رواية أسميتها جميلة الفصل الرابع 4 بقلم ندى زايد

رواية أسميتها جميلة الفصل الرابع 4 بقلم ندى زايد

رواية أسميتها جميلة البارت الرابع

رواية أسميتها جميلة الجزء الرابع

رواية أسميتها جميلة الحلقة الرابعة

في اليوم التالي ارتدت جميلة فستانها الاسود وتركت شعرها مبعثرا علي وجهها فهي لم تكن مهتمة بأي شئ علي الاطلاق ذهبت إلي المكان المحدد لمقابلته كانت تفكر في أن تصفعه علي وجهه لعل هذا يشفي مافي صدرها فكل الكلام التي تخيلت أنها ممكن أن تخبره به تشعر أنه غير كاف علي الاطلاق لمَ تشعر وكأنها حمم بركانية علي وشك الانفجار ظلت هكذا طول الطريق حتي وصلت اخيرا إلي المكان الذي شهد حبهم دائما تعرف أنه اختار هذا المكان ليضغط عليها وتدعو الله ألا يكون محقا !!!
دخلت إلي هناك وجدته يجلس في مكانهما بجانب النيل يبدو أنه غارق في أفكاره أو أنه يخشي مواجهتي لمَ يحاول إصلاح الماضي ألم يكمل حياته وأحب غيري وأنجب فتاته جميلة لمَ هي علي اسمي هل ليزيد عذابي !!!أخيرا وصلت إلي الطاولة التي يجلس عليها وضعت حقيبتها بهدوء وجلست دون أن تنطق بأي كلمة نظر إليها مطولا يسرح في ملامحها الهادئة وعيونها التي انتفخت وواضح عليها البكاء وضعف جسدها حتي في تلك الحالة تبدو جميلة وخصلات شعرها المبعثر الذي يداعب خدها ظل يحفظ كل تفاصيلها وكأنه سيراها لأخر مرة أو لخوفه من ذلك !
وأخيرا خرجت الكلمات من فمه ليسألها عن حالها وإن كان منظرها وحالتها كافية للرد
_عاملة اي !
= الحمد لله
_وحشتيني
=متاخر أوي يااستاذ خالد
_مفيش حاجة بتحصل غير في وقتها مش دايما كنا بنقول كدا
= ووقتها دا كان عاوز خمس سنين !
_أنا اسف
= علي اي
_علي كل حاجة
= ياراجل متخدش في بالك دا قلبي يدوب كسرته مش حاجة كبيرة يعني
_جميلة بلاش كدا ارجوكي
لم تتحمل أكثر من ذلك فانفجرت اخيرا في وجهه
= بلاش بلاش اي ياخالد انا لعبه في ايدك عشان تسبني وقت ماتحب وترجعلي وقت ماتحب بتتفق مع ابويا عليا !للدرجة دي انا رخيصة عندك بس هلومك ليه اذا كان ابويا بعني هتيجي عليك
_ جميلة متقوليش كدا باباكي وقتها كان خايف عليكي انا مكنش عندي حاجة اقدمهالك
= اه وانت اكتشفت كدا فجاه !
_ بس انا وعدته اني هبعد
= ووعدك ليا إنك تفضل معايا وعمرك ماتسبني وعدك انك عمرك متكسرني ولا تجرحني دا مكنش وعد !
ألجمته كلماتها فلم يجد مايجيب به عليها حتي سمع صوت شهقاتها ودموعها التي خانتها والله إن قلبه ليؤلمه اضعاف بعد رؤيتها هكذا ثم سمع صوتها يخرج من وسط كل الدموع كم كانت مؤلمة نبرتها تلك التي كانت مملوءة بالالم
_ ليه عملتوا فيا كدا أنا بس كنت عاوزة افرح انا مطلبتش حاجات كتير انتوا كنتوا اهم اتنين في حياتي مقدرتوش حبي ليكوا عملتوني كاني لعبه بس كنت لعبه رخيصة اوي يا خالد لعبه مالهاش تمن زمان قررتوا إن مينفعش نبقي مع بعض ودلوقتي قررتوا إن لازم نرجع بتقرروا علي اساس اي وانا فين من قرراتكوا دي انتوا بتقرروا بالنيابه عني ليه محدش فيكوا فكر ياخد رايي او حتي يحكيلي كنت حسيت اني بني ادمة انكوا بتحبوني انا سالت نفسي كل يوم انا كنت وحشة في اي طلعت وحشة في عنيكوا وحشة اوي ….
ازداد بكاءها ولم تعد قادرة علي تكمله عتابها فمايؤلمها انهما اكثر شخصين احبتهما في حياتها فهي لاتمتلك غيرهم مؤلم كثيرا أن يكسرك من اعتقدت أنه لايمكن أن يؤذيك يوما …
أوجعه قلبه علي حالها قام من مكانه وجلس بجوارها ضم كفيها بين يديه واخذ يحاول تجميع الكلمات التي يعرف انها لن تشفي قلبها وتعوضها عن سنين عمرها
