رواية زواج أطفال 3 الفصل الثلاثون 30 بقلم الكاتبة الصغيرة
رواية زواج أطفال 3 الفصل الثلاثون 30 بقلم الكاتبة الصغيرة
رواية زواج أطفال 3 البارت الثلاثون
رواية زواج أطفال 3 الجزء الثلاثون
رواية زواج أطفال 3 الحلقة الثلاثون
لمار شهقت مره واحده مااازن
انس خد التليفون من ايدها قرأ الرسايل كانت من اشرف صاحب فارس بيقول فيها انه جايب رجاله وهيقابلوا مازن فى المكان………….
انس كان بيقرأ بصوت عالى . .. انا كنت حاسس أن فى حاجه
طلع بسرعه ورحيم وعز معاه
البنات قلقوا وفضلوا خايفين
مازن وصل كان المكان زي الساحه وقف عربيته ونزل مواجه للعربيه السوده اللي واقفه
بعد دقيقه نزل منها فارس وهو بيضحك.. طلعت ملتزم بمواعيدك انا قولت هتخاف ومش هتيجي
مازن.. بس انا قولتلك مره اني مبتعاملش مع عيال مع رجاله ولو كنت اعرف انه انت كان زمانك مستني للصبح
فارس.. وانا جايبك هنا عشان زعلت من الكلمه دي وقولت اردهالك
مازن.. عايز ايه
فارس.. اولا مش عايز منك غير حاجه واحده هي مراتك سيبهالي من غير شوشره ثانيا ورق الصفقه الاخيره اللي مرضيتش تمضي عليه خلصهولي ثالثا ولا اقولك كفايه دول انا اهم حاجه عندي الاولي اصلا
مازن.. واستفدت ايه لما خطفت. ها
فارس.. لا ماشاء الله عليك ذكي اوي وعرفت ان انا علي العموم هجاوبك كانت قرصة ودن زي اللي هعملهالك دلوقتي قرب منه وحط ايده على وشه
مازن مسك ايده لواها ورا ظهره.. عند امك عارف يعني ايه يعني تروح تقولها غطيني وصوتي ياريتها كانت داست عليك في السبوع يلا زقه بعيد عنه
فارس.. يعني مش موافق علي كلامي
مازن.. تصدق بالله انا حر. قت بنزين في الفاضي عشان اسمع الهري بتاعك ده واللي عندك اعمله بس المره الجايه متلومش غير نفسك عشان انا بعدي بمزاجي وفرحي كمان يومين زي مانت عارف مش عايز عكننه
فارس.. وانا مش هخليك تتهني يابن ال**
راح ناحيته عشان يديله بوكس بس مازن تفاداه
واذا بعشر اشخاص خارجين من الفراغ
مازن سدد لكمتين لفارس وقام من علي الارض .. ظبطوه يرجاله وقف عند العربيه بتاعته
ومازن واقف في النص والعشره حواليه
كان بيضر.ب اللي بيقدر عليه بس الكتره تغلب القوه اتنين كتفوه وخلوه يقعد علي ركبته والتالت نزل ضر. ب في بطنه لغاية ما جاب د. م من بوقه
فارس قرب منه ورفع راسه.. برضو مش هتعمل اللي قولتلك عليه
مازن بتحدي.. اللي عندك اعمله وانا لسه عند كلمتي أنت عيل صغير ولو راجل بجد مشي شوية الكلاب اللي بتنحامي فيهم دول وواجهني
فارس مشي من قدامه ركب عربيته ومشي وهما كملوا عليه
فجأه عربية انس وصلت ونزلوا جري
واحد منهم ادي لمازن خبطه في صدره خلته زعق بصوت عالي وبعدين طلعوا بسرعه اختفوا
مازن كان واقع في الارض
انس.. يا نهار اسود ايه اللي حصل
رحيم.. اتصل بإسعاف بسرعه دي حالته صعبه
عز.. مفيش وقت يجماعه المكان هنا بعيد يلا احنا ناخده بالعربيه وانت يا رحيم جيب عربيته وحصلنا
شالوه ونام في الكرسي اللي ورا وطلعوا علي المستشفى
بعد ساعه كان الكل في المستشفى معاهم
اروي.. يارب استرها عليه
مالك.. اهدي ياحبيبتي ان شاءلله خير
سليم.. خلاص يا اروي بقي الشباب بيقولو مفيش حاجه
