رواية حطمت قلبي 2 الفصل الثامن والعشرون 28 بقلم لولا
رواية حطمت قلبي 2 الفصل الثامن والعشرون 28 بقلم لولا
رواية حطمت قلبي 2 البارت الثامن والعشرون
رواية حطمت قلبي 2 الجزء الثامن والعشرون
رواية حطمت قلبي 2 الحلقة الثامنة والعشرون
زين بتنهيده مريم انا مش هقدر اتجوزك
مريم بصدمه ودموع اييه
مراد بحده ازاي يعني ايه اللي انت بتقوله ده
مريم بدموع زين انت بتهزر صح
زين بوجع لا يا مريم مش بهزر انا هسافر المانيا 3 شهور ووعد مني لو رجعت هتجوزك
مريم بدموع زين انت بتقول ايه انت كنت مستني انهارده اكتر مني يازين حصل ايه انت امبارح كنت هتموت من الفرح
ادهم بحده ياحيوان انت مش اتحايلت علي عمك امبارح ولا هو شغل عيال
زين بدموع اه ومش هقدر اتجوزها دلوقتي انا حر واكمل بوجع و ممكن متجوزهاش خالص
الجميع اتصدم من كلامه ومريم كأن خنجر صاب قلبها واكملت بصدمه ودموع لالا انت اكيد بتهزر لا اكيد ده مقلب ومسكت قميصه واكملت بعياط ووجع انت مستحيييل تكسرني انا بحبك وانت بتحبني ليه مش عايزني اكون مراتك لييه يا زين لييه تكسر وعدك ليا ليه تكسر فرحتي وكل تحضيري لكتب كتابي عملت ايه يستاهل كده يااازين رد عليااااا
زين بدموع وعلشان انتي متستاهليش يا مريم مينفعش اتجوزك وحاولي من انهارده انسي زين خالص واكرهيني
مريم بصدمه وعياط اكبررر اكملت انت بتقوووول ايييه انت واعي للي بتقوله عايزني انسااااك انسااااك ايه انت مالك كل حته جوايا انا مستحيل انساااك واكلمت بعياط ولو عملتها انت هتنساني يازين ??
زين بدموع اكمل مش مضطر اجاوب علي السؤال ده بس بارادتي او بمزاجي لازم ابعد عنك
عشق حضنت بنتها وهي بتعيط وندي جات ضربته بلقلم واكملت بعصبيه انت ايه الهبل اللي بتقوله ده انت اتجننت ازاي تكسر قلب بنت عمك كده هااانت عليك ومسكته من هدومه واكملت انت مش كده يا زين ابني مش كده ابني بيعشق مريم مش يكسرها ومصدر امانها وفرحتها مش وجعها
زين بوجع مش كل حاجه بنعملها بنكون عايزين نعملها بس ممكن نكون مجبورين نعملها لان مش قدامنا حل تاني
ادهم بعصبيه انت لو متراجعتش عن اللي في دماغك يازين وفهمتنا لا انت ابني ولا اعرفك وابني مات
زين بدموع ووجع يبقي مااات يابابا ومريم لازم تتعود تعيش من غيري وتنساني وانا كده كده هسافر
مريم بدموع ووجع طلعت من حضن عشق واكلمت بدموع ووجع وهي قريبه منه جدا اعتبر انه حصل ونسيتك هتقدر تستحمل راجل غيرك يبقي جوزي ويلمسني راجل غيرك انا من حقه ومراته قدام الدنيا كلهاا
زين غمض عنيه بوجع واكمل بدموع مريم لو بتحبيني متقوليش الكلام. ده قدامي متضغطيش عليا
