض على أيديه وهو ضميره بيأنبه ليه يعمل كده في واحده ضعيفه كل ذن/بها انها دخلت بيته عشان تتحامى فيه حس مره واحده انه مش جدير بيها وكتير جه عليها
وهي ماتستاهلش كده بقى بيتكلم بصوت وهو مضا/يق جدا من نفسه )
داغر : انتي تع/ بتي معايا كتير اوي ياهدير .. من لحظه دخولگ بيتي لحد دلوقتي ماشوفتيش معايا يوم خير ويمكن أيامنا اللي بخير تتعد على الصوابع وأيامنا اللي مافيهاش خير مالهاش عدد .. ساعات بحس إني مش جدير بيگي .. أوقات بحس انگ حاجه كبيره انا ماستهلهاش
( سكت لثواني ورفع راسه لفوق وبص للسقف وبيكلم ربنا )
داغر : رغم كترت ذنوبي حاسس انگ بعتهالي عشان تعوضني عن كل اللي شوفته في حياتي .. وعن حرماني .. وفقداني لبصري .. زي ما تكون بتقولي خد فرصه تانيه عشان اعيش عشانها واعيش حياتي من جديد .. بس .. بس هي أيه ذنبها تعيش مع واحد زيي كل حياته مشاكل وخطر جاف مابيعرفش يظهر للي بيحبه قد ايه هو فارق معاه .. اي ذنبها تعيش حيآآه مش عاديه زي بقيت البنات مع أنها أجمل ؤاحسن من البنات كلهم دي هي ستهم .. عدم استقرار وأمان وهي ماتستاهلش كده .. عملتي اي غلط في حياتك عشان تحبي واحد زيي ياهدير
( داغر الوحش من كتر قله حيلته وضعفه قدام انه كان ممكن يفقدها في لحظه اتجه للي لا يغفل ولا ينام )
داغر : يااااارب .. انا لو فضلت احمدگ طول عمري عشان مجرلهاش حاجه وهتبقى كويسه مش هيكفي ولا يوفي الف حمد وألف شكر ليگ يارب .. خليهالي واحفظهالي انا معنديش غيرها ومش عايز غيرها قلبي مادقش في يوم غير ليها ولا ضعف الا بحبها حبيت ضعفي معها وبقوى بيها
( أخد نفس عميق ودخل الحمام وبقى بيتوضا وابتدى يصلي ركعتين شكر لله وهو بيسجد بقى بيبكي .. بيبكي بحرقه عليها مش قادر يصدق ان هي وابنه كانوا هيضيعوا منه في لحظه .. مكانش هيعرف يعيش من غيرها لو كانت اتصابت بأذى في يوم هدير ابتدت تفوق على صوت بكاه وهو ساجد لربنا كان بيتكلم من قلبه بجد كان قلبه اللي بيبكي قبل عنيه وطول ما هو ساجد كان بيشكر ربنا بصوت مسموع على سلامتها هي وابنه اللي في بطنها هدير اتعدلت وشالت الابر من أيديها وقامت وقفت ودموعها نزلت منها وهي مش مصدقه انه بيحبها حب لو لفت العالم كله مش هتلاقي حد يحبها قده واستنته لما سلم)
داغر : السلام وعليكم ورحمه الله .. السلام عليكم ورحمه الله
( رفعت أيده للسما مره تانيه وهو بيردد بحب )
داغر : انا يا الله أحبها .. وأن كنت خير ليها خليها معايا للأبد ولو كنت شر ليها
( سكت وماتكلمش مش قادر يقول أبعدها عني )
( ابتسمت وقعدت قدامه ومسحتله دموعه اللي نازله منه عليها ورفعت ايدها وكملت دعا معاه )
هدير : ولو كان شر ليا أصلحه لي يا الله وحتى ان فضل في عمرى القليل افضل معاه وجنبه ومايبعدش عن قلبي في يوم
( بصت على بطنها ومسكت ايده وحطتها على بطنها وهي مبتسمه والدموع في عنيها )
هدير : احنا بخير .. اطمن
