رواية سيقان في الوحل الفصل التاسع و عشرون 29 بقلم منه محمد

رواية سيقان في الوحل الفصل التاسع و عشرون 29 بقلم منه محمد

رواية سيقان في الوحل البارت التاسع و عشرون

رواية سيقان في الوحل الجزء التاسع و عشرون

رواية سيقان في الوحل الحلقة التاسعة و عشرون

جلال اغلق التلفون بعصبيه شديده: ماشي بتتحداني يا وليد
في اللحظه هشام خبط ودخل وفي ايده ملف
جلال: فيه حاجه؟؟
هشام: جيت اقولك اني راجعت الملف وان قسم التسويق هيلخص نتايج المناقصه وعايزك تحضر الاجتماع
جلال بعجاله: هنتكلم سوي لما ارجع
هشام: رايح فين؟؟
جلال: عندي مشوار مهم
هشام: طيب هترجع قبل معاد الاجتماع ولا أأجله
جلال : مفيش داعي( واتعصب عليه) اظن انت ناضج ولا لازم اعمل كل شئ بنفسي لو هتفضل كدا امال ازاي هتتعامل مع الاعمال المهمه وعشان كدا قولت لك اتعلم
هشام: عايزني اكون ازاي نسخه وكربون من وليد ده هيخليك تتقبلني
جلال نفخ بملل: انا معنديش مزاج رايق لك وسابه وخرج!!!
……….منه محمد………
في المكتب
نيره: بابا مكنش لازم نتورط في مشروع تجديد الفندق
وليد بهدوء: بس احنا لازم ناخد الشغل ده
نيره بتحذير: وليد

وليد: ربما اختار شركه الامبراطور لان ده له علاقه بالمناقصه اعتقد ان الراجل ده بيخطط لحاجه واستغل منال
نيره: استغلها لـ ايه؟؟
وليد: ما ده الي احنا مش عارفينه وللسبب ده لازم اشتغل معاهم عشان نقدر نعرف الي في دماغي صحيح ولا مجرد تخمينات و هواجس
نيره: احنا علينا بأيه نتورط مع ناس زي دول ونرجع نحل المشكله ودنك منين يا جحا وليه نخاطر مع واحده زي منال افعي تقدر تلدغنا بسمها
وليد رد بواحد واثق من قراره: حتي لو لدغتني مش هموت ابدآآآ الي انا عايزه ارجع السم للناس دول
فهمي بأعجاب لدماغه وتفكيره: اقبل يا وليد وكمل طريقك زي ما انت راسم
نيره بنفعال بسيط: يعني انا راي بخ فيه( ولوليد) اعمل الي تعمله اعذروني انا
وليد: لحظه نيره
نيره حدفته بالقلم نزل ع رجله ومشت متعصبه
فهمي: لو فضلت رافضه هيكون صعب تشتغلوا سوي روح اتكلم معاها واوصلوا لـ اتفاق
وليد قام وطلع لقاها واقفه منتظراه
وليد: نيره ممكن نتكلم
نيره بعصبيه: اظن قولت لك اتفضل كمل طريقك واعمل الي انت عايزه بما ان كلامي عندك ملوش قيمه ايه بقي الي ممكن نتكلم فيه بس لو حصلك حاجه متطلبش مني اتعاطف معاك لاني مش هتعاطف معاك
وليد مسك ايدها الاتنين جوه ايده :هو حبيبي قلقان عليا يا خواتي
نيره: يعني عشان ترفع رصيد نجحاتك تجازف بحياتك
وليد: اوعدك اخد بالي واكون حذر ريري اسمعيني الي انا هعمله محتاج المجازفه ومستعد اراهن علي حياتي قصاده عشان استرد بيه عايلتي لحضني
نيره بعدم فهم: قصدك ايه؟؟
قطعهم راجل الامن بيصرخ عليه: ارجوك ممنوع كدا
جلال قرب منهم وشاف ايديهم شابكه في ايد بعض اتكلم بسخريه: شوفوا مَسكت مين في مشهد عاطفي حقك تبقي مشغول عشان كدا رافض ترد ع مكالماتي فوق 50 مره
راجل الامن لوليد: انا اسف والله حاولت امنعه رفض ودخل عافيه
وليد بهدوء: روح انت وانا هتعامل معاه
الامن: تمام يبشا
وليد: ليه انت هنا؟؟
جلال: جيت اقطع عليك الغرام انت نسيت اني
وليد بتر كلامه: تعال نتكلم في مكان تاني

