رواية هوس الثلاثيني الفصل الثاني 2 بقلم مي جمعة

رواية هوس الثلاثيني الفصل الثاني 2 بقلم مي جمعة

رواية هوس الثلاثيني البارت الثاني

رواية هوس الثلاثيني الجزء الثاني

رواية هوس الثلاثيني الحلقة الثانية

جاسر: مفاجأة مش كدة..؟ عاملة ايه ياتالا وحشاني..
اتصدمت من وجوده دا ابن خالي الي تقريبا من يوم وفاة اهلي مشفتهوش
تالا: الحمدلله.. انت عامل ايه ياجاسر..؟
جاسر: كويس… ايه مش هتدخليني..!
فكرت شوية بأن مينفعش فعلا أدخله.. انا لوحدي في البيت وجوده هيبقى غير مرغوب بيه ابدا… بس جاتلي فكرة انا ممكن انادي تسنيم تقعد معانا واسيب الباب مفتوح هو اكيد شوية وهيمشي.
تالا: لا ازاي اكيد اتفضل البيت بيتك.. بس معلش ثواني انادي تسنيم صاحبتي انت اكيد عارف ان مينفعش نقعد لوحدنا.
جاسر: امم اه براحتك تمام..
دخل هو بيتي وانا روحت ناحية بيت تسنيم خبطت بس الي فتحلي ادهم
تالا بتوتر: احم صباح الخير.. معلش ممكن بس تناديلي تسنيم..
ادهم: صباح النور طب ادخليلها…
تالا: لا اسفة مش هقدر.. اندهالي بس بعد اذنك.
دخل وهو مستغرب رفضي اني ادخل لانه متعود اني دايما عندهم حتى من قبل مااهلي يتوفوا.. خرجت تسنيم وهو لسة واقف معاية
تسنيم: ايه يابنتي مدخلتيش ليه..!؟ تعالي لسة بدري وبعدين ادهم هيوصلنا..
تالا: لا مهو انا عايزاكي انتي تيجي تقعدي معاية شوية لان جالي ضيف مينفعش اقعد معاه لوحدي..
ادهم: ضيف مين دا..؟
استغربت ان السؤال طلع منه هو بس عادي اكيد عشان بيخاف عليا زي اخته
تالا: جاسر ابن خالي..
تسنيم: غريبة ودا ايه الي جابه…!؟
تالا: معرفش بس يلا تعالي مينفعش نسيبه لوحده كدة كتير..
ادهم: ادخلي ياتسنيم البسي واحنا هنروحله ابقي حصلينا..
تالا: معلش بس احنا مين..! انت مش عندك شغل بلاش نعطلك اتفضل انت هو اكيد شوية وهيمشي..
ادهم: لا انا فاضي بعدين انتو بنتين مينفعش تقعدو معاه لوحدكم.. وماما لسة نايمة يلا.
روحت معاه على بيتي وانا من جوايا فرحانة انه بيخاف عليا حتى لو زي اخته.. كفاية عندي اني اكون في باله بأي صفة
جاسر: ايه ياتالا كل دا دنا قربت امشي…
تالا: اسفة غصب عني والله على ماتسنيم لبست هي جاية اهي ورانا…
جاسر: امال مين حضرته..؟
ادهم: الرائد ادهم اخو تسنيم وتالا اتشرفت بمعرفتك..
حسيت ملامح جاسر اتعصبت شوية معرفش ليه وهو بيمد ايده يسلم على ادهم
جاسر: اه اهلا انا اكتر.
دخلت تسنيم وقعدنا وجاسر كان بيسالني فيهم عن احوالي.. وانا مستنياه يمشي بس خدت بالي من الشنطة الي معاه
جاسر: انا جيت هنا في شغل.. وقولت اهي فرصة اجي اسلم عليكي واشوف أخبارك…
تالا: منورني كنت جبت خالي بالمرة هو كمان واحشني اوي…
جاسر: مقدرتش والله تعبانة شوية انتي عارفة متقدرش على السفر..
تالا: الف سلامة عليها…
ادهم: وعلى كدة انت بقى ناوي تقعد فين اليومين دول ياجاسر..؟
اتعصبت من سؤاله الي كان قليل الذوق كأنه بيطرده.. فبصتله عشان يسكت بس هو ولا كأن شافني
جاسر: انا كنت ناوي اقعد في اي اوتيل لو ملقتش تالا… قولت يمكن تكون سافرت لحد من قرايبنا بس مدام لقيتك لو تسمحي يعني اقعد عندك اليومين دول…؟
كنت لسة هرفض بس ادهم مدانيش فرصة حتى اتكلم
ادهم: نعم تقعد معاها ازاي يعني وهي بنت لوحدها..!؟ اظن مينفعش ولا انت رأيك ايه..؟
جاسر: احم وفيها ايه مهي بنت خالي..؟
ادهم: اديك قولت بنت خالك مش اختك.. فمظنش يصح تقعد معاها لوحدكم…