داغر : انتي مش بخير طول ما انتي معايا
( حطت ايديها على شفايفه وقطعته في الكلام )
هدير : هووووووش .. أنا عمرى ما كنت ولا هكون كويسه الا في قربگ ياداغر البعد عنگ بالنسبالي عذ/اب أماني في حضنگ مش في بعدگ
( شاورت على قلبه بأيديها )
هدير : مكاني هنا ياداغر جوه الحضن ده
( شاور براسه من فوق لتحت حاجه بسيطه وابتسم )
هدير : أول مره اشوفك بتصلي .. اول مره اشوفك بتقول يارب
داغر : كل مره البلاء بيصيبني ومابيهمنيش.. نفسي تهون عليا لكن انتي ماتهونيش
اتجهت لربنا وانا عبد ضعيف ذليل اترجاه يخليكي ليا وماتسبنيش
( ابتسمت ابتسامه بسيطه وصوت دقات قلبها بقى عالي اوي )
هدير : طول عمري نفسي اسمع منك كلمه حلوه .. بس معرفش ان الكلام لما بيطلع من القلب بيبقى لي طعم مختلف
داغر : عارفه ليه ؟
هدير : ليه ؟
داغر : عشان الوحش وقع في حب الجميله هدير
( مسك أيدها وشدها لحضنه وغمضت عنيها واتنهدت ضمها لي أكتر عشان يخبيها من العالم جواه )
________________( بقلمي مآآهي آآحمد )____________
غرام : نعم .. يعني ايه .. يعني ايه ولاء وشريف جايين النهارده انت بتتكلم ازاي
عز : حصلت حاجه خارجه عن ارادتنا ياغرام سبيني على الاقل اشرحلك
غرام : تشرحلي ايه ؟ انت عايز ولاء تيجي في اللي احنا فيه ده دي صغيره ماتستحملش انا نفسي مش قادره اتحمل اللي بيحصل ولولا اللي حصل لهدير مكنتش قعدت دقيقه واحده هنا .. ازاي تعرضها لخطر زي ده دي طفله في مدرسه انت فاهم بتقول ايه ؟
عز : أكيد فاهم بس اللي عايز اقولهولگ أن
( قطعته في الكلام )
غرام : وشريف جاي معاها .. انا أصلا مش طايقه اشوفه .. انا مش طايقه حتى اسمع سيرته يبقى كمان هتجيبهولي هنا انت وعدتني ان احنا لما نرجع مصر هتعرف تجيبلي حقي من اللي اغت/صبوني
( أدته ضهرها وحطت ايدها على راسها وبتفرك في شعرها )
غرام : انا مش هقدر أسامحه على اللي عمله حتى لو انت قدرت ياعز
( بصيتله مره تانيه ورفعت صوباعها في وشه )
غرام : ماتسمحلهووش انه ييجي ده أحسنله
( داس على سنانه بغي/ظ )
عز : ومين قالك اني لما ارجع مصر مش هنفذ وعدي
( بنرف/زه وعص/بيه )
غرام : طالما اخوك جاي هنا يبقى حلني على مانرجع
عز : غرام من غير نرفزه ممكن تهدي
غرام : انت عايز تجيب أختي هنا وتقولي أهدي
عايزني بعد ما اخوك كذب عليا وفهمني انه ملامسنيش واتفق مع الدكتوره انها هي كمان تكذب عليا عشان اسامحه تقولي اهدي
( وهي بتعيط ودمو/عها نازله منها ضر/بت بأيديها على صدرها بكل قهره )
غرام : انت مش حاسس بيا .. مش حاسس بالنار اللي جوايا ياعز ..
( رجليها مابقيتش شيلاها لاقت نفسها قعدت على ركبها )
غرام : كل ما افتكر اليوم المشؤ/وم ده وهما الخمسه عليا بحس ان في نا/ر قايده في قلبي ماطفيتش إلا لما افتكرت انهم مغت/صبونيش أخوگ لعبها صح .. صح أوي كمان
وانت مابتعملش حاجه .. كل اللي يهمك اخوك وبس .. اهم حاجه هو ..
