رواية جسد بلا روح الفصل الثالث 3 بقلم آية عبدالسلام

رواية جسد بلا روح الفصل الثالث 3 بقلم آية عبدالسلام

رواية جسد بلا روح البارت الثالث

رواية جسد بلا روح الجزء الثالث

رواية جسد بلا روح الحلقة الثالثة

جسد بلا روح الجزء التالت
كنت قاعدة وجمبي ادهم اللي لسه مصدوم من اللي حصل
ادهم بعدم تصديق:بنته انتي طلعتي بنته
تاج بحدة:متقولش بنته اوعي اسمعك بتقولها تاني انا غيرت اسمي من تاج الحصري لتاج عبد المجيد علي اسم عيلة ماما الله يرحمها

ادهم باستغراب:بس انتي ازاي تعملي كده ده مهما كان ابوكي
تاج بنبرة انكسار:لو عشت اللي انا عشته هتعمل اكتر من كده
ادهم بفضول:ممكن تحكيلي لو ده مش هيضايقك
تاج بصتله بتردد بعدين قررت انها تحكي يمكن ترتاح شوية
-كنت طول عمري وانا صغيرة اشوف اللي اسمه بابا بيض*رب ماما قدام عيني كان بيضر*بها جامد كأنه بيض*رب راجل قدامه انا فاكره انها كل مرة كانت بتتر*جاه عشان يرح*مها شويه بس مكنش بيرح*مها دا بالعكس كان بيزيد في ض*ربه ولما كنت احاول اني ادافع شوية عشان لسه صغيرة كان بيض*ربني معاها ضر*ب مبر*ح وكاني مش بنته من لحمه ودمه واكملت

بدموع كنت كل يوم اقوم علي كواب*يس لان صوت صري*خها لسه في دماغي مش راضي يطلع لحد دلوقتي مبعرفش انام من غير منوم ولو نسيت يوم اني اخده بقوم مفز*وعه وانا سامعه صو*تها وهي بتتر*جاه وبتص*رخ فضل علي هذا الحال كل يوم ضر*ب واها*نه للاسف عشان ماما كانت يتيمة ومكنتش بتعرف تاخد حقها لحد مابقي عندي ١٣سنه وفي يوم اجه وضر*بها وجرج*رها علي الارض وقالها انه هيتجوز وطل*قها وجرج*رني انا كمان وراها فضلت تتذ*لله وتقوله انها ملهاش حد علي الاقل خد بنتك عشان متطمرمتش معايا واكملت بسخرية عارف قالها ايه قالها ميهمنيش مراتي مش هتقبل بقر*فها

وغو*روا يلا ومن بعدها وانا اقسمت ان هيجي اليوم اللي هنتقم منه بعد ما طردنا مكنش لينا اي مكان ومكنش معانا جنيه واحد حرفيا حتي مهانش عليه يدينا شوية فلوس بالرغم انه كان وقتها حالته المادية متوسطة يعني كان معاه بس مرضاش عشان يصرف علي السنيورة بتاعته وامي مكانش معاها غير الحلق الدهب اللي لابساه واضطرت تبيعه واجرنا بفلوسه اوضه تحت السلم في عماره كانت مكسره وشبه مهج*وره امي اتها*نت اوي قعدت تدور علي شغل ملقتش غير انها تمسح الحمامات كنت بشوفها تعمل كده وانا حرفيا كنت بموت من جوايا كل يوم وانا شايفاها في الذ*ل والاها*نة ده لحد مابقي

عندي١٦ سنة واتفاجات وانا راجعة من المدرسة وهي مرم*رية علي الارض وبوقها بيطلع دم ساعتها جاتلي حاله هستيرية وقعدت اصوت بطريقة مش طبيعيه لحد ما الناس اتلمت واخدوها المستشفي بس وصلت ميته طلع كان عندها كانسر ومرضتش تتعالج عشان الفلوس اللي عينهالي للمستقبل متروحش ساعتها فقدت اخر ذرة روح ليا وبقيت عبارة عن جسد بلا روح بس حطيت كل حزني وقهري في المذاكرة لحد ما دخلت طب بقيت اشتغل عشان اصرف علي نفسي وفي نفس الوقت ادرس لحد ما قربت اتخرج بس اقسمت اني قبل ما اتخرج لاكون منتقمة منه
ادهم بتاثر شديد:انتي ازاي عشتي في كل ده وازاي ابوكي عمل كده دا معندهوش ذرة رحمة
تاج مسحت دموعها وقالت:انا دلوقتي ميهمنيش غير حاجة واحدة بس اني اكمل انتقامي
ادهم:ايه الخطوة الجاية وانا معاكي في اي حاجة

تاج:مش عايزة منك غير حاجة واحدة بس انك تعرفني علي صاحبك هحتاجه جدا
ادهم: باسغراب اي واحد وعيزاه ليه
تاج :هتعرف في وقتها
ادهم:بس انا عندي سؤال
تاج بصتله بمعني انه يكمل
ادهم:انتي مخططة لكل حاجه وتقريبا بتنفذي بنفسك ليه حطيتي ايدك في ايدي
تاج:عشان انا عندي الذكاء وكنت محتاجة قوة السلطة وانت عندك قوة السلطة
يتبع…………..

• لقراءة الفصل التالي : اضغط هنا
• لقراءة باقي حلقات الرواية اضغط على (رواية جسد بلا روح)