رواية رجل الاحلام الفصل الثاني 2 بقلم إيمان شلبي

رواية رجل الاحلام الفصل الثاني 2 بقلم إيمان شلبي

رواية رجل الاحلام البارت الثاني

رواية رجل الاحلام الجزء الثاني

رواية رجل الاحلام الحلقة الثانية

بلعت ريقي وانا بلف ببطئ لقيته بيقرب مني بخطوات سريعه وملامحه بتنطق باللي جواه
وصل قدامي وهو بيسألني بعصبيه:
-مين ده ؟
شاورت علي مراد وانا ايدي بتتهز :
-د ده د ده ا آااا
مراد بجراءه وهو بيمدله أيده :
-مراد السيوفي
اتجاهل أيده الممدوده ومسكني من دراعي وهو بيجز علي أسنانه وبيزعق فيا
-مين ده بقولك
مراد ببرود :
-في ايه مالك ياكابتن براحه علينا شويه
ساب ايدي وهجم عليه وهو بيمسكه من قميصه وبيصرخ في وشه بغيظ
-انت لسه شوفت حاجه ده انا هوريك النجوم في عز الضهر

قال جملته وهو بيهجم عليه وبيضربه بوحشيه بالرغم أنه شخص هادي جدا ومحترم وعمري ما شوفت منه أي تصرف همجي قبل كده
كنت واقفه بصرخ وبترعش من الخوف وانا شايفه مصارعه قايمه ما بين اتنين اقوي من بعض
الناس اتلمت وحاولت تفصل ما بينهم واخيرا وبعد وقت قدروا والخناقه اتفضت بعد ما قدروا يقنعوا مراد أنه يمشي من قدامه
اخد نفس عميق وهو بيمسح الدم علي بوقه وبيقول للناس بصوت خشن
-متشكرين يارجاله الف شكر
كل واحد رجع للي كان بيعمله ومفضلش غيري انا وهو …
بصلي لحظه بنظره غريبه مقدرتش افهم معناها ،غضب ،عتاب ،حب ،حزن !
قرب مني ووقف قدامي وهو بيحط ايده في جيب البنطلون وبيسألني بحده:
-مين ده وتعرفيه منين ؟
فركت ايدي بتوتر وانا بحط وشي في الأرض وبفكر في اجابه للسؤال
زعق فيا لدرجه اتنفضت في مكاني
-ما تردي مين ده ؟
رديت بصوت مهزوز :
-د ده د ده
-ده ايه ياهانم حبيبك
-لا لا انت فاهم غلط ده…
شد البوكيه اللي كان في أيدي وهو بيرميه علي الارض بغضب

-عرفتيه منين وامتي ،خرجتوا قد اي ،روحتوا فين ،بعتيله صور بشعرك ولا لسه ،بعتيله صور بهدوم البيت ؟
انطقي اتكلمي
هزيت راسي بهستريه :
-لا لا والله العظيم مبعتش اي صور والله اقسم بالله صدقني انا مقابلتوش غير مره والله وكلامي كله معاه كان في الشات وبكل احترام اقسم بالله يا “آياد” انا معملتش حاجه غلط
ضحك بسخريه :
-لا خالص معملتيش اي حاجه غلط ،انتي عارفه ياسيليا انتي ايه مشكلتك؟
انك بتعملي الغلط وشايفه أنه مش غلط انك بتحللي الحرام علي مزاجك ،انتي كده طول عمرك كده ،طول عمرك في اي نقاش عائلي مش شايفه غير وجهه نظرك هي اللي صح ،شايفه أن عادي النت تصاحب ولد وتتكلم معاه وتخرج معاه عشان يفهموا بعض ولما يجي يخطبها الخطوبه تكمل ،شايفه أن عادي البنت تلبس لبس ضيق او قصير وان دي حريه شخصيه وملهاش علاقه بالاحترام
اخد نفس طويل وهو بيستغفر بصوت مسموع وبعدها بصلي وقالي بهدوء مريب