مريم بدموع ووجع ما ده هيبقي الواقع يابن عمي انت رافض تكون جوزي فا طبيعي هيبقي غيرك حتي لو فضل قلبي معاك
زين بعصبيه ودموع ممكن تخرسسييي خاااالص خلااااص متضغطيش عليا اكتررر من كده انا مجبووور
مراد قرب منه واكمل انا عارف انك بتحب بنتي زي حبها ليك واكتر وانت امانها وحمايتها وفرحتها ومريم بنسبالك الدنيا مفيش سبب للفراق يجبرك ومفيش اي حاجه تقدر تجبر اتنين بيموتوا في بعض يفترقوا الا الموت لان اللي عايز حد مش بيسيبه يازين وانت كده بتوريني انك فعلا مش عايزها مشي المأذون يا ادم
ادم بحزن. حاضر تعاالي معايا يا مولانا اوصلك
زين بوجع ودموع اكمل لمراد هتعرف اني كنت صح يا عمي هتعرف اني كنت صح
مريم بعياط زيين انت بجد خليته يمشي المأذون طب وفستاني وفرحتي مفرقوش عندك للدرجه دي وراحت وقفت قدامه واكملت ندمتني علي كل يوم حبيتك فيه وفكرت فيه انك بتحبني يابن عمي
اسر انت مش كده ليه مصمم تخليهم يشوفوك وحش. انت بتحب مريم ده انت كنت فرحان بفرحي اكتر مننا شخصيا واكتر واحد زنيت علشان هتكون مراتك بعدها حصل ايه
سليم انا بصراحه مش مقتنع ولا هقتنع اكيد في سبب تاني
ندي بعصبيه السبب التاني اني معرفتش اربي
زين بدموع ماما انا
ندي بعصبيه هشششش انت ولا ابني ولا اعرفك انا. ابني مات زي ما ابوك قال غضبانه عليك ليوم الدين يازين
زين بدموع ووجع وطي عند رجلها واكمل علشان خاطري يا امي انا مش مستحمل كله الا غضبانك عليا ارجوكي
ندي بدموع اوعي انت كسرت قلب بنتي وبنت اختي مريم مكانتش هتبقي مراتك بس دي حبيبت قلبي ولو مكانتش هي مش عايزه خالص
زين بدموع ووجع لالا متقلقيش ولا هي ولا غيرها اانا مش هتجوز خالص
عشق قومته واكملت بدموع انا من زمان سرك كنت تسيب الكل وتحكيلي انا او اسر بلاكتر اللي مضايقك يازين ومش معني انك كبرت يبقي ده اتغير عرفني فيك ايه وايه يخليك تقول كده
زيمن بدموع انتي واثقه فيا وبتعتبريني ابنك وعارفه تربيتي صح
عشق بدموع صح يا حبيبي
زين بدموع وانا غصب عني
مريم بصراخ وعياط خلاااااص انتوا مفكرين ان بعد ما كلكم تتحايلوا عليه حتي لو وافق انا هرضي لا انا مش قليله انا مريم مراد علي نبيل السيوفي كله بيتمناني بس انا محبتش وعشقت غير اللي كسرني وعايزاك تستريح يا ابن عمي انا لا هتجوزك ولا هتجوز غيرك لاني مستحيل اخلي راجل غيرك يبقي جوزي ومش هقدر اتجوز غيرك وانا قلبي معاك وانت حكمت وانا موافقه بلحكم عن اذنك
وطلعت وهي بتعيط ومنهاره طلع وراها اسر
زين بدموع عن اذنكم وطلع اوضته وهو حزين وموجوع اوي
————————————
في اوضه مريم
