رواية حب مرصع بالأشواك كاملة بقلم مريم جمال (جميع الفصول)

في الساعه الثانيه بعد منتصف الليل كان فارس يمشي امام مكتب سليم ذهابا وايابا ينتظره بفارغ الصبر وبعد نص ساعه وصل سليم وقال وهو يفتح المكتب وهو يتثاوب : عارف لو طلع الموضوع اللي انت جايبني عشانه مش مهم هيبقي اخر يوم صحوبيه بيني وبينك

رد عليه فارس بعصبيه : لا مهم يا

خويا وكل ده تأخير

دخلا الاثنان وجلسا بالداخل علي مكتب سليم

سليم : ها يا سيدي ايه الموضوع اللي فيه حياه او موت ده

تنهد فارس تنهيده طويله وقال :

دلوقتي انت عارف ان سما في بيت اهلها في الصعيد

سليم : ها كمل ، جيب من الاخر

فارس : عايزين يجوزوها ابن عمها عنوه ، وانا طبعا لولا خوفي عليها كنت روحت اخدتها غصب عن اي حد هناك ، بس انا فكرت في فكره تانيه خالص

نظر اليه سليم بتركيز وقال : ايه الفكره بقي ؟!

اخرج من حافظه النقود بطاقة شخصيه واعطاها له وقال : عايزك تعملي عقد جواز عرفي بتاريخ ***

انتفض سليم من مكانه وقال وهو يضحك بقوه : انت اكيد بتهزر ، انا همشي معاك للاخر هيبقي فين توقيعها ؟ وفين الشهود

زفر فارس بضيق وقال: الشهود من الامن اللي تحت وتوقيعها هوقع انا بدالها عادي

سليم : سهل ان انا اعمل ده بس اي حد فاهم هيكشف بسهوله ان الورقه دي مش مظبوطه وخصوصا ان هي قضت عدتها كلها هناك

فارس : متشغلش بالك انت بس هما هيشربوها بس مش دي المشكله

سليم : ايه هي المشكله بقي ياسياده الخبير

فارس : عاوزك تكلم خالد يجيب معاه كام عسكري كده كنوع من انواع العرض

رد سليم ضاحكا : انت مشكله بالفيلم الهندي اللي انت عايز تعمله ده ، صحيح مقولتليش انت جبت بطاقتها منين ؟!

فارس : دي كانت ضايعه منها وهي طلعت بدالها بدل فاقد ، بس يلا كلمه بسرعه عشان نكسب وقت

سليم : طيب هكلمه بس لو رفض انا مش مسئول

رد عليه فارس بعصبيه : لا بقولك ايه متبوظليش كل اللي انا مخططله انتوا اصحاب من زمان وهو اكيد مش هيرفضلك طلب

سليم : اهدي اهدي بس متقفش كده هكلمهولك اهو

اتصل سليم بصديقه ورد عليه فورا وقال : ابن حلال كنت لسه بجيب في سيرتك فينك يابني مختفي الايام دي

سليم : مشغول جدا صدقني ، المهم دلوقتي عايزك في خدمه مش ليا هي لفارس فاكره ؟

خالد : اه طبعا فاكره

حكي سليم لخالد مختصر الموضوع وكان الرد مفأجاه بالنسبه له

– اموت انا في الامور العاطفيه طبعا هجيلك ولو عايز اللي في الحجز كمان هجيبهم معايا … قولي بس انتي عايزني اجيلك امتي ؟

سليم : لا انا عايزك تسبقني في العنوان اللي هبعتهولك في رساله وانا وفارس هنحصلك

خالد : تمام

وبعدما انهي سليم المكالمه اعطي ورقه الزواج لفارس وقال له:

امضي بقي ليك هنا وليها الناحيه التانيه

بعدما مضي فارس باسمه وباسمها اعطاها له وقال: بس كده تمام جدا عايزك بقي واحنا هناك افتي بقلب جامد ومتقلقش هيصدقوك

تنهد سليم باستسلام وقال : طيب يلا بينا بقي عشان نلحق نوصل في نفس توقيت خالد

فارس : يلا

___________

بعد مرور خمس ساعات وصل سليم وفارس الي احدي قري الصعيد في المكان المحدد وكانا قد سبقهما خالد ومن معه بدقائق وقبل ان يصلوا الي الباب الحديدي الضخم.. قال فارس :

بقولك انت هتنزل دلوقتي قول لخالد مش هتدخل غير لو حصل مشكله، احنا هنحاول بالتفاهم الاول

دخلا فارس وسليم القصر وجلسا في المكان المخصص للضيوف حتي يأتي اليهم احد وبعد القليل من الوقت جاء اليهم عرفان وداغر واثنين اخرين ، فكان اول من تحدث عرفان وقال:

يا اهلا بالاحباب نورت الدار والله يا فارس ياولدي

كان فارس واضعا ساقه علي الاخري وقال بهدوء عكس ما بداخله: اهلا بيك ياعرفان بيه ، ده بنورك ….. مش كنت تعزمني برضه علي فرح بنت خالتي اللي انت عايز تعمله كده فجأه وكأنكم بتتستروا علي جريمه وخايفين حد يعرف

نظر الي بضيق وقال : الحكايه مش اكده يا فارس ياولدي ولد عمها ورايدها في الحلال وفرح اكده صغير مش كبير .. بس انت مين اللي خبرك ؟

فارس : سما كلمتني امبارح .. وقالتلي انها مجبره تتجوز ابن عمها

رد عرفان بهدوء : احنا مش جابرينها .. هي وافجت وخلاص دخلتهم الليله

لم يتحمل اكثر من ذلك وقام من مكانه وقال بعصبيه: والله عاوز تجوز ابنك لمراتي كده بكل سهوله

كان الرد هذه المره من داغر وقال بصوت مرتفع هز جدران المكان : مرتك كيف يعني ؟! دي لسه عدتها خلصانه مبجلهاش كام يوم

ولا انت فاكر ان احنا مخاليل وهيخيل علينا الحديد الماسخ اللي بتجوله ده

رد عليه وهو ينظر في عينه بتحدي : مراتي اتجوزتها اول ما اطلقت بتاريخ حديث لبعد عدتها لكن مكنش جواز فعلي ولا حاجه كان ساعتها ملوش قيمه لكن دلوقتي بعد اللي عرفته ده مستحيل اسيبك تتجوزها وهي متجوزه

كانت النيران تشتعل في قلب الاثنان فركض داغر الي فارس ليتشاجر معه ولكن والده منعه وقال بعصبيه شديده :

الحج عاوز يتجوز بت عمي وهي خلاص بجيت في مجام مرتي الراجل ده لازم اجتله

فارس : تقتل مين يالا ده انا لو نفخت فيك هتقع

عرفان : عيب اكده يا فارس ياولدي لو ليك حج هيجيلك ، وريني اكده الورجه اللي بتجول عليها دي

قال عرفان بعدما قرأ ورقه الزواج : الورجه دي صحيحه في حاله لو بت اخوي جالت نفس الكلام اللي بتجوله ده

رد فارس بكل ثقه وقال: ايوه طبعا متأكد

داغر : ايه اللي هتجول علية ده يا ابوي لا انا مش موافج علي اللي هيجول عليه … ده ميدخلش عجل حد مضحكش الناس علينا

رد علي عرفان بصرامه : الجواز مش بالغصب ياداغر ولو هي جالت نفس الكلام يبجي يجطعوا الورجه دي ويكتب عليها رسمي

داغر : بس يا ابوي هي مش هتوافج علي الكلام ده انا متوكد

فارس : طيب طالما متأكد اوي كده ما نشوف سوا ايه رأيها هي

عرفان : صوح يا داغر ياولدي لو اكدت كلامه يبجي فيها كلام تاني

زفر بضيق وقال: امرك يا ابوي

صعد داغر الي غرفه سما وقام بفتحها وقال لها : المحروس ولد خالتك في المندره تحت وصاحب المفهوميه بيجول انك مرته ومعاه عجد عرفي بتاريخ من بعد العده جال فاكر اني عيل صغير هياكل بعجله حلاوه .. هتروحي تجولي انه ده كدب وانك متعرفيش عنه حاجه فاهمه ولا مفهماش اجول تاني

ردت سما بلهفه وقالت : حاضر حاضر هعمل كل اللي بتقول عليه

رد عليها وهو مبتسما : ايوه اكده تعجبيني يا لهطه الجشطه انتي

ابتسمت له ابتسامه مزيفه ووافقت علي كلامه كي لا يتهور بتصرف جنوني وتقدر ان تنزل للاسفل وعند هذه اللحظه من المؤكد ان يتولي فارس الامر …سارت معه الي الاسفل وعندما وصلت ورآت فارس ركضت واختبأت خلفه مما اثار دهشه عرفان و استياء داغر فكان اول من تحدث في هذه اللحظه هو عرفان فقال:

هجولك كلمتين فكري فيهم زين عشان تعرفي تردي عليا يابتي

ردت سما وهي تشعر بالارتجاف : قول ياعمي واوعدك هفكر

عرفان : دلوجتي ولد خالتك بيجول انك مرته وكنتوا كاتبين ورجه عرفي من وانتي في العده لسه

كانت تشعر بالصدمه من كلام داغر و عندما اكد علي ذلك عمها شعورها تضاعف وبعد دقائق ردت وقالت : اه ياعمي الكلام ده صح ، بس صدقني عشان كنت خايفه رشدي يعمل مشاكل فاضطرينا ان احنا نعمل كده

رد عمها بضيق وقال : وانتي يامتعلمه يابتاعه المدارس مش عارفه انه ده حرام ولا يجوز

ردت وهي تنظر للاسفل بخجل وقالت : عارفه ياعمي بس يعلم ربنا انها كانت مجرد ورقه مش جواز بجد

ضرب عرفان العكاز الخاص به في الارض وقال بصرامه : حيث اكده لازم تكتبوا رسمي دلوجتي

اتسعت عيناها واصابتها الصدمه فلم ترد اما فارس فرد بسرعه وقال : وانا موافق وحالا معنديش مانع

اخرج داغر السلاح من جلبابه وقال بصوت مرتفع : يمين تلاته لو بت عمي خطت عتبه الدار هخلص عليك انت و اللي معاك

لم يخاف فارس من السلاح وقفز عليه حتي توقفت حركته تماما واخذه منه ووضعه علي رأسه وقال بعصبيه : يمين علي يمينك هخدها وهمشي وكمان مش هتمم الجواز هنا وهيبقي في القاهره

حاول سليم ان يبعد فارس عن داغر بالقوه ولكنه فشل في ذلك وقال : بس كفايه كده يافارس سيبه وخالد هيتصرف معاه

قال فارس وهو يجز علي اسنانه : لا برضه ابعد انت دلوقتي ياسليم

اخرج الاثنان الاخرين اسلحتهم ووضعوها علي رأس فارس وفي تلك اللحظه بالتحديد دخل خالد وبعض العساكر بفضل سليم لانه كان علي الهاتف مع خالد ليتدخلوا اذا حدث شئ

فقال عرفان في تلك اللحظه بعصبيه : انتوا مين ودخلتوا هني كيف هي سويجه ولا ايه

رد خالد بهدوء وقال : بهدوء كده كل اللي معاه سلاح ينزله

وبالفعل اخفض الاثنان السلاح عدا فارس فقال له : هات يافارس السلاح واوعدك اني هقبضلك عليه

عرفان : تجبض عليه كيف وهو المعتدي عليه ياحضره الظابط

رد ضاحكا : هو كده بقي يا اخي ظلم

عرفان : خلاص خلاص ملكش صالح بيه و خدوا سما معاكوا وننهي الموضوع بهدوء بينتنا جبل ما يبجي الدم للركب وانا مش هممني غير بت اخوي تضيع في الرجلين

خالد : ها ايه رأيك يافارس ، نمشي بالمعروف ولا نكمل

زفر فارس بضيق وقال : لا خلاص نمشي المسامح كريم

ثم بدون اي مقدمات لوي يده خلف ظهره بقوه حتي اصدرت صوت قوي ووضع جبينه علي جبين داغر وضربه بقوه حتي كاد ان يفقد الوعي وقال له :

ده بس تذكار عشان فكرت تتجوز مراتي

عرفان : يلا فرجونا جبل ما يوعي لروحه ومش هيهملكم تخرجوا من البلد واصل

وبالفعل خرجوا من القصر جميعهم وعاد سليم في عربه خالد وركبا فارس وسما سيارته سويا ….وفي نفس الوقت عاد لداغر وعيه الكامل و قال : يلا نلحجهم يا ابوي جبل ما يبعدوا

ضربه عرفان بالعكاز في قدمه وقال بعصبيه : غور روح لمرتاتك وبنتتك لحسن هضربك بالنار ،جبر يلم العفش

زفر بضيق وقال : امرك يا ابوي

_________

لم يتبقي علي العوده الي منزلهم في القاهره سوي نصف ساعه اوقف فارس السياره طريق جانبي محجوب عن الضوء كثيرا وقام باحتضانها بقوه حتي كاد ان يكسر ضلوعها وقال بصوت منخفض للغايه :

عمري ما حسيت اني مشتقلك زي دلوقتي

ردت عليه بدموع : وانا كمان ، بس ابعد شويه يافارس ميصحش كده

لم يبعدها عنه وظلت قريبه منه للغايه حتي ان كل منهم يسمع دقات قلب الاخر قويه لابعد حد

ولم يكتفي بذلك فاحاط وجهها بكفيه واخذ يقبل وجهها برقه شديده اذابتها حيث انه لم يقدر ان يكظم مشاعره المكبوته اكثر من ذلك ، حاولت منعه ولكنه كان اقوي حيث كان كالمدمن الذي وجد غايته اخيرا بعد عذاب وقال اخيرا بانفاس لاهثه : احنا هنتجوز بكره مش هقدر اتحمل ابعد اكتر من كده او ان راجل غيري يلمسك

اما عن شعورها في تلك اللحظه انها استعادت انفاسها عند عودته اليها وادركت انها لم تكن تشعر يوما انه اخيها بل انها تعشقه منذ زمن فهمست بخفوت : موافقه بس خالتي توافق الاول

لم يبعد كفيه عن وجنتيها وقال وهو ينظر في عينيها : اكيد هتوافق متقلقيش … المهم دلوقتي انتي اكيد جعانه تحبي تاكلي ايه؟

سما : لا لا مش جعانه دلوقتي لما اروح هبقي اكل اي حاجه خفيفه

تنهد فارس وقال : لا لا تعالي هناكل سندوتشات سريعه عشان انا واقع من الجوع تقريبا مكلتش من امبارح

سما : طيب

ادار فارس السياره وذهب بها الي احدي محلات الوجبات السريعه واحضر مجموعه سندوتشات ومشروبات غازيه وعاد مره اخري للسياره ليأكلا بداخلها واخرج واحدا ثم امسكه بيده ليطعمها في فمها فقالت بسرعه :

لا يافارس كل انت وانا هاكل لوحدي متقلقش

رد عليها ضاحكا : طيب انا عندي حل يرضي جميع الاطراف كل واحد فينا يأكل التاني

ردت مبتسمه : طيب

ثم اخذ يطعم كل منهما الاخر حتي انتهت جميع السندوتشات دون ان يشعروا وطيله ذلك الوقت كانا يضحكان بقوه من قلبهما حتي نسيا كل ماتعرضا له منذ قليل وبعدما انتهيا ،وضعت يدها علي فمها وشهقت وقالت :

فارس الحق قميصك متقطع وهدومك مبهدله

رد عليها ضاحكا : لسه واخده بالك دلوقتي …يلا بينا علي البيت

سما : يلا بسرعه

_________________________

استيقظت دهب اليوم بسعاده كبيره وتنوي اليوم ان تعرف من هو الغامض الذي ارسل اليها الهديه التي لم تنتهي منها بعد…. ذهبت الي عملها مبكرا وجدت سليم بمكتبه نائما بعمق فتركته وخرجت … فطلبت مشروب الشاي الاحمر الاعتيادي من الساعي وعندما اتي به اليها قالت له بابتسامه: شكرا ياعم احمد

رد عليها قائلا: العفو علي ايه ياست دهب ده شغلي

علي الرغم انه من المؤكد انه ليس هو لكن لا بأس من المحاوله

والتجربه الثانيه المحامي المتدرب عمران فدخلت اليه مكتبه وقالت له بابتسامه عريضه : شكرا ياعمران

نظر اليها باندهاش وقال : العفو علي ايه يعني ؟!

سعلت قليلا وقالت : اقصد علي مجهوداتك في المكتب وكده

رد بضيق : ايوه فعلا وياريت عاجب

دهب: طيب انا هروح مكتبي عاوز حاجه

رد عليها بدون تركيز : لا العفو اتفضلي

ذهبت الي مكتبها وهي تشعر بالاحباط فجلست بضيق ووجدت

سليم واقفا علي مكتبها وقال لها وهو يتثاوب : كنتي فين يا هانم وسايبه مكتبك

ردت عليه بتوتر : لا ابدا ده انا كنت بسأل عمران علي حاجه في الشغل وكده

رد بضيق : تاني مره متسبيش مكتبك مهما كان السبب وحصليني علي جوه

دهب : حاضر

جلس سليم علي كرسي مكتبه واما هي فظلت واقفه كالتلميذه المذنبه فقال لها بعصبيه : ياريت تخليكي في شغلك ومتروحيش لحد مكتبه تاني ده من اداب شغلك اعتقد كلامي واضح

تاففت في داخلها ولكنها قالت بخفوت : مفهوم .. بس ممكن اسأل حضرتك سؤال هو انت نمت هنا ولا حاجه

زفر بضيق وقال : لا انا منمتش اصلا .. ياريت بقي تعمليلي قهوه دوبل لان عندي صداع هيفرتك دماغي

دهب : انا عندي برشام تحفه للصداع ممكن اجبهولك لو حبيت

سليم : اه ياريت

وبالفعل احضرته له من حقيبتها ووضعته بيده ولكنه لم يترك يدها بسهوله مما جعلها ترتبك وتشعر باحاسيس غريبه عليها وبعدما ابتلعه ارادت ان تخرج فقال لها :

دهب اعملي حسابك بعد اسبوع في حفله مهمه هيكون فيها اهم العملاء عندي في فندق ****

وعايزك معايا

ردت بتوتر : حفلات ايه حضرتك انا مش هقدر احضر عشان متأخرش وكده علي البيت وكمان اعتقد حضوري مش هيبقي مهم اصلا

رد سليم بجديه : انا اللي احدد اذا ان وجودك مهم ولا لا وعلي العموم متقلقيش مش هتتأخري خالص هي هتبدأ بدري اصلا

دهب : حاضر هحاول

سليم : لا اكيد هتيجي مش تحاولي

دهب : حاضر

وبعد انتهاء هذا اليوم الطويل الممل وخروج كل الموظفين وهي كانت اخر واحده تذهب …دخلت الي مكتب سليم قبل ذهابها وقالت له : انا هروح يا استاذ سليم عاوز حاجه قبل ما امشي

سليم : لا مش عاوز روحي انتي انا قدامي لسه شغل كتير

دهب : طيب سلام

سليم : سلام

_________

بسبب تأخيرها لم تجد اتوبيسات بسهوله ولكنها بعد وقت ليس بكثير وجدت واحدا ولكنه مزدحما للغايه حتي انها حشرت حشرا في وسطهم بصعوبه حتي التنفس كان بصعوبه وبعد دقائق كان يصيح الكمسري مطالبا بالاجره فعندما ارادت ان تخرج الاجره من حقيبتها وجدتها مفتوحه يبدو ان محفظتها سرقت فقالت وهي تبكي : استني ياعم مش لاقيه محافظتي

رد عليها بعصبيه : انجزي ياست عايزين نشوف غيرك

عندما حاولت ان تبحث مره اخري وجدت نفسها في الشارع بقوه الدفع .. ركضت لتركب مره اخري ولكنها فشلت الي ان تصل اليه

اصبح الشارع شبه خاليا من الماره فوجدت اخيرا رجلا عجوزا يبدو عليه الوقار فقالت له بلهفه : لو سمحت ياعمو انا اتسرقت وانا راكبه الاتوبيس لو تسمح تديني عشرين جنيه اروح بيهم وممكن حضرتك تديني رقم تلفونك وانا انشاء الله هديهملك بكره

نظر اليها من فوق الي اسفل وقال باحتقار : مش عيب عليكي وانتي شحطه كبيره كده تمدي ايدك وتشحتي

ردت بسرعه : لا ياعمو صدقني انا فعلا اتسرقت وبشتغل هنا في المكان ده في ..

وقبل ان تكمل حديثها قال لها :

هصدق انا كده روحي شوفيلك شغلانه شريفه بدل الشحاته دي امتي بقي الحكومه تلمكوا بقي

ثم بصق علي الارض وقال :

اتفوا عليكوا مليتوا البلد

ثم سار في طريقه اما هي فجلست علي احد مقاعد الشارع واخرجت هاتفها لتهاتف امها عده مرات و ردت اخيرا وقالت : الحمد لله ياماما انك رديتي بصي انا

وقبل ان تكمل قد انتهت بطاريتها فأخذت تبكي بضيق ولاتعلم ماذا تفعل فقد كانت المسافه الي المكتب شارع طويل جدا والي منزلها اطول بكثير … وبعد تفكير طويل قررت ان تعود لي المكتب فجرت اذيال الخيبه وراءها وسارت ببطئ ولكنها بعد دقائق وجدت سياره سليم في طريقها فتركها وسار يبدو انه لم يراها من الاساس ولكن بعد ثواني رجع بسيارته الي الخلف وفتح زجاج السياره الامامي وقال لها باندهاش : انتي مروحتيش ليه لحد دلوقتي

شعرت بالاحراج الشديد وهي تقول : هو بصراحه شنطتي اتسرقت وانا في الاتوبيس ونزلت .. كلمت ماما بس تلفوني فصل

سليم : طيب اركبي هوصلك

ركبت بالفعل الي جانبه وهي تشعر بالتوتر الشديد وبعد ان جلست قال لها بابتسامه :

احكيلي اتسرقتي ازاي

دهب : بصراحه الاتوبيس كان زحمه جدا بس اضطريت اركب عشان كان ممكن ملقيش غيره في الوقت ده

سليم : خلاص متركبيهوش تاني وانا هبقي اوصلك عادي في طريقي

ردت بصوت منخفض : لا شكرا انا مرتاحه كده

سليم : علي راحتك

وبعد القليل من الوقت اخرج من حافظه النقود خاصته مبلغ من المال واعطاه لها وقال : خدي دول

ردت بسرعه : لا طبعا مس هاخد من حضرتك حاجه وبعدين مكنش مبلغ كبير ولا حاجه

سليم : لا دول مش صدقه زي مانتي فاكره دول مكافأه عن اخر قضيه اشتغلتي معايا عليها

لم تفكر كثيرا واخذتهم بدون تردد وبعد ان قامت بعدهم قالت : بس ده كتير اوي عليا انا معملتش غير شغلي يعني

سليم : لا ده العادي بتاعي ده كان نفس النظام مع علياء

دهب : علي العموم شكرا بجد

سليم : العفو

ثم بعد قليل كان قد وصل قرب شارعها فقالت له بسرعه : نزلني بقي هنا كفايه لحد كده

سليم : لا الوقت اتأخر هنزلك عند بيتك

دهب : لا مينفعش عندنا هنا في المنطقه غير عندكوا هيتكلموا عليا كلام مش لطيف

سليم : طيب انزلي وابقي رني عليا لما تطلعي

دهب : طيب

وعندما نزلت دهب امامه اقترب منها شاب يافع ضعيف البنيه يبدو عليه انه ليس في وعيه وظل يتحدث معها ولكنه لم يسمع اي شئ مما قاله فنزل من السياره مهرولا وسمعه وهو يقول لها :

بقي هو ده اللي ماشيه معاه ورفضتيني يا بنت حنان ، عشان العربيه والفلوس يا بت ال ****

وقبل ان يكمل حديثه رفعه سليم من تلابيب قميصه وقال لدهب وهو يصرخ عليها : اطلعي فوق يلا انتي هتتفرجي

اخذت تبكي وتلطم علي وجهها وقالت : سيبه يا استاذ سليم صدقني هو مش هيعمل حاجه

رد بانفاس متقطعه: وانا لسه هستناه لما يعمل انشاء الله، اطلعي يلا

سمعت كلامه وصعدت الي شقتها راكضه … وبعد ان قام سليم بهبد ذلك الرجل علي الارض وجد امرأه ليست بالعمر الكبير تركض اليه وقالت برجاء : الله يخليك يابيه سيبه ، هو عمل ايه لده كله