شريف يبقى المجر/م اللي قت/لني بسكينه تلمه
ود/بحني بيها يبقى قدامي وانا مش قادره اعمل حاجه عشان جوزي موافق وساكت
(عز قعد قدامها ولسه هيلمسها مسحت عنيها ومناخيرها من الدموع اللي كانت نازله منها وبعدت ايديه من عليها )
عز : أبعد عني ماتلمسنيش .. أوعى تلمسني انت من النهارده متحرم عليا طالما ساكت عن الحق .. واعرف اني سامحتك بس انت واخوك عشان افتكرت ولو للحظه انهم ماقربوش مني ياعز
( الطفله صحيت على بكى غرام ونزلت من علي السرير جري عليها )
الطفله : بتعيطي ليه ياطنط غرام هدير جرالها حاجه
( غرام أخدت الطفله في حضنها ومسحت دموعها بسرعه )
غرام : لا ياحبيبتي ماتقلقيش عليها هي كويسه
( عز كان قاعد قدام غرام اتنهد وقام وقف وباين عليه الحيره والخ/نقه )
عز : مافيش فايده فيكي ابدآ انا احترت معاكي ومش عارف اراضيكي ازاي .. مش عارف ازاي اخليكي تنسي
غرام : مش هنسى عمري ماهنسي و اعمل اللي يرضي ربنا .. ده لو تعرف ربنا
( طلع بره الاوضه ورزع الباب وراه غرام بصت وراها على الباب واتخضت من صوت الباب وهو بيتقفل )
( طلع بره وحط ايده في جيبه وطلع سيجاره وولعها وبقى ينفخ في السيجاره عشان يطلع كل همه فيها )
(الممرضه سمعت الصوت جت بسرعه هي والامن تشوف في ايه )
هدير : اي الصوت ده
داغر : ده صوت عز وغرام
( داغر طلع بره بسرعه والممرضه والامن اتفاجأ بوجودهم )
الممرضه : ( تتحدث الالمانيه ) ماذا تفعلون هنا كان من المفترض مغادرتكم فهذا ليس بميعاد الزياره .. كيف دخلتم
داغر : ( يتحدث الالمانيه ) سنغادر الان فقد كنت قلقآ كثيرا على زوجتي أسف على ازعاجكم جميعآ
( داغر رجع لهدير مره تانيه )
داغر : انا لازم امشي بس هجيلك بكره
هدير : انا بقيت كويسه اكيد هطلع بكره بالكتير
داغر : سيبي الدكتور هو اللي يحدد هتطلعي امتى
( غرام طلعت من الاوضه وهي شايله غدير عز بصلها واتنهد ومشي مع داغر )
داغر : حاسس انك اتخنقت انت وغرام
عز : انا مش عايز اتكلم في الموضوع ده
داغر : لو حابب تتكلم هتلاقيني بسمعك
( عز وقف العربيه مره واحده ونزل منها وولع سيجارته وسند على الكابوت )
عز : بدايه معرفتي بغرام مكانتش معرفه عاديه زي ما انت عارف وهدير حاكيتلك قبل كده
داغر : عارف
عز : عايزاني انتقم من اخويا عايزاني ابقى عادل
عرفتها الف مره اني اول ما انزل مصر اول حاجه هعملها اني مش هسيب العيال دي بس هي مش هممها التانيين قد ما هممها اني انتقم من شريف
داغر : عايز الحقيقه
عز : عارف اللي هتقوله
داغر : هي مش شايفه التانيين قدامها لكن شايفه شريف اخوك وهو عايش حياته عادي ماتحاسبش على اللي عملوه وجوزها اللي المفروض بيحميها من الدنيا كلها بيداري على اخوه فمن الطبيعي انها تعمل كده
عز : لو انت مكاني هتتصرف ازاي
داغر : محدش بيبقي مكان حد والحمدلله اني مش مكانك
