رواية عشق حياة الفصل الثالث والعشرون 23 بقلم زوزة

في محل المجوهرات .

عاد كنان ثانيه الي الدخل عندما قال لهم أنه نسي شئ بالداخل .

صاحب المحل : كنان باشا حضرتك نسيت حاجه .

كنان بابتسامه : لا بس عايزك تجبلي طقم الماس شبه ده ثم أراه شئ علي التليفون وتبعته ليا بعد يومين .

صاحب المحل: بس يومين قليلين جدا والطقم اللي حضرتك طلبه مش موجود .

كنان : بعد يومين يكون عندي اتصرف واللي عايزه هدهولك .

صاحب المحل: حاضر هحاول يا فندم .

كنان وهو يكتب له العنوان : ده العنوان اللي تبعتهولي عليه .

صاحب المحل: حاضر يا فندم .

تركه كنان وذهب الي السياره مره اخري ثم أخذهم وذهبوا الي الاتليه .

مؤيد وهو ينزل من السياره : عدي بيقول لما نخلص نروح علي الفيلا عشان حياه تشوف لو عايزه تغير حاجه واهلها هناك .

كنان : ماشي نخلص ونروح .

ثم دخلوا الي الاتليه وقابلتهم صاحبة الاتليه وتدعي مدام سالي .

مدام سالي : اهلا اهلا يا كنان بيه نورتنا .

كنان : ده نورك يا فندم اعرفك بحياه خطيبتي عايزك تشوفي هي نفسها فستان شكله ايه وتصميمه ليها أيا كان التكليف انا عايز احسن حاجه ليها وخلال تلات ايام بالظبط يكون جاهز .

مدام سالي بصدمه : تلات ايام ايه بس احنا مننهض نصمم فستان في المده دي .

كنان : معلش يا مدام سالي احنا الفرح متحدد كمان اسبوع يعني انا عايز كمان تلات ايام يكون الفستان جاهز .

مدام سالي : هنحاول يا فندم حاضر .

كنان : انا عارف انك هتكوني قدها انتي من احسن المصممين هسيبلك حياه خدي رأيها وشوفي اللي هي عايزاه .

مدام سالي: حاضر يا فندم اتفضلي يا حياه هانم .

حياه بابتسامه ؛ حاضر بس كنان انا عايزه رأيك معايا في الفستان ممكن .

كنان بابتسامه : حاضر يا حياتي .

مدام سالي بابتسامه : طب اتفضلوا انتوا اقعدوا وانا هجيب دفتر التصميم بتاعي ونشوفه ولو عايزين اي اضافات ماشي .

ثم جلسوا وظلوا يشاهدون تصميمات كثيره الي في النهايه عجبهم جميعا فستان واحد وكان افضل فستان واضافوا إليه بعض الاضافات.

عهد بفرحه : الفستان هيبقي جميل عليكي يا حياتي .

مؤيد بابتسامه: طب عهد هانم تشوفلها فستان هي كمان عشان الفرح والا ايه .

كنان بتأييد : ايوه يا عهد قوموا اتفرجوا انتي وحياه علي الفساتين وهاتوا لكل واحده فيكم كام فستان عشان الحنه والفرح وهاتوا بزياده عشان المناسبات هتبقي كتيره .

عهد بحرج ؛ بس انا مش عايزه فستان .

مؤيد وهو يمسكها من يدها ويقول لها : انتي اصلا مابتسمعيش الكلام تعالي معايا انا عايز اختار فستان لواحده .

عهد بعصبيه خفيفه: متمسكش ايدي انت اخدت عليا اوي .

مؤيد بضحك : براحتي ويلا تعالي اختاري فستان هي بنت عودها زيك كده ومحجبه فتعالي شوفي فستان ليها واختاري ليكي .

عهد : هووف بقا هو مفيش غيري .

مؤيد بضحك : ايوه هووف بقا مفيش غيرك كنان وحياه عايزين ياخدوا راحتهم .

وأخذها وذهبوا باتجاه الفساتين وظلوا يختارون سويا الي أن عجبها فستان باللون السماوي رقيق جدا : الله ده جميل .

مؤيد بضحك : ايوه جميل جدا شوفيلي المقاس عشان اخده لحبيبتي بقا .

