رواية ورد الفصل الأول 1 بقلم رضوى علي

رواية ورد الفصل الأول 1 بقلم رضوى علي

رواية ورد البارت الأول

رواية ورد الجزء الأول

رواية ورد الحلقة الأولى

: مبروك يا ورد
حسيت بوجع ف قلبي اول ما شوفت الرساله هو راجع تاني عشان يبوظ حياتي بعد ما استقريت ولاقيت اللي يحبني و يقدرني راجع يوم فرحي عشان يوجعني ففرحتي دخلت عليا فريده
_ عروستي القمر اللي واخده قلبي … مالك يا ورد وشك اصفر ليه انتي كويسه في ايه
ورتها الرساله و هي محستش بنفسها وهي عماله تشتم فيه أنه راجع تاني يدمر كل حاجه وحلفت أنها مش هتسكت خرجت و سبتني و بعدها دخلت اختي لؤلؤ
– في ايه فريده خارجه متعصبه ايه
= علي بعت رساله
– ايه هو اتجنن ازاي يعمل ده اصلا
= معرفش هو عايز مني ايه انا مصدقت ارتحت هو مش عايزني ارتاح ليه
– خلاص اهدي يا قلبي هي فريده هتعمل ايه
= معرفش .. شكلها هتكلمه .. مكملتش الكلمه وكانت فريده رجعت و كلها بهجه و انتصار و كأنها ام اخدت حق ابنها
لؤلؤ – عملتي ايه يا فريده
فريده _ اتصلت شتمته و قولتله كفايه كده قولتله كفايه اذي و ضرر ليها و كفايه اللي عملته من سنتين و قصتك خلصت بلاش تفتح علي نفسك باب جهنم لأن جوزها مش هيسكتلك
لؤلؤ – جدعه هو يستاهل انسان توكسك

 

 

 

 

قلبي اطمن .. فريده اصلا وجودها بيطمن من يوم ما عرفتها و قربنا و انا متعلقه فيها زي المتعلق ف أمه اختي اللي الايام بعتتهالي هديه وعوض عن الصحاب اللي مشوا من غير اسباب فريده وهي فعلا فريده
……………..
_مبرررررروك ياعررررريس
= والله يا وليد انا مش مصدق اصلا أن انهارده فرحي علي ورد حب حياتي مش مصدق أن انهارده فرحي علي البنت اللي كنت ببص عليها من بعيد ف كل المحاضرات و عمرها ما لاحظت اصلا وجودي و فجاءه بقت حياتي كلها بين اديها
_ابسط ياعم و اشكرني انا السبب لو مكنتش انا اتخنقت مع فريده مكنتش عرفت انك معانا علي الكوكب
= ههههه ونبي ما تفكرني عشان انت يومها اتمسح بيك المدرج
_ خلاص بقي حد يسمعك يقول عليا مهزق هههههه
= لا ده كله كوووم وانك ف الاخر اتجوزتها كووم تاني
_ ياعم خلاص بقي متندمنيش … ههههههه بس كانت من النوع المفضل عندي عنيده و لسانها طويل
= لازم اللي يسمع يقول مهزق طبعاااا هههههههه
_ طب ركز بقي علي كلامك عشان انت بين أيدي و موس الحلاقه طويل
= ههههه لا خلاص انا عايز ادخل دنيا مش اخرج
………….
نظرت لؤلؤ و فريده عمري ما اقدر انساها لأنها كانت مبهره نظره كلها حب و حنان و دموع فرحه بيا حضنوني الاتنين حضن يجنن بجد كان شعور فوق الوصف ف الجمال و الفرحه

 

 

 

 

طلبت منهم خمس دقايق لوحدي قبل ما احمد يجي
كنت مخضوضه من كل اللي جاي مش مصدقه اني كبرت و فجأة بقيت عروسه و كمان عروسه الاستاذ احمد لسه فاكره اول مره بصلي كنت بقول عليه مجنون من كتر تركيزه وانا بزعق وهو صامت و مع الوقت اكتشفت أن اصلا تركيزه ده دايما مبسوطه أن نصيبي معاه
لؤلؤ _ احمد وصل
ورد = ليه التوتر المفاجئ ده
فريده : اهدي مفيش اي توتر خدي نفس واحنا هنا جمبك و بعدين ده احمد حبيبك ولا نقوله يمشي …
فريده دايما حقنه المهدء بتاعتي
خرجت بهدوء وانا بصه ف الأرض ومش عارفه ارفع عيني ف عينه بس هو رفع راسي ليه براحه و عينه كالعاده خدتني ف مكاني المفضل مكان كله هدوء و بعيد تماما عن اي دوشه ف العالم كله سلام رجعني تاني ب صوته وهو : بيقولي انا معايا اجمل و ارق و احلي بنت ف العالم والله يا بختي
لؤلؤ – مش يلا يا عريس نلحق نروح القاعه عشان التصوير ولا ايه
احمد : بتفصليني ليه .. هستحملك بس عشان كلها كان ساعه و تبقي ف بيتي وابص ليها برحتي
رغم أن كلامه مكنش موجهه ليا بس وترني اكتر كل ما اسمع كلمه بيته دي احس اني عايزه اجري مش خوفا منه لا .. بس خوف من اللي جاي
………….

