رواية 30 يوم حياة 3 الفصل الحادي والعشرون 21 بقلم أميرة أسامة
رواية 30 يوم حياة 3 الفصل الحادي والعشرون 21 بقلم أميرة أسامة
رواية 30 يوم حياة 3 البارت الحادي والعشرون
رواية 30 يوم حياة 3 الجزء الحادي والعشرون
رواية 30 يوم حياة 3 الحلقة الحادية والعشرون
نزلت توته كان الشباب بيسلموا علي انس
توته….اذيك يا انس
انس…اهلا يا توته عامله ايه
توته… الحمد لله
ايهاب…عملتي ايه
توته…عيب عليك نازله حد بس يطلع ياخد الشنطه
رحاب….بصوت واطي انا مش فاهمه حاجه هي سهر زعلانه ولا ايه
توته…مش وقتك يا بت هفهمك بعدين
رحاب…وهي بتغمزلها طيب😉
ايهاب…طيب انا هاخد انس ونجيب الشنطه
تعالي يا انس نجيب شنطه سهر.
ادهم….أنس افتح الشنطه بتاعت العربيه عشان تحط شنطه سهر معاك
انس…تمام
راح ايهاب وانس لقوا منار وسهر نازلين وقفت سهر علي اخر درجه من بعيد اتصدمت لما شافت انس أدامها مره واحده
ايهاب….نزلتوا بالشنطه ليه كنت طالع اخدها
منار….ما توته اتأخرت نزلنا احنا بقي
ايهاب….اذيك يا دكتوره
سهر…اذيك انت يا ايهاب
انس…عامله ايه يا منار
منار…بأبتسامه جميله وشقيه الحمد لله يا انس انت عامل ايه
انس….بأبتسامه الحمد لله بخير اذيك يا سهر
سهر…وهي بتحاول تبعد عينها عنه الحمد لله بخير
ايهاب….هاتي ياسهر الشنطه سهر….اتفضل
خد ايهاب الشنطه منها وطلع وطلعت وراه منار ووراهم سهر وانس ومشيت سهر جمبه من غير ما تتكلم ولا تبصله
راحوا للشباب
عادل…ايه ياشباب هنقسم نفسنا ازاي
ادهم….بص احنا عددنا 15
ومعانا 6 عربيات عربيات أنت يا عادل عربيه وچو عربيه وهيما هيسوق عربيه عامر
وپوب معاه عربيه وأنس معاه عربيه وانا معايا عربيه.
انت وشمس ومنار مع بعض وانا وتوتهمع بعض وهيما ومنه مع بعض ويوسف ومريم مع بعض ورحاب وبوب
صلاح…وانا وشهد.هنيجي وراكوا جري
ادهم…بضحك لا انت اختار حد تركب معاه ومتنسوش واحنا راجعين الشباب هيرجعوا معانا هيما ومنه هيجوا معانا ويسيبوا العربيه لعامر وصالح وبوسي هيركبوا مع حد فيكم وزين ووعد بردو يعني يادوب العربيات علي ادنا
انس…واحنا راجعين اللي حابب يركب في مكان يركب في اماكن كتير
ايهاب…ايوه مش هتفرق
هيما…طيب يلا نتكل علي الله عشان منتأخرش عن كده حد ناسي اي حاجه
الجميع….لا
يوسف….عايزين بس نعدي علي اي سوبر ماركت نحيب حجات لزوم الطريق
ادهم…هنجيب كل حاجه كده كده عايز اجيب للعيال شويه حجات كده
عادل….طيب يلا بينا عشان منتأخرش لسه هنشتري
ادهم…توكلنا علي الله
ركبوا كلهم في العربيات وخرجوا من الشارع وامهاتهم بتدعيلهم يوصلوا بالسلامه
مديحه…طمنوني يا ولاد
فاطمه….سوق براحه يا عادل
سهير….حط العيال وتوته في عينك يا ادهم
يوسف….خلي بالك علي روحيه يا ديحه
مديحه…في عنيا يا حبيبي
خرجوا من الشارع اخيرا وكلهم حماس وفرحه وخصوصا منار اللي أتبدلت حالتها من الصبح من زعل وحزن لفرحه ونشاط وسعاده😍😍😍😍
