رواية بعد نص الليل الفصل الثاني 2 بقلم محمد منصور

رواية بعد نص الليل الفصل الثاني 2 بقلم محمد منصور

رواية بعد نص الليل البارت الثاني

رواية بعد نص الليل الجزء الثاني

رواية بعد نص الليل الحلقة الثانية

وقبل ما نبدأ نوحد الله ونصلي علي خير خلق الله محمد
،،وساعتها ومن غير ما اعرف راحت اروي ناحية فيروز وقالت بصوت واطي
انتي بتشوفي
فيروز
مش وقت يا اروي اي كلام انا ما عملتش كدة الا علشان بحب قابيل وهو مش هايتجوز الا ضريرة زية
اروي
قابيل دلوقتي بيحبك وممكن يتقبل انك تكوني بتشوفي ويكمل معاكي
فيروز
ما عنديش استعداد اني اخسره. دة انا ما صدقت اني لقيته. وغلاوة قابيل عندك اوعي يعرف اني بشوف
اروي
لية تحكمي علي نفسك تعيشي ضريرة

فيروز
طول ما انا مع قابيل عمري ما هابقي ضريرة وكفاية عليه اني هاشوف بعيونه هو
طبعا انا كنت واقف مش سامع حاجة فقولت
ممكن تعلو صوتكم انا معاكم علي فكرة
اروي بصت ساعتها لفيروز وقالت
فيروز زعلانه اننا جينا اسكندرية
قابيل
طالما زعلانه نرجع مكان ما جاينا
فيروز
لا. انت ما تعرفش انا فرحانه قد اية انك هنا بس هي المفاجاة
قابيل
اومال لما تعرفي انا جاي لية.
فيروز وهي بتقرب من قابيل
جاي لية
قابيل وهو بيقرب من فيروز علي صوتها
جاي علشان اتجوز. اصلي سمعت ان بنات اسكندرية
ما فيش احلي منهم
فيروز وهي فرحانه اوي
كلهم حوالين في نظرك
قابيل
والله لو هانقيسها بنظري يبقي كلهم شبة بعض.

فيروز
حتي انا شبهم
قابيل
انتي مش زيهم علشان انا شايفك بقلبي
وعدي شهر تاني بالظبط وكنت متجوز فيروز وخدها معايا لشقة في الدور العاشر في عمارة من العمارات اللي علي النيل والشقة دي كانت علي الطوب الاحمر اشتريتها تمليك ونويت اشطبها واكتبها باسم فيروز وما تعرفوش قد اية فيروز كانت فرحانة بالشقة واحنا بنلف فيها لغاية ما دخلنا البالكونة وفي البالكونة في عيب تصميم اللي مايخدش باله الطوب ياخدة ويقع بي وانا كنت مكلم المقاول يعالج المشكلة دي لكنه جاله شغل تاني واجل الشغل عندي. وكانت فيروز هتقع من البالكونة بسبب العيب دة لكني لحقتها لاني دارس الخطوات وعارف كل شبر في الشقة كويس واتخطت فيروز من اللي كان هايحصل لكني خدها في حضني وخرجنا من الشقة واحنا راجعين علي شقتي اللي في التجمع وفي اول الشارع بالظبط تقف عربية ملاكي وفيها تلت شباب وانا معدي انا وفيروز نزل من العربية التلت شباب في سن العشرين واولهم اسمه عزوز والتاني حمادة والتالت نادي. وكان معهم كلب بيد بول من اشرس انواع الكلاب. وسمعت صوت عزوز بيقول
قابيل مين الموزة اللي معاك دي
خد فيروز في ظهري وقولت
عزوز. احترم ان احنا جيران وابعد عن طريقي وطريق مراتي احسن لك

حمادة
انت اتجوزت يا قابيل. هما العمي كمان ليهم في الجواز
قابيل
من صوتك الوحش اقدر اقول لك يا حمادة. ان الاعمي دة من سن اخوك الكبير ولازم تحترمه
وهنا سمعت صوت نادي بيقول
لا يا عزوز سيب رجلها ما يصحش كدة
بدات احوط بايدية علي فيروز وانا بقول لها
في حد لمسك
فيروز وهي خايفة
لا.
عزوز
بقول لك اية ما تسيبها وخد عرقها.