رد سليم وهو يضحك بسخريه :

لا ابدا معملش حاجه بس انتي مخلفه متحرش صغير كده عايز يتربي علي السريع

ردت مهلبيه عليه بدموع : سيبه يابيه وانا هربيه

رد عليها ضاحكا : هسيبه بس ياريت تربيه كويس

مهلبيه : حاضر يابيه

__________

بعد ان تركه صعد الي تلك العماره المتهالكه وظل يدق علي هاتفها الي ان ردت اخيرا وقال لها بضيق : مش بتردي ليه

دهب : التلفون كان فاصل ولسه حطاه في الشاحن حالا

سليم : طيب انتي في الدور الكام

ردت دهب بقلق وقالت : التاني ليه في حاجه

سليم : لا مفيش ، افتحي بس

دهب : حاضر

فتحت له بسرعه ودخل وجلس علي الكنبه وكأنه منزله مما اصاب دهب بالدهشه وقامت والدتها بالترحيب الشديد به وقالت له : يا اهلا بيك يا استاذ سليم البيت نور بيك والله

سليم : ده بنورك ، المهم دلوقتي انا عاوز اكلمك في موضوع مهم

حنان : قول يابني

قص عليها سليم ما حدث وبمبالغه بعض الشئ ثم قال في نهايه حديثه : واعتقد ان المكان هنا بقي مش امان خالص عليكم خصوصا اني كمان شوفت كذا حد باين علي شكلهم وش اجرام

حنان : والله عندك حق يابني .. بس هنجيب شقه تاني منين ما باليد حيله مضطرين نعيش هنا وخلاص وربك يسترها

سليم : لا طبعا في حل اكيد

حنان : ايه يابني ، قول وانا هعمله علي طول

سليم : في شقه فاضيه للايجار في العماره اللي انا وابويا ساكنين فيها وهي امان جدا وقريبه من الشغل كمان

حنان : بس يابني دي اكيد ايجارها عالي اوي

سليم : لا مش عالي خالص .. صاحبها ليه في اعمال الخير وبيأجر باسعار رمزيه جدا

ردت عليه بفرحه غامره: طيب يابني استنانا تحت واحنا هنحضر شنطتنا وهنحصلك

سليم : طيب خدوا وقتكم وانا هستناكم تحت 

– لا يا ماما مش هنروح معاه احنا مش شحاتين ولا بنقبل صدقه من حد انتي مش طول عمرك مربياني علي عزه النفس

حنان : ياام دماغ انشف من الحجر افهمي ، هو كلامه صح وانا بصراحه قلبي وجعني من كتر قلقي عليكي لحد ماتروحي بخاف عليكي من الناس السوابق اللي في المنطقه وكله كوم وابن مهلبيه الارشانه كوم .. اعقلي ويلا روحي حضري شنطتك

زمت شفتيها وقالت بضيق : طيب ياامي هسمع كلامك بس لو المكان مريحنيش هنرجع تاني

حنان : ماشي يابنتي اللي انتي عايزاه يلا بقي الراجل مستني بقاله كتير تحت

دهب : طيب

جهزت دهب الحقائب واحتفظت بمقص صغير بيدها ،ونزلا سويا الي سليم بالاسفل وقالت حنان له : معلش يا استاذ سليم اتأخرنا عليك

رد عليها بابتسامه قائلا : لا ولا يهمك.. يلا بينا

قالت دهب بسرعه : لا ممكن دقيقه واحده هعمل حاجه

نظر اليها بدهشه وقال : اتفضلي

ذهبت دهب مهروله الي مهلبيه لتأخد ثأرها التي لم تأخذه الي الان .. ومن حسن حظها انها كانت متواجده بالشارع واستغلت انها كانت تتسامر مع احدي النسوه في الشارع ثم علي حين غره مسكت المقص وابتسمت ابتسامه شريره وقصت خصله كبيره ثم ركضت الي سياره سليم مره اخري وركضت خلفها مهلبيه بكل حقد وغل وعندما وصلا الاثنان الي السياره دخلت دهب بسرعه وهي تلهث اما مهلبيه عندما رأت سليم تسمرت مكانها وهي تشعر بالحنق الشديد فقال لها سليم بتحدي : في حاجه ؟!

ردت وهي تكظم احساسها بداخلها : لا يابيه مفيش

دخل الي السياره وقال لها : طيب عن اذنك بقي عشان امشي

مهلبيه :اتفضل يابيه

ثم بعد ان غادر هذه الحاره الضيقه مسكت قالب من الطوب وضربته في الارض بقوه وهي تصرخ فركض اليها ابنها وقال لها : مالك ياما فيه ايه ؟!

ردت بضيق : مفيش ياروح امك

__________

عندما اقترب سليم من المنطقه اتي يعيش بها قال لدهب وهو يضحك : ممكن افهم بقي ايه حركات العيال اللي عملتيها دي قبل ما نمشي

ردت حنان بسرعه : قولها يابني لحسن دي مجناني بالهبل بتاعها ده

نظرت الي امها وهي متسعه العينين وقالت بضيق: لا مش حركات عيال ولا حاجه ده تار قديم مش اكتر

رد مبتسما : وهو يعني اللي بياخد تاره يجري زي العيال بالشكل ده

دهب : لا انا مجريتش ده اكيد بيتهيقلك

رفع حاجبيه وقال : جايز برضه

بعد القليل من الوقت وصلوا الي العماره القاطن بها وصعدوا الي شقه والده عامر وعندما وقفوا امامها قال لهم سليم : دي شقه والدي هتقعدوا فيها شويه لحد مااتفق مع صاحب الشقه وكمان لو هتتنضف

حنان : ماشي يابني وماله

دق سليم علي شقه والده ففتح لهم في الحال بكل بشاشه وقال : يا اهلا بالبيه اخيرا جيت وجبت معاك حاجه تفتح النفس

سعل سليم بصوت مرتفع وقال : متخدوش في بالكم ياجماعه ده ابويا بيحب يهزر كتير .. دول جيرانك الجداد

ثم تابع حديثه وهو يدقق علي كل حرف : اللي هيبقوا في الشقه اللي قصادك وهيأجروها

لم يتعجب ولم يصدر عنه اي تعبير وقال بابتسامه : اتفضلوا اتفضلوا انتوا نورتونا

سليم : طيب هسيبكم انا تتعرفوا علي بعض وهروح اظبط الامور

اغلق عامر الباب في وجه ولده وقال : مع السلامه انت ..علي مهلك

ضحك سليم من الخارج وقال : هي بقيت كده ، ماشي مردودالك

طيله هذا الوقت كانت حنان ودهب ينظران بذهول ولكنه لم يستمر طويلا حيث انه ادخلهم الي غرفه الضيوف وجعلهم يجلسوا ثم بدون اي مقدمات قبل يد حنان فسحبتها بسرعه وقالت : استغفر الله

واما دهب فاصابتها الصدمه وقالت : في ايه ياحج؟!، احنا عندنا مش زي عندكم عادي كده

شعر عامر بالاحراج الشديد وقال : اعزروني انا مكنتش اقصد بحكم العاده مش اكتر

زمت دهب شفتيها ومالت علي اذن امها وقالت : بيقولك بحكم العاده شكل البوس ده عندهم زي صباح الخير عندنا

عامر : انتوا شكلكوا اخوات مش كده

ردت حنان بابتسامه عريضه وقالت : يعني

عامر : والله انا قولت كده نظرتي متخيبش ابدا

ابتسمت دهب ابتسامه مصطنعه :يعني ! ونظرتي متخيبش !! لا مش اخوات للاسف دي امي ياحج عامر

________

طيله هذا الوقت كان سليم يقف مع البواب يشرح له الوضع وفي نهايه الحديث قال له : زي ما اتفقنا الشقه دي صاحبها بيسافر كتير وهو مسافر حاليا وانه بيحب اعمال الخير دايما وانه موكلني انا عن المواضيع دي اتصرف فيها ..وايجارها ٤٠٠ جنيه ها فهمت ولا اعيد من الاول

وجدي : لا فهمت خلاص انما ليه الحوار ده كله متقولهم ان انت اللي صاحب الشقه وبتعمل الخير

رد عليه بضيق : اعمل اللي بقولك عليه وبس الموضوع مش محتاج فزلكه

وجدي : ماشي يا استاذ سليم

دق سليم الباب علي والده وفتح له بعدما دق كثيرا وقال : ايه يابني كل ده خبط زهقتني

سليم : الشقه جاهزه دلوقتي تقدروا تدخلوها

عامر : خلصت بسرعه كده مش معقول روح شيك عليها تاني

سحبت دهب امها بسرعه وقالت: طيب ياجماعه نستأذن احنا بقي

عامر : ليه ياجماعه كده ملحقناش نقعد مع بعض ولا نتعرف علي بعض

دهب : تتعوض الايام جايه كتير تصبحوا علي خير بقي

سليم : وانتي من اهله

وبعد ان خرجا قال عامر بضيق : مشتهم ليه كان ممكن يقعدوا شويه كمان

رد ضاحكا : شكل السناره غمزت ولا ايه

عامر : لا غمزت ولا حاجه ده انا بس تعبت ياسليم من الوحده

سليم : ما قولتلك يا تطلع عندي فوق وتعيش معايا يا انزل انا واهو اتنين عزاب نونس بعض

عامر : انا عند قراري انا كده مرتاح

سليم بابتسامه : براحتك بس علي الله متندمش في الاخر

عامر : متخفش عليا انا صحتي بومب

سليم : ربنا يديمها عليك

عامر : وعليك يا حبيبي

________

افرغت دهب الحقائب ثم جلست علي المقعد وقالت بضيق :

ممكن افهم بقي ايه الرقه دي كلها اللي نزلت عليكي واحنا قاعدين مع الراجل جوه دي

ردت متلجلجه : رقه!!! رقه ايه يادهب حرام عليكي هو عشان كنت بتكلم بذوق مع الراجل خلاص بقيت بتكلم برقه ، انتي اكيد بيتهيقلك

ردت بعدم اقتناع : يمكن

_________

في صباح اليوم التالي

استيقظت دهب بنشاط وحماسه وارتدت ملابسها بسرعه وفتحت الباب لتخرج وجدت سليم امامها مباشره فشعرت بالفزع وعادت خطوه للخلف وقالت :

خضتني مش كنت تقول احم ولا دستور ولا اي حاجه كده

رد عليها وهو مبتسما : لا سلامتك من الخضه .. متأخره ليه بقي

دهب : لا مش متأخره ولا حاجه دول هما خمس دقايق بس

سليم : طيب يلا عشان هتركبي معايا ونروح سوا

ردت بسرعه : لا شكرا انا هعرف اروح لوحدي والطريق سهل جدا

رد عليها بصرامه : مش بحب اعيد كلامي مرتين .. بقولك يلا عشان منتأخرش اكتر

ردت بضيق : طيب

بعد حوالي نصف ساعه وصلا الي المكتب فدخل هو الي غرفته وجلست هي علي مكتبها لتنجز اعمالها الكثيره …..

وفي منتصف اليوم اثناء ما كانت تأكل دهب وجبتها في الاستراحه

وهي تنظر للاسفل وجدت ظل امرأه فنظرت للاعلي وجدتها امرأه غايه في الجمال فقد كانت شقراء وخصلاتها ناعمه وقصيره وقالت لها برقه :

سليم هون

ردت عليها بعدم اهتمام : خلع ولا اداب ؟

ردت الاخري بحنق : ولا شي من هدول انا بدي ياه في موضوع خاص

قامت دهب من مكانها واطبقت يديها معا علي صدرها وقالت : وهو ايه بقي الموضوع الخاص اللي مش هتقدري تقوليلي عليه ؟!

ردت بعصبيه : لك شو انتي شو خصك بالموضوع انتي خبريه اني هون وبس ….. بدك تعملي معي تحقيق ولا شو

وضعت يدها علي خصرها وقبل ان ترد خرج سليم وقال :

في ايه ؟ ايه الصوت العالي ده؟!

ردت دهب : مش عارفه والله بلاوي بتتحدف علينا

رد سليم بضيق وقال : لمي لسانك يادهب دي لارا عميله قديمه وكانت بتجيلي مكتبي القديم

ردت لارا بسرعه : من وين جبت هالمخلوقه لتعمل معك ..كنت قلي انك بدك سكرتيره وكنت بجيبلك الف في يوم واحد

دهب بضيق: شوف بقي بتغلط

اهي !

سليم : لارا..دهب دي من اكفأ اللي شغالين معايا ومعتقدش رأيك صح ، علي العموم يلا ندخل

لارا : اوكي

نظر الي دهب وقال لها : دهب بقولك هتلنا اتنين قهوه بسرعه

دهب : طيب

بعد دقائق دخلت اليهم دهب وفي يدها صنيه بها فنجانين من القهوه وقدمت فنجان سليم ووضعته امامه وقالت : اتفضل

سليم : شكرا

ثم وضعت فنجان الاخري امامها بعجله فسكب علي فستانها فقفزت من مكانها بسرعه وقالت : رجلي اتحرقت يا سليم

اقترب منها سليم وقال: بسيطه متقلقيش ممكن تروحي الحمام ومعاكي دهب هتجيبلك فوطه تمسحي فستانك وكريم حروق كويس جدا

نظرت دهب بلا مبالاه وقالت : ايوه فعلا في كريم شوفته جوا كينا كومب هيريحك علي الاخر

صرخ عليها سليم وقال بتحذير : دهب روحي معاها واديلها كريم الحروق بس ، فاهمه ولا افهمك

ردت بضيق : فاهمه فاهمه

اخذتها دهب وساعدتها وهي تشعر انها تريد ان تصفعها بقوه حتي تحترم نفسها ولاترتدي فستان ضيق هكذا وبعد ان خرجوا من المرحاض قالت لها :

خدمه تانيه ولا كده خلاص

لارا : لا مابدي شي ، شكرا الك

دهب : العفو

_________

ذهبت دهب الي مكتبها وهي تشعر بالحنق الشديد وطيله جلستها كانت تأكل اظافرها وبعد حوالي نصف ساعه من الانتظار قامت ووقفت بجانب باب مكتبه ووضعت اذنها علي الباب محاوله

منها لسماع اي شئ .. وفجأه شعرت بيد وضعت علي كتفها فانتفضت بقوه وعندما ادارت ظهرها وجدتها نسرين فقالت :

خضتيني حرام عليكي

نظرت نسرين اليها باحتقار وقالت : سوري بجد عطلتك عن شغلك المهم جدا

ردت دهب بسرعه : لا لا متفهمنيش غلط انا كنت داخله والورق في ايدي اهو

نسرين : طيب طيب ، هو سليم عنده حد جوا

ابتسمت ابتسامه عريضه وقالت :

اه عنده عميله جوا بس منبه عليا مدخلش حد جوا لحد مايخلصوا خالص .. تخيلي بقالهم ساعه جوا ولسه مخرجتش

نسرين : والله! طيب انا هدخل دلوقتي

دهب : بس لحسن استاذ سليم يضايق ولا حاجه ويحاسبني انا

نسرين : لا متقلقيش روحي انتي علي مكتبك وانا هدخل علي انها مفاجأه

دخلت نسرين اليهم فجأه فوجدتهما متقاربين للغايه ويضحكان بشده فقالت بهدوء :

اسفه ياجماعه لو عطلتكم عن حاجه مهمه

لارا : لا ماعطلتينا ولا شي انا كنت هلأ خارجه

سليم : طيب زي ماتفقنا هنتقابل في الحفله

ردت وهي مبتسمه : اكيد ولو

خرجت لارا وجلست نسرين وقالت بعصبيه : انا مش قولت كذا مره ان العميله دي تقطع علاقتك بيها نهائي

رد عليها بعصبيه : اوامرك دي علي حد غيري مش عليا انا يانسرين وياريت تفتكري ده كويس

هدأت من نفسها كثيرا ثم قالت : سليم ياحبيبي انا اسفه مكنتش اقصد انت عارف اني بغير عليك جدا

تنهد تنهيده طويله وقال : خلاص انتهي الحوار ، مقولتليش بقي انتي كنتي جايه هنا ليه

ردت عليه بدلال : كنت جايه عشان اخدك معايا عشان نجيب لبس ليا وليك عشان الحفله

سليم : للاسف مش فاضي خالص النهارده لو انتي مستعجله كده روحي انتي وحوليلي اي فواتير علي هنا

زمت شفتيها وقالت : طيب اللي تشوفه .. انا همشي بقي عشان متأخرش

سليم : اتفضلي

وبعد ان خرجت طلب من دهب ان تدخل اليه وتغلق الباب وبعد ان دخلت قال لها : انا بجد هموت من الصداع

ردت عليه بصوت منخفض : ليك حق مبتلحقش ياعيني تاخد نفسك من الستات

سليم : بتقولي حاجه

ردت بسرعه : لا مبقولش

سليم : طيب تعالي هنا.. قربي

اقتربت من قليلا فقام من مكانه واحضر كرسي امامه وجعلها تجلس عليه وقال لها : البرشام بتاع الصداع مجبش نتيجه فياريت تعمليلي تدليك لراسي جايز يهدي شويه

ردت بتوتر : بس انا مش بعرف

مسك يدها ووضعها علي رأسه ودلك قليلا فوق يديها علي رأسه وقال : كده بس

عند هذه الحركه وقع قلبها عند قدميها وقالت بصوت مرتجف : طيب ممكن ايدك بس وانا هكمل

رد مبتسما : حاضر

ظلت دهب تدلك رأسه باصابع مرتعشه وبعد خمس دقائق شعرت ان رأسه ثقل وزنها علي يديها فنظرت اليه وجدته مغمض العينين وكأنه نائم فهمست بخفوت : استاذ سليم انت نمت

لم يرد عليها فظلت تنظر اليه وهي مبتسمه كالبلهاء وكانت تكتم رغبه حارقه في ان تعبث بشعيرات ذقنه ولكنها عادت لرشدها سريعا وتركته وخرجت مهروله ….

_________________________

بعد الارهاق الطويل الذي تعرض له فارس وسما عند عودتهما الي المنزل هربت سما من مواجهه خالتها واكتفت انها صافحتها وقضت باقي يومها في غرفتها اما فارس ففتح الموضوع مع والدته واقنعها بصعوبه وفي صباح اليوم التالي دق فارس علي غرفه سما كثيرا حتي فتحت له وهي تتثاوب وبعض خصلات شعرها مشعثه فهذبهم بيده وقال لها بابتسامه : صباح الورد علي احلي عروسه في الدنيا .. كل ده نوم

ردت هي الاخري وهي مبتسمه : صباح النور ، بس غريبه انك بتخبط عليا في العادي بتقتحم عليا الاوضه

رد عليها ضاحكا : لا ده كان زمان دلوقتي احنا في مقام المخطوبين فعيب اني ادخل كده

ردت ضاحكه هي الاخري : لا فعلا اخلاق بصراحه

رد عليها وهو ينظر في ساعته : يلا بقي عشان اتأخرنا البسي بسرعه عشان اول حاجه هنعملها هنختار فستان وانا عارفك مش بتجيبي اي حاجه بسهوله

سما : حاضر

وبعد القليل من الوقت نزلا سويا وركبا سيارته وتوجها الي احد المولات المخصصه لملابس الافراح للعروسين وقضيا هناك منتصف اليوم بسبب عدم موافقه فارس علي معظم الفساتين هناك فدخلا اخر محل بالمول وقالت له : والله لو معجبكش ده كمان هروح ومفيش جواز

امسكها من ملابسها من الخلف وقال : عيدي كده قولتي ايه تاني

ردت ضاحكه بخوف : لا ابدا بقولك عايزين نخلص عشان اختار معاك انا كمان البدله

تركها وقال : اه بحسب ، قدامي يلا

سما : حاضر بس متزوقش

دخلا الاثنان سويا وارتدت الاول وعندما خرجت قال لها : اه ده حلو ومقبول ، لفي بقي كده

سما : لا مش هلف

فارس : متعصبنيش يلا بقي لفي

ضربت الارض بقدميها وقالت : يوووه ماشي

وعندما ادارت ظهرها وجده عاري الظهر فقال لها بضيق : لا وحش اوي ادخلي البسي غيره بسرعه

دخلت واغلقت باب البروفه بعنف وظلت تلبس وتخرج ونفس السيناريو يدور وفي النهايه خرجت واعطته مجموعه الفساتين التي كانت تقيسها وواحد فقط في يدها وقالت : هاخد ده كويس

فارس : قستيه ده وانا شوفته ولا لسه

سما : اصل انا اقتنعت ان العريس يشوف الفستان فال وحش عشان كده بلاش

فارس : طيب المهم كويس عليكي مش عريان ولاحاجه

سما : لا خالص محتشم جدا

فارس : طيب

دفع فارس حساب الفستان وخرجا سويا الي محل اخر له وارتدي بذله سوداء ولم يحب ربطه العنق فارتدي عليها بيبيون فقالت سما له : لا لا مش عجباني البس غيرها

جز عي اسنانه وقال : مش عجباكي ليه انشاء الله عريانه ولاقصيره لاقدر الله

سما : لا اهو مزاجي كده اشمعنا انا تعبتني عقبال ما جبت

رد عليها بابتسامه وقال: اهو كده تفرقه عنصريه بقي

خرجا الاثنان من المكان واتجها الي احد مراكز التجميل وعندما وصلا قال لها :

انا مش فاهم ليه ٣ ايام قبل الفرح ده لو هشطب شقه مش هتاخد ده كله

ردت عليه بضيق : اولا الميك اب مش بيتعمل غير يوم الفرح انما اللي قبل كده استعدادات وكده

رد عليها وهو مبتسم ابتسامه خبيثه : استعدادات وكده قولتيلي

ضربته في كتفيه بعنف وقالت : احترم نفسك يافارس انا فاهمه نظرتك دي

وضع يده علي موضع الضربه ودلكه متألما وقال : حرام عليكي يامفتريه انا مقصدش اللي فهمتيه انتي اللي دماغك غريبه

سما : علي العموم هعمل نفسي مصدقه .. ودلوقتي روح وتعالي بليل عادي بدل ماتستناني في الشارع ده كله

فارس : لا هستناكي

نزلت من السياره وقالت : براحتك

__________

بعد مرور يومين

كانت سما في انتظار فارس ليأخذها وكانت متوتره وقلقه للغايه وبعد نصف ساعه جاء اليها وعندما رآها حاوط رأسها بكفيه وقبلها ثم قال لها بصوت مبحبوح : اجمل عروسه عيوني تشوفها ربنا يخليكي ليا

ابتسمت ونظرت الي الاسفل بخجل و قالت : وانت كمان

حاوط وجهها بيديه وقال وهو مبتسما :وانا كمان ايه

ردت بحشرجه : وانت كمان حلو

قبل باطن يدها وقال : تسلميلي ياروحي

ثم اخذها وركبا السياره وكانت والدته تجلس في الامام بجانب سليم ،وسما وفارس بالخلف

و عندما رآتها خالتها قالت لها : زي القمر ياحبيبتي ربنا يحميكم من شر العين

قالا الاثنان في نفس واحد وهم ينظروا لبعضهما : يارب

نظر فارس الي صدر الفستان وقال بضيق : مش ملاحظه ان الفستان عريان من فوق شويه

رفعت الفستان الي الاعلي وقالت وهي تنظر الي الجهه الاخري : لا مش ملاحظه

فارس بضيق : هعدي اليوم علي خير عشان مزعلكيش بس

نظرت اليه وقالت وهي مبتسمه : اه مانا عارفه

اتجه بهم سليم الي الاسكندريه حيث كانت رغبه فارس ان يجعل فرحهما هناك نظرا لحب سما للبحر…وبعد ان وصلوا استلمهم المصور المحترف الذي اتي به سليم ليلتقط لهما صورا للذكريات … فقال لهما :

دلوقتي بقي ياعريس شيلها علي ضهرك واضحكوا مع بعض

فارس : تمام

ردت سما بسرعه وهي تضحك بعدم تصديق : لا طبعا مش هعمل كده

فارس : سما بصي عايزك متقوليش علي اي حاجه النهارده لا اتفقنا

زفرت بضيق وقالت : طيب

التقط لهما الكثير من الصور الرومانسيه بعضها يتقاربان بشده وبعضها يضحكان واخر الصور خلعا احذيتهم وركضا علي الرمال وعلي المياه حتي ان طرف فستانها ابتل قليلا

وعلي الرغم من قلةالمعازيم وبساطه العرس الا انهم شعروا بالسعاده الغامره

—————–

وبعد هذا اليوم المرهق الطويل ذهبت والده فارس الي عمتها لتقضي معها فتره لتتركهم يأخذوا راحتهم …

واما فارس وسما توجها الي شقتهم و بعد ان نزلا من المصعد حملها الي صدره

فقالت له بسرعه : ايه اللي انت بتعمله ده

رد عليها بابتسامه : هكون بعمل ايه … هتقوليلي الناس !!

