رواية سهر الفصل الثاني والعشرون 22 بقلم إسراء محمد
رواية سهر الفصل الثاني والعشرون 22 بقلم إسراء محمد
رواية سهر البارت الثاني والعشرون
رواية سهر الجزء الثاني والعشرون
رواية سهر الحلقة الثانية والعشرون
الدكتور : المدام جابت تؤام
سمير باستغراب : تؤام
الدكتور : اه كان الولد مداري علي البنت في السونار عشان كده مكناش شايفنها
سمير : ولد وبنت
الدكتور : اه الف مبروك ويتربوا في عزك
سمير : الله يبارك في حضرتك ، هي هتخرج امتا
الدكتور : هي اوضه الافاقه تفوق وهننقلها اوضتها ، عن اذنك
سمير : اتفضل
وسأل علي المسجد ونزل صلي ركعتين شكر لله علي التؤام
وخلص وكلم رانيا
رانيا صحيت مخضوضه علي صوت التليفون
رانيا بخضه : اي سمير انت وسهر والعيال فيكوا حاجه
سمير : اهدي بس يا طنط احنا كلنا بخير
رانيا : اومال بتكلمني 6 الصبح لي لما انتم كلكم بخير
سمير بضحك : عشان اقولك ان سهر ولدت وجابت تؤام
رانيا : طب انتم في مستشفى اي
سمير قالها اسم المستشفى ورقم الاوضه
رانيا : مسافه السكه وهكون عندكم
زيدان : في اي ومين اللي في المستشفى
رانيا : سهر ولدت وجابت تؤام
زيدان قام بسرعه لبس وهو ورانيا وراحوا المستشفى
زيدان : طمني يا سمير هي عامله اي والعيال عاملين اي
سمير : الحمدلله كلهم كويسين
رانيا : انا عايزه اشوفها
سمير : ادخليلها انا هروح البيت اطمن علي العيال واجي
زيدان : روح ومتقلقش عليها
سمير : مش قلقان يا عمي طول ما انت موجود
زيدان طبطب عليه وسمير باس راسه ومشي
في البيت
البنات صحيوا مش لاقين سمير وسهر
ريما اتصلت بسهر لقت التليفون في البيت لسه هتتصل بسمير لاقته داخل
جريوا عليه
وقالوا في نفس واحد : كنت فين يا بابا وفين ماما
سمير : اهدوا ماما بخير
ديما : طب هي فين
سمير : في المستشفي
ريما : في المستشفى لي مامي مالها
سمير : اهدي يا حبيبتي مامي بخير والله الموضوع بس ان اخواتكم شرفوا
ديما وريما : اخواتنا
سمير بضحك : اه اخواتكم ولد وبنت
ديما : انا اللي هسمي البنت
ريما : وانا اللي هسمي الولد
سمير : طب وانا هسمي مين
ديما : تسمي البيبي الجاي بقي
سمير : البيبي الجاي انتم عايزين امكم تقتلني
ديما : لا متخافش مش هتقتلك احنا في ضهرك
سمير : طب يلا نحضر فطار عشان نفطر ونروحلها
ريتا : لا يلا نروح دلوقتي
سمير : طب البسوا ونجيب سندوتشات واحنا رايحين ونفطر هناك
البنات : ماشي
سمير : فين يزيد
ريما : نايم
سمير : طب صحيه معلش ولبسيه
ريما : حاضر
وجهزوا ونزلوا
سمير : هنعدي بس علي عمو احمد في الصيدليه ونمشي
البنات : طيب
وراحوا لاحمد
سمير : صباح الخير
احمد بخضه : في اي
سمير : اهدي مالك
احمد : اول مره تجيلي الصبح كده لا وكمان معاك العيال في اي
سمير : في ان سهر خلفت واحنا رايحنلها بس جاي اقولك خلي بالك من المطعم
احمد بفرحه : الف مبروك
سمير : الله يبارك فيك
