Uncategorized
رواية ملجئي الفصل الثاني 2 بقلم نانسي محمد
رواية ملجئي الفصل الثاني 2 بقلم نانسي محمد
 |
| رواية ملجئي الفصل الثاني 2 بقلم نانسي محمد |
رواية ملجئي الفصل الثاني 2 بقلم نانسي محمد
بعد مافوقت لقيت نفسي علي السرير وست امينه قاعده علي الكرسي المتحرك جمب السرير
-حمدلله علي سلامتك يابحر صدقيني مش عارفه اقولك ايه حقك عليا يابنتي
=وانتي بتتاسفي ليه ياست امينه هو حضرتك لاسمح الله عملتي حاجه اللي مسؤل هو اللي يعتذر
بصتله لقيته واقف جمب السرير بصيت له من فوق لتحت انفعل مره واحده
-انا مش غلطان علشان اعتذر ولو غلطان مش هعتذر منك انتي وانتي اللي مفروض تعتزري فاهمه؟ انتي حته شغاله هنا ازاي تسمحي لنفسك تقري حاجه في خصوصياتي
=انت مضايق علشان قريت ولا علشان كشفت ضعفك؟
بصلي وتنح وكأنه مش مستوعب اني برد عليه بالشكل دا اصلا .سابنا وخرج وهبد الباب وراه…لقيت ست امينه مبتسمه وبتبصلي
-انتي عارفه ان محدش قدر يقف قصاده بالشكل دا قبل كدا
=انا مش عايزه اقف قصاده ياست امينه انا عايزاه يسيبني لحالي اكل عيش انا عملت ايه لكل دا؟
-هحكيلك اللي حصل وامري لله
“من ٨ سنين كان سليم عنده ٢٠ سنه وكان شاطر في دراسته امه وابوه كان في بينهم مشاكل كتيره اوي لكن ماكانوش حابين الطلاق علشان خاطر سليم وفي يوم شغلنا راجل عندنا كان اكبر من سليم بكام سنه بس للاسف بنتي هربت مع عيل قد ابنها وهي لسه علي زمه جوزها وجوزها ماتحملش ومات وهي رجعت بعد ماعرفت وبعدها ب٥شهور ماتحملتش معامله سليم وانتحرت…
=علشان كدا بيعامل اي حد يشتغل هنا بالاسلوب دا؟
-للاسف اه سليم مكانش كدا سليم كان احسن حد مايفرقش بين الناس لكن انا عذراه من اللي شافو واللي خلاني احكيلك ان شايفه انك بتعرفي تقفي قصادي من اول يوم جيتي هنا وانا مش بعتبرك مجرد بنت جايه تساعدني في شغل البيت انا حسيتك بنتي
ميلت عليها حضنتها وكأني انا اللي كنت محتاجه الحضن دا مش هي اول مره احس بشعور ان عندي حد بيحبني بجد
=انا اسفه علشان فكرتك وشكرا لكلامك كنت محتاجاه
-ممكن اطلب منك طلب يابحر؟
=اكيد ياست امينه
-ممكن تساعديني نرجع سليم تاني زي ماكان
=انا؟ طب ازاي؟
-سليم محتاج يعرف ان كل الناس مش زي بعضها ولا كل الناس وحشه زي ماهو فاكر محتاج صاحب من سنه قولتي ايه؟
سكت شويه وفكرت لقيت ان برضو الجدع دا مش وحش هو عامل زي الكوبايه المكسوره اللي ماشيه تجرح كل اللي يحاول يمسكها او يقرب منها بيئذينا لانه مأذي انا محتاجه الشغل هنا ومحتاجه كل قرش دلوقتي علشان دراستي فا ليه لا ولو مش علشانه فا علشان الست امينه
-سكتي ليه؟ هتمشي؟
=ومين يعملك قهوه كل يوم الصبح ويتخانق مع استاذ سليم؟
-هههههه عفارم عليكي يابحر دا العشم فيكي يابنتي
مسكت ايدي اللي شدني منها وقعني
=بس تعرفي ايده تقيله اوي انا علي اخر الشهر هصرف المرتب علي قطع غيار ليا
قعدنا نضحك انا وهي وكان في جو الفه انا عمري ماحسيته ابدا وكان دا بيتي
=صباح الخير
-مالك مبتسمه للحياه النهارده
=مش يمكن علشان انت مكشر شايفني مبتسمه
-انت؟ انتي الوقعه اثرت علي دماغك ولا ايه اسمي حضرتك
=طيب ياحضرتك الفطار جاهز
سيبته قبل مايكمل كلامه ونزلت امممم بقا حضرتك ماشي ياحضرتك….نزل وفطرو وبعدها قولت اشوف هنعمل اكل ايه
=ممكن ادخل
-لا
فتحت البال ودخلت لقيته بيبصلي ومتعصب
=تاكل ايه؟…….حضرتك
-اي حاجه
=طيب يبقا قلقاس عن اذنك
-انتي يازفته انا مبحبهوش قولت
=بحر، قولت مابتحبهوش لكن ماقولتش بتحب ايه وانا بشتغل هنا مش ساحره هعرف انت بتحب ايه وتكره ايه…..حضرتك
-بطلي تحطيييي حضرتك كل اخر جمله
=لا اله الا الله مش نافعه الشغلانه دي بقا
-بتبرطمي تقولي اي
=تاكل ايه؟
-شوربه خضار
=ليه عيان؟
-انتي ماااالك انتييييي ماااالك؟ روحي علي شغلك اتفضلي واعمليلي قهوه يلا
ابتسمت ابتسامه سمجه وبصتله
=عنيا
نزلت احضر القهوه وجه في بالي فكره جهنميه علشان يتأدب ويتعلم الادب
=اتفضل
-حطيها علي المكتب واقفلي الباب وراكي ومش عايز ازعاج
=حاضر
سيبته ونزلت احضر الاكل وبعد دقيقه سمعته نازل من علي السلم بيصوت
-انتي يازفتاااااااااه
=خير خير في ايه حضرتك؟
-انتي حطالي ايه في القهوه يامجنونه انتي
لسه هيقرب يمسكني من ايدي جريت علي ست امينه
=ياست امينااااااه
يتبع..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية عشق أولاد القناوي للكاتبة شهد رفعت.