رواية العوض الجميل الفصل الثالث 3 بقلم جومانة

نور كلمت السكرتيره بتاع صاحب الشركه انها تنزل تشتغل فى الشركه بدل شغل فى البيت وصاحب الشركه رحب بالفكره جدا لان عارف ان نور شاطره وكويسه فى شغلها وهو اصلا كان عايزها تنزل تشتغل فى الشركه بدل شغل الاب توب لكن نور موافقتش وهو احترم قرارها عشان مش عايز يخسر حد بشطارة نور

ونور قررت انها تنزل الشركه من بكره

نور خلصت لبس ونزلت راحت لبيت سما نور رنت الجرس

مامت سما هدى: شوفى مين على الباب يا سما

سما: يييوه هو مافيش غير سما هو الواحد مش هيعرف ينام فى ام البيت دا امال لو مكنتش اجازهة بقا والمفروض ارتاح

هدى: اخلصى يزفته افتحى وبطلى المناحه الى انتى عملاها دى

سما بهزار: انا ليى حاسه انك مش امى

هدى: شكلك عايزه شبشبى يصبح عليكى

سما بفزع: لاء لاء خالص

سما راحت تفتح الباب ولقت نور قدماها

نور: اي يا زفته كل ده لما تفتحى

سما مصدومه ان نور واقفه قدامها ومش قادره تنطق

هدى: مين يا سما

سما ليسه مصدومه ونور كاتمه ضحكتها من شكل سما المصدوم

هدى: جرا اي يبت واقفه قدام الباب كدا لى ابعدى اشوف مين

هدى بفرح وصدمه فى نفس الوقت: نور حبيبتي انتى هنا بجد

نور بحنين: وحشتيني يا دودو

هدى خدت نور فى حضنها ونور ندمت انها ضيعت الوقت دا كله لوحدها

هدى: تعالى يحبيبتى ادخلى دا انتى حماتك بتحبك: عملالك شويه ورق عنب ان ما اي تاكلى صوابعك وراهم

نور بهزار:دا انا بايته هنا بقا

هدى: تبقى عملتى الصح ونطرد البت دى ونعد انا وانتى سوا عشان احنا مش ناقصين صداع

سما طلعت من صدمتها وبتقول بهزار: يا ماما يحبيبتى لو انتى لقيانى على باب جامع عرفينى ادور على اهلى الحققيين

نور بضحك: لاء وانتى الصادقه لاقيينك قدام المعبد اليهودى

سما بتوعد: بقا كدا طب تعالى بقا سما طلعت تجرى ورا نور ونور اول مره تضحك من قلبها كدا وفضلت تحد ربها على ان فى حياتها سما ومامتها الى بيحبوها ومزهقوش منها بل بالعكس كانو بيعملو اى حاجه عشان يخلوها تضحك

عدا ساعتين ما بين رغى سما ونور وخناقت مامت سما وسما وطبعا الخناقه ما بتخلصش غير والشبشب معلم عليها وضحك نور عليهم

بابا سما جي من الشغل وفرح ان نور قدرت انها تخرج وتتجاوز موت اهلها

(تعديل: مامت سما وبابها ميعرفوش بموضوع عمرو وكاميليا)

نور: جماعه انا قررت اعمل حاجه

سما بى استغراب: قرار اي يا نور

نور: انا قررت ان انزل اشتغل فى الشركه بدل شغل البيت

بابا سما (محمد): خير ما عملتى يبنتى كدا احسن ليكى.

نور: انا فعلا لقيت ان ظا الاحسن يا عمو وان شاء الله هنزل من بكره

هدى بفرحه وحب: ربنا ينورلك طريقك يا بنتى حقيقى فرحتنى اوى

نور بحب لهذة السيده الى بتفرح لى فرحها وبتحزن لى حزنها وانها دايما واقفه معاها وجبها

نور: يارب يا دودو

سما كانت مصدومه هو اه نور وعدتها بس مكنتش متوقعه انها تنفذ وعدها بالسرعه دى

سما طلعت من صدمتها وقامت تصرخ بفرحه: عااااا يعنى هتبقى معايا ننزل مع بعض و نروح ونيجى مع بعض وفضلت تحضن نور وتبوس فيها

نور بضحك: بس يا مجنونه خلاص

سما بفرحه: من فرحتى بس

محمد: طب يا جماعه فى خبر كمان هيفرحكو

هدى: خبر اي يا محمد

سما بهزار: هيتجوز عليكى يا دودو واتفق انها تيجى تعيش معانا هنا

هدى بصدمه: بجد يا محمد

محمد بنفى: لاء والله انتى هتصدقى المجنونه دى

سما فضلت تضحك على مامتها هيا ونور عشان صدقت

هدى بغيظ: ماشى يزفته والله لوريكى

محمد بحب وهو بيبوس ايد هدى: وبعدين انا محدش يملا عينى غير واحده بس وهيا انتى

هدى بكسوف: ربنا يخليك ليا يا حبيبى

نور بهزار: تيرارارار انزلى بالموسيقى الهاديه يا سما

سما: لاء انا هقوم اجبلهم شجره واتنين لمون

محمد بضحك: بس يا هبله منك ليها خلينى اقول الكلمتين

سما ونور بفضول فى نفس الوقت: ايوا اي هو يا بابا ياعمو

محمد ضحك على فضولهم وقالهم: كريم يستى كلمنى وقالى ان هو جاى كمان شهر ومعدش هيسافر وهيجى يستقر هنا