احمد : جابت اي
ديما : نورسين
ريما : سليم
احمد بعدم فهم : يعني ولد ولا بنت
سمير : يعني ولد وبنت نورسين وسليم
احمد : ما شاء الله ربنا يبارك
سمير : عقبالك
احمد : ان شاء الله
سمير : همشي انا بقي
احمد : ماشي وانا هجيب مشيره واجيلك بالليل
سمير : لا خليها بكره احسن تكون رجعت البيت عشان انا مش عارف هي هترجع النهارده ولا اي
احمد : خلاص ماشي هبقي اكلمك في التليفون اشوف
سمير : ماشي
ومشيوا راحوا المستشفي
اول ما سمير فتح الاوضه البنات جريوا علي سهر
وقالوا في نفس الوقت : ماميييييي
الدكتوره كانت بتبص علي سهر في نفس الوقت اللي دخل فيه البنات
وقالت بخضه : بسم الله الرحمن الرحيم في اي
سهر بابتسامة : بناتي
الدكتور بصدمه : بناتك
سهر : اه بناتي
الدكتور : مش باين عليكي انك ام للبنات دي
سمير : ده لسه في ده كمان يا دكتور
وشال يزيد
الدكتور : ما شاء الله ربنا يخلي ويبارك
سمير : اللهم امين
عدا يومين
كانت سهر والاطفال خرجوا من المستشفى
سمير : بقولك ايه يا روحي
سهر بتعب : قول
سمير : البنات عايزين نجيب بيبي تاني اي رأيك نحط الموضوع ده في الخطه
سهر بصوت عالي : اطلع بره يا سمير
سمير بضحك : اهدي بس
سهر : برااااااااا
وحدفته بالمخده
سمير خرج جري
ديما شافته بيجري اتخضت
وسألته : بتجري كده لي
سمير : امك بتزعق جوا
ريما : لي
سمير : عشان بقولها انكم عايزين بيبي تاني
ديما ضحكت
وقالت : طب كنت استني شويه دي لسه خارجه من المستشفى حتي
سهر من وراهم : لا كتر خيرك يا اختي
ديما وسمير : بسم الله الرحمن الرحيم
سهر : شوفتوا عفريت
سمير : لا شوفت القمر
سهر : خفه
سمير : طب رايحه فين
سهر : هعمل الغدا
ديما : لا استريحي انتي انا عملت
سهر بخضه : عملتي اي
ديما : طبخت فيها اي
سهر : طبختي اي
ديما : سلقت فراخ وعملت ارز وبسله
سهر : وعرفتي تعمليهم
ديما : اليوتيوب مخلاش
سهر : بصي انتي لو حراقه هاكله برضو لاني جعانه وتعبانه
ديما : طب ادخلي وهجيبلك الاكل عندك
سهر : لا هاكل معاكم
ودخلوا حضروا الاكل
وقعدوا ياكلوا
سهر : بجد يا ديما تسلم ايدك الاكل حلو اوي
سمير : بنوتي طول عمرها شاطره
ديما : انا كده هتغر
سهر : لا متتغريش اوي عشان شكلي كده هعتمد عليكي الفتره الجايه في الاكل
ديما : لا ده اسمه استغلال
سمير : خليها عليكي معلش
ديما : عشان خاطرك انت بس
سهر : اتصدقوا انا هتشل منكم انتوا الاتنين
كلهم في وقت واحد : بعد الشر
وعدا اسبوعين
سمير : بقولكم اي انا هعمل العقيقه الجمعه الجايه اي رأيكم
رانيا : حلو اتكل علي الله وانا هطبخ
ناهد : وانا هساعدك اكيد
سمير : حلوه روح التعاون اللي بينكم دي بس انا هجيب طباخ اصلا
رانيا : ولي تكلف نفسك مصاريف زياده
سمير : فين المصاريف انا هجيب الطباخ من المطعم
ناهد : واحنا روحنا فين يا ابني
سمير : انا خلاص اتفقت معاه
زيدان : دماغك ناشفه
