رواية أحببته رغم البعد الفصل الأول 1 بقلم سارة علام

-مسافر! مسافر ازاي يعني وفين؟

=اهدي ي ساره انا هفهمك 

-تفهمني اي انت بتهزر ي زين صح؟ قول انك بتهزر والنبي

=والله انا زعلان اني مسافر بس غصب عني اهلي قالولي اني لازم اكمل تعليم برا وهنمشي كلنا مش هينفع اقعد انا

-طب وانا..مفكرتش فيا ي زين؟

=ساره انتي عارفه انك اغلي صديقه عندي انتي اختي وصحبتي وكل حاجه ليا وحقيقي مش عايز امشي واسيبك بس غصب عني.

-اتنهدت من بين دموعي:ماشي ي زين تروح وتيجي بالسلامه.

=انا لازم امشي دلوقت، انا اسف عن اذنك.

-مشي..مشي وانا قعدت ع الارض اعيط كإن روحي سايباني زين مش بس صحبي الوحيد، زين كل حياتي معنديش صحاب غيره كان هو مكفيني ف مكنتش بصاحب حد، انا بطبعي بخاف اقرب م حد بكره الناس وبخاف منه، بس هو كان مختلف..كان شبهي افكارنا وكلامنا زي بعض، كان دايمًا يسمعني ويسمع كلامي التافه الممل، انا كنت ساعات بدايق من نفسي وبكره نفسي بس هو كان بيقولي اني احسن من الكل واني مختلفه عنهم ومينفعش اكره نفسي ع شان هي غاليه، كان بيعاملني زي بنته، بيخاف عليا ويطمني كان مديني كل الحب اللي محتاجاه ف حياتي.

بس دلوقت هو مشي..مشي وسابني لوحدي، حقيقي هبقي وحيده ف غيابه ياتري اما يرجع هيكون فاكرني ولا ولا؟ ااه

-النهارده عدي ع الكلام ده 4 سنين، 4 سنين ف بُعد زين وف وحدتي من بعده بس انا كنت ببين عكس كده.

-كنت نازله علي السلم بجري علشان الحق محاضرتي فاضلي السنه دي وهخلص وارتااح، وانا بجري خبطت في حد بس مشوفتش مين رفعت عيني.

-مش تفتح…اسفه ي عمو انتوا جيتوا امتي؟

*امبارح بليل ي بنتي،عامله اي وحشتينا اوي.

-بخير الحمد لله..هو حضرتك جيت انت وطنط لوحدكوا؟

*لا ي حبيبتي زين معانا بس لسه بيرتاح، تعالي سلمي عليهم

-لا لا اقصد انا راحه الجامعه ع شان متأخره اما ارجع هاجي عن اذنك ي عمو.

-مشيت وكنت حاسه اني هطير م الفرحه زين رجع..رجعلي تاني.

خصلت محاضراتي ومروحه، طالعه اغني ع السلم كالعاده

=لسه بتغني ع السلم..متغيرتيش

-وقفت مكاني دا صوته..زين، لفيت اتأكد وياريتني ما لفيت ده زين! زين الغبي اللي كنا بنتخانق سوا ويجي يصالحني ف نتتخانق تاني، شكله اتغير بقي قمر يخربيته هتقل ازاي انا دلوقت!

-زين ازيك

=الحمد لله بخير، وانتي

-تمام، عن اذنك، مشيت م انا مش هقدر اقف اكلمه كده احسن اضعف واقوله وحشتني، دخلت البيت ولسه هقعد الباب خبط

-ف حاجه؟

=انتي مالك متغيره معايا ليه؟ساره انتي فاكراني انا زين!

-انا مش متغيره ولا حاجه بس ف حاجات كتير اتغيرت الاربع سنين دول

=مفيش حاجه اتغيرت..غيرك انا زي م انا زين صحبك واخوكي بس انتي مش ساره اللي اعرفها

-اتكلمت بعصبيه بداري بيها دموعي: حضرتك سيبتني ومشيت سيبتني وانت عارف اني مليش صحاب وعارف ان محدش هيفهمني او هيسمعني، محدش هيهون عليا غيابك ومع ده كله مشيت، عاوز ترجع تلاقيني زي م انا؟ لا ي زين انا اتغيرت اعتمدت ع نفسي ومحتاجتش حد معايا ومن كتر م كنت لوحدي معنتش محتاجه صحاب، ولا محتاجاك ف حياتي.

قولتله الكلام وقفلت الباب قعدت مكاني اعيط، انا مش بكرهه او مش محتاجاه انا ع طول محتاجاه معايا، بس لازم يحس زي م انا حسيت لما بِعد عني.

دخلت نمت بس صحيت ع صوت تكسير واصوات عاليه طالعه من شقه زين!

يتبع…..