لانك في موقف صعب انت ما بين اخوك ومراتك بس برضوا في ربنا شاهد علينا وهيحاسبنا ان احنا سكتنا عن الحق والحق بيقول اخوك يتحاكم على اللي عمله
عز : انت بتقول ايه .. انت .. انت فاكر ان اننا مش بتوجع مش جوايا نار في قلبي ان الانسانه الوحيده اللي حبيتها ياداغر مابقاش انا اول حد يلمسها ومش مجرد ناس عاديه ده اخويا .. اخويا اللي ربيته واللي امي وصيتني عليه انت في نار وحيره والمشكله ان انا برضوا اللي وصلته انه يبقى عديم المسؤوليه عارف
( اخد نفس من سيجارته ورماها في الارض )
عارف اللي يضايق اكتر .. انه فعلا اتغير ومابقاش زي الاول غرام دخلت حياتنا وغيرتنا احنا الاتنين
داغر : مش هكذب عليك واقولك انا حاسس بيك بس اول ما تنزل مصر لازم ترجع لغرام حقها حتى لو كان من اخوك عشان ضميرك يرتاح
________________( بقلمي ماهي احمد )_____________
( عز اخد نفس ورجع هو وداغر البيت )
( ساره ويزن رجعوا ورعد وميرا جم وراهم )
(داغر اول ما رجع سمع صوت خطوات ميرا مابقاش مصدق ان رعد كسر كلمته و طلعها من القبو بغض/ب ونرفزه مسكه من رقبته وزقوا بعيد وبقى بيتكلم بصو/ت عالي )
داغر : رعد انت عملت ايه ؟
( ميرا وقفت قدام داغر وعنيها اتحولت للون الأزرق )
ميرا : ما تأذ/يهوش هو مالوش ذ/نب
(ياسين اول ما شاف لون عنيها )
ياسين : اللاه .. حمرا
( وهو مش فاهم )
بربروس : ماذا .. ماهي الحمرا
( بيتكلم بجديه وهو متع/صب )
ياسين : دي مش بس حمرا .. دي حمرا وفيها تمره ياشيخ عجوه
( بعدم فهم )
بربروس : ربـــــــــــــــــــــــــاه .. تحدث كباقي البشر كي أفهمك أيها اللعين
( عمار وشمس جم وبقوا كلهم واقفين قدام بعض)
( شاور بأيديه بعصبيه على ميرا )
ياسين : عايز تفهمني هفهمك .. مش دي البت اللي دفنت/ها وقرأت عليها قرأن دلوقتي اتحولت وكمان بقت مننا .. عارف يعني ايه انها تبقي مننا
( رفع ايديه الاتنين في مستوى صدره وهز راسه شمال ويمين )
بربروس : لا والله وبعقد الهاء لا أعلم
ياسين : ما انت عايش في مايه اللفت
( بيشاور على ميرا بنر/فزه وعصبيه)
ياسين : دي عنيها بتتحول للون الازرق يعني مش متمكنه يعني لو شمت ريحه د/م كلب هتاكله مش بس هتم/ص
د/مه زينا
( كلهم بقوا يبصولوا بعدم فهم مش فاهمينه وأولهم بربروس )
ياسين : المستذئبين من طبعهم مش بس بيم/صوا الد/م لاء كمان بياكلوا الج/ثث ده طبعنا ولكن قدرنا نتحكم في نفسنا وان احنا نم/ص الد/م وبس ونستمد منه قوتنا واي حد بيتحول بيتحول صح بيتعض وبنسحب منه د/مه كله الا القليل ونسيبه يفارق الحياه وبالعضه بتاعتنا بيبدأ جسمه ترجع فيه الروح وبكده نقدر نروضه ويشر/ب الد/ م وبس وعنيه بتتحول للون الاسود لكن دي ماحصلش معاها كده البت دي د/مها الاصلي موجود جواها مش هنعرف نروضها
( بصلها وهو دايس على سنانه )