ومسك دراعه وجلال شده منه بقوه تحت انظار نيره الملتهبة ووليد قدر ياخده بعيد
وليد: عايز ايه لو هتقول لنيره انك ابويا هقول لدريه الحقيقه واطمنك رد فعلها هيكون كبير وقاسي عليك
جلال بصوت جهوري: انت اتهطلت يالا بتهددني
نيره جات من وري وليد بحده: انت عايز ايه مننا؟
جلال: حبيت ابلغ وليد ينسحب من العرض وانه ميقفش في سكتي لانه مش هيفوز بيها ابدا بيضيع وقته ع الفاضي
وليد بعجرفه: سوري مقدرش اعمل الي بتطلبه وخاليني اقولك اني هبذل كل جهدي لحد ما تفوز شركه الامبراطور ع شركتك ومحدش مهما يكون مين يقدر يوقفني
جلال: من ساعه ما قابلتها وانت بتعصاني زي دلوقت
وليد بصوت غليظ مشحون بغضب: لو سمحت اتكلم عنها بأحترام اوه نسيت واحد زيك مش بيحترم الستات
جلال رفع السبابه في وشه بحده: وليد اسمعني كويس اقدر ارفعك لفوق واسحلك في الوحل لحد ما تبقي في الحضيض
نيره بغضب: اتفضل امشي لان وليد وضح موقفه والا هتهمك انك اتهجمت علينا
جلال: مفكره نفسك تقدري تاخديه لما تعرضي جسمك عليه لاء ياختي مش هسكت
وليد وقف قصاده بقوه وغضب اسود: لو مبطلتش اسلوبك القذر ده معاها متعرفش بالي ممكن اعمله وده مش مجرد تهديد ساااااامع
جلال بتحدي: هنشوف وغادر المكان
وليد افإفإ: نيره سيبك منه
نيره: الراجل ده عايز منك ايه صارحني ليه بيضايقك بالشكل ده
وليد: لانه واحد خسران
نيره بشك: انت متأكد ان ده السبب
وليد انحني قدامها ومسك خدها وبصلها اوي وبربش بعيونه: حبيبه قلبي لسه بتشكي في اخلاص مش اتفاقنا انك هتديني فرصه ها
نيره نزلت ايده: متبصليش كدا وسابته ومشت لقت نفسها ماشيه اتجاه بوابه الخروج ضربت جبينها ورجعتله بضهرها ومدتله لسانها ولفت عدل وراحت مكتبها وهو ابتسم عليها وراح وراها
نيره لفت وقعدت علي كرسي المكتب: مش هتروح لشغلك
وليد قعد قصادها: مقدرش اشتغل وانا لسه مخلصتش كلامي مش بعرف اركز
نيره: هنتكلم في ايه تاني
وليد بجديه: بالمشروع تسمحيلي انفذه
نيره: تمام هسمحلك بس فيه شروط
وليد: واو شروط ايه هي
نيره: هساعدك في الشغل زي المعتاد مش هتعمله لوحدك عشان نساعد بعض في كشف لعبه منال ومتنساش ان منال استاذه في التمثيل
وليد رفع حاجب بستفزاز: تساعديني في قرايا لعبتها ولا حاسه بالغيره
نيره بمرواغه: وليه احس بالغيره اصل انا مش مصدقه ان واحده زي منال هتستخدم عقلها في الشغل لانها بتستخدم حيالها الخداعه اللعوبه انها تغوي الرجاله ولو مش مصدقني كمل وشوف
وليد قام وطلع بنص جسمه علي المكتب وابتسم بخبث
نيره بعدت وشها لوري: في ايه؟؟!!
وليد بتريقه: ذكيه للغايه وانا مكنتش عارف الخدعه الي هتستخدمها منال
نيره بنظرات تهديد: تقدر تتكلم عن بُعد انا بسمع كويس
وليد:ليه خايفه ماقدرش اقومك واهجم وابوسك
نيره:احنا في مكتب
وليد بخبث:انا عايز ارجع البيت بسرعه وفجأة
نيره:وليييييد
وليد رجع مكانه:تمام هرجع ااعد مؤدب
نيره بصت في اللاب توب وتلفونه رن فتحه ورد:اهلا يا منال
نيره بصتله اوي وهو حس بنفسه و برق وكتم السماعه بأيده
وليد شاورلها: اهدي تمام
نيره اتنهدت بضيق ومسكت آله تمزيق الورق ولوحت بيها ووليد قلق واترعب
……….منه محمد………
تاني يوم قرب المغرب اخدها معاه لانه متفق يقابل منال ركنوا وفكوا حزام العربيه وجاي ينزل نيره مسكته من دراعه: انت مفكر ان منال هتكون غبيه لدرجه متشكش اننا شاكين فيها
وليد: اكيد هنتحقق عشان نتأكد من الي هنعمله نيره احنا بنلعب حسب قوانين اللعبه ونخدعها اننا مسالمين وموافقين منال بارعه في التمثيل لكن قريب هنشوف مين البارع في ده وافضل
نيره :بدئت اخاف منك
وليد قرب منها وبمرح: انا مخيف للاعداء لكن مع مراتي انا زي القطه الوديعه
نيره ضربت خده بالخفيف :الوقت مش مناسب لهزارك
وليد: مش عايز اتوتر غير كدا امشي مع اللعبه زي بالظبط لازم نتماشي سوي تمام يا قلب وليد
نيره ابتسمت وهزت له دماغها بحاضر
اخدها وطلعوا لمنال دخلتهم السكرتيره ومنال بعد ما رحبت قعدت علي الكرسي
منال: شكرا يا وليد وشكرا كمان ليكي نيره لانك سامحتيني وادتيني فرصه
نيره: لو فعلا عايزه طريق التوبه استخدمي عقلك عشان تحللي الفلوس الي دفعتهالك امك عشان تدخلي الجامعه وانا وقتها هديكي فرصه بس بجد محتاجه أعرف ليه وثق فيك المستثمر وانتي معندكيش خبره انتي بس شاطره في التمثيل
منال بصت لوليد الي قاعد مستمع للكلام وحركه الجسد
نيره :سوري اني قولت كدا بصراحه انا لسه مش واثقه فيكي
منال بدئت تضايق ووليد حرك صوباع ايده بلمسه خفيفه ع كف ايدها من تحت التربيزه يلحقها