_ انا عارف ان اي كلمه هقولها مش هتفيد في حاجة بس انا مقدرتش احطك في مقارنة او تتضطري انك تختاري بيني وبين باباكي مكنتش حابب اجرحك واقولك انه بيبعدك عني مكنتش عاوز اقولك قد اي انا ضعيف ومش قادر اعمل حاجة انا اتكسرت بدل المرة الف اتكسرت لما كنت ضعيف الحيلة ومش قادر حتي اجي اتقدملك كنت ضعيف وانا مش قادر ادافع عن نفسي قدام باباكي كنت ضعيف وانا مش قادر اقولك متمشيش انا سنين اللي فاتت كنت بموت كنت بشتغل ليل نهار علي امل انك تفضلي برده ليا انا ….انا بحبك ياجميله صدقيني
نظرت الي عينيه وسط دموعها
= ليه ليه كنت ضعيف ليه ممسكتش في ايدي وقلت مش هسيبك ليه مقلتش لبابا يديك فرصه ليه مقولتليش ليه استسهلت ليه الدنيا مش بسيطة ياخالد الفلوس مهمة بس دي مجرد جزء من حاجات كتير مهمة ليه بتعتبروها اهم حاجة في الحياة هنعمل بيها اي واحنا تعيسين هتفيديا بايه
_ جميلة صدقيني انا ..
= مبقاش ينفع ياخالد مش انا اللي ههد بيتك ابدا مش انا اللي اجرح واحدة كل اللي عملته انها اختارتك مش انا البنت دي بعد اذنك
حملت حقيبتها ومسحت دموعها وكادت ان تمشي حتي اوقفها هو بجملته التي تقسم انها اثلجت قلبها
_جميلة دي تبقي بنت اختي مش بنتي
= اي ! انت متجوزتش
اقترب منها ومسك كفيها من جديد ونظر في عيونها بكل حب يحمله في قلبه
_ الدبلة اللي في ايدي دي مجاوبتكيش ! قلبك مقالكيش اني لايمكن اكون لغيرك انا سبتك اه ياجميله بس عشان احاول اخليكي ليا مش عشان ابقي لغيرك انا فضلت كل مااعرف ان جايلك عريس احط ايدي علي قلبي احسن توافقي كنت خايف تكوني لغيري الخمس سنين دول انا مت فيهم ميت مرة مش انتي لوحدك صدقيني
= ليه عملت فينا كدا ليه ؟ اي دا ثواني عريس ! انت كنت بتعرف ازاي
_ تفتكري ياجميله انا سبتك بجد انا كنت عارف كل تحركاتك انا كنت كل يوم قريب منك كنت بحسس نفسي اني معاكي انا تعبت ياجميله تعبت اوي
= كان ف ايدك الحل زمان انت اللي اختارت العذاب دا مش انا
قام بمسح دموعها ونظر اليها بحب
_ جميلة وحشتني ضحكتك وحشني اني اشوفك مبسوطة وحشني كل تفصيله فيكي ارجوكي تعالي ننسي اللي فات او بلاش ننساه تعالي نبدا من جديد كفايه اللي ضاع من عمرنا هنضيع اي تاني ياجميله
= تفتكر هينفع !
_ صدقيني هينفع والله هينفع سبينا نحاول تاني مش مستعد اضيع سنين من عمرنا تاني
= واما بابا يقولك سبها تسبها مش كدا
_ صدقيني عمري ماهسيبك تاني انا مش مستعد اعيش اي لحظة من غيرك تاني بس ممكن تسامحيني ؟
مسحت دموعها بكفيها كطفل صغير ثم اخبرته بقليل من المرح
= انا كنت جايه وناويه اضربك علفكرة
كاد قلبه يرقص من السعادة لمزاحها معه كم اشتاق لطريقتها تلك
_ لو هتتراضي والله اسيبك تضربيني بس ممكن طلب تاني ؟
= طلباتك كترت
_ ممكن تسامحي باباكي دا بيحبك اوي علفكرة
= مسامحاه من بدري اوي ياخالد انا بس كنت مصدومة وموجوعة دا ابويا وانا عارفة انه ضحي كتير عشاني بس الصدمة كانت كبيرة عليا
_ ياه مش متخيلة انا فرحان قد اي جميلة انتي عارفة غبي اوي اللي يفكر يسيب حد بيحبه اي كان السبب دا عذاب ووجع قلب وحاجة صعبة اوي انا كنت خايف متسامحنيش
= مكنتش ناويه اسامحك بس اعمل اي في قلبي اللي حبك هو اللي مهزا مش انا
ليضحك من اعماق قلبه وتضحك هي علي ضحكته التي افتقدتها كثيرا وداعب الهواء خدودها كانه يشاركها فرحتها واخيرا نظر اليها وسط ضحكاتها
_ وحشتيني
= وانت كمان
_طب يلا بقي
= يلا اي
_ يلا يما هنجيب ماذون ونروح لباباكي انا مش هستني لحظة انسي
= انت مجنون ؟
_ بيكي مجنون بيكي

تمت

لقراءة باقي حلقات الرواية اضغط على : (رواية أسميتها جميلة)