يوسف.. انا هروح اشوف الدكتور خرج ولا لأ
اروي.. بالله عليك روح بسرعه
ايلين ورهف طمنوها وفضلوا جمبها
عند الطوارئ كانت لين ولمار واقفين ومعاهم انس
انس.. خلاص بقي انتوا الاتنين انا مش عارف اسكت مين ولا مين بطلوا عياط وبعدين انا قولت متعرفوش حد قلقتوهم كلهم ليه
لين.. انت يعني عايزني اعمل ايه لما اعرف ان اخويا في وضع زي ده
انس مسك ايدها.. انا فاهم والله وزيي زيك متوتر اكتر منك كمان عشان انا اللي شوفته وهو متصاب والله خايف عليه بس عايزك تهدي شويه هتتعبي كده وانتي يا لمار خلاص عشان خاطري
يوسف.. الدكتور مخرجش لسه
انس.. لا لسه رحيم جه
يوسف.. ايوا برا هو وعز
بعد عشر دقايق الدكتور خرج
لمار ولين جريوا بسرعه وانس وراهم
الدكتور.. خير يجماعه ان شاءلله بس هو محتاج نقل د. م عشان نزف كتير بسبب الجرح
انس.. فصيلته ايه طيب
لين.. فصيلته زيي انا هتبرعله
لمار.. لا انتي حامل مش هينفع
يوسف.. الفصيله ايه يا لين
لين.. A موجب
يوسف خرج عند رحيم وعز وسألهم بهدوء
رحيم.. انا فصيلتي كده هدخل انا
اتبرعله والدكتور قالهم انه اتحسن شويه وساعه وهيفوق من البنج
كان الصبح طلع كلهم دخلوا اتطمنوا عليه ومالك اصر علي اروي انها تروح لانها تعبانه
مالك.. يلا يا رحيم انت وانس خدوا مراتتكم وروحوا بقي
لين.. لا انا هفضل معاه
سليم.. يا حبيبتي هو نايم اصلا انتي كمان ارتاحي بقي يلا يا انس يلا يا رحيم
مشيوا كلهم متبقاش غير مالك ولمار اللي اصرت تفضل معاه
مالك.. نامى شويه يا حبيبتى وانا جمبه اهو
لمار.. لا يعمو انا تمام متقلقش
مالك ابتسم.. اللي يريحك
قعد علي الكنبه والنوم غلبه هي فضلت قاعده جمبه وبتبصله
فتح عينه بهدوء
لمار.. حمدالله علي السلامه
مازن.. الله يسلمك
لمار بعتاب.. ليه مقولتش انت رايح فين واشرف قال انه بعتلك رساله عشان متروحش وبرضو مشيت ليها كده يامازن افرض كان حصل حاجه
مازن.. مانا كويس اهو مفيش حاجه
لمار.. والله رجلك فيها شرخ ومتخيط 17 غرزه وجايب د. م من بطنك ونزفت وكويس
مازن.. ايه كل ده والله انا مش شايف ان الموضوع كبير كده انتي اللي خوافه بتعيطي ليه بقي
لمار.. مفيش
مازن مد ايده ليها قامت من علي الكرسي راحت عنده مسكت ايده وحطت ايده على ظهره كأنها بتسنده عشان يقعد
مازن ضحك.. بس انا مش هقعد انا بس عايز امسك ايدك
لمار اتحرجت وشالت ايدها التانيه وهو فضل ماسك ايدها وبيبص فى عينيها
مازن.. مش قولنا مش عايزك تعيطي تاني
لمار.. غصب عني بس خوفت عليك
مازن.. وانا بقولك كويس خلاص بقي
لمار.. طيب مين اللي عملك كده
مازن.. مش عاوز افتح الموضوع
سكتت شويه وبعدين سحبت ايدها
مازن حاول يقعد .. اااه كتفي وجعني جامد
لمار سندته وحطت المخده وراه
مازن شدها عشان تقعد جمبه قعدت وكانت بتفرك في ايدها ومش بصاله حط ايده على راسها وقام مقربها ناحيته وخدها في حضنه صوت عياطها علي
مازن.. اهدي
لمار.. انا خايفه
مازن.. مفيش حاجه انا جمبك اهو.
لمار.. هو احنا بيحصل معانا كده ليه ومين السبب يا مازن انا خايفه يحصلك حاجه تانية بعد الشر
مالك صحي علي صوتها لقاهم كده ف ضحك
مازن بص حواليه.. بابا أنت هنا من امتي.