عهد ؛ لا انا هاخده ليا انا .

مؤيد بعند : لا هاخده انا وقام بأخذه بعد أن سال أحد أنه سيكون مقاس تلك الفتاه التي كانت معه ثم ذهب واختار معها فستانين لها .

وكنان اختار لحياه أكثر من فستان وكانوا اجمل من بعض .

حياه بخجل : بس دول كتير يا كنان .

كنان بابتسامه: لا يا حياتي انتي شاوري بس .

ثم أخذ مدام سالي علي جمب وقال لها : أن تأتي له بفساتين ليست لفتاه بمحجبه بعود حياه .

مدام سالي: حاضر يا كنان بيه وهنبعتهم علي فين .

كنان وهو يعطيها عنوان منزله : علي العنوان ده .

ثم تركها وذهب وأخذ حياه بيده وخلفهم عهد ومؤيد وذهبوا الي قصر عدي الشناوي وانتهوا من كل شئ وذهبوا الي بيتهم ثانية….

~~~~~~~~~~~~~~~~~~~~~

بعد مرور أسبوع .

نعم إنه اليوم المنتظر 

يوم فرح كنان وحياة .

في أكبر فندق في البلد .

حياه تجلس بغرفه ومعاها طقم كامل من البنات الذين يعملون لها المكياج والشعر وكل شئ تحتاجه .

وفي الغرفة التي بجاورها يلبس كنان بدلته التي جعلته أكثر جاذبيه ومعه عدي ومؤيد وحازم وكأنهم اربعه فرسان اجمل من بعضهم ولكن كان اجملهم كنان فكان يشبه ابطال السينما .

عدي وهو يحتضن كنان : الف مبروك يا كنان انا فرحان بيك اوووي .

كنان بحزن : كان نفسي جدو يحضر معايا اووي .

عدي بحزن : ما انت عارف أنه مرداش ولما روحت أقوله الحقيقه مسمعهاش .

كنان بحزن : ما ده اللي زعلني اكتر أنه صدقها ومصدقنيش .

مؤيد : حقيقه ايه وانت روحت لجدو امتا .

عدي : يحكي له .

فلاش باااك .

بعد أن ذهب اهل حياه من عندهم .

ذهب عدي الي قصر جده .

خالد الشناوي بغضب : ايه اللي جابك بعد ما مشيت مع اخوك .

عدي وهو يبوس يده : انت عارف انك غالي علي قلبنا كلنا واكتر واحد فينا كنان بقا تمشيه من البيت .

خالد الشناوي بغضب : هو اللي كسر كلامي ومرداش يجوز بنت عمته .

عدي بهدوء : بس بنت عمتي متستاهلش كنان .

خالد الشناوي بغضب: امال البنت اللي معاه دي هي اللي تستاهله دي هتلاقيها طمعانه فيه .

عدي : عارف لو شوفتها هتحبها لأنها بنت طيبه جدا .

تالا وهي تأتي إليهم وبدموع تقول : حتي انت يا عدي مش عايزه يجوزني ليه انا عملتكم ايه .

عدي بعصبيه : انتي عارفه عملتي ايه وبلاش اقوم .

تالا بدموع مزيفه : معملتش حاجه انا اضحك عليا من اخوك ثم نظرت إلي خالد الشناوي وقال بدموع مزيفه : كنان ضحك عليا يا جدو وخد مني اللي هو عاوزه وبعد كده رماني .

خالد الشناوي بعصبيه : بتقولي ايه كنان ميعملش كده .

ثريه وهي تعطيه صور : اتفضل يا بابا ده دليل تالا ثم أكملت بغل : شوف حفيدك اللي بتفضله علي الكل عمل ايه في بنتي ومش بس كده لا ده هي حملت منه وهو أول ما عرف كده سابها .

تالا بدموع مزيفه : سابني يا جدو بعد ما ضحك عليا .

 عدي بعصبيه : كذااابه وبعدين انتي اللي عملتي الحوار ده كله انتي اللي اخدتيه وخلتيه يشرب ويتقرب منك وانتي اللي صورتي عشان تذليه بيه .

تالا بدموع مزيفه : لا انا معملتش كده انا معملتش حاجه هو اللي ضحك عليا كنان مش صغير عشان اضحك .

خالد الشناوي بغضب: انت بتقول ايه يا عدي .

عدي بغضب : هحكيلك يا جدي ثم حكي له كل شئ.

تالا بدموع : انا معملتش حاجه يا جدو هما كذبين انا هفرط في شرفي ليه هو اللي ضحك عليا وكان ماسك عليا الصور دي وبيهددني بيها .

ثريه بدموع مزيفه : يعني حفيدك يضحك علي بنتي وبعد كده يرجع يتهمها ليه هي عملته ليه لكل ده .

عدي بعصبيه : بطلوا تمثيل بقا انتوا عارفين الحقيقه .

تالا بدموع مزيفه : انت واخوك مش عايزني اعيش كان نفسكوا اموت وفعلا هموت نفسي ثم مسكت سكينه ووضعتها علي يديها وقطعت شراينها .

خالد الشناوي بغضب : انتي عملتي يا مجنونه ثم اكمل بغضب : شيلها بسرعه يا عدي خلينا ننهضها .

فحملها عدي وذهبوا الي المستشفي وبالفعل تم انقذاها .

