رواية وحدة شغف الحلقة الثامنة عشر 18 بقلم ندى
رواية وحدة شغف الحلقة الثامنة عشر 18 بقلم ندى
 |
| رواية وحدة شغف الحلقة الثامنة عشر 18 بقلم ندى |
رواية وحدة شغف الحلقة الثامنة عشر 18 بقلم ندى
شغف اتوترت بعد خروجهم كلهم من الاوضة و كان قاعد جانبها الجد محمد مستنيها تتكلم
بصتله بحب – هتفضل متضايق مني كدة
بصلها الجد محمد واصطنع الحزن عشان تقول كل حاجة
-يوووه يا جدو بقي طب هحكيلك وبعدها احكم طيب و اوعدك مش هعمل حاجة تزعلك
بصت ليه وكملت … انت اكيد تعرف بقتل الحاج يحيي واللي حصل انا مسبتش حقه ولا حقي ،احمد ده ظابط كان ماسك القضية و بصراحة انا اتصابت مكانه
فزع الجد محمد = انتي اتجننتي ، وده كله ليه
شغف بتوتر – يا جدو معرفش هو حصل كدة فاجأة الحاج يحيي كان بيحبه وانا محبتش يضيع هو كمان
=الحاج يحيي هو اللي بيحبه بردو
ابتسمت بخفوت- ايوة
=كملي يا اخر صبري وايه موضوع جوازك ده
-هو احنا اتفقنا انه ياخد باله مني بمأني هفضل هنا لحد ما اخف وبعدها هنتطلق هو بس حابب يرد التضحية اللي حصلت
كملت بحزن
اطمن اكيد هو مش هيقبل اساسا بواحدة مش بتتحرك .
-متقوليش كدة انا عرفت كل حاجة من الدكتور بتاعك وقال مجرد وقت وترجعي زي ما كنتي زي القردة .
ضحكت بخفة = انا قردة
– اه بس قردة صغيرة … بس بمأنك هتفضلي هنا هتعيشي معاه فين
=في بيت الحاج يحيي ، احمد نصيبه نص الورث متقلقش يعني كل حاجة ربنا مسهلها
-طب ما تيجي تعيشي عندي وبلاش البهدلة دي
=اوعدك هجيلك هقعد معاك شوية حلوين بس انا عارفاهم مش هيسيبوني وهبهدلهم اكتر كدة ولمجرد ما اخف هنتطلق متقلقش
-هقولك ايه يابنتي ، ربنا معاكي
=يعني مش زعلان مني
-زعلت عشان مقولتليش بس سماح المرادي
ابتسمت شغف وحست بسعادة قلبها وكرهت الشعور في نفس الثانية = ربنا يخليك ليا .. انا عندي طلب بقي واكيد هيفرحك
الجد محمد بتعجب-طلب وهيفرحني .. تيجي ازاي دي ياتري
ضحكت شغف = انا عايزاك النهاردة بالذات تبقي مكان ابويا الله يرحمه مش جدو وبس
ابتسملها بحنان – انتي بنتي وحفيدني ودنيتي بحالها
………
احمد رايح جاي برة الاوضة بقلق
عمر بضحك – ايه ياعم اهدي علي نفسك مش كدة
احمد بصله بغيظ = ولا امشي اطلع برة
عمر بهزار – منا برة الاوضة معاك اهو هطلع برة فين
احمد = اسكت ياض بقي ياتك نيلة
عُدي بهزار – بس يا عمر سيبه في محنته
عمر بضحك = احلي محنة دي ولا ايه
احمد -ليكوا يوم يا كلاب
عُدي بضحك – انا لو مكانك ادخل اتجوزها بالعافية بدل الواقعة اللي انت فيها دي
احمد بعصبية – عُدي نقطني بسكاتك
عمر بص لشهد بهمس- اخوكي واقع يا مزة مش ناوية تقعي انتي كمان
شهد بعصبية وتغيظه : هضربك يا حضرة الظابط وهيبقي منظرك وحش اوي علفكرة قدام الممرضة السنيورة بتاعت سيادتك اللي قارفني بيها دي
عمر ضحك بصوت عالي غصب عنه
احمد بصله بغضب = بتضحك علي ايه انت
عمر سكت فاجأة – احم كنت بضحك عادي هو حرام اضحك
احمد سابه بعصبية ودخل لشغف مش قادر يصبر اكتر
شهد: مالك قلبت بطة بلدة يعني
عمر – بطة ايه يا عينيه ..عمر بغمز.. البطة دي تبقي انتي.
شهد بعصبية راحت قعدت جانب الست جوهرة : اوووف رخم يا ساتر
ابتسمت شهد وبصت للناحية التانية
الست جوهرة كانت متبعاهم وبتكتم ضحكتها عليهم .
……….