احنا خلاص اتجوزنا يعني و لو عايز ابوسك في الشارع هعمل كده

ردت عليه ضاحكه : والله عشان يجبولنا بوليس الاداب وماله

ضحك بشده وانزلها ارضا لكي يفتح الباب ثم اخذها الي الغرفه وبعدها قالت له بارتجاف : فارس ممكن تقفل النور

فارس : ممكن

اغلق النور وخلع جاكيت بدلته واقترب منها جدا حتي شعر بعلو انفاسها وقال لها : خايفه

ردت بخفوت : يعني شويه

فارس : متخفيش انا عمري ما هأذيكي

ثم اقترب منها اكثر وقلبها خفق اكثر واكثر ووضع يديه الدافئه علي رقبتها التي كانت كالجليد وقال بصوت مبحوح ومنخفض للغايه : اخيرا

ثم قبل عنقها برقه متناهيه جعلتها تشعر بقشعريره كالكهرباء تسري في جسدها … ثم ازاح عنها فستانها ومن هذه اللحظه بدء ارتجافها يتزايد ثم وضع يده علي خصرها وقبلها بعنف ثم قبلها برقه شديده ، وقبل ان يتمادي اكثر شعرت بالخوف الشديد وارتجفت بقوه وانفجرت في البكاء وعندما وجدها تبكي تركها بسرعه وقال لاهثا: اهدي ياسما انا اسف مش هعمل حاجه

لم ترد عليه وزادت من حده بكائها فمسك معصمها واخذها الي السرير ووضعها عليه ثم اتجه الي خزانه الملابس واخرج منها منامه قطنيه والبسها اياها برفق وقال لها : اهدي خلاص مفيش حاجه

قلت حده بكائها وقالت وهي تشهق : حاضر

فارس : احنا هنصلي سوا وهنام سوا واوعدك مش هعملك حاجه تانيه

صلا سويا ثم بدل ملابسه سريعا ونام بجانبها واحتضنها من الخلف واخذ يهدهدها حتي غفت

استيقظت سما وفتحت نصف عينيها حيث كانت بغير وعيها بالكامل ووجدت نفسها مكبله من جميع اطرافها وجسدها كأنه زرع بين اضلاعه.. وليس هكذا فقط فقد كانت رائحه جسده في انفها وكأنها تتنفسها وكان شعورها في هذه اللحظه الخجل والسعاده معا … وعندما رأته يتحرك قليلا اغمضت عينيها بسرعه ..

عندما استيقظ فارس شعر بالضيق حيث انه كان يريد الا يستيقظ ابدا وان يظل علي هذا الحال، اراد ان يوقظها دون ان يزعجها فوضع اصابعه علي وجهها واخذ يحركها ببطئ وقال وهو مبتسما : سما حبيبتي قومي بقي يا كسوله…. مش هتقومي يعني اخر كلام ؟

كانت تسمعه ولكنها تصنعت النوم من كثره خجلها منه ولكنه اصر عليها وزاد مما يفعله وشعرت انه يمكن ان يتمادي اكثر وعند هذه النقطه انتفضت من مكانها وقالت :

ايه يافارس اللي انت بتعمله ده

رد عليها ضاحكا : بعمل ايه يعني قوليلي

زفرت بضيق وقالت : معرفش بقي انت عارف وبتستعبط

نظر اليها وابتسم ابتسامه خبيثه وقال : انا عارف وبستعبط

سما : اه

فارس : طيب تعالي بقي

سحبها من قدمها اليه واخذ يدغدغها في باطن قدمها واما هي فظلت تضحك بقوه حتي ادمعت عيناها فقد كانت قدمها نقطه ضعفها وقالت : حرام عليك يافارس هموت ، والله ماهقولك حاجه تضايقك تاني بس سبني بقي

رد ضاحكا : موافق بس بشرط

سما : سيب وانا هعملك اللي انت عاوزه

فارس : تعالي نحضر الفطار سوا

سما : يلا

وضع يده علي خصرها ورفعها ووضعها علي الرخام وقال لها :

ها تحبي تفطري ايه ؟؟

ردت عليه وهي مبتسمه وواضعه ابهامها علي رأسها وكأنها تفكر وقالت : اممممم مش عارفه استني كده افكر

فارس : لا بقولك ايه هو النهارده بس بعد كده انتي اللي هتعملي الاكل

ردت ضاحكه : طيب طيب متقفش كده ، بص اعملنا اومليت بالخضار وانا هحضر الجبنه واللبن

فارس : طيب تمام

بعد دقائق معدوده جهز فارس وسما الافطار وجلسا في الشرفه ليتناولا الطعام وبعد ان وضع فارس الطعام علي الطاوله قال :

دوقي بقي وقوليلي رأيك

سما : حلو اكيد

غمس فارس قطعه من العيش بالبيض ووضعها في فمها وقال : شوفي بقي اللي بتعمليه انتي الاحلي ولا انا

بلعت سما بصعوبه وقالت بابتسامه مصطنعه : احلي مني اكيد بس ياريت متكررش التجربه تاني

تذوق فارس هو الاخر وقال : حلو بس الملح زياده شويه

ردت سما ضاحكه : طيب تحب اعملك غيره

فارس : لا مش لازم احنا هننزل شويه كده ناكل بره

سما : طيب براحتك

وبعد ان جمعا سويا الاطباق ، غسل فارس الاطباق الفارغه واخرج من الثلاجه طبق كبير من العنب الاحمر وخرج به اليها وقال لها : تعالي ياسما

سما : لا يافارس مش هقدر اكل حاجه تانيه دلوقتي

فارس : تعالي بس كده

سما : طيب

جلس فارس علي المقعد المريح وعندما اتت اليه مسك معصمها ووضعها علي ساقه فقالت بسرعه : ايه يافارس اللي انت بتعمله ده

رد مبتسما : هو انتي كل لما اعمل حاجه تقوليلي كده ؟ .. هبتدي ازهق علي فكره

ردت بلهفه : لا مقصدش بس لسه مش متعوده علي كده خصوصا ان احنا عمرنا ما كنا كده

رد ضاحكا : عشان مكناش متجوزين ف اكيد كنت هحافظ عليكي ومش هتجاوز حدودي معاكي ، بس بقي كفايه رغي

ثم وضع واحده من العنب في فمه واقترب منها فقالت : لا لا مش هاكل كده ، هاكل لوحدي

زمجر عليها ووضعها عنوه في فمها فتلامست شفتيهما معا فسرت قسعريره لذيذه في جسدها فحاولت ابعاده ولكنه احكم حركه يديها بين زراعيه وقبلها بكل رقه حتي انها ذابت بين يديه ولكنها لم تستمر طويلا حيث ان قاطعهما اتصال هاتفي من والده فارس فابتعدت عنه بسرعه وقالت لاهثه : رد يا فارس تلفونك بيرن

رد بضيق : لا سيبيه يرن تعالي بس

سما : لا رد ممكن تكون حاجه مهمه

تافف بضيق وقال : طيب روحي هاتيه

قامت من علي ساقيه وذهب لتحضره له وقالت : دي خالتي رد عليها بسرعه

مسك الهاتف ورد فورا وقال : الو يا امي

صفيه : الو ياحبيبي عامل ايه ، وايه الاخبار

رد مبتسما : تمام زي الفل

صفيه : طيب الحمد لله ، المهم انتوا تمام

فارس : تمام

صفيه : لا انت فاهم قصدي يافارس رد

تنهد وقال : قولتلك يا امي تمام متشغليش بالك بالامور دي بقي

تنهدت بارتياح وقالت : ريحت قلبي ياحبيبي ، ربنا يسعدكم

فارس : يارب

صفيه : طيب ياحبيبي هسيبكم بقي سوا وهقفل انا وهبقي اكلمك تاني

فارس : طيب يا امي مع السلامه

صفيه : الله يسلمك ياحبيبي

اغلق فارس الهاتف وجلب سما اليه ولكن الهاتف رن مره اخري فقال بضيق : ده سليم انا هقفل التلفون خالص

سما : لا رد اخر مره وبعدين اقفله

فارس : طيب

رد فارس علي سليم وقال له بضيق : بتتصل في اوقات غير مناسبه ، انت يالا مش عارف اني اتجوزت امبارح

رد ضاحكا: لا يابني متخفش انا مش متصل بيك عشان ارخم ولا حاجه ، الف مبروك يا فارس

فارس : الله يبارك فيك ياخويا عقبالك

سليم : الله يبارك فيك ، الا قولي صحيح الجواز حلو ؟

فارس : اقفل ياسليم اقفل وياريت متكلمنيش لسنه قدام

رد ضاحكا : ياه ده طلع حلو اوي

اغلق فارس الهاتف في وجهه وقال لسما : بقولك تحبي تخرجي فين النهارده

ردت مبتسمه : اي حاجه

فارس : طيب بما انك مش عارفه انا بفكر اقعد في البيت والغي الفكره ، تعالي بقي

سما : لا لا ترجع ايه ، انا عايزه اروح ملاهي

فارس : خلاص نروح ، طيب البسي بسرعه

سما : لا استني انا نفسي اركب عجل

رد ضاحكا : خلاص الاتنين بس يلا انجزي لحسن ارجع في كلامي

ركضت الي الغرفه وقالت له اثناء ذلك : لا اوعي ترجع هخلص بسرعه ،عشر دقايق وهبقي جاهزه

ارتدت سما فستان ازرق قاتم باكمام قصيره وطويل ، اما فارس فارتدي قميص اسود وبنطلون بلون القهوه الفاتحه وركبا سويا السياره واتجه بها الي مدينه الملاهي ونزلا سويا وهو واضعا زراعه علي كتفيها وتمشيا سويا الي الداخل تحديدا عند لعبه قطار الموت وعندما وصلا اليها قالت سما بهلع : لا يا فارس مش هركبها دي صعبه اوي تعالي نلعب اي حاجه تانيه

رد ضاحكا : يا جبانه تعالي متخفيش طول مانا معاكي

سما : لا عشان خاطري بخاف ، عمري ماهنسالك لما كنت بدخلني بيت الرعب وانا صغيره

رد مندهشا : وانتي بتسمي اللي دخلناه ده بيت رعب ، ده انتي طيبه اوي ، وبعدين تعالي هنا انا مش كنت بدخل معاكي ولا كنت بسيبك كده

سما : هو بصراحه مكنتش بتسبني بس برضه مش هركب القطر ده

سحبها من يدها خلفه وظلت تصرخ وتقول : ونبي لا يافارس

ضحك عليها بشده ولكنه جعلها تركبه رغما عنها وبعد القليل من الوقت نزلا من اللعبه وكانت سما تشعر بالدوخه والغثيان الشديد

وما ان جلسا علي احد المقاعد افرغت كل ما في معدتها وكان فارس ممسكا بظهرها اثناء ذلك وقال لها : حقك عليا مكنتش اعرف انك هيحصلك كده

ردت باعياء : مش قولتلك ، يلا نروح بقي

اعطاها زجاجه المياه وقال لها : اشربي كده هتحسي انك احسن

شربت سما وبالفعل شعرت بتحسن بعض الشئ وقالت : اه كده احسن

رد مبتسما : طيب ايه صرفتي نظر عن العجل وهنروح

ردت بسرعه : لا لا انا نفسي اركب من زمان ، اخر مره بيتهيقلي لما كان عندي عشر سنين

رد ضاحكا : ايوه فعلا ، يلا بينا قبل ماتكسلي

سما : يلا

__________

وبعد القليل من الوقت ذهبا الي منطقه شبه خاليه مختصه فقط بركوب الدراجات وبعد ان وصلا قال لها : ها هتعرفي تسوقي ولا لا

ردت بحماسه وهي مبتسمه: اكيد بعرف عيب عليك

رد ضاحكا : والله ! طيب هتعرفي ازاي وانتي بقالك ١٥ سنه مسوقتيش

سما : لا ماهو اكيد طالما كنت بعرف يبقي اكيد هعرف دلوقتي

فارس : لا خلاص هنركب سوا

سما : لا ازاي مش هتكفينا طبعا

فارس : ملكيش دعوه انتي انا هتصرف

سما : طيب

اختار فارس دراجه متينه وجلس عليها ووضع سما امامه وقال لها غامزا : شوفتي بقي ازاي كفت

ردت ضاحكه : شوفت ، بس تفتكر هتقع بينا

فارس : افتكر طبعا ، بس علي الاقل نبقي خضنا التجربه

اخذ فارس يدور بالدراجه المكان عده مرات وقبل ان ينزلا في الدوره الاخيره قالت له : عارف اللي احنا فيه ده بيفكرني بايه

فارس : ايه ؟

سما : بيفكرني بعبد الحليم وشاديه

رد ضاحكا : تصدقي فعلا ، طب بالمناسبه دي يلا نغني الاغنيه قبل ماننزل

سما : يلا

فارس : حاجه غريبه … حاجه غريبه علشان احنا مع بعضينا ولاول مره لوحدينا

سما : ولا حدش بيبص علينا غيره فرحه قلبنا وعنينا

فارس : حاجه غريبه

سما : حاجه غريبه

وبعد ان انتهيا من الجوله امسكها فارس من خصرها وانزلها وقال لها : يلا عشان نلحق بقيه اليوم قبل ما يخلص

سما : يلا

وبعد الكثير من الوقت الممتع الذي قضياه في عده اماكن حتي حل الليل عليهم قالت سما له : بس كفايه كده نروح بقي

فارس : لا استني هناكل الاول وبعدين هنروح

سما : لا عادي انا ممكن اطبخ

فارس : بس ياهبله يلا عشان انا واقع من الجوع

ردت ضاحكه : يلا

وبعد القليل من الوقت كانا قد وصلا الي احد المطاعم الخاصه بالواجبات السريعه وطلبا الطعام وجلسا ليأكلا، ووضع قطعه من اللحم في فمها فقضمتها ومع اصبعه فقال لها متألما : اه ياعضاضه

ردت ضاحكه : تستاهل عشان تحرم تعمل كده قدام الناس

فارس: عشان احرم !

مسك اذنها وقال : بتقولي حاجه

ردت سما متوجعه : لا لا مقولتش بقولك بالهنا

ترك اذنها وقال : بحسب

وبعد ان اكلا ذهبا الي المنزل … وبدل كل منهم ملابسهما ودخلا الي غرفتهما ولكن فارس تسطح علي الاريكه فقالت له : اليوم كان مرهق اوي بس بجد كان حلو جدا

رد مبتسما وهو يتثاوب : فعلا

قالت له بتردد وهي تشعر بالخجل : طيب انت مش هتنام

فارس : اه مانا هنام دلوقتي

سما : طيب مش هتنام علي السرير عشان ترتاح اكتر

فارس : لا مانا هنام كل يوم هنا لحين اشعار اخر

سما : طيب خلاص تعالي نام علي السرير وانا هنام مكانك

رد عليها بنفاذ صبر :نامي يابت

سما : حاضر، تصبح علي خير

فارس: وانتي من اهله ياحبيبتي

_________________________

بعد مرور ثلاثه ايام

قضت دهب يوم ممل للغايه في العمل وذهبت الي منزلها سيرا علي الاقدام فقد كان قريبا جدا الي العمل وفي طريقها اتصلت بصديقتها (نوجه) وقالت لها : الو ياقلبي عامله ايه

نوجه : كويسه ياللي مش بتسألي نستيني يابت اول ماعزلتي ؟

ردت ضاحكه : ولانسيتك ولا حاجه هبعتلك العنوان وتعاليلي

نوجه : طيب ابعتيه وانا مسافه السكه وهكون عندك

دهب : تمام

________

بعد ان وصلت دهب الي شقتها وبدلت ملابسها استراحت وقت قصير وبعدها وجدت (نوجه ) قد اتت ففتحت لها بسرعه وقالت : جدعه اول مره تيجي بسرعه كده

ردت مبتسمه : عشان تعرفي بس ، بس الشقه جميله بصراحه ، الحمد لله انكوا مشيتوا من الشارع ده

اخذتها دهب من يدها بسرعه ليجلسا وقالت لها : الحمد لله …الحقيني بقي انا في ورطه

نوجه : ورطه ايه يا حبيبتي قولي

دهب : المفروض انه بكره في حفله لشويه ناس فاضيه كده مش لاقيه حاجه تعملها ، وقال ايه فيها عملاء من المكتب سليم هيقابلهم هناك وانا هبقي معاه طبعا … وانا واثقه ان انا مليش اي دور بس مضطره اروح

ردت ضاحكه وهي تغمز لها : ايوه بقي ، حفلات وكده يا دودو

…. طيب انتي ايه اللي مزعلك روحي وغيري جو

دهب : ماهو للاسف معنديش غير لبس الشغل وهناك في الحفله كلها هتبقي فساتين وانا مش عارفه اعمل ايه

فكرت نوجه قليلا وقالت بسرعه : محلوله يابنتي ، انتي مش علي طول لبسك من الوكاله وشيك وحلو

دهب : اخ كانت غايبه عني فين ، بس تفتكري هلاقي هناك

نوجه : اكيد ياروحي دي فيها كل حاجه

دهب : طيب يلا بينا بسرعه قبل ما المحلات تقفل

نوجه : يلا

__________

وصلا الاثنان الوكاله وظلا يدوران هناك شرقا وغربا ويمينا ويسارا الي ان شعرا بالتعب الشديد فجلسا علي الرصيف وقالت دهب : خلاص تعبت مش قادره ، انا مش هروح واللي يحصل يحصل

نوجه : لا تروحي ايه استني ، في محل هناك اهو لسه مدخلنهوش

دهب : طيب يلا ندخله ولو ملقناش نروح وامرنا لله

دخلا المحل سويا.. وقد كان متكدس من كثره الفساتين تفرقا الاثنان ليبحثا عن شئ مناسب واخيرا وجدت دهب فستان من اللون النبيذي الاحمر ولامعا وطويلا باكمام طويل وبه فتحه في الصدر ليست بكبيره فدخلت البروفه لتقيسه وعندما ارتدته وجدته منتهي الجمال عليها وكأنه صنع خصيصا لأجلها فقد كان مُلفتاً للأنظار وعندما خرجت الي صديقتها قالت لها :

يخرب عقلك يادهب يجنن عليكي ، هو ضيق شويه بس رهيب بجد … خديه من غير تفكير

ردت بتوتر : تفتكري ممكن يكون غالي خصوصا انه بالتيكت بتاعه

نوجه : لا مش هيبقي غالي ولا حاجه بس انتي اخرجي بكل ثقه واحنا بنفاصل كأنه مش فارق معاكي

دهب : طيب

خرجا الي الرجل صاحب المحل ليدفعا الحساب فقالت نوجه له : الفستان ده بكام

البائع : هو ب ٦٠٠ بس عشان خاطركوا ٤٠٠ بس

نوجه : نعم ليه يعني ده حتي مستعمل ومش اد كده يعني

البائع : يافندم ده بالتيكت ازاي مستعمل ، بس العموم اخره ٣٠٠ وانا الخسران

نوجه : لا هما ٢٠٠ جنيه حلو اوي عليه

البائع : لا مش هينفع صدقيني اتفضلوا

ضربت دهب نوجه في يدها وقالت لها بصوت منخفض : الله يخربيتك هتضيعي مني الفستان وهو سعره كويس كده

نوجه : طيب هاتي ٢٥٠ كده

اخذت المال من دهب واعطته للرجل وقالت له : متكسفهاش بقي دي غلبانه ومحوشاهم بالعافيه

رد بضيق : طيب واهو اكسب ثواب

اخذت الفستان منه وخرجا سويا وبعد ان ابتعدا مسافه كبيره ضحكت دهب بقوه وقالت : يخرب عقلك انتي بتشحتي عليا ، لا وايه الراجل كان متأثر اوي

نوجه : عشان تقدري مجهوداتي معاكي بس ، المهم انتي ناقصك ايه تاني ؟

دهب : ناقص جزمه وشنطه صغيره سوده مش شرط سواريه

نوجه : طيب في محل بيبيع جزم من الصين تقليد للماركات النضيفه تعالي نجيب من هناك وكمان بيبيع شنط … وانا بقي عندي برفان نضيف اوي متعتق بقاله كذا سنه كان جيبهولي قريبنا من الخليج

قبلتها دهب من وجنتها بقوه وقالت : تسلميلي مش عارفه اقولك ايه

نوجه: متقوليش حاجه ياحبيبتي احنا اخوات يلا بقي قبل ماحنان تقلب الدنيا عليكي بعد شويه لو اتأخرنا اكتر

دهب : يلا

__________

في اليوم التالي

ارتدت دهب الفستان وصففت شعرها وجعلته مموج ووضعت بعض مساحيق التجميل التي ابرزت جمالها وارتدت الحذاء العالي بصعوبه وكان شكله انثوي للغايه وفي النهايه قبل ان تنزل وضعت الكثير من العطر حتي شعرها ايضا وقبل ان تفتح الباب لتخرج قالت لامها : همشي انا بقي ياحنون وهحاول متأخرش

حنان : طيب يا بنتي ، بس خلي بالك من نفسك

دهب : ماشي ياماما

وكان في ذلك الوقت سليم اسفل العماره ومعه خطيبته تجلس بجانبه فقالت له بحنق : مكنش له لزوم خالص ان احنا نستناها كان ممكن تيجي لوحدها

رد عليها بضيق : لا طبعا ،اولا هي بنت مش هينفع تروح لوحدها وكمان هي مش عارفه المكان

نسرين : اووف طيب بس هي الهانم اتأخرت كده ليه

سليم : زمانها نازله

نزلت دهب من المصعد وخرجت من العماره ووجدت سياره سليم وهو يشير اليها منها ان تأتي، فذهبت اليه مهروله وقالت : استاذ سليم انت لسه مروحتش لحد دلوقتي ليه ؟

سليم : اركبي هاخدك معايا

دهب : بس بصراحه مش عايزه اضايقكوا وممكن اطلب عربيه وخلاص وانا معايا العنوان

سليم : قولت اطلعي وبلاش رغي كتير

دهب : طيب

كانت نسرين طيله الطريق تنظر اليها من المرآه بضيق حيث انها لم تتوقع ان ترتدي هكذا ثوب انيق والذي زاد من ضيقها نظرات سليم الخفيه اليها وبعد وقت قصير وصلا الي الفندق …. دخلا سليم ونسرين متشابكين الايدي ودخلت خلفهم دهب وتفرقوا في الداخل … جلست دهب وحدها وجلست علي كرسي علي احد الطاولات وظلت طويلا هكذا حتي انها ملت بشده وندمت انها جاءت من الاساس وقامت من مكانها وذهبت الي الرجل المسئول عن الطعام وقالت له : لوسمحت ممكن تعملي طبق فيه تشكيله من كل حاجه

رد عليها مبتسما وقال : امرك ياهانم

وبعد ان اعطاها طبقها ذهبت الي مكانها مره اخري اخذت بقسماطه وظلت تأكلها بضيق وقالت في نفسها : ياخساره تعبي شعر وفستان وفي الاخر اقعد بالمنظر ده

وبعد القليل من الوقت كانت قد اكلت ومسكت هاتفها لتعبث به وفجأه وجدت رجل امامها يقول لها : تحبي ترقصي

نظرت له باندهاش وقالت : انت بتكلمني انا

رد مبتسما ابتسامه بلهاء : ايوه حضرتك

دهب : لا شكرا مش بعرف

_ لو تحبي ممكن اعلمك عادي مفيش مشكله

دهب بعصبيه : ماقولت لا هو في ايه ؟؟

نظر اليها باندهاش ثم تركها وغادر وبعدها بدقائق وجدت سليم امامها وقال لها : اللي كان واقف معاكي ده كان بيقولك ايه

ردت عليه بملل : واحد فاضي وعايز يرقص وانا قولتله لا … المهم هنروح امتي عشان انا زهقانه اوي

رد مبتسما : هنروح بس تعالي

دهب : اجي فين

سليم : هنرقص

لم يستمع الي ردها ولكنه مسكها من معصمها واخذها الي حلبه الرقص ووضع يدها علي كتفيه ويده علي خصرها فقالت بتوتر : بس انا مش بعرف ارقص بجد وهخلي منظرك وحش اوي

رد ضاحكا : عادي مفيش مشكله

ثم اخذ يرقص معها ببطئ شديد وكان ينظر في عينيها بطريقه اربكتها .. وايضا جسدها كان يرتعش اثر لمسته لها وبعدها دون ان تتعمد داست بحذائها بقوه علي قدميه حتي انه صرخ صرخه مكتومه فقالت له بقلق : انا اسفه مكنتش اقصد …يلا بقي نقعد

رد ضاحكا بألم : لا هعلمك برضه بس حاولي تبعدي جزمتك شويه

دهب بتوتر : حاضر

________

كانت في ذلك الوقت حنان تقوم بتحضير صنيه من البسبوسه وبعد ان استوت وضعتها في طبق كبير وذهبت الي الشقه التي امامها ودقت الباب عده مرات فخرج اليها عامر وقال لها : يا مساء السعاده يا حنان هانم

ردت بخجل وقالت : مساء النور يا ابو سليم انا بس كنت عامله بسبوسه وقولت الجيران لبعضيها وكده

عامر : تسلم ايدك ، طيب تعالي اتفضلي

حنان : لاشكرا عشان مستعجله بس

عامر : لا ازاي اتفضلي ، مش معقول تبقي علي الباب كده ومتدخليش

حنان : طيب هدخل عشر دقايق بس وهمشي

عامر : علي راحتك

_________

بعد ان انتهت رقصتهما ذهبت الي المرحاض بسرعه وهي مبتسمه بسعاده وذهبت خلفها نسرين بعد ان وضعت سكين صغير من احدي الطاولات …. بعد ان دخلت نظرت الي المرآه وهي تضحك ثم اخرجت هاتفها والتقطت عده صور وفجأه ظهرت خلفها نسرين وبسرعه البرق اخرجت السكين وفتحت به ظهرالفستان من الاعلي الي الاسفل بكل عنف … اما عن احساس دهب في هذه اللحظه فقد شعرت بالصدمه حتي شعرت بالشلل واتسعت عيناها ولم يرف جفنها فاستغلت نسرين ذلك وظلت تضحك بقوه وقالت : مش مصدقه صح ، لا صدقي ياحبيبتي.. ده بس عشان عينيكي متبصش علي حاجه مش بتاعتك

ردت عليها بعصبيه : انتي اكيد مريضه ، حاجه ايه اللي مش بتاعتي هو انا كنت اخدت حاجه منك

نسرين : والله ! وعلي اساس مياصتك وانتي بترقصي مع سليم وحضناه وكأنه جوزك مش مجرد حد شغاله معاه ده تسميه ايه

دهب بدموع: يانهار اسود ومنيل .. الله يخربيت اليوم اللي اشتغلت فيه معاه و عليكي يامجنونه … هروح ازاي انا دلوقتي ؟!

