رواية توأمان وقلب واحد الحلقة السادسة 6 بقلم إيمان المهدي
رواية توأمان وقلب واحد الحلقة السادسة 6 بقلم إيمان المهدي
 |
| رواية توأمان وقلب واحد الحلقة السادسة 6 بقلم إيمان المهدي |
رواية توأمان وقلب واحد الحلقة السادسة 6 بقلم إيمان المهدي
أمير. انت اتجننت حبيبه مين ال تتجوزها طبعا لأ مستحيل اصلا ….
صدمه اعتلت وجوه الجميع ……
أمير حس بتسرعه … آسف مقصدش بعد إذنكم وسابهم وطلع اوضته الكل أصابه حاله من التوتر
هالة طيب بعد إذنكم يا جماعة
أشرف مقولتش رأيك يامحمود
محمود بإرتباك الرأى لحبيبه بس لازم تفهم ان احنا اصدقاء فأى كان رأيها مش هيقصر على صداقتنا
أشرف طبعا خليها تفكر براحتها
بعد وقت إستأذن خالد ووالده
هاله وبعدين فيك يابنى اهي جالها عريس وبكرة توافق وتتجوز
أمير. لأ مش هتوافق حبيبه متعلقه بحور يستحيل تسيبها
هاله. طيب ودا يرضى ربنا يابنى والله حرام فكر يابنى قبل ما تضيع منك عشان بنتك حتى ال متعلقه بيها
أمير والله عارف أنك كلامك صح بس مش قادر اتجوز حبيبه حاسس ان كدا بخون حب عمرى
هاله نفسها تقولها ان حب عمرك هي حبيبه مش حور بس مش قادرة خايفة من ردت فعل ابنها ان يعرف كل السنين دى كان عايش كذبه خايفة تقوله يلغى فكرة زواجه من حبيبه تماما للخظه فكرت انها تلعب لعبه يمكن تجيب نتيجة
طيب اقولك على حاجة يمكن تنفع ايه رأيك لو تربط حبيبه بيك تكتب كتابك وعيشوا مع بعض مخطوبين فترة لو اتقربتوا من بعض وحسيتوا انكم عايزين تكملوا كملوا
أمير أه ولو معرفناش نتطلق ياماما انت بتقولى ايه انا يستحيل أعمل كدا ف حبيبه دا مستقبلها ومش هتعيش معايا وتبقى مراتى على افتراضات
هالة لأ مش هيبقى فيه افتراض لطلاقكم لإنها بتعزك وهتعمل أي حاجة عشان تبقى جمب حور
أمير أسف يا ماما طلبك مرفوض
هاله. بقى كدا يا أمير. كبرت وكلام امك مبقاش ليه قيمة عندك من دلوقتى لا تتكلم معايا ولا تسأل عليا وانسى اصلا ان ليك أم وسابته وخرجت وهي على يقين ان أمير هينفذ رغبتها
ف غرفه حبيبه
واقفه أمام المرآه تبكى .. سيبتينى ليه ياحور
أنا محتجالك اوووى أنا ف حيرة ومش عارفة أعمل ايه
زمان سيبتلك أمير وداريت حبى عشان كنت عارفة ان ان هموت وحبى مش هينفعه مكنش ينفع اوجعه واقوله ان أنا حبيبته مستحيل يغفرى كدبتى عليه
ودلوقتي مش قادرة اتقبل حبى دا ازاى احب زوج أختى ولا قادرة أشوف غيره ولا عارفة اتقبل الفكرة اصلا بس مش هستحمل ابعد عن حور
محمود حبيبه ممكن ادخل
حبيبه اتفضل يا بابا
محمود. رأيك إيه ف خالد
حبيبه. انت أكيد عارف رأيى. كويس خالد شاب محترم بس أنا مش هتجوز يابابا ولا هسيب حور
محمود دا آخر كلام عندك
حبيبه أه يا بابا
ف المستشفي
رحمه حرام عليك ضيعت مستقبلى وحياتى انت بسبب استهتارك انت ايه مبتخفش ربنا
المجهول. قولتلك كنت سكران ومش حاسس بنفسي خلصنا…
