رواية حرم اليزيد 2 الفصل الرابع عشر 14 بقلم حياة
رواية حرم اليزيد 2 الفصل الرابع عشر 14 بقلم حياة
رواية حرم اليزيد 2 البارت الرابع عشر
رواية حرم اليزيد 2 الجزء الرابع عشر
رواية حرم اليزيد 2 الحلقة الرابعة عشر
تاليا بخيبة امل وزعل : اعمل ايه انا دلوقتي الورق كله بقي طين وانا بقيت طين وشوية الانترفيوه هيقفل… وانا عايزة الشغل ده بأي طريقة… وبتكمل بعزيمة وبتحاول تخفف من الطين اللي عليها…. هروح يعني هروح!!!
وبتقف على رجليها بوجع بس بتتحمل وتمشي
قيس وهو حاطط ايده في راسه : ولا سكرتيرة واحدة من اللي قدموا كانت بـالمواصفات المطلوبة!!!
قصي وهو بيلف بكرسيه بضجر : ما خلاص بقي يا قيس شوفلك اي واحدة مزة وخلاص كلها وظيفة سكرتيرة مش حاجه يعني
قيس بعصبيه : والله وانا اوظف اي واحدة وتوقع الشركة وتوقعنا معاها قول حاجه تنفعنا او اسكت
قصي : سكت كده خلاص ميعاد الانترفيو خلص شوف احسن واحدة من الملفات دي وخلاص انا هروح البيت
فجاة الباب بيخبط
قيس : ادخل
تاليا بـ ثقة : انا جاية أقدم لوظيفة السكرتيرة
قيس بيبص لهيئتها بصدمة بس بيخمن انها وقعت فما بيركزش كتير اما قصي كان منزل راسه على الدرج ما شافهاش
قصي بضحك وهو نايم على الدرج مش شايف وشها : جاية تقدمي بعد الميعاد بخمسة دقايق!!!
قيس بأمل : مش مشكلة جيبي ملفك
تاليا بتمدله الأوراق بحرج من هيئتهم قيس بيبص للأوراق بصدمة لأنهم مليانين طين وبيمسكوا بطرف ايده وبيمسحهم بالمنديل براحة
قيس بصدمة : مؤهلاتك عالية احسن من اللي عايزينه حتى اعتبري نفسك اتقبلتي صدمتيني الصراحة
تاليا بفرحة : متشكرة ليك يا فنـ…
ملحقتش تكمل كلامها
: هوا انتي!!!….طبعا مرفوضة!!!
تاليا بصدمة : انت ايه اللي جابك هنا؟!
قيس باستغراب : هوا انتو تعرفوا بعض؟؟؟
قصي بنرفزة : نعرف ولا ما نعرفش الكلام خلص مرفوضة
قيس : بس دي مؤهلاتها عالية
قصي بـ سخرية : تلاقيها غاشة ولا بالواسطات ممشينها اساسا وحتى…
تاليا بعصبية : اولا ما سمحلكش انك تغلط عليا وعلى مؤهلاتي مش انت اللي تقيم مؤهلاتي وشغلي اوكي تانيا انا اللي مش عايزة اشتغل معاك لأنك بني ادم معندكش احترام ولا تقدير لالي قدامك وواخد مقلب في نفسك مغرور بزيادة ومعندكش د… م في داهية في مية شركة غيركم!!!
وبتسحب الملف بتاعها من قيس
قيس بـ خوف من خسارتها لانوا مؤهلاتها عالية اوي : استني بس مالك اتحولتي كده انتي اساسا هتشتغلي سكرتيره معايا مش معاه
قصي بعصبية : يعني ايه الكلام ده يا قيس؟؟؟
قيس : معلش يا قصي بس انا مش هقدر افرط في الشغل
قصي بعصبية وبيخبط الطاولة اللي قدامه : تمام اوي يا قيس الكلب ابقى وريني وشك!!!
قيس بيبلع ريقه بتوتر وبيلتفت لتاليا : اقعدي يا انسه تاليا رجاء مش كان اسمك تاليا؟؟؟
تاليا كانت لسه هترد عليه بس قاطعها صوت ضحكاته
قصي بسخرية : ههههههه واسمها تاليا كمان
قيس باحراج : يا قصي ما خلاص بقى!!!
تاليا بعصبية : وماله اسم تاليا يا عنيا؟!!
قصي ببرود : اسمها ماعجبنيش معلش شوف واحده غيرها
قيس باحراج وعصبية : معلش يا انسه تاليا ممكن تقعدي…. قصي اطلع برا!!!
قصي بصدمة و عدم استيعاب : انت بتقول ايه؟!
تاليا بـ سخرية : بيقولك اطلع برا
قصي بيشيل تلفونه ومفتاح العربية بتاعه من الطاولة بعصبية وبيخرج على طول
قيس بخوف وهو بيبص عليه : شكل هتعدي علينا ايام عسل اوي!!!
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية حرم اليزيد 2)