خالد الشناوي بغضب : مستحيل تالا تعمل كده .

تالا بدموع مزيفه : انا عايزه اموت سبوني اموت بقا انت مبتحبش غير كنان يا جدو سبني اموت بقا اكيد هتصدقه هو  .

خالد الشناوي وهو يقترب منها وياخذها في حضنه : مستحيل يا حبيبتي اسيبك تموتي انتي عارفه انك غاليه عندي ازاي انا مصدقك انتي ثم وجه نظره الي عدي وقال بغضب : ازاي تالا هتضحك علي كنان قولي وهي هتموت نفسها عشانه .

عدي بحزن : بس انت عارف يا جدو أن كنان ميعملش كده وهو كان نفسه تحضر فرحه .

خالد الشناوي بغضب: انا معنديش حفيد اسمه كنان غير لما يتجوز تالا.

عدي بحزن : احنا هنستناك في الفرح ثم تركهم وغادر …

عوده من الفلاش باااك .  

مؤيد بصدمه : تالا عملت كل ده .

كنان بحزن : جدي مش مصدقني ومصدقها هي .

حازم : خلاص بقا يا كنان اضحك وانسى وان شاء الله قريب اووي جدك هيعرف الحقيقه .

عدي وهو يحضن أخاه : اوعي حاجه تزعلك وانا هجبلك حقك افرح انت بس بعروستك هي طيبه وتستاهل كل خير منك .

كنان بحزن : انا مش زعلان علي تالا انا اصلا اكتشفت اني مكنتش بحبها انا كنت موهوم بحبها بس اكتشفت معني الحب مع حياه عارف يعني ايه لما هي كانت هتروح مني اني قلبي كان بيروح معاها  قلبي كان هيقف زيها عارف يعني ايه لما تشوف ضحكتها بس كفيله تخليني ابقي طير من الفرح بصوا حياه بقت حاجات كتيره في حياتي .

حازم : يا سيدي يا سيدي طب راعي أن معاك سناجل .

كنان بضحك : الفرح عندكوا اختاروا منوا بقا .

حازم بضحك وهو يغمز إلي عدي : عايز اشوف اخت حياه بيقولوا قمر اووي. 

مؤيد بضيق وهو يمسكه من قميصه : مين دي اللي قمر يا بابا وشوفتها فين .

حازم بضحك : اخت حياه عدي اخوك حكالي عليها وبيقول حلوه اووي .

مؤيد بعصبيه : ولله لو بصتلها بس هموتك الا دي .

حازم بضحك : والا دي ليه بقا أن شاء الله كانت خطيبتك .

مؤيد بعصبيه : ياعم ملكش دعوه بيها .

عدي بضحك : خلاص بس انتوا الاتنين .

 مؤيد بعصبيه : ماشي بس ميجبش سيره عهد .

حازم بضحك : الله وطلع اسمها عهد ده اسمها حلو .

مؤيد بعصبيه : متجبش اسمها علي لسانك يا حازم .

حازم بضحك : خلاص خلاص ياعم الغيور انت .

مؤيد بضيق : ماشي .

كنان بضحك : طب الفستان راح فين يا مؤيد .

مؤيد بضيق : ملكش دعوه ياعم انت كمان .

كنان بضحك : عارف أنه راحلها .

مؤيد بضيق : كان لازم أبدل فستانها عشان مكانتش هترضي باللي انا جايبه .

كنان بضحك : تقوم تسرق التاني وتديها بتاعك .

مؤيد بضيق: ده انت كنت مركز معايا بقا .

كنان بضحك : الصراحه اه وقولت لحياه تقنعها تلبسه وخلاص.

مؤيد : جدع ويارب حياه تقنعها هي عمرها ما كانت تقبله مني .

عدي بهدوء : بس مينفعش كده يا مؤيد .

مؤيد بابتسامه: من اول ما شوفتها يوم العربيه وهي خطفت قلبي لدرجه اني لما شوفت معاها ادوات رسم عرفت انها في كليه فنون جميله وروحت هناك دورت عليها بس ملقتهاش كان نفسي اشوفها تاني عارف يعني ايه حد يخطف بالك وتفكيرك وعقلك وقلبك هي خطفتهم كلهم .

حازم بضحك : ايه ياعم النحنوح انت لسه صغير.

مؤيد بضيق : ما دي المشكله .

عدي بابتسامه : لو عجباك انا ممكن اكلم ابوها نخطبها لغايه ما تخلص الكليه .

مؤيد بفرحه : بجد يا عدي .

عدي : ايوه هكلمه انهارده وهتفق معاه علي يوم نتفق فيه .

مؤيد بفرحه : بجد يا عدي .

عدي بفرحه لفرحه أخاه : هكلمه انهارده وهتكون قريب خطيبتك يا مؤيد .

حازم بضحك: بقا مؤيد هيخطب وانا وانت يا عدي لسه حسره علي شبابنا اللي ضاع .

مؤيد بضحك : راحت عليك خلاص يا حازم .

حازم بضحك : هجيب عروسه قمر وهجوز قبلك يا مؤيد .

مؤيد بضحك : لا هتستناني .

كنان بهدوء : يارب يفرحك يا مؤيد .

عدي بهدوء : مالك يا كنان .

كنان بقلق : مش عارف قلبي مقبوض .

عدي : أن شاء الله خير .

وظلوا يضحكون سويا ….