حمادة
والله فكرة حاكم احنا دايخين طول الليل علي مراة. مش هي برضو بقيت مراة ولا انت ما عرفتش
وفي اللحظة دي لقيت نفسي بضرب حمادة بالقلم والقلم جه في وشة وهو اتعصب واداني بالرجل في بطني بمنتهي الغل. وقعت علي الارض وحمادة ساب الكلب عليه وهما الثلاثة بيضربو فيه وبقيت مش عارف افادي ضربهم ولا عضات الكلب ليا. وصرخت فيروز وبدأ اهل الشارع يتجمعوا وهنا ركبوا الثلاثة العربية وهربو وحمادة بيقول
وحياة امك لوريك يا قابيل
وسعدتني فيروز علشان اقوم من الارض وساعتها ولاول مرة احس اني فعلا اعمي وعاجز عن اني احمي مراتي احمي عرضي وطلعنا شقتنا وفيروز جابت مية دافية بقطن وقعدت قدامي وبدات تمسح لي الدم ومش الدم بس اللي كان بينزل مني لا. دة كمان دموعي كانت بتنزل لكني مش هاسكت ولازم اعلمهم الادب البلد دي فيها حكومة وقومت وقفت وقالت لي فيروز

رايح فين
لكني ما ردتش عليها جريت ناحيتي وحاولت انها تحوشني لكني زقتها بعيد عني وخرجت من الشقة وروحت لاقرب قسم لينا ووقفت قدام الظابط النبطشي وكان اسمه حمزه وقولت له
عايز اقدم بلاغ في تلاته. ضربوني واتحرشوا بمراتي الضريرة
قام حمزه. وساعدني اني اقعد لما شاف حالتي. وقال
ومين اللي ماعندوش ضمير وعمل كدة فيك وفي مراتك
قابيل
عزوز احمد عارف وحمادة بكر صفوان ونادي سمير فايز
حمزه
ليلة اهاليهم سوداء. دة افتري يوم ما يتعرضوا ليك
وفي نفس الوقت ومن جوة قصر بكر صفوان كان اخوة حمادة الكبير طارق بكر صفوان علي السفرة بتاعته بيتعشي هو ومراته وولادة. واول ما يدخل حمادة من باب القصر يبص له طارق ويقول
كنت فين
حمادة
كنت مع صحابي. بنذاكر
طارق وهو بيبص لحمادة بطرف عيونه
الله ينور عليك. كنت بتذاكر اية بقي.

حمادة
احياء
طارق وهو لسة بياكل
طيب تعالي عايزك
حمادة وهو رايح ناحية اوضة
عايز انام يا طارق
طارق بصوت مخيف
قولت تعالي
فيترعب حمادة ويروح ناحية طارق واول ما يقف حمادة قدام طارق يمسكة طارق بيد واحدة من مفصل الكوع وهو من اضعف الاماكن في جسم الانسان فيتوجع حمادة ويصرخ من المسكة وطارق بياكل بايدة التانية وهو بيقول
خد في الاحياء اني لو فضلت دايس علي المفصل دة كدة ممكن ينكسر
حمادة
ذراعي هايتكسر. هو انا عملت اية لدة كله

طارق
ضربت اعمي وعاكست مراته العامية وكمان الكلب بتاعك عضة. حصل ولا. لا
حمادة وهو لسة بيتوجع
حصل حصل. سيبي ذراعي بقي
فيسيبة طارق اللي مراته وعياله كانو بيبصو له وهما خايفين وهو بيقول لهم
كمله اكلكم مالكم خايفين لية
ويبص طارق لحمادة اللي كان ماسك ذراعه وبيتوجع ويقول
اللي بنيتة انا وابوك في سنين كتير مش هاخليك تهده بغبائك انا عضو مجلس شعب عن الدايرة اللي انت نازل تعمل فيها بلطجي.
حمادة
واية اللي انا عملته جديد. ما انا طول عمري اللي يقل ادبه عليه اعلمة الادب بالطريقة وانت اللي مربيني علي كدة
طارق
لما اكون داخل علي انتخابات اي قلق يبقي غباء من اللي عمله. وانا بكره الاغبياء.
حمادة
العصفورة اللي نقلت لك اللي حصل ما قالت لكش انه ضربني بالقلم
طارق
ويضربك بالجذمة كمان. كنت عايزة يعمل اية وانت بتتحرش بمراته انا لو مكانه ادفنك حي
حمادة
خلاص يا طارق ملهوش لزوم كتر الكلام

