رواية خادمة قلبي 2 الفصل التاسع عشر 19 بقلم زهرة عصام

رواية خادمة قلبي 2 الفصل التاسع عشر 19 بقلم زهرة عصام

رواية خادمة قلبي 2 البارت التاسع عشر

رواية خادمة قلبي 2 الجزء التاسع عشر

رواية خادمة قلبي 2 الحلقة التاسعة عشر

رهف بسرعة صدمته و قالت:-

تجي نتجوز بالسر

حازم إتصدم من كلامها و قال :-

إنتي بتقولي ايه ؟

رهف بصت في التليفون و حطت ايديها على بوقها و قالت في نفسها:-

أقسم بالله ما شفت أغبي مني

حطت التليفون على ودنها تاني و قال:-

دا كان توكتوك معدي يا سعادة البيه المدير متاخدش في بالك إنت عارف إني هبلة

زفر حازم براحة و قال:-

اممممم هبلة ؟ طب يا هبلة هانم متصلة دلوقتي ليه ؟

رهف بسرعة:-

برازي فيك

لحظة إستوعبت اللي قالته و كملت بضحكة متوترة:-

قصدي بطمن على الوضع عندك تقولك إقفل دلوقتي و هبقي أكلمك تاني أصل الماية جت و هدخل أخد شاور

قفلت الخط و هي بتقول:-

الله يرحم أمك يا رهف قال شاور قال ماله الكلام بتاعنا دا ماله هدخل ا.ستحـمي لحسن دا أنا ريحتي بقت تقر.ف من كتر التنضيف و التراب اللي مغطي أ.مي

حازم بص لـ ملوك و قال:-

البت دي حاجة من الاتنين يا إما عبيطة يا إما عبيطة

ملوك ضحكت و هزت رأسها بايجاب فـ حازم قال:-

أيوة صح أنا كنت عارف هي عبيطة ، تعالي نشوف ملك يلا

❈-❈-❈

منال وصلت أوضة ملك و لقت مالك و وليد بره لسه هتتكلم سمعت صرا.خ ملك و هي بتقول بتقول:-

ولاااااااادي

منال جريب على الأوضة و دخلت لقت ملك قاعدة و ظهرها على الحيطة و رأسها لورا و حاطة ايديها على بطنها و بتصر.خ

منال جريت عليها و أخدتها في حضنها و هي بتقول:-

بس يا حبيبتي متعمليش في نفسك كدا عشان خاطري و خاطر ملوك

ملك بصت ليها و قالت بانهيار:-

ابني يا أمي إبني راح ، يا ريتني كنت أنا و هو لا يا ربي

منال باست على رأسها و قالت:-

ربنا يعوض عليكي يا حبيبتي أهدي عشان خاطر صحتك اهدي يا ملك

مالك كان واقف على الباب و باصص عليها و دموعه بنتزل بصمت ، عاوز يدخل يخدها في حضنه بس رجليه متخشبة مش قادر يتحرك ، وليد حط ايده على كتفه و همس قائلاً:-

هتبقي كويسة يا مالك ، صدمة خسارة ابنها مش سهلة برضوا ، دا غير كلامك اللي زي السم اللي سمعته منك و أنا عارفك لما بتتغابي و تلغي عقلك و تفكيرك

مالك كان باصص ليها هو مش متخيل إن الأمور وصلت لكدا بينهم ، و أنه حتي مش قادر يدخل ياخدها في حضنه ، بص عليها و هي بتبكي في حضن أمها و عيونة بتنزل دموع لوحدها من غير حتي ما يبكي

سمع جملتها اللي قطعت قلبه

ملك :- لي يا أمي كدا ؟ لي ربنا بيختبرني في ولادي ، كان ممكن ياخدني بس ولادي يفضلوا بسلام

منال بصت ليها بحدة و قالت:-

إنتي من إمتي ضعيفة كدا ، لا يا بنت منال انتي أقوي من كدا و هتعدي كل دا ، هما يومين اللي هسمحلك فيه تبكي غير كدا وربنا لكون ضربا.كي بالشبشب يا ملك عشان تفوقي لنفسك ، هتكفري و انتي قاعدة يا بنت الصر’مة

مالك مستحملش يشوفها كدا خرج جري و وليد وراه ، حازم قابلهم في الطريق بس سابهم و دخل لـ ملك اللي أول ما شافت ملوك فتحت اديها و ملوك راحت ليها

