رواية منقذي الامير الفصل الثالث 3 بقلم آية طه

رواية منقذي الامير الفصل الثالث 3 بقلم آية طه

رواية منقذي الامير البارت الثالث

رواية منقذي الامير الجزء الثالث

رواية منقذي الامير الحلقة الثالثة

ياسر بصدمه:نعععم….اعمل ايه…ليه…
ملك:انا خايفه اطلع لوحدى مش عارفه بابا ممكن يعمل ايه.
ياسر:ايوا حضرتك انا لو طلعت معاكى اكيد الوضع هيبقى اصعب وانا هعمل لوالدك ايه بردو انا مش هعرف ادخل فى مسائلكم الشخصيه.
ملك:معاك حق انا اسفه بس انا متوتره وخايفه مش اكتر بشكرك بجد على اللى عملته معايا…شكرا.
وتنزل من السياره وتدخل العماره.اول ماتوصل لباب الشقه لتجد شخص واقف وراءها تلتفت لتجده ياسر.
ملك بصدمه:انت…انت بتعمل ايه هنا.
ياسر:دا بيتك صح واقفه بقالك 10 دقايق علشان تعملى كدا.
ويضرب جرس الباب.ليخرج رجل فى الخمسين من عمره لينظر الى ملك بصدمه:ملك!!!….ترتمى ملك فى حضن والدها وتبكي بشده.
محمد:ملك بنت انتى كنتى فين؟!وايه اللى عمل فيكى كدا؟!
ياسر:الحمدالله على سلامه الهانم الصغيره استأذن انا بقى.
محمد:تستأذن تروح فين؟!وانت مين اصلا؟؟وبتعمل ايه مع بنتى؟؟
ملك:اهدى يابابا دا لولا ياسر مكنش زمانى واقفه هنا دلوقتى هو اللى ساعدنى وانقذنى يابابا.
محمد:ساعدك وانقذك من ايه بالظبط؟؟وانتى كنتى فين ياملك؟؟وتحولت نظراته من خوف وقلق الى غضب شديد.
ياسر:استاذه ملك متقوليش كدا انا معملتش غير المفروض يتعمل مش اكتر استأذن.
يمسك محمد بياسر ويدخل بيه البيت ويغلق الباب ويتكلم بغضب:محدش هيتحرك من هنا غير لما افهم في ايه.
ملك بخوف:انا هقولك على كل حاجه يابابا بس الاستاذ ياسر ملهوش دعوه بحاجه انت المفروض تشكره يابابا انه انقذ بنتك ولولاه مكنتش هبقى هنا ولا كويسه ابدا سيبه يابابا يمشى علشان خاطرى وانا هقولك على كل حاجه والله.
يخرج ياسر من الشقه وتحكى ملك لابيها كل شئ وهو يسمعها فى صمت تام ويظهر عليه ملامح الصدمه والزهول وبعد الانتهاء من الحديث يقوم ويمسك بذراعها ويضربها كف على وجهها ويقول:القلم دا مش علشان اللى انتى عملتيه القلم دا علشان اعرف انى معرفتش اربيكى وانى وثقت فيكى وانتى مش اد الثقه دى .
ملك ببكاء وهى تضع يدها على وجهها:بابا…بابا انا..
محمد:انتى تسكتى خالص ووشك دا انا مش عايز اشوفه تانى وصوتك مش عايز اسمعه لولا امك الله يرحمها اللى وعدتها انى اخلى بالى منك واراعيكى كان هيبقى ليا معاكى تصرف تانى سامعه .
وتركها وليدخل غرفته وتقع ملك على الارض تبكى على حالها.
عند ياسر يدخل مكتب سمير.
ياسر:صباح الخير ياعم سمير اتفضل مفاتيح العربيه.
سمير:ايه يابنى كنت فين برن عليك فونك مقفول ايه اللى اخرك كدا.
ياسر:حصل حوار كدا معايا والفون فصل شحن بعدين ياعم سمير هبقى احكيلك بس انا تعبان دلوقتى فعايز اروح.
سمير:خد حسابك اهو الضعف زى ما اتفقنا وبجد كتر خيرك يابنى ولو تعبت ومش هتقدر تيجي الشغل النهارده متجيش وخد اجازه عادى.
ياسر:لا ياعم سمير ان شاء الله هرتاح شويه وهنزل استلم الشغل ما انت عارف ياعم سمير انا مينفعش اقعد من الشغل.
سمير:ربنا يقويك يارب.ويخرج ياسر ذاهبا الى منزله اول مايدخل من باب شقته ينادى:ياست الحبايب…ياست الحبايب…لسه نايمه ولا ايه.