مريم بتعيط واسر حاضنها
اسر ممكن تهدي وكفاياكي عياط زين بيحبك وانتي عارفه اكيد في سبب وكبير كمان
مريم بدموع عادي يا اسر خلاص دي رغبته وانا هحترمها انامش قليله علشان اتحايل عليه ده هو اللي مش هيعرف يكسبني تاني خلاص
اسر بتنهيده مريم ممكن تهدي انا هتكلم معاه واشوفه
مريم بصراخ لاااا متكلمش حد ولو سمحت انا تعبانه وعايزه انام وفردت جسمها اسر غطاها وباس راسها بحزن وطلع
———————————
زين قاعد في اوضته قدام صوره مريم اللي واخده حيز كبير وواضح علي الحيطه وعنيه بتدمع بس
زين بدموع انتي عارفه انا بحبك ازاي بس مش كل اتنين بيحبوا بعض بيكملوا عارف اني كسرت وعد معاكي بس لازم يا مريم تنسيني لازم
اسر دخل واكمل طب منتا قاعد بتكلم صورتها اهو وعامل فيها روميو قوم شوفها بدل ماهي مموته نفسها عياط
زين بوجع ارجوك يا اسر سبني لوحدي انا تعبان
اسر بحزن ومن امتي زين اخويا بيخبي عليا حاجه ياض ده من واحنا عيال انت سرك معايا حتي حبك لمريم انا عرفته قبلها
زين بدموع بس مش قادر احكي فعلا
اسر ايه اللي يخليك بعد ماكنت مستني يوم ما مريم تبقي مراتك تتخلي عن كده بسهوله يابني انت كنت مستني فرحي اكتر مني
زين بدموع النصيب
اسر بحده النصيب ده كلمه الناس بتضحك بيها علي بعض اللي عايز حد مبيسبهوش والجواز اختيار مش نصيب يخش تفحت في الصخر علشان اللي بتحبه انما انت كان فاضل خطوه استسلمت فوق لنفسك يازين. انا وانت عارفين انك بتموت في مريم
زين بدموع ومحدش غيرها هيدخل قلبي ليوم ماموت بس مش هينفع اكمل معاها وخلاص
اسر بتنهيده مش مقتنع بس هسيبك مؤقتا تعد مع نفسك وراجعها حد غيري كان قالك اختي كتير عليك وغاليه والف مين يتمناها بس انا عارف ان في حاجه
وسابه وطلع وزين فضل علي نفس الحال ده وقام جاب صوره ليها في برواز وحضنها ونام بوجع ودموعه علي خده
————————————-
في الجنينه قاعد ادم
دنا ممكن اجي اقعد معاك
ادم بتنهيده اقعد يا دنا
دنا اتفضل عملتلك شاي حطت ايديها علي كتفه واكملت مالك فيك ايه
ادم خده منها واكمل تسلم ايدك واكمل بحزن مضايق علي اختي فرحتها اتكسرت قلبي واجعني اوي علي شكلها وهي بتعيط
دنا بحزن انت مشوفتش زين بيحبها قد ايه كلنا مصدومين بجد بس اكيد في حاجه يا ادم زين بيعشق مريم
ادم بتفكير طب بقولك عندي فكره هي مريم ليها صديق مقرب غريب
دنا بتفكير اممممم اه رامز ده كان ساكن هنا صاحبهم كلهم بس اسر وسليم وزين مش بيحبوا
ادم بضحك اومال مين بيحبوا
دنا هو صاحب عمرو وكان بيحب مريم وبيعتبر مكه واسيل اخواته بس حاليا خاطب وبيحب خطيبته
ادم حد يعرف انه خاطب??