رحمه وانا أعمل ايه دلوقتى انت اغتصبتنى يا استاذ اخدت حق مش ليك انت انسان زباله وربنا هيعاقبك أشد العقاب
خارج الغرفة كانت يقف خالد ويستمع للحوار بين رحمه والمجهول. دخل الغرفة دون استئذان
خالد. بصدمة. انت. ال اغتصبت رحمه مش معقول أنا عارف انك مستهتر ومش بتخاف ربنا بس تعمل كدا ف بنت
والله ال حصل حصل خلصنا مش هتموتونى عشان غلطه مش مقصودة
خالد ضربه بالقلم الغلطه ال مش مقصودة دى ضيعت مستقبل بنت ملهاش ذنب
انت بتضربنى ياخالد عشان بنت زي دى متسواش
خالد. عارف يا احمد لولا إنك ابن عمى وابويا ال مربيك بعد موت اهلك كنت قتلتك بس خايف على أبويا مش أكتر. انت هتتجوزها وهتصلح ال هببته وإلا قسما بالله نهايته على إيدى
رحمة دموعها بتنزل مقهورة على حظها ال ف يوم وليله جعل حياتها تنقلب رأسا على عقب حلمها بإنها ف يوم تتجوز حبيبها انتهى قضى عليه شخص مستهتر.
ال وجعها اكتر ان حبيبها بنفسه بيطلب من ابن عمه يتجوزها
رحمة. لوسمحت يادكتور خالد انا يستحيل اتجوز شخص مغتصب تعدى عليا واخد حق ميملكوش بس جواز من الشخص القذر دا مستحيل
أحمد. احترمى نفسك أي واحدة مكانك كانت تتمنى ان اى حد يستر عليها ويتجوزها مش تتعالى علينا وكأنها لسه…
خالد ورحمه أمى يا أحمد كلمه تانية لألبسك ف الحيطه ال وراك…. رحمه أنت عندك حق دا ميستهلش واحدة زيك لوعايزة تبلغى أنا مش همنعك وهشهد معاكى
رحمه بدموع لا يا دكتور خالد انا مقدرش أعمل كدا انت عارف صحة امى على قدها خبر زي دا هيقضى عليها وكمان اخواتى البنات مقدرش أعمل كدا محدش هيسيبنا ف حالنا واخواتى لسه صغيرين بلاش أذيهم من دلوقتى
خالد كان واقف صعبان عليه رحمه ومش عارف يعملها ايه … طيب والحل يارحمه مينفعش ان رافضه الجواز منه ورافضه تقاضيه طيب وبعدين هتكملى حياتك ازاى بالوضع دا ….
رحمه تقصد ان مبقتش عذراء. وبضحكة كلها وجع ودموع هكمل ومش هتجوز. نصيبى وقدرى كدا
أحمد. طيب أنا عندى حل. ايه رأيك اعملك عمليه ترجعى عذراء وتتجوزى وتكملى حياتك طبيعى ولا من شاف ولا من درى
رحمه بصقت ف وجهه تصدق انك انسان زباله وحقير مش أنا ال اغش حد ولا رخيصه عشان اخاف من حاجة مليش ذنب فيها وسبتهم وخرجت بره المستشفي
خالد. حقيقى انت انسان مقرف اتمنى تمشى من المستشفى ومشفكش فيها وإلا وربى لهقول لعمك وانت عارف هو ممكن يعمل معاك إيه
أحمد. بغضب ماشى يا خالد مردودالك
ف فيلا الهاشمى
حمزة بابا كنت محتاج أتكلم معاك أنا عارف ان مش وقته عشان موضوع حبيبه بس …
قاطعه محمود. يابنى لزمتها ايه المقدمه الطويلة دى قول عايزنى ف ايه
حمزة. بابا انت عارف ان أنا عايز اتجوز رنا من زمان
محمود عارف
حمزة طيب أنا عايز اتقدملها ف أسرع وقت
محمود وليه الإستعجال بس ومالك كدا متوتر