نسرين : سلام يا قطه

فتحت دهب باب من الابواب الخاصه بالمرحاض واغلقت القاعده بالغطاء واحكمت غلق الباب وجلست واخذت تولول وافرغت حقيبتها ولكنها لم تجد ادوات الحياكه خاصتها وظلت جالسه تفكر ماذا تفعل في هذا الوضع خاصه ان معظم الناس غادروا وبعد حوالي نصف ساعه وجدت اتصال من سليم وعندما ردت قال لها : انتي فين ، يلا عشان هنروح

ردت علي وهي تبكي : فستاني اتقطع ومش عارفه اتصرف ازاي ؟

رد بعصبيه : اتقطع ازاي يعني ؟!

دهب : مش عارفه ، بس هو اتقطع من الضهر جزء كبير جدا يعني اكتر من نصه

تنهد بضيق وقال : طيب اقفلي انا هتصرف

بعد ان اغلق المكالمه قالت له نسرين : يلا بقي عشان نروح

سليم : لا استني شويه في مشكله هحلها وبعدين نمشي

ردت عليه بتزمر : طيب بسرعه عشان تعبانه وعايزه اروح

تركها وذهب الي واحدا من المسئولين من الحفل وقال له : انا هاخد مفرش من اللي هنا وهدفع تمنه وكمان عايزك تقلل الاضاءه خالص في الحمامات الحريمي

رد عليه وهو مبتسما : تحت امرك ياسليم بيه من غير فلوس خالص اتفضل

سليم : تمام

اخذ سليم مفرش من احدي الطاولات وذهب اليها نادت عليه نسرين ولكنه تجاهلها واكمل طريقه وعندما وصل خلع جاكيت بدلته ودق الباب الخارجي وقال :

دهب …دهب انتي جوا

اثناء جلستها هذه وجدت صوت من بعيد ينادي اسمها فخرجت بسرعه وقالت : ايوه انا هنا يا استاذ سليم

سليم : طيب افتحي

دهب : لا مش هينفع ، انت جبتلي حاجه البسها صح

سليم : حاجه زي كده افتحي عشان تاخديها

فتحت فتحه صغيره مدت يدها فاعطاها جاكيت بدلته وقبل ان تغلق مره اخري وضع قدمه ودخل اليها فقالت بفزع : عيب كده يا استاذ سليم بجد كده اخرج بره ارجوك

اقترب منها في هذا الظلام الدامس وقال ضاحكا : انتي فكراني هعمل ايه عشان عيب

دهب : معرفش بقي

اقترب منها اكثر ومسك المفرش بيده وربطه ربطه محكمه علي خصرها وقال : بلاش افكارك المنحرفه تشتغل

خرج وتركها في حاله ذهول فحررت انفاسها التي حبستها عندما اقترب منها وخرجت خلفه بعدها بدقائق وعندما رأتها نسرين ضحكت بشماته وقالت : استايل هايل … بجد لايق عليكي اوي

ردت دهب بابتسامه مصطنعه : اه فعلا روعه ده من تصميم سليم ابقي قوليله يعملك زيه

ردت بحنق : بيئه صحيح

خرج سليم بالسياره من الجراج واتي اليهما امام الفندق وركبا معه وقام بتوصيل نسرين اولا وبعد ذلك ادار السياره الي العماره التي يقطن بها وبعد نزلا سارت دهب مهروله الي المصعد وداست علي الزر كثيرا الا انه لم ينزل

وبعد ان ركن سليم سيارته اتي اليها وقال لها : يظهر انه عطلان يلا نطلع علي السلم

ردت بضيق : لا اتفضل انت وانا هستناه جايز يشتغل

رد عليها بصرامه : بقولك يلا نطلع الاسانسير عطل

ردت بتزمر : طيب

صعدت السلم بصعوبه من كعب الحذاء وكلما تعثرت سندها سليم و عندما طفح بها الكيل خلعت حذائها ومسكته بيديها وقالت : كده احسن

رد ضاحكا : فعلا كده احسن كتير

صعد كل منهما الي شقته وعندما دخلت الي شقتها بدلت ملابسها وظلت تبحث عن امها ولكنها لم تجدها .

بعد ان بدلت دهب ملابسها ، لم تجد امها فبحثت عنها في كل مكان ولم تجدها ، فارتدت الخف المنزلي وفتحت الباب لتنزل الشارع وما ان فتحت الباب وجدتها تخرج من شقه عامر ، اصابتها الصدمه ولكنها لم تحرج امها امامه وصمتت حتي تتحدث معها في الشقه وعندما دخلت قالت لها بحده : ممكن تفهميني انتي كنتي عند الراجل ده بتعملي ايه وفي وقت زي ده

ردت عليها متلجلجه : والله يابنتي ماعملت حاجه .. ده انا كنت عامله صنيه بسبوسه ومكلتش منها غير حته فقولت خساره الباقي يبوظ

ردت بعدم اقتناع : طيب عملتي ليه بسبوسه من الاساس طالما مش هتاكلي منها وهتشحتيها

حنان : يوووه هو تحقيق كان نفسي فيها وخلاص ومكلتش كتير عشان بطني وجعتني فجأه

دهب : لا يا امي مش تحقيق ولا حاجه انا بس بسأل ، علي العموم تصبحي علي خير عشان عندي شغل بدري

تنهدت حنان بارتياح وقالت : وانتي من اهله الخير يا قلب امك

________

في صباح اليوم التالي

ذهبت دهب الي عملها كالمعتاد ولكنها كانت في مزاج سئ بسبب ماحدث لها بالامس فبعد ان اصبحت في كامل اناقتها وارتدت فستان سواريه للمره الاولي في عمرها تأتي انسانه حقوده بكل حقد تقطعه لها هكذا وما زاد الامر سوءا مظهرها امام سليم … دخلت الي المكتب وطلبت كوب من الليمون ليهدئ اعصابها قليلا ومارست عملها ….. وفي منتصف النهار اتت امرأه ثلاثينيه ومعها طفله جميله يبدو عليها من اصحاب متلازمه داون وقالت لها : لو سمحت انا كنت محتاجه استاذ سليم في موضوع مهم جدا هل ينفع ادخله النهارده ولا لا

ردت دهب بابتسامه : حتي لو مش هينفع انا هدخلك يامدام ولاء ، واخبار بنوتك العسل دي ايه

ولاء : اهو الحمد لله تمام

اخرجت دهب من حقيبتها واحده من الشيكولاته واعطتها للطفله وقالت : اتفضلي ياقمر

اخذتها الطفله بلهفه وهي مبتسمه فنظرت لها امها بضيق وقالت : مش نقول شكرا يانور

نظرت الطفله الي دهب وقالت : شكرا يا طنط

قبلتها دهب من وجنتها بقوه وقالت : العفو ياعيون طنط

واثناء ذلك الحديث هبت نسرين ووقفت امامها وقالت بعصبيه : سليم فاضي دلوقتي ادخله

ردت بكل هدوء وهي مبتسمه : لا مش فاضي للاسف وكمان بعد مايخرج اللي جوا هدخل مدام ولاء وبعدين هبقي اقوله انك هنا

نسرين : لا انتي زودتيها اوي ، انتي ازاي تكلميني بالطريقه دي انتي مش عارفه انا مين واقدر اعمل فيكي ايه

ردت ضاحكه : لا عارفه تقدري تعملي ايه ، بس علي فكره مردودالك اصل انا مش بسيب حقي ابدا حتي لو بعد حين

نسرين : اووووف انا غلطانه اني كلمتك اصلا انا هدخله علي طول

سارت نسرين مهروله للمكتب لتفتحه ولكن دهب ركضت ورائها بسرعه ومنعتها وهتفت : بقولك مش هينفع انتي داخله عماره من غير بواب

مسكتها نسرين من زراعها واسقطتها ارضا بقوه حتي ان دهب صرخت بقوه وقالت : الله يخربيتك انتي بتاكلي ايه

عندما سمع سليم الصراخ من الخارج خرج بسرعه اليهم ووجد دهب ملقاه علي الارض فمد لها يده وساعدها علي الوقوف وقال بقلق: ايه اللي وقعك كده

ردت دهب متألمه وهي ممسكه بظهرها: لا ابدا تريلا زقتني ووقعتني في الارض

ردت نسرين بعصبيه : انا تريلا ياحيوانه

نظر اليها سليم بحده وقال : انتي وقعتيها في الارض ليه

ردت بحنق : ياحبيبي مكنتش اقصد هي عايزه تمنعني اني ادخلك وعايزاني استني لما كل اللي في المكتب يمشوا كمان

زفر بضيق وقال : قدامك حلين لو عايزه تدخليلي ، اولا هتعتزري لدهب لانها معملتش اكتر من شغلها وكمان هتستني زي ماهي قالت

نسرين : طيب والحل التاني ؟؟

سليم : الحل التاني انك تروحي ومتجليش المكتب تاني ولو عايزه تشوفيني يبقي بره مش هنا

جزت علي اسنانها وقالت بابتسامه مصطنعه : انا اسفه يا دهب هانم

ردت دهب بضيق : العفو ياحبيبتي

نسرين : وهستناك

سليم : طيب

دخل سليم مره اخري وتركهم ، اما نسرين فقالت لها بتعالي : اعمليلي اسبريسو وتشيز كيك

لم تنظر لها دهب ونظرت في اوراقها التي بيدها وقالت ببرود: اطلبي من الساعي انا مش بعمل غير لسليم وبس بحكم اني سكرتيرته وكده لكن هو متفقش معايا خالص عليكي

ضربت نسرين الارض بقدمها وقالت : بقي كده

دهب : اه كده واتفضلي بقي سكه كده ، عشان انتي معطلاني جدا

بعد ان طلبت نسرين من الساعي جلست في زاويه بعيده عن دهب وظلت تغرز شوكتها في التشيز كيك بقوه وتأكل وهي تنظر الي دهب بغل شديد وبعد دقيقه وجدت الطفله وضعت اصبعها فيما تأكله وتلعقه بكل تلذذ وهي تضحك ضحكه طفوليه محببه وعندما رأت نسرين ذلك شعرت بالقرف الشديد وقالت : ايه القرف ده اوعي كده

ثم ازاحتها من امامها كالذبابه ورمت مافي الطبق في سله المهملات وعندما رأت والده الطفله ذلك بكت بقوه واخذت ابنتها تنوي الرحيل

فجاءت دهب اليها مسرعه قبل ان ترحل وقالت لاهثه : لا لا متزعليش ارجوكي سليم بيه لو عرف انك مشيتي هيضايق جدا وممكن يجازيني يرضيكي كده

مسحت المرأه دموعها وقالت : لا ميرضنيش بس مش عايزه اضايق حد

ردت دهب بسرعه وقالت بصوت منحفض : لا تضايقي مين ، قصدك نسرين هسهس دي اصلا لاسعه و وواخده شهاده معامله اطفال وسليم بيه قلبه كبير وخطبها شفقه مش اكتر …تعالي تعالي انتي بس وانا هدخلك بعد اللي جوا علي طول

تنهدت ولاء بارتياح وقالت : طيب هقعد وامري لله

بعد ساعات قليله انتهت ساعات العمل المرهقه جدا فتركت دهب قلمها ومطت زراعيها وقالت بنعومه : امممم

خرج سليم وعندما رأها هكذا ابتسم وقال : كملي كملي حاسس اني قاطعتك

انزلت زراعيها بسرعه وقالت وهي تشعر بالاحراج : اصل اليوم كان مرهق اوي

رد ضاحكا : اه فعلا خصوصا الصراعات الداخليه بينك انتي ونسرين

دهب : والله انا مش بعملها حاجه هي اللي دايما بتجر شكلي

سليم : عارف ، المهم يلا عشان اوصلك

دهب : لا شكرا انا هروح لوحدي

نظر اليها بتفحص وقال : لا ازاي بعد ما التريلا وقعتك لازم اروحك

ردت دهب ضاحكه : خلاص ماشي

ركبت معه سيارته وبعد دقائق وصلا ونزلت دهب لتنتظر المصعد ولكنه لم ينزل كالامس فقال لها سليم : يلا يلا شكله لسه متعملوش صيانه

تنهدت باستسلام وقالت : يلا

صعدا سويا وعندما وصلا الي شقتها سمعت صوت ضحكه رقيعه ومن امها وليس في شقتها انما في شقه والد سليم فعندما سمعت ذلك دقت علي الباب بعنف وقالت : افتحوا بسرعه لحسن والله هكسر الباب

رد سليم ضاحكا : وده هتكسريه ازاي انشاء الله

قبل ان ترد وجدت والد سليم فتح الباب وحمم قائلا : اتفضلي يادهب يابنتي

وضعت يدها علي جبهتها وقالت بحده : بنتك مين ياحج ، انا عايزه اعرف ايه اللي بيحصل بالظبط

عامر : طيب ممكن تدخلي ونتفاهم جوا

دخل كل من سليم ودهب فوجه عامر حديثه اليها وقال : الموضوع مش زي مانتي فاكره ، انا عاوز اطلب ايد الست والدتك

نظرت حنان الي بخجل وابتسمت ثم نظرت للاسفل ، امادهب فقالت بعصبيه : تطلب ايد مين ياحج عامر امي عندها ٥٠ سنه يعني خلاص شكرا

نظرت اليها حنان بحنق شديد وقالت : هما ٤٨ بس

عامر : والله امك اللي يشوفها يقول اصغر منك اصلا بس انا هريحك انا عاوزها حتي لو عجوزه وسنانها بتقع لاني بحبها جدا ومقدرش استغني عنها

دهب : نعم حب ايه اللي انت جاي تقول عليه ، احنا جايين هنا مكملناش شهر حتي ازاي لحقتوا تحبوا ف بعض

رد عامر متأثرا : قلوبنا اتلاقت وده كان صعب اني احب بعد وفاه ام سليم بس والدتك خطفت قلبي من اول نظره

وضعت دهب يدها علي قلبها وقالت وهي مغمضه العينين : لا كده كتير ده كابوس اكيد

ثم نظرت الي امها وقالت : وانتي موافقه علي الكلام ده

ردت مبتسمه بخجل وقالت : اللي تشوفيه يا دهب لو مش عايزه خلاص انا كمان مش هوافق

دهب : لا وارفض ليه وافرق قلوب عصافير الجنه ليه

ثم تابعت حديثها ووجهته لسليم قائله : وحضرتك رأيك ايه في الموضوع ده يا استاذ سليم

رد مبتسما : انا موافق طبعا ، مش معقول هرفض السعاده ليهم

دهب : اه طيب انا كمان موافقه ، ماهو مش معقول احرمهم من بعض ياحرام … بس بشرط

رد عامر بسرعه : وانا موافق

سليم : شرط ايه انشاء الله

دهب : هعيش معاهم طبعا ، بس كرما مني هسيبهم اسبوع

سليم : مفيش داعي لده طالما الشقتين قصاد بعض

دهب والله ده شرطي وشكلكم مش موافقين يلا ياماما

قامت حنان مع ابنتها وقبل ان تخرج رد عامر بلهفه وانا موافق .. بس ياريت من بكره

دهب : بكره ازاي لا طبعا صعب

قالت حنان بلهفه : ممكن اسبوع

عامر : بعد اسبوع طالما انتي حابه كده

اخذت دهب امها وسارت بها مهروله الي شقتهما … اما سليم بعد خروجهما ظل يضحك بهيستريه

وقال : انت استاذ مكنتش فاكرك كده ، لا وايه عملي فيها عايش علي ذكري امي والجو ده

عامر : ماهي دي الحقيقه بس القلب له احكام

رد مبتسما : صح عندك حق

________

اغلقت دهب الباب بقوه وقالت بعصبيه : عايزه تجبيلي جوز ام بعد العمر ده كله ياحنان

ردت بضيق : جوز ام ايه ياشحطه ده انتي بقيتي طولي … وعلي العموم خلاص هرفضه طالما انتي رافضه اوي كده

دخلت حنان الغرفه وظلت تبكي بحرقه وعندما رأت دهب ذلك رق قلبها فقالت : خلاص ياحنان حقك عليا ، ماهو انا برضه من حقي استغرب خصوصا انك لما كنا عايشين في بيتنا القديم كنتي بترفضي اي حد يتقدم

ردت بشهقه بسيطه : عشان كنتي صغيره وكنت خايفه عليكي

دهب : طيب افتحي خلاص بقي ماتبقيش رخمه

فتحت الباب وعندما فعلت ذلك اخذتها دهب في حضنها وربتت علي ظهرها بحنان وقالت ضاحكه : خلاص بقي ياحنون مش معقول كده كل ده عشان ابو سليم

ضحكت الاخري وقالت : اه

________

بعد مرور اسبوع …يوم زفاف عامر وحنان تحديدا الساعه السابعه صباحا سمعت دهب صوت الباب يدق بقوه ففتحت علي عجله حيث كانت ترتدي جلباب قطني منخفض الكتفين وقالت بصوت ناعس : ايه كل ده هو في زلزال ولا ايه

رد عليها بضيق : انتي ازاي تفتحي الباب بالشكل ده

دهب : والله انت اللي خبطت جامد وانا قولت اكيد مصيبه

قبل ان يرد عليها جاءت حنان وقالت له : اتفضل ياحبيبي واقف كده ليه

سليم : لا شكرا عشان مستعجل ، الفساتين دي عشانك انتي ودهب ولو حابه تروحي من دلوقتي بيوتي سنتر هوديكي فورا

زمت دهب شفتيها واخذت منه الشنط وقالت : لا شكرا انا اللي هعملها شعرها والميك اب

سليم : طيب علي راحتكم المهم تكونوا جاهزين علي ٦مساءا

حنان : طيب يابني

بعد ان خرج واغلقت دهب الباب قالت : تعالي نشوف جايبين ايه

عندما فتحوا الشنط اندهشا من كثره جمال الفساتين حيث كان فستان حنان ابيض ساده وطويلا وباكمام من نفس الخامه ومعه جزمه بيضاء بكعب قصير … اما فستان دهب فقد كان احمر اللون الجزء الاعلي منه مكون من الدانتيل والشيفون وكذلك الاكمام واما الجزء الاسفل فكان مكون من مجموعه من طبقات التل ومعه حذاء مفتوح بشكل انثوي للغايه … ومعهم عطر ذو رائحه نفاذه

فقالت حنان وهي مبتسمه : والله بيفهم سليم ده الفساتين روعه

دهب : مش شرط ممكن يكون زوق ابوه

حنان : جايز برضه ، المهم انا عايزاكي تظبطيني النهارده

دهب : من عنيا سيبيلي نفسك خالص

حنان : طيب

قامت دهب بتجهيز امها علي اكمل وجه وكأنها عروس صغيره وصنعت لها ابسط الاشياء فظهرت جميله للغايه … وايضا صنعت لنفسها مكياج بسيط وجعلت شعرها مموج وصنعت به تسريحه انثويه عفويه وبعد وقت قصير دق علي بابهم عامر وولده سليم … فخرجت اليهم دهب واطلقت زغروده مرتفعه وقالت : اخرجي ياعروسه

وضع عامر يده في يدها وهو يضحك بسعاده ومال علي اذنها وقال : مبروك ياعروسه

نظرت اليه بخجل وهي مبتسمه وقالت : الله يبارك فيك يا عامر

عامر : الله اسمي طالع منك سكر

ردت دهب : هنفضل واقفين كده كتير

عامر : لا يلا بينا

ركبوا السياره معا فكان سليم مكان السائق ودهب بجانبه وكانا عامر وحنان بالخلف .. ذهبوا الي احدي المطاعم التي علي النيل بعد اتمام زواجهم وبعد ساعات قليله عادوا الي المنزل … بدلت دهب ملابسها ودخلت الشرفه وكانت تبكي بشده فقد شعرت بالوحده والبروده معا وقالت بصوت مرتفع قليلا : بقي كده ياحنان هنت عليكي

وظلت تولول قليلا وتبكي وبجانبها علبه مناديل كبيره .. وبعد دقائق هاتفها سليم فردت عليه بصوت باكي :الو

رد عليها بضيق : بتعيطي ليه دلوقتي ؟؟

دهب : اصل اول ليله ابات فيها من غيرها فالموضوع صعب جدا

سليم : طيب البسي وانزلي هتلاقيني مستنيكي في العربيه

دهب : هنروح فين دلوقتي

سليم : اي حته حتي لو هنلف بالعربيه

دهب : طيب خمس دقايق واكون تحت

وبعد ان نزلت وركبت معه ادار العربيه الي طريق غير محدد وقال لها : انا مش فاهم كل ده ليه ده اسبوع يعني مش قصه لكل اللي انت عملاه ده

دهب : معزور ما انت لو كنت مكاني وامك اللي سبتك واتجوزت كنت حسيت نفس احساسي

رد عليها وهو ناظرا امامه : عندك حق

ردت بسرعه : انا اسفه مكنتش اقصد قولت كده من غير تفكير

سليم : لا ولايهمك

وبعد ان سارا كثيرا بالسياره ومعظم الاماكن مغلقه جلسا علي كورنيش النيل علي احدي المقاعد العامه وقال لها : ايه رأيك هنقعد شويه ونروح

دهب : طيب

وبعد القليل من الوقت سار بجانبهم عربه حمص الشام فقال لها : تحبي اجبلك

دهب : اه ياريت وخليه يكتر الشطه

رد ضاحكا : ماشي

وبعد ان طلب لهما معا جلس بجانبها وقال : انتي بقي بتحبي الشطه اوي كده

ردت بدموع وهي تشرب : لا ده حداد عشان هبات لوحدي النهارده

رد مبتسما : منطق برضه

ظلا الاثنان يحكي كل منهما عن حاله لوقت طويل حتي انهما لم يشعرا بمرور الوقت وغفت دهب علي احدي كتفي سليم حتي اشرقت الشمس عليهما