دنا عمرو بس متهيالي وانا عرفت منه مره بلصدفه واحنا قاعدين بنتكلم عليه
ادم طب هاتي رقمه
دنا خدت الرقم كتبته واكملت اهو هتعمل ايه بقي
ادم الراجل يعني غيره يمكن لما يحس ان ممكن مريم تضيع يتكلم
دنا بضحك هتخليه يولع حرام عليك
ادم استني بس اهم حاجه عايزك تخلي عمرو يسكت فهميه اللي هقولك عليه
دنا تمام
ادم بضحك اول مرع نتفق ايه رايك نبقي اصحاب
دنا بحب موافقه جدااا
ادم وهو بيشرب الشاي اللي عملته اكمل يعني هتبطلي شغل القط والفار
دنا بضحك موعدكش
ادم اتصدم من طعم الشاي ورجع كل اللي شربه وهي واقفه تضحك واكمل بعصبيه ايه القرف ده حطالي ملح في الشاي حرام عليكي يا شيخه دي منظر دماغ دكتوره وانا اقول جايه تقعدي معايا ليه وقام يجري وراها
دنا بضحك وهي بتجري استني بس استني يا ادم هفهمك بهزررر والله وراحت اتزحلقت وقعت في البيسين
دنا شهقت بخوف واكملت الحقني طلعني من هنا
ادم وقف واكمل بضحك وربي تستااهلي علشان تحطيلي ملح في الشاي
دنا وهي بتنزل وتطلع اكلمت بدموع متهزرش انا مبعرفش اعوم والبيسين كبير هتخنق
ادم بصدمه بجد ولا بتهزري
دنا بدموع وتقطيع والله ب جد مش بع رف اعوم
ادم قلع قميصه ونزل البيسين وراح عندها وشدها ليه وبعدين رفعها علي دراعه وطلع بيها
دنا اتوترت جدا من الطريقه اللي شايلها بيها واكلمت بخجل نزلني خلاص
ادم بخبث من عنيا بس كده وراح سابها فاجاه وقعت علي ضهرها
دنا بوجع اااااه منك لله يا ادم يابن ام ادم
ادم لا ام اسر ملكيش دعوه بيها دي في القلب
دنا بوجع كسرت ضهري وهتعمل فيها محترم وبار بوالديك
ادم بحزن لا مش بار بوالديا للاسف بس بحاول ابقي كده علطول
دنا بحزن انا مقصدش افكرك
ادم وهو بيلبس قميصه اكمل عارف وقومي نامي بقي كفايكي سهر علشان بكره
دنا ماشي جود نايت
ادم بابتسامه جود نايت
————————————
في اوضه اسر واسيل
اسيل خدت شاور ولبست قميص وقعدت علي السرير وماسكه الفون واسر بياخد شاور
بعد شويه اسر خرج لابس بنطلون بيتي وتيشرت وراح قعد جمبها
اسر اسيل
اسيل امممم
اسر سيبي الفون وانا بكلمك
اسيل اهو يا حبيبي ايه
اسر انا مش عاجبني وضع زين ومش مرتاحله اكيد في حاجه محدش عارفها
اسيل بحزن روحت لمريم مرضيتش تتكلم خالص وكانت بتعيط وقالتلي هنام وانا مش فاهمه زين بيعمل كده ليه بجد
اسر بتنهيده مش عارف بس لازم نعرف وراه ايه الموضوع غريب اوي اي السبب اللي يخليه يعمل كده بس
اسيل بحزن ربنا يهديهم يارب
اسر يارب ده نكدوا علي نفسهم وعليا في صابحيتي
اسيل برفعه حاجب هما بردو اللي نكدوا
اسر بضحك مالك يابت في ايه
اسيل فردت جسمهاو اتغطت واكملت مفيش ونام
اسر خلع تيشرته وحضنها واكمل قومي بس انتي مش حلفتي انك مش زعلانه
اسيل بصتله واكملت البس هدومك وابعد عني واتلم واه مش زعلانه بس مش هنسي انك سبتني في صابحيتي
اسر بحب وهو بيشيل شعرها من علي عنيها اكمل سيلا انتي عارفه بحبك قد ايه بس انا لما نزلت نزلت غصب عني بجد