مين اللي حولك ؟ انطقي
ميرا: حسام
ياسين : حسام .. حسام الكل/ب مابيعرفش يحول اصلآ انتي هتبقي خط/ر علينا
( ميرا ابتدى لون عنيها يرجع طبيعي وهي مش فاهمه اللي بيحصل وابتدت تخا/ف )
ياسين : البت دي لازم تم/وت يا اما هتم/وتنا كلنا مش هتفرق حتى بين مستذئب وبشر عادي
( ياسين لسه هيقرب من ميرا عمار وداغر وقفوا قصاده )
داغر : محدش هيأذيها
( ميرا اول ما سمعت داغر بيقول كده بصيتله وابتسمت ابتسامه بسيطه)
عمار : قربلها وهتلاقيني في وشگ
( بربروس وقف جنب ياسين وبص لعمار )
بربروس: وانا سأقف بجانبه
شمس : ماذا تقول يابربروس
بربروس: فهذه المره الأولى التي يتحدث بها ياسين بعقلانية فهو يتحدث بدون مشاعر يتحدث بعقله فأنتم تفكرون بقلوبكم
( ربت على كتف بربروس )
ياسين : ده العشم برضوا ياشيخ عجوه
( شال ايده من على كتفه بغي/ظ )
بربروس: وليس معنى كلامي ان نقت/لها
( شاور جنبه على ياسين )
مثلما يقول هذا اللعين ولكن على الأقل يجب ان نحتوي المشكله
( ياسين ضم حواجبه وبص لبربروس )
ياسين : انت معايا ولا معاهم
بربروس : انا مع الحق
ياسين : وتفتكر نحتوي المشكله ازاي غير بم/وتها
يزن : مش كل حاجه تتحل بالعن/ف والم/وت ياياسين في طرق تانيه
( مسح ايديه بمناخيره وهز راسه من فوق لتحت )
ياسين :صح انت صح انا كانت تايهه عني فين دي يانحنوح
انا موافق على اقتراحك ده اقتراح حلو جدا طيب تعالى كده نجرب الاساليب التانيه اللي بتقول عليها بس قبل ما نجربها هخليك تشوف بعينك حاجه بسيطه أوي
( في لحظه ياسين كان عند ساره مسك دراعها وطلع ضوافره وجر/ح ايدها )
( بأ/لم وبتتو/جع مسكت أيدها )
ساره : اااه
( نقطه د/ م نزلت منها على الجليد ميرا شمت ريحه د/مها غمضت عنيها واتحولت لذ/ئب بيمشي على اربع رجول مش قادر يتحكم في نفسه نهائي وهج/ مت على ساره )
(عمار بص لميرا وهي بته/جم عليها كان اسرع منها في لحظه وقف قدامها وبعدها بعيد عنها ورماها بعيد )
( ميرا من شده دفعه عمار اتخبطت في البيت ووقعت )
عز : افتكر من دفعه واحده من عمار وقعت يبقى نقدر نحتويها
_________________( بقلمي ماهي احمد )____________
( حسام كان قاعد مع العربي هو والجزار )
( بص جنبه للعربي وابتسم ابتسامه شر والقمر بدر في السما )
الجزار: بتضحك ليه ؟
العربي : عملتها برضوا
حسام : ياترى داغر عامل ازاي دلوقتي ؟
العربي : هترتاح لو ما/ت
حسام : مممممم هو انا اقدر اعيش من غير داغر ده حبيب قلب اخوه ده
العربي : لعبتها صح عشان كده اختارتك من ضمنهم تبقى معايا بتفكرني بالضبع لما كان كتفي في كتفه زمان بس للأسف المهدي عرف يفرق ما بينا وبقينا ألد الاعداء
( عوج بوقه حاجه بسيطه )
حسام : بس انا مش الضبع الضبع كان غبي .. انا فعلا شبهك
( رفع راسه اكتر وبص للسما)
العربي : القمر بقى منور في السما.. انت فعلا شبهي
