رواية الطفله والمليونير الفصل الثاني 2 بقلم حبيبة سيد

حور:بتبقي مبسوطة أوي انها قدرت تنجح بتفوق زي ما سليم كان عايز وبتستني أنه يجي من الشركة عشان تقولو أنها نجحت.

سليم :بيخلص شغل بدري وبيرجع البيت تاني بعد ما بيوصل بي ساعه باب الشقة بيخبط حور بتروح تشوف بتكون اول مره تشوف ميرا.

ميرا :اول ما بتشوف حور روحي يا شاطرة أندهي سيدك ال مشغلك.

حور: مستغربه من كلامها سيدي مين اتكلمى بطريقه كويسه

ميرا:نديلي سليم بيه

حور:اها قصدك أبيه سليم

ميرا: بتضحك اول ما بتسمع كلمة ابيه وبتقول ابيه طب روحي اندهي ابيه

سليم :بيخرج ف الوقت دا بيشوف ف اي بيتفاجئ بي ميرا.

ميرا:اول ما بتشوف سليم بتزق حور وتدخل

سليم:ايه الي جابك هنا احنا لسه هنتقابل بالليل وجايه هنا تعملي اي

حور: بتبقي مستغربه وبتسأل سليم مين دي يا أبيه تعرفها

ميرا :ف حد ميعرفش خطيبته وبعدين بتروح ناحيه حور وتقولها ادخلي انتي بقا أوضتك يا شاطرة عايزه اتكلم مع سليم شوية

حور : بتبقي مصدومه من ال بيحصل

ميرا:بتتعصب إما بتيجي تمد أيديها علي حور عشان تزوقها تدخل اوضتها

سليم:بيمسك أيديها ويقولها متنسيش أنها بنت عمي

حور :بتبص ل سليم وترد عليه بتريقه بنت عمك لا والله فيك الخير لسه فاكر أني بنت عمك

ميرا: متنساش يا سليم أنها أخرت جوازنا وبدل ما أبقي انا مراتك العيله دي بقت هي مراتك وانا اتركنت علي الرف

سليم :بيفقد اعصابه بيزعق فيهم بيبص ل حور ويقولها أنا أتجوزتك بس عشان وصيه عمي ومينفعش معملش بالوصيه أنتي ليكى عندي مصاريفك وأكلك أنا مش عايز منك حاجة انا بحب ميرا وكلامها صح علفكره الظروف ال حصلت هي ال اجبرتني علي الجوازه دي

حور: بترد عليه طب احنا فيها انت عملت بالوصيه اهو مفيش داعي تكمل كفايه اوي كدا وأخلص مني وروح أتجوز

ميرا: متقلقيش هيحصل قريب اوي كمان وبتبص ل حور نظرة شماته

حور:بتقف قدام سليم بكره تعرف مين الدهب ومين الفلصو وقتها بس هتندم يا أبيه سليم وبتدخل اوضتها وبتفضل مستقله ف حياتها بتدخل ثانوي وديما بتطلع الاولي وبتدخل كليه وبتعدي اول سنه بتقدير امتياز كذا شخص ف الكلية بيبقي معجب بيها واخلاقها .

ف يوم بتخلص المحاضرات بدري وبتقرر تخرج مع صحابها يقعدوا ف كافيه شويه ف نفس اليوم ميرا بتكون قاعده مع صحبتها برضو وبيكونو قاعدين يتكلموا عن سليم .

ميرا: بتتكلم مع سمر صحبتها وتقولها خلاص هانت فاضل تكه صغيرة خالص وأبقي مدام سليم صاحبت الملايين كل حاجة هتبقي بإسمي انا وهخليه يطلق بنت عمو كمان مش هخليها تشاركني ف حاجة خالص كله هيبقي ملكى وبتاعي أنا بس .

سمر: فوقي يا ميرا من احلامك دي مستحيل يرمي بنت عمو علشانك انتي نسيتي أزاي كان بيدافع عنها رغم أنه بيحبك مع أني شاكه ف الحب بتاعك دا

ميرا:عندك حق انا بحب الملايين والاملاك أنا مش بتاعت حب وإخلاص يا سمر أنا بتاعت هدايا وسفريات خروجات عربيات الحاجات دي طبعا كل الكلام دا حور بتكون سمعته بس ميرا مش بتبقي عارفه ان حور موجوده ف نفس الكافيه .

بتعدي فترة كدا بتدخل الامتحانات بتاعتها كل يوم بتخلص امتحان وتخرج تتمشي شويه مع صحبتها أمل بيفضلو يتكلموا شويه اول ما بتجيب سيرة سليم

حور :امل مش عايزه اتكلم ف الموضوع دا

امل:لحد امتا يا حور انتي لحد دلوقت مش بتعرفي تنامي غير لاما تعرفي أنه دخل الشقة وكمان بتبقي مستنيه انه يخرج البلكونة عشان تشوفيه وتطمني انه كويس كل دا معناه اي

حور:ولا حاجة متنسيش أنه وقف جنبي ونفذ وصية بابا وبيصرف عليا ال انا بعملو دا عادي هو معملش معايا حاجة وحشه عشان اعملو بطريقه وحشه

أمل :نسيتي انه وقف صف واحده تانيه وزعقلك قدامها كمان كل دا عشان يراضيها ونسي انك مراته ومعملش حساب الكلمة أصلا

حور:احنا هنقضي القاعده كلها علي سليم وبعدين بتقولها انا هروح اجيب حاجة نشربها قبل ما نروح نزاكر الامتحان الي بعد كام يوم وهي رايحه تجيب حاجة عشان يشربوها بتخبط ف واحد وبتفضل تقول انت اعمي مش تفتح وانت ماشي واحد غبي صحيح وبتستغرب انه مش بيرد واول ما بتبص بتلاقي الدكتور بتاعها ف الجامعه وبتبقي واقفه مكسوفه ومصدومه وبتقعد تعتذر

الدكتور:محصلش حاجة لكل دا

وبيروح معاها يجيب حاجة يشربوها وبترجع تاني مع الدكتور عند امل صحبتها بيقعدوا يتكلموا شويه عن الامتحانات والمحاضرات والدكتور بيقعد يهزر معاهم شويه أمل بتستاذن من الدكتور وحور خمس دقايق

امل بتستأذن وميرا بتدخل نفس الكافيه هي وسمر صحبتها وأول ما بتشوف حور قاعدة مع الدكتور بتاعها بتقرر تعمل حاجة عشان تخلي سليم يسيب حور.