اسيل بحزن خلاص يا اسر محصلش حاجه
اسر بخبث لا ده حبيبي زعلان لازم اصالحوا وبيقرب منها
اسيل بضحك طب اوعي واتلم بطل قله ادب
اسر باسها واكمل بضحك الله مش عايز اصالحك
اسيل لا والله
اسر بحب اه والله
———————————
تاني يوم الصبح في اوضه اسر صحي شااف اسيل نايمه في حضنه ابتسم وباسها ورايح يقوم مسكته
اسيل بنوم خليك شويه رايح فين
اسر رايح المخزن الاول للكلب اللي تبع تاجر السلاح بعدين القسم
اسيل قامت اتعدلت واكملت انت مش هتفضل يوم ابدا
اسر طب اعمل اي هحاول والله افضي نفسي واعوضك عن كل ده
اسيل بحزن طيب يا اسر
اسر بضحك غمز لسه زعلانه ولا ايه اصالحك تاني
اسيل بضحك اوعي بس واتربي شويه انا زعلانه لاني فكرت لما نتجوز هتبقي معايا انما فرقت ايه كده
اسر فرقت انك بقيتي تنامي في حضني ومحدش يقدر يتكلم وبعد مرمطه القسم دي برجع الاقي حضنك مفتوحلي ودي بنسبالي كفايه
اسيل انت عارف اني مش قصدي رخامه بس انت بجد بتواحشني علشان كده كنت عايزه ادخل شرطه واشتغل معاك انت مرضتش
اسر اصل انتي بتستعبطي شرطه ايه يابابا اللي تخشيها انتي هي الرجاله سالمه منها لما يدخلها حريم قومي يا اسيل اعمليلي افطر قومي ومتحرقيش دمي
اسيل قامت ودخلت خدت شاور وكذلك اسر ولبست دريس وواقفه بتعمل الطرحه
اسر وهو بيزرر القميص اكمل اعدلي الطرحه شعرك باين يا اسيل
اسيل البندانه واسعه فبتتزحلق وانا بلبسه مش مني
اسر اه يعني هو ده مبرر ماتغيري ام البندانه
اسيل بخبث سيبك خلاص انا هلبس بونيه
اسر ايه هو البتاع ده
اسيل لبسته واكلمت اهو شو رايك
اسر وهو بيلبس الكوتش اكمل اه كملي واشوفه
اسيل بضحك لا مالوش طرحه هو كده بس
اسر برفعه حاجب نعم ياختي
اسيل اه والله هو كده
اسر طب بصي انا لاعايز اتعصب ولا اشتم شتايم متصحش ولا امد ايدي عليكي وعااارف انك قاصده تحرقي دمي فا غيري القرف اللي مبين نص شعرك ده والبسي حجاب زي الناس
اسيل بضحك قفشتني يعني
اسر اه مش عارفك امبارح انا انتي متربيه قدامي
اسيل لبسته الحجاب وراحت مسكت خده واكلمت ايه ياروحي الشطاره دي
اسر بحب وهو بيشدها ليه اكمل ده ايه انتي الحلاوه دي
اسيل بضحك اااه انا عارفه النظره دي فهنزل اعملك فطار وفتحت ونزلت واسر ضحك عليها
وبعد شويه اسيل طلعت وفطروا سوا واسر مشي
———————————-
في المخزن
اسر قاعد وحاطط رجل علي رجل واكمل ها يا صلاح اختارت ايه تساعدني وعقوبتك تخف ولا انا كده كده هجيبهم. حتي لو من تحت الارض وتتعاقب زيك زيهم
صلاح بخوف لالا يا اسر بيه انا موافق اساعدك انت
اسر تمام بس فتره كام يوم وهبدا انفذ لان حاليا ماسك قضيه تانيه مع السلاح
صلاح بخوف وانا هفضل هنا لسه كل ده
اسر بعصبيه اومال هخرجك ولا ايه اديك بتاكل احسن اكل وبتتخمد
صلاح بخوف تمام ياباشا امرك
———————————–
في القسم
زين ايوه يعني انت بروح امك هتكدب عيني انا شايفك وانت بتسلم وبتستلم