في الوقت دة يرن الموبيل بتاع طارق فيرد
ايوة يا سامح
صوت سامح
في حد اسمه قابيل عامل محضر تعدي في حمادة اخو سيدك
طارق
كمان محضر دي كملت. اقفل يا سامح وانا هاتصرف
وينهي طارق المكالمة ويبص لحمادة،،،،،
وبعدها بكام دقيقة ومن جوة القسم يقف التلاته حمادة وعزوز ونادي قدام الظابط حمزة وكان قاعد قابيل وقدام قابيل يقعد طارق ويقول لقابيل
انا بتاسف لك لتاني مرة. واللي حصل دة مش هايتكرر تاني
قابيل
وانا ما قابلتش اسفك انا اتهنت وكان معايا مراتي في وسط الشارع كله مش هاقبل الا بانه زي ما الاهانه كانت قدام سكان الشارع اعتذارة كمان يكون قدام سكان الشارع
طارق
ما تنساش اني عضو مجلس شعب ودة اخويا واي اهانه لي تعتبر اهانه ليا
قابيل
وهو الاعتذار في حق اللي بنغلط فيهم. بقي اهانه. طيب اسمع بقي هو مش هايعتذر ليا انا وبس دة كمان هايعتذر لمراتي وياما تقبل او ما تقبلش
طارق
لا بقي كدة كتير. ما تتكلم يا حضرة الظابط

حمزة
انا ماليش كلام بعد كلام استاذ قابيل اللي حصل في مش شوية. دة شغل بلطجة. وبدل ما تلوم علي استاذ قابيل انه بيطلب حقة لوم علي اخوك اللي حطك في موقف محرج زي دة
فيبص طارق لحمادة بغضب شديد لدرجة خلت حمادة يخاف وقال طارق
معاك حق اخويا مش متربي ولازم يتربي. وهاننزل الشارع ونعتذر قدام الناس كلها.
وفعلا اعتذروا ليا ولمراتي في وسط الشارع واتنازلت عن المحضر. وساعتها حسيت اني قدرت اجيب حق مراتي ورجعت الشقة مع فيروز. وانا حاسس اني راسي مرفوعه لاني جيبت لها حقها وخدها في حضني وقولت لها
عايزك تعرفي اني طول ما انا فيا الروح ما حدش يقدر يقرب منك وانا ما خدش حقك

وعدي اسبوع بالظبط وكنت في يوم في دار النشر مع اروي بحضر اجتماع يخص التحضير لقصتي الجديدة واتاخرت في الاجتماع دة ورجعت بعد نص الليل ودخلت الشقة وفضلت اندهه علي فيروز وهي ما تردش لغاية
ما وصلت عند اوضة النوم ولقيت الباب مفتوح وصوت فيروز بتعيط دخلت الاوضة وروحت ناحية الصوت وحطيت ايدي علي عليها لكني لقيتها اتنفضت وكانت بتترعش وهدومها مقطعه وفي دم جسمها قولت لها
فيروز في اية
عيطت اكتر واكتر واترمت في حضني وهي بتقول
اغتصبوني
اتصدمت من الكلمة وقولت
مين هما
فيروز
حمادة وعزوز ونادي. التلاتة اللي عاكسوني في الشارع
قابيل بعصبية
ودخلو ازاي الشقة

فيروز
فتحوا الباب ماعرفش ازاي. وافتكرت انك رجعت من الشغل روحت ناحية الباب. هجمهو علية من وراء وقطعوا هدومي وحصل اللي حصل
قابيل
وانتي عرفتي ازاي انما هما
فيروز
شوفتهم
انصدمت من اللي سمعته وقولت لهم
شوفتيهم يعني اية
فيروز بارتباك
اقصد يعني. عرفتهم من صوتهم
قابيل بعصبية
ولاد الكلب. هو احنا فين في غابة انا لازم المرة دي احبسهم. قومي البسي وتعالي معايا علشان اعمل فيهم محضر
وبعدها بكام ساعه كنت جوة القسم ومعايا فيروز وكنا قاعدين مع الظابط حمزة في مكتبه وقدام مننا يقف حمادة وعزوز ونادي ويقعد علي كرسي في اخر المكتب طارق وكان بيقول

