رواية صدفة غيرت حياتي الفصل السادس 6 بقلم نشوه عادل
رواية صدفة غيرت حياتي الفصل السادس 6 بقلم نشوه عادل
رواية صدفة غيرت حياتي البارت السادس
رواية صدفة غيرت حياتي الجزء السادس
رواية صدفة غيرت حياتي الحلقة السادسة
فى الوقت اللى كان الكل متجمع وبيفطر رن جرس الباب وفتحت زهرة
يونس: مين ي زهرة
زهرة: ده استاذ ادهم ي بيه
يونس: خليه يتفضل
دخل ادهم وهو ابن فتحى الزاهد واحد من اهم الاشخاص اللى بينه وبين يونس صفقات ومن اقوى منافسيه وادهم شاب عمره 27 سنة خريج كلية الطيران وكمان ماسك شغل ابوه ف فترات الاجازة
ادهم: صباح الخير ي جماعة حمدالله ع السلامة ي كنزى انا مصدقتش نفسى لما عرفت انك رجعتى بالسلامة وكنت ناوى اجيلك من امبارح بس قولت اسيبك ترتاحى
كنزى: الله يسلمك شكرا
استغرب ادهم من طريقة كنزى ف الكلام بالعادة هما كانوا اصدقاء مقربين ….. ادهم: العفو ممكن نقعد مع بعض شويه
بصت كنزى لكريم اللى بان ع وشه علامات القلق ورجعت بصت لادهم وابتسمت: اكيد طبعا
خرج ادهم وكنزى للحديقة اما كريم فكان جواه شعورين متنقادين الاول خوف من ادهم يحس ان دى مش كنزى الحقيقية والتانى نار قادت جواه اول ما حس ان فيه راجل تانى مع كنزى او بالاصح مع ميرال
يونس: ها ي كريم طمنى الشغل عامل ايه؟
مردش كريم لانه مسمعش اصلا عيونه كانت ع الحديقة من الزجاج اللى جنبه والغيظ جواه بيكبر وهو شايف ميرال بتضحك مع ادهم محسش غير بايد يونس بيهز كتفه
يونس: كريم انت معايا!
كريم: هه انا اسف ي عمى هو حضرتك كنت بتقول ايه؟
يونس بضحك: اللى واخد عقلك ي ابن يحيى
كريم: ابدا مفيش حاجة ي عمى ما انا كويس اهو
يونس: طيب انا كنت عايز اقولك ع قرار اخدته مهم وهيفرحك اكيد لانك بتلح عليا بقالك فترة ان اعمله
كريم باهتمام: خير ي عمى؟
يونس: انا قررت اعمل العملية عايز ارجع اقف ع رجلى من تانى عايز ارجع لشغلى وحياتى من تانى
هالة بفرحة: بجد يا يونس
يونس: بجد ي قلب يونس ومسك ايدها باسها وهى برضه باست ايده
كريم: احم احم نحن هنا
يونس: هادم اللذات ومفرق الجماعات انت ايه اللى مقعدك مش انت فطرت يالا قوم من هنا طرقنا
كريم بغمزة: ايوة ي عم من حق الكبير يتدلع انا ماشى اهو
قام كريم وسابهم وكانت بالنسبة ليه فرصة يخرج عند ادهم وكنزى اللى كانوا لسه بيتكلموا ويضحكوا
كريم وقعد جنب كنزى: ازيك ي ادهم
ادهم: الحمدلله ي كريم انت عامل ايه
كريم: كويس اهو ايه معندكش شغل النهاردة ولا ايه
ادهم: شامم من ريحة كلامك انك بتطردنى 😂
كريم: شامم لا اتأكد ي اخويا
ادهم: ماشى ي عم انا اصلا كنت قايم عشان بابا رن عليا ومحتاجنى فى شغل يالا سلام بقولك ي كوكو هنتقابل تانى
كنزى بابتسامة: اكيد
وبعد ما مشى ادهم اخد كريم كنزى من ايدها ودخل بيها ع غرفة بالحديقة وزقها بقوة ع الحيطة وحاوطها بايده
كريم بغضب: كان بيقولك ايه مخليكى مسخسخة اوى كده
كنزى: عادى يعنى كان بيهزر معايا
كريم: وانتى تهزرى معاه بأمارة ايه ان شاء الله؟
