رواية لحظة عمري الفصل الثاني عشر 12 بقلم مجهول

رواية لحظة عمري الفصل الثاني عشر 12 بقلم مجهول

رواية لحظة عمري البارت الثاني عشر

رواية لحظة عمري الجزء الثاني عشر

رواية لحظة عمري الحلقة الثانية عشر

رقدت وكنت ليوم تعبان هلبا رقدت ومعه ساعه9:30 في صبح تخش عليا رباب بقوا ………..👇
رباب : عاطف عاطف نوض نوض بسرعه
عاطف : خيرك شن
رباب : خوك سراج بارح روح متاخر سكران اول مره يروح سكران توا حابسه ف داره من بكري
عاطف : شن قلتي سكران ومروح البارح تقوليلي توا صبح
رباب : والله زا مانحكيلك
عاطف : باهي توت نزل نشوفه
نضت وكنت منيش شبعان نوم بس عائله هذي مافيهاش حاجه تفرح نزلت لقيت بوي راقيتله ومقعمز ف وسط الحوش هشيت قلت صباح الخير قالي بوي صباح منين يجي مادمه انت عارف خوك يسكر ومتقدرض تمنعه قتله مندريش عليه يسكر قالي متع انك متعرفش هذا فوته ع حد اخره قتله هذا من سببك كان يسكر انت داع فيه ومخليه علي راحتك وين انا نكلامك نقولك جيبه خلي يخدم معي ف الشراكه باش يعرف كيف يتصرف لم انت تغيب علي شراكه فوق من هذا كله جاي ضدي وتقولي اسكت مدخلكش فيهم تقولي انا مش ولدك وديما حتي ضدي حت ف معاملتك معي توا تقولي علاش ولدي روحلي سكران شوف ولدك وين يدور.

قالي بوي مشاء الله كبدك عليا دم شكلك تعالي اضربني وخلاص قتله يابوي وين نقولك ف كلام لحق تقولي هكي انا ديما نشكا ونتعب مفيش حت صحيت ياولدي بالعكس المشروع لي نجبهولك ترفضهولي وعندك علم ولد سراج محترم هذا خسر شراكه حولي مليون دينار لم كنت ف مستشفي وحمدالله اني رجعتهم قبل انت تفتح عيونك وشراكه زاد مكسب متعه وربح واسال حت موطفين .
قالي بوي غير هدي اعصابك برا دوش وتعال افطر معي واحكيلي كيف صار معك .
مشيت دوشت وبدلت حوايجي ونزلت رجعت لي بوي وبعده قالي بوي ت ا احكيلي شن صار ف غايبي قتله بشرط نبي امي معي كان نكذب عليك تقولي امي اسكت تكذب علي بوك قالي بوي تمام .
////////////////////
قعد نحكي لي بوي شن صار معي وكيف صار من مشاكل وامي كانت تقول صح صار هذا كله .
وبعد ماحكتله لي صار معي ف ابسط تفاصيل قالي والله متوقعتك هكي قتله كيف يابوي قالي انك تحافط علي رزق في غايبي سامحني ياوليدي (دموع طاحو من عينه ) اسف ياوليدي قتله بوي خلاص ولايهمك منزعلش منك انت بوي بس لبد تكون حقيقه واضحه قدمك انت لي مربيني ومصورني راجل قالي حسيت ياوليدي باني طلمتك اهو استلام شراكه من توا وانت مسؤال فيه من ليوم وريح قتله يابوي مش كل شي فلوس اهم شي راضك قالي ربي يفتحه قدمك دنيا واخره .
بعد بوي احكلي مواقف اول مره يتعاطف بوي معي هكي .
قتله يابوي خلي نشوف سراج ونعودك اني انا معش نخليه يسكر ولا تشوف عليه حاجه سلبيه قالي خليه مفروض ربيه انا بيدي كلب هذا قتله خليه علي ضامنتي وكان عوده اقتله بعده .
خشينا لي سراج خوي انا بوي اول مره نحس بروحي هكي اني لي بنقوله يمشي لني علي حق علي عموم لقيناء سراج شاد راصه وزا لي نادم قتله ………👇
عاطف : سراج ارفع راصك فوق
بوي : نوض ياحيوان كيف بيقولك خوك
سراج : ايوا شن تبو مني توا
عاطف :خيرك شن لي خليك دير هكي توا عاجبك منظرك قدم بوك
سراج : والله شيطان غر بيا سامحوني
بوي : انا سمعتي ذهب بين ناس تمشي انت تنزله ف غر شيطان يالي متتحشمش
سراج : قسمن بالله ماني معوده كان شفتني اطردني من لحوش
بوي : من جديد لي قولك عليه عاطف ديره
عاطف : قبل كل شي يبوي يعودك انه معش يديره
سراج : جيبولي مصحف نحلف عليه كان درته
عاطف : خلاص تم يابوي مره هذي
بوي : توا نشوفه مره هذي رحم علي خوك عاطف بس
مهم مشت لامور رجعت العلاقه وفرحت لم بوي اعطني ثقه ف رزقه كله . برا برا برا برا برا برا برا برا
بعد مرور 5 شهور

