رواية وللنصيب رأي أخر كاملة بقلم علي محمد (جميع الفصول)

ابطال وشخصيات رواية

وللنصيب راي اخر ????

خلود 22 سنه محجبه وجميله بتدرس في 4 كلية تربيه محبوبه من الكل

محمود الاخ الاكبر لخلود. 26سنه خريج كليه تربية رياضيه

كريم : الاخ الاصغر لخلود.4 سنين خفيف الدم مشاكس

المهندس مصطفي والد خلود 45 سنه

مدام. سحر والدة خلود 43 سنه ربة

علا 22سنه منتقبه جميلة جدا حافظه لكتاب الله

ومحبوبه من الجميع بتدرس في الفرقه الرابعه بكلية الاداب

شمس الاخت الاصغر لعلا تدرس في الصف الثالث الثانوي

زين الاخ الاكبر خريج. كلية التجارة يعمل كمحاسب في احدي شركات الادويه

مدام ليلي: والدة علا 40سنه تعمل ربة منزل

الحاج حسين والد علا يعمل في عطارته

نغم جميله جدا محجبه حجاب خفيف تدرس في الفرقه الثالثه كلية السياحه والفنادق

ادم الاخ الاكبر لنغم خريج كلية تجارة انجلش يعمل كمحاسب في احدي شركات والده

مدام ياسمين: والدة نغم 45 سنه تعمل مدرسه. في مدرسه خاصه

عبير: غير محجبه.تعشق الموضه19 تدرس في الفرقه الاولي بكلية العلوم

شروق:الاخت الاكبر لعبير مطلقه ولديها ابنة صغيرة تدعي لوجين

جاسر:الاخ الاصغر لعبير 4 سنين

استاذ شاكر :والد عبير 50 سنه لديه محل ملابس رجالي

مدام.هند: والدة عبير 45 سنه تعمل ربة منزل

ابطال اخري

حازم: 22.سنه يدرس في كلية الاداب عين شمس

حمزة: خريج هندسه عين شمس يعمل دليفري في احدي المطاعم. مؤقتااا.

حسام.: 28 سنه يعمل محاسب في احدي البنوك

طارق 22 سنه يدرس في الفرقه الرابعه كلية التربيه

محمد: خريج.كلية طب جامعة عين شمس يعمل كطبيب بشري في احدي المستشفياات ملتزم متدين مرح محبوب من الكل

سلمي: الاخت الاصغر لمحمد في الصف الثالث الثانوي

عمر 19 سنه يدرس في كلية اداب ويعمل في محل للهواتف المحموله بعد الجامعه

و فيه

شخصيات تانيه هتظهر معاناااا هنتعرف عليها من الروايه.. ????

✍️ علي محمد

كل يوم الساعة 10 م كونوا بالقرب

رواية

وللنصيب راي اخر

الحلقه الاولى

مقدمة:

لا احد يستطيع ان يملك مشاعره والوقوع في الحب امر ليس بمستحيل فالحب ياتي علي غير ميعااد فيحبنا اشخاص ونقع في حب اخرين لكن للنصيب راي اخر

امام احدي الكليات بجامعة عين شمس ولاسيما كلية التربيه تقف مجموعه من الفتيات يتبادلون الحديث فتقترب منهم صديقة اخري لهم مبتسمه قائلة

صباح الخير يابنات

الفتيات: صباح الخير ياخلود.

خلود: مالك يا سمر مبرقالي كده ليه

سمر: بغيظ بصراحه كده مغلوله منك اوي ياخلود

خلود: باستغراب مغلوله مني ليه انا عملتلك ايه

سمر: مشيرة لندا قولياها انتي ياندا عشان انا معنديش خلق للبت دي

ندا: صلوا علي النبي ياجماعه مش كده

خلود: بعصبيه هو فيه ايه بالظبط. ياسمر

سمر: حضرتك كنتي واقفه مع طارق ليه مش ده اللي اول امبارح ورينهولك واقف مع بنت عند اداب

خلود: يعني هو ده كل اللي مدايقك مني

سمر: اه يا ست خلود. ولولا انك. اختي مش بس صحبتي انا مكنتش هدخل اصلا ولا ازعل انك. عملتي حاجه زي كده

ندي: بصراحه كده يا خلود. سمر معاها حق وخايفه عليكي من اللي اسمه طارق ده

خلود: بس طارق بيحبني وهيتقدملي يا سمر

سمر: يااه هو لسه. بيضحك عليكي بالنغمه الكدابه دي يا بنتي فوقي احنا اهو بقينا في رابعه وهو من سنه تانيه وهو بيقولك كده

خلود: قصدك يعني طارق بيضحك علياا

ندا: وليه لاااا

خلود: بخوف يعني ايه……

سمر: يعني تقوليله ييجي ويتقدملك ولو بيحبك بجد هيوافق ولو موافقش… يبقي البيه بيتسلي بيكي

خلود: بخوف وتوتر خلاص ماشي هكلمه وهشوف رد فعله ايه!!!

*****************

داخل احدي المطاعم

تجلس نغم برفقة صديقتهااا المفضله وبعد لحظات اقبل الويتر قائلا

اهلا وسهلا يافندم طلباتكم ايه

نغم: ممكن منيو لو سمحت

الويتر: اتفضلي يافندم

بعد. لحظات

نغم: لو سمحت هاتلنا شاورما ولا مش هتاكلي شاورما يانورهان

نورهان: وهي تنظر الي الويتر من تحت لفوق بقولك ايه يا

الويتر: بهدوء بشمهندس حمزة يا انسه اؤمري

نغم: باندهاش وصوت منخفض بشمهندس

نورهان: بسخريه طب يا بشمهندس اتفضل هاتلنا الحاجه اللي طلبناهاااا

حمزة: بهدوء ماشي يافندم دقيقتين والطلبات هتنزلكم

نغم: ميرسي جدا

نورهان: انتي سمعتي قال ايه. بشمهندس انتي مصدقه اللي قاله ده

نغم: وما اصدقش ليه فيها ايه شاب مجتهد وبيشتغل اي شغلانه احسن من قعدته

نورهان: يابنتي انتي هتجننيني ازاي بشمهندس وشغال ويتر في مطعم ما اشتغلش ليه بشهادته

حمزة: بعد. ان قدم لهم الطلبات اسف بس عاوز اقول للانسه حاجه اولا انا مش الويتر انا شغال دليفري بس لما الاستاذة شاورتلي انا جتلها من باب الذوق ثانيا بقي ده كارنيه النقابه يعني انا مش. بكدب علي حضرتك. وعارف انك مستغربه انا ازاي بشمهندس وشغال في مطعم ومش شغال بشهادتي…. محدش في مصر كلها يا انسه بيشتغل بشهادته واحسن اشتغل ولا اقعد كده.عاطل من غير شغل استني اشتغل بشهادتي اسف اني ازعجتكم عن اذنكم عشان معايا اوردر

نغم: بابتسامة خفيفه اتفضل

نورهان:بخجل هو انا احرجته مش كده

نغم: عادتك ولا هتشتريها

نورهان: حاسه. اني شفت الواد قبل كده. بس مش عارفه فين

نغم: انتي مركزة معاه ليه اوي كده كلي وانتي ساكته

نورهان: بصراحه كده الواد. قمر هههههه

نغم: باستغراب انتي كمان هتعاكسيه اطفحي وانتي ساكته خلينا نمشي

نورهان: اوكي

نغم: محادثه نفسها مش عارفه ليه حاسه ان انا كمان شفت حمزة ده قبل كده بس فين فين مش فاكره!!!

****************

داخل منزل الحاج حسين والد علا انتظرت علا انتهاء الاذان ثم اتجهت للميضاءة لتتوضا استعداد لصلاة المغرب فتستوقفها شقيقتها الصغرب شمس قائلة

علا علا

علا: بقلق في ايه يا شمس

شمس: ببرود اعصاب المسلسل التركي اللي كلمتك. عنه امبارح اول حلقه هتتزاع النهارده

علا: باستياء حرام. عليكي قلقتيني مسلسل ايه يا شمس المسلسلات الهندي والتركي دي معموله مخصوص عشان تفسد اخلاق. بناتنا وشبابناا

شمس: باستغراب ازاي ده ده مصر كلها بتحب المسلسلات دي ومحدش قال كده غيرك انتي

علا: هفهمك. بس استني اصلي المغرب عشان مينفعش ااخر صلاتي اكتر من كده وانتي كمان يلا عشان تصلي ولا مش هتصلي

شمس: بخجل لا لا هصلي بس مش دلوقتي

علا: اومال امتا شمس يا حبيبتي مينفعش تاخري صلاتك بدون عذر كله الا الصلاة لازم. تصليها في وقتها ومتاخريهااش عشان ربنا مياخرش عليكي اي حاجه نفسك فيها وبتحبيهااا

شمس: خلاص والله هقوم اصلي

ذهبت علا لتتوضاا بينما همت شمس باشعال التلفزيون لكن استوقفها رنين. جرس الباب فذهبت لتفتحه

الام. من الداخل: افتحي الباب لبابا يا شمس

شمس: حاضر ياماما

الحاج حسين: بعد ان دخل السلام عليكم

شمس: وعليكم السلام يابابا

الحاج حسين: اومال علا فين

شمس: بتصلي المغرب

مدام. ليلي: احضرلك الغدا يا حاج

الحاج حسين: لما زين يرجع عشان نتغدا كلنااا

مدام ليلي: طب تعالي معايا ياشمس المطبخ عشان هنحضر الغدا لابوكي واخوكي

شمس: زافرة يوه ياماما انا عاوزه اتفرج علي المسلسل مستنياه من امبارح

علا: بعد ان. انهت صلاتها ازيك. يابابا

الحاج حسين: الحمد لله ازيك. انتي يا علا يا بنتي

علا: الحمد لله

شمس: اهي علا خلصت صلاة خديها معاكي يا ماما انا هتفرج علي المسلسل

علا: يادي المسلسلات اللي كلت دماغك دي

مدام ليلي: معلش ياعلا يا بنتي تعالي معايا

علا: حاضر. يا ماما لما نشوف اخرتها مع ست شمس دي هي ومسلسلاتها اللي هتوديها في داهيه دي!!!

*************

داخل منزل الاستاذ شاكر والد عبير

تجلس شروق بصحبة ابنتها لوجين امام التلفاز تشاهد. احدي البرامج الدينيه فيقطع تركيزها دخول اخيها الاصغر جاسر قائلا

يا شيوق(شروق) عاوز اتفيج (اتفرج) علي الكيتون(الكارتون)

شروق: جاسر تعالي ياقلب اختك هجبلك الكارتون تتفرج عليه انت ولوجي بس متتشاقوش عشان ماما متدايقش منكم

جاسر: ببراءة ماشي

بعد. لحظات رجعت عبير من الخارج ترتدي ثيابا ضيقاا قد اظهر مفاتنها مما لفت انتباه اختها شروق والتي خاطبتها قائلة؛: بعصبيه انتي خرجتي كده

عبير: انتي بتزعقيلي كده ليه اه خرجت كده. فيها ايه.

شروق: زافرة فيها انك. بتقولي للي رايح واللي جاي تعالي اتفرج مينفعش اللي انتي بتعمليه ده يا ست عبير انتي مش صغيره

مدام هند: من الداخل فيه ايه يابنات صوتكم عالي ليه

شروق: تعالي هنا ثواني ياماما

مدام هند: في ايه صوتكم عالي ليه انتي واختك

شروق: اتفرجي علي اللي بنتك كانت لابساه النهارده وراحت بيه الجامعه

عبير: انا حره البس اللي انا عايزاه محدش ليه دعوة البس ايه وما البسش ايه وبعدين البنات كلها في الجامعه بتلبس كده مجتش عليا انا يعني

جاسر: وطوا صوتكم مش عايف (عارف- اتفيج (اتفرج) علي حاجه

مدام هند: بلامبالاة هي عبير كبرت اوي لكده يا شروق سبيها يا بنتي براحتهااا

شروق: باستياء تكبر ايه تاني عن كده يا ماما عبير في اولي جامعه يعني مش صغيرة وبعدين انتي ازاي اصلا انتي وبابا تسبوهااا تخرج. كده

عبير: بقولك. ايه ياست شروق فكك مني ولا انتي مش فالحه غير تتشطري عليا انااا كنت اتشطرتي علي جوزك اللي رماكي انتي وبنتك ومسالش فيكم

مدام. هند: امشي ادخلي اوضتك. ياقليلة الادب ازاي تكلمي اختك. بالطريقه دي

شروق: بعد ان اخفت دموعها هو مرمنيش انا وبنتي انا اللي طلبت الطلاق منه لما لاقيته بتاع ستات ومش بيصلي قلت واحد بعيد عن ربنا ما اطمنش علي حياتي معاه انا وبنتي وما عملتش كده علي طول انا نصحته مره واتنين وعشرة والف لحد ما لاقيته اللي فيه فيه ووصلت انه. يمد ايده علياااا

ثم. اخذت بنتها ودخلت غرفتهااا وهي تبكي

مدام هند: اجري صالحي اختك

عبير: هوووف ماشي ياماما

***************

داخل أحدي المستشفيات الخاصه يجلس دكتور محمد بغرفة الاطباء فتاتي اليه احدي الممرضات قائلة

دكتور محمد بعد اذن حضرتك فيه انسه بره عايزه تقابلك. ضروري

دكتور محمد: بعد.ان.خلع البالطو وقام بتعليقه مريضه. يعني ولا ايه يا سارة

سارة: لا يادكتور مش مريضه

دكتور محمد: طب خليها تتفضل

سارة: حاضر يادكتور

بعد. لحظات اتت سارة بصحبه الفتاة قائلة اتفضلي يا انسه. الدكتور في انتظارك

دكتور محمد: بابتسامه اتفضلي يا انسه اقعدي

الفتاة: متشكرة يا دكتور

دكتور محمد:. اتفضلي عاوزه ايه

الفتاة: بخجل وحزن انا عاوزاك. تلحق ماما يا دكتور عندها القلب وهي تعبانه جدا وبتوع الاستقبال مش. عايزين يدخلوها المستشفي عشان…

دكتور محمد: لنفسه فهمت خلاص يا انسه متقلقيش ان شاءالله والدتك هتدخل دلوقتي استنيني هنااا

الفتاة: بفرح. بجد يا دكتور

دكتور محمد: ان شاءالله

بعد. لحظات اخرج هاتفه وقام بالاتصال بموظف الاستقبال والذي اجابه قائلا

ايوة يا دكتور محمد

دكتور محمد: عندك حالة مريضه. قلب باسم هي والدتك اسمها ايه

الفتاة؛: مريم محمد منصور

دكتور محمد: باسم مريم محمد منصور

موظف الاستقبال: اه يادكتور محجوزة بره عشان حضرتك عارف ان دي تعليمات المستشفي

دكتور محمد: طب دخلها علي العمليات بسرعه

موظف الاستقبال: ايوة يافندم بس مين هيدفع مصاريف العمليه ادخلها وعلي مسئوليتك

دكتور محمد: اه دخلها انا هتكفل بمصاريف العمليه بسرعه يلا عشان دي مريضه قلب

موظف الاستقبال: ماشي يادكتور مع السلامه

الفتاة: بفرح. انا مش عارفه اشكرك. ازي يا دكتور محمد. ربنا يارب يباركلنا فيك.

دكتور محمد: الشكر لله انا معملتش حاجه يعني لكل ده

ساره: خدي نسرين وجهزوا اوضه العمليات بسرعه

ساره: حاضر يادكتور

دكتور محمد: عن. اذنك يا انسه

الفتاة: ربنا يخليك يارب يادكتور محمد ويجازيك خير علي كل اللي بتعمله

***************

يجلس طارق بصحبة احد. اصدقائه داخل احدي الكافيهات يتبادلون الحديث والضحكات

صديقه: طارق انت حقيقي بتحب البت خلود دي ولا بتقضيلك. معاها يومين وخلاص

طارق: ههههههه حب والله ضحكتني يا ابني انا مليش في الحب ولا الكلام. الفارغ ده انا بس بعيشلي يومين معاهااا مش اكتر

صديقه: بضحكه شيطانيه. يخرب بيت دماغك والله انت برنس

طارق: بس انت عارف يامروان خلود دي برضو ليها معامله خاصه يعني مش زي كل البنات اللي اعرفها

مروان: باستغراب ياعم انت محدش عارف يمسكم منين بتحبها ولا بتقضي وقت وخلاص

طارق: الاتنين

مروان:ياعم انت عاوز تجنني معاك ازاي ده

طارق: يعني بحبها تكون ليا لوحدي وفي نفس الوقت مش بفكر فيها كزوجه وكده. فهمت ياسطاا ولا البعيد مبيفهمش

مروان: طب مادام مش بتحبها ليه معلقها بيك وبتخليها ترفض كل الناس اللي بتتقدملها سبها ياعم تشوف نصيبها حرام عليك

طارق: ولا متعمليش فيها شيخ متبوظش السيجارة اللي لسه ضاربهااا

مروان: انا نفسي اعرف انت بتفكر في ايه

طارق: اللي انا بفكر فيه ده هينقلني نقله تانيه خالص وهوصله يعني هوصله وبكره هتشوف

مروان: ما تريحني وتقولي بتفكر في ايه!!!

طارق: مش دلوقتي هتعرف كل حاجه لما ييجي وقتهااا

*****************

✍️ علي محمد

رواية

وللنصيب راي اخر

#الحلقة الثانية

مر الليل سريعااا واقتربت الساعه من الحادية عشر صباحا وداخل جامعة عين شمس ولاسيما كلية التربية تجلس خلود برفقة صديقاتها ندي وسمر يتبادلون الحديث

سمر: هفضل افهم. فيكي لحد. امتا ياخلود

ندي: هههه يا بنتي انتوا الاتنين دايما كده ناقر ونقير

خلود: قصدك. ايه. ياست سمر انا مبفهمش يعني

سمر: يا حبيبتي متبقيش ساذجه بطلي الطيبه اللي فيكي دي اللي هتوديكي في داهيه حب ايه اللي بتتكلمه عنه هو اي حد يقولك كلمتين كده تصدقيه طارق بيتسلي ياماما

ندي: بعد ان رات طارق قادم من بعيد احم ده شكله جه علي السيرة

سمر:. بعد ان نظرتله باستياء عن. اذنك. ياخلود نتقابل بعد المحاضرة

طارق: بعد ان بادلها نظرة الاستياء صباح الخير ياحبيبتي

سمر: بصوت منخفض حبك برص هو الليزيك يعرف يحب

خلود: صباح الخير ياطارق اقعد كويس انك جيت عشان عاوزه اتكلم. معاك قبل المحاضرة ما تبدا

طارق: قوليلي بس هي صحبتك دي مالها زي ما يكون. شافت عفريت بتبصلي بقرف كده ليه

خلود: وانت مركز معاها كده ليه ركز في اللي هقولهولك ده

طارق: بصراحه كده ياخلود انا مش برتاح. لصحبتك دي لانها بني ادمه مستفزة

خلود: بزعل طارق لاحظ ان اللي بتتكلم عليها دي صحبتي ممكن بقي تسبني اتكلم

طارق: ماشي ياخلود اتكلمي سامعك اهو

خلود: طارق انت فعلا بتحبني بجد

طارق: بخبث ايه السؤال العبيط ده.

خلود: بهدوء معلش خدني علي قد عقلي وجاوب علي السؤال

طارق: اه ياخلود. بحبك

خلود: تمام ممكن بقي تقولي ايه اللي مانعك من انك تتقدملي ليه كل ما اقولك كلم بابا واطلبني منه دايما بتتهرب وبتقولي ان ظروفك مش هتسمح والنغمه الكدابه دي

طارق: لنفسه انتي قعدتي مع سمر عشان كده بقي سين وجيم علي الصبح

خلود: انت مبتردش ليه انا بكلمك. علي فكره

طارق: ياحبيبتي انتي عارفه. انا بحبك. قد ايه وانتي ايه بالنسبالي انا بس مستني اظبط اموري في البيت وبعدها هاجي واطلب ايديكي علي طول

خلود: ماشي يا طارق يكون في علمك اخري واخرك الترم ده انا رفضت ناس كتير اووي عشانك وكلهم ميترفضوش وده لاني بحبك وانت من سنه تانيه وانت بتوعدني انك. هتتقدملي ومش شايفه اي حاجه من الوعود دي….

طارق:بدهاء هانت ياحبيبتي خلاص الترم قرب يخلص اهوو ونتخرج وكل حاجه هتبقي تمام

خلود: ماشي لما اشوف اخرتها معاك يا سي طارق وبعدين تعالي هنا صح مين البنت اللي كنت واقف معاها اول امبارح عند اداب دي

طارق: بكدب دي سهام.بنت خالتي اللي كلمتك عنها قبل كده

خلود: عارف سمر كانت متغاظه منك اوي ليه كده عشان هي اللي شافتك واقف معاها وجت قالتلي

طارق: ايوة وهي مالها ومالنا اصلا

خلود:مالها ازاي مش صحبتي وخايفه علياا

طارق: طب اطمني وقوليلها تطمن دي لنت خالتي

خلود: ماشي هبقي اقولها عشان بس متاخدش عنك فكرة مش كويسه

طارق: بخبث انا مش عارف البت دي حطاني في دماغها ليه كل ده عشان صدتها وحبيتك انتي

خلود.: بدهشه صدتها ازاي مش فاهمه

طارق: هقولك بعدين مش دلوقتي

خلود: هوووف ماشي عن. اذنك بقي عشان المحاضرة هتبداااا

طارق: بعد ان تركها ترحل محدش قلب الدنيا كلها فوق دماغي غير سمر بس علي مين ده. انا طارق ان ما ندمتك. ياسمر… ما ابقاش اناااا

********************””

امام. كلية الاداب بجامعة عين. شمس يقف حازم برفقة احد اصدقائه يقومون. بمضايقة الفتيات ومغازلتهن فيخاطب حازم صديقه قائلا

اوبااااا شايف البنت اللي داخله علينا دي يا باسم

باسم: يا ابني ارحم نفسك دي عاشر بنت تعاكسها من ساعة ما جينااااا

حازم: ههههه يا ابني وهو احنا يعني جايبين الجامعه نعمل ايه نحضر ماجستير

باسم: بتوتر كبسه يامعلم

حازم: بقلق مين العميد ولا ايه

باسم: لا ياخفيف دي علا صاحبة مريم خطيبتي

حازم: هي فين دي ياعم انا مش شايف حد

باسم: متبصش عشان انت كده هتفضحنا وهتخليها تاخد بالها

حازم: بسخريه ههههه انت قصدك علي المنتقبه دي اللي حاطه خيمه فوق دماغها

باسم:. خيمه ياعم ده نقاب انت كمان هتتريق علي المنتقباات

حازم: لعلمك. انا اكتر ناس بيستفزوني اللي لابسين نقاب دول

باسم: مستغرباا بيستفزوك ليه

حازم: لانهم. بيفكروا برجعيه ومتخلفين ياعم البنات دلوقتي بقت تلبس علي الموضه وكل واحده بتتسابق عشان تظهر جمالها وهما كول الوقت متخبيين ورا الخيمه اللي حاطينها فوق دماغهم دي

باسم: خيمه برضو يا ابني ده كده. بتعف نفسها عن الحرام بطل انت تفكيرك الرجعي المتخلف ده

حازم: بص يا باسم هي دي فكرتي عن كل واحده بتلبس نقاب ومش هغيرهاااا لان انا مبيعجبنيش غير البنت المودرن دي اللي هي بتهتم بجمالها ولبسها واي بنت لابسه نقاب بتبقي معندهاش ثقه في نفسهاا فبتداري عيوبها وراه

باسم:عيوبها انت واعي لكلامك ده. انت واخد عن الناس دي فكرة غلط خالص الناس دي اجمل مما تتصور بس فيه فرق ما بين واحده محافظه علي نفسها وعلي اهلها وواحده تانيه مش بتخاف علي نفسها ولا علي اهل بيتهااا ولا عامله حساب لربنا وبعدين انت حر في وجهة نظرك بس بلاش تتريق علي النقاب او المنتقبين مره تانيه…

حازم: انت قلبتلي فيها حازم شومان وداعيه اسلامي يعني مره واحده انت مش من دقيفتين كنت واقف تعاكس معايا

باسم: انا مش شيخ ولا داعيه بس دي كلمة حق بلاش يا حازم تحارب الناس العفيفه اللي زي دول…..