~~~~~~~~~~~~~~~~~~~~~~

في غرفه حياه 

عهد : مش هلبس الفستان ده يا حياه .

حياه بضحك : يا عهد الفستان جميل وكان عجبك .

عهد : كان عجبني لكن اكيد اللي بدل الفساتين الزفت اللي اسمه مؤيد .

حياه : طب جربي الفستان بس وبعد كده نشوف موضوع الفستان ومين بدله بس البسي اتاخرنا بقا وزمان كنان جاي وانا مش هنزل من غيرك .

عهد ؛ مش هلبس الفستان ده .

حياه بطفوليه : خلاص وانا مش هلبس فستاني .

عهد : يا حياه قومي البسي يلا .

حياه بعند: لا البسي الفستان وانا هلبس زيك .

عهد : طيب  يلا البسي وانا هلبس .

وبعد وقت ارتدوا الاثنين فساتينهم وانتظرت حياه كنان …

~~~~~~~~~~~~~~~~~~~~~~

في قصر الشناوي .

تالا بغل : لازم اروح الفرح وانتقم منه .

مايا : مينفعش يا تالا مينفعش .

ثريه : اهدي يا تالا اهدي .

تالا : هروح وادفعه التمن غالي واندمه هو والبنت اللي اختارها دي .

ثريه : مش دلوقتي مينفعش .

تالا وهي تاخذ مسدس من حقيبه والدتها : لا هينفع انا هدفعه التمن مش انا اللي يسبني عشان البنت الجربوعه اللي معاه دي .

مايا بقلق : سيبي المسدس يا تالا .

تالا وهي تضع المسدس بحقيبتها وتقول بحقد : انا هروح اباركله بس .

مايا : بس الا القتل يا تالا احنا مش قتالين .

تالا بغل : لازم اندمه علي البنت اللي بيتجوزها دي ثم قفلت الغرفه علي مايا ووالدتها وغادرت باتجاه الفرح وهي تحمل مسدس …..