حسام : تلميذگ .. تخيل كده يايمو/تها ياتمو/ته
حاجه من الاتنين
_____________________
( ميرا رجعت تقوم مره تانيه وجسمها ابتدى يكبر لذئب
شر/س )
ياسين : دي .. دي مش مجرد متحو/ له عاديه
( انيابها بتطلع من بوقها وهي مش عارفه ايه اللي بيجرالها )
( بص وراه لشمس ورفع أيده وحط وشها مابين ايديه وبص في عنيها )
ياسين : شمس ابعدي من هنا عايزك تهر/بي فهماني ياشمس
اهربي
( بلعت ريقهل و شاورتله براسها من فوق لتحت وهي
مرعو/به )
(عمار في لحظه كان عند شمس وبعد ياسين عنها ومسك ايديها )
عمار : تعالي معايا بسرعه
( بينده على مارال )
عمار : ماراااااال
(مارال بتبصلها وهي خايفه وقلبها هيطلع من مكانه )
( يزن مسگ ايد ساره وشبگ صوابعه بصوابعها وبقى يبص عليها وعنيها اتحولت للون الازرق رجع بضهره لورا وهو مش سايب ساره بص جنبه لساره )
يزن : مهما يحصل ماتسبيش أيدي
( شاورتله براسها من فوق لتحت بالموافقه )
( فتح بوقه من الصدمه وهو واقف مصدوم )
بربروس: ومصيبتــــــــــاه ماهذا الشىء اللعين ؟
_________________
حسام: زمانها بتتحول .. القمر مخليها زي المجنو/نه مش عارفه تتحكم في نفسها
العربي : ياترى مين هي/قتلها فيهم
حسام : مش مهم مين هيق/تلها المهم قبل ماتمو/ت هتكون مو/تت كام واحد فيهم
__________________
عز طلع مسد/سه ورفعوا على ميرا
عمار وقف قدام عز وشاورله براسه شمال ويمين انه ينزل
المس/ دس
عمار : مش عايزنها مي/ته
____________________
حسام : عارف ايه احسن حاجه
الجزار : ايه
( شرب بوق من الكاس اللي في ايديه وشاور بصباعه )
حسام : انهم في الاول مش هيحاولوا يمو/توها هيحاولوا انهم يحتووها من غير ما يأذوها ودي بقى هتبقى غلطتهم
( شاور بأيديه الاتنين )
حسام : ببساطه مش هيعرفوا
______________________________
داغر : محدش يأذيها .. ياسين
( ياسين بص جنبه لداغر )
داغر : ما تأذيهاش ياياسين
( رفع حاجبه وهو بيتأفف )
( بربروس مسك دراع ياسين )
بربروس : لن تؤذيها .. لن تمسها بسوء .. اتفقنا
( شاورله براسه بالموافقه )
داغر : رعد فين رعد
( رعد جه وقف قدام داغر )
(داغر غمض عنيه وميرا ابتدت تحفر بأيديها وتستعد
للهج/وم )
_____________________
حسام : ميرا هتهجم واول حاجه هيعملوها هيحاولوا ينقذوا الستات اللي معاهم
_______________________
داغر : كل البنات تر/جع لورا وتدخل الغابه حالا
( عمار بص لمارال وشمس وشاورلهم بالموافقه )
شمس رجعت لورا هي ومارال
وزهره خدت شمس في حضنها
( ياسين بص وراه لشمس عشان يطمن عليها انها بعدت عن المكان )
( مارال بقت بتبص على بربروس وبربروس كان باصص قدامه لميرا مارال رجعت لورا اكتر ومستنيه بربروس يبص وراه مره واحده بربروس بص وراه عشان يطمن عليها انها رجعت لورا )
عمار : بالراحه ارجعوا ورا بالراحه ..