باين كدة ان استاذ قابيل خد الموضوع تسلية وكل شوية يتهم اخويا واصحابة بتهمه شكل. بس لازم تعرف اني كنت ذوق معاك المرة اللي فاتت لكن المرة دي هاتشوف وش ما تحبش تشوفه
قابيل
واشمعني اخوك اللي هاحب اتسلي معه
طارق
الله اعلم بقي ممكن مراتك بتتبلي علي هو واصحابه
فيروز بعصبية
انت قليل الادب ومش محترم
طارق لحمزة
ياريت يا حضرة الظابط تسجل الاهانه دي عندك.
حمزة
استاذ طارق لاحظ ان كلام حضرتك من الاول في تلميح مش حلو. ازاي يعني مدام فيروز بتتبلي علي حمادة اخوك واصحابه
طارق
وازاي برضو واحدة عامية. تشوف اللي اغتصوبها
قابيل
عرفتهم من صوتهم
طارق
وانت برضو تصدق الكلام دة

قابيل
تقصد اية
طارق بخبث
استاذ قابيل انت راجل كبير وعاقل اللي هايخش يغتصب واحدة هايبقي فاضي يتكلم برضو. الاغتصاب بيتعمل في حاجات تانية
فغلي الدم في عروقي وقدرت احدد مكان طارق من صوته وقومت وهجمت عليه ومسكته من رقيته لكن حمزه راح بسرعه ناحيتي وساحبني من ذراعي وخلاني ابعد عن طارق وطارق كان بيقول
اظن يا حضرة الظابط اللي بيحصل دة ما ينفعش في مكتبك وانا ممكن اخد حقي منه بس عامل حساب انه اعمي ومش عايز افتري عليه

قابيل بعصبية
انت حيوان وجبان وماتقدرش تعمل حاجة وحق مراتي هاخده منك بالقانون
طارق
مراتك اللي بتضحك عليك ومفهماك انها عمياء زيك وهي بتشوف.
الجملة دي خلتني حرفيا انهار ورجلي ما بقتش شيلاني وطارق بيكمل وبيقول
ايوة بتشوف وياما كانت بتلاغي حمادة اخويا وعايزا يكون ليها. ماهو برضو معها حق لما احط حمادة جنب قابيل كفه حمادة هي اللي تكسب
فيروز
انت كذاب وحيوان واحقر خلق الله
طارق
لا. مش كذاب
وبص طارق لحمزة وقال
لو مش مصدقني هات دكتور يكشف عليها
قابيل لفيروز
فيروز الكلام اللي بسمعه دة حقيقي

فيروز
لا. دة كذاب كذاب
طارق بصوت الشيطان
عيب يا مدام يا محترمه تستغلي اعاقة راجل وتضحكي عليه وتتجوزي علشان هو غني ومعه فلوس
فيروز
اخرس. انت اية شيطان
وفضل الكلام رايح جاي بين كل الموجودين في الاوضة وانا ما بقتش سامع الا جملة انها بتشوف طيب لية ضحكت عليه. المهم ان ساعتها اليوم خلص عند طارق وهو بيقول
وعندي بدل الشاهد خمس شهود ان اخويا واصحابة كانو معايا في الوقت اللي مدام فيروز بتقول في انهم اغتصوبوها
وخرجوا من القسم وقدر طارق يخرج اخو واصحابه ولا كانهم عملو حاجة بالشهادة الزور ورجعت شقتي ومعايا فيروز وقعد في الصاله برة مش مصدق كل اللي حصل وعمال اسال نفسي كذبت عليه لية. لية. وفي وسط كمية الاسئلة اللي في دماغي لقيت صوت فيروز بتقول

عارفة انت بتسال نفسك لية بشوف وعرفتك اني ضريرة. والسؤال دة ملهوش الا اجابة واحدة. علشان بحبك
ما بقتش قادر اصدقها وقولت لها
والحب ازاي يتولد مع الكذب
فيروز وهي بتعيط
انت اللي خلتني اكذب يوم ما قولت انك مش هاتحب ولا هاتتجوز الا واحدة ضريرة زيك. علشان مايجيش اليوم اللي تفكرك في بانها ضحت علشانك ورضيت تعيش معاك وانت ضرير. مش دة كلامك دة الكلام اللي حاولت كتير اخليك تغيرة لكنك ما اتغيرتش. واهو انا قدامك بشوف ومش ضريرة زيك بس بحبك والله العظيم بحبك
قابيل
واية اللي يخليني اصدقك مش ممكن تكوني عملتي كدة علشان تتجوزيني وتتنقلي من العيشة في دار المكفوفين للعيشة في شقة تمليك وفلوس ملهاش اول من اخر.