نيره: قصدي انا مش واثقه في الي تقدري تقدميه وبالنسبه للي عملتيه فيا مش عايزاكي تقلقي لاني اتجاوزت الامر ومش هخلط بين الشغل والامور الشخصيه انا عاقله كفايه
منال مثلت المسكنه بجداره: انتي نقيه وشكرا كتير ع المعامله بس لو قولت لك سبب ليه اخدت الفرصه دي هتصدقيني
نيره: قولي وهسمعلك
منال: لانه انسان كويس زيك وغير كدا طلب مني استخدم مكانتي المعروفه كفايده
نيره بشراسه :سمعتك المشوهه بجد غريب
وليد بتحذير: نيره
نيره: اسفه
منال: ايوه سُمعتي المشوهه هي رهاني لو قدرت احقق انجاز واحد يمكن وقتها اتجاوز اخطاء الماضي وابدء حياه جديده نيره ولو مش عايزه التوبه مكنتش طلبت من اي حد فرصه لعمل شريف وكنت فضلت أذي اي حد انتي او غيرك نيره انا بجد عايزه ابدء حياه جديده
نيره طول ما هي بتتكلم ساكته تماما ووليد كل تركيزه ع تعبيرات وشها حركه جسمها عشان يتأكد من كدبها او صدقها خلصوا قعدتهم ووليد اخد نيره ومشي
منال اتصلت بعشيقها تبلغه: مضوا العقد معايا واطمن خطتك ماشيه بالملي
العشيق: مش بيمثلوا ويخدعوكي ويضربوكي في ضهرك
منال: لو كانوا اذكياء ومش مصدقني مكنوش وقعوا العقد معايا كدا دليل انهم اقتنعوا اصل نقطه ضعفهم هي طيبتهم عشان كدا وافقت تديني فرصه
العشيق: كدا مثلي بجداره وافتكري ان مقدمكيش فرصه تانيه عندي
منال :اظن هاخد بالي كويس
العشيق بوقاحه: طالما خلصتي مهمتك تعالي عندي تقومي بشغلتك الاساسيه
منال بستياء: حاضر
واغلقت الخط بقرف لنفسها: اول ما اخد المبلغ منك مش هتشوف وشي تاني ابدا يا عجوز يا منحل
………منه محمد…….
تحت في العربيه
نيره: انت متصور ان منال جاده ولا بتمثل علينا
وليد: لازم نصبر الموضوع مخلي عندي رغبه وحماس اتحري الامر اكتر لحد ما اتأكد لو منال والراجل ده مشتركين في اللعب سوي علينا
نيره: طيب لو طلع كدا
وليد :معني كدا كل الي قالته منال مجرد تمثيل والي اسمه ادمن بيدق خطه في سكتنا
نيره: طب ازاي هنكتشف الامر منال دي ثعلب واكيد هتحذر
وليد بغموض:لاء هي دلوقت واثقه اننا وقعنا في فخها ولو مش واثقه واستخدم الخطه دي غير لثقتها الزايده الي هي نقطه ضعفها
نيره: ايه الي بتخطط تعمله
وليد بهدوء وثقه: نراقبها
نيره صرخت: ايه نراقبها
وليد : ايوه
نيره بعتراض: لاء افرض خرجت في وقت متأخر هنتحنط هنا نستناها
وليد:بالظبط كدا
نيره: لاء انا مش هنتظر انا جعانه وتعبانه وعايزه ادخل الحمام
وليد ابتسم بسماجه: انتي ليه بقيتي مزاجيه وصعبه كدا
نيره بنرفزه مضحكه: بسببك خلتني اقابل عدوتي طبعا لازم مزاجي يتعكر