عمار : يزن سيب ساره حالآ
( يزن بص لساره وساب ايديها ورجعت ورا معاهم وابتدوت كلهم يتحركوا على الغابه )
( رعد وياسين ويزن وبربروس وداغر وعز وعمار كانوا واقفين قدامهاا )
______________________
( حط الكوبايه اللي معاه على الطرابيزه وبيتكلم بسخريه )
حسام : اول ما الابطال يرجعوا ستاتهم ورا ويبعدوهم هيبتدوا يجمعوا نفسهم ويقفوا صف قدامها
واكيد ده اللي بيحصل دلوقت
_____________________
( رعد بص جنبه لداغر )
رعد : ميرا مش هتم/وت مش كده
داغر : أنت تخر/س خالص
( ميرا بقت ته/جم على داغر عمار في لحظه كان قدامها غرزت ضوافرها في جسمه بربروس وقف وراها وحاوطها بأيديه رجعها لورا عز ويزن بقوا بيضربوا نا/ر على رجليها بس هي كانت سريعه جدا رجعت لورا وهزت جسمها حدفت بربروس ياسين قرب منها وغرز ضوافره في ضهرها
داغر : يااااااسين
( ياسين بصله وعنيه باللون الاسود راحت ميرا فتحت بوقها ولسه هتعضه داغر جه من وراها وشدها لورا راحت جر/حت ياسين بسنانها في كتفه وحدفته بعيد )
(رعد كان ماسك المسد/س بس مكانش حتى راضي يصوبه عليها )
( بربروس داس على سنانه وهو متنرفز قرب منها شدها من ديلها وعمار وقف قدامها في لحظه جاب سلاسل وهو سريع جدآ بقى يسلسلها )
___________________
العربي: طيب افرض مامو/تتش حد فيهم وعرفوا يحتووا الموقف .
حسام : مممم مافتكرش الحقنه اللي انا مديهالها تخليها وقت القمر اقوى واحده فيهم وبيهم كلهم مش هيعرفوا يسيطروا عليها إلا بقت/لها
_______________________
( عمار مسك طرف سلسله وياسين مسك الطرف التاني والاتنين بقوا يلفوا السلسله عليها وابتدوا يسيطروا عليها وابتدت الاوضاع تهدى ولو لثواني عمار بص لياسين واخد نفسه ولسه هيبتدوا يقفوا ميرا حركت جسمها بقوه وفكت السلاسل وهجمت على داغر وبقت واقفه فوقيه وعايزه
تق/طع جسمه )
بربروس : لازم تمو/ت
داغر وهو تحت ايديها وبيقاوم
داغر : لاء .. لاء ماتمو/ تش
عمار شدها مره تانيه وحدفها لبعيد وقعت تحت رجلين رعد
( رعد كان رافع المسدس عليها وواقف قدامها )
رعد ودموعه نازله منه وهي قدامه
رعد : انا اسف
( حط ايده على الزناد ولسه هيضر/ب نار بس للاسف ماقدرش )
(ميرا قامت بسرعه ووقفت وبربروس وعمار وياسين وداغر وقفوا قدامها وبقوا الاربعه محاوطينها )
ياسين : ماينفعش ما نأذ/يهاش لازم على الاقل نأذ/يها
داغر : جرو/ ح سطحيه مش أكتر
( ميرا طلعت بره دايرتهم وراحت ناحيه يزن عمار اول ما شافها راحت لناحيه يزن )
عمار : مابقاش ينفع ياداغر
_____________________
حسام: داغر هيحاول لاخر النفس معاها بس اللي انا متأكد منه انه هيستسلم لمو/تها في الاخر
عشان ماتق/تلش رعد بس لو ماقدرتش تمو/ت حد قلبي هيتق/ طع من جوه
________________________
( عمار هجم على ميرا ولسه هيغرز ضوافره في قلبها عشان يمو/تها الخاله حكيمه جت وبعدته عنها وضر/بتها على
دما/غها في حته معينه فقدت الوعي في ساعتها وماتحركتش )
( جسم ميرا ابتدى يتحول وتبقى انسانه من جديد وطبعا لانها بقت ذئبه اتجردت من ملابسها )
الخاله : حد يجيب اي حاجه نغطيها بيها بسرعه
( عز قله الچاكيت بتاعه واداه لخاله حكيمه وهي غطيتها بالچاكيت على طول )
(الخاله بصت لعمار )
الخاله : أحمد ربگ اني لحقتگ ياعمار
( مكانش ينفع اخليها تأذي يزن )
الخاله : يبقى انا جيت في الوقت المناسب