###########

استيقظت سما من نومها ونظرت الي الساعه في الهاتف وجدتها الساعه الثامنه فقامت بسرعه لتوقظ فارس حتي لا يتأخر عن عمله فقامت بتحريك يده برفق عده مرات وقالت : فارس قوم بقي هتتأخر علي شغلك

قام فارس منتفضا وقال بقلق : ايه مالك في حاجه حصلت

وضعت يدها علي وجهه وقالت ضاحكه : انت حلمت بكابوس ولا ايه

رد بصوت ناعس : حاجه زي كده ، المهم انا هقوم بقي عشان اتأخرت علي شغلي

ردت بسرعه : لا البس عقبال ما احضرلك الفطار

قام من السرير وقبلها من وجنتها قبله سريعه وقال مبتسما : طيب ياحبيبتي

بعد القليل من الوقت دخلت اليه لتخبره انها احضرت الفطور فوجدته يغلق زر احد الاكمام فنظرت مستاءه الي القميص حيث كان يبرز عضلات صدره فقالت له : فارس القميص ده وحش اوي عليك البس الابيض احلي

لاحظ فارس نظرتها فقال وهو مبتسما : ازاي يعني انا لبسته كتير وعمرك ماقولتيلي كده

ردت بضيق : اكيد مكنتش باخد بالي ، بس علي العموم براحتك ، والفطار جاهز بره

اقترب منها وقال لها وهو ينظر في عينيها : لا وانا ميرضنيش ازعلك .. هتيلي اللي انتي عايزاني البسه

ردت بحماسه : حاضر ثواني وهجيبه

بعد ان احضرته له قالت : اتفضل بقي البسه وانا هستناك بره

فارس : لا انا مش قادر البس تاني ساعديني حتي في انك تقفلي الزراير

ردت بتردد : طيب

اغلقت سما باصابع مرتعشه القميص وقالت له : كده كويس

نظر الي القميص فوجدها زررته بالخطأ زر مكان الاخر فقال ضاحكا : بصراحه كويس اوي حتي شوفي كده

نظرت اليها بدقه فوضعت يدها علي فمها وشهقت قائله: يلهوي انا مش عارفه حصل كده ازاي؟!.. اعمله انت بقي

رد ضاحكا : طيب ياستي هعمله لنفسي

ثم نظر لها غامزا بعينيه وقال : بس مكنتش اعرف انك بتغيري كده

سما : انا اغير ! لا طبعا ده فعلا كان وحش عليك جدا

تنهد وقال : طيب يلا ياحبيبتي نفطر سوا قبل ما انزل عشان اتأخرت جدا

سما : ماشي

بعد ان تناولا الافطار معا ذهب فارس الي عمله ورحب به زملائه بشده وباركوا له علي زواجه وفي وقت الاستراحه اتت اليه فتاه حسناء شعرها اسود وعينيها بنيه اللون وقالت له وهي مبتسمه بتصنع : مبروك ياعريس مش كنت تعزمني برضه ولا كان لازم اعرف زي الغريب كده

فارس : مكنتش مرتب للموضوع وجي مفاجئ وبعدين انا معزمتش كل اصحابي في الشغل مش انتي بس يعني

ردت بحنق : وهو انا حد يافارس ولاناسي ان كان في مشروع ارتباط بينا وانت خليت بيا

قام من مكانه وقال لها بحده : بقولك ايه يا ميار اللي كان بينا مجرد اعجاب في مرحله معينه وانتهي وانا موعدتكيش باي شئ عشان تقولي الكلام ده

ميار : ماشي يافارس انا هعتبر الماضي انتهي عادي مفيش مشكله ، بس مش هتعرفنا بقي علي مراتك ولا خايف عليها من الحسد

فارس : اكيد هعرفك عليها وقريب هعمل عزومه ليكم كلكم عندي كمان

ميار : طيب يافارس ، انا هروح اكمل شغلي بقي

فارس : اتفضلي

بعد ان ذهبت جاء زميله في العمل ادهم وقال له : ايه يابني مالك مكشر كده فيه ايه

فارس : لا ابدا ميار جايه تقولي اللي كان بينا علي اساس اصلا كان بينا حاجه

رد ضاحكا : انت علي نياتك يافارس انت مش عارف انها كان عينها منك من ايام الكليه وحطاك في دماغها وانت بصراحه كنت بتقعد معاها كتير وتتقابلوا حتي بعد الكليه

رد فارس بضيق : ايوه بس ده كان مجرد تعارف واعجاب علاقتنا عمرها ما اتطورت عن كده

ادهم : ده بالنسبالك مش بالنسبه لها

فارس : والله ده شئ يخصها ، المهم سيبك من المواضيع التافهه دي وخلينا في شغلنا

ادهم : علي رأيك يلا نكمل

________

بعد ان انتهي فارس من عمله عاد الي المنزل فوجد سما في انتظاره وقالت له : حمد الله علي السلامه ، اتأخرت اوي

فارس : غصب عني عقبال ما خلصت والطريق كمان كان زحمه

سما : ولا يهمك ، علي العموم ادخل خد شاور عقبال ما احضرلك الغدا

فارس : طيب ياحبيبتي

وبعد انتهي فارس من الاستحمام وارتدي ملابسه خرج اليها وجلس علي الطاوله ليتناولا الطعام معا

فقالت له سما بتردد: فارس انا عايزه اشتغل

رد عليها باندهاش : تشتغلي ليه ؟!

سما : عادي يعني ، فراغ وكده

فارس : طيب انتي كنتي بتدرسي تجاره يعني تشتغلي في الحسابات وكده ، معاكي اي لغات ؟!

سما : بصراحه بعد الدراسه ما انتهت وانا مش فاكره غير شويه انجليزي والفرنسي بسيط اوي

فارس : طيب انا معنديش مانع انك تشتغلي وانا كمان هساعدك في اللغات كمان هاتي اي كتب ليها علاقه باللغات دلوقتي وهنبدأ من النهارده

قفزت سما من مكانها وجاءت اليه وحضنته وهي تضحك قائله : ربنا يخليك ليا يارب

قبل باطن يدها وقال مبتسما : ويخليكي ليا ياحبيبتي

سما : طيب انا هحضر اتنين نسكافيه واجيب الورق وانت استناني في اوضتنا وانا هجيلك

وبعد ان احضرت الكوبين دخلت سما ووضعتهما علي المكتب

وقالت : انا جاهزه

جلس فارس بجانبها ثم حملها علي حين غره ووضعها علي ساقيه وقال : كده احسن عشان اعرف اركز وانا بشرحلك

ردت بتوتر وهي تشعر بالخجل : بس انا مش مرتاحه كده

فارس : بس انا مرتاح كده ، والاهسيبك وهقوم

ردت بسرعه : لا لا خلاص بس اشرح براحه عشان حاسه اني ناسيه كل حاجه

فارس : طيب

ظل فارس يشرح لها مرارا وتكرارا وهي يبدو انها شارده بعض الشئ ، فضربها علي اصابعها وقال : ركزي شويه

اتسعت عيناها وقالت بحده : ايه اللي انت عملته ده

عاود مافعله مره اخري وقال مبتسما : عملت كده

هبت من مكانها بسرعه وابتعدت عنه بمسافه وقالت : والله ! وعملت كده ليه ؟؟

رد ببساطه : عشان عمال بشرح لنفسي من الصبح وانتي مش مركزه ياهانم

ردت بضيق : خلاص يافارس شكرا مش عاوزه انا هراجع بنفسي

فارس : علي راحتك انتي اللي خسرانه

سما : معلش بقي مليش في الطيب نصيب

فارس : فعلا

بعد الكثير من المنوشات معا، سمعا جرس الباب يدق وعندما فتح وجدها والدته فقال لها : حمد الله علي السلامه يا امي

صفيه : الله يسلمك ياحبيبي

شعرت سما بالصدمه من وصول خالتها المبكر ولكنها كتمت شعورها بداخلها وقالت بخفوت : حمد الله علي السلامه ياخالتي

صفيه : اللي يسلمك

وبعد ان جلست معهم وقت قصير ذهبت لتنام وهما ايضا… وبعد ان وضعت سما جسدها علي السرير جفاها النوم وظلت تتقلب يمينا

ويسارا فقال لها فارس : مش عارفه تنامي ولا ايه ؟

سما : اه

جلس بجانبها علي السرير ووضع يده في شعرها وظل يعبث في خصلاتها فقالت ضاحكه : انت لسه فاكر

رد مبتسما : طبعا ، لما كنتي لسه جايه تعيشي عندنا ومكنتيش بتنامي غير كده

سما : اه فعلا كان زي السحر

وبعد وقت قصير نامت سما بسهوله اما هو فقد سهر طويلا ثم نام علي الاريكه كالعاده

عند شروق الشمس استيقظ سليم عند سماعه صوت العصافير ففتح عينيه وجد دهب مستغرقه في النوم علي احدي كتفيه فهزها برفق قائلا : دهب … دهب

ردت بصوت ناعس وهي مغمضه العينين : لا مش هقوم ياحنان واقفلي النور بقي

رد ضاحكا : للاسف انا سليم مش حنان

فتحت نصف عين ووجدت ضوء شديد وحينما دققت النظر انتفضت مفزوعه وقالت : يانهار ازرق ده احنا شكلنا نمنا هنا ، زمان ماما قالبه عليا الدنيا

رد مبتسما : لا متقلقيش طالما مع ابويا تبقي اكيد نسيت ان عندها بنت اصلا

ردت بضيق : جايز برضه .. المهم هي الساعه كام دلوقتي

نظر الي ساعته وقال : الساعه لسه سته يعني ممكن نروح ننام شويه وبعدين ننزل

دهب بابتسامه مزيفه: لا احنا هنروح نجبلهم حلويات وكحك وبسكويت ، مش النهارده صباحيه عصافير الجنه ولا انت ناسي

سليم : لا مش ناسي خلاص يلا

دهب : يلا

بعد وقت قصير قاما بشراء كل ماقالت عليه دهب ودفع حساب ذلك توجه سليم بسيارته الي المنزل وعندما نزلا قال لها : طيب هو مش الوقت لسه بدري عشان ندخلهم دلوقتي

دهب : لا مش بدري انا يدوبك بعدها هلبس عشان الشغل

سليم : طيب زي ماتحبي

صعدا سويا ودقت دهب عده مرات ولكن لم يرد احد فقال لها سليم : خلاص يابنتي ادخلي شقتك ونبقي نروحلهم بعد الشغل

ردت بحنق : لا لو عايز تتطلع انت اتفضل انا مش همشي

ظلا يتشاجران امام الباب حتي فتح عامر الباب وقال بضيق : في حد يصحي حد بدري كده

اشار سليم علي دهب وهو مبتسما … وعندما فهم عامر ذلك رحب بهما بشده ثم دخل ليوقظ حنان وفي اثناء ذلك قال لها سليم : تعرفي ان احنا شكلنا بايخ جدا

ردت بلامبالاه : لا ولا بايخ ولاحاجه

خرجت حنان وهي مبتسمه بخجل ومرتديه احدي العباءات ذو الطراز المغربي ومطلقه لشعرها العنان … وجلست معهم وجلسوا يتسامرون في اشياء كثيره حتي قال سليم : طيب نستأذن احنا بقي عشان منتأخرش

عامر : ليه خليكوا شويه

غمز له سليم وقال : المره اللي جايه

ثم بعد ذلك اخذ دهب وخرجا وصعد الي شقته ودخلت هي الي شقتها وارتدت ملابس العمل وذهبت مهروله الي عملها .. وبعد ان وصلت الي مكتبها اخرجت كيس المقرمشات الذي احضرته في طريقها وجلست ووضعت قدمها للاعلي علي مكتبها وقامت بمكالمه هاتفيه اثناء اكله بصديقتها (نوجه) وقالت لها : صباح الخير يابطه كل ده نوم

نوجه : يابنتي لسه الوقت بدري اصلا ،المهم انتي في البيت صح

دهب : لا مش في البيت روحت الشغل

نوجه : ازاي يابنتي! انتي مش كان فرح امك امبارح

دهب : اه وده ايه علاقته بيا ، انا شغلي زي ماهو مفيش اجازه

نوجه : انتي مش قولتيلي ان امك اتجوزت ابو صاحب الشغل اللي عندك ، المفروض كنتي تاخدي اجازه

دهب : يابنتي حتي لو اخدت اجازه هعمل بيها ايه ، مانا هقعد في البيت ونفسيتي هتتعب اكتر … المهم انا هعدي عليكي النهارده

نوجه : تنوري ياقلبي

وما ان قالت اخر كلمه وجدت سليم يصرخ عليها : دهب انتي ايه اللي مقعدك كده… وكمان بتاكلي في الشغل

قامت من مكانها منتفضه وقالت : خضتني ياسليم … حرام عليك

سليم : وبقيت سليم كده حاف… امال فين استاذ وحضرتك اللي كنتي فلقاني بيهم دايما

ردت مبتسمه : هو انا مقولتلكش

سليم : لا مقولتليش

دهب : بما انك ابن جوز امي .. فانت كده في مقام اخويا ، فتلقائي كده هقولك ياسليم يعني

اقترب منها ومسكها من زراعها وقال باستياء : ابن جوز امك !! واخوكي!!!

اخوكي ده اللي هو ازاي يعني

سحبت زراعها منه وردت : عادي زي الناس طالما ابوك اتجوز امي يبقي ابوك ابويا … وامي امك

سليم : طيب الهبل ده انسيه خالص .. واعمليلي قهوتي ودخليهالي بنفسك متبعتهاش مع حد

دهب : طيب

________

بعد ان صنعت القهوه دخلت اليه ووضعتها امامه وعندما ارادت الخروج امسكها من معصمها وقال بصوت مبحوح وهي ينظر الي عينيها : احنا النهارده خارجين انا ونسرين ايه رأيك لو تيجي معانا

خفق قلبها بقوه من اثر ملامسته لها ولكنها قالت بخفوت : لا مش هينفع انا هقعد في البيت النهارده

سليم : هتقعدي تعملي ايه ؟ … تعالي واوعدك هتنبسطي

ردت بتردد : مش عارفه بقي هشوف وهقولك

حمحم ليستعيد صوته الاجش وقال : طيب روحي انتي علي مكتبك … واه نسيت اقولك نسرين جايه بلاش بقي تتخانقوا سوا زي كل مره

ردت بعدم تصديق: انا اللي بتخانق ده هي اللي بتجر شكلي

رد مبتسما : عارف بس برضه ياريت تتفاديها

دهب : هحاول

_______

بعد اندماج دهب في العمل جاءت نسرين ودخلت الي سليم وجلست معه وقت قصير ثم خرجت الي دهب وقالت لها وهي مبتسمه ابتسامه خبيثه : سليم قالي انك احتمال تروحي معانا النهارده نتعشي سوا بالليل .. بس ازاي هتروحي كده لوحدك اكيد هتبقي عزول وشكلك وحش اوي

ردت دهب مبتسمه بهدوء عكس مابداخلها : ومين قالك ياحبيبتي اني هروح لوحدي .. هروح وخطيبي معايا كمان

نسرين : نعم خطيب مين وازاي ؟! ده انتي حتي مش لابسه دبله تثبت

دهب : مش شرط اكون لابساها ، هي ضيقه بس شويه وانا هظبطها والبسها عادي

نسرين : علي العموم ابقي هاتيه اتفرج عليه واشوفه لايق عليكي ولا لا

ردت بسرعه : لا يا حبيبتي انا خطيبي مش فرجه انا هروح عشان اغير جو مش اكتر ده لو روحت اصلا

نسرين : اوكي

_________

بعد ان انجزت دهب عملها ذهبت الي صديقتها بسرعه دون حتي ان تنتظر لتقول سليم انها انتهت من عملها ودقت علي باب شقه نوجه بعنف حتي فتحت

دهب : ايه يابنتي مفتحتيش بسرعه ليه

نوجه : انتي اللي مسروعه انا فتحت من اول ما خبطتي

دهب : طيب مش مهم ، حد عندك

نوجه : لا مفيش غير هاني ابن خالتي مع ماما في البلكونه

دهب : طيب تعالي ندخل الاوضه عايزاكي في حاجه ضروري

وبعد ان دخلا وجلسا علي السرير قالت : الزفته خطيبه سليم استفزتني وقولنا كلام كتير .. المهم انه في اخره قولتلها اني هروح معاهم ومعايا خطيبي كمان

نوجه : يلهوي وانتي ازاي تعملي كده

دهب : مش عارفه …مش عارفه ، المهم دلوقتي اتصرف ازاي

نوجه : بسيطه اتحججي باي حجه ومتروحيش وبعد كده قولي انك فركشتي

دهب : لا انا عايزه اغيظ سليم زي مابيغيظني … عايزه اشعلله … عايزه افلفله

ردت ضاحكه وهي تغمز لها : مش تقولي كده ،طب بامانه كنت شاكه فيكي انك وقعتي علي بوزك وحبيتيه

ردت بعدم تصديق : انا احبه !! لا طبعا .. ده زي اخويا

نوجه : اه زي اخوكي … مصدقاكي ياحبيبتي مصدقاكي

دهب : طيب قوليلي الحل ، انا معرفش حد اخده معايا

نوجه : ولا انا اعرف

ظلا يفكران هما الاثنان حتي فتح شخص ما عليهم الباب فجأه فنهرته نوجه : ايه يابني في حد يفتح الباب كده مش المفروض تستأذن

رد هاني بضيق : انا اسف يا ابله نوجه ، المهم خالتي بتقولك خلصي مع صاحبتك عشان تروقي الشقه

نظرت اليه دهب بابتسامه عريضه وقالت : هاني انت كبرت كده ازاي وطولت اوي ده انت وطيت عشان تدخل من الباب … انت مش عندك ١٧ سنه بس

رد مبتسما : ايوه يا ابله دهب وفي تالته ثانوي كمان

اجفلتها الكلمه ولكنها قالت : ابله مين يابني ده انا نص طولك .. المهم انا عندي ليك عرض انما ايه

غمزت لها نوجه واشارت بلا انه لا يصلح مطلقا ولكنها تجاهلتها وتابعت حديثها : بص ياسيدي في مطعم شيك اوي هعزمك فيه ببلاش بس بشرط هتعمل كأنك خطيبي .. عشان يعني مش بيدخلوا غير كابلز وانا مش لاقيه حد اروح معاه

فكر قليلا وقال :بس انا ورايا مزاكره كتير ومش فاضي

ردت بلهفه : طيب بص مش انت نفسك من زمان تدخل حقوق وتبقي محامي

هاني : اه نفسي

دهب : طيب كويس اوي ، عارف بعد ماتخلص تالته وتدخل الكليه هخليك تدرب في المكتب اللي انا شغاله فيه ومش بس كده هتشتغل كمان وده مكتب مشهور وقضاياه كتير

رد بسرعه : خلاص موافق ، بس البس الساعه كام

دهب : ٨ بليل كويس

خرج من الغرفه ووبخت نوجه دهب : انتي كده وديتي نفسك في داهيه ، هو صحيح طويل وبدقن بس اهبل اوي وهيضيعك ده كفايه ابله اللي بيقولها اكتر ما بيتنفس دي

دهب : لا مانا هحرج عليه مايقولهاش وربنا يستر

نوجه : يارب

وقبل ان تفتح دهب الباب لتخرج نادتها نوجه : استني انتي هتروحي بايه

دهب : اي حاجه مش هتفرق

نوجه : لا ازاي انتي مش قولتي انك عايزه تشعلليه

دهب : اه

نوجه : خلاص بصي كان عندي حته طقم فظيع بس صغر عليا بس هيجي علي مقاسك

فرحت دهب وقفزت علي الارض واحتضنتها بشده : انتي لو اختي مش هتقف معايا كده

نوجه : طيب مانتي اختي ياعبيطه

_______

عادت دهب الي شقتها واحضرت جميع ادوات التجميل التي تمتلكها ووضعت منها وفردت شعرها وجدلت ضفيرتين ووصلتهم معا وارتدت الطقم المكون من تنوره قصيره سوداء وجوارب سوداء اللون وقميص بلا اكمام اصفر مشرق وبعد ان استعدت اتصلت ب (هاني ) وبعد ان رد : انت فين ؟

هاني : انا تحت مستنيكي

دهب : طيب تمام انا نازله

عندما نزلت وجدت سليم خارج السياره ينظر لها بضيق … بعد ان اقتربت منه قال لها بغضب : ممكن اعرف ايه القرف اللي انتي لابساه ده ،هو خلاص بقي مصرح الخروج بقمصان النوم عادي كده !!؟

شعرت بنار تشتعل في قلبها من كثره الحنق فقالت بحده : بقولك ايه ياسليم الكلام ده تقوله للمزه اللي قاعده جمبك في العربيه ، انما انا لا …و خطيبي لو سمعك بتقول الكلام ده هيدغدغ الدنيا

اتسعت عيناه وقال بعدم تصديق : خطيب !! امتي وفين وازاي

دهب: والله مش المطلوب مني اقول تفاصيل ، بس العموم هو كان مسافر

ورجع … ثواني بس اشوفه فين

ضحك بسخريه : شوفيه فين … اكيد تايه

اتصلت به وبعد ان اشارت له عبر الطريق واتي اليها … وبعد تصميم من سليم ركبا معه السياره وطيله الطريق كان سليم يزفر بضيق ويتافف وبعد ان وصلا وضعت دهب يدها في يد هاني ودخلا سويا امام نظرات سليم الحارقه … جلسوا علي طاوله كبيره وطلبوا الطعام وبعد ذلك مالت دهب علي اذن هاني وقالت مبتسمه : دلوقتي هتقوم وتطلب مني اني ارقص بطريقه رومانسيه .. وعارف لو قلت ابله هشلوحك

هاني : حاضر

بعد بضعه ثواني قام هاني بابعاد الطاوله عنه وقال وهو مسبل العينين وواضعا يده علي موضع قلبه : تعالي نرقص يادهب ياحبيبه قلبي

اغمضت دهب عيناها من الصدمه وقد شعرت انها سوف تصاب بالجلطه فقالت وهي تجز علي اسنانها : بس متنطقش كلمه كمان انا هقوم اهو

قامت لترقص معه وقد رقص معها بطريقه غريبه فقالت له : يابني انت هتفعصني كده ، بص قلدني وانا برقص بس

في نفس اللحظه كسر سليم كوب العصير بين يديه فقالت له نسرين بقلق : ايه اللي حصل

سليم : مفيش تعالي نرقص

وعندما رأتهم دهب من مسافه ابتسمت وقالت لهاني : حلو … اهم هيجوا يرقصوا قرب بقي عليهم

هاني : طيب

اقتربت دهب بظهرها من نسرين ودهست قدمها بقوه فصرخت : انتي مش تفتحي

ردت عليها بعصبيه : احترمي نفسك وابعدي انتي

بعدت عنها نسرين ولكن دهب عادت نفس الحركه مره اخري فصرخت : لا ده انتي قاصده بقي

قبل ان تكمل نسرين حديثها وجهت كلامها الي سليم بدلال وبنبره كلها براءه: لم خطيبتك عني يا سليم انا مقصدش اعملها حاجه ده هي اللي عايزه تتخانق معرفش ليه ؟!

