قصة يوما ما الفصل الثاني 2 بقلم هبة محمد الفاقوسي

قصة يوما ما الفصل الثاني 2 بقلم هبة محمد الفاقوسي

قصة يوما ما البارت الثاني

قصة يوما ما الجزء الثاني

قصة يوما ما الحلقة الثانية

هو إيه اللى مش هينفع نكمل سوا والحُب اللى بينا ؟
شريف بيأس_ معرفش ازاى حبيتك وقلبى كان فين لما اختار انسانه بالجحود ده.. فيه حد يرمى أمه فى الشارع اللى غيرك بيتمنى بس يسمع صوتها أو وجودها حواليه !
نور_ اه لو جاى بقا تهددنى عشان ارجع ماما مش هيحصل يا شريف ولو صعبانه عليك تقدر تروحلها وتاخدها عندك
شريف حس بالعجز عن إقناعها وحاول يمشى بهدوء
__________

انتى مش هتبطلى اللى فى دماغك ده بقا !!
بصت نور ل دعاء بقرف_ دى حياتى وأنا اللى هتحاسب مش انتى
دعاء_ حياتك دى انتى دمرتيها وهتأذينا معاكى وكل لما عرفتى الست ساره بتاعتك اللى أى مصيبه أو غلطه تطبلك وتعينك عليها.. انتى مكنتيش كده يا نور إيه غيرك ؟ بقيتى تخرجى برا وتتأخرى براحتك ولبسك مبقاش يرضى ربنا وأسلوبك فى التعامل.. أوقات بحس إن الرحمه منزوعه من قلبك لدرجة إنك خسرتى كل حبايبك ومش حاسه .. كل ده هتعرفى قيمته متأخر قوى
نور_ خلصتى محاضراتك ! يلا تصبحى على خير
نامت وجواها كُره من دعاء وتاتى يوم قررت تحكى الموقف ل ساره..
ساره_ بقا البت البيئه دى تقول عنى كده والله ما هسيبها
نور_ اعملى اللى تعمليه عادى مبقتش فارقه معايا
ساره_ إيه رأيك لو ناخدلها بصرها زى مامتك ونرتاح من قرفها
نور_ دا اللى هو ازاى

ساره بخبث_ مش قولتيلى إنك هتشتغلى فى تصنيع مواد كيميائيه !
نور باستغراب_ وده إيه لازمته بموضوعنا
ساره_ ده الموضوع نفسه
بعد شهر ________________
هو صحيح يا تيتا انك بتشوفى حاجات حلوه احنا مبنشوفهاش؟
ضحكت الأم على كلام الطفل وقالت
_ أه يا جواد بس تعرف انك أحلى منهم
جيه الدكتور_ بقيتى تدلعى ولادى أكتر منى يا أمى

الأم_ انتوا الكل ولادى .. بس إيه رجعك بدرى كده
الدكتور_ حاسس بتعب غريب ومقدرتش أكمل اليوم بس ده ميمنعش إنى أعمل لحضرتك العمليه
باستغراب_ عملية إيه يابنى
الدكتور_ فيه أمل كبير جدا إن بصرك يرجع تانى وأنا محبتش تأجيله
الفرحه كانت باينه جدا على ملامح الأم لدرجة أنها مقدرتش ترد وحبت تصلى لربنا تشكر فضله
وبعد 3 أيام الأم استعدت لدخول اوضة العمليات وحواليها اولاد الدكتور …
وبعد 8 ساعات نجحت العمليه ورجع بصر الأم ليها.. وفى وسط دموع الفرح زاد ألم الدكتور ووقع على الأرض بعد ما ربنا اختاره
سيطر الحزن على قلب الأم لفراقه وإنه ازاى مقصرش ولا لحظه فى حقها وكمل معاها لآخر عمره لعند ما راح لأمه الحقيقيه
جيه محامى ومعاه وصية الدكتور للأم
_ المستشفى كلها مسجله باسم حضرتك يا فندم ومن دلوقتي هى مسئوليتك

الأم_ أتأكد تانى يابنى أنا مش أمه ممكن مراته
المحامى_ كل الأوراق اللى هنا باسم حضرتك بس
بعد ما سابها جات مرات الدكتور ببكاء
_ لو سمحتى يا ماما تقبلى وصية جوزى الله يرحمه وتاخدى بالك من شقى عمره وتفضلى معانا احنا مبقاش لينا غيرك
الأم وهى بتاخدها فى حضنها_ هحاول.. ربنا يهون على قلبك يا حبيبتى
________________
نور_ أنا هروح الشغل عشان متأخرش
ساره_ تمام ومتنسبش اللى اتفقنا عليه
نور_ لا مش هنسى
بعد ساعتين كانت نور فى الشغل وبتفكر فى أذية دعاء وحاولت تغير المود فشغلت أغانى واستخدمت الهاند وهى بتلف فى المكان اتكعبلت وقت على رف جزء من المواد الكيميائية وفجأه..
نور_ الحقووووونى… عيووووونى
بعد ما وقع عليها ماده سامه
قصة: يوماً ما.
الجزء التانى
هبه محمد الفاقوسى

• لقراءة الفصل التالي : اضغط هنا
• لقراءة باقي حلقات الرواية اضغط على (قصة يوما ما)