رواية رغد الفصل الأول 1 بقلم جمانة محمد

رواية رغد الفصل الأول 1 بقلم جمانة محمد

رواية رغد البارت الأول

رواية رغد الجزء الأول

رواية رغد الحلقة الأولى

-محمد عاوزة ألعب معاك.
-أطلعي يا رغد دلوقتي أنا بذاكر.
-لا بقى أنا كل ما أجي أقولك ألعب معايا تقولي مش فاضي أنا زهقت.
محمد أنت مش بتحبني صح.
-لا طبعًا يا رغد بحبك أنتي أختي أوعي تفكري كده تاني عشان مزعلش منك أنا بس عندي مذاكرة كتير وأنتي شايفة أنا تالته ثانوي يعني لازم أذاكر كتير أوي عشان أدخل كلية حلوة وأشتغل عشان أجبلك اللي نفسك فيه
-طيب بس أنا عاوزة حد يلعب معايا أنا معنديش أخوات غيرك.
ليه يارب مكنش عندي أخت بنت ألعب معاها.
خلاص يا محمد كمل مذاكرتك أنا هروح ألعب لوحدي.
خلص محمد مذاكرة ونادى عليا
رغد يا رغد
-نعم يا محمد
-تعالي يلا نلعب
-يلا بينا
-جبت المكعبات والعرايس والعربيات وقعدنا نلعب أنا ومحمد
محمد كان شاطر أوي في انه يمثل شخصيات كرتون ويضحكني كنت بفرح أوي لما يلعب معايا.
-محمد،رغد يلا عشان تاكلوا.
-حاضر يا ماما جايين أهو
-محمد نخلص أكل وتيجي نكمل لعب حبة وقت صغيرين خالص بس عشان خاطري
-حاضر يا ست رغد بس حبة صغيرين عشان نازل
-اه والله مش هناخد وقت كبير بس مثلي شخصية تنه ورنه عشان بحبها
-حاضر
-يلا يا ولاد الأكل هيبرد
-جينا أهو يا ماما.
-ها قوليلي عملتي أيه في المدرسة النهاردة.
-جبت full mark في الإنجليزي بس نقصت درجة واحدة في العربي.
-ليه يا رغد؟
أحنا مش مذاكرين أمبارح سوا وكانت الدنيا تمام.
-مش عارفه والله يا ماما بس هي درجة واحدة بس معلش هعوضها الامتحان الجاي وعد مني.
وبعدين يا ماما م أنا جبت في الإنجليزي full mark أهو
-شطوره يا قلب ماما أنا عاوزاكي تجيبي في كله كدة عشان تبقي شاطرة وجميلة أكتر.
وأنت يا محمد عامل أيه في مذاكرتك.
-والله يا ماما أهي الدنيا ماشية الحمدلله
-شد حيلك يا حبيبي عاوزين نفرح بيك.
-والله يا ماما بعمل اللي عليا بس أنا تعبت أوي وخايف
-لا يا حبيبي اللي معاه ربنا ميخافش أنت أعمل اللي عليك بس متقلقش سنة وهتعدي.
لسه متواصل مع ربنا في صلاتك وقراءة القرآن.
-بقطع شوية
-لا يا حبيبي أوعى تسيب ربنا هو اللي هيكرمك صلي دايمًا وأدعي ربنا يكرمك ويوفقك في حياتك أوعى تبطل صلاة.
-حاضر يا ماما.
-قراءة القرآن هي اللي هتنورلك حياتك أوعى تقطع تاني…..

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية رغد)