عصام بخوف ياباشا انت فاهم غلط انا فعلا روحت بس فاكر انها بضاعه اكسسورات عاديه انا معايا محل اكسسورات بس ولاد الحرام اكيد بدلوها
زين بعصبيه بقولك ايه بطل شغل الصياعه ده انا ماسكك متلبس وفي حته مقطوعه فمتحاولش لبساك لبساك
اسر خبط دخل واكمل ايه جابك يازين انت مش فايق الشغل
زين. بتنهيده والله تعبت بس مش عايز اقعد في البيت
اسر الهروب مش حل قوم روح وريح اعصابك انهارده وحط ايده عليه واكمل يابني انت جسمك مولع ايه مش حاسس قوم قوم روح
زين بتعب لا عادي كويس متقلقش
اسر بحده طب انا قولت قوم وسيبهولي ده
زين بتنهيده طيب يا اسر
————————————-
في اوضه مكه
سليم خبط فتحتله مريم واكملت اتفضل ياسليم
سليم فين مكه
مريم جوه ادخلها يلا هنزل انا خليها تلبس وتنزل
سليم بصدمه هي لسه ملبستش
مريم بضحك لا اي الجديد البرود في دمها
دخل سليم لقي مكه نايمه وسايبه شعرها وكانت زي القمر قرب باس خدها واكمل مكه بت قومي يا كوكي
مكه بنوم سليم سبني انام مش قادره
سليم بقلق مالك يا حبيبتي
مكه بتعب تعبانه اوي مش عايزه اروح انهارده الجامعه
سليم بقلق قومها عدلها واكمل لا فتحي عنيكي فهميني مالك تعبانه ليه
مكه تعبانه وخلاص يا سليم
سليم طب تعالي نروح للدكتور
مكه باحراج لا لا مش مستاهله دكتور هو شويه وابقي كويسه طبيعي يعني
سليم بضحك اه اه خلاص فهمت طيب حبيبي خليكي انهارده وانا اللي هيفوتك هشرحه ليكي
مكه باحراج انت فهمت ايه هاا
سليم باس جبيبنها واكمل خلاص يا مكه فهمت وخلاص احنا واحد علي فكره عموما ارتاحي انتي دلوقتي يلا باي
مكه بحب باي يا حبيبي
————————————-
في الفيلا في الصالون
زين دخل وباين عليه الارهاق
عشق مالك يابني فيك ايه
زين قعد واكمل بتعب الشغل بس يا مرات عمي متقلقيش
ايمان قوم نام يا حبيبي شويه
مريم عنيها دمعت ومنعت نفسها من انها تساله ماله او تبص في وشه اصلا واكملت يلا ياسليم هتاخر
سليم حاضر ياروما نازل اهو بس مكه مش هتروح علشان تعبانه
عشق ليه مالها
سليم بضحك ماتعبانه وخلاص يا عمتي بقي
عشق بضحك اه ماشي
ليان يلا يا ايلين عمرو مستنينا برا يا هانم بقاله ساعه
عشق بضحك اه وانتي مش قادره تستحملي يقف يعيني
ليان بضحك الله مش جوزي قره عيني
مريم بدموع سليم مستنياك برا خلص اللي بتعملوا وتعاالي
سليم بتنهيده ماشي ياحبيبتي روحي
ومريم طلعت برا فعلا
زين بعصبيه حبك بورص ايه حبيبتي دي ياحيوان
سليم وانت مالك هي متخصكش بنت عمتي واختي وحبيبتي ميخصكش وعن اذنك
زين نفخ بعصبيه وطلع اوضته
ادم غمز لدنا فهمت قصده وضحكت ( ان زين بيغير يعني)
ليان بحزن واالله مش قصدي يا عمتي ازعلها لما قولت علي عمرو
عشق عارفه يا حبيبتي عارفه
ايلين نزلت واكملت انا مش هروح الكليه انهارده معنديش حاجه مهمه روحي انتي مع جوزك خلاص
ليان وربي انتي بارده بعد ماستنيتك كل ده
ايلين معلش ياليان بس حقيقي مخنوقه ومش عايزه اروح
ليان ماشي يلا باي