حازم: طب قابل خطيبتك واقفه هناك اهي تقريبا مستنياك انا همشي بقي

باسم: خلاص ع اتصال بقي

**********************”

تجلس نغم في منزلهم. تقرا في أحدي الروايات وامامها قهوتها المفضله فيشتت تركيزهاا رنين جرس المنزل

مدام ياسمين: من الداخل شوفي مين. يا نغم.

نغم: اوكي ياماما

اقتربت نغم. من الباب ثم بعد. ان فتحته خاطبها احدهم. قائلا

مساء الخير يافندم

نغم: بزهول وصوت منخفض معقوله حمزة!!!

الشخص القادم: بابتسامة مساء الخير يافندم الاوردر اللي استاذ ادم طلبه

نغم: ماشي ميرسي جدا الحساب كام.

حمزة: بهدوء عند. حضرتك في الفاتورة

نغم: بابتسامة مخفيه طب لحظه

حمزة: اتفضلي يا فندم

نغم: لنفسها ايه الصدفه العجيبه دي انا مش مصدقه

حمزة: لنفسه معقوله ده نفس البنت بتاعة امبارح غريبه اوي

بعد. لحظات….

نغم: اتفضل متشكرة

حمزة: العفو يافندم تحت امرك

اغلقت نغم الباب وهي تحادث نفسهااا دي تاني مره اشوف حمزة فيهااا بس مش فاكرة برضو المرة الاولي شفته فين… ثم. انا مالي شاغله نفسي كده…… ولم تفق الا علي صوت اخيها الاكبر ادم قائلا

نغم!! مين اللي كان بيرن الجرس

نغم: ده بتاع الدليفري

ادم: اه هو جاب الاوردر طب كويس حطيه عندك وتعالي عشان عايز اتكلم معاكي في موضوع خاص شويه

نغم: باستغراب موضوع خاص موضوع ايه ده!!!

**********************

داخل إحدي الحدائق العامه تلاعب شروق ابنتها لوجين واخيها الاصغر جاسر فتخاطب لوجين والدتها قائلة

ماما ممكن اروح العب انا وجاسر مع البنات اللي هناك دول

شروق: لا ياحبيبتي مينفعش انا هلعب معاكم.واي حاجه هتعوزوها عشان انتوا شاطرين وبتسمعوا الكلام هجبهالكم

جاسر من فوق المرجيحه: متخافيش يا شيوق (شروق) مش هنيوح (بعيد)

شروق: لا يعني لا يا جاسر

لوجين: ببراءة بليز يامامي بقي

شروق: بعد لحظات من التفكير ماشي بس شويه وترجعوا بسرعه

لوجين: هيييه ماشي يا احلي مامي بحبك اوي

نزل جاسر ولوجين من فوق الارجوحه وذهبوا مسرعين كالبرق تحت مراقبة شروق لهم الي. ان خاطب شروق شخص ما خلفها قائلا

شروق ده ايه. الصدفه الجميله دي

شروق التفتت للوراء قائلة: ايه ده خالو محمود فعلا ايه الصدفه. الجميله دي

محمود: انتي هنا انتي ومين

شروق: انا ولوجين بنتي وجاسر عمالين يزنوا علي دماغي عشان يخرجوا فقلت اما ا خرجهم محمود: اومال هما فين يعني مش شايفهن

شروق: بيلعبوا هناك مع الاطفال اهم

لحظه ياخالو يا جاسر جاسر

جاسر من بعيد: ايه يا شيوق (شروق)

شروق: هات لوجي وتعالي يلا عشان خالو محمود عاوز يسلم عليكم

جاسر: ماشي بس مش عايف (عارف) لوجي راحت فين

شروق: بفزع بنتي!!!!

محمود: في ايه يا بنتي مالك

شروق: بخوف لوجين يا خالو كانت بتلعب مع العيال واختفت

محمود: بقلق اختفت يعني ايه تلاقيها هنا ولا هنا هتكون راحت فين يعني!!!!

علي الناحيه المقابلة من الحديقه

تقوم. لوجين بالبحث عن والدتها فتصدم باحد الاشخاص فيقع الايس كريم الخاص بها علي الارض قائلة

مش تفتح. يا استاذ

الشخص: بابتسامة انا برضو اللي افتح شكلك. كده بنوته غلباويه

لوجين: تقدر تقولي هاكله ازاي انا بقي دلوقتي من الارض

الشخص: بزهول هجبلك. غيره بس قوليلي انتي اسمك ايه وبتدوري علي مين

لوجين: وهي تضع يدها في وسطها هو تحقيق ولا ايه

الشخص: هههههه ميبقاش لسانك. اطول منك انا عاوز اساعدك

لوجين: وهي مبرقه انا اسمي لوجي وبدور علي ماما وانت اسمك ايه

الشخص: انا اونكل زين ويلا تعالي عشان. هرجعك لمامتك

لوجين: استني متضحكش عليا والايس كريم

زين: هشتريلك غيره اتفقنا ياستي

لوجين: اتفقنااا

زين: لنفسه مين البنوته اللي زي القمر دي وايه حكايتها بالظبط يارب بس نلاقي امها عشان انا اكتر حاجه بتدايقني وبتسفزني الستات المهمله دي!!!

***************

داخل منزل الحاج سعيد خال عبير

تتعالي الاصوات ولاسيما صوت عمر الابن الاكبر قائلا

قلتلك ياماما مليون مره قبل كده. انا بحب عبير بنت عمتي ومش هتجوز. غيرها فانسي حكاية فاتن بنت اختك دي خالص

سلوي: يا ابني مالها بس فاتن بنت خالتك متعلمه زيك. وجميله ومفهاش حاجه تتعيب

عمر: فاتن زي القمر ما قلتش حاجه بس انا بعتبرها اختي عمري ما فكرت فيها في يوم من الايام انها تبقي خطيبتي او حتي مراتي

سعيد.: سبيها علي رحته يا سلوي دي حياته وهو حر فيها يختار البنت اللي تعجبه

سلوي: انتوا حرين بقي مع بعض انت وابنك انا بدور علي مصلحته بس هو اللي مش عايز

عمر: وانا ياماما مصلحتي مع عبير لاني بحبها من واحنا صغيرين وعمري ما فكرت في بنت تانيه غيرهاااا

سلوي: والله يا ابني انت حر انا هتعب نفسي معاك ليه اللي انت شايفه صح اعمله

عمر: متشكر يا ماما عن اذنكم. بقي انا خارج

سعيد: رايح فين يا عمر

عمر: رايح اشوف شروق بنت عمتي عشان كانت عاوزاني

سعيد: ماشي ابقي سلملي علي عمتك وولادهااا

عمر: حاضر يابابا

اغلق عمر الباب خلفه بينما حادثت والدته نفسها قائلة والله عال ياهند. قدرتي تضحكي علي الواد وتكرهيه في بنت خالته عشان بنتك بس علي مين انا وراكي والزمن طويل!!!

******************

داخل احدي المكاتب الهندسيه يتشاجر البشمهندس سامي مع احدي المهندسين. قائلا

انت انسان مهمل في شغلك وده خامس زبون ييجي ويشتكيلي منك اسمع يا نادر المكتب ده انا وارثه عن جدك الله. يرحمه ولما وافقت اعينك هنا واشغلك معايااا ده عشان انت ابن اخويااا وماجد. الله يرحمه وصاني عليك انت وامك واخواتك البنات بس انت شكلك كده ناوي تخسرنا زباين مهمه اوووي باهمالك ده

نادر: انا مش شغال عند. حد المكتب ده زي ما حضرتك ليك. فيه بابا كمان ليه فيه يعني حكاية اني شغال معاك دي انساها خالص

بشمهندس سامي: قصدك ايه

نادر: قصدي انت عارفه كويس يا بشمهندس عن اذنك

سامي: بعصبيه مشيرا له انت كده اتعديت حدودك معايا واتفضل انت مرفود

ذهب نادر غاضباا وصفع الباب خلفه بقوة قائلا لنفسه قال وافقت اشغلك قال انت بتضحك. علي نفسك ولا علي مين بكره هتشوف المكتب ده هيكون باسم مين ومين اللي هيطرد التاني!؛!

✍️ علي محمد

تلاشي الليل سريع وفي تمام. العاشرة صباحاا تمشي عبير بملابسها الضيقه التي تسببت في معاكستها وشجارهاا امام كلية التربية

احد. الشباب مغازلا لها: ايه يا جامد

عبير: بغيظ اووف هو انا كل ما امشي في مكان اتعاكس ده. ايه القرف ده

احد. الشباب: انت تقلان علينا ليه ياجميل

في تلك. اللحظه كان يقف طارق مستندا علي أحدي السيارات ويشاهد ما يحدث فراوده فكره الشيطاني ان يذهب ويدافع عنهااا متقمصااا دور بطولي من اجل ان يكسب قبولهااا

احد الشباب: ايه يا جميل هتفضل كده كتير

طارق: بعد ان اقترب منه بقولك ايه ياشبح انت عارف اللي انت بتعاكسها دي تبقي مين

الشاب: بخوف وانت مالك

طارق:بسخريه مالي في جيبي ياخفيف

الشاب: بسخريه ايضاا ما انت حلو اهوو وبتستظرف

طارق: بغيظ شديد وبعرف كمان اقل من اللي زيك تحب تشوف

صفعه.طارق علي وجهه

الشاب:بعد.تلقي الضربه علي وجهه بادله الصفعه قائلا انت بتضربني انا بالقلم انا هوريك

طارق: توري مين يلا ده انت بوق ع الفاضي ثم توالي عليه بالضرب الي ان قام البعض بتخليصه من يده بصعوبه واخذوه بعيد عنه

عبير: انا اسفه انت كويس يا استاذ….

طارق: اه كويس متقلقيش هو حد من العيال دي دايقك

عبير: انا من اول اليوم وانا بقابل اشكال زباله

طارق: انا طارق في سنه رابعه تربيه وانتي

عبير: انا عبير ولسه في اولي اداب وبجد متشكرة اوي يا استاذ طارق واسفه علي اللي حصلك ده بسببي

طارق: بخبث ولا يهمك ده واجبي بس لو مفهاش رخامه مني يعني انا بكتب شعر لو حابه تتابعيني يعني

عبير: رغم اني مليش في جو الشعر ده بس اوكي ماشي

طارق: دي البيدج بتاعة الشعر بتاعي

عبير: اوكي هبقي ادخل اعملك اعجاب عن اذنك

طارق: بابتسامة اتفضلي

عبير: لنفسهاا الواد ده شكله جنتل وبيفهم اوي انا مبسوطه اني قابلت حد زيه

طارق: لنفسه ايه البت الجامده دي دي لو فلتت من ايدك ياطارق تبقي بجد غبي

بس ع مين هجيبها يعني هجيبها

****************

داخل منزل الحاج حسين والد علا يجلس زين في غرفته وامامه قهوته المفضله غارقااا في تفكيره

فلاش باك ????

زين.: بابتسامة انتي جيتي هنا مع مين ياحبيبتي

لوجين: انا وماما وجاسر

زين: الله انتي عندك. اخ جميل اهوو

لوجين: ببراءة لا ياعمو جاسر ده خالو هو يبقي اخو ماما شروق

زين: ماشي يا حبيبتي تعالي معايا بقي اما اوديكي عند ماما وبابا

لوجين: لا ياعمو بابا لا وديني عند. ماما شروق

زين: مندهشاا ليه هو انتي مش. بتحبي بابا ولا ايه

لوجين: لا مش بحبه

زين: ميصحش كده يالوجي في بنوته زي القمر زيك. مبتحبش باباها مش بابا ده اللي بيجبلك. لعب وبيفسحك وبيجبلك كل اللي نفسك فيه

لوجي: عشان بابا ده مش بيسال عني انا وماما ومزعل ماما شروق

زين: بعد ان ضمها اليه طب تعالي عشان اجبلك. ايس كريم وارجعك. لماما شروق

لوجين: ماشي

ثم دخلت والدته فلم. ينتبه لهاا مما اضطرها ان تخاطبه

زين انت يا ابني سرحان في ايه

افاق زين قائلا ماما لا ابدا مفيش

ليلي: كلم. باباك. مستنيك. في الصالون عاوزك

زين: خير ياماما مقلكيش عاوزني في ايه

ليلي: لا مقالش حاجه

زين:.طب.ياماماهغير هدومي واحصلك

ليلي: ماشي يا حبيبي

حمل زين علي وجهه الكثير من علامات الاستفهام فجلس يحادث نفسه املا ان يجد. تفسير لما يحدث

ياتري بابا عاوزني في ايه

واللي لوجين قالته عن باباه ده تفسيره ايه معقوله مامتها تطلع مطلقه!!! ده لو فعلا طلعت مطلقه يبقي انا لازم. اعيد. حساباتي من اول وجديد!!!!

******************

داخل مطعم. عطر الشام للماكولات السوريه

يحمل حمزة بعض الاوردرات في يده وهما بالذهب لكنه توقف علي صوت مديره بالعمل قائلا

حمزة استني دقيقه

حمزة: بهدوء ماشي ياحاج

المدير: الاوردر ده بتاع شوكت بيه فيلا 8 وروود

حمزة: ايوة ياحاج.

المدير: طب مش عاوز تاخير ياحمزة انت عارف ان شوكت بيه ده بيحترم مواعيده جدا ده غير كمان انه زبون دايم عندنا

حمزة: متقلقش حاج ان شاءالله الاورد هيوصل قبل ميعاده كمان

المدير: ان. شاء الله خد بالك. من نفسك

حمزة: سبها علي الله ياحاج سلام عليكم

المدير: وعليكم السلام

هم حمزة بالخروج من باب المطعم. لكنه اصطدم. بشخص وصديقه علي الباب فاسقط. ما كان يحمله علي الارض

حمزة: انا اسف يا فندم

احد. الاشخاص: نظر اليه بعدم اهتمام واكمل سيره

صديقه: انت جايبنا ليه هنا يا نادر!!!

نادر: متستعجلش يا احمد واحنا بنتغدااا هتعرف

احمد: طب انت كده.خلاص سبت الشغل اللي مع عمك سامي

نادر: اه سبته وانا جايبك هنااا عشان كده اقعد كده خلينا نفكر هنعمل ايه!!

**************

تقف خلود. برفقة ندي في انتظار صديقتهم.سمر

خلود: هي سمر اتاخرت اوي كده ليه

ندي: مش عارفه هي قالتلي خمس دقايق وجايه

خلود: بعد ان نظرت في ساعتها خمس دقايق ايه دي بقاالها تلت ساعه اهووو

ندي: ثواني هرن عليها اشوف ها فين.

خلود: ماشي وانا هكلم.ماما عشان.رنت عليا كتير

ابتعدت خلود قليلا عن ندي وامسكت هاتفها وقامت بالاتصال علي والدتها التي اجابتها قائلة

ايوة ياخلود.فينك.يابنتي كل ده.

خلود: اسفه.يامامابس لسه طالعه من المحاضرةوكنت عامله الموبايل صامت

سحر: طب تعالي بسىرعه عشان فيه ناس قرايب باباكي جايين من الصعيد

خلود: ناس مين دول ياماما وجايين ليه

سحر:مش عارفه ياخلود بس دول تقريبا قرايب باباكي

خلود:طيب يا ماما انا جايه حالااااا باي

سحر: باي ياحبيبتي

ندي: اهي سمر جايه هناك اهي

خلود: طب كويس عشان انا لازم.امشي حالااا

ندي: مالك كده مش ع بعضك يعني

خلود: مفيش حاجه بس لازم امشي حالااا

سمر: اسفه.يا بنات اتاخرت عليكم

ندي:ولا يهمك يا قلبي

خلود: يلا بينا بقي

سمر:بعد ان لاحظت تغير ملامح خلود مالك ياخلود مش ع بعضك ليه كده

خلود: في ناس من الصعيد جاينلنا النهارده وانا مش عارفه ايه سبب الزيارة دي وهما جايين يعملوا ايه

سمر:صعيد هو انتوا ليكم قرايب من الصعيد

خلود: لا عشان كده بس مستغربه

ندي: اومال مين الناس دول وجاييينلكم ليه

خلود: مش عارفه وده اللي موترني خايفه لا يكون بابا جايبلي عريس من هناك

سمر: باندهاش عريس!!!

*******************

داخل مطعم. عطر الشام

مازال نادر يتحدث مع احمد بشان الانتقام من عمه فيخاطب نادر احمد قائلا

زي ما قلتلك كده يا احمد انا عاوز المكتب ده يبقي باسمي

احمد: بس اللعبه دي خطيرة اوي يانادر خد بالك

نادر: بثقه متقلقش عامل حسابي كويس

احمد: طب وعمك ده ليه ياكل حقك انت ومامتك واخواتك مش ده اللي باباك موصيه عليكم

نادر: بابتسامة شيطانيه هاهاها ياكل حق مين مفيش مخلوق علي وش الارض يقدر ياكل حق نادر حقنا واخدينه تالت ومتلت وبصراحه عمي سامي عمل بوصيه بابا بس بابا الله يرحمه شكله كان طيب زيادة عن اللزوم وفرحان بالملاليم اللي كان عمي بيدهاله دي… لحد ما هو قب علي وش الدنيا وعمل مستقبل ليه ولولاده وانا واخواتي اللي ضيعنااا بس ع مين ده انا نادر ووراك يا سامي يا منصوري والزمن طويل

احمد: انت بتفكر في ايه يانادر

نادر: هقولك بس مش دلوقتي اول ما ييجي الوقت المناسب

احمد: طب يلا بينا بقي

نادر: مشيرا للويتر الفاتورة لو سمحت

الويتر:اتفضل

بعد لحظات اعطي نادر الحساب للويتر ثم خرج برفقة احمد.وركب السيارة وانطلقاااا

***********************

تجلس شروق برفقة والدتها وووالدها يتحدثان سوياااا

شروق: بعصبيه ماما بعد اذنك الشخص ده انا استحاله ارجعله بعد. اللي عمله فيا انا وبنتي

شاكر: خلاص يا هند سبيها ع رحتهاااا

هند: براحتك. يابنتي انتي حره

همت شروق بالحديث لكن استوقفها رنين جرس الباب فقامت لتفتحه وبالفعل فعلت ذلك

عبير:من علي الباب ازيك ياشروق

شروق: وهي تنظر إلى ملابسها في غير رضاا اهلا يا ست عبير ايه ده احنا مش اتكلمنا قبل كده في موضوع اللبس الهباب ده

عبير: شروق سبق وقلتلك خليكي في حالك ملكيش دعوه بيا ولا بلبسي.

هند: انتوا هتتخانقوا قدامنا

شروق: يعني انتي عاجبك لبسها ده وانت يابابا عاجبك لبسهاا ده

شاكر: خلاص ياشروق يابنتي وانتي ياعبير بلاش تلبسي كده مرة تانية ميصحش يابنتي

عبير: هووووف هو انتي ياست شروق مش وراكي غيري ولا ايه

شروق: طب انتي عاجبك لبسك ده يعني ده. هيخليكي تتعاكسي والناس تبصلك ع انك واحده شمال مش متربيه

عبير: دي عالم متخلفه ومش بيفرقوا معايا ثم. انا واثقه في نفسي وعارفه حدودي كويسه ومش مستنيه نصايح من حد

هند: بقولك ايه يا مقصوفة الرقبه انتي خشي يلا غيري هدومك وتعاليلي عشان عاوزاكي

عبير: بتنهيده ماشي ياست ماما عن اذنك لما اشوف اخرتهاااااا

شروق: لنفسهااا انا مالي انا اللي ربنا هيعاقبني ولا هي واحده مش بتسمع كلام حد ولا حتي خايفه من عقاب ربنااا ولا خايفه علي سمعة اهلهااا انا هتعب نفسي معاها ليه نصحتها بدل المرة الف هي حرة تعمل اللي هي عاوزاه

هند: يعني خلاص ياشروق باباكي يقول لمصطفي انك مش موافقه ترجعيله

شروق: اه ياماما وخليه يقوله كمان يبطل يراقبني والحركات الوسخه اللي بيعملها دي عشان ما اهزقهوش

هند: باندهاش يراقبك ايه اللي بتقوليه ده

شروق: اه كان بيراقبني

هند: بيراقبك ازاي!!!

شروق: هقولك ياماما

*******************

تقوم نغم بقيادة سيارتها وبجوارها والدهااا الذي قد غرق في تفكيره في محاواة ايجاد حل لهذه المشكله التي حلت به

فلاش باك ????

نغم: ولا يهمك يا بشمهندس انا عندي الحل

سامي: حل حل ايه ده يانغم

نغم: لنفسها هي مجازفه بس يارب بس حمزة يوافق ويطلع فعلا قدهاا

سامي: سرحتي في ايه حل ايه ده. يانغم اللي عندك

نغم: حمزة

سامي: مين. حمزة ده

نغم: ده بشمهندس ديكور شغال دليفري في مطعم اسمه عطر الشام شاب مجتهد جداا وباين عليه محترم ومن الشباب اللي هي مخدتش فرصتهااا ده اكتر شخص ممكن يفيدك.

سامي: ايوة وده انتي تعرفيه منين واتعرفتي عليه ازاي

نغم: ده موضوع كبير هبقي احكيهولك يابابا المهم دلوقتي تعالي اعزم بنتك حبيبتك علي الغدا في المطعم. ده وهنام قابل حمزة واتكلم معاه.