ملك بقت حاضنة ملوك و بتعيط و حازم بص عليها بأسف و انسحب بهدوء علشان يسيب لـ ملك المساحة الكافية ليهم

بمجرد ما حازم قفل الباب منال بصت لـ ملك و قالت بسخرية:-

هقدملك في برنامج الدوم لاكتشاف المواهب الشابة

ملك مسحت دموعها و قالت بتذمر:-

جري اي يا منال ما تسيبي الواحد يعيش الدور ، مش إنتي اللي قولتيلي أعمل كدا ؟

منال بصت ليها بغيظ و قالت:-

تعيشي الدور أي يا فنانة دا خمسة و كنت هصدقك ، دا الواد عيط يا جاحدة بقولك مثلي مش طلعي مواهب أمك المدفونة ، لو حد كان ركز معاكي يا بنت الصر’مة كنتي إتكشفتي

ملك بتذمر و طفولة:-

اية يا منال مش إنتي اللي قولتي للدكتور يقولي أقول إن البيبي ما.ت و أنهار و نفسيتي تتعب عملت اللي قولتي عليه أهو

منال بسخرية:-

و الصراحة إنتي ما صدقتي الفرصة تجيلك و تبدئي موهبتك اللي انتي بتموتي فيها صح ؟

ملك بغيظ :-

أيوة يختي أنا كان طموحي ابقي ممثلة بس إنتوا إللي دفنتوا موهبتي و دلوقتي جه الوقت إنها تطلع للنور

و بصت لـ ملوك و قالت بحنان:-

إنتي كويسة يا قلب ماما ؟

ملوك هزت رأسها بايجاب و حضنتها

ملك بصت لـ منال و قالت:-

و دتيها لدكتور يا ماما قالك أي

منال بلعت ريقها عشان عارفه إني ملك تستحمل أي حاجة إلا إن ملوك تزعل فقالت بهدوء:-

شوية و هترجع تتكلم تاني محتاجة شوية اهتمام بس

ملك هزت رأسها بايجاب و باست على راس ملوك و شدد من حضنها و قالت:-

قوليلي يا منال إنتي عملتي دا كله ازي ؟

منال إبتسمت بخبث و قالت:-

أول ما خدوكي العمليات دخلت للدكتور في الخباثة و طبعاً كله كان مشغول فمحدش ركز معايا

فلاش باك

منال بصت للدكتور و قالت:-

بنتي يا دكتور عاملة اية ؟

الدكتور بصلها و قال:-

هي كويسة جدا على فكرة عندها نز يف بسيط بسبب الضغط النفسي غير كدا هي كويسة و دا علاجه حاجة بسيطة و سهل جدا

منال بتفهم :-

حلو أوي دلوقتي المنيل على عينه جوزها هو السبب في الضغط النفسي دا و أنا الصراحة عاوزة اربيعه شوية فهطلب منك خدمة قد كدا

الدكتور يصلها و عقد حواجبه و قال:-

خدمة اية دي ؟ على حسب اللي هتطلبيه

منال إبتسمت بخبث و قالت:-

إنت هتخرح من العمليات تقول قدام الكل إن ملك فقدت الحنين

الدكتور بغباء:-

أيوة بس دا محصلش و هي كويسة و البيبي كويس

منال بحدة:-

دكتور فتح مخك الزنخ دا معايا مش ناقصة غباء على المسا

الدكتور بصلها بصدمة و قال:-

إنتي بتكلميني أنا ؟

منال بسخرية:-

لا بكلم أمك بص يا دكتور إنتي هتقول ليهم إن اللجنين نزل كدا و كدا يعني

الدكتور بصلها و قال بحدة:-

إنتي عاوزاني أخون ضميري المهني يا مدام ؟

منال بصت ليه و رفعت حاجبتها و قالت:-

ضمير ايه يا دكتور الحميـ ـر إنت ، إسمي اللي بقولك عليه وتنفذة وإلا هفضحك في المستشفى كلها و اقول بيتحمر.ش بيا

الدكتور بصلها و بلع ريقة بصعوبة هو مش عاوز مشاكل و قال:-

حاضر اتفضلي انتي و أنا هنفذ كل اللي انتي عايزاه

منال خرجت و هي بتقول:-

لازم يخرجوني عن شعوري و أنا من جوايا ست مؤدبة

باااك

ملك بسخرية:-

ابليس بيسقفلك يا منال

منال بكيد و بحاجب مرفوع:-

طبعاً دا ابليس دا تربيتي يا بت

❈-❈-❈

مالك ركب عربيته و جري بيها و وليد ملحقوش لسه هيوقف تاكسي لقي موبايله بيرن وقف رد عليه