بوي : ياعاطف ياعاطف
عاطف : نعم بوي
بوي : مشاء الله عليك ارتفع لارباح بشكل رهيب معقوله ف 5شهور توصل ربح لي مليون دينار
عاطف : ههه اي يابوي ان شاء الله خير مازا جاي غير ادعلينا بس
بوي : ربي يفتحه قدمك تتوفق ياوليدي
عاطف : ان شاء الله يابوي
بوي : ياوليدي بنزوجك انت وخوك توا عندي صاحبي لاخر عند بنت حلوه وقنينه بناخذهلك منه شن ريك
عاطف : لا لا بوي اونه دوا كله عند امي توا تقولك
بوي : شن عندك حد انت
عاطف : ايه تسكن قريبه من هنا يابوي
بوي : ياولدي مس حنرفضلك طلب لني عارفك تختار ف عائله لي سمعته ضيفه
عاطف : من نعم ناس
بوي : مالا توكل علي الله وعرسكم بعد سبوع هذا كان سخر ربي
عاطف : مسرع يابوي خيرك كل شي ف وقته حلو
بوي : نبي نفرح بيكم وتشوفكم عرسان
عاطف : ان شاء الله يابوي .
مهم بعد ماحكلي بوي قلت لي روحي شن لي تغير فجاء منيش عارف وحيا بدت دور وسبحان الله ربي فرجه حمدالله ياربي .
علي عموم طلعت وماشي لي شراكه يتصل بيا رقم غريب معرفتاش من فتحت الخط وقلت …………..👇
عاطف : الو مرحبا من معي
حسين : معرفتنيش ياراجل

عاطف : والله معرفتك لحق
حسين : معك حسين لي خذيه منك بضاعه مده لي فات وتعشيت ف حوشك
عاطف : او اهلين بصديقي حسين لاخبار
حسين : واللهي تمام حمدالله شن اخبارك انت وعيئله كله
عاطف : واللهي حمدالله ياربي
حسين :وين انت
عاطف : في الشراكه
حسين : انا جاي نبيك ف موضوع
عاطف : تفضل في اي وقت
سكرت خط وقلت توا شن يبي هذا زعما ؟
قعد نخدم في معاملات متع شراكه جوي ملايح وفجاء رن هاتفي من محدي
ترن ترن ترن ………👇
عاطف : ايوا رباب نعم شن في
رباب : جاك حد ليوم
عاطف : لا علاش
رباب : لا لا شي غير نسأل بس
عاطف : لا مجي حد
سكرت خط وجيني تفكير بسرعه زعما حسين تقصد عودت نتصل
رباب : ايوا نعم
عاطف : تعالي انتي من تقصدي
رباب : لا حد
عاطف : حسين ولاه
رباب : سكتت
عاطف : ماشي
اتصال بيا واحد من مؤطفين قالي جاك واحد اسمه حسين قوليله تفضل .
////////////////
حسين : السلام عليكم
عاطف : وعليكم السلام
حسين : شن امورك خوي عاطف
عاطف : حمدالله ياربي شن احولك انت