ترد سيده فى اواخر الخمسين من عمرها:انا هنا يا ياسر يابنى تعالى.
يدخل ياسر الغرفه ليجدها نائمه على السرير وفى يديها سبحه ليقترب منها ويقبل يدها:صباح الخير ياست الكل.
ماجده:صباح النور يابنى.
وهى تمرر اصابعها فى شعره.
ياسر:عامله ايه يا امى.
ماحده:بخير طول مانت بخير انت اللى عامل ايه وليه اتاخرت كدا.
ياسر:حقك عليا والله بس كان معايا شغل ضرورى ومستعجل ومعرفتش اجله انا عارف انى مقصر معاكى سامحينى.
ماجده:ربنا يعينك ويقويك يارب مقصر ايه هو انت مخلينى اعمل حاجه ولا احتاج لحاجه ابدا بتعمل الاكل قبل ماتنزل وكمان تلفو وتجهزهولى وبتكلم البت ايمان اللى فوقينا تقعد معايا شويه وتسلينى عقبال ماتيجى ربنا يجزيك خير يابنى.
ياسر:بردو مقصر انا مهما اعمل مقصر معاكى وعمرى مااقدر اوفيكى حقك يا امى.يلا انا هقوم اغسل ايدى واحضرلك احلى فطار ياست الكل.
ويخرج ياسر من الغرفه ويدخل المطبخ ويحضر الفطار ويذهب لغرفه والدته ويأكلوا سويا وبعد ذلك يحضر طبقا وماء حتى يغسل لوالدته يدها.ويذهب ليقوم ببعض الاعمال المنزليه وينزل السوق ويحضر مستلزمات الغداء ويطلع شقته لتقابله ايمان على السلم فتاه فى بدايه العشرينات متوسطه الطول بجسم ممتلئ قليلا وشعر اسود وطويل وعيون بنيه تقول له:صباح الخير ياياسر.
ياسر:صباح النور.
وبدا يطلع ويكمل طريقه حتى اوقفته ايمان قائله:هى طنط ماجده عامله ايه.
ياسر:الحمدلله كويسه ومعلش بتقل عليكى انك تنزلى تقعدى معاها شويه.
ايمان:اخص عليك ياسر متقولش كدا دا انا بحب طنط ماجده زى امى بالظبط وبحب اقعد معاها اصل قعدتها حلوة حلوة اوى وبتقعد تتكلم عليك طول الوقت.
ياسر:طب متشكر يا ايمان بجد على اللى انتى بتعمليه دا.
وصعد على السلم وترك ايمان على السلم تنظر له بعيون حالمه ويدخل هو الشقه وينادى:ياست الكل….ياست الكل.ويدخل عليها غرفتها ويقول:ابسطى ياستى هعملك النهارده ملوخيه الارانب اللى انتى بتحبيها.
ماحده:ياحبيبى تسلم ياقلبي بس يعنى….جبت الفلوس منين.
ياسر:امال ياحجه يعنى هبات برا على الفاضي ربنا كرمنى ورزقنى برزقك ياست الكل.
ماجده:يارب يكرمك يابنى ويرزقك ويراضيك زى مابتراضينى كدا.بس عايزاك تمسك ايديك شويه مينفعش كدا انت كمان وراك مصاريف تانيه شقتك دى مش ناوي تخلصها بقى وتتجوز وتفرحنى بيك ولا ايه.
ياسر:لسه بدرى ياحجه ولا انتى زهقتى منى ولا ايه وبعدين انتى مين قالك ان انا لما اتجوز هقعد فى شقتى واسيبك الا اذا كنتى عايزه تيجى تعيشي معايا فيها.
ماجده:اعيش فين يعنى انا عايزاك تتجوز علشان الحمل يخف عليك شويه وتتهنا بحياتك بقى مش تشيل الهم بزياده وكمان تجيب حد تشيله همى معاك ليه بس.
ياسر يقبل يدها:تبقى انتى هم بردو طب ياريت كل هموم الدنيا تبقى زيك كدا يا امى.
ماجده تحسس على وجهه وتطبطب على كتفه وتقول:ااه يابكاش وبعدين هو انت هتروح بعيد دى الشقه فى وش الشقه اهى.
ياسر:ولو انا مش عارف اصلا انا بسيبك وانزل ازاى بس لولا الضروره مكنتش سبتك ابدا ويلا سبينى بقى احسن الكلام يطول وملحقش اعملك الغدا.
ماجده:تسلم من كل رضى يابنى ويكرمك ويخليك ليا وتقابل بنت الحلال وتكون معانا فى البيت واسمعا ايمان.
ياسر:..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية منقذي الامير)