حمزة رنا ابوها عايز يجوزها ابن عمها ال ف صعيد ومصمم على جوازها
محمود. طيب ورنا وافقه أكيد يعنى ابوها مش هيغصبها
حمزة بس هو عايز يجوزها غصب حتى بعد ما رفضت
محمود ازاى الكلام دا طيب ودلوقتي تفتكر هيوافق يجوزهالك انت بتقول انه مصمم
حمزة. بس صديق من سنين وممكن يعملك خاطر ويوافق
محمود. هيعملى خاطر هو أكيد شايف ان ابن عمها اولى بيها أنا عارف تفكيره كويس. بس هعمل ال اقدر عليه ربنا ييسر الحال
هاله تستأذن ف الدخول لغرفة حبيبه
حبيبه اتفضلى ياخالتو
هاله حبيبه يابنتى فاضيه شويه عايزة اتكلم معاكى
حبيبه سابت فرشة الرسم من إيديها. اتفضلى يا خالتو أنا معاكى
هاله حبيبه انتى عارفة يابنتى ان أمير لسه شباب ومش هيفضل عايش كدا من زوجه كل حياته
حبيبه بدموع تحاول تداريها عارفة ياخالتو ربنا يهنيه
هاله طيب يابنتى دلوقتى لو اتجوز أكيد هياخد مراته ويعيش ف بيته مينفعش يقعد هنا محدش هيستحمل يشوف مرات أمير بدل حور خصوصا ابوكى وأمك هتبقى صعب عليهم
حبيبه فعلا ياخالتو ودا الصح
هالة طيب انتى يرضيكى ان أب يبعد عن بنته ويسيبها
حبيبه بس أنا فعلا مقدرش ابعد عن حور
هاله بس دا حرام يابنتى تبعدى اب عن بنته ربنا مش هيسامحك ياحور
الروايه بتنزل على صفحة إيمان المهدى قبل هنا بوقت
حبيبه بدموع ارجوكى ياخالتو افهمينى متبعدنيش عن حور
هاله يابنتىانا عارفة احساسك بس شوفى انتى خالتها ومش قادرة تبعدى عنها يبقى ابوها هيقدر لا يابنتى مش اناال احرم ابنى واقهره على بنته عشان خالتها
هو انا هحبك اكتر من ابوكى ياحبيبه وكمان احرمك منه اعقلى الأمور ياحبيبتى
حبيبه مقتنعة بكلام خالتها بس مش قادرة تنفذ بعدها عن حور ال شايفاها تعويض ليها عن توأمها
بدموع بس أنا مش هقدر يا خالتو أنا هعمل أي حاجة بس متبعدنيش عنها حتى لو مش هتجوز
هالة قلبها وجعها على حبيبه بس لازم تنفذ مخططها وتجمعهم سوا
هالة حبيبه يابنتى أنا عارفة مدى تعلقك بحور وكمان أمير أب أنا ممكن حور تفضل ف حضنك العمر كله بس..
حبيبه بس إيه يا خالتو ارجوكى …
هاله. بشرط واحد وهو أنك انتى وامير تعيشوا مع بعض لا هو يتحرم من بنته ولا انتى تبعدى عن حور
حبيبه. يعنى ايه
هاله الحل الوحيد تتجوزوا يا اما أمير هياخد بنته ومراته تربيها
حبيبه بانفعال لا حور أنا أمها بنتى وانا ال هربيها
هاله. طيب يبقى كدا الحل ف إيدك انتى هااا تحبى تفضلى جمب حور لازم تفهمى ان حور وامير رابط واحد مينفعش تعيشى أم لحور من غير ما تكونى زوجه لأمير
حبيبه بدموع. لانها حاسه انها لو قبلت عرض خالتها كدا تبقى بتخون أختها. بس هيا مش بأديها حاجة غير انها توافق
هاله قولتى ايه يابنتى
حبيبه أنا موافقه يا خالتو ….
يتبع..
لقراءة الحلقة السابعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية القوية إذا أحبت للكاتبة ندى الشريف.