سليم : يلا يانسرين هنقعد

نسرين : هو ايه اللي نقعد ، انت صدقتها عادي كده

رد عليها بصرامه : بقولك يلا

جلسا سليم ونسرين وبعدهما هاني ودهب … وبعد دقائق كان ينظر سليم الي هاني باستياء شديد وما ان ذهب هاني الي دوره المياه ذهب خلفه سليم ثم علي غفله وضع يديه علي كتفي هاني ليتحكم بحركته ثم ركله تحت الحزام بقوه فصرخ هاني ولم يجد القدره علي الحديث فقال سليم له بعصبيه : قولي انت مين ؟ وعايز من دهب ايه انطق

رد متوجعا : الله يخربيتك يادهب يابنت ام دهب

سليم : متعصبنيش اكتر… انطق لحسن تروح بيتكم علي نقاله

هاني : هقول هقول … دهب هي اللي متفقه معايا علي الحوار ده كله من البدايه .. عشان كل اللي بيجوا هنا بيبقوا كابلز وهي مكنتش عايزه تروح لوحدها

سليم : والمقابل انك تعمل كده ايه ؟

هاني : انها هتخليني اتدرب بعد ماخلص ثانوي في المكتب اللي بتشتغل فيه وكمان اشتغل

رد سليم ضاحكا : لا دماغ فعلا ، بس ازاي شكلك مش صغير كده

هاني بتوتر :ماهو فعلا شكلي اكبر من سني و علي العموم انا همشي من هنا ومش هروح معاها لو تحب

رد بسرعه : لا لا كمل التمثليه السخيفه دي بس اياك تتمادي

هاني : حاضر

جلس هاني بجانب دهب فقالت له بصوت منخفض : ايه التأخير ده كله

هاني : لا ابدا ده الحمام كان زحمه

دهب : طيب ، كمل بقي اعمل نفسك بتشيل خصله شعري من علي عيني

نظر الي سليم بخوف وقال متلجلجا : لا كفايه لحد كده

دهب : اووف طيب

بعد وقت قصير قام الجميع ليعودوا لمنازلهم … فقام سليم بتوصيل نسرين اولا وبعدها هاني ثم عادا دهب وسليم الي المنزل …..

وبعد ان دخلت نسرين الي شقتها وجدت هاتفها يرن برقم مجهول فردت : الو مين معايا

_ ايه نسيتي صوتي ياقطه مش معقول كده تزعليني

ردت برهبه : ممدوح بيه

ممدوح : برافو عليكي كده دماغك بدأت تشتغل

نسرين : حضرتك كنت عايز مني حاجه

رد ضاحكا : اكيد طبعا ، امال هكون متصل بيكي ليه ؟

نسرين : اتفضل

ممدوح : كنت عاوز ورق مهم يخصني لخصم ليا … واستاذ سليم رفض ده

نسرين : طالما هو رفض يبقي خلاص

ممدوح : تؤتؤ متخلنيش اشك في ذكاءك ، انا عايز الورق ده ودلوقتي

نسرين : وانا هجيبهولك ازاي يعني ؟!

رد عليها بعصبيه : متسعبطتيش انا عارف انك معاكي نسخه من مفاتيح المكتب وكمان عارفه باسورد الخزنه متصعيش عليا

فكرت قليلا وقالت بتردد : طيب والمقابل

رد ضاحكا : هو ده الكلام المظبوط خمسه مليون يعجبك

نسرين : لا عشره مليون

ممدوح : عشره مليون زي ما قولتي مش هتفرق

نسرين : اوكي قابلني بعد ساعه تحت البيت عندي

ممدوح : تمام

ارتدت نسرين ملابسها علي عجله وذهبت الي مكتب سليم وجدته مظلم تماما فاضاءت كشاف الهاتف حتي لاتلفت الانظار واثناء سيرها تعثرت في كرسي فوقعت ثم قامت بسرعه ودخلت الي مكتبه الداخلي وكتبت الباسورد وقامت بفتحها واخرجت عده اوراق دققت النظر فوجدت ما اراده منها ممدوح واعادت باقي الاوراق غير الهامه وعند غلق الخزنه وجدت علبه صغيره ففتحتها ووجدت فصوص من الالماس فابتسمت واخذتها ثم اغلقت المكتب بسرعه واعادت كل شئ كما كان

وغادرت الي المكان الذي اتفقت مع ممدوح عليه ثم اتصلت به قائله : انت فين

اشار اليها من سيارته فسارت اليه مهروله واعطته الورق واخذت المال وقامت بعدهم امامه فوجدتهم خمسه ملايين فقط فقالت بضيق : بس دول خمسه بس

رد ضاحكا : معلش تتعوض في حاجات تانيه احنا اكيد ده مش هيبقي اول تعامل

نسرين : بس ده مكنش اتفاقنا ، هات الورق

ممدوح : لو مش عجبك اشربي من البحر ، او اخلي اي حد من الحرس ينزل يروقك

نسرين : خلاص خلاص

بعد ان غادر ممدوح بسيارته قام بالاتصال بسليم ليشمت به فدق عليه عده مرات وعندما رد اخيرا : مش قولتلك متتصلش بيا تاني ولا اعرفك من الاساس

رد ضاحكا : حيلك حيلك انا كنت متصل بس عشان اقولك اني اخدت الورق اللي انا عاوزه خلاص

سليم بعدم تصديق: وده ازاي بقي !!

ممدوح : خطيبتك نسرين هانم .. عرضت عليها خمسه مليون بس ومصدقت ووافقت زي الكلبه … تعيش وتاخد غيرها

سليم : اه يا ابن ال***** انت عارف لو كلامك كدب ورحمه امي هحبسك حتي لو مشتغلتش محامي تاني لاخر حياتي

رد ضاحكا : وانا هكدب عليك ليه روح مكتبك واتأكد ، انت مش حاطط كاميرات مراقبه برضه ولا بيتهيقلي

اغلق سليم الخط في وجهه ونزل بملابسه البيتيه مسرعا وادار سيارته علي اقصي سرعه وفي دقائق معدوده وصل هناك ووجد كل شئ علي مايرام وفتح خزنته وفحص الاوراق جيدا ووجدها ناقصه بالاضافه الي العلبه الفارغه ، ففتح الحاسوب المحمول الخاص به وبحث في سجل الكاميرا عن اخر الاوقات فوجد بالفعل انها نسرين فاغلقه بعد ان احتفظ بنسخه علي هاتفه ونزل راكضا وذهب اليها في منزلها ليواجهها فيما فعلته .. وبعد ان وصل اليها حدثها علي الهاتف لتفتح له … وعندما فتحت دخل بسرعه واغلق الباب خلفه وقال بعصبيه مفرطه : انتي روحتي مكتبي واخدتي ورق من هناك ؟؟

ردت بخوف : لا لا صدقني ما اخدتش اي حاجه دي اكيد دهب او اي حد من اللي انت بتدربهم

صفعها بقوه وقال : مصممه تكدبي برضه !؟ ..طيب ايه رأيك في الفيديو ده… تعرفي اني كنت بتمني لاخر لحظه انك تكوني مظلومه وان كل ده كدب بس تعرفي انك غبيه جدا .. رغم انك عارفه ان المكتب كله كاميرات الا ان الطمع عماكي ، انا مش فاهم رغم انك متيسره ومش محتاجه الفلوس دي في حاجه ، بتعملي كل ده ليه … انطقي

وضعت يدها علي وجنتها وقالت بدموع : انت اللي كنت منشف دماغك ومش عايز تديله الورق رغم ان مكسبك من القضيه مش كبير يعني

رد مبتسما بضيق : اه تقومي تسرقيه وتعملي الحركه الزباله دي ، تعرفي دلوقتي اقل ما يقال عني ايه لما بعت موكلي….. للاسف مش هتعرفي دماغك محدوده بس العموم انا بشكر الظروف اللي بينتك علي اصلك وانا ميشرفنيش ان اسمي يرتبط بيكي

ثم تركها وغادر بسرعه رغم صراخها باسمه ليعود ….وذهب الي دهب بكل طاقه الغضب التي بداخله وتكاد ان تحرقه

________

بعدما عادت دهب الي المنزل خلعت جواربها وقبل ان تبدل باقي ملابسها وجدت هاتفها يرن باسم نوجه فردت بسرعه : بنت حلال كنت لسه هغير واكلمك

نوجه : قولي قولي هموت من الفضول

دهب : كان هيتجنن يانوجه طول الوقت كان بيبصلي بغيظ عشان الجيب اللي كنت لابساه … واي حركه هاني يعملها كان ناقص نار تطلع من عينه

نوجه : ايوه بقي يابت ياجامده ، كده انتي تربيتي

ردت ضاحكه : اه امال يابنتي ، ده انا دهب

ظل يتحدث الاثنان بكل حماس عن كل ماحدث متناسين الوقت تماما … وبعد ذلك وجدت شخص يدق علي الباب يكاد ان يكسره فقالت لنوجه :

طيب اقفلي دلوقتي الباب بيخبط جامد شكله هيتكسر .. يظهر ان في مصيبه

نوجه : طيب ابقي كلميني تاني

تركت دهب الهاتف بسرعه وركضت لتفتح … فاصابتها الصدمه عندمه وجدته سليم … فاستغل صدمتها واغلق الباب خلفه .. فقالت بصوت مرتعش : سليم انت ايه اللي جابك في الوقت ده

اقترب منها بشده وامسكها من خصرها وقال بنبره متأثره : عايز اتجوزك يادهب

ابعدته عنها بصعوبه وقالت : نعم ده اللي هو ازاي ، انت ناسي انك خاطب

اقترب منها مره اخري وقال : سبتها .. وهتجوزك عشان بحبك وانتي اكيد كنتي حاسه بده طول الوقت

ردت متلجلجه : وانت ايه اللي اكدلك اني هوافق او اني بحبك اصلا

سليم : بتحبيني يا دهب متحاوليش تضحكي عليا او علي نفسك

دهب :وسبتها ليه ؟! بس انا مخطوبه ، وهتجوز قريب كمان

رد مبتسما : قديمه العبي غيرها ، هاني اعترفلي بكل حاجه … وسبتها ليه؟ … عشان كان لازم اعمل كده من زمان لاسباب كتير متشغليش دماغك بيها

دهب : ابن ال

سليم : سيبك منه بقي ، المهم قولتي ايه

ردت بتردد : حتي ولو انا في مشكله عندي تمنعني اني اتجوزك

سليم : رغم اني مش مقتنع باللي انتي بتقوليه .. بس قولي

دهب : انا عندي مشكله في ضربات القلب بتعلي اوي لما ببذل مجهود او اشيل اي حاجه تقيله … رغم ان الدكتور بتاعي ممنعش اني اتجوز بس انا صرفت نظر عن الجواز عشان مش حابه اني ابقي عاله علي حد

حاوط وجهها بيديه وقال بنبره مليئه بالعاطفه : انشاء الله انا وانتي لا يا دهب ، بس كل الهبل اللي انتي بتقوليه مش فارق معايا خالص انا عاوز اتجوزك النهارده قبل بكره … بس هسيبك اسبوعين تكوني استعديتي نفسيا لجوازنا واوعدك انك عمرك ماهتندمي علي القرار ده

ردت مبتسمه بسخريه : طب وجاي علي نفسك كده ليه ماتخليها بكره

رد ضاحكا : والله نفسي ياريت

ضربته ضربه ضعيفه علي يده وقالت : طيب اديني فرصه افكر

رد بلهفه : لا مش موافق مش هتفكري ولا لحظه واحده ، فاهمه ولا مش فاهمه

دهب بسخريه : لا مش فاهمه

سليم : بسيطه هفهمك

ازاح خصلات شعرها من امام عينيها واقترب من فمها حتي وصلتها رائحه فمه العطره واحاط خصرها ثم قبلها بقوه قبله طويله عميقه يحكي بها كل مافي قلبه تجاهها ثم تركها وقال بانفاس لاهثه وهو واضعا جبهته علي جبتها : فهمتي ولا اشرح اكتر

كانت مغمضه العينين فتحتها بسرعه عندما تحدث ثم ابتعدت عنه وقالت : لا خلاص فهمت ، امشي بقي

رد ضاحكا : حاضر همشي

وبعد وصل الي الباب عاد اليها مره اخري وقال : نسيت اقولك حاجه مهمه

دهب : ايه؟

سليم : الجيب اللي انتي لبستيها النهارده دي هقتلك لو لبستيها وخرجتي بيها تاني

ثم تابع حديثه وهو يغمز بعينيه : بس ابقي خليهالي البسيهالي انا لما نتجوز

دهب : طيب امشي قبل ما امي وابوك يجوا يلاقونا كده

رد مبتسما : طيب

وقبل ان يمشي قرصها من اذنها وقال : تصبحي علي خير

اتسعت عينيها من الصدمه فخرج واغلق الباب خلفه …فدلكت اذنها من الالم وبدلت ملابسها … ولم يعرف النوم طريقاً لها هذه الليله وظل قلبها يخفق حتي الصباح 

بعد مرور اسبوعين

استيقظت سما من نومها بكسل شديد ونظرت الي الساعه وجدتها الحاديه عشر فنظرت علي الاريكه وجدتها خاليه فعلمت انه ذهب الي عمله فقامت وفتحت خزانتها واخرجت ملابسها لتأخذ حمام ساخن ينعشها وعندما دخلت تسمرت مكانها من الصدمه فقد وجدت فارس عاري تماما لانه يقوم بالاستحمام .. لم تقف كثيرا فخرجت دون ان تصدر صوتا ومن حسن حظها انها كانت حافيه القدمين فركضت الي السرير بسرعه واخذت ملابسها معها ثم رفعت الغطاء حتي وجهها وتصنعت انها نائمه… اما عن فارس علي الرغم انه كان موالي الباب ظهره الا انه لمحها وهي تركض فابتسم ،وارتدي ملابسه علي عجله وخرج اليها وعندما خرج اليها وجدها متخفيه تحت الفراش وكأنها مازالت نائمه فقام بتحريك يدها برفق وقال مبتسما : سما حبيبتي قومي يلا مش معقول تكوني نايمه لحد دلوقتي

ردت لاهثه : هقوم دلوقتي … انت مروحتش الشغل ولا ايه ؟!

فارس : انتي بتنهجي كده ليه

سما بتوتر : اصل كنت بحلم حلم غريب اوي كنت بجري لحد مانفسي اتقطع تخيل

رد ضاحكا : ياااه طيب وانا كنت في الحلم ده

سما : لا لا مكنتش فيه خالص ، المهم مجوبتش علي سؤالي انت مروحتش شغلك ليه النهارده ؟!

تنهد وقال : ماهو انتي لو تركزي كنتي افتكرتي ان النهارده يوم اجازتي وكمان حتي لو مش اجازه مكنتش هروح الشغل لان النهارده في فرح سليم وهنروح سوا

ضربت رأسها بيدها وقالت : ده انا كنت ناسيه خالص طيب هنروح امتي

فارس : يعني علي سبعه كده تكوني جاهزه ، وانا دلوقتي هنزل معاه هنخلص شويه حاجات ليها علاقه بالفرح وبعدين هرجعلك ، لو تحبي اوديكي بيوتي سنتر في طريقي البسي يلا

سما : لا لا انا هعمل شعري في البيت عادي

فارس : وانا طلبتلك فستان اون لاين هيوصل بعد ساعه تقريبا يارب يعجبك

ردت مبتسمه : ربنا يخليك ليا يافارس وميحرمنيش منك

قبل باطن يدها وقال : ويخليكي ليا ياحياتي

قام من مكانه ليخرج ثم عاد ورفع الغطاء فشهقت سما وقالت : في ايه يافارس

رد مبتسما : ممكن اعرف الهدوم دي بتعمل ايه هنا !؟

سما : لا عادي كنت مطلعاهم امبارح وحطتهم علي السرير ونسيت ونمت

رد بعدم اقتناع : طيب ، علي العموم انا هنزل دلوقتي … عايزه حاجه مني قبل ما انزل

سما : لا خلي بالك من نفسك

فارس : ولاعايزني اشرحلك حاجه كده او حاجه كده

ردت بنفاذ صبر : لا مش عايزه هاخد كورس احسن وامشي بقي

قال ضاحكا : ده اخر كلام يعني

مسكت وساده ورمتها خلفه وقالت :

امشي بقي

ضحك بشده عليها ثم خرج من المنزل

بعد ان غادر فارس قامت لتستحم وبعد ان ارتدت ملابسها خرجت الي خالتها لتجلس معها فوجدتها تقوم بالتنظيف وحدها فقالت لها : استني ياخالتي هفطر بس وهعملك كل اللي انتي عايزاه

ردت صفيه وهي تجز علي اسنانها : مش عايزه منك حاجه .. انتي في حالك وانا في حالي

نزل الكلام علي سما كالصاعقه فقالت بهدوء : ليه كده بس هو انا زعلتك في حاجه وانا معرفش

صفيه : ولاتزعليني ولا ازعلك خلي كل واحد في حاله انسب حل لينا انا وانتي

ردت بصوت مرتعش : عايزه اعرف السبب برضه … ريحيني وقوليلي انا هتجنن

صفيه : انا هريحك واقولك .. انتي اتجوزتي ابني غصب عني وانا كنت طول الفتره اللي فاتت كاتمه في قلبي

ردت بصدمه : ازاي غصب عنك؟!! …فارس قالي انه اقنعك وانك موافقه

صفيه : مانا وافقت عشان مزعلهوش … لكن انتي ازاي تبقي انانيه كده وتتجوزيه وهو اول مره يتجوز وانتي سبقلك الجواز … انا بحبك ياسما وانتي شاهده اني كنت بعاملك بما يرضي الله طول السنين اللي فاتت كأنك بنتي واكتر

ضحكت بسخريه وقالت بحزن : فعلا عندك حق انا ازاي كنت انانيه كده ، بس انا عايزاكي تبقي عارفه ان جوازي من اللي اسمه رشدي ده كانت اسوأ تجربه انا اتعرضتلها ولو كان بإيدي كنت حذفت علاقتي بيه تماما … ويشهد ربنا اني كنت طول عمري بحب فارس بس ماكتشفتش ده غير بعد ما اللي حصل حصل

صفيه : انا كان نفسي يتجوز بنت هو اول نصيبها زي ماهي اول نصيبه من حقه يحس بفرحته كامله مش ناقصه

لم تقدر سما ان تسمع اكثر من ذلك فدخلت غرفتها واغلقت الباب خلفها ونامت علي السرير ووسادتها فوق وجهها تكتم بها بكاءها

بعد مرور اربع ساعات اتي فارس من الخارج واستقبلته والدته ولكنه لم يجد سما فشعر بالتعجب ودخل الغرفه وجدها متكومه علي السرير فهزها بقلق : سما انتي ايه اللي نيمك تاني

قامت وقالت بصوت ناعس : لا ده انا كنت حاسه اني مرهقه جدا فنمت

وضع يده علي وجنتها وقال : فعلا شكلك مرهق .. انتي كلتي حاجه النهارده ؟

سما : لامكلتش مليش نفس

رد بضيق : ومستغربه انك تعبانه ، يلا قومي هناكل سوا وبعدين نلبس

ردت بسرعه : لا مش هروح ، روح انت لوحدك انا مش قادره

رد بحنق : والله !!

سما : اه

فارس : طب تعالي بقي

حملها علي كتفيه ودخل بها الي المرحاض وغسل لها وجهها عده مرات ثم وضعها علي السرير مره اخري وقال لها بصرامه : هديكي ساعه بحالها عشان تبقي جاهزه … ولو قررتي انك مش هتروحي هضطر اني مروحش وهتبقي انتي السبب ان سليم صاحب عمري يزعل مني

ردت بخفوت : حاضر

بعد القليل من الوقت ارتدت سما فستان اسود اللون طويل وبحمالات عريضه به فتحه من الاسفل صغيره ثم بالنهايه وضعت طرحه من الشيفون عليه وارتدت حذائها العالي وصففت شعرها علي عجله ووضعت علي وجهها اشياء بسيطه للغايه ثم خرجت اليه وامسكها من معصمها ودخل بها الي المصعد وقال : اتفضلي

ردت مندهشه : انت لحقت تعمل السندوتشات دي امتي

فارس : وانا مستنيكي دخلت المطبخ عملتهم يلا بقي

ردت ضاحكه : بس كده الروج هيبوظ

فارس : ماهو كده كده هيبوظ

قام فارس بتعطيل المصعد من الزر ثم اقترب منها وحاوط وجهها بكفيه وقبلها بنعومه شديده اذابتها جعلتها تنسي اين هما … ثم فجأه شهقت وقالت : فارس اوعي بقي لو حد شافنا هيقول ايه

استرد انفاسه ورد بجديه : هتفضلي لحد امتي تقولي كده وانا برضه ارد واقول ان الناس اخر حاجه هفكر اني هرضيهم

سما : طيب خلاص ياحبيبي متزعلش

اقترب منها مره اخره واخذها بين احضانه وقال مبتسما : انتي قولتي ايه دلوقتي

ردت بدلال وهي تنظر الي عينيه : حبيبي

ضرب جانب المصعد وقال بضيق : يعني الحركات دي مكنتيش عارفه تعمليهم فوق

ردت ضاحكه : لا بعرف بس يلا بقي عشان منتأخرش

زفربضيق : يلا

________

في غرفه احدي الفنادق الشهيره كانت دهب تستعد لزفافها وكانت تشعر بالقلق الشديد من هذا اليوم خائفه اكثر من امتحان الثانويه العامه التي مرت بها …فجاءت اليها صديقتها نوجه وغمزت لها : ايوه ياعم وقعتي الراجل بالجيب اللي انا ادتهالك حلال عليكي والله

ردت بسرعه : بس وطي صوتك ماما تسمع

ردت ضاحكه : ماتسمع عادي ياختي ،المهم امسك الخشب .. انتي قمر اوووي النهارده ياقلبي

ردت بقلق: يعني مفيش حاجه ناقصه وكله تمام

نوجه : اه يابنتي انتي كده تمام هو بس هيركبلك الطرحه وخلاص ونستني بقي عريس الهنا

ثم فجأه قرصتها قرب ركبتها فصرخت دهب : ايه اللي انتي بتعمليه ده

ردت ضاحكه : بقرصك عشان احصلك في جمعتك

دهب وهي متوجعه : الله يخربيتك انتي لسه بتؤمني بالحاجات دي … الظاهر ان انا موعوده باللي يقرصني

نوجه : اه امال ايه ، استني بس هقرصك تاني عشان مقرصتش بضمير

ردت دهب بتهديد : عارفه لو قربتي مني تاني هنسي اني عروسه وههريكي قرص

ردت ضاحكه : لا وعلي ايه الطيب احسن يادودو .. الا قوليلي هو قرصك يابت ولا ايه

دهب : لا طبعا

نوجه : اه بحسب

بعد دقائق سمعوا صوت الباب يدق فقالت والده دهب : ده باين سليم جي هفتح

ردت دهب بسرعه لا استني هلف الاول

قامت دهب بسرعه وادارت وجهها عكس اتجاه الدخول وعندما دخل اشاروا اليه فدخل اليها مبتسما وكلما حاول ان يلفها … لفت عكس الاتجاه حتي لا يراها فحاصرها من جميع الاتجاهات وادارها اليه في هذه اللحظه خرج الجميع … فابتسم وقال : ايه الحلاوه دي يا دهب كنتي مخبياها فين بس ؟

ردت وهي مغتاظه : علي فكره انا طول عمري حلوه تنكر

رد ضاحكا : لا منكرش .. يلا بقي يا وحش عشان اتأخرنا

– يلا لحسن الوحش ياكلك

سليم وهو مبتسما بخبث: بقولك ايه ماتيجي نقعد شويه اقولك حاجه كده … تقوليلي حاجه كده

دهب : والله

رد ببراءه : والله … ومفيش مشكله المعازيم ممكن يستنوا للصبح

دهب : يلا يا سليم بقي

سليم : طيب يلا ياستي

وضعت يديها في يد عامر اولا ليسلمها لسليم لاحقا ثم نزلوا الي الاسفل وسط زغاريد كل من والدتها ونوجه وبعد ان وصلوا للحظه التسليم قال عامر : ماتسيبها شويه

سليم : عامر سيب دهب وخليك في امها احسن

عامر : كان بودي ارخم عليك بس مقدرش اسيبها تقف لوحدها

سليم : ايوه كده ، سلم بقي

بعد ان اعطاها له يكت امها بحرقه فقالت دهب : لا لا متعيطيش

لحسن هعيط انا كمان

حنان : لا لا انا مسحت دموعي اهو … انتي النهارده عروسه ياحبيبتي

دهب : حاضر

بعد قليل تزوجا رسميا ثم بدأت اول رقصه هادئه … حيث وضع سليم يد علي خصرها والاخري علي يدها فوق موضع قلبه وقال لها : بتحبيني يادهب

ردت مبتسمه : امممم

زفر بضيق : لا انا عايز اسمعها

ثم تابع بنبره متوسله : عشان خاطري

اقتربت من اذنه وقالت بكل رقه وهي مبتسمه : بحبك

همس اليها بحراره : قوليها اعلي كمان مش سامع كويس

دهب : لا مش هقول هي مره واحده كفايه

سليم : براحتك علي العموم .. لما هنطلع فوق هتقوليها كتير

ثم تابع الرقص وهو يغمز لها

فضربته دهب علي زراعه وقالت : مش هتبطل قله ادب بقي

رد ضاحكا : انتي شكلك واخده فكره غلط عن قله الادب … بس هعدلك المعلومه لما يخلص الفرح

وعندما وصلت الاغنيه الي المقطع الاخير حملها ودار بها عده مرات ثم انزلها اخيرا … وبعدها جلسا ليستريحا قليلا … وجاء اليهم سما وفارس ليباركوا لهما علي الزواج .. فقام فارس باحتضان سليم والتربيت علي ظهره وكذلك باركت سما لدهب وقالت لها : الف مبروك ربنا يهنيكم يارب

ردت دهب مبتسمه : يارب ياحبيبتي

ثم مال فارس علي اذن سليم وقال بصوت منخفض وهو مبتسما :لو عايز حاجه صحابك في ضهرك والف مين يخدمك

رد وهو يجز علي اسنانه : الحاجات دي خليهالك ياحبيبي دي مش ليا انا …

رد ضاحكا : ولا انا كمان محتاجها … انا كنت بطمن عليك بس

سليم : لا اطمن ياخويا انا سبع

وبعد القليل من الوقت جاءت فقره تقطيع التورته فقامت دهب بكل حماس وقالت : يلا بقي

سليم : بقولك ايه الفقره دي قدمت اوي ماتيجي نلغيها

ردت بضيق : لا لا ازاي اللحظه دي كنت بستناها من وانا طفله يلا بقي

رد ضاحكا : طيب يلا

عندما قام الشخص المسئول عن التقطيع بأخذ قطعه ليأكلوها سويا اكلتها دهب بكل شقاوه … فقام باعادتها مره اخري فاقترب سليم من شفتيها ليأكلها معها ويقبلها في نفس الوقت اكلتها مره اخري ورفعت حاجبها عده مرات وهي تضحك قائله : عيب كده ياسليم .. عايز تبوسني قدام الناس

سليم : تصدقي عندك حق لينا مكان يلمنا .. زودي انتي رصيدك بس عشان مش هرحمك

اخرجت لسانها له بكل شقاوه وعبث …وبعد ذلك رقصوا رقصه جماعيه وكان معهم ايضا سما وفارس … ثم افترق الجميع حتي العريس عن العروس … فالبنات اجتمعوا حول العروس وكذلك اصدقاء العريس واثناء انشغال الجميع اتت نسرين الي سليم لتبارك له : ازيك ياسليم عامل ايه ؟ … مبروك ليك

رد بلا مبالاه : الحمد لله ، الله يبارك فيكي مكنش له لزوم تتعبي نفسك وتحضري

ردت برجاء : لا ياسليم انا كان بيني وبينك ايام حلوه كتير مش معقول هننساها كده … علي العموم انا مش بقولك كده اني عايزه ارجعلك انا كنت عايزاك تسامحني علي اللي عملته من غير ما اقصد

رد مبتسما : لا خلاص متعوليش هم الموضوع ده انا مسامح من زمان

نسرين : طيب .. والف مبروك مره تانيه

سليم : الله يبارك فيكي

_______

بعد ان تركت نسرين سليم اتجهت الي دهب وقالت لها وهي مبتسمه : مبروك ياعروسه … شاطره والله عرفتي تخططي وتنفذي صح

ردت دهب وهي مبتسمه بتصنع : الله يبارك فيكي .. وبعدين انتي بتقوليلي انا الكلام ده ليه ،هو انا زيك لقدر الله ؟!!