عشق مالك انتي كمان
ايلين متخانقه مع مصطفي
عشق من اولها يا ايلين خناق حصل ايه
ايلين بحده حاجه تافهه اصلا قالي متنزليش صور الخطوبه انستا قولتله ماشي بس نزلتها بصراحه قولت خلاص يعني هيعدي يقول فرحانه بي خطوبتها بس لا هزقني وعلي صوته عليا
عشق تستاهلي والله حقه
ايلين ليييه يعني حقه عملت ايه انا
ادم اكبري شويه وبطلي عناد زي العيال خطيبك قالك متنزليش زفت صور علي انستا خلاص وبعدين الانستا مصر كلها ممكن تشوف الصور وهو مش حابب حد يشوف صورك مغلطش
عشق واعتبره غلط مينفعش تكسر كلامه قومي صالحي خطيبك
ايلين وهي بتربع ايديها لا ومش هكلمه تاااني مهما يحصل انا مغلطش
اسيل متقاوحيش لا غلطي قومي كلميه
ايلين قولت لا يعني لا وتليفونها رن وكان هو ردت واكملت ايه ياروحي اه قولتلك مقصدش حقك عليا بقي وفضلت تتكلم وهي ماشيه طالعه اوضتها
ادم بضحك ضرب كف في كف واكمل ياحول الله يارب
دنا بضحك هو اللي انا شوفته ده حقيقي
شيرين بضحك البت دي طالعه لمين كده
عشق بصدمه والله ياختي. ماعرف انا هتشل خلاص منها
اسيل بضحك لا يعني لا
وبعد شويه مريم جات من الكليه لقيت عندهم رامز
مريم بفرح رامزز عاش من شافك يا جدع
رامز بحب مريوم القمر واحشاني وربي
ادم مش تعرفينا يا مريوم
مريم اااه ده رامز صديق الطفوله
عشق ازيك يا حبيبي وماما ايه اخبارها
رامز بخير يا طنط تسلميلي يارب
ادم طب تعالوا نقعد جوا في الجنينه
رامز تمام يلا بينا
في الجنينه
ادم بخبث ايه رايكم نلعب لعبه
دنا بمرح ااه ااه موافقه نلعب استغمايه
رامز وانا كمان موافق
مريم بحزن مليش مزاج
رامز معلش هنتسلي شويه يا مريوم يعني جاي ضيف عندكم هتزعليني
مريم بتنهيده طيب ماشي
ادم يلا يا مريم انتي الاول
مريم خدت الطرحه ربطتها علي عنيها وغمز ادم لاسيل فطلعت لزين وخبطت
زين بتعب ايه يا اسيل
اسيل بتوتر بتحاول تخفيه اكملت زين انت بجد مش عايز مريم
زين بوجع اه مش عايزها
اسيل بخبث طيب ريحتني علشان هي قاعده مع رامز فكده انت مش هتضايق سلام
زين بعصبيه نعم قاعده مع مين
اسيل مع رامز ونزلت
زين نزل بعصبيه ورايح عندها
ندي رايح فين ملكش دعوه بحياتها انت مش سبتها
زين بحده محدش ليه دعوه بنت عمي ومش عايزها تكلم حد غريب ودخل الجنينه شافها بتلعب معاهم زعل جدا
مريم وهي بتمشي مش شايفه اكملت مش عارفه امسك حد فيكم ايه اهدوا متجروش بعيد وفاجاه مسكت حد وكلهم سكتوا
مريم بفرح اخيرا مسكت حد واكملت بوجع بس ده مش ادم ولا رامز وحطت ايديها علي خده فعرفته واكلمت بدموع ده اللي كسرني وشالت الطرحه وزقته واكملت بعصبيه انت اي جابك مش عايزه اشوفك
زين بحده انتي بتعملي ايه انتي بتستعبطي عماله تلعبي مع حد غريب
مريم بعصبيه ميخصكش انت سبتني وخلاص ميخصكش
زين مسك دراعها جامد واكمل بعصبيه اتعدلي علشان مدكيش قلم علي وشك يعدلك الواد ده ملكيش دعوه بيه وهمس بحده ولا نسيتي انه كان بيحب حضرتك
مريم بدموع سيب ايدي يا زين