تالا: اسفة والله ياجاسر ادهم اكيد ميقصدش انت تنورني.. بس يعني انت عارف انا بنت لوحدي…
ادهم: اقولك عشان متتعبش نفسك وتروح اوتيل انا هبات معاك هنا.. وتالا تروح عند ماما وتسنيم وتنام عندهم..
حسيت جاسر اتحرج من الموقف
جاسر: احم لا خلاص مدام وجودي هيعمل مشكلة…
تالا: ابدا والله ياجاسر انت حقيقي هتنورني.. واهو الحق اقعد معاك انتو واحشني اوي…
بصيت ناحية ادهم لقيته باصصلي بغضب لاول مرة اشوفه فيه
جاسر: خلاص تمام موافق.. اسفين يااستاذ ادهم لو هنزعجكم…
ادهم: لا خالص مفيش ازعاج ولا حاجة.. يلا ياتسنيم عشان اوصلكم…
جاسر: رايحين فين..؟
تالا: عندنا درس..
جاسر: طب حلو انا اصلا كنت نازل.. يلا اوصلكم بدل ماقعد لوحدي…
تالا: خلاص تمام مفيش مشكلة احنا جاهزين..
تسنيم: شكرا معلش لو هنتعبك..
جاسر: لا تعب ولا حاجه يلا اتفضلو.
تسنيم: ايه مالك ياادهم..؟ يلا تالا عايزة تقفل الباب.
كان بيبصلي بغضب ومركز معاية وهو بيرد على تسنيم
ادهم: تمام يلا.
روحنا الدرس وبعدها بشوية رجعنا وعدا كام يوم جاسر كان فيهم لسة موجود.. وطول الوقت كان بياخدني انا وتالا الدروس ويرجعنا ويخرجنا يفسحنا.. كنت واخدة بالي انه بيحاول يتقرب مني بس انا مكنتش هقدر احبه لازم افهمه دا عشان ميتعلقش بيا.. وقررت اني اقولهاله بطريقة غير مباشرة يمكن يفهم دا وميحطش امل عليا.. وفي يوم كان جاسر كالعادة بيخرجنا انا وتسنيم الي كانت بتروح وتيجي معانا دايما عشان متسبنيش معاه لوحدنا لانها زي مابتقول مش بترتحله.. رجعنا وانا طلعت قبلهم لقيت ادهم واقف على باب البيت
ادهم بغضب: ايه مش كفاية سرمحة يهانم مع جاسر ولا ايه…؟
تالا: في ايه ياادهم مالك..! دا ابن خالي وبعدين ماهي تسنيم بتكون معانا.. وعادي يعني هو اصلا كام يوم وماشي مجرد بيحاول يفضل معاية عشان مش بنشوف بعض كتير…
ادهم بسخرية: والله..! انتي مش واخدة بالك انه بيحاول يقرب منك ولا انتي عاجبك الموضوع…؟!
اتصدمت من كلامه وان الكلام دا اصلا طالع من ادهم.. الي من سنة حطينا حدود بينا متسمحلوش اصلا انه يقولي الكلام دا.. واستغربت ايه ممكن يضايقه في كل دا
تالا بغضب: ادهم لو سمحت الزم حدودك.. وبعدين حتى لو دا فعلا انت ايه دخلك بالموضوع..؟
كان لسة هيرد بس جاسر وتسنيم كانوا جم
جاسر: كويس اني لقيتك هنا ياادهم لاني عايزك في موضوع…
ادهم: امم طيب تعالى ندخل الاول.
دخل وادهم قبل مايدخل ميل عليا وقالي
ادهم: لو الي في بالي كان صح وكان فعلا هيتكلم عليكي.. مش هيحصل كويس ياتالا خليكي عارفة دا.
دخل وانا وقفت شوية استوعب كلامه الي كان عبارة عن تهديد معرفش ايه سببه..؟ وليه تصرفات ادهم بقالها كام يوم متغيرة كدة.. دخلت قعدت معاهم وطنط كانت معانا
ادهم: ها اتفضل كنت عايزني في ايه…؟
جاسر بتوتر: انا عارف طبعا ان في القعدة دي لازم اجيب اهلي وكدة بس انا قولت اخد رأي تالا الاول.. وحبيت تكون موجود ياادهم بما انكم عيلتها بعد وفاة اهلها الله يرحمهم.. وعارف طبعا ان باباها موصيك عليها وبما انك دلوقتي في مقام اخوها الكبير فانا بطلب ايد تالا منك…
بصيت بسرعة ناحية ادهم الي وشه مكنش بيبشر بخير ابدا هو ومامته
ادهم: امم طيب شكلي اتأخرت جدا في اني اعلن الموضوع للدرجة الي خلتك تيجي تتقدملها…
تسنيم: موضوع ايه ياادهم…؟
ادهم: هو ينفع برضو تطلب ايد واحدة من جوزها ياجاسر…؟

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية هوس الثلاثيني)