Uncategorized
رواية أحببت قدري بعد أن التقيتك الفصل السابع 7 بقلم رنا طارق
رواية أحببت قدري بعد أن التقيتك الفصل السابع 7 بقلم رنا طارق
 |
| رواية أحببت قدري بعد أن التقيتك الفصل السابع 7 بقلم رنا طارق |
رواية أحببت قدري بعد أن التقيتك الفصل السابع 7 بقلم رنا طارق
مني: بابا…
احمد: ايوه بابا يسافله بتعملي اي مع الراجل ده
مني بتوتر: ده المدير بتاع الشركه يبابا وجيه يوصلني عشان الوقت اتاخر
احمد: انت مين
حمزه وعنيه بتطق بالشر: انا حمزه مدير مني ف الشركه
احمد: تمام بس كان لازم تيجي توصلها
حمزه بشر: اه ياعمي عشان محدش يضايقها
احمد: تمام يبني ممكن تمشي
حمزه: مع السلامه يمني ومتنسيش تيجي بدري بكره عشان ورانا شغل كتير
مني بابتسامة: حاضر
دخلو كلهم جوا
دخلت مني ولقت عمها جوا وابوها وامها وبقيه العيله
مني: هو انتو جايين كلكو لي
منيره (ام مني) : سيبنا بيتنا اللي هناك عشان هيهدوه فعمك قال لينا تعالو اقعدو عند امينه عما الشقه بتاعتنا تخلص فجينا كلنا والعفش بيتجهز فوق
مني: انتو هتعيشو ف نفس العمارة مع امينه
احمد: اه يست زفته في اسئله كمان
مني: لا يبابا… بس الحمد لله عمي منصبش عليكو ومرامكوش ف الشارع
ف نفس اللحظه ضربها احمد وقعت مني من كتر شده القلم
احمد بعصبيه: اتكلمي ع عمك عدل
مني قامت وعنيها مليانه دموع: حاضر يبابا عن اذنكم
دخلت اوضتها وقفت ورا الباب وبدأت تعيط وبتكتم صوت عياطها عشان محدش يسمعها
حمزه راح بيته بس قلبه كان قلقان ع مني اوي قرر يرن عليها
حمزه: الو مني
مني و باين عليها انها كانت بتعيط: نعم
حمزه: مالك انتي كنتي بتعيطي
مني: لا عايز حاجه
حمزه: مني متحاوليش تغيري الموضوع مالك
مني ومقدرتش تمسك نفسها: انا مش بخير يحمزه انا بجد نفسي اموت نفسي استريح من ده كله ليه بيحصل معايا كده انا مش وحشه
حمزه: مني البسي وانا هاجي اخدك.. ومش عايز اعتراض
مني: طب هقول لأهلي اي
حمزه: البسي بس وانا هحل الباقي
مني: بس
حمزه: مش عايز اعتراض قومي البسي وانا هكون عندك بعض نص ساعه
مني: حاضر
بعد نص ساعه وصل حمزه لبيت مني وطلع ليها فوق
منيره :قوم يا أحمد شوف مين بيخبط
احمد: مين اللي بيخبط
حمزه: انا يعمي
احمد: اي اللي جايبك دلوقتي حمزه بيه
حمزه: حصل مشكله عندنا ف الشركه ولازم مني تكون موجودة فجيت اخدها
مني خرجت واول ما بصت لحمزه قلبها ارتاح
مني: اهلا استاذ يحمزه
حمزه: مني الشركه فيها شويه مشاكل ولازم تكوني موجوده
مني بصت لابوها: ممكن اروح يبابا
احمد: روحي بس استاذ حمزه
حمزه: نعم
احمد: هتخلصو امتي
حمزه: منعرفش لكن اكيد هنخلص ع الصبح لان المشكله كبيره
احمد: وهتبات بره البيت
حمزه: ايوه بس متخافش هيبقي معاها بنات كتير ف الشركه
احمد: تمام خدها
مني الكلمه دي جرحتها حست ان هي بضاعه وابوها بيبعها بالرخيص يمكن الكلمه تبان عاديه لكن مكنتش كده لمني
حمزه خدها ونزلو ركبو العربيه
حمزه : ها مش هتقولي مالك
مني: مفيش
حمزه: مني قولي مالك متكتميش جواكي انا لما زعلت فضلتي ورايا لحد ما عرفتي مالي ووقفتي جمبي
مني: طب ممكن نروح ف حته فيها بحر والهوا حلو فيها
حمزه: تمام
بعد 10 دقايق
حمزه: اهو وصلنا يلا معدتش عندك حجه قولي مالك
مني اترمت ف حضنه تلقائيا وفضلت تعيط
مني: انا لي اهلي مش بيحبوني لي انا مش وحشه يا حمزه لي بيعاملوني كاني نكره مليش لازمه بيجرحوني لي انا بنتهم… دول حتي بيعاملو بنت عمي معامله حلوه وانا اللي بنتهم مش بيعاملوني كده حمزه هو انا وحشه ملامحي مش حلوه انا وحشه يحمزه
حمزه حط ايده ع بوقها وبصلها بحب: اوعي تقولي كده انتي جميله جدا ملامحك كلها حلوه.. ملامحك طفولية حتي وانتي مكشره او زعلانه بتبقي جميلة انتي خطفتي قلبي من اول مره شوفتك فيها بهدوئك وبقلبك الطيب حتي دبشك مخليكي مميزه انتي اجمل بنت شوفتها وهشوفها
مني: بحبك بجد اوعي ف يوم تبعد عني انا مش هعرف اواجه حد من غيرك
حمزه: انا كمان بحبك وهفضل جمبك علطول… شدها لحضنه وباس راسها
حمزهه: اوعدك هفضل سندك وقوتك ف الحياه
مني قامت من حضنه مسكت وشه وباسته من راسه
حمزه: بس انا مش عايزها من هنا
مني: اومال منين
حمزه: اي ده انتي مفهمتيش قصدي اي
مني بعدم فهم: لا
حمزه بصلها وقام واخد بوسه (اكيد اتفهمت) ????
مني خبطته ع كتفه: يسافل يحيوان ف الشارع كده
حمزه: اه اتس سو ايزي
مني: ايزي ياعزيزي
حمزه: وبتقلشي كمان
مني: اومال نحن نختلف عن الاخرون
حمزه: حصل
مني الضحكه رجعت لوشها تاني حمزه عرف يطلعها من المود بتاعها ورجعلها الابتسامه تاني
مني: طب هنعمل اي انت قولت لبابا اني هبات ف الشركه بس احنا مش هنروح الشركه هننام فين
حمزه: ف حضني
مني: حمززززززه اتلم
حمزه: حاضر حاضر…… تعالي باتي عندي انهارده وبكره ابقي روحي انتي مينفعش تقعدي ف البيت انهارده عشان هما هيجرحوكي اكتر
مني: بس مينفعش
حمزه: يلا وشدها وركبها العربيه
وصلو البيت لقو اللي محدش يحب يلقاه…..
يتبع..
لقراءة الفصل الثامن : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت مريض منفصم للكاتبة مريم سمير