حسين : حمدالله ياربي
عاطف : شن وضع شغل
حسين : اهو ماشيه وحمدالله تعرف بضاعه لي خذيته منك حصلت فيه مكسب الله يبارك
عاطف : اي حمد الله ياربي ان شاء الله ديما رابح
حسين : انشاء الله . جايك ف موضوع ولحق مش عارف كيف بنبدا
عاطف : حسب شوفتي ليك عرفت موضوع لكن احكي انت من لافضل
حسين : واللهي انا راني لانعرفكم ولا اي حاجه معرفه طيبه لم جيتك نتعشاء ف حوشكم وشفت اختك الكريمه ولحق عجبتني وخشت خاطري وارني ناوي بحلال
عاطف : اهلن وسهلان بيك
حسين : شكرا لن حق قالتي رباب لبدا تقول عاطف قبل فاقلن نقوله مادمه هكي تبي
عاطف : ههه عادي ولايهمك تعال تشرفنا في وقت
حسين : مالا رهو يكون ف علمك عرسي حيكون بعد سبوع هذا
عاطف :(نفس موعد لي حدد بوي ) صدفه حلوه لحق فكرت من هذي هه
حسين : فركت رباب وفكرتي
عاطف : مشالله عايه اختي رباب فالحه حت يوم عرسي بعد هذا ان شاء الله
حسين : معنتها ربي يوفق ويهني
هدرزت عليه شوي وطلع روح حسين ولم روح حسيت كول نتصل ب رفيف …………👇
عاطف : الو حبي استحشتك هلبا
رفيف : وحت انا حبيبي هلبا
عاطف : سلمه ياربي غزالتي
رفيف : نحبك مش عارف علاش
عاطف : كان تشوفي انا
رفيف : هههه

عاطف : اسمعي جهزي روحك ياحبي ليله جايه عيئله بنخطبك من اهلك وتبقي ليا من بعد صبر طويل
رفيف : بالهي تحكي رسمي
عاطف : منكذبش حبي انا
رفيف : ياحليلي واخيرن نكونو لبعض
عاطف : اي حبي وفي سقف واحد
رفيف : عسلي والله
عاطف : ههه امورتي
رفيف : تعرف كنت خايفه من بوك اكثر واحد
عاطف : ليش
رفيف : خايفه يقولك متاخذاهش
عاطف : تعرفي هوا الوحيد ماقلي لا طول وافق
رفيف : سبحان الله ربي وافقه قدمنا
عاطف : اي غير توا استعدي لي عرسنا ولحظه عمرنا
رفيف : اوكي حبي
بعد ماهدرزت عليه ودرت شوية شغل في شراكه جيت مروح توا قلت تمشي امي تخطبلي رفيف معش فيه ومعش نقدر نتحمل
روحت لي حوش وكنت فرحان وقلت لي امي هيا بدلي حواجيك بتمشي تخطبلي بنت لي قتلك هليه قتلي شن بوك موافق عليه قتله اكيده وكلامته وقالي برا توكل علي الله قتله مادمه بوك قلك برا هيا وليدي .
مشينا انا وامي واستقبلونا احلا استقبال وقعمزنا شربنا كايه قهوة وبعت رسائله لي رفيف قتله شن راضيه حبي قتلي هلبا هلبا لم جيت انت بتخطبني .
قعدنا وجينا مروحين وكانت فرحه تعم امي ونا واني قتلي تهبل تهبل تهبل بنوته لي واخذه بيان عليه متربيه وبنت ربي يرضه عليك دنيا واخره .
(شديت ايد امي وبسوته اهم شي راضك ياامي ياغاليه).

سبوع عرسي انا ورباب وحت صاحبي معتصم وابتهاج وخوي سراج عرس واحد جمعنا ونا يوم الخميس : يوم دخلتي برفيف وجيت مروح بيه وهيا عروسه كانت لحظه لي جبت فيه رفيف اسعد لحظات عمري كان همي الوحيد نبيه تقعد معي ف حوش خشينا لي حوشنا انا ورفيف وكنت موعده اني ندخلو لي حوشنا رفعا بيدي ونزله في وسط وقفنا وناحيه غطاء لي كان علي وجه رفيف كان جميله بدرجه متوصفش قتله يارفيف واخيرن جمعنا حلال بيك وليوم انا ويم ف سقف واحد قتلي قدش كنت نحلم نكون معك ياروحي (دموع الفرح كانت معبيا غيون رفيف) شديته وحضنته وقتله انتي لحظه متع عمري ولا يوم حنزعلك . وكام شعور حلو ان تكون مع تحب ………. نهاية
ملاخص
(إذ انت صممت علي شي وتكون نيتك صافيه ختاخذه لن ربي معك وعارف شن ل في قلبك ولهذا ديما خليك في طريق لي اخترته انت وديما خليك مع تحب )
إذ عجبتك القصه نبيك تقولي ريك بكل صدق ونا نقبل نقد من جميع وان شاء الله يارب عجبتكم .

لقراءة الرواية كاملة اضغط على : (رواية لحظة عمري)

تمت..