فيروز
انت شايفني ازاي كدة
قابيل بعصبية
انا ما بشوفش انا اعمي انتي اللي بتشوفي واتعودت من اللي زيك انهم يوم مايشوفو اللي زيي. يادوبك يعدوني شارع وفي اخر المقابلة دي تخلص يا حرام صعبان عليه.
وقال قابيل باعلي صوت عنده
انما اكتر من كدة لا.
فيروز
بس انا حبيتك
قابيل
انتي كذابة

وقومت وسيبت فيروز وراء مني وسمعت صوت عياطها وخرجت من الشقة وهي بتقول باعلي صوت عندها
عارفة انك موجوع بس انا بحبك وهافضل احبك وهاستناك ترجع لي وتجيب لي حقي من اللي اغتصبوني
لكني مشيت وانا مخنوق مش عارف لية عايز اصدقها وفي نفس الوقت عايز اكذبها. معقوله تحب اعمي. ازاي بس ازاي. وعدي يومين بالظبط وقابلتني اروي وقالت لي
هانت عليك فيروز. للدرجة دي
قابيل
انتي عارفة انا بحبها قد اية
اروي
وهي كمان بتحبك. ومن اول مرة شوفتها وانا عارفة انها بتشوف وهي اللي طلبت مني ما قولكش علشان بتحبك ونفسها تكون مراتك. فيروز ما تستاهلش منك كدة
قابيل
تحب اعمي. اصدقها ازاي دي

اروي
تصدقها بقلبك وهي عملت معاك كل اللي يخليك تصدق انها بتحبك. فيروز لو ضاعت منك هاتندم عليها. دي حالتها تصعب علي الكافر. حس بيها وروح لها دة انت سايبها في اكتر وقت هي محتاجك فيها بعد اللي حصل لها
سكت وخد بعضي وروحت الشقة ودخلت وندهت عليها وهي ما بتردش لغاية ما دخلت اوض النوم وفضلت ادور في الاوضة لغاية. ما خبط في جسم متعلق بحبل مدلدل من سقف الاوضة اتصدمت وجيبت كرسي وطلعت لفوق وهنا لقيت فيروز منتحره صرخت باعلي صوتي وخرجت راسها من الحبل اللي شانقها ونزلت بيها وهي في حضني وعمال اقول
لية عملتي كدة لية

لكن وانا بحضنها لقيت ورقة مكتوب فيها بطريقة يعرف يقرها المكفوفين اللي زيي وكان مكتوب في الورقة
دخلو عليه واغتصوبني بدل المرة اتنين وتلاته. وقالو ما حدش هايقدر يمنعنا نعمل فيكي كدة. وكل ما هنحب نيجي ها نيجي. وجوزك اضعف من انه يجيب حقك ولو فكر يقرب مننا هاتكون نهايته. كان لازم اموت علشان احميك منهم وتعيش في سلام. اوعي تزعل مني انا كذبت عليك علشان عايزاك جوزي. بحبك
صرخت باعلي صوت عندي وقولت

وانا كمان بحبك وهافضل احبك وان كنت سيبتك اول مرة من غير ما اخد حقك. المرة دي حقك راجع. وزي ما القانون طلعهم برائة اول مرة. انا هاطلع كل مرة برائة
وحطيت جسم فيروز علي السرير. وانا ناوي اجيب حقها قبل ما ادفنها وروحت ناحية رف القصص بتاعتي وسحبت قصة. بعد نص الليل وبصيت للقصة وفتحتها وهنا كل ليلة ولمدة ساعة اقدر اشوف في الظلمة اللي غيري ما يقدرش يشوفه تلت ليالي بتلت جثث. ،،،،،،،

يتبع ….

لقراءة الفصل التالي : اضغط هنا

لقراءة جميع فصول الرواية اضغط على ( رواية بعد نص الليل )