روايات
رواية احببت ذات الوحمة الفصل الأول 1 بقلم يارا عبدالسلام
رواية احببت ذات الوحمة الفصل الأول 1 بقلم يارا عبدالسلام
رواية احببت ذات الوحمة البارت الأول
رواية احببت ذات الوحمة الجزء الأول
رواية احببت ذات الوحمة الحلقة الأولى
_معقول مش بيشوف الريأكتات اللى بعملها على كل بوست وكل صورة ليه!مش واخد باله منى هو أنا شفافه !
_انتى عبيطة يا يارا ولا بتستعبطى يعنى انتى عوزاه يشوفك كدا من بين ال ٦٠الف شخص اللي بيعملوله ريأكتات كل يوم وبعدين انتى عارفه دا مين دا سيف البحيري صاحب أكبر شركة سفر بحري في اسكندريه كلها !!دا غير المصانع وغيرة !!
بصتلها بتوهان وسرحان واتنهدت تنهيده صغننه كدا:طيب وفيها اي يعنى ،لما يكون هو الأمير وانا سندريلا !!!دا انا حتى قريبه منه اووي ومعاه معظم الوقت في نفس البيت!؟
ولا هو شاطر بس روحى يا شاطرة تعالى يا شاطرة هوا أنا صغيرة يا تقى أنا صغيره دا كله علشان شغاله عندهم في البيت برعى جدته ،على فكره انا برضو متعلمة ومعايا تمريض يعنى شهادة كبيرة ،دا كفاية حتى روحى الحلوة دي
تقى:طبعا يا روحى انتى قمر وألف مين يتمناكى
يارا ضحكت بسعادة وشافت الموبايل بتاعها لما جالها اشعار أنه نزل بوست جديد
فتحته وشافت البوست لقته واقف جنب بنت حلوة اووي ومكتوب فوق صديقة العمل …
والكل معلق بتلميحات سخيفه أنهم هيتجوزوا قريب واللى يقول دول لايقين على بعض اووي ربنا يحميهم ..
واللى يقول هنفرح بيكوا امتى وكل دا …
يارا قلبها اتهز وحست برجفه في جسمها وعطت التليفون لتقى اللى عرفت سبب دموعها اللى نزلت دي..
وفجأة عيونها دمعت وحسست على وشها مكان الوحمة اللى لونها مائل إلى الأحمر وواخدة جزء كبير من وشها كانت عطياها شكل جمالى لطيف ولكن هل يرى البعض هذا الجمال!!؟
_هوا أنا وحشة يا تقى..
تقى طبطبت على ايديها :لا انتى مش وحشه يا قلب تقى انتى زي القمر دا كفايه عيونك الحلوين اللى كلهم براءة اللى بيسحرونى دول وبعدين الوحمه دي والله مزودة جمالك ومخلياكى جميلة اكتر ورقيقه، انتى حلوة اووي يا يارا صدقيني وهوا لو محبكيش يبقى الخسران والله
_مش عيبي انى اتخلقت كدا والله بس انا انسانه وعندي قلب وبحب ومحتاجه كمان انى اتحب من الشخص اللى اختاره قلبي ،يا تري هيجي اليوم اللى ابقى معاه يا تقى ..
تقى اتنهدت بتعب على حال صديقة عمرها اللى اللى حبت شخص مش من مستواها الاجتماعى وكمان بعيد تمام البعد عنها وتقريبا مستحيل يفكر فيها!!؟.
تقى:طيب قوليلي يا يارا انتى كدا حبيتى اي فيه
يارا نسيت كل حاجه وابتسمت وهى بتفتكر حنيته على جدته وكلامه معاها وحبه ليها وخوفه عليها طول الوقت واحترامه ليها وعكس تعامله مع الناس كلها ولكنه عمره ما ضايق حد منهم ولا اتعصب على حد بحبه يا تقى بحبه وخلاص من غير حاجه اول ما شوفته قلبي ما دقش الا ليه مش بحب الا هو يا تقى عوزا اتجوزه بقى …
تقى ضحكت على هبل صحبتها وكلامها اللى مش مترتب دا ..
_طيب يلا يختى قومى روحى علشان امك متعلقكيش على باب البيت
بصت في الساعه وقالت بخضة_يختاي دا الكلام خدنا
سلام يا توقى
_سلام يا قلب توقى
روحت البيت ودخلت اوضتها بعد ما باست راس مامتها..
قعدت على السرير وفتحت تليفونها على صورته واتنهدت تنهيده حارة فيها كل الاحاسيس اللى جواها اللى مش محتاجه تتكلم عنها لأنها باينه عليها من غير كلام …
نامت مكانها وكالعادة صورته في حضنها وبتحلم بيه…
صحيت الصبح وقامت بكل نشاط ودخلت الحمام واتوضت وصلت ولبست ونزلت على شغلها …
اول ما وصلت لقت تجمع كبير اووي واستغربت من وجود الصحافة في الوقت دا ..
بصتله وكان واقف بكل شموخ وكبرياء ومتجاهل كل الاسئله..
_انت صحيح في حاجه بينك وبين نسرين بنت شريكك في الشركه الصراحه انتو لايقين على بعض جدا ونفسنا تاخدوا القرار دا..ولا هو في حد تانى في حياتك!!
سيف اتنهد بملل وبعدين وقعت عينيه على يارا اللى كانت واقفه بتوهان وحابسه دموعها!!
سيف بخبث:اها أنا في حد في حياتى وهعرفكم عليها دلوقتي
سيف سابهم وقرب من يارا اللى مكنتش فاهمه حاجه خالص وفجأة مسك ايديها وقال:أنا ويارا بنحب بعض وهنتجوز قريب
يارا مكنتش مستوعبه الكلمه وفجأة أغمى عليها ووقعت بين أيديه و..
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية احببت ذات الوحمة)