رواية وش السعد الفصل الأول 1 بقلم حمادة هيكل

رواية وش السعد الفصل الأول 1 بقلم حمادة هيكل

رواية وش السعد البارت الأول

رواية وش السعد الجزء الأول

رواية وش السعد الحلقة الأولى

انتي كويسه؟
طب انتي مين وايه حكايتك.. وايه جابك هنا في الوقت دا
مسحت المياه من على شفايفها وقالت
انا كنت راجعه من بيت خالتي وركبت تاكسي
والسواق طلع ابن حرام… كان بيبصلي بنظرات مش تمام
واول ما عدينا في منطقة مقطوعه لقيته هدا
وقالي ما تيجي تقعدي هنا جنبي
قولتله لا انا كدا كويسه وبعدين انت هديت ليه؟
ها لا دا عشان المطب
بس هنا مفيش مطبات.. لو سمحت اتحرك بسرعه
انا مش عايزه اتاخر اكتر من كدا
ايه هي السهره شكلها هتحلوا ولا ايه
طب ما تسيبك من االي انتي رايحالهم
وانا هراضيكي واعمل معاكي الصح ومش هنختلف
انت ايه اللي بتقوله دا يا حيوان.. اقف هنا ونزلني
اقف فين احنا لسه سهرتنا صباحي
بقولك وقف ياما هرمي نفسي من العربية
طب ما توريني كدا لو جدعه
فتحت الباب ونطيت من العربية.. وقعت وقومت بسرعه
عشان اهرب منه لقيته لف بالتاكسي وفضل يطاردني
لغاية ما تعبت من الجري والم الوقعه ومحستش
بنفسي غير وانت بتفوقني
طيب الحمدلله انك بخير
انا متشكره ليك يا..
أسعد.. اسمي أسعد
وانا سميحه.. مديت ايديها فسلمت عليها.. تشرفنا
عيونا تلاقت لحظات قبل ما تسحب صوابعها بلطف من كفي
انتبهت وقولت
احم.. طب انتي ايه اخرك كدة وكنتي رايحه فين
صاحب الشغل كانت الست مراته بتولد
وانا كنت لوحدي في المحل ومش معايا المفاتيح اقفل المحل
اضطريت استنى لما يرجع.. وجالي وهو مبسوط
ان ربنا رزقه بالولد اللي كان بيتمناه وقالي اسف يا سميحه
بس كان لازم اطمن عليهم
ولا يهمك يا استاذ حمدلله ع سلامة المدام
والف مبروك ع المولود الجديد.. يتربى في عزك
قالي خلاص انتي بكره اجازه ومصروف ليكي
مكافاة نص شهر كمان
كنت طايره من الفرحه لولا السواق الرمه دا نكد عليا
طيب انا بيتي قريب من هنا تعالي ارتاحي
بدل وقفت الشارع كدا
اخص عليك وانا اللي بقول انك محترم
تقوم تطلع كدا
لا ياستي انتي فهمتي ايه بس
انا اقصد تعالي ارتاحي وكلي لقمه
لحد الصبح.. لان هنا مفيش مواصلات والليل طويل
وانا استحاله اسيبك تباتي في الشارع
بصت للدبلة في صباعي وقالت بس كدة
خطيبتك هتزعل لو عرفت ان في وحده غريبة دخلت شقتك
يا ستي ما تزعل كدة كدا احنا كل يوم خناق مع بعض
اتفضلي برجلك اليمين..
و اول ما دخلت ..

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية وش السعد)