وصلوا الشباب الفندق تم استقبال عامر استقبال حلو جدا كان طاير من الفرح وهو شايف مكانته اللي بتكبر وسط الناس يوم بعد يوم جمهوره بيكبر معجبينه بيزيدوا…وقف يتصور مع بنات وشباب كتير ويتصور مع مجموعه من العاملين في الفندق
وبعد وقت بسيط قدر عامر يهرب وطلع هو وصحابه علي الاوض بتاعتهم وكان عامر محجوزله جناح خاص بيه
زين….انا جعان جدا
عامر…وانا كمان مش قادر بقول ايه ادخلوا حطوا شنطكم وتعالوا عندي الجناح كبير هجيب عشا وناكل سوا
صالح…انت مش عندك بروڤا
عامر….لا بروڤا ايه انهارده انا لسه واصل وبعدين الحفله خامس يوم يعني بعد بكره وبكره طول اليوم هتبقي بروڤا يعني هريحكم من رخامتي يوم بحاله😂😂
زين…والله احلي حاجه هتحصل😂😂😂
عامر…اه يا واطي محدش فيكم حاسس بقيمتي 😒😎
صالح….أتنيل
عامر…شكرا يا ذوق
بوسي…هتفضلوا ترغوا انجزوا هموت من الجوع اكل الطياره ده معجبنيش
صالح…ولا انا
عامر…طب بقول ايه حطوا شنطكم كده من عالباب ويلا تعالو ورايا
زين…طيب ناخد شاور
عامر….لا لسه شاور وتغيروا تعالوا ناكل ونأعد مع بعض شويه وبعدين ابقوا ادخلوا خدوا شاور وغيروا براحتكم
و ناموا لو عايزين كمان
زين….طيب تمام وادي شنطنا اهي سحب زين الشنط وراح حطهم في الاوضه
صالح…هاتي يابوسي الشنطه راح صالح هو كمان حط شنطهم وخرجوا راحو مع عامر علي الجناح بتاعه
حط عامر شنطته علي السرير
صالح…اوعي الجناح
عامر…طبعا يا جدع وانا اي كلام ولا ايه😎
زين….طب اهدي كده يا عم الفنان لما اطمن مديحه
عامر….اه وانا عايز اطمن ابويا واكلم منار فكروا كده هتاكلو ايه لحد ما اتكلم وارجعلكم
صالح…أشطا هتاكلي ايه يابوسي وانتي يا وعد
زين…الوووو ايه ديحه
مديحه….زين يا حبيبي وصلتوا
زين…اه يا حبيبتي لسه داخلين الفندق من شويه بس قولت لما اطلع اكلمك
مديحه…حمد الله علي سلامتكم يا حبيبي وعد كويسه
زين…اه خدي اهي معاكي
وعد…ايوه با خالتو وحشتيني
مديحه….انتي اكتر يا حبيبتي حمدالله علي سلامتكم
وعد…الله يسلمك يا حبيبتي
مديحه….خدوا بالكم من نفسكم با وعد عشان خاطري
وعد…حاضر يا خالتو اطمني وهنكلمك علي طول عشان نطمنك اول بأول المهم انتي خدي بالك من نفسك يا حبيبتي
مديحه….حاضر يا حبيتي
وعد…زين معاكي
زين….مديحه عشان خاطري متقفيش كتير علي رجلك
والاكل اللي معاكي ظبطتيه مام يوم كده عشان ترتاحي ومتعمليش اي حاجه
مديحه…حاضر يا حبيبي متحملش همي عيزاك تتبسط انت ووعد علي اد ما تقدروا
زين…حاضر يا حبيبتي
مديحه….وخلي بالك علي وعد
زين…وعد في عيني يا امي اطمني
أبتسمت وعد ليه وبصتله غمزلها بأبتسامته الجميله بعدت عينها عنه بسرعه.
زين…ماشي يا حبيبتي يلا سلام
…..
عامر….حاضر يا عم حسني خلي بالك من نفسك انت ومتشغلش بالك بيا انا زي الفل
حسني….ديما يارب متنساش نفسك في الامل يا عامر
حسني…حاضر يا عم حسني
حسني…في حفظ الله ياحبيبي
عامر….سلام يا حبيبي.
قفل عامر واتصل بمنار مره فصل ومردتش اتصل تاني بردو مردتش…
……….
عند منار كانوا كلهم وصلوا هايبر كبير يجيبوا منه كل حاجه هيحتاجوها طول الطريق.
