اسكريبت قصة حياة الحلقة الأولى 1 بقلم مريم صميدة

 اسكريبت قصة حياة الحلقة الأولى 1 بقلم مريم صميدة 

اسكريبت قصة حياة الحلقة الأولى 1 بقلم مريم صميدة

اسكريبت قصة حياة الحلقة الأولى 1 بقلم مريم صميدة 

– ايوة يعني هتتقدملي امتا بردو

=يابنتي هو انا هشتري برتقالة كل الدبان حواليها ليه 

-جملته قتلتني و…

______——–______

انا ملتزمة جدا وبصلي وقريبة من ربنا ومحدش قدر يضحك عليا غير لما قلبي دق لحد وكانت بدايتي لما وصلت ١٧ سنة وكنت ف تانية ثانوي بدأت اعرف يعني اي النت اللي بيتكلموا عنه وإيه الموبايل التاتش ده والسيلفي والسوشيال ميديا عمتا 

كنا مجبورين ندخل النت عشان المراجعة والدروس الاونلاين خصوصا بعد انتشار الكورونا كلنا كنا بنذاكر من البيت 

ويوم م الايام حد دخلي علي الماسنجر وقالي ازيك ف انا خوفت وعملتله بلوك ع طول بدون تردد وبعد ٣ ساعات نفس الشخص بردو دخل يكلمني وملقيتش البلوك مكانه استغربت وقولت هرد افهم فيه ايه

– ازيك ياميادة؟

= انت مين وازاي تكلمني بعد البلوك كدا وعايز ايه انت؟؟؟؟

– اي ياما م بوراحه علينا

= طب انطق عايز إيه 

– عايزك.

= نعم!!

– ع ا ي ز ك .. عايزك.

= هو اي اللي عايزك عايزك يعوزك عزرائيل هو اي القرف ده.. 

وعملتله بلوك ومتكلمش تاني طول اليوم بس انا كنت قلقانة مش عارفة ليه ومن قلقي حذفت الشات عشان محدش يشوفه حاولت انام وقومت ع صوت مسدج ماسنجر

– ازيك يامداميدووو

= انت تاني هو انت مابتحسش والله هغير الاكونت بسببك

– غيريه وهجيبك زي مابفك البلوك كدا، ها وهتعملي اي كمان

=استغربت منه ومكنتش عارفة ارد بس اتكلمت بهدوء عشان اخلص بقي… طب حضرتك عايز إيه عشان نخلص من الرغي ده لأني مش بحب اكلم حد

– عارف عنك كل حاجه وانك ملتزمة ومش بتفوتي فرض ومش بتحبي حد وزمايلك اتنين تلاتة بالكتير وانك بتحبي البطيخ اكتر م المانجة وبتحبي الصيف اكتر م الشتا.. اقول كمان؟

= وبعدين انت عاوز توصل ل إيه 

– عايز اتقدملك 

= ماتكلم والدي جايلي انا ليه

– عشان نتعرف ع بعض وتوافقي عليا وتبقي حياتنا بدأت بقصة حب

=مش هكدب عليكم بس كان احساس فوق الروعة ان حد مهتم بيكي وانك فارقة معاه بس مبينتش ده وقولتله.. طب واشمعنا انا ما البنات كتير

– عشان رغم كتر البنات ملمستش ادب وتربية غير فيكي انتي وبس

= كنت طايرة من الفرح.. وقولتله بس الكلام ده مش هينفع هنا وانا مش هكلمك تاني غير لو دخلت البيت من بابه زي الشرع ما بيقول

– بس انتي كدا مش عايزة تعيشي قصة حب 

= وفيها ايه لو نعيش قصة الحب ادام اهالينا ف النور ف وقت الخطبة المحدد لينا ليه نعيشه ف الحرام بص البداية اللي مترضيش الخالق مش هترضي الخلق وانا معنديش غير كدا واتفضل متبعتش تاني لوسمحت

– مفيش مشكلة زي ماتحبي والبنات كتير زي ماقولتي سلام

وقفل وسابني ف نار وانا ال كنت فاكرة انه حد جد اتاريه كان هيتسلى ده لو مين محدش يقدر يضحك عليا هه يسلام ده انا ميادة

ومع مرور الوقت كنت نسيته واتشغلت ف حياتي وف يوم كنت زهقانة جدا وجه ع بالي ف دخلت اشوف الشات وكدا وبالغلط اتصلت فيديو كول ياربيي بيقفل منين اعمل ايه هاراسود ايه ده مين ده..