سامي: طب وانا ايه ضمني انه مهندس شاطر مش يمكن من المهندسين اللي هما اي كلام دول

نغم: مش عارفه بس متهيقلي حمزة مش زيهم والدليل انه شغالفي غير مجاله لحد ما يلاقي الفرصه فاكيد من الشباب المجتهد وبعدين يابابا جرب مش هتخسر حاجه

بعد لحظات افاق البشمهندس سامي علي صوت نغم والتي خاطبته قائلة

بابا احنا وصلنا

سامي: اوكي ياحبيبتي

نغم: لحظه بس هركن العربيه

ركنت نغم السيارة ثم نزلت هي ووالدها ودخلوا سويا المطعم

بعد. لحظات اقبل الويتر قائلا

مساء الخير يافندم اتفضلوا

سامي: تاكلي ايه يانغم

نغم: تشيز برجر

الويتر: وحضرتك

سامي: لا انا مش هاكل حاجه هاتلي عصير ليمون لو سمحت

الويتر: اوكي يافندم

نغم:لوسمحت هو استاذ حمزة فين

الويتر: حمزة طلع اوردر يافندم

نغم: هو هيتاخر

الويتر: لا لا زمانه. جاي ده راح من بدري

سامي: طب ميرسي جدا

نغم: بابا ايه رايك عشان تطمن اكتر ممكن تروح تسال المدير عن حمزة وانت هتعرف اذا كان كويس ولا لا. سامي: فكرة برضو يانغم

هم بشمهندس سامي للذهاب الي المدير بينما جلست نغم تفكر وتخاطب نفسها قائلة

انا عارفه اني جازفت لما قلت لبابا علي حمزة يارب يكون حمزة زي ما انا توقعت وميكسفنيش مع بابا انا اول مره اوضع ثقتي في شخص ياتري بقي حمزة هيكون قد الثقه دي واللي ايه اللي هيحصل..

داخل مطعم. عطر الشام يقف بشمهندس سامي مع احدي العاملين بالمطعم. يساله عن المدير فيخاطبه العامل قائلا خير يافندم حضرتك بتستال علي المدير حد مننا هنا دايق حضرتك

بشمهندس سامي:شاكرا له لا لا متقلقش انا بس عاوز اساله علي واحد شغال معاكم. هنا اسمه حمزة

العامل: اه تقصد. بشمهندس حمزة

بشمهندس سامي: اه

العامل: خير يافندم هو حمزة عمل ايه

بشمهندس سامي: مطمئنا له لا ابدا انا بسال عنه عشان انا كنت محتاجه معايا في شغل في مكتبي

العامل: طب يا فندم المدير هناك. اهو علي ايدك اليمين

بشمهندس سامي: متشكر. جدا

بعض لحظات وصل بشمهندس سامي الي المدير فخاطبه. قائلا

مساء الخير

المدير: مساء الخير اهلا وسهلا اتفضل يا بيه

بشمهندس سامي: متشكر اوي بس لو تسمحلي هاخد من وقتك عشر دقايق نتكلم فيه

المدير: طب اتفضل اقعد تشرب ايه

بشمهندس سامي: لا متشكر لسه حالا

المدير: اكيد. جاي تشتكيلي من حد. من العمال اللي هنا

بشمهندس سامي: مبتسماا لا خالص الناس اللي شغالين معاك. ناس قمة الاحترام وشايفين شغلهم علي اكمل وجه. انا بس جاي اسالك علي واحد. شغال دليفري عندك. اسمه حمزة

المدير: بشمهندس حمزة قصدك.

بشمهندس سامي: اه هو ده

المدير: هو عمل حاجه ولا ايه

بشمهندس سامي: لا ابدا هعرفك بيا الاول انا بشمهندس سامي المنصوري صاحب شركة المنصوري للاستيراد والتصدير وصاحب مكتب جنه للتسويق العقاري والديكورات الحديثه وكنت محتاج. مهندس كفئ معايا في مكتبي وفيه حد. رشحلي جمزة فقلت اما اسالك بما انك. مشغله معاك فاكيد. عارفه اكتر مني

المدير: بص يا بشمهندس كل اللي عندي كوم وبشمهندس حمزة ده كوم تاني حمزة من الشباب المحترم والمجتهدة اللي بتحب شغلهااا جدا مفيش يوم. حد اشتكالي منه ولاحتي قالي انه اتاخر عليه دخ غير كمان انه محبوب من كل زمايله هنا في المكان

بشمهندس سامي: كل ده عظم اوي متعرفش اذا كان ليه في شغل الديكور ولا لا

المدير: الا ليه يا بشمهندس طب ده. انا شقق ولادي الاتنين محدش عرف يعملهم غير حمزة مهندس ونعم المهندسين بس للاسف مش لاقي فرصته في البلد دي

بشمهندس سامي: انا متشكر يا حاج وهسناذنك اول ما حمزة ييجي خليه يكلمني ده الكارت بتاعي

المدير: ان شاءالله شرفت يا بشمهندس

بشمهندس سامي: متشكر جدا سلام عليكم

المدير: وعليكم السلام تستاهل كل خير ياحمزة يا ابني والله ربنا يجعل الشغلانه دي من رزقك ونصيبك..

*****************

تجلس عبير بغرفتها امام هاتفهااا تحادث صديقتها مروة وفجاءة تذكرت شئ

*** فلاش باك ***

طارق: دي البيدج بتاعتي اللي انا بكتب عليها الشعر بتاعي علي الفيس هتعجبك جدا

عبير: بابتسامة اوكي هعملك. اعجاب لما اروح

ثم. افاقت علي صوت جاسر قائلا عبير كلمي ماما عشان عاوزاكي

عبير: هوووف قولها جايه يا جاسر واقفل الباب وراك

جاسر: ماثي (ماشي)

عبير: ايوة صح اما اعمل لطارق اعجاب علي صفحه الشعر بتاعته

بعد. لحظات قامت بالتقليب قائلة

طارق طارق طارق بس لاقيتها اما ادخل بقي واتفرج علي الشعر اللي بيكتبه امممممم حلوة القصيدة دي اما اعمله اعجاب بقي

ثم تدخل والدتها قائلة

عبير انتي بتعملي ايه عندك. انا مش بعتلك جاسر

عبير: زافرة نعم. ياماما عاوزه ايه

هند: عاوزه اخد. رايك في حاجه كده

عبير: خير يا ماما حاجه ايه دي

هند: عمر ابن خالك قال لشروق اختك انه بيحبك وعاوز يتقدملك

عبير: بصدمه عمرر

هند: اه عمر ماله عمر ابن خالك وبيحبك

عبير: بصي ياماما يا اما عمر اتجنن يا اما انتي وشروق اللي حصلكم. حاجه انا اخر واحد افكر فيه هو عمر لا طبعا

هند: زافرة وماله بقي عمر في ايه. يتعيب

عبير:باستياء مفهوش بس عمر ده زي اخويااا ولما كنت بحبه زمان يمكن وقتها كنا اطفال او مراهقين مش عارفه المهم انا مش بفكر في عمر ياماما ولا بفكر في الموضوع اصلا دلوقتي

هند: بغيظ طب اتخمدي

عبير: لنفسها هووف البيت ده مش وراهم غيري ولا ايه

**************

يجلس مصطفي طليق شروق علي احدي المقاهي يتحدث مع احد اصدقائه بشان زوجته فيغلبه التفكير فيقع ضحية له

فلاش باك

مصطفي: عملت ايه ياحاج قلت لشروق زي ما قلتلك

شاكر: ايوة قلتلها وبصراحه كده. يا مصطفي بلاش تفتح الموضوع ده تاني لانها رافضه ولما حد بيفتحلها السيرة دي بتدايق اوي

مصطفي: اللي فات معادتش هيتكرر تاني ياعمي اوعدك

شاكر: قفل علي الموضوع ده يا مصطفي شروق بنتي عناديه وبرضو اللي شافته مش قليل

مصطفي: يعني ايه

شاكر: يعني كل واحد فيكم راح لحاله وده نصيب وكويس انها جت علي قد كده سلام عليكم

افاق مصطفي علي صوت القهوجي قائلا

القهوة يا استاذمصطفي

احد. اصدقائه:. لو اعرف بس انت بتفكر في ايه كنت ساعدتك.

مصطفي: اللي انا بفكر فيه ده هو اللي هيخلي شروق تجيني لحد عندي راكعه عشان ارجعها

احد اصدقائه: بقلق بلاش تهور يامصطفي متضيعش نفسك وقولي انت بتفكر في ايه خلينا نفكر سوااا

مصطفي: متقلقش يا سعد صحبك عارف هو بيعمل ايه كويس مش انا اللي يتلوي دراعي

سعد: مش مطمنلك ولا مطمن للي هتعمله ده

مصطفي: اللي انا هعمله ده كان لازم يتعمل من زمان هي اللي جابته لنفسها تستحمل بقي اللي هيجرالهااا

************

يتحدث نادر في هاتفه. مع احد العاملين بالمكتب قائلا

اتصرف انت بس يا وائل وهاتلي الملفات اللي قلتلك. عليها وزي ما اتفقنا هديلك ال100.الف جنيه اللي اتفقنا عليها

وائل: بخوف بصراحه كده يا نادر انا مش قادر اعمل حاجه زي دي خصوصااا يعني ان بسمهندس سامي وثق فياا

نادر: بخبث متبقاش غبي دي فرصه مش. هتتكرر ده ملفين هتجبهملي وهتاخد فلوسك ومتخافش مش هجيب سيرتك. في حاجه

وائل: ايوة بس دي مجازفه

نادر: اه فهمت 120 الف جنيه وخلص بكرة الساعه 10.تقابلني في نايل سيتي وانا هفهمك تعمل ايه بالظبط

وائل: بعد. صمت ماشي يا نادر

نادر: ايوة كدة شغل دماغك معاياا ومش هتندم

وائل: طب وانا اضمن منين ان بشمهندس سامي مش هيشك فيا انا

نادر: متخافش اطمن مش هيشك فيك. هو هيعرف ان انا اللي عملت كده وانا كل حاجه مخططلها كويس متشلش هم حاجه زي دي

وائل: خلاص يبقي تخلي المبلغ 150 الف جنيه عشان لا قدر الله والبشمهندس اكتشف انا واتطردت من الشغل يبقي معايا مبلغ اقدر افتح. بيه مشروع علي القد

نادر: شد حيلك انت بس معايا وانا المكتب ده قريب اوي هيبقي ملكي وهعينك معايا وهخليك. تحت مني علي طول

وائل: فرحااا اتفقنا بكرة هجيب الملفات وبعده يكونوا عندك

نادر: اوكي باي

نادر بضحكه خبيثه هاهاها مش قلتلك. يا سامي يامنصوري هندمك

*******************

تجلس شمس امام التلفاز تشاهد أحدي مسلسلاتها الهنديه المفضله فتصدم بها علا قائلة يا بنتي قومي ذاكرياك. كلمه تنفعم المسلسلات الهندي دي ما ورهاش خير والله وسبق وقلتلك الغرض منهااا

شمس: وما زالت تنظر الي التلفاز ومالها بقي المسلسلات دي وايه الغرض منها

علا: بعد ان قامت باطفاء التلفاز لو عاوز نصيحتي يبقي ركزي معايا ولو مش عاوزه يبقي كملي فرجه علي المسلسل بتاعك

شمس: بتنهيده قولي امري لله هبقي اشوفه في الاعاده

علا: المسلسلات الهندي دي والتركي معموله مخصوص عشان تبوظ اخلاقنا وتفسد عقول الشباب والبنات انا من وجهة نظري بسميها حرب فكريه من المؤلفين اللي كل هدفهم افساد شباب وبنات المسلمين والعرب عن طريق النوعيه الخبيثه من الافلام والمسلسلات بتاعتهم اللي احنا طول الوقت بنتفرج عليها وبنسيب صلاتنا وشغلنا ومذاكرتنا بسببها وهو ده اللي هما عاوزينه ده غير كمان المشاهد الخليعه اللي فيهااا اللي مش عارفه انا كبنت او اي حد مكاني ازاي بتفرج عليها عادي كده قدام واحد زي بابا او اخويا او ابني بجد احنا مضحوك علينا اوي بالنوعيه الحقيرة دي من المسلسلات اللي هي ملهاش علاقه بواقعنا ولا بتمثل مجتمعنا الشرقي بعاداته وتقاليده

شمس: يعني هما يقصدوا بالمسلسلات دي انهم يبعدونا عن دينا

علا: مش كده وبس ده فيه. كمان. ستات كتير بيوتها بتتخرب بسبب الزفت ده اللي بتطلق واللي مش بتاخد بالها من بيتها وولادها واللي بتسيب صلاتها وبتكسل تصليهااا واللي واللي هقولك ايه ولا ايه

شمس: يااااه معاكي حق والله ياعلا طب والروايات

علا: مش كل الروايات طبعا الروايات اللي مضحوك عليكم بيها باسم الرومانسيه والحب الافلاطوني اللي اصلا ملوش اساس في مجتمعنااا

شمس: انتي بتحبي انهي نوع من الروايات يا علا

علا: انامليش في الروايات اوي لاني لما بلاقي نفسي فاضيه بقرا قران بقعد استغفر اسبح اشوف برنامج ديني بس ده ميمنعش اني بحب اقرا برضو ولو هقرا روايات يبقي هقرا روايات واقعيه هادفه تفيدني في حياتي

شمس: اشمعنا يعني الروايات الواقعيه

علا:. لانها واقعيه ده اولا وعشان الروايات معظمها دلوقتي كلها بقي شبه بعضها ونهايتها واحده وبقت محفوظه ده غير كمان الروايات الرومانسيه دي بتبقي معظم شخصياتها من وحي خيال المؤلف واحداثها كلها fake وبتعيشني في وهم واحلام ورديه وفي الاخر بتصدمني لما ما اجي ادور عليها في الواقع وما الاقيش اللي قريته ده ع ارض الواقع فبالتالي مش هعرف اواجه مشاكلي او احلها لاني رحت ضحية الروايات والمؤلفين اللي هما كل همهم الشهرة والفانز ومبيتقوش ربنا في الناس اللي بتقرالهم وده انا بسميه التضليل بعقلية القارئ

اما الروايات الواقعيه بتبقي مفيدة وهادفه واحنا محتاجين لكل حاجه مفيدة تنفعنا في حياتنا ودنيتنا

شمس: كلامك حلو اوووي

علا: هصلي العشاء ونكمل كلامنا

فجاءة تدخل والدتها قائلة

علا كلمي باباكي عاوزك

علا: بابا خير ياماما عاوزني في ايه؛!!!

****************

تجلس نغم برفقة والدهاا ثم بعد قليل اتت فتاة وجلست بالطاوله المجاورة لنغم ووالدها وعندما وقع نظر نغم عليها اندهشت وحادثت نفسها قائلة

مش معقوله هو ايه اللي بيحصل ده البنت دي انا شفتها فين قبل كده.انا فاكره بس فين فين ايوة افتكرت وافتكرت كمان شفت حمزةفين اول مره

…فلاش باك….

داخل جامعة عين شمس ولاسيما كلية السياحه والفنادق تقف نغم في انتظار صديقتها نورهان بعد.لحظات تعالي صوت احد الاشخاص وصديقته التي خاطبته قائلة

اسمع ياحمزة انا وافقت اننا نتخطب عشان شفت انك راجل وبتحبني قدامك.اقل من سنه لو مجبتليش الشقه اللي قلتلك عليها دي يبقي سوري انا من طريق وانت من طريق

حمزة: ياولاء انا لسه متخرج وانتي قدامك.سنه علي بال ما تنخرجي فيها ايه لما نتجوز في الشقه اللي ورثتها عن والدي الله يرحمه كويسه وكبيرة

ولاء: سوري ياحمزة ده شرطي واحمد ربنا اصلا اني مقلتلكش عاوزه شقه في المهندسين او التجمع

حمزة: طب ياولاء هستاذن انا دلوقتي عشان الشغل وان شاءالله خير خلي بالك من نفسك

ثم افاقت علي صوت والدها مخاطبا له قائلا

نغم حمزة اتاخر اوي يلا بينا ياحبيبتي

نغم: استني يابابا حمزة جاي

سامي: عرفتي منين انه جاي بقالنا ساعه اهووو ولسه ماجاش ثم انا سبت الكارت بتاعي للمدير بتاعه وقلتله اول ما ييجي خليه يكلمني

نغم: هييجي يابابا استني خمس دقايقك كمان لان اللي جنبنا علي طول دي تبقي خطيبته

سامي: الله انتي ايه حكايتك بالظبط يانغم انتي عارفه كل حاجه عن حمزة ازاي

نغم: هبقي احكيلك يابابا واهو حمزة وصل

سامي: طب اندهيله.ياحبيبتي ولا اندهله.انا

نغم: استني يابابا لما خطيبته تمشي وبعدين حضرتك ابقي روحله

سامي:وهو ينظر في ساعتها انا اتاخرت اوي المفروض عندي عميل مستنيني دلوقتي في البيت

همت نغم بالحديث لكن استوقفها علو صوت خطيبة حمزة قائلة

يوووه بقي انا شبعت من كلامك.ده ياحمزة ومش شايفه حاجه من اللي انت وعدتني بيه ده لحد.النهارده

حمزة: ولاء انتي عارفه ظروفي واظن ان صارحتك عني وقلتلك كل حاجه من البدايه

ولاء: ياسيدي عارفه انك صارحتني بس انا اسفه مش هقدر اكمل واتفضل دبلتك اهي عن اذنك.

امسك.حمزة يدها قائلا: استني ياولاء والله العظيم بحبك واذا كان ع موضوع الشقه انا هستلف فلوس من واحد صحبي وهشتريهالك

ولاء: بعد ان افلتت يدها اسفه ياحمزة عن اذنك

جلس حمزة علي احدي الطاولات وهو يملئوه الحزن واليئس واضعا وجه للارض ويداه الاثنين فوق راسه قائلا هو ايه اللي بيحصلي ده يارب انا راضي بكل اللي بيحصلي ده بس بجد والله تعبت

فجاءة سقطت الدبله من علي الطاوله ارضااا وووصلت الي قدم نغم فالتقطتهاا ووصلت اليه وهي تحمل دبلته قائلة:

بشمهندس حمزة

رفع حمزة راسه رويدا رويدا الي ان وقع نظره عليها فاندهش عندما راها تحمل دبلته في يدهااا قائلااا

انتي!!!!!

مر الليل سريعاا ومع اشراقة شمس. يوم جديد تقف خلود. مع طارق امام كلية التربية تعاتبه قائله

ممكن بقي تقولي حضرتك. مبتردش عليه ليه

طارق: بدهاء معقوله تكون خلود. حبيبتي بتتصل وما اردش الوقت اللي كنتي بتتصلي فيه انا كنت نايم. ياحبيبتي وعامل الموبايل بتاعي صامت

خلود: بغيظ يسلام اومال مين اللي كان فاتح الفيس بتاعك. لما انت كنت نايم طارق بطل كدب بقي وقولي ماردتش عليا ليه

طارق: والله ياحبيبتي ما بكدب عليكي زي ما بقولك كده

خلود: باستغراب ماشي ياطارق هعديهالك

طارق: ضاحكا يعني الناس تصطبح بوحشتني وانا اصطبح بتحقيق انا بحب في وكيل نيابه ولا ايه

خلود: مبتسمه بس يازفت مليش نفس اضحك

طارق: بخبث طب ولو قلتلك. اني بعشق الضحكه دي ايه مش هتضحكي برضووو

خلود: بخجل بس بقي الله

طارق: وبعدين فيه. حد يرن علي حد 30 مره كده انا قلت فيه مصيبه

خلود: بعصبيه انت بتفكرني ياطارق ماهو انت لو بتسال كنت عرفت انا كنت بتصل بيك. ليه. لكن انت اصلا مش في بالك.

طارق: بهدوء قلتلك. كنت نايم. ياخلود. ايه اللي حصل بقي

همت خلود. بالحديث لكن استوقفها رنين. هاتفهاااا مما اضطرها ان تجيب عليه قائلة

استني يا طارق سمر بتتصل

طارق: باستياء يادي سمر دي ماشي

خلود: الوو ايوة ياسمر

سمر: الدكتور دخل يا ابله خلود. ولو مجتيش دلوقتي مش هتعرفي تدخلي المحاضرة والمحاضرة دي مهمه جدا

خلود: طيب اوكي انا جايه حالااا باي

سمر: باي

طارق: بقلق هو في ايه

خلود: دكتور معتز دخل القاعه وسمر بتقولي ان الدكتور مش هيدخل حد والمحاضرة شغاله انا لازم امشي حالا ايه مش هتحضر ولا ايه

طارق: لا مش هحضر انتي عارفه ان الدكتور ده مش بينزلي من زور لو حضرت هعمل مصيبه فبلاش

خلود: هههه بحب بلطجي ولا ايه ماشي عن اذنك بقي

طارق: اتفضلي ياحبيبتي

ذهبت خلود. الي المحاضرة بينما وقف طارق مكانه يفكر ويحادث نفسه قائلاا

اما اتصل بعبير بقي واروحلهااا اداب دي هتموت وتقابلني وكويس ان خلود وسمر دخلوا محاضرة يعني محدش فيهم هيشوفني بس يارب ما تكونش عبير التانيه في محاضرة؛!!!!

**************

داخل مستشفي الايمان الخاصه

يجلس دكتور محمد بصحبة احدي الممرضات والتي تخاطبه قائلة

دكتور محمد البنت اللي حضرتك انقذت امهااا مصممه تقابلك. ضروري

دكتور محمد: طب دخليها يا سارة يمكن محتاجه حاجه او والدتها لا قدر الله تعبت تاني

سارة: ماشي يا دكتور

دكتور محمد: يارب متكونش الست الكبيرة تعبت او حصلها حاجه

بعد. لحظات دخلت الفتاة قائلة

صباح الخير يا دكتور محمد

دكتور محمد: بابتسامه صباح. الخير يا انسه مروة

مروة: مبتسمه ايه ده حضرتك. فاكر اسمي كمان

دكتور محمد: ولو جيتي بعد سنه مش اسبوعين هفتكرك

مروة: طيب يادكتور انا كنت جايه. لحضرتك. بخصوص حاجه كده

دكتور محمد: خير يامروة

مروة: بعد ان قامت بفتح حقيبتهااا واخرجت مبلغ من المال اتفضل يا دكتور

دكتور محمد: مندهشاا ايه دول

مروة: دول 4 الاف جنيه من تمن العمليه وان شاءالله اول ما الاقي بس شغل جديد هجيب لحضرتك ال4 التانييين ومتشكرة جداا لانك انقذت حياتها

دكتور محمد: بعد.ان ارجع اليها الفلوس خلي فلوسك معاكي يامروة انا مدفعتش حاجه من. جيبي العمليه اتعملت علي حساب المستشفي

مروة: لا يادكتور ميرسي جدا وكفايه انك عملت العمليه لماما من غير مقابل هتدفع كمان من جيبك مصاريف العمليه

دكتور محمد: متزعلنيش منك يامروة بقي وبعدين انتي بتقولي انك. بتدوري علي شغل انتي خريجة ايه

مروة: انا مخلصه. تمريض بس لما ماما تعبت مقدرتش اسبها واشتغل خصوصا يعني ان مفيش حد. يراعيها او ياخد باله منها غيري اخواتي الولاد. اتجوزوا وسافروا ومفيش الا انا وماما واختي الصغيرة ودلوقتي الحمدلله هي بقت كويسه جدا

دكتور محمد: ربنا يباركلك فيها يارب

مروة: ماما بتدعيلك دايما يادكتور

دكتور محمد: ربنا يخليهالنا اشكريهالي جدااا

مروة: حاضر يادكتور

دكتور محمد: لحظه يا انسه مروة عن اذنك دقيقه وراجعلك. تاني

مروة: اتفضل يادكتور

خرج دكتور محمد ووقف مع سارة وخاطبها قائلا

سارة هي الممرضه ايمان مبقتش تيجي يعني بقالها كام يوم

سارة: بابتسامة اصلها اتجوزت يادكتور وفرحها كان اول امبارح

دكتور محمد: يعني خلاص كده مش هترجع المستشفي تاني ولا واخده اجازة

سارة: تقريبا لا عشان اتجوزت في اسكندريه

دكتور محمد: طب عاوزك. تقعدي مع مروة وتشوفي هي بتفهم في التمريض ولا لا ولو كده ممكن نشغلها مكانها

سارة: اوكي يادكتور خليها تجيني انا مستنياهااا

دكتور محمد: ماشي

بعد. لحظات دخل دكتور محمد غرفته قائلا

معلش يامروة اتاخرت عليكي

مروة: ولا يهمك يا دكتور وبجد متشكرة اوي علي وقفتك جنبي وجنب ماما. دكتور محمد: الشكر لله ده واجبي متشكرنيش انتي قلتيلي انك. خريجة تمريض مش كده

مروة: اه يادكتور خريجة تمريض القاهرة

دكتور محمد: طب ايه رايك تشتغلي معانا هنااا

مروة بفرح: بجد يادكتور ده حاجه تشرفني طبعااا

دكتور محمد: اه بجد عدي علي سارة في اوضه الممرضات عشان بس هتفهم منك. كام. حاجه كده وان شاء بعدها هتبقي معانا هنا في المستشفي

مروة: بعد ان قامت ميرسي جدا يادكتور

دكتور محمد: العفو يا انسه مروة شرفتي

مروة:لنفسهاا الف حمد وشكر ليك. يارب ربنا يارب يفرح قلبك. ويجبر بخاطرك زي ما جبرت بخاطري كده يا دكتور محمد

دكتور محمد: لنفسه ما اقبح الفقر وما اجمل الفقراء البنت عندها عزة نفس بدرجه مشفتهاش قبل كده ربنا يبارك فيهاا ويحفظهااا ويرزق كل فقير ومحتاج

******************

تجلس علا بغرفتهاا تتذكر الذي دار بينه وبين والدهااا بشان زواجهااا

???? فلاش باك ????