احمد- انا لقيتوا اتأخرتوا اوي والمأذون عايز يمشي
الجد محمد = خليه يمشي انا هاخد شغف معايا
احمد بعصبية – تاخدها فين ، شغف مراتي ولو مش موافق هتجوزها غصب ومش هيهمني حد
الجد محمد بص لشغف بغمز = انت اتجننت طب ايه رأيك بقي كنت هوافق بس رجعت في كلامي مفيش جواز غير بإذني انا وكيلها
احمد – ميخصنيش.. شغف تخصني انا وبس وهتجوزها لو بيك او من غيرك
شغف هتموت وتضحك عليه بس كتمت ضحكتها
الجد محمد بصله بتعجب = متأكد انك تقدر مش هتخاف يعني
احمد – اه هقدر ، مش بخاف انا من حد وهتجوزها دلوقتي
ضحكت شغف عليه مقدرتش تصبر اكتر
بصلها احمد بصدمة وبص للجد محمد لقاه مبتسم ف استنتج اللي حصل وقال – بقي تعملوا فيا مقلب حرام عليكوا والله .
الجد بص لشغف بغيظ-كان لازم يعني تضحكي دلوقتي
كمل بهدوء وبص لاحمد = نادي المأذون يابني
الجد محمد شاف قد ايه هو بيحبها بس مستغرب ليه فيه نفور بينهم بس حب يقربهم فعلا ويتم جوازهم وفعلا دخل المأذون وبقت شغف لاحمد واحمد لشغف
شهد – مبروك يا حبيبي بجد فرحت اوي ياقلب اختك
احمد حضنها بابتسامة = عقبالك يا ضفدعة انتي
عمر : مبروك ياعم الله يسهلوا، مش حابب تعطف علي اخوك بحاجة
احمد ضحك = مش انت اللي مش عايز دلوقتي
عمر : اسكت الا تقفشنا وهتضرب جامد
احمد= من اولها كدة
عمر : مش اوي يعني
وضحكوا سوا جدا
عُدي – مبروك ياصحبي
احمد بهزار- الله يبارك فيك يارب اشوفك واقع كدة
عُدي بهزار – لا مستحيل وابقي زيك كدة .. انا ههرب
ضحكوا التلاتة سوا
وبعد مباركات من الجد محمد و الست جوهرة وشهد وعُدي وعمر لاحمد وشغف
الست جوهرة- انا همشي بقي يا قمر عشان متأخرش وهبقي ازورك واي حاجة تعوزيها كلميني
شغف = هتوحشني اوي .. ربنا معاكي يا ماما
الست جوهرو بصت لاحمد
خد بالك منها لو اشتكت بس هاخدها ومش هرجعهالك
ابتسم احمد ليها و شاور لعمر انه يوصلها .
الجد محمد لشغف – انا همشي انا كمان عشان لسه هاروح المستشفي بتاعتي وهستناكي تيجيلي زي ما وعدتيني يا بنوتي
شغف بقلق = هو مش انت خفيت ، لسه حاسس بتعب يعني
– لا الحمدلله انا كويس متقلقيش بس فحوصات كدة للتأكيد يعني
=ان شاء الله خير يا جدو، وابقي طمني وهجيبلك قريب بإذن الله
-بإذن الله .. وبص لاحمد .. انا مش هوصيك عليها لان باين انك هتحافظ عليها … يلا همشي بقي ، في رعاية الله يابنتي
=في رعاية الله يا جدو
فات وقت وكان كلهم مشوا حتي عُدي
شهد – احمد هو احنا هنجيب حاجتنا امتي من الشقة
عمر بعد جملة شهد خرج وحس انه متضايق لمجرد ان شهد واحمد هيعيشوا هنا وهيبقي بعيد عنهم شوية مش جيران .
احمد= لسه مش عارف نبقي نشوف هنظبط الدنيا ازاي
شهد لاحظت خروج عمر وقالت بتوتر – طب انا هجيب حاجة اشربها وجاية
شغف اتوترت وخجلت لمجرد وجود احمد بس معاها – انت مش هاتروح
احمد بسرحان في عيونها اللي بيجننوه = لا قاعد للصبح مع مراتي عندك مانع
شغف بقت طماطم- طب ابعد شوية روح اقعد هناك لو سمحت عشان هنام
احمد مسك ايدها بخفة = لا نامي وانتي قدامي كدة وبعدين عايزة تنامي وتسيبي الواد القمر ده يقعد لوحده
شغف – انت مش قمر وعادي اسيبك يعني هتتخطف
احمد قرب منها جدا = لا هخطفك انتي يا شغفي
سرحت شغف في اسمها، حست انه اسم جديد وحياة جديدة معاه مستنياها معاه هو وبس !
قرب شوية وخطف بوسة سريعة من خدها
شغف بخضة و خجل – يا قليل الادب .. اطلع برة
ضحك احمد = هو انتي لسه شوفتي قلة ادب
شغف مبصتش ليه – انا عايزة اتخمد بقي اتفضل برة
احمد= ماااشي هقعد هنا وبعدين ازاي اتفضل وبرة مع بعض هااا يا ناااااس اعقلوا الكلمة
شغف ابتسمت علي طريقته واتصنعت النوم لحد ما نامت بجد.
يتبع..
لقراءة الحلقة التاسعة عشر : اضغط هنا
لقراءة باقي حلقات الرواية : اضغط هنا