رواية فلتبقى الفصل الأول 1 بقلم محمد عبدالقوي

رواية فلتبقى الفصل الأول 1 بقلم محمد عبدالقوي

رواية فلتبقى البارت الأول

رواية فلتبقى الجزء الأول

رواية فلتبقى الحلقة الأولى

الرسالة دي جاتلي من رقم غريب، ومكونتش متوقعها خالص الصراحة، سألت مين؟! بس الرقم عمل سين للرسالة ومردش، فكرت في كل الاحتمالات الي كانت ممكنة، بس مقدرتش أوصل لحد معين، أخدت الرقم وكتبته على True caller بس مكنش متسجل ولا استخدم في أي حاجة قبل كده؛ بدون اسم تماما.

بعدها بشوية جاتلي رسالة من نفس الرقم..

– عايز تعرف أنا مين؟!

كنت مستني اللحظة الي تقول فيها اسم أعرفه، فقولت..

– ايوه.

الرقم كان بيكتب، وبعدين لقيت رسالة غريبة اتبعتت..

– أوعدني متخافش؟!

أنا فعلاً خوفت بعد الرسالة، بس بعديها ضحكت وقولت م أكيد بتهزر يعني..

– أوعدك.

وحطيت ايموشن ضحك في الأخر، الرقم بعت ايموشن ابتسامة قبل ما نور الشقة كله يقطع.

ابقى كداب لو قولت إن قلبي مكنش هيقف، وخصوصاً إن كل الي في البيت كانوا خارجين وأنا كنت قاعد لوحدي، حاولت اتغلب على خوفي وكملت كلام معاها عشان أنسى موضوع النور ده، فرفعت الموبايل قدامي وأنا بكتب عشان أبعده شوية بدل ضوءه الي هيعميني ده وكتبت..

– شوفتي الصدفة، اهو النور قطع.

– بس.. دي مش صدفة.

وأنا بقرأ الكلمتين دول ولسه برفع حاجبي تلقائي لمحت حاجة غريبة ورا الموبايل، كيان واقف قدامي، كانت.. كانت واحدة! واحدة واقفة ولابسة فستان، أنا.. أنا أكيد بيتهيألي، بعدت الموبايل براحة عشان أشوفها قدامي، مش شايف ملامح، لكن في واحدة، طولها عادي، شعرها متسرح لورا، وعلى وشها ابتسامة، مش شايف حاجة في وشها غير ابتسامة كانت كافية أموت فيها..

يُتبع ..

• لقراءة الفصل التالي : اضغط هنا
• لقراءة باقي حلقات الرواية اضغط على (رواية فلتبقى)