– ازيك ياميادة اي ده انتي طلعتي احلى من الخيال يا بت

= اانا ان انا اسفة والله والله العظيم جه بالغلط ومش عارفة اقفل وبعدت الكاميرا عني عشان ميشوفنيش وانا بحاول ادوس ع اي حاجه عشان اقفله انا اول مرة اتحط ف الموقف ده ومش عارفة اتصرف

– اهدي بس انا معاكي يمكن اشارة من ربنا عشان نتعرف ع بعض انا لسه عاوزك وبحبك

= فكرت شوية وقولت يمكن اشارة اني اتعرف عليه بس اكيد مش من فيديو فقولتله طب اقفل ونتكلم شات

– بس هشوفك تاني اكيد؟

= لما ناخد ع بعض

– طب اوعديني

= طب اقفل وابقي اوعدك بعدين

-بدلع.. تؤ اوعديني دلوقتي وانا اقفل

= طيب خلاص وعد بس اقفل

– حاضر ياجميلة

اوف الحمدلله قفل .. ف الشات بقي 

– يابت ياحلوة انتي انتي جبتي الحلاوة دي منين

= كنت فرحانة بس قولت لو سمحت بلاش الكلام ده إلا لما يكون فيه حاجه رسميه

– وهو انا مشدودلك من قليل منا ال شاددني ادبك ده ياحلو

= امم.. شكرا

– شكرا بس

= هو فيه حاجه تاني تتقال حضرتك

– اممم طيب يامؤدب انت

= ….

– مش بتتكلمي يعني

= وهقول ايه

– اسئلي عشان تعرفيني اكتر 

= امم ماشي… سنك اد ايه

– عندي ٢٥ ومتخرج من كلية حاسبات ومعلومات.. ابعتلك الشهادة ؟؟

= لا خلاص صادق مانت بتفك البلوك كل شوية

– هههههههههههه مسيري هعلمك لما نكون تحت سقف واحد ياقمر انت

=كلامه بيخجلني بس مش ببين.. الضهر اذن يلا قوم صلي ولا انت مش بتصلي

– بتوتر اي لا لا طبعا ازاي كدا امال هنكون مع بعض ف الجنة ازاي ياقمري

= طب يلا انا رايحة اصلي 

وبعد اسابيع العلاقة اتطورت وبقينا نتكلم فيديو كول وبقي بيشوفني بشعري عادي وف يوم قالي

– مش هنتقابل انا عايز اشوفك؟

= مانت بتشوفني هنا اهو

–  لا ياحياتي الطبيعة غير النت وانا عايز اتأمل جمالك براحتي

= لا مش هقدر كدا كفاية انا تأنيب الضمير مش بيفارقني ونبي وبجد تعبت منه

– هما خمس دقايق بس ي روحي والله انتي عارفة اني بعمل كدا من حبي ليكي ده انتي بتوحشيني وانتي معايا

= طيب تمام موافقة وامري لله

ومرة ورا مرة اتقابلنا وكنت ف الاول بخاف بس بعد كدا بدأت مهتمش لحد وكنت ببعد عن ربنا خطوة ورا التانية وانا مش حاسة بنفسي ولحد ما ف مرة نزلت اعد ف الكافيه ال بنعد فيه لاني اشتقتله وهو قالي انه هيسافر اسبوعين ومش معاه نت المهم دخلت الكافيه واتفاجئت انه اعد مع بنت وحاطط ايده عليها وهي بتضحك بس هو مشافنيش لأن  كان عاطيني ضهره وانا بكل غضب روحت رزعاه كف ع قفاه طير شرار من عينه وشرء ف بوء الماية ال كان بيشربه والتفتلي

– بقلق وتوتر اي ده انتي بتعملي اي هنا واي ال انتي عملتيه ده

= هو ده اللي فارق معاك يازبالة ياحيوان!! مين دي ميييين ديي وروحت جبتها من شعرها وبهدلتها وجريت من ايدي بصعوبة 