سمير : مش ناشفه ولا حاجه كل الحكايه بس اني عايزهم يرتاحوا
زيدان : لا كده عندك حق
سمير : خلاص كل واحد يعزم اللي هو عايزه بقي
ديما : انا هعزم صحابي كلهم
رانيا : وصحابك كلهم دول كام واحده
ديما : 15 بنت و 5 شباب
رانيا : وانتي مصاحبه الشباب لي
ديما : الشباب دول زمايلي بس احنا مع بعض في جروب واحد في بحث بنعمله عشان كده هعزمهم
رانيا : ايوه خلي اللي بينك وبين الشباب زماله وبس عشان احنا في زمن مش مضمون يا بنتي
سمير : متقلقيش يا طنط انا متابعهم وواخد بالي منهم كويس اوي
رانيا : الله يباركلك
وجه يوم السبوع
كلهم صحيوا بدري
سمير : صباح الخير
سهر : اه انت نايم ومأنتخ وانا منمتش اصلا
سمير : طب اهدي بس منمنتيش لي مش ماما وطنط قاعدين مع العيال
سهر : ده بالنهار بس لكن بالليل انا اللي قاعده معاهم
سمير : حقك عليا انا معرفش كده اوعدك بالليل هقعد معاكي
سهر : لا اقعد بيهم ساعه عقبال ما اخد الدش وألبس
سمير : خلاص روحي وانا هلبسهم واجهزهم عقبال ما تجهزي
سهر : ماشي
وسابته وخرجت من الاوضه
وبعد ساعتين
كانوا كلهم جهزوا
رانيا : مش المفروض السبوع ولا العقيقه بتتعمل في بيت الجده اللي هو انا يا سمير
سمير : الكلام ده يا طنط لو مفيش حد في البيت هنا ياخد باله منها تطلع علي بيتك والعقيقه تتعمل هناك لكن انا والبنات موجودين يبقي تقعد هنا والعقيقه تتعمل هنا
رانيا : ربنا ما يحرمكم من بعض ابدا يا حبيبي
سمير : ولا يحرمنا منك يا ست الكل يلا بقي عشان ندبح
ديما : انا هصورك وانت بتدبح وانزلها علي الفيس بوك
سمير : لا صوري وخليها ذكري لينا لكن متنزليش حاجه
ديما : عشان خاطري يا بابا بقي
سهر : اسمعي الكلام يا ديما مش كل حاجه تنزليها لازم يبقي لينا مساحه شخصيه محدش يعرف عنها حاجه
ديما : حاضر
سمير : عشان متزعليش ممكن تنزليها علي الواتس اب اهو ده للقريبين منك وهو يوم وهتتشال
ديما حضنته
وقالت : بحبك كده وانت خايف علي زعلي
سمير : طبعاً لازم اخاف علي زعلك ده انتي واخواتك البنات عيالي الأولي يبقي مش هخاف عليكم ازاي
سهر : طب يلا عشان تدبح عشان شويه والناس هتيجي
سمير : ماشي
وراح دبح
وكلهم شهدوا علي الدبح وديما صورت فعلا
بس قررت متنزلش حاجه عشان خاطر متزعلش سمير وهتخليها ذكري ليهم وبس فعلا
وعدا اليوم حلو والناس اللي كانت كلها مبسوطه
ومشيره طبعاً مسابتش سهر من اول اليوم وفضلت معاها لاخر اليوم
وبعد ثلاث سنوات
كانت ديما خلصت اول سنه من كليه الهندسه
وريما داخله ثالثه ثانوي ادبي
وريتا داخله اولي ثانوي بس سياحه وفنادق عشان نفسها تبقي شيف زي سمير
ويزيد داخل ثالثه ابتدائي
في مره كانوا قاعدين كلهم بيضحكوا ويهزروا مع بعض
فجأه الباب خبط
سمير قام فتح
الراجل : ازيك يا استاذ سمير
سمير :
يتبع…..
لقراءة الفصل التالي : اضغط هنا
لقراءة جميع حلقات الرواية اضغط على : (رواية سهر)