نسرين : سيبك من كل الكلام ده وبصي كده … شايفه اللي بتسلم علي سليم دي اللي لابسه فستان تركواز

ردت باستهانه : مالها يعني ؟!

نسرين : دي بقي كانت واحده من اللي اتجوزهم عرفي … لا ومش بس دي ده كمان اللي واقفه بعيد دي ولابسه اسود

دهب : انتي كدابه .. انا عارفه الحقد مليكي وعايزه تبوظي عليا فرحي عشان هو سابك وفضلني عليكي

ردت ضاحكه : لا ياحبيبتي انا سيبته بمزاجي ، انه بقي يفهمك حاجه تانيه هو حر وانك تصدقيه كده بكل سذاجه دي حاجه ترجعلك ..ده انا كمان مقولتلكيش اتجوز مين كمان بس يلا كفايه كده مش عايزه اضايقك اكتر

ثم تركتها والصدمه كانت قويه عليها حتي انها لم تنطق الا ان جاءت اليها صديقتها نوجه فقالت لها : ايه مالك مسهمه كده ليه في حاجه حصلت ولا ايه ؟

لم ترد عليها ولكنها شردت قليلا فما ستفعله .. هل تترك الحفل برمته ويحدث ما يحدث ام تواجهه ..ولكنها ردت اخيرا : لا ابدا انا عايزاكي في خدمه صغيره

نوجه : امرك ياقلبي انا من ايدك دي لايدك دي

نظرت الي نسرين وقالت : شايفه البت اللي هناك دي

نوجه : اه مالها

دهب : البت دي عاوزه تبوظلي فرحي وانا عايزاكي معايا في اللي انا هعمله

نوجه : معاكي يلا

دهب : يلا

اخذت دهب نوجه وذهبا اليها وقالت لها دهب : نسرين انا بصراحه مصدقاكي وعايزه الغي الفرح بس الفستان رخم عايزاكي تساعديني اني اقلعه

ردت بفرحه لم تحاول اخفائها : بجد احيكي علي تفكيرك .. يلا نطلع قبل ماحد ياخد باله

دهب : يلا ياحبيبتي يلا

صعدوا هما الثلاثه في مصعد الفندق الي الغرفه خاصتها وبعد ان دخلوا قالت دهب لنوجه : بصي امسيكهالي كويس اوعي تسبيها

قالت نسرين : اوعي كده متقربيش مني ياحيوانه

اجلستها نوجه علي الاريكه ثم جلست عليها وشلت حركتها وقالت بحده : انا اللي حيوانه برضه يا ارشانه

ثم قامت دهب بضربها علقه محترمه تحلف بها الي عده سنوات قادمه وقالت لاهثه : بقي عايزه تبوظيلي فرحي ،ده بعينك ياحبيبتي … والضرب اللي ضربتهولك ده مش عشان الهبل اللي انتي قولتيه انما عشان الفستان اللي انتي قطعتهولي في الحفله .. كده واحده بواحده يامزه ويلا امشي من هنا لحسن اخلي نوجه هي كمان تنقض عليكي

قامت بسرعه وقالت بعصبيه : والله لادفعك تمن اللي عملتيه غالي

ردت دهب ضاحكه : ولا تقدري تعملي حاجه .. عشان سليم ماسك عليكي ذله السرقه ياحراميه

نسرين برهبه : هو قالك ؟

دهب : اه طبعا ياحبيبتي هو يقدر يخبي عني حاجه ، ده بيموت فيا وبيحكيلي كل حاجه .. ويلا امشي من هنا لحسن اولع فيكي

نسرين : حاضر حاضر

وبعد ان خرجت راكضه استردت دهب انفاسها قائله : شكلي فيه حاجه باظت

قامت نوجه بتعديل التاج وخصله من خصلات شعرها وقالت : بس كده كله تمام

دهب : طيب يلا ننزل لحسن يكون سليم خد باله

نوجه : ماشي

وبعد دقائق نزلا للاسفل ووقفت بجانب سليم فقال لها بقلق : كنتي فين قلقتيني عليكي

ردت مبتسمه : لا ابدا ده انا كنت بظبط فستاني وشعري

رد مبتسما : مكنش في داعي انتي قمر في كل الاحوال

دهب : ميرسي ياحبيبي

لم تتحدث دهب معه طيله المده المتبقيه من الزفاف ومررته علي خير وبعد انتهاءه صعدا الي الغرفه خاصتهما في الفندق وعندما وصلا اليها تركت يده ودخلت بمفردها ودخل هو خلفها … ثم نزعت طرحتها بعصبيه قائله : كده يا سليم تعمل فيا انا كده

رد باندهاش : عملت ايه ؟!!!

دهب بحنق : انت عزمت ليه اللي انت كنت متجوزهم عرفي ؟

رد بضيق : اكيد نسرين اللي قالتلك مش كده

دهب : وكمان مش بتحاول تكدب عليا وبتعترف عادي كده بكل جبروت

سليم : واكدب ليه في حاجه انا عملتها وتوبت عنها الحمد لله

ردت بضيق : ولما انت توبت عنها عزمتهم ليه .. عشان تقولهم شوفوا الهبله اللي انا اجوزتها

رد ضاحكا : مسمحلكيش تغلطي في مراتي … دي اعقل ست شوفتها في حياتي

كلامه اشعل النار بداخلها اكثر فأخذت المزهريه لتصيبه بها ولكنه لقطها بيده وقال : انتي اتجننتي ولا ايه

دهب : انا اتجننت ! انت لسه شوفت حاجه

قامت بمحاوله رميه بكل ماطالته يدها وهو ظل يتفاداها حتي اصبحت الغرفه وكأنها ساحه حرب .. حتي جاء اليهم عامل من عمال الفندق ودق علي الباب قائلا : في مشكله يافندم

رد سليم بضيق : لا ابدا مفيش حاجه اتفضل انت

ثم وجه حديثه اليها : عجبك كده دلوقتي هيفهمونا غلط واحنا اصلا لسه معملناش حاجه

ضحكت بسخريه : وهو انت عندك امل انه هيحصل حاجه .. ده انت ساذج اوي

سليم : دهب اعقلي .. مش معقول عشان ماضي وانتهي تعملي كده

دهب : انا بقي مجنونه ومش عايزاك تقرب مني .. ياما هقتلك واقتل نفسي

رد ضاحكا : تصدقي خوفت .. علي العموم انا هسيبك مؤقتا علي راحتك عشان اكيد مش هعمل كده غصب عنك

دهب : طيب انا هنام علي السرير وانت شوفلك اي حته نام فيها

زفر بضيق: زي ماتحبي .. تعالي بقي اقلعك الفستان

دهب : لا انا هقلعه لوحدي هتصرف

سليم : متصمميش مش هتعرفي لوحدك .. طيب حتي تعالي افتحلك السوسته

دهب : لا برضه

فتحت الخزانه لتخرج منها الحقيبه التي كانوا سيسافران بها في اليوم التالي واخرجت منامه قطنيه ثم دخلت الي المرحاض واغلقت الباب خلفها حاولت ان تفتح الفستان بكل الطرق وفشلت فاتجهت الي صندوق ادوات الحياكه وهذه الاشياء ووجدت مقص صغير ظلت تحاول فتحه له الي ان نجحت اخيرا ..وفي اثناء ذلك دق سليم عليها قائلا : تحبي اساعدك ولا ايه

دهب : لا خمس دقايق وهخلص

ثم ارتدت منامتها ومسحت المكياج من وجهها وقامت بجمع شعرها علي هيئه ذيل حصان وخرجت واتجهت الي سريرها فقال لها : طيب مش هتاكلي

دهب : لا مش جعانه .. كلت تحت وشبعت

سليم : طيب نصلي سوا

دهب : لا صلي لوحدك وانا هبقي اصلي لوحدي

زفر بضيق ثم قام بخلع ملابسه ليبدلها باخري امامها فصرخت ووضعت يديها علي عينيها : انت بتعمل ايه يامجنون ادخل غير غير الحمام

رد ضاحكا : انا خلاص قلعت وهلبس بس .. وبعدين هو انا بلبس قدام حد غريب .. قدام مراتي يعني كأني قدام نفسي بالظبط

ردت متلجلجه : حتي لو مراتك .. عيب برضه خلي عندك حياء شويه

رد مبتسما : خليهولك الحياء .. وخليكي في حالك وعدي يومك لحسن اجيلك وانسي اي حاجه وانا ماهصدق اصلا

ردت بخوف : لا لا خلاص انا هنام اهو

ضحك علي جبنها كثيرا وبعدها نام علي الاريكه وهو يتآكل من داخله من كثره الاستياء مما حدث

_____________________

بعدما انتهي الحفل عادا سما وفارس الي منزلهما وعندما وصلا الي الشقه حمل سما بين يديه فقالت بتوتر : خالتي اكيد صاحيه .. نزلني بسرعه

رد ضاحكا : خالتك راحت عند عمتها كلمتني وقالتلي .. النهارده يومنا هعيشك اجمل يوم في عمرك

دخل بها الي غرفه النوم ووضعها علي السرير ثم فتح الخزانه واخرج منها قميص من الشيفون الاسود وعاري الظهر ووضعه في يديها قائلا : عايزك تلبسهولي

نظرت للقميص التي في يدها فاصابتها الرجفه وقالت بصوت مرتعش : انت جبت ده منين انا متأكده اني مجبتهوش

رد مبتسما : انا جبته من فتره اون لاين كان عاجبني وشيلته في دولابك بس يظهر انك مخدتيش بالك منه

سما : اه فعلا

تنهد وقال طيب هسيبك تلبسيه وانا هغير بره

سما : حاضر

ارتدته سما وهي تشعر بالخجل الشديد فلم يسبق لها ان ارتدت في مثل هذا الحجم فقد كان قصيرا وشفافا لايخفي منها شئ … وبعد ذلك دخلت تحت الفراش تنتظره حتي لا يراها وبعدها بدقائق دخل اليها فوجدها علي هذا الحال فاقترب منها وقال لها : انتي متغطيه كده ليه

ردت بتوتر : اصلي بردانه جدا

ربت علي ظهرها بحنان ثم ازاح عنها الفراش ببطئ جعلها ترتجف بشده من كثره الخوف والقلق فنظر اليها بجرائه حتي كاد ان يلتهمها بعينيه التهاما وابتلع ريقه بصعوبه وقال : اوعي تخافي لحظه

وعندما وضع يده علي زراعها وجدها ترتجف بقوه فقال لها : اهدي كده وخدي نفسك

سما : حاضر

فارس : ايه رأيك تساعديني احلق دقني

ردت بسرعه : لا انا بحبها فيك

رد مبتسما : اهو تغير نجرب

سما : طيب

بعد ان وافقت اخذها الي المرحاض وحملها من خصرها ووضعها علي الرخام وبعدها اخرج مكينه الحلاقه واعطاها لها قائلا : احلقيلي بقي

سما : لا اخاف اعورك

فارس : ياستي عوريني انا راضي

ردت مبتسمه : حاضر

قامت بحلاقه جزء من ذقنه وقالت : كده صح

فارس : صح بس قربي اكتر

سما : كده كويس

فارس : لا قربي اكتر من كده

ظل يقترب منها حتي ازاحها من يدها وامسكها من فكها وقبلها بنعومه ثم بقوه وحملها الي السرير وهو يقبلها ووضعها عليه ثم ازاح عنها القميص ببطئ حتي لا تشعر…فمسكت زراعيه وهي ترتعش ..فاغلق الاضاءه حتي يهدئ من خوفها … واستمرت الليله بكل حب وحنان ادفقه عليها …واما عن شعورها فقد تناست الخجل قليلا وعاشت معه الاحساس وكأنها عادت الي وطنها اخيرا التي تنتمي اليه..

استيقظ فارس اولا وقام بتحضير الافطار ووضعه علي الخزانه الصغيره المكونه من عده ادراج (الكومودينو ) ثم مرر ابهامه علي وجهها كرفرفه الفراشه ليوقظها فلم تستجيب ففعلها مرارا وتكرارا حتي استيقظت بفزع عندما وجدت نفسها علي هذا الوضع فلملمت الفراش عليها بسرعه وقالت بصوت منخفض وهي تشعر بالخجل : صباح الخير ياحبيبي

رد مبتسما : صباح الورد ياقلبي … يلا عشان هنفطر وننزل عشان هنسافر كام يوم كده

ردت بفرحه : بجد فين ؟

فارس : سليم كلمني وقالي ان انا وانتي نسافر معاهم الجونه .. فانا بصراحه مصدقت عشان نعوض شهر العسل اللي معملنهوش

فرحت بشده حتي انها صفقت وقفزت لتقبله من وجنته فضحك بشده .. ثم عادت بسرعه واحكمت غلق الملاءه عليها وهمست : طيب ممكن تستناني البس اي حاجه وبعدين نفطر سوا

اقترب منها وقال بصوت مبحوح : لسه بتتكسفي مني ياسما .. احنا خلاص بقينا روح وجسد واحد

ردت بتوتر : انا اسفه يافارس .. بس اصل انا لسه متعودتش عليك و …

وضع ابهامه علي شفتيها ليوقف حديثها وقال : وانا عايز انك تتعودي عليا علي اقل من مهلك .. واصلا مين قالك اني مضايق انا اصلا بعشق خجلك ومعنديش مانع انك تفضلي كده طول العمر

ابتسمت ووضعت كفها علي وجنته وقالت : ربنا يخليك ليا ياحبيبي وميحرمنيش منك ابدا

قبل باطن يدها وقال : ولامنك يا حبيبتي

ثم تنهد : انا هقوم اخد شاور كده علي السريع عقبال ماتلبسي ولو حابه ناخده سوا معنديش مانع

ردت بسرعه : لا لا هاخد لوحدي بعد مانفطر سوا

فارس : طيب علي راحتك

_________

اما في الجهه الاخري استيقظ سليم وقام من مكانه واخذ يحرك اطرافه من هذه النومه المرهقه .. ووجد دهب مقلوبه رأسا علي عقب علي شكل كومه فابتسم وذهب اليها ليوقظها فحركها عده مرات ولا حياه لمن تنادي فأخذ يعبث بخصلات شعرها وقبلها عده قبلات سريعه علي شفتيها فشهقت وقامت من مكانها بسرعه وقالت بحده وهي واقفه علي السرير : عايز تغتصبني ياسليم وانا نايمه

رد بضيق : والله !! يعني هسيبك وانتي صاحيه وهاجي اغتصبك وانتي نايمه منطق غريب بصراحه … وبعدين انتي اللي نومك تقيل اوي

تنفست براحه وقالت : اه وليه لا .. مانت قبل ماتنام كان شكلك غريب كده ومش مريح … وانا نومي مش تقيل انا كنت سهرانه عشان مقلقه منك

رد مبتسما : كان شكلي غريب ازاي يعني ؟

دهب : يعني غريب وخلاص هو انا لازم اشرح

سليم : لا مش لازم .. يلا بقي البسي عشان هنسافر حالا

ردت دهب بعند: لا مش هسافر ياسليم وهروح اعيش عند امي لحد مانطلق انشاء الله

اقترب منها ومسكها من تلابيب منامتها قائلا بحده : نعم ياروح امك .. طلاق ايه ده انشاء الله ، احنا لحقنا نتجوز اصلا عشان نتطلق

نزعت يده بصعوبه وقالت : اه هو كده مانا مش معقول هكمل معاك يابتاع الجوزات العرفي ياخاين

رد ضاحكا :والله حلو الكلام الاهبل اللي انتي بتقوليه ده ومسلي كمان .. علي العموم هعمل نفسي مسمعتش خالص الكلام الفارغ ده وهستناكي تحت تكوني استعديتي

ردت بجديه : انا مبهزرش علي فكره

اقترب منها مره اخري وحملها من الخلف ووضعها امام الخزانه وقال : وانا مبهزرش .. اختاري يإما تلبسي… يإما انا موافق علي كلامك بس بعد ماخد حقي الشرعي منك ياهانم وبعدين هوديكي لامك زي مانتي عايزه

اتسعت عيناها من الصدمه وقالت بصوت متقطع : انت بتهزر اكيد

سليم : تحبي تجربي عشان تصدقي اكتر

ردت بسرعه : لا لا هلبس وانزل وراك

سليم : طيب بس متتأخريش عشان عايزين نوصل هناك بدري

دهب : طيب

_________

بعد مرور وقت قصير استعدت دهب ونزلت اليه بالاسفل ثم غادرا .. ومروا في طريقهما علي سما وفارس وركبا معهما .. وفي اثناء الطريق كانا فارس وسما كل منهما ممسكا بيد الاخر و يضحكان وهم يتهامسان بصوت منخفض للغايه … اما دهب فقد نامت مره اخري وبين الحين والاخر رأسها تنزل الي مستوي القياده علي يد سليم فيعاود رأسها الي مكانها ويستمر في القياده مره اخري … وبعد اربع ساعات وصلوا الي الشاليه الخاص بسليم ونزلا فارس وسما اولا .. ثم حاول سليم ايقاظ دهب : دهب يلا قومي وصلنا

فتحت عينيها ببطئ وقالت بصوت ناعس : ايه ده احنا وصلنا بالسرعه دي

رد مبتسما : لا مش بسرعه ولا حاجه انتي اللي كسوله ونمتي فمحستيش بالوقت .. يلا ننزل عشان هنلبس وننزل البحر دلوقتي

دهب : ماشي

صعد الجميع الي الاعلي وتقسموا علي غرفتين .. واخذوا استراحه قصيره ثم استعدا فارس وسما وسبقاهما الي البحر .. وبعدما ارتدت ملابسها دخل اليها سليم وقال لها بضيق : ايه اللي انتي لابساه ده … ممكن اعرف ؟!

ردت بلا مبالاه : عادي شورت وبدي عشان هنزل البحر

سليم : لا تصدقي بجد .. مكنتش واخد بالي شكرا علي المعلومه .. علي العموم انا كنت عامل حسابك معايا وجبتلك مايوه

ردت ضاحكه بعدم تصديق : ده بجد انت موافق البس مايوه عادي كده

سليم : اه عادي فين المشكله ؟

وضعه بيدها وقال : اهو البسيه بقي

مسكت دهب المايوه لتراه فوجدت القطعه العلويه باكمام وتصل الي مابعد الركبه … والقطعه الاخري سروال طويل فقالت ضاحكه : هو فين بقي المايوه متهزرش ياسليم

سليم : ماهو ده يابنتي اللي في ايدك

دهب : ده مايوه !! .. مايوه ازاي ده عامل زي الترنج

سليم : والله عاجبني علي الاقل مش هيلزق علي جسمك وانتي خارجه من البحر… ويلا بقي عشان اتأخرنا جدا

زفرت بضيق : طيب خمس دقايق واكون جاهزه

سليم : تمام

نزلا الاثنان وسارا الي البحر وعندما وصلا الي الشاطئ وقفت دهب ولم تتحرك فقال لها: وقفتي ليه ؟!