وليد: انتي الي صممتي تيجي معايا وانا مشتكتش بحرف من الجنان الي عملتيه فوق وكنتي هتجبيلي ازمه قلبيه
نيره :ليه عملت ايه انا
وليد عوج شفايفه :بهدلتي منال وخفت تفسدي الخطه
نيره :ما هو انا لو مكنتش عملت كدا كانت هتشك فينا اظن صعب الاعداء يتكلموا بلطف وبطريقه وديه كدا ع غفله انا بمثل وبجاري اللعبه زي ما قولت لي
وليد شدها عليه: انتي كدا هتخاليني ابدء اخاف منك وحط دماغه ع كتفها وفضل يتسمح فيها زي البيبي الدلوع نيره مدت ايدها وحسست ع خده ومره واحده مسكت صرصور ودانه وقرصته بغل
وليد صرخ: اه بتوجع
شافوا منال نزلت وركبت عربيتها ربطوا الاحزمه ووليد اتحرك وراها لقوها داخله فيلا وحواليها حراسه مشدده
……….منه محمد…….
في الكافيه قاعده مسيطر عليها حاله غضب من الغيره الي بتصرخ ومشعلله جواها
مريم: خدي نفس عميق واسترخي وفكري ان وليد رايح لشغل وبس
نيره غمضت عيونها واخدت نفس وري نفس
مريم: ها افضل
نيره :انا بحاول (ومره واحده صرخت بقوه) ومريم اتخضت وبرقت
نيره: لاء مش قادره اوقف تفكير كل الي بيدور في دماغي هو منال بتغوي وليد بوقحتها وفجرها ووليد مقرب لاء للاء مش قادره اتحمل
مريم ابتسمت علي منظرها:وليد بيمثل وبيجاري الوضع لاعنده مشاعر ولا احاسيس متقلقيش
نيره نفخت: ايوه مظبوط
مريم :ايوه كدا استمري ع كدا
نيره: بس ما تنسيش ان وليد كان مقطع السمكه وديلها وخاربها مع الستات ويمكن يحن للماضي
مريم شوحت بزهق: انا هشرب العصير هرمونات الحمل مأثره عليكي وبتخليكي تفكري في امور سخيفه افتكري ان وليد بيحبك وكتير ولا يمكن يتغير عشان منال ولا يمكن ينزل لمستواها ابدا
نيره: رايك كدا
مريم: وابو كدا واشربي العصير قبل ما يجيلك ويجيلي انهيار عصبي
……….منه محمد……..
في البار قاعده جنبه لابسه فستان قصيره توب وهو لابس بدله بيضه سيمى فورمال
منال قربت عليه: نيره بتسمح لك ترجع البيت في وقت متأخر
وليد حط رجل فوق رجل وبعنظزه مزيفه:مش انا الي ياخد اذن من نيره في كل شئ من تصرفاتي
منال قربت اكتر منه: ده بيخليني افكر
وليد عاقد حواجبه: تفكري في ايه؟؟
منال: انتم الاتنين بتحبوا بعض ولا لاء
وليد بصلها وسكت كأنه بيحاول يهرب من الاجابه
منال بلؤم: ايه سؤالي صريح زياده عن اللزوم
وليد: لاء انا ونيره بنحب بعض
منال بخبث: انت فعلا بتحبها
وليد :طبعا وبحبها كتير يمكن حتي اكتر ما هي بتحبني الا بالحق هو انا مش هتشرف واخد الفرصه واقابل ريسك
منال: اكيد بس هو مسافر برا طول الوقت هحدد ميعاد معاه عشان خاطرك (حركت ايدها علي خده)شكلك مجهد وتعبان وانا قلقانه عليك يعني هدربني ده غير شغلك مع الامبراطور هو انت مسؤل عن كل مشروع
وليد ضحك: لاء انا في مشروعك انتي والمناقصه وبس
منال بنظرات وقحه:انت موههوب ومؤهل اوي فأرجوك علمني كل مايكون عندك وقت فراغ نفسي اكون زيك بصراحه محتاجه اثبت نفسي وابقي مؤهله زي نيره ,,نيره بنت جميله