كنزى: عشان اللى فهمته ان هو وبنت عمك كانوا اصدقاء اوى
كريم: مش اصدقاء وبس ادهم كان بيحبها
كنزى بصدمة: نعممممم بيحبها وسابته وهربت مع غيره
كريم: ما هو معترفش ليها بحبه وهى كانت بتعتبىه صديق وبس قالى ده لما هى هربت وكانت حالته وحشة جدا عشان كده عايزك لو قابلتيه فى اى وقت تتعاملى بقسوة وثبات مش ضحك ومسخرة
كنزى: طب وانت مالك مضايق ليه مش يمكن استلطفه واتجوزه
كريم بنظرة شر: ورحمة امى لو ده حصل لاقتلك ي ميرال
زقته ميرال بعيد وراحت ناحية الباب وبصتله وقالت: انا مش ميرال انا كنزى😉 وسابته ومشت
فى مكان ما مجهول كان فيه شخص قاعد بيتكلم بمنتهى الجدية مع بنت
الشخص: يعنى ايه بيتهرب منك؟
البنت: زى ما بقولك كده مبقاش بيكلمنى ولا بيرد ع تليفوناتى وكل محاولاتى ان اوصله فشلت
الشخص: المعلومات اللى وصلت ليا ان بنت عمه لسه عايشة ومش بس كده رجعت ع البيت كمان عارفة ده معناه ايه؟
بلعت البنت ريقها بخوف: فاهمة بس معنى ان الاسطوانة مش معاها يبقى احنا ف امان
الشخص: او يمكن يكونوا بيلاعبونا من بعيد لبعيد اسمعى انا مش هسمح بأى غلط او ان اى حاجة توقعنى واى غلط منك هيبقى فيه رقبتك
البنت برعشة واضحة ف صوتها: اطمن ي بوص اكيد مش هيبقى فيه اى اغلاط
البوص: من هنا ورايح مهمتك الوحيدة الظابط ازاى معرفش دى شغلتك انتى مش شغلى انا فاهمة
البنت وهى بتقوم: فاهمة بعد اذنك ي باشا
فى شركة الزاهد وصل ادهم وقعد وهو بيتنهد بخنقة
فتحى: مالك فى ايه شكلك مش عاجبنى انت مقابلتش البت
ادهم: لا قابلتها بس مش عارف ليه مش حاسسها
فتحى: مش فاهم
ادهم: يعنى حاسس انى بتعامل مع واحدة تانية مش كنزى اللى اعرفها وحبيتها
فتحى: ايه بيخليك تقول كده؟
ادهم: مش عارف ي بابا اسلوبها وطريقة كلامها متغير جدا وكمان كريم كان فيه حاجة غريبة مكنش عايزنا نبقى لوحدنا وقاعد لينا زى قرد قطع
فتحى: عايز تقول ايه ان كريم حبها كده فجأة ولا ان دى مش بنت يونس
ادهم: مش عارف حاسس ان فيه حاجة غلط
فتحى: بقولك ايه انا ميهمنيش الهبل ده كله انا كل اللى يهمنى ان جوازك من البت دى يتم دى هتبقى اهم واكبر صفقة ف حياتى شغلى مع ابوها هيزيد واسمى هيكبر اكتر
ادهم بعصبية: ي بابا انا سبق وقولتلك خرجنى من حيات شغلك دى خالص وقولتلك انى هتجوز كنزى عشان بحبها مش لانها صفقة رابحة لشغل حضرتك دى بنى ادمة مش سلعة تتاجر فيها عن اذنك
خرج ادهم وهو متعصب من مكتب ابوه وراح ع المكان الخاص اللى كان دايما بيقابل فيه كنزى وغمض عيونه وابتدى يفتكر ذكرياتهم مع بعض
عند كريم اللى كان قاعد ف البيت وفجأة جاله اتصال واول ما شاف الرقم اتوتر وكان ……………………………….
الاحداث كتير والمفاجأت الجاية ف البارتات الجديدة اكبر هتغير افكاركم بالكامل وهتقلب الرواية رأس ع عقب وشكرا ان الريتش ع الرواية رجع زاد تانى ❤
*****ولسه الجاى دمار بحروف وكلمات من نار 🔥*****
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية صدفة غيرت حياتي)