مالك.. لسه واصل حالا كمل انت ربنا معاك انا هريح شويه
لمار ضحكت هي ومازن
مازن.. ماتشوفي حاجه ناكلها انا جعان
♡♡♡♡♡♡*******♡♡♡♡♡♡♡
عمر.. تمام كان في ملف لبنت اسمها ايه الحسيني قبلتها
معتز.. لا اكتفينا بالعدد وبعدين اشمعنا دي اللي بتسأل عنها
عمر.. مفيش بس خلال المقابله قالت ان والدها بيتعالج وكده واكيد بتساعده
معتز.. بالنسبالي العدد خلص لو محتاجها انت في شغل معاك سكرتيره ولا حاجه تمام
عمر.. متشكر يا معتز
معتز.. يا ابني متقولش كده دا انت اخو الغالية
عمر. الله يسهلوو يعم والعه معاكم خروجات
معتز.. دماغها قفل يأخي بس هتلين
عمر.. اشطا انا هخلي سيلين تبلغ الموظفين بالقبول
معتز.. ماشي
عمر خرج ادالها الملفات واخد ملف آيه معاه وراح مكتبه
فتح تليفونه ورن عليها ردت.. السلام عليكم ورحمة الله وبركاته
عمر بص للفون وحطه علي ودنه.. وعليكم السلام استاذه آيه معايه
آيه.. ايوا مين حضرتك
عمر وهو بيلف بالكرسي.. انا اللي استلمت منك ملف الشغل
آيه.. اه افتكرت في حاجه
عمر.. لا بس كنت بقول لحضرتك للاسف المدير مقبلكيش
آيه بحزن.. تمام لعله خير هاجي اخد الملف بكرا شكرا لحضرتك
عمر.. استني بس اخلص كلامي انا محتاج سكرتيره ليا لو موافقه اعتبري شغلك هيبدأ من بكرا الساعه 8 تكوني في المكتب وياريت منتأخرش عن 8 وخمسه سلام
لسه هترد عليه التلفون فصل استغربت.. ماله ده
******”♡♡♡♡♡♡♡”*****
رهف.. هتروح لمازن المستشفى
رحيم.. هعدي عليه بعد الشركه انا وعز
رهف.. ماشي ابقي قوله حمدالله على السلامة بالنيابة عني لاني مش قادره اخرج مع لمار ولين
رحيم.. مالك ياحبيبتي تعبانه من حاجه
رهف.. لا كويسه بس هبطانه
رحيم.. هخلي الداده تطلعلك فاكهه وعصير ارتاحي انتي باسها من خدها ونزل
انس.. علي فين يا برنس
رحيم.. الشركه وانت
انس.. مستني لين ولمار هوديهم لمازن واروح الكليه انا ولين عندنا امتحانات بعيد عنك
رحيم.. هي لمار رجعت امتي
انس.. رجعت بليل متأخر روحت جبتها عشان تغير وترتاح شويه
رحيم.. اشطا سلملي عليه وانا وعز هنجيله بعد الشغل
انس.. عز لسه سابقك هو وريناد
رحيم.. ابن ال مش قولتله ميخرجش معاه
انس.. انت عبيط يسطا بعد بكرا هتبقي مراته روق كده
رحيم خبطه في كتفه.. لم نفسك انا هبقي اب متشتمنيش
انس.. وانا هبقي سفن اب يعني ولا ايه اي العبره في كده
رحيم.. قصدي يعني هبقي كبير وليا هيبتي مش ابني يبقي جمبي ويشوف ابوه بيتقاله يا عبيط
لين .. صباح الخير ازيك يارحيم
رحيم.. صباح النور الحمدلله بخير
لين.. يلا
انس.. لمار فين
لين.. جايه اهي
رحيم ركب عربيته.. يلا سلام انتوا
لمار جت بعد شويه وركبت معاهم وطلعوا عند مازن
زين.. كده تخضنا عليك
لين.. أنا كنت هموت من القلق
مازن.. بعد الشر عليكي يا تيته مفيش حاجه ياجدو الحمدلله جت بسيطه
اروى.. برضو مقولتش مين اللي عمل كده
مالك.. خلاص بقي يا اروي انتي عارفة ان مش وقت الكلام ده واللي عمل كده هيتحاسب مازن مبيسبش حقه
اروي.. يا سلام واما يحصله حاجه تاني
زين.. يابنتي خير إن شاءلله متقلقيش بقي اهم حاجه انه بخير ووسطينا
لين.. اهدي يا حبيبتى هو نفسيته مش مستحمله
اروي.. حاضر بس انا خايفه عليه
مالك باس ايدها .. متقلقيش ياحبيبتي كله هيبقي تمام
زين.. احنا هنمشي ونسيبك ترتاح بقي واخر النهار هتكون في البيت الدكتور قال
مازن.. ان شاءلله روح معاهم يا بابا انت من امبارح تعبان
مالك.. مينفعش تفضل لوحدك
جه صوت لين.. ومين قال انه لوحده احنا هنا اهو
دخلوا ولمار وانس سلموا علي الكل
كلهم مشيوا وبعد نص ساعه
انس.. عشان انا جدع انا ومراتي هنسيبكم تاخدوا راحتكم وهنمشي
لين.. بيضحك عليك احنا عندنا امتحانات هنخلص ونرجعلك
مازن ابتسم.. مفيش داعي يا حبيبتى هتتعبي كده روحي انتي وانا اصلا هخرج اخر النهار
لين.. بجد والله خلاص هروح علي البيت استناك هناك
مازن.. ماشي يلا عشان متتأخروش ربنا معاكم
انس.. ومعاك يمعلم وغمزله
مازن.. انت عينك دي وجعاك
انس ضحك.. رخم بس ماشي
لمار.. عامل ايه دلوقتي
مازن.. الحمدلله كويس
لمار.. دايما في تحسن فطرت ولا لسه
مازن.. لسه بس مش جعان دلوقتي
لمار.. خلاص اللي يريحك
مازن.. انتي راحتي
لمار اتحرجت وبصت في الارض
وراحت قعدت علي الكرسي هو ابتسم وبص قدامه تاني محبش يوترها
وبعد شويه حد دخل ببوكيه ورد
لمار.. هو انت
يتبع..
لقراءة الفصل التالي: اضغط هنا
لقراءة باقي حلقات الرواية اضغط على (رواية زواج أطفال 3)