اما هو ضربني وخلعني الطرحة وشدني من شعري وبقي يشتمني بأوسخ الالفاظ ادام كل الناس ومسابنيش غير لما اغمى عليا وفوقت ف المستشفى وكان الناس هما ال ودوني لما هو سابني وجري سايحة ف دمي رجعت البيت قولتلهم حادثة وعايزة ادخل ارتاح وسبتهم وحاولت انام بس لا كنت عارفة انام من وجع جسمي ولا الوجع الاكبر ال ف قلبي منه وبعد ١٠ ايام لقيته بعتلي

– حببتي طمنيني عليكي

= انت حيوان ومعندكش دم انت ازاي بعد كل ده جاي تكلمني تاني مش كفاية اللي عملته فيا ياخاين

– مش انا كنت قولتلك طول مانتي بتمنعي نفسك عني انا غصب عني هبص برا .. مانتي يحببتي ال مش مدياني فرصة ناخد ونديي ف الكلام

=تقوم تقابل واحدة وتحط ايدك عليها وكمان تضربني وتسبني وتجري!!!!!!!!

– مهو بردو ياحببتي مينفعش القفا اللي ادتيهوني ده انا راجل وليا كيان ادام الناس ومينفعش يتقل مني

= انما تقل مني وتخوني وتضربني عادي مش كدا

– مش ديما بتقولي ان لكل فعل رد فعل ده كان ردي عليكي لما ضربتيني القفا وبهدلتي البت ال كانت معايا

= مهو ده كان رد فعل طبيعي على خيانك ليا 

– بس انا ي حبي حذرتك اني هبص برا طول مانتي بتعتبريني غريب ومنعاني عنك كدا وده غصب عني ياقلبي انا راجل واعزب بردو 

وبكلامه قدر ينتصر عليا وبدأت اتنازل اكتر واكتر لحد الامور ما تطورت اكتر من اللازم

– اي يامداميدووووو فينك ياحب

= موجودة ياسولي انت ال فينك ياعشق

– ف البيت ومستنيكي متاخريش عني

= نصاية بالكتير وجيالك 

وبعد نص ساعة كنت وصلت بيته

– اي القمر والحلاوة دي

= يابني بس بقي كلامك بيكسفني

– بغمزة طب يلا انا روقت الاوضة 

= بدلع لا مش انهاردة

– اممم خلاص هنزل اقابل البنات تاني

= لا وع اي يلا بينا ياقلبي

– ههههههه يلا

*وبعد ساعتين*

-يا إسلام انت هتتقدم امتا كدا كتير 

=يوووه انتي قرفتيني كل شوية هتتقدم امتا هتتقدم امتا هو انتي مش وراكي غير ميت*ين ام السيرة دي!!

-ايوة يعني هتتقدملي امتا بردو

=يابنتي هو انا هشتري برتقالة كل الدبان حواليها ليه 

-جملته قتلتني وقولتله بعياط

إسلام انا وثقت فيك ونبي متخذلنيش وتفضحني انا برفض عرسان كتير عشانك ابوس ايدك استرني 

= ببرود وهو كان حد جبرك ع إنك تعملي ال عملتيه ده وبعدين هو انا قولتلك ارفضي! لما يبقي يجيلك حد ابقي واقفي

– بعياط اوافق ازاي وانا منفعش لحد غيرك بس

= بإستهزاء عادي مش حوار روحي اعملي عمليه وارجعي زي ماكنتي بس عمرك ماهترجعي شرف اهلك اللي طينتيه ف الارض يامؤدبة ها

– طب ع فكرة انا حامل وهروح اوديك ف داهية وهطلع اصوت والم الناس عليك وافضحك وافضح نفسي وتبقي خرااب ع الكل منا مش هتضر لوحدي