هدى بفرحه: بجد والله

محمد: اه والله

سما بفرح: عااا واخير كريم هيجى ويجبلى شوكلاته انا هروح اتصل عليه بقا عشان مينساش يجبلى

هدى ومحمد مصدومين هما فكرو لن اخوها واحشها لكن مين دى سما همها على بطنها

نور كانت مستغربه هيا اه عارفه ان سما عندها اخ وكانت قيلالها ان هو مش حابب يفضل هنا ومبيجيش غير كل سنتين مره عشان يطمن اهله عليه وبيمشى عالطول مبيكملش شهر بس مهتمتش

واليوم عدى ونور لأول مره تنام وهيا على وشها ابتسامه ومن غير ما تفكر فى اهلها

تانى يوم سما عدت على نور وراحو الشركه سوا

(ملحوظه: نور وسما بيشتغلو فى نفس الشركه سوا والشركه اصلا بتاعت واحد صاحب بباها الله يرحمه عشان كدا وافق على شغل نور فى البيت هتقولولى اي هو الشغل هقولكو انا بترجم الملفات وتبعتهم للسكرتيره على الاميل)

نور راحت الشركه وعدى شهر وقدرت انها تثبت نفسها فى الشغل

سالم (صاحب الشركه): يعنى اي هو لعب عيال يعنى اي تبقى متفقه معاه ويتصل يعتذرك ويقولك ان مش هيقدر يجى والوفد الى جاى بكره ده هنعمل معاه اي ومش هنلحق نلاقى مترجم

السكرتيره بخوف: والله يا فندم انا اتفقت معاه واكدت عليه بس هو اتصل وقالى ان مامته فى المستشفى ومش هيقدر يجى

سالم بزعيق: اطلعى بره الوقتى مش عايز حد هنا

السكرتيره وهيا طالعه لقت نور داخله

السكرتيره(نهى)بخوف: انسه نور سالم بيه قال مش عايز حد

نور بإبتسامه: متخافيش يا نهى سالم بيه مش هيقول حاجه وبعدين مش قولتلك تقوليلى نور بس

نهى بإبتسامه: حاضر يا نور

نور: حيس كدا بقا لو اتأخرت عن 5 دقايق اقرأى عليا الفاتحه

نور داخلت ونهى فضلت تضحك عليها بس هيا عارفه ان نور الوحيده هيا الى بتقدر تهديه لانها كانت بتيجى قبل كدا من اكتر من سنه وكان بيبقى متعصب وبتخليه يهدى

نور ببرأه مصتنعه: سولى حبيب قلبى متعصب لى بس وبعدين ينفع كدا ولما يجيلك السكر بقا وتروح مننا يعنى بعد الشر

سالم بغيظ: اهلا ببلوة حياتى اي الى جايبك

نور ببرأه مصتنعه: اصل لقيتك بتزعق ومتعصب كدا قولت اجى اهديك

سالم بغيظ: قصدك تيجى ترفعى ضغطى تجيبلى جلطه امال تهدنى دى مش انتى لاء

نور بضحك: لى كدا يا سولى دا انا حتى بحبك يا راجل تعرف لو مكنتش كبير كنت اتجوزتك

سالم وهو بيهز راسه يمين وشمال من المصيبه الى قدامه مفيش فيكى فايده نور هيا هتفضل نور

انا معرفش انا عملت اي شان ربنا بلانى بمصبتين هيجبو اجلى قريب (قصدو على سما)

نور: مش موضزعنا الوقتى ياسولى قولى بس كنت بتزعق لى ومضايق

سالم برافعه حاجب: لا والله

نور وهيا كاتمه ضحكتها: اه والله قول بقا

سالم بتنهيده: كل الحكايه ياستى ان فى وفد جاى من تركيا بكره وكنا متفقين مع المترجم بس حصل ظروف ومش هيعرف يجى

نور: طب ما تشوف مترجم تانى

سالم: معملناش حسابنا وعلى لما ندور هيكنو جم

نور بتفكير.: اممممم خلاص هبقى انا المترجم بكره

سالم بستغراب: وانتى بتعرفى تركى

نور بغرور مصطنع: امال يبنى دى قدرات بقا حتى بص مراد بيك لا تتركنى هيك

سالم وهو هيجيلو شلل خلاص: ده تركى

نور بغباء: ايوا انا بسمعهم بيتكلمو كدا

سالم بغيظ وعايز يقوم يخنقها: براااا يا نور

نور بضحك: استنى بس نور خدت نفاسها وقالت بجديه: انا فعلا عارفه تركى دى كانت من ضمن الكورسات الى كنت باخدها

سالم بنص عين: يعنى هتشرفينى بكرا

نور بغرور مصتنع: عيب عليك دا احنا هنشرفوك

سالم: اما اشوف يبلوه

اليوم خلص ونور روحت هيا وسما واتغدو مع بعض وده شرط من هدى مامت سما ان نور هتيجى من الشغل هتفضل عندهم ومش هتروح غير على النوم ومع اصرارها نور وافقت

وانتهى اليوم

يا ترى اي الى هيحصل بكره؟

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية العوض الجميل)