علا: السلام عليكم

حسين: وعليكم السلام اقعدي يا علا

علا: خير يابابا ماما قالتلي انك. عاوزني

حسين: اه ياعلا كنت عاوز اخد. رايك بس في موضوع كده

علا: خير يابابا موضوع ايه

حسين: عمك شريف جالي اول امبارح هو واسلام.ابنه وطالب ايدك لابنه اسلام وانا قلتله لما اخد. راي علا الاول واشوفها موافقه ولا لا

علا: بعد ان احتل ملامحها القلق والتوتر اسلام هو اسلام مش كان. خاطب بنت عمه دينا

حسين: ايوة وما اتفقوش عشان كده سابهااا

علا: طب يابابا حضرتك عارف رايي كويس

حسين: بصي يا علا يا بنتي خدي كفايتك في التفكير فكري برحتك محدش هيغصبك ع حاجه

علا: حاضر يابابا بس ياريت ناجل الكلام في الموضوع ده لبعد. الامتحانات

حسين: اللي يريحك بس خليكي حاطه الموضوع ده في بالك وانا هقولهم انك. بتفكري ولما توصلي لقرار نهائي هبلغهم

علا: اللي فيه الخير يقدمه ربنا يابابا

وسىرعان. ما تفيف علي صوت اخيها الاكبر زين والذي خاطبها قائلا

علا عاوز اتكلم. معاكي كلمتين ع السريع كده قبل ما انزل

علا: اتفضل يازين

زين: بتوتر هوو انتي تعرفي شروق بنت الراجل صاحب محلات الهدوم اللي اسمه شاكر

عل: باستغراب شروق مين مش فاهمه ممكن توضحلي اكتر

زين: يابنتي انتي مش مره قلتيلي قبل كده ان فيه واحده صحبتك في سني انا كده باباها صاحب بابا وشغال في الهدوم اتجوزت ومكملتش حاجه مع جوزها واتطلقت اسمها شروق

علا: بعد لحظات من التفكير شروق اه شروق بنت عمو شاكر وانت ايه اللي فكرك بالموضوع ده دلوقتي ده عدي عليها اكتر من 3 سنين دلوقتي

زين: بخجل هبقي اقولك بعدين تعرفيها يعني ولا لا

علا: اه عارفاها بس مليش كلام معاها اوي كنت عارفاها لما كنت بشتري من عندهم. هدوم

زين: طب تمام انا نازل عاوزه حاجه اجبهالك وانا جاي

علا: لا عاوزه سلامتك

زين: سلام يالولو

علا: باستغراب هو زين يقصد ايه وايه اللي فكره بشروق بعد كل ده هو ايه تفسير اللي بيحصل ده

*********************

يجلس حمزة داخل غرفته مكتئبا يحمل في يده صور لخطيبته السابقه ولاء والتي بدا معاتبة صورهاا قائلاا

بقي بعد كل الحب اللي حبتهولك ياولاء وكل اللي عملته عشانك تتخلي عني بالسهوله دي هو ده اللي لو الدنيا كلها سابتك انا مش هسيبك معقوله كل ده يطلع وهم وكدب… ليه تكسري قلبي اللي حبك وما حبش حد في الدنيا دي قدك انا كنت بتقي ربنا فيكي وبدعيلك في كل سجدة واقول يارب تكون من نصيبي بالسهوله دي تبيعيني وتتخلي عني…. ثم انهار في البكاء ولم. يفق الا ع صوت والدته والتي خاطبته قائلة

ياابني حرام عليك اللي انت عامله في نفسك ده الحياة يا حمزة مبتقفش علي حد وهي اللي خسرتك مش انت اللي خسرتهااا انا اول مره اشوفك ضعيف كده فين حمزة ابني الراجل اللي مفيش حاجه في الدنيا تقدر تكسره

حمزة: محاولا اخفاء دموعه المشكله اني حبتها يا ماما فمش قادر اتخيل في يوم وليله كده تسبني

والدته: يا ابني وعسي ان تكرهوا شيئا وهو خيرا لكم متزعلش ولا تدايق اكيد ربنا ليه حكمه. في كده وشايلك الانسانه اللي تستاهل حبك وتستاهلك متستسلمش ياحمزة مش من اول وقعه كده تسلم قوم واقف علي رجليك واتاكد ان ربنا هيقويك وهيرزقك بالانسانه اللي تستاهلك

حمزة: بعد ان ارتمي في حضن والدته وقبل يدها ربنا يخليكي ليا ياماما

والدته: ويخليك ليا ياحبيبي ويرزقك ببنت الحلال اللي تستاهلك يلا قوم اغسل وشك وكلك لقمه كده عاوزه اشوف حمزة ابني بتاع زمان اللي مفيش حاجه في الدنيا تقدر تكسره

حمزة: بابتسامه مصطنعه حاضر ياماما

خرج. حمزة من غرفته بينما قامت والدته بالدعاء له:

يارب يا ابني يجبر بخاطرك ويعوضك عوض الصابرين وتقابل الانسانه اللي تستاهلك وتستاهلهاااا وتعوضك عن. كل لحظه حزن شفتهااااا

***************””

يجلس نادر برفقه صديقه احمد في منزلهم يتحدثان سويااا بشان انتقامه من عمه فيخاطبه احمد قائلا

خد بالك يانادر عمك سامي برضو مش سهل

نادر: بدهاء عيب عليك يا احمد. انا كل حاجه بعملها بكون عامل حسابهاااا

احمد: بس انت هتجيب منين 150 الف تديهم لوأئل انت مش قلت انك اشتريت شاليه في الساحل ومش معاك فلوس

نادر: هههههههه ضحكتني انت ناسي اني علي علاقه بسوزي ولا ايه

احمد: بتعجب سوزي انت اتجوزتها علي مراتك

نادر: لا طبعا اتجوزها انت اتجننت يا احمد انا بس بقضي معاها وقت جميل ومفهمها اني هتجوزهااا لحد ما اقلبها في القرشين اللي معاها واخلع خصوصا انها متقدرش تقولي لا علي اي حاجه لانها بتموت فيااااا

احمد: يخربيت دماغك انت ايه. شيطان ههههههه

نادر: يا ابني افهم الحياه مش عايزه غير كده

احمد: طب اش ضمنك. ان وائل ميجيش سيرتك لو عمك. سامي عرف بموضوع الملفات ده

نادر: متقلقش مس هيعرف لان انا عارف انا بعمل ايه كويس امسك بس الملفات دي في ايدي وهوريك انا هعمل ايه

***************

داخل مكتب جنه للعقارات والتصاميم. الهندسيه

تجلس السكرتيرة علي مكتبهااا فيخاطبها بشمهندس سامي عبر الانتركم قائلا

نيفين فين الملفين اللي كانوا علي مكتبي وقلتلك عليهم امبارح تبعتيهملي ضروري

نيفين: لحظه. يابشمهندس هشوفهم. وابعتهم. لحضرتك

سامي: اوكي وفيه. شاب اسمه. حمزة اول ما يوصل دخليهولي علي طول

نيفين: اوكي يابشمهندس

لاحظ وائل ارتباك. نيفين السكرتيرة فخاطبها بدهاء قائلا خير يا استاذة نيفين انتي بتدوري علي حاجه

نيفين: بقلق وتوتر كان فيه ملفين علي المكتب هنا مش عارفه راحوا فين

وائل: مصطنعا الخوف عليها طب دوري كويس وهتلاقيهم

نيفين: بخوف هيكونوا راحوا فين دول كانوا علي المكتب امبارح

وائل: اسالي عمي سيد الساعي يمكن لاقاهم واقعين او حاجه فشالهم

نيفين: ومازالت تقوم بالبحث لا لا عمي سيد مشي امبارح قبلي

وائل: هم مهمين يعني ولا ايه

نيفين: اه دول عقود المكتب الجديد بتاع بشمهندس سامي ولسه ما سجلهمش

وائل: طب والعمل ايه دلوقتي

نيفين: مش عارفه هكلم. بشمهندس سامي واقوله ربنا يستر!!!!

************

عادت عبير من الجامعه وهي تتحدث في هاتفهااا قائلة

انا كمان اول مره اكلم. حد. في الموبايل وبجد انا مش مصدقه نفسي الكلام. الحلو ده ليا انا

طارق: بخبث لا كلام ايه انت شعر الدنيا كلها ميوصفش تفصيله في جمالك

عبير: بفرح مش مصدقه نفسي بقي سايب كل البنات الي متابعاك علي الفيس وبتقول شعر ليا انا

طارق: تصدقي بالله عمري ما كلمات بنت فيهم مش عارف ليه انتي الوحيده اللي فكرت اكلمهاااا

عبير: بخجل اسال نفسك بقي

طارق: يمكن عشان اللي زيك يتحب ويدخل القلب بسرعه وانا من اول ما شفتك وانا قلبي ارتاحلك اوي ودخلتيه

عبير: بابتسامة وانا كمان لما شفتك اول مره حسيت اني اعرفك من زمان وقلبي ارتاحلك

طارق: وصلتي ولا لسه

عبير: اه انا علي السلم دلوقتي

طارق: طب حمد لله على السلامة هنتكلم تاني امتاااا

عبير: في اي وقت تحبه

طارق: يعني محدش في البيت هيتخانق معاكي لو لاقاكي بتتكلمي

عبير: محدش هنا اصلا يقدر يقولي حاجه انا بعمل اللي انا عايزاه

طارق: بدهاء برافو عليكي ايوة كدة لازم يبقي ليكي شخصيه قويه

عبير: طب هغير هدومي واكلمك

طارق: اوكي باي

عبير: باي

طارق لنفسه مش قلتلك هجيبك. يعني هجيبك اديني اهووو جبتك ده انا شكلي كده هطلع بمصالح جامده من المغفله دي هههههه

**************

سادت حاله من الارتباك داخل مكتب بشمهندس سامي والذي خاطب نيفين بعصبيه قائلا

يعني ايه الملفات مش موجودين يا انسه نيفين

نيفين: باسف والله يابشمهندس كانوا ع مكتب حضرتك امبارح مش مكتبي ودورت علي مكتبي ملقتهمش

سامي:زافرا ازاي الكلام ده يعني ايه الملفات تضيع من علي مكتبي هو ايه اللي بيحصل انا عازز افهم

وائل: بهدوء اعصاب هدي نفسك. يابشمهندس وهنلاقيهم. متقلقش

سامي: اهدا ازاي الملفات دي فيها حاجات مهمه اوووي ولو ملقتهاش انا بيتي هيتخرب

تسحب وائل دون ان يشعر به. احد بينما اكمل بشمهندس سامي حديثه مع نيفين قائلا

اسمعي يانيفين انا لولا ان نادر ساب المكتب انا كنت قلت هو اللي سرقهم الملفات دي عهدتك. فتقلبي المكتب ده حته حته وتشوفيهملي راحوا فين

نيفين: اوكي يا بشمهندس بس ياريت حضرتك تهدي

في تلك اللحظة اخرج وائل هاتفه وقام بالاتصال علي نادر قائلا

ايوة يا بشمهندس نادر انا جبتلك. الملفات

نادر: برافو عليك يا وائل بكره تجبهم المكان اللي اتفقنا عليه وتاخد فلوسك

وائل: بس الاتفاق هيتغير مش بالمبلغ اللي اتفقنا عليه

نادر: 150 الف جنيه مش قليلين متبقاش طماع

وائل: بقي مكتب يساوي 10 مليون جنيه هيبقي ملكك وعاوز تديني 150 مليم

نادر: اه قلتلي طب هات الملفات ومش هنختلف

في تلك اللحظه كان يقف شاابا لم ينتبه له وائل يستمع الي ما يحدث في تركيز شديد

وائل: لا نتفق دلوقتي انا هجبلك الملفات مقابل نص مليون جنيه

نادر: انت اكيد اتجننت اجبلك منين. انا المبلغ ده كله

وائل: خلاص يبقي انا هرجع الملفات مكانهم ومش خسران حاجه انت اللي محتاجلهم مش انا

نادر: بخبث لا لا خلاص موافق بس المكان هيتغير استني مني مكالمه تانيه

داخل وائل ثانية بعد ان اغلق هاتفه. للاسف يا بشمهندس انا قلبت المكاتب كلها وملهمش اثر

سامي: يعني ايه ملهمش اثر نيفين: صدقنى يافندم الملفات امبارح كانت علي مكتب حضرتك

سامي: بعصبيه طب مين بقي اللي اتجرا ودخل مكتبي

وسرق الملفات دي!!!!!!

عادت نغم من الجامعه واستلقت لتستريح قليلا امام التلفاز وهي تتذكر ما دار بينها وبين حمزة في المطعم. ليلة امس

???? فلاش باك ????

نغم:. وهي تحمل الدبله في يدها استاذ حمزة

حمزة: بعد. ان رفع راسه رويدا رويدا وووقع نظره عليها انتي

نغم: اسفه. بس الدبله دي وقعت منك اتفضل

حمزة: بعد ان اخفي دموعه وتظاهر بالقوة ماشي ميرسي جدا

نغم: اسفه جدا علي اللي حصلك بس متدايقش نفسك. كل شئ قسمه ونصيب ومحدش عارف الخير فين

حمزة: بصدر رحب متشكر جدااا

بشمهندس سامي: انت حمزة

حمزة: باستغراب اه اناحمزة

بشمهندس سامي: انا عارف ان ده مش وقت تعارف وكده. وان الظروف متسمحش بس صدقني اناكنت منتظرك من ساعتين ومعنديش وقت تاني عشان اقدر اقابلك فيه

حمزة: منتظرني انا خير يافندم

سامي: انا بابا نغم وكنت محتاج معايا في مكتبي مهندس ديكور شاطر ولما فتحت الموضوع قدام نغم رشحتك لياا

حمزة: لنفسه ازاي وهي متعرفنيش اوي هو ايه اللي بيحصل ده

حمزة: ايوة يافندم بس

سامي: بس ايه دي فرصه يا بشمهندس وجاتلك. متضيعهاش من ايديدك

نغم: وهي تطيل النظر لحمزة قلت ايه. ياحمزة

حمزة: خلاص يافندم سبلي رقم حضرتك وانا هبقي اتصل بيك

سامي: اوكي انا سبتلك الكارت بتاعي مع المدير تقدر تاخده منه يلا بقي عن اذنك

حمزة: بعد. لحظات من الصمت اتفضل يا بشمهندس

سامي : يلا يانغم

نغم: لحظه. بس يابابا وهحصلك.

سامي: اوكي هستناكي في العربيه

نغم: اوكي يابابا

حمزة: ممكن سؤال بس يا انسه نغم

نغم: عارفه هتقول ايه ازاي ما اعرفكش ورشحتك لبابا وراهنت عليك

حمزة: ايوة فعلا ازاي بقي

نغم: بص ياحمزة هي فعلا مجازفه. بس ده موضوع كبير ان. شاء الله مع الوقت هتعرفه بس انا دلوقتي راهنت عليك وانا واثقه ومتاكده انك. قد الرهان ده يلا بقي عن اذنك

حمزة: مندهشااا اتفضلي

ذهبت نغم. وجلس حمزة مكانه يحادث نفسه. قائلا

هو ايه اللي بيحصل ده والبنت دي طلعتلي منين وايه حكايتها بالظبط….. انا مش فاهم حاجه وموضوع ايه ده اللي خلاهاااا تراهن عليا وترشحني. لباباه وهي متعرفنيش ولا حتي فيه ما بينا اي معرفه سابقه….. طب وبعدين ياحمزة هتعمل ايه هتروح ولالا

ثم افاقت نغم علي صوت والدتها وهي تخاطبها قائلة

نغم كويس انك جيتي تعالي عشان تجهزي معايا الغدا زمان ادم اخوكي راجع من الشغل واكيد راجع جعان

نغم: اوكي ياماما

******************

خرجت خلود. من المحاضرة برفقة سمر وندي فخاطبت سمر خلود قائلة

احمدي ربنا ان الدكتور وافق يدخلك لو كنتي اتاخرتي خمس دقايق كمان مكنتيش عرفتي تدخلي

ندي: اه وخصوصا ان المحاضرة دي مهمه جدا

خلود: الحمدلله متشكره جدا ياسمر

سمر: بابتسامه عدي الجمايل بقي

خلود: استنوا يابنات اما ارن علي طارق اشوفه قاعد ولا مشي

سمر: جينا للكلام اللي يحرق الدم يابنتي طارق ده بيتسلي بيكي انتي ليه مش عايزه تصدقي

خلود لنفسها انتي ايه حكايتك. ياسمر معقوله يكون طارق معاه حق لما قالي انها عايز تفرق ما بينااا

ندي: مالك ياخوخه سرحتي في اي

خلود: ابدا هسرح في اي يعني

ندي: طب سمعتي سمر قالت ايه.

خلود: اه سمعت وعلي فكره ياسمر طارق بيحبني وانا واثقه من حبه ليااا

سمر: باستياء واثقه انتي حره ياخلود انا بقولك اللي انا شايفاه

خلود: بعد ان نظرت في هاتفها ايه ده. 5.مكالمات فايته ورساله كمان

ندي: طب شوفي مين

خلود: ده رقم غريب مش متسجل اما اشوف ايه اللي في الرساله دي

سمر: اقريهاا وانتي تعرفي

خلود: بفزع مش ممكن ايه ده ومين اللي باعتهولي

سمر: فيه ايه يابنتي مكتوب ايه في الرساله دي

خلود: دي واحده تعرفني اوي كمان بتقولي حبيب القلب بيخونك عند. اداب……. متحاوليش تعرفي انا مين

هقولك. انا مين بس مش دلوقتي المهم خلي بالك

سمر: صدقتيني لما قلتلك ان طارق بيتسلي بيكي

خلود: بسزاجه ولنفسها وليه متكونيش انتي ياسمر اللي بعتيلي الرساله دي

ندي: طب وانتي هتعملي ايه دلوقتي ياخلود

خلود: وهي تطيل النظر لسمر مش عارفه بس طارق ده ملكي انا واللي هتقربله هيبقي اخر يوم في عمرهاااا

*****************

امام. كلية الاداب بجامعه. عين. شمس

يجلس طارق علي كافيتريا كلية الاداب يتحدث في هاتفه مع احدي الفتيات قائلا

انتي عملتي فيا ايه ياعبير انتي خطفتي قلبي في يوم وليله

عبير: بابتسامة بكاش اوي وياتري قلت الكلام ده لكام واحده قبل كده

طارق: واحده بس قبل.ما نسيب بعض وندمت اني قلتلها كده واني حبتها من البدايه

عبير: بعض لحظات من الصمت متدايقش نفسك ده نصيب

طارق: بعد ان راي مكالمه فائته من خلود بقولك ايه ياعبير انا هقفل دلوقتي معلش عشان ماما بترن عليه هشوفها وارجع اكلمك تاني باي

عبير: باي

طارق: بعد ان انهي المكالمه ياخبر ده خلود. رنت عليا اكتر من مره ولاقيتني ويتنج كده. هتشك فيااا طب والعمل اما اتصل بيها بقي

امسك. هاتفه وقام بالاتصال عليها وانتظر لتجيب عليه

لكنها لم تجب

اعاد. الاتصال ثانيه…. وانتظرهااا لتجب فاجابت في غيظ قائلة

نعم يا استاذ طارق عاوز ايه

طارق: استاذ طارق فيه ايه ياخلود

خلود: يعني حضرتك مش عارف قاعد بترغي في التلفون وواخد رحتك غ الاخر وارن عليك ولا عاوز تعبرني ومش عاوزني ادايق

طارق: بدهاء طب اهدي ياحبيبتي انا كنت بكلم ماما

خلود: ماما اه صح

طارق: وغلاوتك عندي كنت بكلم ماما انتي فين ياخلود

خلود: ملكش دعوه انا فين المهم قولي انت كنت واقف مع مين عند. اداب

طارق: بعد ان اصايه القلق والتوتر والخوف الشديد اداب انا مرحتش اداب اصلااا ياخلود

خلود: طارق متكدبش عليا وقولي كنت بتعمل اي في اداب وواقف مع مين اخلص

طارق: ياحبيبتي انا مرحتش اداب انا كنت في الشئون ولو مش مصدقه تعالي وانا اثبتلك

خلود: بسذاجه خلاص ماشي انا كده اتاكدت

طارق: بخوف اتاكدتي من ايه

خلود: مش مهم خلاص المهم اني اتاكدت وخلاص بس والله ياطارق لو الكلام ده طلع بجد يبقي انا من طريق وانت من طريق

طارق: بتوتر هو حصل ايه ياخلود لكل ده انا مش فاهم حاجه ممكن تفهميني

خلود: فيه رقم غريب بعتلي رساله وانا في المحاضرة وقالي الحقي البيه اللي انتي بتحبيه بيخونك وواقف مع واحده عند اداب والغريبه ان الرقم ده لسه جديد ومحدش يعرفه غير سمر وندي

طارق: معقوله طب مين اللي ليه مصلحه انه يوقع بيني وبينك

خلود: ما اعرفش بس انا خايفه يطلع الكلام ده بجد وانت فعلا بتخوني

طارق: بخبث اخونك انتي مش واثقه فيا ولا ايه ياخلود مادام الموضوع ما بقتيش تثقي فيا ياخلود. يبقي خلاص انا مش هجبرك عليااا لان اهم حاجه في الحب الثقه لو ضاعت الثقه كل حاجه بعدها بتضيع

خلود: خوفا ان يتركها طارق خلاص ياحبيبي متزعلش انا بس بقولك كده عشان بحبك وخايفه ان واحده غيري تاخدك. مني

طارق: بدهاء متخافيش ياخلود. اطمني انا بحبك. ومكتفي جدا بيكي ومش شايف غيرك بمعني اصح

خلود: ماشي يا طارق وانا اسفه جدا اني كلمتك كده. انا كده اتاكدت من اللي بعت الرساله دي ومش هسمحلهاا انها تفرق بيني وبينك مهما يحصل

طارق: استغلالا للفرصه اكيد سمر هي اللي عملت كده وهثبتلك

خلود: انا كمان متاكده ان سمر هي اللي بتعمل كل ده عشان توقع بينا بس ده بعدهااا

طارق: انتي فين دلوقتي مشيتي ولا لسه في الجامعه

خلود: مشيت انا وندي عشان سمر سابتني ومشيت ويلا سلام دلوقتي عشان انا وندي ماشيين في الشارع

طارق: سلام

انهي طارق المكالمه. قائلا

حلو اوي كده انا لازم استغل الفرصه واوقع خلود في سمر بس ازاي ازاي… بعد لحظات من الصمت بس لاقتهااااا

*******************

يجلس عمر برفقة والده امام التلفاز فلاحظ والده حالة الصمت والحزن التي احتلت ملامحه ابنه فخاطبه. قائلا

مالك. ياابني بتفكر في ايه

عمر: متظاهرا باللاشئ مش بفكر في حاجه يابابا

سعيد: ازاي وانت بقالك كام يوم علي الحال ده احكيلي ياعمر انا ابوك هو فيه حاجه حصلت بينك وبين عبير بنت عمتك ولا ايه

هم. عمر بالحديث لكن قاطعه رنين جرس الباب ثم. دخول ابن خالته فاتن قائلة مساء الخير يا عمو سعيد

سعيد: اهلا وسهلا يافاتن يابنتي اتفضلي

فاتن: شكرا ياعمو ازيك ياعمر

عمر: بعدم اهتمام الحمدلله ازيك. انتي يافاتن

سعيد: مداعبا لهاا كنتي فين يافاتن لما كنت شباب بعيونك. الخضر دول اللي يسحروا هههه

فاتن: مبتسمه احنا لسه فيها ياعمو بس خالتي لو سمعتك. مش هيحصل طيب ومش بعيد. تطردني انا وانت بره

عمر: طب عن اذنكم بقي عشان فارس مستنيني تحت ولازم انزله.