منار….عادل ده تاني مره يتصل اعمل ايه
عادل…استني بس لما نطلع العربيه اقفلي الازاز عشان الصوت و كلميه
منار…ربنا يستر وميتصلش بماما وتتلخم ويحس بحاجه
عادل….لحظه هكلمها بسرعه أكد عليها عشان لو كلمها تقوله انك في الحمام بتاخدي دش بتصلي اي حاجه
منار…طب بسرعه بقي احسن اخاف اكلمها يلاقيني مشغوله
عادل…لا استني اكلمها انا
اتصل عادل بفاطمه وفهمها كل حاجه وقفل معاها.
…….
خرج عامر من البلكونه اللي في الجناح.
صالح….ايه طمنتهم
عامر…كلمت ابويا بس منار مبتردش
وعد….ممكن تكون زعلانه لسه
عامر….لا طبعا منار بترد عليا ديما
زين….تلاقيها مش سامعه الموبايل الوقت تشوفه وتكلمك
بوسي…يمكن نايمه
عامر…مش عارف بس منار مش بتنام الوقت الساعه لسه 12 وهي اجازه يعني واكيد مستنياني اكلمها عشان تكمن اننا وصلنا
صالح…الوقت تشوف وتكلمك
زين…كلم بطوط يمكن سايبه موبايلها في الاوضه
عامر…ايوه صح لحظه
كلم عامر فاطمه وقالتله زي ما عادل فهمها انها بتاخد دش. قفل معاها عامر بعد ما اطمن
عامر….طيب ايه هتاكلو ايه يا شباب
زين….هتاكلي ايه يا وعد
وعد….زي ما هتاكلوا
بوسي…انا عايزه اكل بيتزا
وعد وانا زي بوسي
زين…خلاص وانا زيهم
صالح…ايه اكل الفرافير ده
عامر…بقولك ايه مشيها بيتزا وبكره هعشيكوا عشا تحلفوا بيه اخلص البروڤا بس وهحضرلكم بليل وليمه سمك وجمبري وسي فود ناموا انهارده خفاف كده عشان احنا لسه جايين من سفر وبكره هنخرب الدنيا
زين…ماشي حلو ده
صالح….طيب تمام موافق يبقي مشيها بيتزا
عامر….لحظه هطلب.
………..
ادهم…ابه يا توته ناقص حاجه
توته…لا كفايه ايه كل ده
عادل….احنا تقريبا 11 ساعه سفر واكيد هناخدهم في اكتر عشان الحوامل اللي معانا دول
ادهم…ايوه الوقت هيبقي طويل وبعدين انا حوار الجبن والشيبسي ده مش هيسد معايا
هيما….الشهاده لله ولا يسدوا معايا انا بقول نعدي نجيب اي سندوتشات كده تظبط الكلام والجبن والحجات دي خليها لبعدين عالاقل نكون قربنا نوصل
عادل…يبقي شاورما عشان منار المفجوعه كانت عايزه تاكل شاورما😂
منار….بضحك طب ليه الفضايح دي 😂😂😂😂
عادل…يابت الحق عليا اني بحققلك احلامك كلها
انس…طيب تمام في طريقنا واحد سوري بيعمل شاورما تجنن
ايهاب…مش ده اللي كلت انا وانت وعامر منه واحنا فالاستديو
انس…اه هو
ايهاب…ولا يا هيما هيعجبك اوي وهم
هيما…بس اشطا 18 ولا19 واحد لاخوك عشان نفسي مسدوده
ادهم….امال لو مفتوحه هتعمل فينا ايه ياروح امك
ايهاب…هياكلنا😂😂😂
صلاح….طيب بقول ايه ننجز يلا كملوا عشان نروح
ادهم….يفكرني اجيب سجاير
يوسف…وانا كمان هلف بسرعه بس انا ومريم نجيب شويه حجات
انس….لسهر….ايه هتفضلي ساكته كده كتير
سهر….اقول ايه
انس….ولا حاجه عالاقل اختاري حاجه ناكلها فالطريق
سهر…مش قولتوا هتجيبي اكل
انس…اه بس اختاري حاجه تسليكي في الطريق
سهر….عايزين بس مايه وممكن بيبسي
انس…بابتسامه انتي بخيله ولا ايه ده اخرك عن مشوار الرحلات
سهر….طيب اقول ايه
انس…لا سبيلي نفسك هاتي ايدك كده
بصتله سهر باحراج
انس….هاتي ايدك
سهر…انس اا قبل ما تتكلم كان مسك ايدها وبالايد التانيه كان بيدفع العربيه الخاصه بالشراء ادامهم.
