رواية الصفقة الفصل الثالث 3 بقلم مريم خالد

رواية الصفقة الفصل الثالث 3 بقلم مريم خالد

رواية الصفقة البارت الثالث

رواية الصفقة الجزء الثالث

رواية الصفقة الحلقة الثالثة

يونس:ايه دااا… ايه اللي جابها هنا… جدو.. انت مقولتش انها هتيجي
سارة: ياااه للدرجة دي مش طايقني يا يونس؟!!
يونس:بقولك ايه.. انا موجهتلكيش كلام
فاروق : خلاص يا يونس اهدا شوية..
ديما:تعالى يا يونس… تعالى معايا
يونس : انا هرجع بيتي… يا اما هي تمشي
صالح : ليه… سارة من حقها تقعد هنا زيها زيك انت واختك وبنت عمك
يونس : خلاص يبقا انا اللي همشي
فؤاد: تعالى يا يونس.. تعالى معايا
-في الجنينة-
فؤاد: انت ايه اللي هببته دا
يونس: معرفتش امسك اعصابي
فؤاد:ليه.. لسه بتحبها؟!
يونس : لا… اكيد لا.. احبها ازاي وانا في عز حبي ليها سابتني.. سابتني وانا لسه ببدا حياتي … كنت محتاجلها… كسرتني وسابتني عشان شغلها .. واللي طلعت بتحبه
فؤاد: وانت الحمد لله بقيت كويس من غيرها .. وبقيت من اكبر رجال الاعمال الشباب.. يعني يا حبيبي انت حققت حاجات كتير… يعني انت مكنتش محتاجلها ولا حاجة
يونس: انا كنت محتاج لحبيبتي معايا… بس هي سابتني… وانا عمري ما هسامحها… سابتني بدم بارد.. حسيت ان كل كلامها عن انها بتحبني كان كدب.. وندمت على كل لحظة حب كانت المفروض تبقى لحد تاني يحبني… دي حتى اتخطبت بعدها بشهر واحد

فؤاد: يبقى المفروض تردلها القلم اللي اديتهولك.. اقعد قدامها .. وريها انت بقيت ايه.. خليها تعرف انها ضيعت انسان كان بيحبها … وخصوصا اني عرفت ان خطيبها سابها قريب
سلوى: اسمع كلام بابا يا حبيبي… مينفعش تبان ضعيف
سارة : ممكن اتكلم معاك؟!
-بيبص فؤاد ليونس وبيهز دماغه عشان يوافق-
يونس: اتفضلي.. عن اذنكوا
سارة: انا اسفة يا يونس… بس انا كنت عايزة اوصل لحلمي… انا كنـ
يونس : انا مش عايز اسمع كلام في الموضوع ده… انا مطلبتش انك تيجي تبرريلي موقفك اصلا
سارة:مفيش فايدة…. انت عمرك ما هتشوف غير نفسك وبس… انت هتفضل كدا و مش هتتغير
يونس: انا مكنتش ضد انك تشتغلي… انا كنت ضد الوقت.. كنت محتاجك في الوقت دا
سارة : وانا كان قدامي فرصة وكان لازم الحقها والا هتضيع

يونس: كنت هعوضك… بس انتي كنتي انانية …. ودا لو افترضنا انك سيبتيني فعلا عشان الشغل… مش عشان حبيب القلب اللي اتخطبتيله بعد ما سبنا بعض بشهر واحد… انا مستبعدش انك كنتي معاه واحنا مع بعض
سارة : انا مش هرد عليك دلوقتي .. انا هسيبك ترتاح ونتكلم تاني
يونس : لا مفيش وقت تاني… ملهوش لزوم يا سارة.. انا خلاص هخطب قريب
-بتبص سارة ليه بغضب وتسيبه وتمشي-
فريال: ايه؟!!… انتي متاكدة انه بيتكلم جد ولا بيهوشك وخلاص؟!
سارة:معرفش بقى… بس هو لو يونس خطب فعلا.. احنا هنعمل ايه؟!
فريال: معرفش.. دي هتبقى كارثة… انا قولت انه لما يشوفك هيحن و يرجع وتتخطبوا وناخد الفلوس بتاع الشيك اللي كتبتيه على نفسك.. ما انتي خايبة… حد يكتب شيك بكل الفلوس دي عشان واحد؟!
سارة : اعمل ايه.. كنت بحبه.. وهو طلع بيستغلني… عمللي البحر طحينة وفهمني ان موضوع شركة الطيران دي مضمون.. خد كل فلوسي وكتبت على نفسي شيكات وفالاخر خد فلوسي وهرب
فريال:انتي لازم تنفذي الخطة اللي اتفقنا عليها وتتخطبي ليونس او حتى تاخدي منه الفلوس وخلاص من غير خطوبة… والا هتدخلي السجن
سارة : لا لا لا.. انا مش هستحمل سجن انا… لا انا هنفذ الخطة .. ولو ان يونس شايل مني جامد… بس انا هحاول