ادم زين زين ميصحش الطريقه دي اهدي
زين بعصبيه انت يرضيك اختك تلعب بلطريقه دي مع حد غريب
رامز ايه ياباشا انا متربي معاكم علي فكره وجيران ميصحش كلامك ده وبعدين انت علي راي المثل لا خيرك ولا كفايه شرك انت سبتها خلاص غيرك ياخدها
زين ضربه بلبوكس وقعه واكمل بحده ده عند امك الكلام ده وبص لمريم واكمل علي اوضتك
مريم بدموع زين انا
زين بصلها بحده فطلعت علي اوضتها
ادم بضحك لا مسيطر من بصه خلعت
زين بحده الحيوان ده يطلع ولو شوفته هنا تاني هموته ومش مهم اتحبس ومشي
ادم بضحك قومه واكمل حقك عليا يا غالي معرفش انه هيضرب بس انت تستاهل حرقت دمه بزياده
رامز بوجع المهم يجي بفايده
ادم هيجي باذن الله
ورامز سلم عليهم ومشي ودنا وادم ضربوا ايدهم في بعض
دنا بضحك كان غيران عليها اوي
ادم يابنتي كنت عارف ان بيحبها بس كده اهو حركنا مشاعره شويه يمكن ينطق هبب ليه كده
————————————
في اوضه زين كان بياخد شاور ودمه محروق اوي وفكر يصارح مريم بس تراجع من خوفه عليها لما تعرف
الباب خبط محدش فتح خبط تاني محدش فتح مريم دخلت وسمعت صوت الدش وعرفت انه في الحمام رايحه تطلع لفت نظرها ان الستاره االلي علي الحيط متشاله وصورتها واخده الحيطه كلها
فلاش بااااك
ايام الثانوي
مريم زين قوم ولا اجبلك بابا يصحيك لحسن عمو ادهم مدلعك خالص
زين بنوم يا مريم سهرت بذاكر سيبيني شويه
مريم بضحك لا هو بابا اصلا اللي يعرف يظبطك مربيلكم الرعب انت واسر علشان تصحوا تذكروا وده الصح انتوا في سنه مهمه
مراد دخل واكمل هو لسه الحيوان ده مصحيش هو انا اصحي واحد ينام االتاني
زين قام مفزوع واكمل لالا يا عمي صحيت اهو وهلبس وانزل الدرس حالا
مربم بضحك جبان
مراد استغرب من الستاره اللي محطوطه اخر الاوضه واكمل الناس بتحط الستاره عند البلكونه ممكن في الصالون انما في حيطه اخر الاوضه دي جديده
مريم بضحك يمكن وراها خازنه سريه زي المسلسلات
مراد بضحك يمكن ورايح ناحيتها
زين اكمل بسرعه لا انتوا كده هتاخروني برا لو سمحتوا يا حبايبي علشان البس ولما ارجع ابقوا اتنمروا براحتكم علي الستاره
مراد بضحك طيب يلا يا مريم سيبيه يلبس
باااااااك
مريم بدموع علشان كده خاف بابا يزعقله لما يشوفه حاط علي كل الحيطه صورتي ويعرف ان ساعتها كان بيحبني واما بتحبني كل ده يازين هونت عليك تسبني وتكسرني
وسمعت فونه رن بصت لفت نظرها انه دكتور كمال صاحب بااباها وزميل في المستشفي فردت رايحه تتكلم اتصدمت وعنيها دمعت من اللي سمعته والفون وقع طفي من ايديها في طالعه زين من الحمام لابس بنطلون وعاري الصدر اكمل بصدمه لما شافها انتي ايه جابك اوضتي ومسكتي فوني ليه
مريم بعياط انت علشان كده سبتني
زين بخوف علشان ايه يا مريم
مريم حضنته واكملت بانهيار ازاااااي متقوليش ازاااي تخبي عليا انك عندك السرطان يازين
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية حطمت قلبي 2)