-اسمعي يابت عمي لو حد تاني من العيله كان شافك في الوضع ده كان هيرنك علقه محترمه ومحدش هيقدر يلومه بس انا بقي للاسف مش بمد ايدي علي بنات ،بس قسماً بالله ورحمه ابويا اللي مش بحلف بيها كذب ياسيليا لو مقطعتيش كلام مع الواد ده لهتشوفي مني ايام اسود من قرن الخروب
انا مش هقول لحد بس لو عرفت بالصدفه بس انك لسه علي علاقه بالواد ده صدقيني رد فعلي مش هيعجبك
اتعصبت من كلامه ووشي احمر من الغيظ …
-انت ملكش دعوه بحياتي انت سامع ؟
وبعدين انا مش صغيره ومن حقي احب واتحب واعيش حياتي زي باقي البنات ،انت بقي شيخ دي حاجه ترجعلك ،مش بتعرف بنات ولا بتحب اللبس الضيق دي حاجه ترجعلك ، انما ملكش دعوه بحياتي الشخصيه ، ومش من حقك اصلا تمد ايدك عليا ولا تعامل معايا بالهمجيه دي ولا…..
قاطعني بزعيق :
-اخرسي انتي متربتيش وعايزه تتربي من اول وجديد
-انا متربيه غصب عنك
جز علي أسنانه وهو بيقولي بغيظ:
-طب اتفضلي قدامي بدل وربي همد ايدي عليكي
-ملكش حق تمد ايدك عليا
مسكني من دراعي وهو بيجرني وراه زي البهيمه
-الظاهر أن الذوق مش بينفع مع الاشكال اللي زيك
قال جملته وفتح باب العربيه بتاعته وزقتي فيها بعنف لدرجه راسي اتخبطت
حاولت افتح الباب وانزل بس هو قفله تاني وبصلي بنظره تحذيريه
-متضطرنيش استعمل معاكي أسلوب مش هيعجبك اترزعي مكانك

بلعت ريقي بخوف وبصيت قدامي من غير ما انطق حرف
لف النحيه التانيه وركب العربيه وساق وانا قاعده بنفخ بضيق
-وياتري بقي البيه بتاعك متقدمش ليه
ربعت ايدي بعند:
-شئ ميخصكش
نفخ بضيق :
-اللهم طولك ياروح يابنت الناس اتكلمي معايا بأسلوب كويس متعصبنيش
-متسألنيش عن حاجه تخصني لانه مش من حقك!
-لا من حقي لما بنت عمي تلوث سمعه العيله يبقي من حقي أسألك واوقفك عند حدك
-الوث سمعه العيله !!
-اه طبعا
-ليه أن شاء الله وانا عملت اي كنت روحت معاه شقه مفروشه
بصلي بقرف من فوق لتحت :
-حتي كلامك مفيهوش حياء
-هو ده كلامي وانا حره
-لا مش حره انتي مش عايشه لوحدك في الدنيا ،تصرفاتك واخلاقك الزباله بتخلي الناس تاخد انطباع أن بنات العيله كلها كده بنفس الاخلاق
-انا اخلاقي مش زباله أنا محترمه غصب عن عينك وعين اي حد
ضحك بسخريه :
-لا واضح
-بقولك ايه نزلني خليني اكمل طريقي باي تاكسي ولا اي زفت بجد مش طايقه اقعد معاك في مكان واحد
-لا حوش يابت انا اللي هموت واقعد معاكي
-خلاص يبقي نزلني

-مش أخلاقي انزل بنت عمي في نص الشارع وأسيبها وامشي
جزيت علي اسناني وانا بصرخ بصوت مكتوم :
-اععععع مستفز مستفززززز
-متشكر يامحترمه يامتربيه
ضحكت بسخرية :
-طبعا ابن عمي المحترم هيروح يحكي للعيله كلها علي اللي حصل
-انا سبق وقولتلك مش هقول لحد
-هه وعايزني اصدقك
رد بحده:
-ليه وانتي مفكراني عيل وبرجع في كلامي ولا ايه ؟
مردتش عليه وبصيت قدامي وانا بتنهد بضيق …
-خرجتوا كام مره ؟
-مره
-امممم وياتري ناوي يتقدم ولا مقضيها تسليه
-برضو ميخصكش
-لا يخصني
-ويخصك في ايه أن شاء الله
-اصل هو كده كده مرفوض أن شاء الله
-نعمممم ياخويا مرفوض ليه هو انت اللي هتتجوز ولا انا
-انتي بس انتي اصلا مخطوبه !

فتحت بوقي ببلاهه:
-نعم ؟
-ايه مالك
-نعم يعني مين دي اللي مخطوبه
-انتي
-وياتري مخطوبه لمين أن شاء الله للعفريت؟؟
ابتسم ابتسامه صفراء :
-لا مخطوبالي انا ياسوسو

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية رجل الاحلام)