سعيد: طب متغبش ياعمر عشان تتغدا معانا ومع بنت خالتك

فاتن: لنفسها هو عمر ماله ايه اللي مغيره اوي كده

عمر: حاضر يابابا

خرج عمر وسط نظرات فاتن التي تبعته الي ان اغلق الباب خلفه

لاحظ. سعيد نظرات فاتن الي عمر فحادث نفسه قائلا

الواد الاهبل ده ازاي سايب واحده زي فاتن بتحبه وبيحب واحده تانيه منكده عليه عيشته فعلا النصيب غلاب

فاتن: اومال فين خالتي ياعمو سعيد

سعيد: خالتك خرجت بس بنت خالتك جوة ادخليلهااا

فاتن: كويس اوي انا اصلا جايالها مخصوص

سعيد: ادخليلها وخالتك عشر دقايق وهتكون هنااا

***************

بالقرب من جامعة عين شمس وعلي احدي الكافيهات يجلس حازم برفقة باسم يتحدثان حول الاحتفال الذي سينظمانه غدااا

حازم: ايه يامعلم مقلتليش التيشرتات كلها اتطبعت ولا ايه

باسم: اه التشريتات كلها اتطبعت وكل الحاجات اللي هنحتاجها جاهزة

حازم: عظيم اوي مريم خطيبتك طبعاا مشاركه معانا

باسم: اه بس علا والكام بنت المنتقبين اللي معاها مش هيشاركوا بيقولوا ان الحاجات دي حرام ودي طبعا حريه شخصيه واحنا منقدرش نغصبهم علي حاجه

حازم: ياعم احنا ناقصين احنا عاوزين بنات كده فرفوشه ترقص وتغني وتجري وتلعب مزز بمعني اصح. احنا عابزين المعقدين دول في ايه ياراجل هي ناقصه جهل وتخلف

باسم: يا ابني قلتلك. مليون مره بلاش تحارب المنتقبات وتتهمهم بالجهل بس بصراحه كده ومن غير زعل واحد زيك. كله همه البنات واللبس والاستايل عمره ما هيقدر قيمة النقاب ولا المنتقباات

حازم: كويس انك عارف اني متعجبنيش غير البنت الاستايل الي بتهتم بمظهرها وشكلهااا

باسم: وده. اكبر غلط. متاخدش بالمظاهر الشكل واللبس مش كل حاجه انا اه مريم. خطيبتي محجبه مش منتقبه بس ده ميمنعش اني بحب المنتقبات جدا واتمني ان خطيبتي تكون منهم عارف ليه

حازم: ليه

باسم: لام النقاب بيحفظ جمال البنت وبيصونهاا وبيعفهااا صدقني ياحازم انا بعتبر النقاب ده تاج فوق الراس والتاج مبيليقش غير علي الملكات والمنتقبات في نظري زي الملكات بالظبط

حازم: يا ابني انت ايه حكايتك بالظبط. جننتني معاك. انت ايه اللي غيرك مره واحده.

باسم: تغيير ايه انا بقولك وجهة نظري وانت حر

حازم: عارف انا ايه اللي مدايقني اوي دلوقتي

باسم: ايه اللي مدايقك

حازم: البنت المنتقبه صحبة خطيبتك دي عامله زي العدوي اللي انتتشرت دي قدرت علي نص بنات الدفعه وخلتهم. يلبسوا زيهااااا وقلبتهم من بنات استايل ومزز لبنات لابسين خيم فوق دماغهم. والغريبه. انهم. بيتاثروا بكلامها بسىرعه هي بتعملهم ايه انا عاوز افهم

باسم: طب وانت ايه اللي مزعلك دي حاجه حلوة ان يهدي بك الله امرئ خيرا لك من الدنيا وماوفيهااا

حازم: البنت دي حيرتني يا باسم وانا لازم اعرف ايه حكايتها بالظبط

باسم: ريح نفسك متحاولش لانها مش هتكلمك ولو حاولت بكل الطرق كان غيرك اشطر

حازم: وان خلتها كلمتني

باسم: ما اعتقدتش عشان مريم بتحكيلي عن علا عشان كده بنصحك. تبعد عنها لانهاا هتصدك

حازم: كده طب انا هثبتلك وهوريك اني اقدر اجيبها ولا لا

باسم: اتفقنا وريني بقي هتكلمهااا ازاي؛!!رغم

اني متاكد انك.هتخسر الرهان

***************

يجلس وائل علي مكتبه وبالقرب من مكتب نيفين السكرتيرة يجلس شابا وسيما يرتدي زيا انيقا عكس وسامته ينتظر عودة السكرتيرة فيخاطبه وائل قائلا

اؤمر يافندم حضرتك مستني حد

الشاب: بهدوء اه انا جاي عشان اقابل بشمهندس سامي

وائل: طب يافندم. بشمهندس سامي مشغول دلوقتي ابقي تعالاله وقت تاني غير ده

الشاب: ايوة بس انا لازم اقابله ضروري هو قايلي اعدي عليه النهارده في المكتب

وائل: بقلق خشيه ان. يكون قد سمعه وهو يحادث نادر طب هو حضرتك هنا من امتااا

الشاب: بذكاء لسه داخل يافندم. من خمس دقايق

وائل: بعد ان اطمئن طب يافندم لحظه وهرجعلك

الشاب: اوكي

في تلك الحظه كانت نيفين تقوم. بالبحث عن الملفات المفقودة ثم بعد ان انتهت خاطبت بشمهندس سامي قائلة

للاسف. يافندم. مش موجودين

سامي: غريبه اللي بيحصل ده اللي عمل العمله دي واحد عارف هو بيعمل ايه كويس اوي وعارف كمان انه كده بيمسكني من ايدي اللي بتوجعني

ثم دخل وائل قائلا

بشمهندس في شاب بره مستني يقابل حضرتك بقوله تعالاله وقت تاني مصمم انه يقابلك

نيفين: لحظه. يافندم. هشوفه

وائل: خليكي انتي يانيفين انا طالعله

بعد. لحظات

وائل: معلش يافندم البشمهندس دلوقتي في مشكله وبيقولك. عدي عليه وقت تاني

حمزة: بابتسامة متشكر جدا

خرج. حمزة وهو يحادث نفسه انا غلطت اصلا اني جيت يعني ايه اجيله مكتبه ويقولي عدي عليا بكره انا مش قلة للدرجه دي في نظر حد انا كرامتي اهم. من الشغب ومن اي حاجه

دخل وائل ثانية قائلا

مشي يافندم. ملحقتوش

سامي: بعد ان. تذكر حمزة ازاي سبته يمشي يابشمهندس وائل ده اكيد. حمزة انا مش. فاهم ايه الاهمال والتسيب اللي بيحصل هنااا ده

وائل: اسف يافندم ملحقتهوش وانا مكنتش اعرف ان حضرتك منتظر حد

سامي: ده البشمهندس بديل نادر اللي هيخلصلنا الشغل المطلوب منااا اللي سعادتك انت ونادر بيه وقعتوني في مشاكل وخسرتوني عملاء كتير بسببه

وائل: اسف يافندم

سامي: اتفضل شوف شغلك. يابشمهندس

عادت نيفين لمكتبهااا وقامت بترتيبه وبينما هي تقوم بترتيبه سقط هاتف محمول من فوقه فالتقطته قائلة

موبايل؛!!! ده. مين اللي ساب موبايله علي مكتبي

بعد. لحظات عاد الشاب الي المكتب ثانية فخاطب نيفين السكرتيرة قائلة

انا اسف بس نسيت موبايلي

السكرتيرة: هو ده موبايل حضرتك

الشاب: اه موبايلي

وائل: قلقا وبصوت منخفض انت ايه اللي رجعك تاني

السكرتيرة: اتفضل يافندم

اخذ الشاب هاتفه وهما بالذهاب ثانية لكن استوقفه صوت من الخلف قائلا: استني يا

حمزة!!!

داخل مكتب جنه. للعقارات والديكور الهندسي

يجلس وائل مضطرباا اصابه القلق والخوف من وجود. حمزة داخل مكتب بشمهندس سامي فحادث نفسه. قائلا: ربنا يستر وميكونش حمزة سمعني وانا بكلم نادر

لاحظت نيفين. ارتباكه وقلقه فخاطبته قائلة: استاذ وائل اسفه لتدخلي بس انا ملاحظه انك. متوتر جدااا

وائل: محاولا تمالك. اعصابه لا لا مفيش حاجه يا انسه نيفين بس مدايق للي حصل لبشمهندس سامي وبفكر في حل للكارثه دي البشمهندس خيره علينا وبيقف مع الصغير قبل الكبير

همت نيفين. بالحديث لكن. استوقفهاا. اتصال بشمهندس سامي عبر الانتركم قائلا

لو سمحتي يانيفين قولي لسيد. الساعي يجبلنا اتنين قهوة مظبوط بسرعه

نيفين: اوكي يافندم بس عم سيد.مشي من ساعه انا هجيب القهوة لحضرتك

بشمهندس سامي: ميرسي جدايانيفين

وائل: انسه. نيفين هو اللي جوة عند بشمهندس سامي ده. البشمهندس بديل نادر ولا عميل

نيفين: اه ده بشمهندس حمزة بديل بشمهندس نادر

وائل: مستغربا غريبه اوي ازاي بشمهندس سامي قدر يجيب بشمهندس غير نادر بالسرعه دي

نيفين: مش عارفه بس ممكن.يكون ابن حد.قريبه وهو يعرفه كويس مش معقوله يعني هيجيب بشمهندس وخلاص ويشغله في مكتب كبير زي ده

وائل: ماهو ده اللي انا مستغربله

علي العموم. انا همشي بقي ابقي بلغي البشمهندس سامي اني مشيت

نيفين: اوكي يا بشمهندس

خرج وائل من المكتب وهو يملئوه القلق بينما قامت نيفين بعمل القهوة وهي تحمل الكثير من علامات الاستفهام. لما راته اليوم من التغير المفاجي الذي اصاب وائل فحادثت نفسها قائلة

هي ايه الحكايه بالظبط ليه وائل لما كنت في مكتب بشمهندس سامي طلب انه يقابل حمزة ويدخله مكاني للبشمهندس وليه خرج وبعد.شويه. قال مشي ايه تفسير اللي حصل ده والاسئلة اللي عمال يسئلهالي عن حمزة دي والتوتر اللي بقي فيه مره واحده من امتا وائل بيسال علي حد. او يهتم انا شاكه ان وائل هو اللي سرق الملفات بس ازاي اثبت ده لبشمهندس سامي!!!!!!

****************

مر الليل سريعاااا ومع اذان.فجر يوم. جديد استيقظت علا من نومهاااا وهي تردد خلف المؤذن الي ان انتهي….. ثم بعد ذلك. وقفت امام. مراتها وارتدت حجابها وهمت بالذهاب الي الصلاة لكن استوقفتها شمس قائلة: علا هتصلي الفجر

علا: اه طبعا اومال مش هصلي ياشمس

شمس: يبختك ياعلا انا نفسي ابقي زيك. كده واصلي بانتظام بس مش قادرة

علا: بتعجب مش قادرة!! مش قادرة ليه اللي يخليكي بتقعدي قدام. المسلسل بالساعه والساعتين ياستي شمس ميخلكيش تقومي عشر دقايق تصلي فيهم

شمس: بخجل طب انا عايزه ابقي زيك. كده اعمل ايه

علا: بابتسامه هقولك بس قوليلي الاول احنا بنصلي ليه

شمس:عشان الصلاة دي ركن من اركان الاسلام وكمان ربنا فرضها علينا

علا:جميل اوي بس عاوزه افهمك.حاجه كمان فيه.فرق بين حد.بيصلي عشان خايف من عقاب ربنا وشايف ان الصلاة دي فريضه.لازم.يعملها عشان تبقي راحت من عليه وواحد تاني بيصلي عشان هو بيحب ربنا وفي نفس الوقت خايف من عقابه فبيصلي عشان هو بيلاقي راحته وسعادته في قربه من ربناااا انتي لما بتشتاقي لحد.وبيكون واحشك بتعملي ايه

شمس:ببقي عاوزه اشوفه

عليه: طب لو قلتلك بقي ان ربنا كمان لما احنا بنوحشه بيحب يشوفنا ومش بس مره في اليوم خمس مرات والخمس مرات دول هما الخمس صلوات اللي فرضهم عليناا

شمس: بفرح ايه ده بجد.

علا: اه بجد ده غير كمان.ان.اي انسان عاوز يكون ناجح وفالح. في حياته وسعيد.وفرحان يصلي لان الفلاح.مقترن.بالصلاة

شمس: بابتسامة عريضه الله ياعلا دي الصلاة دي جميله اوووي

علا: ايوة طبعاالصلاة دي روح الانسان من غير صلاة احنا زينا زي الاموات

شمس: طب ممكن اسالك.سؤال

علا: اتفضلي ياشمس

شمس: ايه.هو حكم تارك الصلاة كافر!!

علا: هقولك.الامام ابن القيم الجوزيه رحمة الله عليه لما حد.ساله وقاله ما هو حكم تارك الصلاة رد عليه وجاوبه وكان رده عليه جميل اوووي

شمس: بشوق ايه هووو

علا: قال ان.تصطحبه معك.الي المسجد

شمس: بابتسامة رد جميل فعلااا

علا: طب يلا بقي عشان نصلي الفجر

شمس: ماشي يلا بيناااا

**************

داخل جامعة عين. شمس ولاسيما كلية التربيه. يقف. طارق برفقة. صديقه مروان. مستندين. علي إحدي السيارات ينظرون الي المارة من الطلاب

مروان: بتعجب يا ابني انت عينك فارغه كده ليه هي خلود. مش ماليه عينك ولا ايه

طارق: بضحكه عاليه خلود ومين قالك اني اصلا بحب خلود. يا ابني انا سبق وقلتلك انا مش بتاع. حب انا اخري اصاحب واحده اقضي وقت انما احب مليش انا في المحن. ده.

مروان: طب هتستفيد ايه يعني لما تعلقها بيك. كل ده. وفي الاخر تسبها

طارق: ومين. قالك. اني هعلقها بيااا انا بس مستني اخد منها مصلحه جامده كده هتنقلني وترفعني فوق بعدين بقي ابقي اطلع بمليون سبب نسيب بعض عشااانه

مروان: ده انت داهيه

طارق: عيب عليك ده. انا طارق اللي مفيش ولا بنت في الجامعه. متعرفوش

مروان: طب ياعم تومي كروز انت هتطلع معانا رحلة الغردقه ولا لا

طارق: الغردقه!! كويس انك. فكرتني ده انا كنت ناسي وعمال اقول انا ناسي ايه ناسي ايه

مروان: يعني هتطلع معاناا

طارق: اه ياعم طالع معاكم هي امتا الرحله. دي

مروان: الخميس الجاي ده

طارق: بفزع الخميس الجاي ده. انا معملتش حسابي في فلوس طب والحل؛!!

مروان: انت مش بتقول ان خلود. دي باباها غني جدا ومعاها فلوس خلاص خد. منها واظن. يعني خلود. تتمني انك. تطلب منها حاجه زي كده

طارق: ايوة بس ازاي

مروان: اتصرف انت بقي

طارق: بعد. ان. لمح احدي الفتيات. التي علي علاقه. بها قادمه. من. بعيد. خلاص يا مرون اعملوا حسابي معاكم. انا هتصرف في الفلوس دي متقلقش

مروان: اشطااا يامان

طارق: طب طير انت بقي عشان مياده. جايه وانا عاوزها في حاجه مهمه.

مروان: اشطااا يامان هطير انا بقي سلام

طارق: لنفسه جيتي في وقتك. يا مياده.

بعد. لحظات. اقبلت مياده. قائلة: ازيك. ياطارق عامل ايه.

طارق: الحمدلله انتي ازيك. يا مزة مختفيه. يعني بقالك. فترة

مياده: بابتسامه ايه وحشتك. ولا حاجه

طارق: اكيد. طبعا وحشتيني يا ميمو

مياده: هعمل مصدقاك

طارق: عاوزك في مصلحه جامده. هظبطك. بعدهاااا

مياده: اهو كده الكلام. قول يابرو مصلحة ايه دي

طارق: فاكره البنت صاحبة خلود. دي اللي اسمها سمر اللي حكتلك. عليها قبل كده

ميادة: هههههه اه مش دي تقريبا البنت اللي مش بتطيقك

طارق: اه ولا انا بطيقهااا وحياتك

مياده: مالها بقي ست سمر

طارق: عاوز ابعدها عن سكة خلود. باي طريقه

مياده: اه يعني عايزني انا اللي اعمل كده

طارق: اه هتعرفي ولا لا

مياده: ايوة بس ازاي

طارق: ازاي دي سبيهاا علياا انا المهم. اليومين دول عاوزك. تتعرفي علي سمر وتصاحبيهاااا ولما ييجي الوقت المناسب هقولك. تعملي ايه بالظبط. اتفقنا

مياده: بضحكه اتفقنا يا بروو

***************

ارتدت شروق لبساها الواسع الذي عكس احترامها وحياءها وزادها جمالا فوق جمالهاا ثم اخذت خاطبت لوجين. قائلة

لوجي يلا ياحبيبتي عشان كده اتاخرنا اوووي

هند: انتي خارجه ولا ايه ياشروق

شروق: اه ياماما هعدي علي بابا في المحل وهشتري كام حاجه كده ل لوجي وهاجي علي طول

هند: طب كنتي عايزاكي في موضوع كده

شروق:بقلق موضوع ايه ده خير ياماما

هند: خير ياحبيبتي متقلقيش خلاص لما ترجعي بقي نبقي نتكلم

شروق: حاضر يا ماما

هند: هروح. اصحي عبير احنا داخلين علي الضهر اهوو ولسه نايمه. لدلوقتي

شروق: طبيعي ياماما دي بتسهر لوش الفجر

هند: اما اقوم. اشوفها واحضر لقمه. لابوكي لاحسن ده نزل المحل من غير ما يفطر

شروق: طب لو عاوزاني اعمل معاكي حاجه ياماما انا هاجل المشوار عادي

هند: لا لا يا حبيبتي روحي انتي يلا عشان متتاخريش ولما ترجعي بالسلامه اقولك انا عاوزاكي في ايه

شروق: ماشي يا ماما يلا يا لوجي

لوجي: يلا بينااااا

خرجت شروق وهي تحادث نفسهااا. ياتري موضوع ايه ده اللي ماما عاوزاني فيه يارب متكونش هتتكلم معايااااا عن الزفت اللي اسمه مصطفى لاحسن ده. انسان. بارد وانا عارفاه مش هيسبني في حالي!!!!