وابتدا انس يجيب شيبسي وعصاير وشيكولاته وبسكوت ومايه وحط حجات كتير اوي
سهر…ايه كل ده يا انس احنا طالعين رحله
انس…بضحك امال رايحين فين يا بنتي احنا علي سفر وطريق طويل وعلي كلامهم هناخد اكتر من 11 ساعه يعني لازم يكون معانا حجات كتير واهو اللي هيفضل هيبقي معانا في الاوض بتاعتنا
سهر….هو صحيح تفتكر اننا هنلاقي حجز في الفندق احنا في عيد يعني بيتهيألي صعب اننا نلاقي اوض
انس…متحمليش هم الاوض اتحجزت خلاص وفي نفس الدور كلنا مع بعض
سهر….حجزتها ازاي دي
انس…اتصرفت انا وايهاب متقلقيش
سهر….كيب كويس ممكن بقي كفايه كده انت ناقص تجيب الهايبر كله
انس…نجيب بس اي جبن وتوست او عيش اللي نلاقيه بقي
سهر….🙆♀️🙆♀️ايه يا ابني انت محسسني اننا هنبات في الشارع
انس….بضحك والله لو بتنا في الشارع نبقي عاملين حسابنا
ادهم….يا شباب خلاص ولا ايه
يوسف….اه يلا انا تمام
صلاح…انا كمان خلصت
خلص الشباب كلهم وراحوا حاسبوا وبعد كده راحوا جابوا الاكل..
فالوقت ده اعدت منار تستناهم في العربيه وكلمت عامر
منار…الووو
عامر…ايه انتي فين ده كله
منار….لما كلمتني كنت لسه داخله اخد شاور وخرجت كانت ماما حضرت العشا وقالتلي انكم وصلت فا قولت اكلمك لما ادخل الاوضه
عامر…وحشتيني
منار….انت كمان وحشتني حمد الله عالسلامه
عامر…الله يسلمك يا حبيبي
منار…ايه عندك بروڤا ولا لا
عامر…لا البروڤا بكره أن شاء الله
منار…علي خير ان شاء الله طيب نام بقي وحاول تريح صوتك ده شويه عشان لسه بكره يومك طويل
عامر….احنا هنتعشي بس مستنين الاكل وبعد كده هبقي انام
منار…ماشي يا حبيبي
عامر…هتنامي ولا ايه
منار….انا هريح شويه عالسرير بس
عامر…خلاص هكلمك قبل ما انام لو مردتيش هعرف انك نمتي بس ابقي كلميني انتي بقي انا هصحي علي الضهر كده وهروح عالبروڤا علي طول
منار….خلاص تمام
عامر…ماشي يا قلبي خلي بالك من نفسك
منار…وانت كمان يا حبيبي
عامر…يلا باي
منار…باي يا حبيبي.
…….
رجعوا الشباب بعد ما جابو الاكل وعرفت منار عادل انها كلمت عامر ومحسش بحاجه
اطمن عامر ان خطتهم محدش أكتشفها وبعد وقت بسيط طلعوا علي الطريق اخيرا..
كانوا ماشيين ورا بعض بهدوء غير العاده وجنانهم المعتاد عشان الحوامل اللي معاهم..
كلوا وظبطوا نفسهم
وبعد وقت بسيط
ادهم…توته العيال اللي نامت علي رجلك دي هتتعبك
توته….اعمل ايه طيب
ادهم…نيميهم علي الكنبه ورا وغطيهم
توته…اخاف يقعوا
ادهم…لا متقلقيش الكنبه واسعه هركن وانزل اخد منك احمد نيمي كريم وبعدين نيمي احمد وغطيهم كويس
توته…طيب ركن ادهم علي جمب شافوه الشباب وركنوا هما كمان نزل ادهم خد احمد ونزلت توته براحه نيمت كريم وبعدها نيمت احمد وغطتهم كويس ورجعوا تاني في مكانهم وطلعوا بالعربيه
توته…اقفل بقي الباب اللي وراك ده يا ادهم احسن يلعبوا فيه
ادهم…متخافيش انا قافل كل حاجه ارتاحي بقي انتي شويه ولو عايزه تنامي نامي لسه ادامنا وقت طويل
ادهم….انا اعده معاك شويه لسه مش عندي نوم واحسن حاجه ان العيال بتنام في الطريق يعني هينامو حبه حلوين
ادهم…..ان شاء الله ربنا يهديهم في الطريق وميتعبوناش
توته…يارب
………
عند أنس وسهر..