 

 

 

 

عدت ساعات الفرح بسرعه محستش بيها الا اخر لحظه وهما بيسلموا عليا و اختي بتحضني و بتقولي مش مصدقه اني هروح من غيرك ولا مصدقه اني مش هنام ف حضنك ..
لؤلؤ بنتي قبل ما تكون اختي اتمنتها من ربنا أن يكون ليا اخت و كنت دائما احط ودني علي. بطن ماما عشان اسمعها و يوم ما جت الدنيا كانت هي كل لحظه حلوه بعد كده ف حياتي صعبان عليا اني هبقي بعيده عنها بس مفيش مسافه هتفرقنا
بعد عياط كتير بطلنا عياط اخيرا ..
روحنا البيت و مع اول تكه مفتاح للشقه ضربات قلبي بدأت تعزف اقوي سمفونية موسيقيه موتره
– نورتي بيتك يا اميرتي
= ممكن بلاش تبصلي كتير انت موترني طول الفرح ببصاتك دي
– حد يبقي قدامه كل الجمال ده و ميبصش و يقول الحمدلله على نعمه ربنا
= انت بتقرب ليه ارجع مكانك
– خلاص خلاص رجعت انا كنت هبوس راسك متخافيش
= لا مش عايزه انا عايزه ادخل اغير عشان لازم نصلي
– طبعا بيتك وانا ضيف تحبي الضيف يعمل ايه

 

 

 

 

 

= ههههه احبه يقعد مكانه علي الكنبه لحد ما اجيلك
– ده ايه الذل ده هههههه ده حتي ربنا أمر ب إكرام الضيف
= هاااااا قولنا اييييه مكاااانك
– انا مقولتش حاجه يبقي مش ملزم ههههههه
= طيب هغير و اجي نصلي و عايزاك ف موضوع
– موضوووع بجد ولا تثبيت
= لا موضوع بجد
………
فكرت كتير محكيش اللي حصل بس كان لازم احكي لان مينفعش اخبي حاجه زي دي ولا ينفع اصبر عليها بعد ما غيرت و صلينا دخل الاوضه
= احمد .
– حيات احمد
= علي بعت انهارده رساله
– علي!! وبعدين
= فريده كلمته هزقته و بس
– و معرفتنيش ليه وقتها
= قولت بلاش اعصبك ف اول اليوم وهو فرحنا بس مكنتش هخبي عليك ولا مسحت الرساله ولو عايز ترد أو تتصل حقك
– بعد ما اتصرفتي

 

 

 

 

= انا معملتش حاجه انا كنت منهاره و فريده لما شافت ده كلمته انا حتي مكنتش عارفه انها هتعمل ده
– انتي كده لاغيتي وجودي ياورد
= انت صوتك عالي ليه انا قولتلك اني متصرفتش و كنت متاكده انك لو عرفت حاجه زي دي من الصبح اليوم هيبقي كله خناق و ده يوم فرحنا
– بردو تقومي تتصرفي من دماغك
= بقولك متصرفتش
– طلما قررتي انك متعرفنيش الا بليل يبقي اتصرفتي و لاغتيني
= مكنش ده اللي ف نيتي كنت عايزه اليوم يعدي كويس
– برافو و عدي زي ما حبيتي و اتبسطتي و لاغتيني و مبقاش ليا وجود
= مانا عرفتك اهو و بقولك ممكن تتصرف عادي و كل حاجه موجوده
– انا مش عايز اتصرف يا ورد خلاص
… تصبحي علي خير
………………

 

 

 

 

منمتش طول الليل من التفكير ف أن المفروض ده احلي يوم بقي كده و أن أول يوم ليا ف الجواز خناقه
خبط عليا الباب و دخل
– صباح الخير
= صباح النور
– انا عايز الموبايل بتاعك
= حاضر بس ليه
– عايز اشوف حاجه
= خده انا قفلاه من امبارح افتحه
– !!!!؟ ايه ده
= في ايه
– ده بعت تاني و انتي مقولتيش
= انا مشوفتش انه بعت تاني
– مشوفتيش و الرساله مفتوحه
= ده بعت وقت الفرح الموبايل مكنش معايا اصلا
– امال كان مع مين !! و مين هيفتح الواتس عندك يشوف مين بعت
= معرفش
– هو انتي ليه بتعملي كده
= وطي صوتك شويه .. و بعدين انا عملت ايه
– معملتيش انا اللي هعمل
…………………

 

 

 

 

بعد ساعتين خرجت من الاوضه كنت عايزه الموبايل اكلم ماما و فريده هما اللي كان معاهم موبايلي وانا ف الفرح
– عايزه ايه
= الموبايل
– ليه
= هكلم ماما و فريده كان معاهم الموبايل وقت الفرح عايزه اعرف مين فتح الرساله
– ملوش لزوم خلاص
= ايه عرفت
– انتي يا ورد و بطلي اللي بتعمليه ده
= انا مش بكدب عليك
سابني و دخل جوه
………………
= عدي اسبوع يا فريده وهو فاهم اني اللي فتحتها مش فاهمه ازاي مش مصدق
– اهدي طيب انا عندي فكره كده يارب تظبط
………