**************

يجلس نادر في سيارته حاملا هاتفه المحمول ويحادث احد الاشخاص بعصبيه قائلة

اسمع يا وائل انا مبتهددش

هتجيب الملفات بال200 الف اللي اتفقنا عليهم هاتهم مش عايز تجبهم. انت الخسران مش انا انا هصرف نظر عن الموضوع بس اللي هيخسر في اللعبه دي انت مش انا لما بشمهندس سامي يعرف انك بتخونه

اضطرب وائل واصابه القلق والخوف فاجابه قائلا

خلاص اتفقناااا بس انا ايه ضمني انك. مش هتغدر بياااا

نادر: انت اكتر واحد عارفني كويس والغدر مش طبعي احنا اشتغلنا مع بعض اكتر من خمس سنين ايه نسيت انا كنت بعمل معاك ايه

وائل: بقلق لا منستس بس الشيطان شاطر ممكن يوزك ويخليك تغدر بياااا

نادر: متقلقش مش نادر المنصوري اللي يعمل كده دي عمليه بسيطه مش محتاجه كل القلق ده هتديني الملفات هديك الفلوس وبعد كده ولا تعرفني ولا اعرفك

وائل:بحذر طب انت غيرت المكان ليه وخليته علي طريق مصر اسكندريه

نادر بخبث ههههه عقبال كده ما تتهور وتعملها زييا رايح. اكتب كتابي علي سوزي اللي كلمتك عنها قبل كده

صدقه وائل قائلا: انت طلعت مش سهل خلاص ساعه زمن واكون عندك

نادر: في انتظارك. متتاخرش

وائل: ماشي يا نادر مع السلامه

انهي وائل المكالمه قائلا

مش مطمنلك. يا نادر يامنصوري بس قسما عظما لو شميت بس اي ريحة خيانه لاكون مفضي المسدس ده في نافوخك

في تلك اللحظه اشعل نادر سيجارااا ثم خاطب نفسه قائلا

امسك. بس الملفات في ايدي واوعدك. يا وائل يادمنهوري ان اسمك ده هيمحي من علي وش الدنيااااا

****************

تقف سمر بصحبة ندي وخلود امام الجامعه يتبادلون الحديث

ندي: ايوة صح. يا خلود. مقلتلناش مين الناس الصعايده دول اللي جولكم من كام يوم

خلود: ياه انتي لسه فاكره ياندي

سمر: بضحكه اي يا خوخه.شكله كده عريس يابوي

خلود: لا ريحي نفسك.انا مش هتجوز غير طارق لو يحصل ايه

سمر: لنفسهاا هي خلود.مالها بتبصلي كده ليه ومفكره ان انا ببص للحيوان بتاعها ده

ندي: يعني طلع عريس اهووو

خلود:.اه وكمان فيه جميع المميزات دكتور صيدلي ومن عيلة غنيه في الصعيد.وعندهم.عمارتين هنا بس انا مش هتجوز غير طارق

سمر: بابتسامة ساخرة يابنتي وهو حد.فينا قالك.متتجوزيهوش بصراحه كده. تستاهليه ياخوخه ربنا يسعدكم

خلود: ميرسي ياسمر

ندي: طب عملتي ايه في موضوع الرساله دي اللي جاتلك

همت خلود.بالحديث لكن استوقفتها سمر عندما اصابتها نظرات خلود.لها من الاسفل الي الاعلي قائلة

عن اذنكم يابنات انا همشي

ندي: ايه ده طب والمحاضره.يابنتي

سمر:بزعل مصوبة الكلام.الي خلود لا دي محاضرة رخمه وانا معدتش ليا خلق للدكتوره دي

خلود: اللي يريحك

ذهبت سمر وهي تحادث نفسها بقي انا خايفه عليكي من طارق ده. عشان عارفه.انه.بيخونك ومش بيحبك واخرتها تشكي فياااا يا خلود…..مكانش العشم

في تلك.اللحظه عاتبت ندي خلود قائلة

ملكيش حق ياخلود سمر زعلت منك

خلود: بعدم اهتمام ما تزعل ولا تتفلق هعملها ايه يعني يا ندي

ندي: باندهاش تتفلق انتي مستوعبه.كلامك.انتي عارفه اللي بتتكلمي عنها دي مين سمر اللي كنتي بتقولي عليها انها تؤامك وصحبتك.الانتيم اللي معاكي من ابتدائي لحد.النهارده بتخرجوا سوا وتضحكوا سوا ايه.اللي غيرك فجاءة كده من ناحيتهاا ياخلود

خلود: اللي عاوزه تفرق بيني وبين.حبيبي ما تبقاش صحبتي

ندي: بتعجب تفرق؛!! انتي تعرفي عن سمر كده مش سمر اللي تعمل حركه وسخه زي دي لعلمك.ياخلود محدش بيخاف عليكي ولا بيحبك قد سمر بلاش تتهميهااا بدون دليل

خلود: لان انا واثقه ان محدش عمل كده غيرهااا وبكره هثبتلك.كلامي

ندي: ياخسارة يا خلود.مين اللي ضحك عليكي وفهمك.كده

خلود: بكره هتشوفي ان سمر هي اللي ورا الرساله دي ولا لا

ندي: انتي متاكده اوي كده انها سمر يعني

خلود: اه متاكده وهخليكي تشوفي بنفسك كمان

ندي: ازاي؟!!

خلود: هقولك ازاي بس في الوقتا المناسب

***************

عاد حمزة الي منزله فاستقبلته والدته بلهفه وشوق قائلة حمزة

حمزة: بعد ان قبل يدها وراسهااا اسف ياماما مكنتس اقصد اقلقك علياااا بس اليوم ده اللي انا غبته بسبب الشغل الجديد اللي انا اشتغلته

ام حمزة: شغل ايه ياحمزة يا ابني انت سبت المطعم ولا ايه

حمزة: بعد ان جلس علي احد. الكراسي اه سبته ومش هتصدقي انا اشتغلت فين

ام حمزة: فين يابشمهندس

حمزة: في مكتب هندسي كبير بتاع رجل اعمال مشهور اسمه سامي المنصوري

ام حمزة: يعني اشتغلت بشهادتك. الف حمد. والف شكر ليك يارب مش قلتلك. يا ابني اصبر ان الله مع الصابرين

حمزة: معاكي حق ياماما فعلا ربنا عوضه جميل جداً وبييجي في الوقت اللي بنكون في اشد الحاجه ليه وانا تعبت واشتغلت بدل الشغلانه اتنين وما اعترضتش ولا في يوم تكبرت وقلت الشغلانه دي ما تليقس بياااا وشفت مرمته كتير بس الحمدلله ربنا عوضني

ام حمزة: ربنا كبير يا ابني ومبيسبش حد بس الانسان يصبر ويحسن الظن بيه

حمزة: طب ياماما انا اعمليلي كوبايه قهوة من ايدك الحلوة دي وهاتيهالي مكتبي عشان فيه شويه شغل كده لازم اخلصهم قبل بكره

ام. حمزة: من عيوني يا بشمهندس

حمزة: ربنا يباركلي فيكي ياست الكل

ذهبت ام حمزة لتعد له القهوة بينما راح حمزة ضحيه تفكير….. فيما حدث له ليله امس داخل مكتب بشمهندس سامي

???? فلاش باك ????

سامي: وقف يا حمزة

حمزة ملتفتاااا للوراء بشمهندس سامي

سامي: ايه ياحمزة لو مكنتش طلعت طلعت يعني مكنتش هشوفك.

وائل: بقلق ربنا يستر ويعدي الموقف ده علي خير

حمزة: وهو ينظر الي وائل ابدا انتظرت حضرتك. بس قلت يمكن حصرتك مشغول في حاجه فقلت امشي واجي لحضرتك وقت تاني

اطمئن وائل قائلا؛: الحمدلله

سامي: ده. كلام. يا حمزة علي العموم اتفضل نكمل كلامنا في مكتبي نيفين قولي لسيد يجبلنا قهوة قهوتك ايه يا حمزة

حمزة: ملوش لزوم يابشمهندس

سامي: لا لا قولي قهوتك ايه

حمزة: مظبوط

سامي: قوليله يجبلنا اتنين قهوة مظبوط. يانيفين

نيفين: اوكي يافندم

دخل حمزة وسامي المكتب

سامي: مرحبا بحمزة اهلا وسهلا اتفضل اقعد. يا بشمهندس

حمزة: شاكرا له ميرسي جدا يا بشمهندس

سامي: اسف على الكركبه دي بس فيه ملفين ضايعين بدور عليهم

حمزة:لا يافندم. ولا يهمك

افاق حمزة علي صوت والدته قائلة القهوة يا حمزة

حمزة: متشكر اوي ياماما حطيها عندك.

حمزة لنفسه: هو ايه موضوع الملفات ده ؛!!! وازاي حاجه زي كده تضيع اصلاااا ايوة افتكرت انا لما دخلت المكتب كان فيه. شخص بيتكلم. في الموبايل وبيقول ملفات ومش ملفات بس انا عرفت الملفات دي فين بس عشان بشمهندس سامي يصدقني لازم دليل ودليل قاطع كمان لان من غير دليل مش هيصدقني!!! طب والعمل اقوله وامري لله

ولا اعمل ايه!!!!!

مازال حمزة جالسا علي مكتبه بالمنزل وامامه بعض الملفات التي يقوم بدراستهااا وهو يحادث نفسه قائلا

ده. مين اللي عمل الشغل ده

ده. اكيد. واحد. معندوش ضمير الشقه. دي محتاجه. تعديلات كتير اووي اقلها يومين عشان تخلص ربنا يقدرني واخلصها لاحسن دي شقة عرسان وفرحهم بعد يومين وحرام لما الفرح يتاجل بسبب موضوع الشقه

من. بكره ان. شاء الله هنزل اشتغل فيهاا

في تلك. اللحظه دخلت والدته قائلا

يا ابني مش هتاكلك. لقمه انت من ساعة ما جيت وانت قاعد. علي مكتبك.

حمزة: معلش ياماما بس الشغل ده. لازم. يخلص قريب

ام. حمزة: طب يا ابني كلك. اي حاجه انت من ساعة ما رجعت وانت بتشرب فس قهوة وما اكلتش حاجه

حمزة: خلاص ياماما نص ساعه والشغل اللي في ايدي ده. يخلص وهاكل منتحرمش منك. ياست الكل

ام. حمزة: ربنا يوفقك يا ابني واشوفك اكبر مهندس في الدنياااا

حمزة: تسلميلي يا حاجه فاطمه ياقمر انتي

ام. حمزة: طب اول ما تخلص الشغل اللي في ايدك ده تعالالي عشان عاوزاك في حاجه مهمه

حمزة:. حاضر ياماما

ام. حمزة: يحضرلك الخير يا ابني

خرجت ام حمزة واغلقت الباب خلفهااا

وعاد حمزة الي عمله مرة اخري

بعد. لحظات رن هاتفه…. فامسكه واجاب قائلا

الوو

المتصل: بشمهندس حمزة معايا

حمزة: ايوة يافندم انا حمزة

المتصل: انا حسام صاحب شقه 3اللي في عمارة8 اللي في المهندسين

حمزة: اؤمر يا استاذ حسام

حسام:مش حضرتك البشمهندس الجديد اللي شغال مع بشمهندس سامي

حمزة: ايوة يا فندم.

حسام: طب انا اتصلت ببشمهندس سامي عشان موضوع الشقه اللي لسه مخلصتش ديكور وانا فرحي بعد يومين وبجد احتارت ومش عارف اعمل ايه كل ما بكلم. بشمهندس نادر قالي اختلفت مع بشمهندس سامي وسبت الشغل وانا مش عارف اعمل ايه ابوس ايدك الحقني انا فرحي بعد يومين

حمزة: طب يافندم. متقلقش انا خدت تفاصيل الشقه من بشمهندس سامي وانا حاليا دلوقتي شغال عليهاااا و ساعتين يافندم وهكون عندك.

حسام: بجد. يا بشمهندس ولا بتراضوني زي كل مره

حمزة: لا يافندم. بجد متقلقش ان شاءالله الشقه بتاعة حضرتك هتكون خلصانه قبل الفرح متقلقش

حسام: اتمني

حمزة: متقلقش يافندم اوعدك شقتك. هتستلمها مني قبل الفرح بيوم كمان

حسام: ازاي ده الفرح. مش فاضل عليه غير يومين

حمزة: ازاي دي بتاعتي انا يافندم. متشلش هم. انت

حسام: ياريت والله. لاحسن موضوع الشقه ده قلقني خالص وخلاني كنت هخسر خطيبتي

حمزة: ربنا يسعدكم اطمن يا استاذ حسام زي ما وعدتك.

حسام: متشكر جدا لزؤقك

حمزة: ع ايه. ده شغلي

حسام: حضرتك معاك العنوان ولا تاخده

حمزة: لا معايا وانا ساعتين وهكون. عندك. ان. شاء

حسام: اوكي باي

حمزة: مع. السلامه.

انهي حمزة المكالمه قائلا

هو ايه الاهمال ده. واحدزي حسام ده. فرحه خلاص بعد يومين كان. هيعمل ايه لو شقته مكنتش خلصت انا مش عارف ايه اللي بيحصل ده. ملفات بتضيع شغل كتير كان. المفروض يخلص ومخلصش هو نادر ليه بيعمل كده مع بشمهندس سامي والغريبه انه عمه!!!!!

هو ايه تفسير اللي بيحصل ده؛!!!

****************

يجلس الحاج. شاكر امام. محله باحد. احياء القاهرة برفقة احد. اصدقائه يتبادلون. الحديث والضحكات

شاكر: والله زمان باحاج. حسين عاش من شافك

حسين: اعمل ايه. ياحاج. شاكر الحياة مشاغل

شاكر: صحيح والله مصير الحي يتلاقي

حسين: بناتك.. عاملين.ايه

شاكر: بخير الحمد. لله دلوقتي معايا جاسر اصغر واحد

حسين: ماشاء الله ماشاء ربنا يخليلهولك.

في تلك اللحظه أتت شروق بصحبة لوجين. ابنتها قائلة

مساء الخير يابابا ازيك. ياعمي حسين

حسين: الحمد. لله يا شروق يا بتي مش انتي شروق برضو ولا عمك. حسين كبر وخرف ههههه

شروق: اه انا شروق ياعمي حسين هي علا عامله ايه صحيح

حسين: انتي عارفه علا بنتي

شروق: ايوة كانت بتيجي تشتري مننا عشان كده عارفاها ابقي سلملي عليها

حسين: الله. يسلمك. يابنتي

شاكر: علي فين كده. يا شروق. يا بنتي

شروق: رايحه اشتري شويه حاجات للوجي كده يابابا من الحسين وراجعه علي طول

شاكر: طب خلي بالك من نفسك ومن بنتك

شروق: حاضر يابابا عن اذنكم

حسين: اتفضلي ياشروق يابنتي

شاكر: هي دي شروق ياحسين اللي كلمتك. عنهاا اللي اتجوزت مصطفي ابن الحاج صابر واطلقت منه

حسين: محدش بياخد. اكتر من نصيبه. يا شاكر ومين عارف. مش يمكن ربنا كاتبلها الخير مع حد غيره

شاكر: ونعم بالله معاك. حق شروق بنتي طيبه واكيد ربنا شايلها الانسان اللي هيصونهاااا لا مؤاخذه يا حسين الكلام خدنا ونسيت اجبلك حاجه تشربهاااا

حسين: لا حاجه ايه يا حاج هو انا غريب للكلام ده.

شاكر: واحنا فايدتنا ايه. في الغريب قهوتك ايه

حسين: مادام. مصمم يبقي زيادة

شاكر: ياااه ولا زمان يا حسين هاتلنا يا ابني اتنين قهوة بسرعه

حسين: احكيلي يا حاج.هي بنتك.التانيه قد.ايه كده

شاكر: نشرب بس القهوة وهحكيلك كل حاجه عشان انت ليك واحشه ومن زمان.ما قعدناش القعده دي مع بعض

************

تجلس نغم بصحبة نورهان في احدي الكافيهات فيحتل ملامح. نغم الصمت والتفكير الطويل فتخاطبها نورهان قائلة

مالك يابنتي سرحانه في ايه

نغم: بعد. ان. افاقت مفيش حاجه يا نورهان

نورهان: لا بقولك ايه. فوقي معايا كده انا شقتي محتاجه ترتيبات كتير اوي وكنت عامله ان نادر ابن. عمك. هيخلصها ديكور بس انتي بتقولي انه. ساب الشغل واتخانق مع اونكل سامي

نغم: اه فعلا ساب الشغل بس هو يعني مفيش غيره ولا ايه المهندسين كتير واحسن منه مليون مره

نورهان: بس نادر لمسته جميلة اوي وبجد مهندس شاطر اوووي عشان كده بابا مش عاوز اي حد غيره يعملنا شغل الديكور في الفيلا الجديده

نغم: لنفسها يارب حمزة يكون قد المسئوليه ويرفع. راسي قدام. بابا انا راهنت عليه عشان حاسه. انه انسان. ناجح. بس مكانش لاقي فرصته واهووو الفرصه جاتله لحد. عنده. ياتري بقي هيكون قد الثقه دي وهكسب الرهان ولا انا اللي اتسرعت لما قلت لبابا عليه

نورهان: باندهاش انا نفسي اعرف بتسرحي في ايه. كل شويه

نغم: لا متشغليش بالك ده موضوع عادي

نورهان: بقولك ايه صح يانغم. ما تيجي نتغدا في مطعم. عطر الشام ده والله وحشني اني ارزل علي المهندس القمر ده اللي اسمه حمزة

نغم: بتوتر حمزة

نورهان: اه ياختي حمزة مالك كده اتفزعتي لما سمعتي الاسم

نغم: لنفسها اقولها ولا ايه

نورهان: يبنتي انا بكلمك. انتي ايه. حكايتك النهارده

نغم: مين. قال اني اتفزعت عادي يعني بس قوليلي الاول انتي مركزة اوي يعني مع حمزة هو عاجبك ولا ايه ههههه

نورهان: بخجل اكدب عليكي لو قلتي لا

نغم: باستغراب يبنتي انتي مش مخطوبه

نورهان: تعالي بس يلا

نغم: لنفسها ده. انتي لو عرفتي ان حمزة مش في المطعم وشغال في المكتب بتاع بابا هتتصدمي هههههه

نورهان: هموووت واعرف بتضحكي ليه مع نفسك. كده

نغم: بابتسامة مفيش مش عايزة تتغدي في عطر الشام. يلا بيناااا

نورهان: والله حاسه. انك. مخبيه. عليا حاجه

نغم: بابتسامة حاجه حاجه ايه لا طبعا

نورهان: مش مرتاحالك. ع فكره

نغم: ليه ده انا حتي محضرالك مفاجاءة هتعجبك

نورهان: مفاجاءة؛! ايه دي

****************

تقف شروق بصحبة ابنتها في احدي محلات ملابس الاطفال وهي تمسك في ابنتهااا جيدااا قائلة

ايه. رايك في الفستان. ده. يا لوجي

لوجي: جميل اوي ياماما

شروق: عاجبك يعني

لوجي: اه حلو

شروق: ماشي

تعالي معايا نختار حاجه كمان

في تلك اللحظة دخلت امراة منتقبة واقتربت من شروق قائلة: لو سمحتي يابنتي ممكن اقيس الفستان ده علي بنتك بنت ابني قدها كده بس قاعدين بعيد كنت جبتها معايا وانا ست كبيرة ومش هقدر اروح واجي كتير

شروق: بخوف هي عندها كام. سنه ياحاجه.

المراة: 5.سنين

شروق: خلاص من غير ما تقيسيه هو كده هيبقي قدهااا

المراة: ماشي متشكره يا بنتي

ذهبت المراة عندنا باءت محاولتها بالفشل

بينما امسكت شروق في ابنتها قائلة

ايه. الست الغريبه دي انا مش مرتاحلهااا تعالي يا لوجي نمشي بسرعه انا مش مطمنه

في تلك الاثناء وقع نظر لوجين علي احدي الملابس المطبوع عليهاا احدي رسومات افلام الكارتون المفضله لديهااا فافلتت يدهاا

وضاعت وسط الزحاااام

بينما صرخت شروق قائلة

لوجييين. بنتي؛!!!!!!!

**************

يجلس طارق في شرفة غرفته يتحدث في هاتفه قائلا

ياحبيبتي مش عايز ادايقك. ولا اقرفك. بمشاكلي

خلود: بحسن نيه. يا ابني انت اهبل هو انا مش المفروض حبيبتك ما تقولي ايه. اللي مدايقك اوي كده

طارق: بدهاء فاكره رحلة الغردقه اللي كلمتم عنها قبل كده

خلود:: اه مالهاااا

طارق: الرحله الخميس الجاي ده وفلوس الرحله ضاعت مني بالمحفظه النهارده

خلود: بحزن طب يا حبيبي ما تدايقش نفسك في داهيه الفلوس

طارق: ما ادايقش نفسي ازاي بس يا خلود. دي كان فيها 3 الاف جنيه ال2000 بتوع الرحله والف كنت شايلها مصاريف كده علي جنب يلا بقي نصيبي كده هعمل ايه خلود: بص طيب الرحله هتطلعها متقلقش

طارق: هطلعها ازاي بس ياخلود. ما الفلوس ضاعت

خلود: قولي بس انت محتاج. كام. وانا هجبهملك. معايا بكره

طارق: لالا ياخلود. مش هينفع طبعا

خلود: ياعم انت مالك هو مش احنا الاتنين واحد افرض انا احتجت فلوس مش هاخد. منك

طارق: ده انا وفلوسي وكلي ملكك. يا حبيبتي

خلود: خلاص بقي متزعلش وان. شاء الله هتطلع الرحله وتتبسط كمان

طارق: بدهاء بحبك اوي ياخلود

خلود: وانا كمان بحبك اوي

طارق: مقلتليش صح ياخلود معرفتيش مين اللي بعتلك الرساله

خلود: لا طبعا عرفت مفيش غيرها سمر

لان. محدش كل شويه والتاني يحذرني منك غيرهاااا عامله خايفه عليا وهي عاوزه تخطفك مني

طارق: اطمني يا خلود. انا مش بحب ولا هحب غيرك يعني لا سمر ولا مليون واحده زي سمر يشغلوني

خلود: ربنا يخليك ليااااا

في تلك اللحظه دخل محمود اخو خلود. فعندما وقع نظرها عليه ارتعبت قائلة سلام دلوقتي ياندي هكلمك. بعدين

محمود: خلود. تعاليلي بسرعة عاوز اتكلم معاكي

خلود: بخوف خير يا محمود في حاجه

محمود: دلوقتي هتعرفي كل حاجه!!!!!

********

علي طريق مصر اسكندريه الصحراوي تقف سيارة سوداء علي جانب من الطريق في داخلها يجلس نادر حاملا هاتفه قائلا

ساعه بالكتير يا سوزي يا حبيبتي واكون عندك.

سوزي: ماشي ياحبيبي مستنياك

نادر: مسافة السكه ياحبيبتي

سوزي: اوكي باي

نادر: باي

اغلق نادر هاتفه واشعل سيجارة وهو يخاطب نفسه قائلا

هو الزفت اللي اسمه وائل اتاخر ليه كده معقوله يكون. رجع في كلامه ده لو عمل كده فعلا يبقي يستحمل بقي اللي هيجراله مش نادر المنصوري اللي يتلعب بيه

ثم استند علي كرسي سيارته منتظرااا وائل

في تلك. اللحظه توقفت سيارة بالقرب من سيارة نادر

فخاطب السائق نادر قائلا

محتاج اي مساعده يا استاذ

نادر:. لا لا متشكر جدا انا واقف بس اولع سيجارة وهمشي علي طول ميرسي جدا

السائق: العفو عن اذنك

نادر: بعد ان رمي ما تبقي من سيجارته اتفضل

بعد. لحظات اهتز هاتف نادر فامسكه. قائلا ايه ياعم وائل هي دي الساعه بتاعتك اومال لو مكنتش قايلك. عندي كتب كتاب؛؛

وائل: معلش يانادر العربيه شطبت بنزين فوقفت فولتهاااا

نادر: ماشي انت فين؛!!

وائل: انا شايفك مش. عربيتك اللي راكنه قدام. دي

نادر: بعد ان. نظر في مراة سيارته اه اومال انت فين يعني مش شايفك

وائل: بضحكه ههههههه انا قدامك. اهووو علي طول

نادر: اه شفتك

وائل: انزل من العربيه. وتعالي عند عربيتي وهات الفلوس معاك. وخد الملفات

نادر: لنفسه هههه فلوس ده انت بتحلم

وائل: ساكت ليه بقولك هات الفلوس وتعالي خد الملفات بس اسمع لو شميت اي ريحة غدر متلومش غير نفسك

نادر: بدهاء ياعم غدر ايه هتسلمني الملفات هسلمك الفلوس وكل واحد فينا يشوف طريقه منين

وائل: ماشي انزل يلا وتعالي

اغلق نادر هاتفه وامسك مسدسه واخفاه خلف حقيبة الفلوس

بينما نزل وائل من سيارته وهو يخفي مسدسه اسفل ظهره وتحت ملابسه

نادر: بعد ان فتح الشنطه الفلوس اهي فين الملفات

اطمئن وائل قائلا: ثواني هجبهالك من العربيه

ادخل وائل راسه في العربيه ليخرج الملفات فتفاجئا بوائل وهو يضع المسدس فوق راسه. قائلا هههههه مش عيب عليك. تخون. سامي بيه

وضع وائل يده اسفل ظهره ماسكا مسدسه قائلا: كنت عارف انك. هتخوني ثم اعتدل موجهااا مسدسه في راس نادر

اوقع نادر بذكاء المسدس من يد. وائل واخذ الملفات

بينما ظل وائل يتراجع للوراء في خوف فسقط بالقرب من مسدسه فحاول ان يحمله مرة اخري لكن سبقه. وائل بطلقه في يده

فصرخ قائلا: اااااه مش هرحمك يانادر

ناد: بسخريه مش نادر المنصوري اللي يتهدد

انت خلاص دلوقتي بالنسبالي كارت محروق

باي باي يا بشمهندس

راحت اصابع نادر علي زناد المسدس رويدا رويدا تحت نظرات خوف شديد من وائل

في تلك.اللحظه جاءت سيارة مسرعة من الخلف تفاداها نادر مزهولااا فاصتدمت بوائل واسقطته ارضاااااا

نادر: بينما امسك نادر الملفات وهرول مسرعااا قائلااا ههههه اللي حصل ده في صالحي

جداااا

لما يبان انه مات في حادثه؛!!؛

احسن ما يبان انه اتقتل!!!!