فضلت سهر ماسكه الساندوتش في أيدها يادوب كلت منه حاجه بسيطه وطول الطريق ساكته ومش بتبص لانس
انا انس فكان حاسس بارتباكها لكن مش عارف ايه هو السبب لكن متأكد انها متلغبطه ومش عارفه تقوله ايه عن سبب عدم ردها في اغلب الاوقات من وقت ما قلها انه بيحبها…
لكن قرر أنس انه يقطع الصمت ده ويبعد عنها الاحراج.
أنس…ايه الاكل مش عاجبك ولا ايه
سهر….من غير ما تبصله احممم لا خالص حلو اوي
انس…طيب هتفضلي مسكاه كده كتير
سهر…لا باكل والله
انس…..سهر
سهر…نعم.
انس…بصيلي
بصتله سهر وهي عينها بتروح وتيجي ومش راضيه تثبت عينها في عينه.
انس….مكنتيش بتردي عليا ليه
سهر…سكتت وارتبكت من السؤال اللي كانت شايله همه لان هي متعرفش السبب اصلا.
انس….ردي عليا يا سهر
سهر….مكنتش سمعاك يا انس كنت بجهز الشنطه
والموبايل كان سيلنت
أنس…اولا انا مش بقول علي انهارده وبعدين ماشي هعديها طول اليوم بكلمك وانتي مش بتردي عشان بتجهزي الشنطه والاهم انك مكنتيش هتيجي وانا واثق بس بردو هعديها انا بتكلم عالايام اللي فاتت يا سهر
سهر….مفيش يا انس
انس…لا في يا سهر في انك متغيره من يوم ما قولتلك عاللي في قلبي يومها انا كنت واثق انك مبسوطه بس بعد كده مش فاهم ايه سبب التغيير ده و مبقتش فاهم اي حاجه سهر انتي مضايقه اني صارحتك بحقيقه مشاعري ناحيتك صدقيني يا سهر لو مش حابه الموضوع من الاساس انا هقدر ده جدا ومش هضايق ولو خايفه انك ممكن تجرحيني فا متخافيش عليا انا بعرف أقدر المواقف كويس ال
قاطعته سهر…وانا مش زعلانه يا انس ولا حتي اتضايقت بالعكس انا فعلا زي ما انت حسيت كنت مبسوطه جدا
انس…بفرحه يعني ايه يعني انتي موافقه عالكلام اللي انا قولته
سهر….بابتسامه سكتت وبعدت وشها
انس…لا وحيات امك مش وقت كسوف
سهر…ضحكت ايوه يا انس موافقه
انس….طب احلفي كده
سهر….احلف ايه انت ايه اللي جرالك🙈😂
انس…..طيب ممكن اسال سؤال لما انتي موافقه ليه بس وجع القلب ده
سهر….صدقني يا انس انا يمكن اكون كنت متلغبطه مش عارفه حسيت اني محرجه اكلمك حصلي حاجه يمكن تكون مش مفهومه بس انا مضايقتش
انس…يعني افهم من كده انك…
ابتسمت سهر بأحراج وبعدت عينها عنه
انس….يعني احساسي كان صح سهر انتي كنتي غيرانه عليا لما قولتلك ان في بنت بحبها صح
سهر….يمكن معرفش امته ده حصل او ازاي بس هو حصل
انس….رفع وشه لفوق بتنهيده طويله..ومره واحده بصلها
انس….بحبك يا سهر
ابتسمت سهر وعينها بتلمع بالدموع.
مسك انس ايدها وقرب شفايفه من باطن ايدها باسها بحب
حست سهر برجفه اصابت كامل جسدها وفضل طول الطريق ماسك ايدها وهو سايق وفضلوا يتكلموا كتيييير اوي لحد ما نامت سهر وهي بتسمعه..
………..
