رواية من نوع آخر الفصل الخامس 5 بقلم مريم محمد

رواية من نوع آخر الفصل الخامس 5 بقلم مريم محمد

رواية من نوع آخر البارت الخامس

رواية من نوع آخر الجزء الخامس

رواية من نوع آخر الحلقة الخامسة

سمعت صوت ورايا بيقول
= اهتموا بالترابيزة اللى هناك دى
بصيت على المكان اللى بيشاورله لقيته بيشاور على الترابيزة اللى هى قاعدة عليها و بيكمل كلامه و بيقول
= انتو عارفين مين قاعد على الترابيزة اللى هناك دى قاعدين عليها احسن سيدة أعمال و رجل أعمال يعنى دى دعاية للمكان
. ريان اهتم بيهم انت
” استغفر الله العظيم يارب ليه يبنى كده ليه بس ”
أشرفت انا على الترابيزة اللى مش عارف اى جابها هنا دى بدأت أنزلهم المشروبات و الحلويات اللى بيطلبوها .
” هى مندمجة اوى كده ليه !! يمكن بتراجع صفقة مهمة ولا حاجة . و بعدين انت مالك تندمج ولا متندمجش .؟”
^ ده كان حوار بينى و بين نفسى واللى مقسومة شخصين شخص راضى و شخص مش راضى بس انا مش مقتنع بده ابدا ابدا .^

” كنت مندمجة فى الشغل اللى انا فيه كل شوية صوته بيقطعنى وانا مركزة فى الشغل و أخيرا خلصنا .
المدير التنفيذي للشركة اللى قدامى رجع بضهره لورا و قال
= حساباتك ممتازة اوى يا بشمهندسة فيروز .
= شكرا لحضرتك .!
= هنستأذن احنا و طبعا على معادنا اللى بعد بكرة .
= إن شاء الله .
سمعت يونس وهو بيقول
= هى دى الشركات ولا بلاش
ضحكت ضحكة صغيرة و قولتله .
= أنت مين قالك انى كنت هوافق عليهم اصلا
” بصيت عليها لقيتها بتضحك مع الشخص اللى لسه قاعد معاها هو بنت تانية . هى بتضحك ليه دلوقتى.!
وانت مالك يعم تضحك ولا متضحكش ”
= يلا بينا نروح يفيروز كفاية كده
= يلا .! تعالى يهالة يلا اوصلك فى طريقى
= شكرا يبشمهندسة فيروز .
= الحساب لو سمحت !!
” لقيته جاى علينا هو مفيش غيره هنا ولا اى ”
= اتفضلى يافندم
= الحساب لو سمحت !!
= لا يافندم بشمهندس زين المنصورى دافع التكلفة من زمان
احمد اتكلم و قال
= راجل ذوق فعلا
هزيت راسى وانا بوافقه الرأى
= عندك حق فعلا
= تمام شكرا ليك اوى

” عجبتك شخصية زين المنصورى امم و ماله . ”
خرجت من المطعم ده وانا بحمد ربنا انى مقولتش حاجة .
وصلت هالة لبيتها و رجعت بيتى لقيت زينة فى المطبخ مش عارفة حبها اى فى المطبخ البت دى ”
= زينة ٠٠ يا زينة
= نعم يفيروز
= مانتى شطورة و بتسمعي الكلام اهو
بفرحة = تشكرات تشكرات
ابتسمت عليها و قولت
= الأوضة اللى فوق الفاضية دى من هنا و رايح بتاعتك .
= فيروز انا مش هقدر انا مش عايزاكى تشفقى عليا
= اشفق عليكى .! انتى متخلفة يا زينة والله .
انا خلصت كلامى خلاص هتنامى فوق يعنى هتنامى فوق
كانت هتعترض فقولت = زييينة خلاص
هزت رأسها و مشيت
” زينة عندنا من زمان وانا مبحسش بفرق بينى و بينها علاقتنا كانت كويسة الأول بس بعد ما بابا اتوفى بقيت بتعامل بجدية شوية فيمكن ده خلاها ترجع زى ما كانت انا مش عايزة ابقى وحيدة فبحس بالونس وهى قاعدة معايا. ”
عدى ايام كتير لغاية ما مر شهر على الاحداث دى كلها و فى يوم قررت اروح الشركة بتاعتها و اسأل عن اسمها
= لو سمحت
= افندم
= هو مين رئيس الشركة دى ؟
= البشمهندسة فيروز العامر .
= اه ! شكرا
= بتسأل ليه ؟
= فضول بس مش اكتر
= الحارس مقتنعش بكلامى انا عارف
كنت قاعدة بفكر فى المواقف اللى حصلت معايا فى المطعم ده و يوم ما جه الفيلا قررت اروح اعرف اسمه من المطعم ده .!
هو مجرد فضول مش اكتر يعنى .”
خدت شنطتى و خرجت
= لو سمحت !!
= نعم يافندم

= هو مش كان فيه جارسون هنا ؟
= انتى قصدك على ريان ؟
= انا معرفش اسمه بصراحة
= اكيد هو لان مفيش غيره اللى ساب المطعم و مشى
= ساب المطعم ومشى !!!
= اه
= متعرفش سابه ليه ؟
= صاحب الشغل وهو اتخانقوا مع بعض فهو مشى هو عمل لحضرتك حاجة ؟
= لا لا ابدا
خرجت من المطعم وانا بتمشى روحت للمكان اللى بلاقى نفسى فيه قدام البحر لقيت شخص قاعد انا حاسة انه هو بس ان شاء الله لا
روحت قعدت على صخرة بعيدة عن الشخص اللى قاعد لقيته بصلى
” هو هو مفيش غيره ”
_ خدت شنطتى ومشيت و مكملتش
____________________________

كنت قاعدة فى الفيلا انا و زينة مع بعض لحد ما سمعت دوشة برا و زعيق
لبست إسدال و خرجت لقيت نور هى ليه مُصرة تفكرنى لقيتها بتبعد الحارس و بتقول وهى بتعيط .
= فيروز .. فيروز ماما تعبانة يفيروز انا مليش حد غيرك كلهم سابونى و مشيوا متسبينيش و النبى
ماما لازم تعمل عملية وانا انا مش معايا فلوس سلفينى و صدقينى هبقى ممتنة ليكى .
قولت = ………….

يتبع ….

لقراءة الفصل التالي : اضغط هنا

لقراءة جميع فصول الرواية اضغط على (رواية من نوع آخر)