انطلق نادر بسيارته دون. ان ينتبه ان. الملفات سقطت منه. مرة اخري!!؛!!!!!

اقتربت الساعه من السابعه مساء وتجلس عبير امام. هاتفها ويجلس جاسر امام. التلفاز فيرن جرس الباب فتصيح هند من الداخل قائلة

شوفي مين ياعبير

عبير: زافرة يوووه هو انا البوابه بتاعتكم ولا ايه قوم شوف مين ياجاسر

جاسر: ملوحا بيده مليش دعوه انا بتفرج علي الكيتون (الكارتون)

عبير: زافرة اووف حتي انت يا جاسر امري لله

بعد.لحظات فتحت عبير الباب قائلة

بابا ده. بابا ياماما

هند: من الداخل شروق اختك جت معاه ولا لا

عبير:. لا ياماما بابا لوحده.

تمالك. الخوف والقلق هند فجاءت مسرعة وخاطبت زوجها شاكر قائلة

شروق مجتش معاك ليه ياشاكر

شاكر: انا افتكرتها رجعت ياهند

هند: واضعة يدها عقلبها قلبي واكلني علي شروق اوي يا شاكر ما تتصلي باختك بدل ما انتي قاعده قدام الزفت ده من. ساعة ما رجعتي

عبير: بضيق يوووه ياماما انا زهقت هي يعني شروق صغيرة؛!! زمانها جايه متقلقيش

شاكر: متبقيش عصبيه ياعبير ياحبيبتي فيها ايه لما تطمني علي اختك

عبير: حاضر يابابا هروح. اجيب كارت الشحن. من جوة وهشحنه وهكلمهااااا

في تلك. اللحظه تبحث شروق عن.ابنتها في المول وهي تبكي بحرقة عليها وتنظر يمينا ويسااارا الي ان اصطدمت باحدي النساء قائلة مشفتيش بنت عمرها خمس سنين لابسه بنطلون. اسود. وتشرت ابيض عليه ورد

احدي النساء: لا والله يامدام.

بعد. لحظات رن هاتفهاا فلم. تبالي له واكملت بحثهااا عن ابنتهاا

عبير:مش بترد.يابابا

شاكر:جربي تاني ياعبير

عبير: حاضر

في هذه الاثناء كانت تقف فتاة صغيرة بمفردهااا امام احدي محلات الالعاب وعندما. وقع نظر شروق عليهاااا هرولت ناحيتها قائلة لوجين. بنتي

التفتت الطفله للوراء

وعندما وقع نظر شروق عليها تغيرت ملامحها من الفرح الي الحزن ثانية عندما علمت انها ليست ابنتهاااا

في هذه الاثناء كانت لوجين. تبكي بحرقة علي فقدها والدتها فظلت تسير يمينا ويساراااا وعندما فقدت الامل في الرجوع الي والدتها

جلست تبكي باحد. اركان المول

فوقع نظر المراة المنتقبه عليهااا. فانتهزت الفرصه واسرعت ناحيتها قائلة

بنتي حبيبتي رحتي فين

لوجين: انا عاوزه ماما

المراة المنتقبه: متخفيش ياحبيبتي انا ماما تعالي اما اجبلك. شوكلاته بس متعيطيش

في هذه الاثناء طرات في بال شروق فكرة ان تذهب الي مراجعة كاميرات المحل

فهمت بالذهاب لكن. استوقفها رنين. هاتفها ثانية

فامسكته. واجابت وهي تبكي قائلة

ايوة ياعبير

عبير: بقلق انتي بتعيطي ليه. يا شروق

شروق: ببكاء لوجي ضاعت مني ومش لاقياهااا

عبير: بفزع واضعة يدها علي قلبهااا طب انتي فيييين

هند: بفزع بنتي مالها

شاكر: اهدي ياهند خلينا نعرف ايه الحكايه.

عبير: طب خليكي مكانك. انا وبابا جاينلك. حالاااااا

هند: بقلق فيه. ايه. ياعبير مالها اختك

عبير: لوجين تاهت ومش لاقياهااا

شاكر: بفزع تاهت ازاي!!!!

******************

عااد. سامي الي منزله وجلس يستريح. قليلا فخلع بدلته وجلس يحادث نفسه قائلا

مين اللي ليه مصلحه في سرقة الملفات نادر طب ازاي وهما كانوا موجودين بعد ما نادر ساب الشغل وائل بس وائل طول عمره دراعي اليمين واوقات كتير بسيب الملفات دي قدامه لو كان عاوز يعمل كده كان عمل من زمان… مفاضلش غير نيفين ودي اخر حد. انا اشك فيه انه يعمل كده مين بقي اللي قدر يدخل مكتبي ويسرق ملفات مهمه اوي زي دي غير حد. اكيد. عارف قيمتهاااااااا

ثم. افاق علي صوت زوجته قائلة

سامي انت رجعت امتااا

سامي: لسه حالا

ياسمين: طب هتاكل ولا اعملك. قهوة

سامي: لا مليش نفس هاتيلي فنجان. قهوة

ياسمين: ماشي

في هذه الاثناء خرج ادم. من غرفته فلاحظ القلق الذي طرا علي وجه والده فجلس بالقرب منه قائلا

بابا انت بتفكر في ايه

سامي: بابتسامة مش بفكر في حاجه ياحبيبي قولي اخبار الشغل ايه في اي صعوبات بتواجهك

ادم: لا يابشمهندس الشغل تمام اوي وكل حاجه ماشي زي الفل قولي انت ايه اللي شاغلك كده

سامي: بذكاء مفيش حاجه بس ضغط شغل ياحبيبي انت عارف لما نادر ابن عمك. ساب الشغل والشغل كله اتراكم فوق دماغنا ومطلوب مننا اننا نخلصه في وقت قصير

ادم: بهدوء ماشي يابابا عن. اذنك بقي

سامي: اتفضل ياحبيبي

بعد لحظات احضرت له زوجته. القهوة قائلة

القهوة يا سامي

سامي: لم يجب

ياسمين: باستغراب القهوة ياسامي

سامي: بعد ان افاق ميرسي جدا يا ياسمين

ياسمين: مالك. يا سامي ايه اللي شاغل بالك. اوي كده

سامي: مفيش حاجه ياحبيبتي هي نغم. رجعت ولا لسه

همت ياسمين بالحديث لكن استوقفتها نغم. بدخولها قائلة

انا جيت اهووو يابابا وحشتني جدا

سامي: وانتي كمان. ياحبيبتي

نغم: بعد.ان.جلست.بالقرب من والدها ايه اخبار البشمهندس الجديد. اللي شغال معاك. يابشمهندس سامي

سامي: والله يانغم انا ما اقدرش احكم. عليه من دلوقتي بس هو شكله انسان. محترم ومجتهد. وبيحب شغله ومش انا اللي هقول عليه. بشمهندس شاطر ولا لا شغله هو اللي هيقول كده

نغم: احم. وانا واثقه من نجاح. حمزة

ياسمين: باستغراب حمزة مين. ده. ياسامي اللي بتتكلموا عنه

سامي: ده. موضوع طويل محتاج. شرح ابقي قولي لماما يحبيبتي انا داخل انام. شويه

نغم: اوكي يابابا

ياسمين: انا مش فاهمه حاجه ممكن. تفهميني يانغم

نغم: حاضر ياماما هفهمك.!!!

*****************

علي احدي الكافيهات

يجلس حازم بصحبة باسم يتبادلان الحديث والضحكات

فيدخل الويتر قاططعاا حديثهم قائلااا

القهوة يااساتذة

حازم: بهدوء متشكر حطها عندك.

باسم: مكنتش فاكر ان الفان داي هيطلع بالجمال والعظمه دي الله ينور ياحازم

حازم: عيب عليك ده انا حازم. يعني ملك. الحلفلات والرحلات في الجامعه

باسم: بصراحه الدفعه. كلها كانت مبسوطه. رقصنا ولعبنا وغنينا واتصورنا اليوم ده لا يمكن. يتنسي

حازم: سيبك. من الاحتفاال قولي اتخانقت انت وخطيبتك. ليه

باسم:. اتخانقنا عشان شافتني واقف مع سهير وبمضيلها علي التيشرت

حازم: خطيبتك. شكلها بتحبك. جامد. عشان كده بتغير عليك يامعلم

باسم: ايوة بس الغيرة الزيادة دي ساعات بتدمر العلاقه ولا انت مش معايا في اللي بقوله ده

حازم: لا طبعا مش معاك الغيرة نوع تاني من الحب بينعكس علي الشخص اللي بيحب بيخلي شدة حبه للحاجه اللي بيحبهااا تقلب بخوف من ان. الحاجه دي تضيع منه. او حد. غيره ياخدها منه

باسم: مندهشاا ايه ده قاعد. مع فيلسوف ولا ايه ههههه

حازم: بكلمك. بجد. الغيرة حلوة بالذات في العلاقات العاطفيه بتبين قيمتناا عند اللي بنحبهم وبيحبونا

باسم: معاك حق يبقي انا كل لازم اصالح مريم. لاني زعقتلها وقلتلها انها مبقتش تثق فياا

حازم: يا ابني الغيرة ملهاش علاقه.بقلة الثقه دي نكرة ودي نكره تانيه. خالص

باسم؛: قولي بقي ياحازم. رغم كل البنات اللي في حياتك دي مفكرتش مرة تحب

حازم: بحزن انا احب

باسم: ومتحبش ليه

حازم: بحزن انا اكتر انسان في الدنيا دي ميعرفش يعني ايه حب ولا حتي يعرف يحب

باسم: ليه بتقول كده

حازم: عشان انا شخص تايه مش عارف انا بعمل ايه ولا بعمل كده ليه انا اوقات بتدور فيا علياا عارف انت لما تقعد. تدور ع نفسك ومتلاقيهااش اهو انا يا باسم كده

باسم: ايه ده يا ابني انت ليه قلبتها نكد. مكانش سؤال ده

حازم: هو فكرك. يعني ياباسم انا محاولتش اني احب حاولت كتير وفشلت لان انا حياتي كلها بنات في بنات فهحب مين او مين. هيحب واحد. زيي

باسم: مطمئنا له طب ياعم. روق كده واشرب القهوة بتاعتك عشان نعرف ناخد وندي في الكلام وبالمرة

اخد. رايك في حاجه كده

حازم: بتنهيده. ماشي

******************

في احدي المستشفياات وداخل حجرة العنايه المركزة

يقف احد الدكاترة يخاطب شخص مااا قائلا

الحمد. لله احنا قدرنا نسيطر علي النزيف بس يؤسفني اني اقولك. انه مش هيفوق دلوقتي لانه. دخل في غيبوبه

احد. الاشخاص: بخوف والغيبوبه دي هيفوق منها امتاا يادكتور

الدكتور: الله اعلم. الحادثه كانت صعبه جدا واحمد. ربنا انه لسه علي قيد الحياة ومماتش

احد. الاشخاص: متشكر جدا لتعبك يادكتور

الدكتور: هو انت تقرب للحاله ايه

احد الاشخاص: انا ما اقربلوش انا اللي خبطه. بعربيتي علي طريق مصر اسكندريه بس والله غصب عني انا الفرامل بتاعة العربيه فكت لوحدها كده. مره واحده

الدكتور: الكلام ده تبقي تقوله لعادل بيه يا بشمهندس انا عملت اللي عليا عن. اذنك

في تلك اللحظة اتت الشرطه.

فخاطب المحقق الدكتور قائلا مساء الخير يادكتور علاء

الدكتور: مساء الخير ياعادل بيه

المحقق: هي حالة المريض تسمح. لاستجوابه ولا لا

الدكتور: لا يافندم المريض دخل في غيبوبه ومش هيفوق منها دلوقتي خالص بس وانا في اوضة العمليات طلعت من ايديه الرصاصه دي يافندم

احد. الاشخاص: بخوف رصاصه!!!

المحقق: انت تقرب للحاله ولا ايه

احد. الاشخاص: انا بشمهندس ماجد. اللي مسئول عن اللي حصل للحاله. يافندم

المحقق: طب اتفضل معانااااا

ماجد: ماشي يافندم

الدكتور لنفسه: رصاصه وحادثه هو البشمهندس وائل ده شغال في ايه. بالظبط!!!!!

*******************”

امام. احدي الشقق في احدي العمارات بالمهندسين يقف حمزة مرتديا زيه الانيق حاملا حقيبته

بعد. لحظات خرج له احد. الاشخاص قائلا

اؤمر يا استاذ

حمزة: مبتسما انا بشمهندس حمزة يافندم. مش دي شقة استاذ حسام

الشخص: اه اقوله مين

حمزة: قوله. البشمهندس حمزة وهو هيعرف

احد. الاشخاص: ماشي ثواني معلش

حمزة: اتفضل يافندم

حمزة لنفسه.: مبتسما هو انا دخلت عمارة غلط ولا ايه

حسام: بشمهندس حمزة اهلا وسهلا اتفضل

حمزة: اهلا بيك. يافندم هي دي الشقه ولا ايه

حسام: اه هي دي اتفضل تعالي

دخل حمزة الشقه وهو ينظر يمينا ويسارا قائلا

ما شاء الله عظيم اوي

حسام: تشرب ايه بقي

حمزة: لا ملوش لزوم يا فندم ثواني بقي هفرجك علي كام ديزين انا اشتغلت عليهم امبارح. واثق انهم هيعجبوك

حسام: اوكي

فتح حمزة حقيبته واخرج اللاب توب الخاص به وقام. بتوجيه الشاشه ناحية حسام قائلا

شوف ده. الاول كده وقولي ايه رايك

حسام: وهو ينظر في اعجاب شديد الديزين ده تحفه والوانه متناسقه مع. بعضهااا هايل

حمزة: شكرا يافندم شوف التاني ده كده وقولي ايه. رايك واللي هيعجبك. انت وخطيبتك هو اللي هنشتغل عليه

حسام: ماشي

بعد لحظات خاطبه حسام قائلا

مش ممكن. انت هايل بجد ايه العظمه دي ده. التصميم اللي دورنا عليه كتير انا وفريده خطيبتي

حمزة: يعني نشتغل ع التاني ده. يافندم.

حسام: فرحااا اه طبعا اشتغل عليه وبص انا مش هقف معاك. في اي فلوس الفلوس اللي هتطلبها هديهالك

حمزة:. لا يافندم احنا اهم. حاجه عندنا رضا عملائنا الفلوس دي اخر حاجه

حسام: ميرسي بجد لزؤقك

حمزة: طب انا محتاج بس حد. من العمال معايا عشان. في شويه. حاجات عاوزين يتنقلوا من هنا ويتحطوا في مكان تاني

حسام: احمد اخويا معاك اهو واي حاجه تحتاجهاا اتصل بيااا وبجد انا مش عارف اشكرك. ازاي انك هتنجدني من موضوع الشقه ده

حمزة: متشلش هم. يا استاذ حسام استاذنك. بقي عشان هبدااا

حسام: اتفضل!!!

حمزة: بسم الله توكلت ع الله يارب اقدر اخلص الشقه. دي قبل ميعاد الفرح زي ما وعدت حسام!!

****************

باحد. احياء الحسين يتجول زين بصحبة صديق له يتبادلان. الحديث وفجاءة قطع حديثهما رنين هاتفه مما اضطر ان يجيب عليه قائلا

ايوة يا بابا معاك

حسين: انت فين يا زين يا ابني

زين: انا في الحسين يابابا انا وجمال بنشتري كام. حاجه كده وراجعين

حسين: طب متتاخرش عشان هنروح انا وانت مشوار مهم لحد. عمك. شاكر

زين: باستغراب شاكر مين ده يا بابا

حسين: يا ابني عمك. شاكر ابو شروق وعبير اللي كانوا جيرانا زمان قبل ما نعزل ونسيب المنطقه

زين: مندهشاا ليه قصدي انت لسه علي علاقه بيه ولا ايه. يا بابا

حسين: . لما تيجي بس هقولك كل حاجه. متتاخرش

زين:. ماشي ياحاج سلام عليكم

حسين: وعليكم السلام

جمال: انا فعلا شفت عمي حسين. النهارده قاعد مع عمك. شاكر وبيشربوا قهوة

زين: محادثا نفسه غريبه. ايه اللي خلي بابا فجاءة كده يفكر انه. يسال علي عمي شاكر معقوله. تكون. علا قالت لبابا ان عيني من شروق ولا ايه الحكايه

جمال: مالك يازين سرحت في اي

زين: هااا لا مفيش انت هتشتري ايه تاني عشان نمشي

جمال: هجيب عروسه لجودي بنتي عشان عماله تزن علي دماغي

في تلك اللحظة كانت المراة المنتقبه تصطحب لوجين في يدهاااا

لوجين بعد ان وقع نظرها علي زين: عمو زين.عمو زين

زين.: لم.يبالي وغارقا في تفكيره.

المراة: شششش لو سمعتك.بتتكلمي تاني مش هوديكي لماماتك.

جمال: مندهشاا زين. يازين.

زين: مالك. ياجمال

جمال: فيه. بنوته عماله تنادي عليك انت سرحان في ايه

زين: بنوته فين دي ومع مين

جمال: مشيت من هنا هي وامها

زين: بعد. ان. تذكر ايوة انا برضو متهيقلي حد كان بينادي علياااا

جمال: اه ده حتي امها حطت ايدها علي بوقها لما ندهت عليك

زين: معقوله تكون لوجين بنت شروق ايوة بس ايه اللي هيجيب لوجين الحسين

بعد. لحظات رن هانف زين ثانية فاجاب قائلا

ايوة ياعلا

علا: الحق يازين دي لوجين بنت شروق تاهت ومش لاقينهاااا

زين: بفزع لوجيييين

علا: ايوة انا بس قلت اقولك لو هتروح تدور معاهم عشان خاطر عمك. شاكر صاحب بابا

زين: بلهفه طب سلام ياعلا

جمال: في ايه يا ابني انت مش ع بعضك ليه

زين: البنت اللي شفتها من شويه دي

جمال:بتعجب مالها

زين: بنت حد قريبنا ومخطوفه

اجري نلحقهاااااا

جمال: مخطوفه!!!!!!.

زين: اه اجري بس يارب نلحقهااا

**************

وصل نادر بسيارته الي احدي الشاليهات ثم. قام. بركن. سيارته وهو يقوم بتظبيط. ملابسه قائلا

اخيرا ارتحت من الكابوس اللي اسمه وائل ياساتر ده كان كابس علي نفسي اووي

استقبلته سوزي بابتسامة قائلة

وحشتني اوي يانادر

نادر: بعد. ان. قام. بتقبيلها وانتي كمان. يا سوزي

سوزي: اتاخرت ليه كل ده

نادر: معلش ياحبيبتي الطريق كان زحمه

سوزي: بعد. ان. لاحظت اثار دم علي بدلته ايه ده ياحبيبي انت اتعورت في ايه ايه الدم ده

نادر: بدهاء اصلي خدت مطب جامد. فاسناني خبطت في العربيه فنزفت بس متقلقيش ياحبيبتي بسيطه

سوزي: طب تعالي معايا لاحسن انا محضرالك. سهرة هتعجبك اووي

نادر: طب اسبقيني انتي ياحبيبتي وانا هجيب حاجه من العربيه واحصلك

سوزي: اوكي

قام نادر بفتح.سيارته والبحث عن الملفات مخاطبا نفسه.قائلا

غريبه الملفات راحت فين

معقوله تكون.واقعه.تحت اما ادور عليها

ثم.بعد.ان.بحث مرار وتكرار وفقد.الامل في الحصول عليهاا

قام.بالتكسير في سيارته قائلا الملفاات راحت فييييين

سوزي: بقلق في ايه يانادر خضتني

نادر: لنفسه يعني ايه الملفات ضاعت طب ازاي ازاااااااااااي!!!

مع صباح يوم جديد وداخل مقر مكتب جنه. للعقارات والديكور الهندسي

تجلس نيفين السكرتيره امام مكتبهااا تقوم. بمراجعة بعض الملفات فيقطع تركيزها دخول بشمهندس سامي قائلا

صباح الخير يا نيفين

نيفين: بابتسامة صباح الخير يافندم

سامي: عندما وجد مكتب وائل فارغااا هو بشمهندس وائل مجاش ليه لدلوقتي

نيفين: مش عارفه والله يافندم.

سامي: غريبه وأئل اليومين دول مش طبيعي وبقي يغيب كتير هي ايه الحكايه

نيفين تكتفي بالصمت

سامي: هاتيلي ملفات شقق التجمع كلها يانيفين

نيفين: اوكي يافندم

سامي: اه صح. مفيش اخبار عن. حمزة

نيفين: بشمهندس حمزة من امبارح يافندم وهو شغال في شقة استاذ حسام وبلغني ان اقول لحضرتك انه هييجي المكتب النهارده متاخر شويه

سامي: مبتسماا عظيم. اوي متشكر جدا يا نيفين ولما وائل ييجي دخليهولي علي طول

نيفين: اوكي يافندم

دخل سامي مكتبه بينما غرقت نيفين في تفكيرها قائلة: طب وبعدين ايه حكاية بشمهندس وائل دي وليه مجاش الشغل النهارده تقريباا كده في حاجه بس انا مش عارفه ايه هي…

بعد. لحظات من الصمت

بس اخيرا لاقيت تفسير للي بيحصل ده اكيد وائل لسه ع علاقه بنادر ونادر هو ورا كل اللي بيحصل ده!!!