-في الجنينة-
ديما: ايه قالتلك ايه؟!
يونس : مقالتش جديد…دي شايفة اني مبفكرش غير فنفسي عشان مسامحتهاش انها سابتني وراحت لواحد تاني
ديما:دي قاعدالنا يبني… يعني مش هتستحمل زنها في الطالعة والنازلة
يونس: مانا خلاص قولتلها اني هخطب واحدة تانية
ديما: بجددد…. مبروك.. كدا متقولش لاختك
يونس: مبروك ايه انتي كمان… انا بقولها كده بس عشان تسيبني فحالي
ديما : وانت فكرك ان سارة هيدخل عليها.. انت لازم تخطب بجد.. او عالاقل تثبتلها انك خاطب.. يعني تتفق مع واحدة عشان تصدق
يونس: ايه جو الافلام الهندي دا… انا مش قادر اصدق.. هو البنات كلها تافهه كدا… اجيب منين انا ان شاء الله البنت دي
سارة : مش عارفة.. بس اكيــ
-صوت شادو فالخلفية: ديما مشوفتيش الشنطة ال MK بتاعتي؟!
-بتبص ديما ليونس وبتغمز –

يونس: لا طبعاااا…. ديييييي
ديما:استنى بس يا يونس… اسمع بس
يونس: يبنتي اسمع ايه… مفاضلش غير دي؟!
ديما : انت مش واخد بالك… سارة بتكره شادو… وكمان هي هتصدق انكوا هتتخطبوا لان جدو زمان كان عايز كدا فالحكاية هتبقا محبوكة
يونس : انتي ناسية ان الكل عارف ان احنا اعداء فالسوق
ديما : سارة ومامتها ميعرفوش
شادو: يبنتي بكلمك… فين الشنطة؟!
ديما : في الدولاب يا ديشا
شادو: ok… صحيح يا يونس.. انت مش كنت قولت انك هتمشي .. صدقني مالفرحة عايزة اطلع احضرلك الشنط بنفسي
يونس لديما: شايفة؟!

ديما : اقنعها بس.. صدقني هي الوحيدة اللي تنفع
يونس بينفخ في ضيق: امري لله… شادو عايزك
شادو: مش فاضية
يونس : لو سمحتي انا بتكلم بجد
شادو : اووووف… جاية … خير
يونس : عملتي ايه فموضوع ال deal اللي انا بوظتهولك ؟!
شادو: دا بجد؟!! .. دا على اساس اننا ولاد عم بجد بقا وكده؟!!.. يعني بجد مش مصدقة.. بتعمل عملتك وكمان مش مكفيك وجايبني عشان تشمت فيا.. على فكرة انا هقف على رجلي.. وهبقى اقوى من الاول كمان.. وعـ
يونس : شششش… بسسس ايه كل الرغي دااا… بالعة راديو؟! …. انا بسأل لان عندي ليكي deal لو وافقتي انا هتنازل عن محصول الحاج رمضان ليكي.. ومن غير فلوس
شادو: والله ودا من امتى ان شاء الله الحنية دي يا يويو؟!
يونس: اوووف صبرني يا رب…. انا صبري قليييل… هتسمعي ال offer ولا لا؟!
شادو:… اسمع.. بس دا مش معناه اني وافقت
يونس: طيب.. بصي يا ستي..

يتبع …..

لقراءة الفصل التالي : اضغط هنا 

لقراءة جميع فصول الرواية اضغط على (رواية الصفقة)