منه قاعدة في بيتها القديم و شايلة مالك الصغير و هي بتقول بتذمر:-

هو اي القرف دا بقي كان لازم مالك يعمل دا كله وليد وحشني أوي

حسبي الله ونعم الوكيل فيك يا مالك يا إبن أم مالك

مسكت تليفوها و كلمت وليد اللي رد عليها و قال:-

أيوة يا حبيبتي إنتي كويسة ؟

منه بحب :- اية يا حبيبي أنا كويسة الحمد لله إنت عامل اية و ملك و ملوك عاملين اية

وليد بتنهيده:-

هما كويسين يا حبيبتي المهم خدي بالك من نفسك و من مالك الصغير لحد ما أجيلك

أنا شوية و هرجع الفيلا أطمن عليكم

منه بلعت ريقها بصعوبة و قالت بتوتر:-

لا يا وليد يا حبيبي إحنا مش في الفيلا

وليد عقد حواجبه و سالها بتوجس :-

أومال إنتوا فين يا منه ؟ و إزاي تخرجي من البيت و إنتي لسه والده و من غير إذني

منه بلعت ريقها و قالت بتوتر:-

أنا في بيتنا يا وليد

وليد زعق و قال:-

نعم يختي ؟ في بيت مين ؟ إوعي تقولي عند منال

منه باكيد:-

أيوة يا وليد ماما خليتي لميت هدومي و أنا و مالك الصغير و هدوم ملك و ملوك و رجعنا بيتنا

وليد بصدمة و زعيق:-

و متنيلتيش قولتيلي ليه وإلا أنا مليش كلمة عليكي ، و بعدين هو يغلط وأنا اتعاقب ليه ؟

منه عقدت حواجبها و قالت:-

إنت بتزعقلي يا وليد وانا لسه مسبعتش أنا غلطانة إني حنيت ليك و كلمتك يقطـ ـع الحب و سنينه

و قفلت الخط

وليد بص للتيلفون و قال:-

بتقفل الخط في وشي بنت منال ، مش مكفيها خدت الواد و طفشت لا كمان مش عاجبها إني اتعصب عليها ماشي يا منه انتي و أمك

دخل المستشفى و وصل لاوضة ملك لقي منال واقفة على الباب

بصلها و قال بغيظ :-

طب مالك غلط أنا مال أمي بتعاقيني معاه ليه ؟ دا انا ملحقتش أفرح بالواد يا منال

منال بصت ليه من فوق لتحت و قالت:-

معلش يا وليد أنا عندي الحسنه بتخص و السيئه بتعم

وليد نفخ و قال:-

يا منال استهدي بالله و خليها ترجع البيت هروح اخدها ، أنا مليش ذنب

منال ضحكت بسخرية و قالت:-

نجوم السما أقرب ليك يا وليد ، بص يا إبني من الآخر أنا ممشية بناتي على قاعدة

يا نعيش عيشه فُل يا نمو.ت إحنا الكل

وليد بصلها بغيط و سابها و مشي و منال بصت لـ حازم اللي ضحك عليهم و قالت:-

وأنت يا كابتن رهف أسمع إنك زعلتها بس شوف إيه اللي هيجري ليك

حازم رفع حاجبة و قال:-:

وأنا مالي بيها يا منال ؟

منال بحزم :-

مالك و نص و تلت تربع مش هتبقي مراتك ؟

حازم بصلها بدهشة و قال:-

م اية مراتي ؟ مين اللي قال كدا ؟

منال بحدة:-

أنا اللي قولت اية هتكسر كلامي كمان ؟

حازم بغيظ :-

لا يا حبيبتي مش هكسرة بس بصي يا منال إنتي لسه قيلاها من شوية لوليد نجوم السما أقربلك من إني اتجوز العيلة دي و شابها و مشي

منال في سرها:-

ماشي يا شوية أوباش أما ربيتكم من أول و جديد ميبقاش إسمي منال

مسكت خصله من شعرها و قالت:-

و حيات مقاصيصي دي لخليكم تلفوا حولين نفسكم و برضوا مش هرحمكم عشان تتعلموا الأدب إن كان انتوا وإلا شوية العر.ر اللي أنا مخلفاهم