( عز بيبص لقى شريف وولاء جايين من بعيد )
عز : شريف
( شريف اخد عز بالحضن وولاء بقت تبص للبيت والاغراب اللي حواليه )
ولاء : فين غرام
عز : ماتقلقيش عليها هي في امان
(يااسين راح للخاله )
ياسين : فين الحقن
الخاله : مش هترحب بيا ياياسين
( داس على سنانه )
ياسين : فين الحقن
الخاله : لما تقولي فين علي
( ياسين كان في لحظه في اوضه علي هو والخاله )
الغريب: انا .. انا مارضيتش .. اخرج عشان .. عشان ماينفعش اسيبه لوحده
بربروس : اعطيه الحقن على الفور ارچوكي
( الخاله بصت على ياسين وشايفه جلده اللي اتحول للون الاسو/د وشافت السلسله اللي لابسها واتنهدت وابتسمت )
(الغريب اخد الحقن من الخاله واداها لعلي علي اول ما اخد الحقنه اخد نفس عميق وهو مغمض عنيه وابتدى السم يتسحب من جسمه واحده واحده ووشه يرجع للونه الطبيعي وسواد جسمه بقى بيروح واحده واحده )
الغريب : ما .. ما تق..تقلقوش .. هيبقى .. ك.. كويس وهيفوق في اي وقت
(بربروس ابتسم وبص لياسين اللي بص لعلي وهو غض/بان منه ومابتسمش ياسين طلع بره وهو مستني الخاله )
( رعد راح لميرا وشالها ودخل بيها البيت وحطها على السرير )
رعد : هتبقي كويسه .. هتبقي كويسه ياميرا
___________________
شمس : اشعر بالقلق الشديد على كلآ منهما
ميرا والاخرين
ساره : انا قلقانه اوي على يزن .. كل واحد فيهم عنده اللي يخليه يعيش حتى لو اتأذى يقدر يعيش لكن يزن مش زيهم
اذا كان عمار ولا ياسين ولا بربروس ولا حتى داغر لكن يزن لاء
مارال : هو عز زيهم .. اقصد يعني زي ياسين وبيدقوس
ساره : لاء .. عز مش زيهم
بس عشان كده انا قلقانه عليهم هما اكتر حاجه
( زهره ابتسمت )
زهره : واضح طبعا انك قلقانه على عز ويزن عشان هما بشر
ساره : ايوه طبعا مهما كان قدرتهم مش زيهم
شمس : ورعد ايضآ
ساره : مافتكرش انها هتأذي رعد شوفتي وقفت قدام داغر ازاي عشانه
مارال : بس ده لما كانت طبيعيه قبل ما تتحول
زهره : احنا هنفضل نتكلم كده كتير لازم نرجع
مارال : وافيض لو كانوا معيفووش
( قطعتها في الكلام )
زهره : انا متأكده انهم هيقدروا عليها من غير ما يأذ/وها
مارال : طيب خلينا هنا شويه كمان لحد ما نتأكد انهم خلاص
ساره : انا مش هقدر استنى هنا لحظه كمان وانا مش عارفه يزن جراله ايه
( ساره سابتهم ومشيت شمس مشيت وراها )
شمس: ساره .. تمهلي
زهره : ماتمشيش لوحدك كلنا هنيجي معاكي
( بصت وراها لمارال )
زهره : مش يلا
( شاورتلها براسها بالموافقه ومشيت معاهم )
____________( بقلمي مآآهي آآحمد )________________
( خاله حكيمه طلعت من الاوضه وهي بتشوف حاله علي بتتحسن لاقت ياسين مستنيها بره )
( مسكها من دراعها وشدها لي بعن/ف )
ياسين : انتي تعرفيني بقى علي ازاي يبقى اخويا ياخاله حك
( لسه هينطق )
انا مش عارف اقولك ياخاله حكيمه ولا يامزه كوكي ولا ايه بالظبط
خاله حكيمه : قولي ياما حكيمه زي ما كنت بتناديني زمان انت وعلي ياياسين
ياسين : ياما
( علي كان قدامه في لحظه وبصله )
علي : الظاهر أن الاوان تعرف كل شيء ياخويا
ياسين : علي
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية عروس الالفا (الهجينة 2))
روووووووعه جداااااااااا
تسلمي بالتوفيق يا عزيزتي ماهي
روايه عن جد روعه بقرأ وانا حاسه يشاهدها من دقة الوصف
يهنيكي كن كل قلبي