 

 

 

 

= احمد
– عايزه ايه
= تعالا عايزاك
– متلمسنيش
= طيب انا مستنياك بره
بعد ربع ساعه خرج
– عايزه ايه
= هفرجك علي حاجه
شغلت فيديو الفرح
-؟؟؟؟! ايه ده
= ده نفس وقت الرساله لما اتفتحت انا كنت برقص مع فريده و لؤلؤ و الموبايل كان ف ايد فهد ابن اخويا ولو وقفت الفيديو و قربت الصوره هتلاقي قاعد بيلعب فيه يعني ممكن جدا يكون هو اللي فتحه و انا لما اخدت الموبايل قبل ما امشي قفلته من غير ما ابص علي حاجه
قام من جمبي و مبقاش عارف يقول ايه و رجع تاني و قال – انا اسف انا ظني كان وحش فيكي بس انتي السبب لو كنتي قولتيلي من بدري مكنتش ظنيت كده
= لا يااحمد مش انا السبب انت اللي كنت عايز تشوف ده مصدقتش اللي بقوله رغم اني لو بعمل غلط هخبي مش هاجي اقولك انت اللي معندكش ثقه فيا متقولش انا السبب عشان انا حلفت اني معملتش حاجه ولو كنت فكرت مره واحده تصدقني مكنتش خسرتني
– خسرتك
= اه أنا لما وريتك الحقيقه دلواتي مكنش عشان اغير وجهه نظرك ده بس عشان اوريك أن نظرتك و ظنك و معاملتك هما السبب مش انا السبب
– انا اسفه انا بحبك و ده من غيرتي و حبي ليكي
= الغيره عمرها ما تبقي مرتبطه ب عدم ثقه و ظن سوء
– انا اسف

 

 

 

 

= بعد اذنك متلمسنيش و بعدين مش انت اللي طلبت ملمسكش
– انا بحبك و غلطت ف حقك سامحيني مفيش حد مش بيغلط
= ولما تحصل تاني و عاشر هسامحك بردو اذا كان من اول يوم عملت كده و عدا اسبوع اسوء من اسوء ايام ف حياتي و اسامحك علي معاملتك و اسلوبك اللي بردو مربوطين بالغيره و الحب
نظرته كانت كلها زعل و شعور بالذنب .. كان هاين عليا اجري اخده ف حضني واقوله مش زعلانه بس كان لازم يفهم أنه وجعني اوووي
…………………
اول يوم ينزل شغل بعد الاجازه دخلت اصحيه لاقيته سخن اوووي
= احمد مالك انت كويس
كان بيخرف و بيقول كلام كتير غريب مكنتش عارفه اتصرف ازاي من الخوف عليه طلبت الدكتور
… …. …. ….
: دي نزله برد شديده هو عنده اي امراض مزمنة ..
= لا يا دكتور
: طيب دي ادويه يمشي عليها لمده اسبوع و لو السخونيه زادت يفضل نروح المستشفي لأن كده ممكن يكون كورونا
= أن شاء الله لا
….. …….. …….
فريده و لؤلؤ وماما خرجوا بره و سابوني معاه قلبي كنت حاسه مخلوع مني من الخوف عليه
كلهم روحوا عملت الاكل و كل خمس دقايق ادخل اطمن عليه كل ده وهو مش حاسس .. شبهه الاطفال بجد شعوري نحيه كان شعور ام ابنها تعبان وقتها بس بدأت اتاكد اني مش هعرف ابعد عنه لحظه
– ووووورررد … ووورررد
سمعت صوته وطلعت اجري عليه
= حبيبي انت كويس

 

 

 

 

 

– حبيبك .. كنت خايف اقوم ملقكيش ..
= هو انا اقدر ابعد عنك
– ولا انا .. اوعي تفكري أن قلبي كان جامد عليكي انا اليومين اللي فاتوا كنت باجي طول الليل افضل جمبك و ابصلك و احط ايدي علي شعرك وانتي نايمه قلبي مقدرش يبقي بعيد عنك لحظه بس كنت شايل منك مكنتش قادر أظهر ده بس عمر ما اقدر اجمد عليكي
= انا اسفه اني قولت كلام دايقك وكان قاسي
– انا اللي اسف اني عملت كده معاكي انا فعلا بحبك ومليش الا انتي
= وانا اسفه اكتر لاني عملت حاجه تاني للاسف
– لاااااااااااا ابوس ايدك لااااااااا
= اسمع بس اصل بصراحه انا عملت لسان عصفور واول مره اعمله و بصراحه كده اتحرق وانت لازم تأكله لان مفيش اكل ينفع ليك غيره ههههههههه
– لا متشليش هم الاكل
= يعني ايه
……………………………..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية ورد)