= تفضحي مين يابنت ال******** يا****** يا**** ده انا مبخلفش والدنيا كلها عارفة ومراتاتي الاتنين اتطلقوا عشان كدا والناس عارفة يا***** ده انتي واحدة حامل وبتجيني الشقة من ورا اهلك وخونتي ثقتهم وعملالي فيها متدينة يا****** وكلام كتييير قذر وشدني من شعري وجرجرني للشارع بلبس النوم اللي كنت لابساهوله وكنت شبه عريانة والناس كلها كانت بتتفرج والمصيبة ف اللي كانوا بيصورا وناس من اصحاب بابا كانوا واقفين وشايفين منظري وانا بتضرب وشكل جسمي اللي باين ومفوقتش غير ف المستشفى لقيت دراعي متجبس ورجلي متجبسة ومش قادرة اتكلم من سناني اللي اتكسرت وبوءي ال وارم وفوقت ع كلمة الدكتور لماما وبابا لما قالهم استودعوا ربنا ف الجنين والحمدلله ان مامته لسه عايشة وقالي الحمدلله ربنا كتبلك عمر جديد والبقاء لله يامدام وسابنا وخرج

بابا: باصصلي بنظرة كسرة ليه يابنتي تعملي فينا كدا مبقناش عارفين نودي وشنا م الناس فين ليه تكسريني وتعجزيني انا قصرت معاكي ف إيه انا عارف ان ظروفي صعبة وعيشتنا مش مرتاحة بس والله يابنتي انا كنت بوفر كل اللي ف مقدرتي واتحرم انا وامك من كل حاجه عشان نخليكي انتي مش محتاجة حاجه ليه ياميادة تعملي فيا كدا انا هونت عليكي تخونيني كدا هونت عليكي تكسريني وتوجعي قلبي وتبهدليني كدا هونت عليكي ياميادة هونت عليكي يابنتي هونت تذليني كدا وبدأ يبكي بحرقه

اما ماما كانت ساكتة وف عيونها ألف نظرة ونظرة وبدموع قالت دي جزاتنا ياميادة هو ده البر اللي امرك بيه ربنا فين القرآن اللي حفظتيه يابنتي فين ميادة اللي كنت بتباهى بيها ادام كل الناس فين ميادة اللي كنت بقول ربنا رزقني بيها عشان هي السند ليا ولابوها ليه ياميادة ليه قتلتينا واحنا عايشين هو انا وابوكي قصرنا ف إيه ليه كدا ياميادة ليه وبتبكي زي بابا 

وانا كنت اول مرة ف حياتي اشوفهم مكسورين كدا واول مرة اشوف دموعهم كدا ومفيش صدمة ف حياتي اد صدمتي لمنظرهم وكسرتهم بسببي اما هو ف اختفي ومعرفش عنه حاجه والاكونت اتحذف وانا قفلت النت وبقيت مكسورة بعد الفضيحة ال حصلت وطبعا مع انقطاع ماما وبابا عني ومحدش منهم حتي بيحط عينه ف عيني وبدأت اقرب تاني لربنا وادعيله يسامحني ويغفرلي وطبعا بدأت الكسور تخف مع الوقت بس كسرة قلبي وقلب امي وابويا مخفتش وبدأت اشوف دروسي ال اهملتها وبسببه السنة ضاعت عليا واضطريت اعيدها تاني ومع كل ده محدش من اهلي لا امي ولا ابويا قلل اهتمامه لطلباتي رغم اني مكنش ليا عين اتكلم بس هما بيبقوا عارفين ال ناقصني وبيكملوه من غير مايكلموني كلمة وفضل الحال ده شهووور كتير لحد ما وصلت لتالتة ثانوي وقفلت ع نفسي جدا لا بقيت احضر دروس الاونلاين ولا بخرج ولا بقابل حد او بمعني اصح محدش بقي عايزني ف حياته غير امي وابويا وكله بعد عني وانا فضلت ع الحال ده لحد ما خلصت الثانوية بتاعتي وجبت ٩٨.٩٩% مجموع يأهلني لكلية الطب البشري وده بدأ يحسن من علاقتي ب ماما وبابا نوعا ما وها يعني بدأت ثقتهم ترجع واحدة واحدة انا عارفة ان عمرها ما هتكون زي الاول بس ع الاقل هحس ان فيه روح للحياة بعد اللي حصل ده.. مكنتش مصدقة نفسي وحسيت ان الحياة هتضحكلي بعد العذاب ده.. لكن؟؟؟؟

يتبع..

لقراءة الحلقة الثانية : اضغط هنا

لقراءة باقي حلقات الرواية : اضغط هنا

نرشح لك أيضاً رواية امرأة بطعم الوجع للكاتبة أماني عنان.