ومؤهله وعندها راجل زيك جنبها اما انا عكسها تماما وعرفت دلوقت ان الجمال لوحده مبيخلقش قيمه لو مستخدمتش عقلي زي نيره
وليد مسك كف ايدها جوه كفه وبسفاله: وانا بشجعك
منال عضت شفايفها :حد قالك قبل كدا انك راجل جذاب وجنتل اوي كل ست تقرب منك لازم تقع في حبك
وليد مثل بهيام :وانتي حاسه مني بايه
منال قربت من وشه وهو قرب شفايفه من شفايفها وبعدين بعد ورفع ايده:وقال انا بعتذر
منال اتقهرت لبعده عنها: انا كمان بعتذر اني نسيت انك حبيب نيره
وليد لف وشه لبعيد وحاسس انه قرفان من الي بيعمله بس لازم يكمل ويتحمل وقاحتها وجرائتها
………منه محمد………
دخل بالعربيه لمحها واقفه ع اخرها ركن ونزل وقرب عليها: واقفه منتظراني بجد شئ لطيف ان مراتي تستناني لحد ما ارجع البيت
نيره: لاء انا بس مجاليش نوم قلت اخرج الجنينه اشم شويه هواء نضيف ليه استناك
وليد: الاولاد اكيد نايمين
نيره بستخفاف وغيظ: طبعا لازم يناموا بص في الساعه يا بيه يظهر هتفضل في الشغل مع منال وترجع لوقت متأخر هو انت هتوقع العقد بكره وانا معرفش
وليد ميل بجسمه قدامها ومسك خصله من شعرها بخفه : ليه بتغيري كتير اليومين دول بس عارفه ده عجبني وبسطني لما بتتصرفي كدا
نيره عوجت وشها وشمت ريحه برفان منال ضربته في خده لفته لبعيد: انا مش حاسه بغيره ولا نيله
وليد ابتسم ع جنب قطع عليهم تلفونه الي رن شاف الاسم قالها: منال
نيره لوت بؤها :ليه مخلصتش معاك رغي وكلام لسه بتتصل فيه ايه تاني تتكلموه فيه
وليد حط السبابه ع شفايفه وشاورلها بمعني :هش هرد ايوه يا منال
منال: رجعت البيت
وليد رد بثبات: ايوه لسه واصل حالا
نيره اتغاظت منه وفضلت بصاله بنظرات ولا الساحره الشريره وتهز رجليها وجسمها بعصبيه
وليد شاورلها: اتظاهري اننا بنتخانق
نيره تنحت بغباء: هه
وليد بيشرح: لازم نتخانق
منال: وليد انت معايا
وليد رجع التلفون ع ودنه: اه اصل بتخانق انا ونيره
منال شهقت:ياربي حاسه بالحزن لحالك ليه نيره متتكلمش معاك بالهداوه
نيره حطت ايدها الاتنين في وسطها وانطلقت بجد: ليه بتتصلي في وقت متأخر معندكيش معلومه ان الناس نايمه (لوليد) وانت بقالك ساعات برا بترغي معاها ليه بتكلمها دلوقت
وليد: نيره اهدي منال قلقانه عشاني
نيره بعصبيه: الله انت كمان بدافع عنها انا لايمكن اثق فيك انت متقدرش تقاوم الستات انت رجعت لعمايلك القديمه المهببه بستين نيله انت راجل عكاك وكان يوم مهبب لما طلعت في حياتي
وليد بنفس العصبيه: نيييره الزمي حدودك
نيره ضربت الارض برجليها: لاء مش هلزم ايه رايك بقي
وليد جز ع اسنانه: ليه مفكراني كدا ليه اسمعي انا صبري له حدود متخلنيش افقد صبري عليكي
نيره شخطت فيه بعصبيه شديده: يله افقد صبرك وماله هتعمل ايه هتنفصل عني وماله انفصل طز ولا يهمني فيه رجاله احسن منك ومخلصين عنك واقدر اثق فيهم ومش هتحايل عليك تفضل لان انت جريئ وقليل الادب وزير نساء
وليد قلق وارتبك من انفعال نيره :منال بعتذر هنهي المكالمه
منال بفرحه شماته انتصار:تمام وقولها تتكلم معاك براحه
وليد اغلق وبصلها: هو انتي منفعله عليا بجد
نيره ربعت ايدها بتكشيره: ايوه انا منفعله من طريقه منال الوقحه معاك
وليد اتأفأف: اوف وقعتي قلبي
نيره ماده البوز مترين:بس برضو زعلانه منك انت الكلام الي قولته عني بجد
وليد مسك وشها ثبته وبأجمل ابتسامه: لاء طبعا انا بحبك اوي ريري اتحملي شويه المسأله هتنتهي قريب ( همس في ودنها ببسمه مرسومه رسم علي شفايفه) بحبك انتي وبس ياروح قلبي وهحبك لـ اخر عمري
نيره بصتله وابتسمت ابتسامه تضيء العالم بسحرها وهو انحني وباس خدها ومسك صوابعها النحيفه قربها من شفايفه وباسها واخدها جوه حضنه وانتظرها تلف ايدها حواليه نيره عاندت زغدها رفعت ايدها ولفتها حوالين وسطه وغمضت عيونها والسعاده غمراها
……….منه محمد………
في المكتب قاعد ع طاوله بعيد وفاتح الاب توب وهي قاعده حاطه ايدها تحت دقنها بتفكر في خبث
منال: بشكرك من قلبي واتكلمت مع رئيسي ومحتاج تعديل شويه شروط وطلب مني اناقش الشروط معاك
وليد ابتسم: مفيش مشكله شركه الامبراطور والمشروع هيندمجوا سوي عشان كدا ده بعتبره شغلي
منال قربت منه وحطت ايدها ع كتفه: فهمي بيه محظوظ جدا انه يكون عنده موظف مجتهد زيك وريني ازاي بتكسب المناقصه
وليد :كل حاجه بدونها ع الجهاز وبكره هقدم الملف واعتقد اننا هنفوز بيها
منال لزقت فيه: حلو عايزه اشوف ده ممكن اهو اتعلم واخد خبره
وليد بصوت يدوب الحجر: انا كمان عايز عشان اقدر ادربك واخليكي متمكنه بس فيه مشكله انه سر
منال:ولا يهمك فاهمه ده اه رئيسي عايز يشوفك النهارده ده يناسبك
وليد بمكر:مناسب معنديش مواعيد
منال: كدا هتصل ابلغه ونروح سوي البيت