❈-❈-❈

مالك كان واقف في مكان خالي من الناس مكان لما يبقي مخنوق بيروح يقعد فيه

كان ماسك شوية طوب و برمي في الفراغ و هو بيفكر

هل هيقدر يجمع العيلة تاني بعد اللي عمله وإلا كدا خلاص عيلته إتشتت و مش هيتجمعوا سوا تاني ؟

دمعة نزلت منه لما إفتكر ابنه اللي مشفش الدنيا و قال:-

سامحني يا حبيبي سامحني والله مكنتش أعرف إنك هتكون ضحية شيطاني ، أنا الغلطان مفيش غيري بس كنت هعمل ايه إفتكرت إني لما هقسي الوضع هيتعدل اتارية كان بيبوظ وأنا مش واخد بالي ، يا رب احفظهم ليا يا رب عارف إني غلط اديني القدرة إني ارجعهم ليا تاني

بص في الساعة لقاها تسعة بليل أخد العربية و جري بيها لحد ما وصل حضانة ملوك ركن و نام في العربية و هو بيقول:-

حقك هاخده من كل اللي سـ ـخني عليكي يا ملك أهي بنت الكـ ـلب دي هي السبب في اللي حصل كله ما كانت إنضر.بت و هي ساكته

مالك نام من شده إرهاق اليوم و ملك و ملوك نايمين في المستشفى و منال نايمة على سرير جنبهم

وليد اللي قاعد في الكافيه مركز في الأغنية و الكوبلية اللي أشتغل

مبقتش عارفه اعمل ايه حالي مش صعبان عليه

فردد بسخرية قائلا:-

والله العظيم حالي ما صعبان علي حد ، مالي و مال مشاكل مالك و مراته

و كمل بتزمر طفولي:-

أنا عاوز مراتي مليش فيه

و حازم اللي قاعد قدام أوضة ملك و ساند راسة على الحيطة غمض عينه و سمع صوتها و هو بيقول:-

سعادة البيه المدير كريم شانتيه بشا فرقع لوز بيه تجي نتجوز بالسر تيجي ناخد بيت بعيد

كان شايفها و هي بتعمل حركات بإديها و بتغني و بتضحك بشقاوة

راح ليها و قال:-

إنتي عملتي فيا اية يا رهف عاوز اخدك في حضني ينفع

ضر.بت بإديها على صدرها بحركة شعبية و قالت:-

تأخد مين في حضنك يا سعادة البيه المدير إنت مفكرني اية يا خويا والله ما ينفع معاك غير منال هروح أقولها

كانت لسة هتمشي مسك ايديها و قال :-

استني هنا هتقوليلها اية يخربيتك

شدها عليه و هو بيقول:-

قوليلي بقي كنتي هنقولي لمنال اية ؟

رهف بصت في عيونه ببراءة و قالت:-

مش هقول ليها حاجة بس سيب ايدي

حازم قربها ليه أكتر لدرجة إن أنفسهم إختلطت و قال :-

بصي بقى أنا مليش في حركات المُحن دي ولا حول بحبك و الكلام دا بس أنا من ساعة ما شفتك و انتي بتتكلمي بشفا.يفك اللي شبه عسل النحل دي و أنا الصراحة بحب عسل النحل أوي فهدقها

رهف لسه هتتكلم إتفاجئيت بيه بيبوسها بحب فتحت عنيها أوي و حاولت تبعده عنها لحد ما بعد و قال:-

مش قادر أقولك كانت طعمة إزاي

رهف بصتله بصدمة و قالت:-

إنت عملت اية إنت قد اللي عملته دا ؟

طب خد

ضربته بالرجل في رجله لحد ما وقع على الأرض

حازم فتح عينه لقي نفسه واقع على الأرض قدام أوضة ملك فقال بدهشة:-

شكلك هتنفذي كلامك وإلا اية يا منال ، احيه بجد اية اللى أنا حلمت بيه دا ، ربنا يعدي الأيام الجاية على خير

وليد اللي خرج بره المستشفى و أخدت تاكسي و راح لـ منه و مالك الصغير بيت منال و هو بيقول:-

ورحمت أمي لروح أشوفها هو أنا هقعد أحط أيدي على خدي و اغني يحزنون و أنا أصلا مش مدي خوانه