عدت الساعات بسرعه طريق طويل ومتعب جدا كل فتره يقفوا استراحه يريحوا شويه ويرجعوا يكملوا من تاني ربنا كان هادي كريم واحمد علي توته والوقت اللي كانوا يصحوا فيه يادوب ياكلوا ويأعدوا شويه ويرجعوا ينامو حتي توته نامت كذا مره وصحيت
توته…ادهم حبيبي ما تقف شويه وتريح رجلك انا حاسه انك تعبت
ادهم…ايه يابت شايفه جوزك فرفور ولا ايه
توته….لا شيفاه سيد الناس بس صعبان عليا بقالك كتير اوي سايق
ادهم….لا متخافيش انا بحب السواقه اصلا ومتقلقيش انا نايم كتير فالبيت يعني
توته…طيب اعملك حاجه تاكلها
ادهم….لا لا مش جعان لو في بيبسي او اي حاجه تتشرب لحد ما نقف استراحه اجيب شاي
توته…اه امسك عصير وبيبسي اهو
ادهم…مسك ايدها باسها من غير ما يبصلها وخد العصير.
فضلت توته بصاله بحب وأبتسامه وعيون بتلمع من السعاده.
……..
يوسف….مرتاحه يا مريم
مريم…اه يا حبيبي متقلقش انا بخير
يوسف…طيب بقولك ايه ما تطلعي ورا في الكنبه افردي جسمك شويه عشان متفضليش اعده كده كتير
مريم…انا مرتاحه والله كده وبعدين خليني اعده جمبك انا مش هعرف انام
يوسف…متناميش بس افردي جسمك
مريم…لو حسيت اني تعبانه هقولك والله
يوسف…ماشي يابايره انا غلطان😒😒
مريم…بضحك بردو بايره ده عيب في حقك اللي في بطني ده😂😂😂
يوسف….ابتسم ابتسامه جذابه وبص للطريق..روحيه وحشتني
مريم…والله ووحشتني انا كمان مش كنا جبناها معانا
يوسف….لا طبعا اخاف روحيه متضمنش لو تاهت في مكان زي ده مش هعرف الاقيها خصوصا ان مديحه وامك مش هيبقوا معاها مش هبقي مطمن.
مريم….ربنا يطمنا عليها ديما
يوسف…يارب.
…………
منار….عادل بقولك ايه شمس النومه دي عليها غلط ما تركن نرجعها هي ورا تنام براحتها في الكنبه وانا اعد جمبك
عادل….حرام سبيها بقي بدل ما نصحيها انا كده كده فاردلها الكرسي متقلقيش
منار….ماشي.
عادل بصلها في المرايه.
مبسوطه يا منار
منار…بحب اوي ياعادل
عادل….ومبسوطه مع عامر
اتحرجت منار وضحكت
عادل…يابت انتي بتتكسفي مني
منار….لا والله ايوه مبسوطه اوي يا عادل.عامر طيب اوي وابن حلال وواثقه انه بيحبني بجد
عادل…يعني اخيرا شيلتي الكلام العبيط ده من دماغك
منار…ايوه بس صدقني هو مكنش كلام عبيط يمكن الظروف اللي كنا فيها هي اللي كانت مخلياني اشوف ده بس مع الوقت عرفت انه فعلا بيحبني
عادل….انا واثق من حب عامر ليكي ولو انا شاكك واحد فالميه مكنتش وافقت من الاول عليه بس كل تصرفات عامر بتثبت انه بيحبك بجد وانا بالنسبالي اهم حاجه اني اشوفك مبسوطه وانا فعلا شايفك مبسوطه وشايف الفرحه في عينك وده عندي كفايه
منار…ربنا يخليك ليا ياعادل عارف يا عادل يمكن لما كان كيمو عايش مكنش عندي فرصه اني اكون قريبه منك اوي كده بس بعد ما كريم مات حسيت انك فيك منه كتير اوي
عادل…الله يرحمه كريم كان يتحب بجد عارفه اني اوقات كنت بغير منك
منار…مني انا
عادل….لما كنت اشوف كيمو بيدلعك وعلي طول يهزر ويضحك معاكي كنت ببقي غيران عليه من كتر ما انا بحبه اوي..بس بعد ما كيمو مات حسيت انه كان معاه حق يتعلق بيكي يعني طفله ومجنونه وشقيه وتتحبي
أبتسمت منار بحب
عادل…بقولك تعالي نقرأله الفاتحه..
…………😔
عدي الوقت بسرعه واخيرا وصلوا الشباب علي الفندق
يتبع…
لقراءة الفصل التالي : اضغط هنا
لقراءة باقي حلقات الرواية اضغط على (رواية 30 يوم حياة)