وليد داخل مسندها بعد ما شربت بفتراه: خدي بالك لتتخبطي
منال قعدت ع كنبه وشدته معاها نزل فوقيها قام بسرعه اتعدل
وليد: انا اسف
منال : انا الي اسفه انه مقدرش يجي وخلانا نستناه ع الفاضي
وليد: مش مشكله تقدري تقعدي لوحدك اصل عندي شغل ولازم انهيه
منال بمياعه: ليه تمشي تقدر تشتغل هنا سواء شغل ولا تعمل حاجه تانيه عارفه انك مضغوط بسبب نيره وتحكمتها وانا هساعدك تسترخا ع الاخر
وليد: لا شكرا
منال حركت ايدها ع خده وشفايفه بطريقه مثيره: ليه خايف نيره نتتخانق معاك تاني مين يقول ان نمر زيك اتحول وبقي قطه بيتروض اه لو حد عرف انك
وليد شدها من وسطها عليه وعض شفايفه بنظرات كلها وقاحه: عمري ما كنت قطه ابدآآ مهما كان انا وليد السابق انا زي ما انا متغيرتش ابدا
منال قامت خلعت هدومها وخلعته التي شيرت وسحبته واخدته ع غرفه النوم لحد ما؟؟؟؟؟؟!!!

• لقراءة الفصل التالي:اضغط هنا
• لقراءة باقي حلقات الرواية اضغط على (سيقان في الوحل)