******************

داخل جامعه عين شمس ولاسيما امام كلية التربية تقف خلود. برفقة طارق يتحدثان فتخاطب خلود. طارق قائلة

انت لسه زعلان علي الفلوس اللي ضاعت قلتلك الرحله هتطلعها زعلان ليه بقي

طارق: ايوة بس انتي يحبيبتي محتاجه للفلوس دي اكتر مني

خلود: متقلقش انا معايا فلوس كتير خد. بقي دول 3 الاف جنيه ولو احتاجت فلوس تانيه ابقي قولي

طارق: لا مش هاخد حاجه خلي فلوسك معاكي

خلود: بابتسامة ياعم امسك. بقي انا ياما هقلبك متخافش ههههه

طارق: ههههه ليه هتجوز نشاله ولا ايه

خلود: حاجه زي كده ايه في مانع ولا حاجه

طارق: بدهاء هو احنا نطول ياجميل انت

خلود: بخجل احم اتلم احنا في الجامعه

طارق: هههههه ماشي هتلم

خلود: امسك. بقي خليني اروح اشوف ندي عشان عماله ترن عليا صدعتني

طارق: انتي اتخانقتي انتي وسمر ولا ايه

خلود: زافرة اه ومتجبليش سيرتها عشان ما انكدش عليا انت كمان

طارق: بابتسامة خلاص. ياستي مش هجيبلك. سيرتها تاني

خلود: يكون احسن هروح اشوف ندي بقي ولما المحاضره تخلص هكلمك عشان عاوزه اتكلم. معاك في موضوع مهم اووي

طارق: موضوع ايه ده يا خلود

خلود: موضوع العريس اللي متقدملي ده

طارق: متصنع الفزع عريس!!!!

خلود: اه هحكيلك كل حاجه بعد المحاضره لان المرة دي بابا وماما ومحمود اخويا كلهم موافقين عليه وانا مش عارفه هرفض ازاي زي كل مرة

طارق: هو مين ده؛!!!!

خلود: لما المحاضره تخلص هقولك

طارق: طب والعمل ايه دلوقتي ومين ده اللي ميترفضش واشمعنا المرة دي اهلها كلهم موافقين عليه

خلود: انا مش عارفه هعمل ايه وهرفض ازاي

انا لازم. اشوف حل للكارثه دي

**************

يجلس حازم برفقة باسم امام مبني كلية الاداب

حازم: مالك يامعلم بتبص علي مين اوي كده ومركز

باسم: بص كده مش دي علا صاحبة مريم خطيبتي

حازم: طب وانا هعرفها ازاي دي منتقبه وبعدين الاتنين منتقبين يعني في الاول كنت بعرفها لما بشوفها مع مريم خطيبتك دلوقتي هعرفها ازاي

باسم: بابتسامة ياعم والله دي علا بس اللي هيجنني مين دي

حازم: مندهشا وتتجنن ليه واحده من صحابها عادي يعني

باسم: يا ابني انت عبيط انا مش لسه مكلم. مريم خطيبتي قدامك دلوقتي وقالتلي انها مع علا ودقيقتين. وتكون عندي

حازم: اه وده ايه علاقته بالبنت اللي مع علااا

باسم: انا بس مستغرب مريم فين لما علا معاها بنت تانيه

حازم: ممكن المنتقبه اللي معاها دي تطلع مريم خطيبتك

باسم: انت بتهزر انت عارف ان مريم محجبه ورافضه فكرة النقاب ده خالص مع اني قلتلها تلبسه بدل المره الف

حازم: مش يمكن علا دي قدرت عليها واقنعتها تلبسه

باسم: ياسلام في يوم وليله كده مريم. خطيبتي عناديه. جدا ومش بتقتنع بسهوله

حازم: انت هتجنني معاك ليه اتصل بخطييتك ياعم وشوفها فين

باسم: معاك. حق لاحسن انا دماغي بتودي وتجيب

علي المقابل لهم تشاهد علا وصديقاتها ما وقع بباسم وحازم وهم مبتسمين

علاا: باسم مش هيعرفك وانتي بالنقاب

مريم: انا عايزاه ميعرفنيش عايزه اشوف رد فعله ايه بعد. ما يشوفني بالنقاب

علا: انتي مش بتقولي انه نصحك قبل كده كتير انك. تلبسيه

مريم: اه

علا: يبقي اكيد. هيفرح بيه

همت مريم بالحديث لكن استوقفها رنين هاتفها فاجابت وهي تنظر الي باسم قائلة

ايوة يا باسم

في المقابل باسم ينظر اليها في زهول

باسم: انتي فين يامريم

مريم: قلتلك مع علا ودقيقتين واكون عندك

باسم: ومازال يطيل النظر الي مريم بزهول انتي ناويه تجننيني صح علا قدامي اهي مع واحده منتقبه زي القمر عماله تبصلي وتضحك كمان

مريم: مبتسمه طب اتلم وانت بتبصلها ليه اصلا

علا: مبتسمه حرام عليكي الواد قرب يتجنن

حازم: ولا ياباسم المنتقبه اللي مع علا دي مريم خطيبتك

باسم: طب ثواني يامريم خليكي معايا

وانت اش عرفك يا فالح قلتلك. مريم خطيبتي مش مقتنعه بفكرة النقاب

حازم: يا ابني انت عبيط حتي اقفل كده موبايلك هتلاقي البنت اللي قصادك هي كمان قفلت

في تلك. اللحظه سمعت مريم. ما قاله حازم فابتسمت قائلة طب والله ما انا قافله

باسم: والله فكرة طب يامريم يلا سلام دلوقتي لما توصلي ابقي كلميني

حازم: هتشوف دلوقتي وتتاكد كمان انها مريم خطيبتك

ابتسمت مريم وتصنعت انها فتاة اخري

في حين ان باسم نظر الي حازم قائلا: ياعم قلتلك مش مريم خطيبتي صدقت

حازم: يامثبت العقل يارب اومال مين دي اللي مع علا وخطيبتك فين

علا: وهي غارقه في الضحك يبنتي حرام عليكي باسم خطيبك. هيتجنن كده هههه

مريم: خلاص هكشفله المفاجاءة

علا: ياريت عشان ده خلاص فاضله فولت وينور ههههه

في هذه اللحظه رن. هاتف باسم فاجاب قائلا ايوة يامريم انتي فين

مريم: مبتسمه يعني هكون فين. ما انا قدامك. اهووو

باسم: تاني يامريم انتي مش هتبطلي حركات الجنان بتاعتك دي

مريم: ضاحكة والله ما بهزر انا اهوو قدامك.

باسم: انا مش شايفك انا مش شايف غير علا والبت المنتقبه اللي معاهااا

مريم: ماهو المنتقبه دي تبقي انا؛!!!

باسم: بزهول وفرحا شديد انتي!!!!! يامريم

:***************

داخل سرايا نيابة القاهرة

يقف ماجد المتهم في محاولة قتل وائل عمدا امام وكيل النيابه يستجوبه قائلا

قولي يا بشمهندس ماجد ايه علاقتك. ببشمهندس ووائل

ماجد: بهدوء مفيش اي علاقه بينا ياباشا والكلام اللي قلته في المحضر هو اللي حصل

وكيل النيابه: الانكار مش هيفيدك بحاجه يابشمهندس

ماجد: انكار ايه قلت لحضرتك اما ما اعرفهوش انا كنت رايح اسكندريه فجاءة فرامل عربيتي ساب ومعرفتش اسيطر علي العربيه

وكيل النيابه: انت شكلك. هتتعبنا معاك وهتخلينا نستخدم معاك اسلوب مش هيعجبك

ماجد: متصببا عرقاا ياباشا انت ليه مش عايز تصدقني انا مليش علاقه بيه نهائي هقتله ازاي

وكيل: النيابه طب الرصاصه اللي كانت في ايده دي جاتله منين

ماجد: ياباشا انا قلت الكلام ده في المحضر وهقوله لحضرتك هنا تاني كان فيه شخص تاني واقف بعربيته وكان قريب جدا من بشمهندس وائل وكنت هخبطه هو كمان بالعربيه بس هو لحق نفسه واول ما شاف بشمهندس وائل مرمي ع الارض خد عربيته وجري يافندم

وكيل النيابه: طب معاك. نمرة العربيه دي

ماجد: للاسف لا يافندم مركزتش لان الموقف مكانش يسمح انا مكنتش في وعي يافندم

وكيل النيابه: وهو يحمل ملفات في يده

طب الملفات دي بتاعة مين

ماجد: بهدوء ما اعرفش يا باشا بس دي انا لاقتها بعد الشخص الي كان راكن عربيته مشي وقعت منه

وكيل النيابه: علي العموم انا هديلك. فرصه تانيه. تفكر يمكن تعقل وتقولنا ايه علاقتك. بالمجني عليه وايه حكاية الملفات دي

يجدد حبس المتهم 4 ايام علي ذمة التحقيق!!!

****************

داخل قاعات كلية التربية انهي الدكتور المحاضره وخرج. الطلاب جميعااا لاسيما سمر التي جلست بمفردها تفكر فيما يحدث بينها وبين خلود فتخاطب نفسها قائلة

مكنتش متصوره انك بالسذاجه والغباء ده ياخلود. بتشكي فيا اني عاوزه اخد طارق منك. طارق مين ده اصلا اللي ابصله ده واحد بتاع بنات ومش كويس علي العموم بكره هتعرفيه علي حقيقته….

بعض لحظات افاقت علي صوت احدي البنات تخاطبها قائلة انتي سمر

سمر: وهي تنظر اليها في استغراب اه انا سمر

الفتاة: انا ميادة

سمر: بابتسامة اهلا وسهلا

ميادة: عاوزه اتكلم معاكي في موضوع كده بخصوص خلود

سمر:باستغراب خلود.

ميادة:اه انا عارفه ان.انتي اكتر صاحبه.قريبه ليهااا وبتحبيها جدا وبتخافي عليها

سمر: لنفسهاا انا مليش دعوه بيها من النهارده

ميادة: انا جايالك مخصوص لان محدش هيقدر ينقذها من اللي اسمه طارق ده غيرك انتي

سمر: باندهاش انا مالي ما تروحي تقوليلها هي

ميادة: لا عشان انا لو قلتلها هتفهمني غلط.ومش هتصدقني

سمر:يعني مش هتصدقك.انتي هتصدقني اناااا

ميادة: اه لان اللي هقولهولك ده في مصلحتهااا

سمر: انا اسفه عن اذنك انا قطعت علاقتي بخلود

ميادة:بذكاء بس انا سمعت ان انتي وخلود.اكتر اتنين اصحاب وبتخافوا علي بعض جدا عشان كده انا جايالك.مخصوص فاتمني تسمعيني انا مش هاخد من وقتك كتير

سمر:بعد ان صمتت قليلا اتفضلي اتكلمي سامعاكي

ميادة: انا كنت علي علاقه بطارق وطارق كان بيحبني وانا كنت بحبه جدا بس اكتشفت ان طارق ده مش بتاع حب ولا جواز وانه بيتسلي عشان كده سبته وعرفت من واحده صحبتي ان طارق ده علي علاقه بخلود صحبتك وانا صعبان عليا يحصلها اللي حصلي ده طارق لعب بيا وبمشاعري ودمرني وانا جربت الوجع ومش حابه اشوف غيري بيتوجع وانا في ايدي انقذه وما انقذهوش

سمر: بهدوء طب والمطلوب مني ايه

ميادة: هاتي موبايلك ثواني انا هبعتلك.كل المصايب اللي بيعملها طارق وانتي ابقي ابعتيها لصحبتك.يمكن. تلحق نفسهااا

سمر:.بطيبه ماشي ابعتي

ميادة: هاتي موبايلك ثواني انا هبعتهملك.

سمر: اتفضلي

في تلك اللحظه ارسلت ميادة من هاتف سمر رساله نصيه الي طارق محتواهاا

وحشتني اوي

بعد.لحظات قامت بحزفهاا عندما علمت بوصولهاااا

ميادة: مش عارفه استخدم.موبايلك

سمر: خلاص اهي خلود تقدري انتي تروحي تقوليلهااا

عن.اذنك

ميادة: اوكي ميرسي جدا

في تلك.اللحظه وقع نظر ندي علي ميادة فخاطبت نفسها قائلة

ايه ده البنت دي انا شفتها قبل كده عند.اداب ايه اللي جابها عندنا تربيه

خلود: ندي مالك.متنحه.كده ليه

ندي: بصي كده سمر كانت واقفه مع مين

خلود: انا مالي بيها ما تقف

ندي: يابنتي بطلي سواد القلب ده دي مهما كان صحبتك

خلود: ندي قلتلك قبل كده صحبتي اللي عاوزه تفرق بيني وبين الانسان اللي بحبه متبقاش صحبتي ولو سمحتي بلاش كلام في الموضوع ده تاني عشان بيدايقني

ندي: علي العموم انا اسفه بس برضو انا متاكده انك ظالمه سمر في الحكايه دي

خلود: طب انا هروح.اشوف طارق وراجعه

ندي: باستياء طارق ماشي و انا هروح لسمر واعرف منها ايه حكايه البنت بتاعة اداب دي اللي كانت واقفه معاها عشان بصراحه مش مطمنالها!

عادت علا من الجامعه فاصتدمن. بزين جالسااا بمفرده غارقااا في تفكيره وبجواره شمس تقرا في أحدي رواياتها المفضله فتخاطب علا شمس قائلة

ازيك. ياشمس

شمس: علا كويس انك. جيتي

علا: خير في اي

شمس: مبتسمه ومشيرة الي زين

علا: بعد. ان اقتربت منهاا ماله زين

زين: شمس قولي لماما تجبلي قهوة علي بال ما اتكلم مع علا في حاجه كده

شمس: مازالت مبتسمه.

زين: انتي بتضحكي ليه هو انا قلتلك نكته

علا: سيبك. منها دي الروايات عملتلها روشه

شمس: وعندك واحد قهوة وصلحه

زين: مبتسما البنت دي فظيعه

علا: سيبك منها يا زين وقولي صح مالك. من ساعة ما جيت امبارح من عند بيت عمو شاكر وانت قافل ع نفسك ومش عايز تكلم حد هو ايه اللي حصل وقولي صح انتوا لاقيتوا لوجين. ازاي

زين: الاول عاوز اعرف منك حاجه

علا: حاجه ايه دي

زين: هو انتي قلتي لبابا حاجه عن موضوعي انا وشروق

علا: لا مقلتلوش حاجه ثم انا ما اعرفش اصلا ايه اللي بينك وبين شروق انت عارف اني مش بتدخل في حاجه دي حياتك وانت حر فيهااا

زين: غريبه اومال بابا ايه اللي فكره كده مره واحده بعمو شاكر وقومها في دماغه انه يطلب ايد واحده من بناته

علا: مندهشه. بجد

زين: اه بجد

علا: طب احكيلي بقي ايه اللي حصل عشان نفهم

زين.: بعد ان. اطفي التلفاز بصي يا ستي بعد ما قفلت معاكي جريت انا وجمال عشان.نلحق لوجين ومن حسن حظناا ان جمال شاف واحده ست كانت ماسكه لوجين وعدت من قصادناا

علا: اه كمل

زين: قفلت معاكي كده.وخدت جمال وجرينا عشان نلحق لوجين….

???? فلاش باك ????

زين: بتوتر يارب نلحق الست دي قبل ما تهرب بالبنت

جمال: وهو يلهث ان. شاء الله هنلحقها بس انت ازاي مخدتش بالك من البنت وهي بتنادي عليك

زين: اللي حصل بقي ياجمال

جمال: طب هنعمل ايه دلوقتي الست اختفت مش باينلها اثر

زين: هنلاقيها ان. شاء الله بس انت قولي البنت كانت لابسه ايه واديني مواصفات الست اللي كانت معاها

جمال: البنت كانت لابسه بنطلون اسود تقريبا وتشرت اببض مشجر كانت

زين: طب والست اللي معاهااا مش فاكر بس كانت لابسه نقاب

زين: طب تعالي نروح ناحية الموقف

في تلك اللحظه اوقفت الست المنتقبة تاكسي قائلة

معلش يا ابني وديني امبابه بسرعه

سائق التاكسي:هاخد 70 جنيه

الست المنتقبة: اللي انت عاوزه.بس اطلع بسرعه

شك.السائق في امرها فخاطبها قائلا انت هربانه من حاجه.ولا حد.بيهددك

الست المنتقبة: اه جوزي عاوز ياخد مني بنتي وهو سكري وبتاع حشيش وانا خايفه.لاحسن يعمل فيها وفيا حاجه

السائق: طب اركبوا

زين.: معقوله لحقت تختفي احنا دورنا في كل حته هتكون راحت فين دي

في هذه الاثناء التفتت لوجين. للوراء فوقع نظرها علي زين مرة اخري فصاحت قائلة

عمو زين عمو زين انا عاوزه اروح لماما

فجاءة توقف السائق قائلة

انت مين.ياست انتي والبنت دي بنتك ولا بنت ميييين

الست المنتقبة:بخوف بنتي يا ابني بس هي لما ضاعت قبل كده.لسه الموضوع ماثر عليهاااا فبتهلوث دايما

في تلك اللحظه وقع نظر زين.علي لوجي فهرول ناحية التاكسي وهو يصيح.قائلا

وقف ياسطاااا ياسطاااا وقف

السائق:وهو ينظر اليه في المراة انا هوقف اشوف ايه الموضوع ده

الست المنتقبة:بدهاء وبكاء ابوس ايدك اطلع ده ابن جوزي ولو وقفت هياخد البنت وهياذيناااا

السائق في حيرة وبعدين في الحيرة دي بقي انا هطلع وامري للله

الست المنتقبة:اسرع شويه عشان ميلحقناش….

افاق زين.علي صوت شمس قائلة القهوة يا زميلي

زين: زميلي انتي بتقعدي ع قهاوي ياشمس ولا ايه

علا: سيبك.من شمس وكمل بعد ما سواق التاكسي طلع عملته ايه

زين.: هكملك

????فلاش باك ????

جمال: هنعمل ايه.دلوقتي

زين:بعد.ان.نظر يمينا ويسارا اوقف تاكسي قائلا

تاكس

ثم.بعد.ان وقف السائق اطلع.ورا التاكسي اللي قدام ده بسرعه في بنت مخطوفه وعاوز ين. نلحقهااااا

انطلق السائق بهمااا الي ان اقترب من التاكسي فاشار الي سائقه فتوقف قائلا

انا لازم.اقف واعرف ايه الحكايه دي

الست المنتقبة: بخوف وقفت ليه

زين:بعد.ان نزل من التاكسي وقف.ياسطا الست اللي معاك.دي خاطفة البنوته دي

لوجين:عمو زين انا عاوزه اروح عند ماما

زين: متخافيش ياحبيبتي هوديكي لماما

جمال: مشيرا للست المنتقبة وانتي بقي تعالي معانا علي القسم

الست المنتقبة: انا مليش دعوه.انا ست غلبانه ابو البنت هو اللي اداني 1000 جنيه وقالي اعملي كده

زين:باندهاش بتقولي مين

الست المنتقبة: ابو البنت والله يابيه

زين:الكلام ده تقوليه في القسم اطلع ياسطااا بينا علي القسم

ثم افاق علي صوت علا قائلة

لولا البنوته دي طلعت ذكيه وفاكراك.مكنتش عرفتوا تلاقوها بس ازاي ابوها يعمل كده.يازين

زين:عشان ياخد البنت من امها ويبين.ان امها مهمله فبالتالي المحكمه.تحكمله بحضانة بنته

علا: مقلتليش برضو بابا طلبلك.ايد.مين شروق ولا عبير

هم زين.بالحديث لكن استوقفه رنين جرس منزلهم فقام ليفتح الباب

ثم.بعد ان فتح الباب اندهش قائلااا

مصطفي اتفضل!!!!!

***************

يجلس نادر وهو يملئوه الحزن الشديد علي فقد الملفات قائلا

يعني ايه كل اللي انا خطتله باااظ طب وبعدين هتفضل كده كتير

في تلك. االلحظه رن هاتفه فامسكه. واجاب عليه قائلا

ايوة يا سحر

سحر: انت فين كل ده. يانادر انا وابنك. قلقاانين عليك من امبارح

نادر: بتنهيده في الشغل يا سحر

سحر: شغل شغل ايه ده انت من امتا بتبات بره البيت

نادر: بغيظ بقولك ايه سحر انا مش فايقلك قلتلك. في الشغل يعني هكون فين

سحر: بعصبيه اسمع يانادر انا عارفه انت فين بتضحك علي نفسك ولا عليااا شغل ايه ده اللي يخليك تروح الساحل مره واحده

سوزي: تكتفي باللعب في اظافرها مبتسمه

نادر: اسمعي اما بقولك انا فيا اللي مكفيني.

سحر: بعصبيه اسمع يانادر انت لو هتفضل كده كتير يبقي تطلقني احسن

نادر: متستفزنيش ياسحر انتي عارفه لو علي الطلاق مفيش اسهل منه عندي انا بس باصص لابني

سحر: ماهو واضح يا بشمهندس انك. باصص لابنك انت لو فعلا عامل اعتبار ليا ولا لابنك مكنتش تعمل اللي بتعمله. ده ولا كنت تغيب كل ده من غير ما نعرف حتي انت فين

نادر: بقولك ايه انا مش. فاضي لزنك ده سلام مش ناقص صداع

استغلت سوزي الفرصه فاقتربت منه بدلع قائلة

هدي اعصابك. ياحبيبي

نادر: لو كنت اعرف ان الجواز سين وجيم مكنتش اتهببت

سوزي: باغراء روق كده ايه سوزي حبيبتك ماوحشتكش ولا ايه.

نادر: لا طبعا وحشتيني وهو انا باجيلك هنا ليه عشان انتي الوحيده اللي بتروقي اعصابي

سوزي: بدهاء مالك بقي ايه اللي مدايقك. من امبارح وانت مخنوق وزعلان

نادر: فيه ملفين مهمين اوووي وقعوا مني ياسوزي وانا جاي

سوزي: ملفات بتوع ايه يا حبيبي

نادر: هم. نادر بالحديث لكن. استوقفه رنين هاتفه برقم. مجهول مما اضطر ان. يجيب قائلا

الووو

المتصل: بشمهندس نادر معايا

نادر: باستغراب ايوة انا نادر مين معايا

المتصل: مش مهم. تعرف انا مين بس انا معايا حاجات تخصك

قام. نادر مفزوعاا قائلا

انت مين وحاجات ايه اللي انت بتتكلم عنها دي

المتصل: جهز اتنين مليون.جنيه واستني مني مكالمه.تانيه تكون فكرت كويس وعرفت ايه هي الحاجات اللي تخصك.!!!!!

رواية وللنصيب رأي أخر الحلقة الثانية عشر 12 بقلم علي محمد

رواية وللنصيب رأي أخر الحلقة الثالثة عشر 13 بقلم علي محمد

رواية وللنصيب رأي أخر الحلقة الرابعة عشر 14 بقلم علي محمد

رواية وللنصيب رأي أخر الحلقة الخامسة عشر 15 بقلم علي محمد

رواية وللنصيب رأي أخر الحلقة السادسة عشر 16 بقلم علي محمد

رواية وللنصيب رأي أخر الحلقة السابعة عشر 17 بقلم علي محمد

رواية وللنصيب رأي أخر الحلقة الثامنة عشر 18 بقلم علي محمد

رواية وللنصيب رأي أخر الحلقة التاسعة عشر 19 بقلم علي محمد

رواية وللنصيب رأي أخر الحلقة العشرون 20 بقلم علي محمد

رواية وللنصيب رأي أخر الحلقة الحادية والعشرون 21 بقلم علي محمد

رواية وللنصيب رأي أخر الحلقة الثانية والعشرون 22 بقلم علي محمد

رواية وللنصيب رأي أخر الحلقة الثالثة والعشرون 23 بقلم علي محمد

رواية وللنصيب رأي أخر الحلقة الرابعة والعشرون 24 بقلم علي محمد

رواية وللنصيب رأي أخر الحلقة الخامسة والعشرون 25 بقلم علي محمد