ردت متلجلجه : اصل مش بعرف اعوم واخاف اغرق

رد ضاحكا : تغرقي مره واحده وانتي معايا .. مستحيل طبعا تعالي وانا هعلمك

دهب : لا لا انا عندي فوبيا اساسا

لم يرد عليها وأخذها عنوه الي الداخل وهوممسكا بيدها وبعد ان وصلا الي مسافه لا بأس بها وضع يده تحت ظهرها وظل يحاول تعليمها

اما فارس وسما فظلا يتسابقان في ممارسه السباحه.. ويحملها ويقوم بقلبها عده مرات بمرح .. ثم وقفا في مكانهما واقترب منها ووضع يده علي خصرها وقال وهو مبتسما : ها مبسوطه ياسما

سما : اه جدا … بس شيل ايدك عشان حاسه انهم ممكن يشوفونا

ابتسم بخبث : اه يعني انتي خايفه يشوفونا

سما : اه

فارس : امال لو عملت كده

رفعها علي كتفيه علي غفله وهو يضحك فعندما انزلها قامت برشه بالماء في عينيه وابتعدت عنه الي الخارج فسار خلفها

_______

كانت دهب علي وضعها ترتعش من الخوف من المياه فقال لها : اهدي كده

دهب : مانا هاديه اهو

سليم : استرخي كده والميه هترفعك

دهب :حاضر

استرخت لمده خمس دقائق وبعدها وضعت قدمها الي الاسفل فلم تجد الارض فصرخت ومسكت سليم بقوه حتي كادا ان يغرق الاثنان سويا .. فلم يجد حل سوي ان يضرب جبهته بجبهتها حتي تهدئ.. وبالفعل فقدت الوعي وقام باخراجها .. وعندما خرجا حاول ايفاقتها وعندما فاقت صرخت : انت كنت هتموتني ياسليم حرام عليك

رد لاهثا : انا اللي كنت هموتك برضه .. انتي

اللي كنتي هتغرقينا

دهب : ياسلام .. طيب وضربتني بالروسيه ليه

رد بضيق : كيفي كده عندك مانع

ردت مغتاظه : اه طبعا عندي مليون مانع

مط شفتيه بلا مبالاه : اشربي من البحر يادهب

تركها وسار الي الشاليه .. فضربت الارض بقدميها بحنق شديد وسارت خلفه .. وبدل سليم وفارس ملابسهما علي عجله ونزلا للاسفل ليقوما بشوي اللحم وبعدهما سما ودهب ليقوما بمساعدتهما وبعد ان احضروا الطعام وضعوه علي طاوله صغيره في حديقه الشاليه وجلس فارس بجانب سما ليطعمها بيده وهي ايضا فعلت مثله .. وكان سليم ينظر بتحسر لهما ومال علي اذن دهب قائلا : شايفه

ردت مبتسمه : امممم شايفه طبعا طعمها يجنن

رد بضيق : شكرا

دهب: العفو

وبعد ان سهروا مطولا … صعد كل منهم علي غرفته .. وبعد ان صعدوا قالت دهب لسما : بصي بقي انا سجلتلك رقمي ابقي رنيلي

ردت ضاحكه : حاضر

وبعد ان دخلا دهب وفارس الي غرفتهما بحث فيها لم يجد شيئا ينام عليه سوي سرير كبير فقال : انا هنام جمبك النهارده طالما مفيش اي حاجه تانيه زي مانتي شايفه

ردت بقلق : لا طبعا انا عندي حل

ضحك بسخريه : ايه هو انشاء الله … ايه قررتي تنامي في الحمام

دهب : لا طبعا .. هنام سوا بس هنحط مخده من المخدات في النص وكمان السرير كبير يعني

سليم : مش عارف اقول ايه علي افكارك الجهنميه خلاص يلا عشان انا هموت وانام

بعد وقت قصير بعد ان تأكد انها نامت زال الوساده ورماها علي الارض .. وقبل ان تستيقظ صباحا وضعها مره اخري

ودارت الايام المتبقيه كل يوم اجمل مما قبله ثم عادوا الي القاهره

بعد عودتهم ببضعه ايام … في منتصف النهار ذهبت سما لتحضير الطعام فوجدت خالتها تصنعه فقالت لها : اقعدي انتي ياحبيبتي وانا هعمله كله انا ملاحظه ان السكر ابتدي يعلي عليكي وده مش كويس ليكي

ردت صفيه بضيق : يا ستي انا مرتاحه كده وانا بعمل الاكل لابني حبيبي بدل ما كل يوم تعمليله اكل يوجع البطن

ردت ضاحكه : طيب قوليلي عايزاني اعمله ايه وانا تحت امرك

صفيه : الامر لله .. انا بقولك انا عارفه انا عايزه اعمل ايه سيبيني بقي

سما : طيب هساعدك

صفيه : ماشي

وبعد ان صنعا الطعام سويا بساعه جاء فارس .. وقبل رأس والدته وسما من وجنتها وجلس ليأكل الطعام بكل تلذذ وقال : تسلم ايدك ياسما

ردت صفيه بعتاب: نسيت طعم اكل امك يافارس معقول ده انت حتي لسه مكملتش كام شهر في الجواز حتي

رد بسرعه : لا طبعا يا امي .. حقك عليا ، اكلكم بس هو اللي شبه بعض .. علي العموم انتي او هي واحد عندي

صفيه : لا مش واحد يافارس

حمحمت سما وقالت بصوت منخفض : فعلا يافارس مامتك هي اللي عملت الاكل النهارده وانا ساعدتها بس … ربنا يخليهالنا

فارس : يارب

________

بعد وقت قليل دخلا الي غرفتهما وقال لها : متزعليش من امي ياسما انتي عارفاها احيانا بتبقي مضايقه وبتقول كلام غريب

سما : لا طبعا مش زعلانه دي زي ماما وهي اللي مربياني مش معقول هزعل منها

رد مبتسما : وانا واثق من كده ياحبيبتي

سما : انت شكلك تعبان اوي النهارده .. هقوم احضرلك الحمام

فارس : ياريت

قامت سما بتحضير المرحاض ليستحم .. وبعد ان دخل اتاها اتصال هاتفي فردت : الو مين معايا

رد ضاحكا : معقول مسحتي رقمي بالسرعه دي بعد ماتجوزتي حبيب القلب اللي ماصدقتي اطلقتي واتجوزتيه

ابتعدت كثيرا عن المرحاض حتي لا يسمع فارس وقالت بصوت يكاد يسمعه : انت ياحيوان متصل بيا ليه .. عاوز ايه تاني احنا مش اطلقنا خلاص

رشدي : عاوز منك ايه !! .. انتي ناسيه اللي عملتوه فيا .. وخصوصا اللي عمله هو فيا وفي الاخر كمان كل ده يكون تخطيط منكم وانا البيه يعلم عليا ويصورني وكمان يمشيني من شقتي

ردت برجاء: طيب خلاص اللي حصل حصل وانسي اللي فات واعتبر انك معرفتنيش من الاساس … ولو عاوز اي فلوس انا مستعده

رشدي : انتي فكراني يفرق معايا فلوس .. انا عايز رد اعتبار للي حصلي .. وعايز اشوفك عشان تقولك ازاي

ردت بعصبيه : انت اكيد بتحلم .. انت تمسح رقمي من عندك وانسي اللي بتقوله ده لان فارس لو عرف بالمكالمه دي هيقتلك .. وانا مش عايزاه يروح في داهيه عشان واحد زيك واكيد انت كمان مش حابب انك تتقتل علي ايده

رشدي : هنشوف .. وانتظري مني مكالمه تانيه

اغلقت الهاتف بسرعه وشعرت بلمسه في كتفيها فصرخت : ايه يافارس خضتني

فارس : انا لحقت يابنتي ده انا كنت لسه يدوبك هقولك كنتي بتكلمي مين

ردت بتوتر : لا ابدا دي دهب .. كانت بتكلمني عادي يعني

فارس :طيب … انا هنام بقي تعالي عايز اقولك حاجه

ردت مبتسمه : طيب تحب اعملك مساج قبل ماننام

فارس : موافق بس تعالي هقولك حاجه

سحبها من يدها اليه واخذها بين احضانه ليبثها اشواقه .. وبعد ان دلكت له جسده ناما الاثنان للصباح نوما عميقا

_________________________

عندما عاد سليم الي عمله دهب لم تكن معه بسبب الاجازه التي اخذتها فكانت في المنزل تشعر بالملل الشديد .. وكذلك الاستياء نظرا لانها تشعر انها لم تأخذ حقها منه فهو يعاملها بلا مبالاه وكأن امر زواجه عده مرات شئ عادي والادهي انه لم يصارحها قبل الزفاف واثناء تفكيرها هذا سمعت صوت الباب يفتح … ودخل اليها قائلا : مساء الخير

ردت بابتسامه مصطنعه : مساء النور

سليم : فيه حاجه ولا ايه ؟!

دهب : لا طبعا مفيش … انا حضرتلك الاكل جوه ،ادخل غير بقي عشان في حاله نظافه النهارده وهغسل

سليم : لا شكرا انا كلت بره

دهب : والله ! طب كويس .. يلا بقي عشان الحق

دخل سليم وغير ملابسه .. وبعدها ظل يتحدث علي الهاتف مده طويله مع العملاء خاصته .. وفي ذلك الوقت طرأت لدهب فكره خبيثه فاخرجت بعض الوان الطعام وسكبتهم في الغساله في موضع المسحوق … ولم تضع اي من ملابسها هي فيها ووضعت كل ملابسه وابتسمت ابتسامه شريره ثم غسلتهم .. وبعد مرور ساعتين ذهبت اليه وهو يتحدث في الهاتف قائله : الحق ياسليم هدومك كلها باظت

وضع الهاتف جانبا وقال بدهشه : نعم باظت ازاي يعني ؟!

ردت بتوتر : تقريبا في حاجه خرطت عليهم

ذهب معها ليري ماحدث وقد اصابته الصدمه عندما رآها كلها ملونه فقال بضيق : خلاص هجيب غيرهم هعمل ايه يعني

ردت بسرعه : لا طبعا … ايه التبزير ده احنا هنغسلهم سوا بالكلور وهيطلع

رد ضاحكا : نغسلهم سوا ! انتي بتجمعي ليه ؟، انتي اكيد قصدك تغسليها لوحدك

اقتربت منه وقالت باستعطاف : وانت يرضيك اغسل كل ده لوحدي ياسولي

رد مبتسما : يا ايه

دهب : يا سولي ، اصل انا بحب ادلعك لو مش عاجبك خلاص

سليم : لا دلعيني زي مانتي عايزه .. اخيرا قلبك رق شويه

ردت بسرعه : لا مرقش بس بفكر .. ويلا بقي نغسله عشان يلحق ينشف .. انت هتغسل وانا هشطف اتفقنا

تنهد وقال : ماشي .. قدامي يلا

وبالفعل كان يغسل سليم ويعطيها لتشطف وكل مره تجعله يغسل نفس القطعه مره اخري حتي نفذ صبره وقال : خلاص كفايه كده مش هكمل

ردت بلهفه : ليه بس ده احنا لسه في نصه

سليم : ولا نصه ولا ربعه كفايه كده

عندما تركها شعرت بالحنق الشديد منه فسكبت ماء بصابون وهو يسير فسقط غلي الارض واصدر اه متوجعه فقالت له بقلق : انت وقعت

سليم : لا موقعتش دي تهيؤات

كتمت ضحكتها وقالت : سلامتك

رد بضيق: الله يسلمك

_________

بعد ان غسلت الباقي وبالطبع نصف الملابس انتهت صلاحيتها بفعل الماده المبيضه … تملك منها الملل خاصه انه عاد ليتحدث في الهاتف مره اخري .. ظلت تأخذ الشقه ذهابا وايابا وعندما تعبت جلست…. وبعد دقائق شعرت انها تشتهي الكيك فاتصلت بامها وهي في المطبخ : الو يا ست الكل ايه موحشتكيش كل ده متتصليش بيا ولا تعبريني

حنان : كده يادهب ده انا مكلماكي من يومين

دهب : اهو اديكي قولتي من يومين … ماعلينا قوليلي بتعملي الكيك ازاي لان نفسي فيه

ردت بحنق : مانتي لو كنتي ياهانم بتقفي معايا في المطبخ مكنش ده بقي حالك

زفرت دهب : خلاص ياحنون مش وقت تأنيب ضمير هتقوليلي ولا اجيب من اليوتيوب

حنان : لا انا هقولك .. بصي هاتي خمس بيضات عليهم كوبايه لبن وسمنه وسكر واضربي في الخلاط

ردت مبتسمه : طب تمام استني كده

ظلت تضرب دهب المحتويات وهي سعيده وبعد ان انتهت قالت لامها : طب تمام كده خلصت احط في الفرن

حنان : لا يا اخرت صبري … حطي بقي البكينج والفانليا والدقيق وحطي في الفرن واطفي بعد نص ساعه

دهب : ماشي

وضعت دهب الدقيق دفعه واحده ففرقع كالقنبله في وجهها وقالت : مش مهم مش مهم حوادث مطبخ عادي

وبعد ان قلبت المحتويات جيدا نست الفانليا والبكينج فبحثت عنهم في كل مكان ولم تجد فوقفت علي كرسي صغير لتبحث في الاعلي ووجدتهم اخيرا ولكنها عندما جاءت لتنزل اختل توازنها وسقطت اشر سقطه ومعها كل ما في الرفوف العليا من زيت وسكر وملح حتي محتويات الكيك لم تسلم منها …وسقطت فوق رأسها فصرخت صرخه قويه افزعت سليم فجاء اليها راكضا وقال بقلق : ايه اللي حصل مالك .. انتي كويسه ؟

ردت متوجعه : لا مش كويسه خالص .. انت اكيد دعيت عليا عشان اقع زيك

رد ضاحكا : انا دعيت عليكي ! الله يسامحك يادهب

دهب : اه وليه لا

تجاهلها واحضر مناديل ورقيه ليمسح بها وجهها وقال هامسا وهو ينظر الي شفتيها : تعرفي ان اكيد طعم الكيك كده مختلف

ردت بعدم استيعاب وهي تنزع الاشياء من عليها : مختلف ازاي يعني

سليم : كده

لم يترك لها مجالا ومسك يديها خلف ظهرها بيده حتي لا تمنعه وتذوق شفتيها بقوه وهو متلذذا بها وقد اصابته مشاعر محمومه اشعلته بالكامل .. حاولت الابتعاد منه ولكنه تملك منها فبادلته القبله رغما عنها لمده طويله ولكن سرعان مااستعادت وعيها فصفعته ووضعت يدها علي وجهها لتحميه خوفا ان يردها لها ….. واما عن سليم فشعر بالصدمه مما فعلته فزمجر بعصبيه عاليا وضرب جانب المطبخ بيده ثم تركها وقام …

دخلت الي غرفتها بسرعه وجلست بجانب الباب وهي تبكي بعنف .. وقد شعرت بالذنب انها ضربته ولكنها لم تتعمد ذلك مطلقا …. وكان سليم في غرفته يحاول تهدئه اعصابه بعد ما حدث وشعر ان دمائه قد فارت … وصوت بكائها يكاد ان يصم اذنيه فخرج اليها ليتشاجر معها ولكنه عندما دخل وجدها تبكي بقوه وجسدها يرتجف بعنف وعندما دقق النظر وجد قدمها ينزف فقال بضيق :

انتي ايه اللي عورك بالمنظر ده ! انا متأكد ان مكنش في ازاز جوا

ردت وهي تشهق : اه مكنش فيه فعلا .. بس علبه السمنه كانت مفتوحه ولما وقعت اتعورت في الحرف بتاعها

عقم الجرح بالمطهر ثم حملها ودخل بها في المرحاض ووضعها في حوض الاستحمام و بدء في تجريدها من ملابسها فشهقت : انت هتعمل ايه

رد بضيق : مش عايز لسانك ده ينطق بحاجه تانيه النهارده

لم ترد عليه لانها شعرت بالفعل بالخوف من ملامحه حيث انها كانت لاتبشر بالخير ابدا واكمل نزع الباقي عنها ومسك دوش الاستحمام .. وبدء يحممها ويزيل عنها كل ماهو عالق بها .. وكان يحممها وكأنها طفله صغيره بل وكأنها رضيعه ايضا وكانت طيله تلك المده كانت تحبس انفاسها من كثره ماتشعر به احاسيس تشعرها للمره الاولي بحياتها وكلما كانت تنفض يده .. عاد مره اخري … وبعدها بدقائق معدوده عندما شعر انه ضعف تجاهها للغايه وانه اذا لم يقوم الان سوف ينقض عليها كالذئب فتركها وقام ……

بالرغم من ان رغبته بها فاقت الحدود وقلبه يتوسله ان يرضخ ويعود اليها وخاصه انها كانت مستكينه بين يديه .. ولكن كرامته صراخها كان اعلي فدخل الي غرفته واغلق الباب خلفه بقوه

اما عن دهب فاستردت انفاسها اخيرا بعدما تركها وحمدت ربها انه لم يفعل معها شيئا

____________

وفي صباح اليوم التالي قررت ان تطلب منه ان يصفح عنها فقط لانها ضربته … اما اي شئ ينطقه لسانها لم تندم ابدا .. فقررت ان تطلب المساعده من امها فاتصلت بها : الو ياماما صباح الخير

حنان : صباح النور ياحبيبتي عملتي الكيكه

دهب : كيكه ايه ياماما دلوقتي … بقولك انا عايزاكي تساعديني في حاجه ضروري

حنان : قولي يابت قلقتيني هببتي ايه

دهب : لا ابدا معملتش حاجه بس انا وسليم اتخنقنا شويه بسبب حاجه تافهه .. المهم اصالحه ازاي

ردت ضاحكه : بسيطه ياحبيبتي بصي انا ابوكي الله يرحمه كنت لما اجي اصالحه اشغله اغاني ام كلثوم كان يصالحني اوام

دهب : خلاص تمام .. بما اني مليش في ام كلثوم هشغله بأمر الحب لحليم

حنان : طيب روحي صالحيه بسرعه

دهب : ماشي

بعد ان اغلقت مع امها تصفحت هاتفها ولم تجد الاغنيه ولكنها وجدت اغنيه اسيبك لا لحسام حبيب .. فجعلتها في وضع الاستعداد ودخلت غرفته ووجدته يستعد لينزل الي عمله فداست علي زر التشغيل

_ تروح فين من اللي بيحبك وعشان خاطرك علي استعداد يبيع نفسه عشان نفسه يكون جمبك كفايه بعاد

ازاحها من امامه وخرج من الغرفه ودخل الي المطبخ ليتناول الطعام فذهبت خلفه وشغلتها مره اخري وهي مبتسمه

_ حبيبي والله مانا سيبك ولو بينك وبيني بلاد هعديها واسوق فيها خلاص قفلت معايا عناد

اكمل طعامه وذهب الي الباب ليفتحه فذهبت خلفه لتلحقه واكملت

_ اسيبك لأ مقدرش اسيبك .. اهد الدنيا علشان عنيك ادوس في النار عشان بس اجيلك يا مين يلايمني عليك

ادار لها ظهره وهو مبتسما و ونزل فقالت له بسرعه : استني بس ياسليم خد هقولك

بعدما تركها وذهب جلست وهي تشعر بالاحباط والاكتئاب الشديد ومر عليها اليوم ببطئ شديد … وبعد وقت طويل جاء مره اخري ولكنها لم تحاول مصالحته ودخلت غرفتها …. وبعد مرور عده ساعات فجأه انقطع التيار الكهربائي فشعرت للوهله الاولي ببعض الخوف ولكنها تجاهلت الموضوع واستمرت في نومها …

وبعدها شعرت بخيال خلف الشرفه فارتجفت من الخوف وقامت من مكانها بسرعه وهي تمشي علي اطراف اصابعها لتري ما ورائها ، فلم تجد شيئا فعادت الي سريرها وبدأت تسمع اصوات غريبه فخافت جدا وذهبت بسرعه البرق الي غرفه سليم وعندما دخلت قال : نعم في حاجه ؟!

ردت بضيق : لأ مفيش حاجه طبعا ، بس الكهربا قطعت وانا بخاف وانا لوحدي فهقعد معاك لحد ماترجع

سليم : ماشي

جلست بجانبه ولكنها عاودتها الاصوات مره اخري فتسللت ببطئ الي جانبه فقال لها وهو مبتسما : طيب ماكان من الاول

لم ترد عليه واغمضت عيناها … وشعر سليم عندما اقتربت منه برائحه الثوم فقال لها : ايه ريحه التوم دي يادهب

ردت وهي تكتم ضحكتها : لا ده شامبو عادي بس بالتوم .. اصل الشامبو اللي بالفانليا ريحته شاذه جدا فحطيت منه عشان ينعشك

وضع الوساده علي وجهها وهو مغتاظا منها وقال : عشان تنعشني ! طب نامي يادهب نامي عشان ماولعش في شعرك ده

ردت ضاحكه : حاضر 

مرت ايام عديده … وفي احد الايام استيقظت سما بكسل شديد وقالت بصوت ناعس وهي تتثاوب : ايه ده انت نازل بدري كده

فارس : اه ياحبيبتي ورايا شغل كتير جدا كنت مأجله

سما : طيب ياحبيبي هقوم احضرلك الفطار

بعد ان استعد ووضع العطر الخاص به اتي اليها وقبل جبهتها : تتعوض بكره هنزل عشان مستعجل

سما : ماشي بس خلي بالك من نفسك ومتسوقش بسرعه

رد مبتسما : من عيوني .. عايزه حاجه قبل ما انزل

سما : لا عايزه سلامتك

بعد ان ذهب فارس الي عمله ،وجدت هاتفها يرن باسم دهب فردت : الو يادهب

دهب : ايوه ياحبيبتي عامله ايه ، وحشاني اوي

ردت مبتسمه : انا الحمد لله تمام ، وانتي وحشتيني اكتر

مطت دهب شفتيها وقالت : طيب بما اني وحشاكي ايه رأيك نخرج سوا عايزه اشتري شويه حاجات

سما : طيب تمام ، تحبي نروح فين

دهب : مش عارفه بصراحه ، بس لو تعرفي مكان حلو هروح معاكي

سما : طيب ، بما انك مش فارق معاكي المكان، في مول *** قريب مننا اكيد هيبقي فيه كل حاجه محتاجاها

دهب : طيب عشر دقايق واكون جاهزه هعدي عليكي

سما : ماشي

بعد وقت قصير ذهبا الاثنان الي المول ودارا فيه في جميع الاتجاهات واشترا عده اشياء .. وبعدها وقفت دهب امام محل ملابس داخليه نسائيه فقالت : بصي هدخل اشتري حاجات من جوه تعالي معايا

سما : لا انا مش عايزه هستناكي هنا

دهب : طيب زي ماتحبي

دخلت دهب المحل واشترت بعض الاشياء وانتظرتها سما بالخارج واثناء انتظارها كانت تعبث بالهاتف خاصه وان دهب تأخرت … فلمحت شخص ما ولكنها كذبت عينيها ودخلت بسرعه اليها وقالت : ايه يادهب اتأخرتي اوي مش يلا

ردت مبتسمه : لا استني لحظه ، بصي كده الحاجات الغريبه دي شوفتي الكرباج ده

ردت ضاحكه : اه ماله

دهب: ده اكيد اللي جوزها منكد عليها .. تديه العلقه التمام يرجع كويس تاني

سما : هههههه ده انتي مشكله

دهب : ده كمان في كلبشات حلوه اوي للتصوير

سما : اه فعلا ،يلا بقي يا دهب عشان نلحق ناكل وبعدين نروح

دهب : حاضر ، انا خلاص خلصت

اخذت دهب الاغراض لتحاسب عليها ومعهم الكلبشات…. ثم جلسا بعد ذلك في احد مطاعم المول وقالت سما : انا كنت عايزه احكيلك علي حاجه لاني بصراحه مش لاقيه حد احكيله وكمان مش عايزه اتكلم مع خالتي لحسن تقول لفارس

ردت بقلق : قولي ياحبيبتي اعتبريني زي اختك

سما بامتنان : اكيد .. المهم دلوقتي انا كنت متجوزه حد اسمه رشدي و….

ثم قصت عليها من بدايه الحكايه حتي الان فشهقت دهب : يانهار طيب انتي ايه اللي خلاكي تردي عليه اصلا

ردت متوتره : معرفش انا كنت مسحت رقمه من زمان مكنتش متخيله انه هيرجع يكلمني تاني .. انا مش خايفه علي نفسي .. انا بس خايفه علي فارس منه لو حاول يقتله وعليه لو الزفت ده اتهور وحاول يأذيه

دهب : طيب بصي بقي اسلم حل ، انك تغيري رقم تليفونك او تعمليله بلوك وانسي انه كلمك من الأساس

سما : حاضر هعمل كده

واثناء حديثهم تأكدت ان من لمحته لم يكن خيال وانه حقيقه فأخذت يد دهب بسرعه : يلا بسرعه نمشي من هنا

دهب : ليه يابنتي فيه ايه ؟

ردت بصوت متقطع : رشدي هنا انا شفته يلا نمشي

دهب : طيب يلا بسرعه

ركضا الاثنان سريعا وكل منهما ذهبت الي منزلها …وبعد ان وصلت سما الي شقتها اغلقت غرفتها عده مرات واخرجت هاتفها الذي لم يفصل لحظه منذ ان غادرت وردت : انا مش قولتلك متتصلش بيا تاني ولا انت عايز ايه بالظبط ؟!

رد ضاحكا : تعرفي لسه نبره صوتك حلوه زي زمان ، بس ليه بقيت مهزوزه كده ، انتي خايفه مني ولا حاجه ؟

ردت بصوت متقطع : انا لاخايفه ولا زفت وانت مش هتقدر تعمل اي حاجه .. واوعي تنسي اللي عمله فيك فارس او اللي ممكن يعمله

رد ضاحكا :ولا كأني سامع حاجه، انتظريني قريب اوي هخلي حياتك جحيم

اغلقت الهاتف في وجهه ووضعته في القائمه السوداء وحذفت سجل المكالمات التي دارت بينهما

__________

في اثناء الاستراحه الخاصه بعمل فارس جاءت اليه ميار وقالت له : ايه يافارس كل ده ومعزمتناش عندك ده عدي شهرين علي جوازك ، انت بخيل ولا ايه ؟

رد مبتسما : لا مش كده ، هو بس انا مكنتش عايز اتعبها و احنا لسه متجوزين جديد ، بس انشاء الله الاسبوع اللي جاي هعزم كل اللي في المكتب

ردت بسرعه : طيب تمام ولو عايزني اساعدها انا معنديش مانع

فارس : لا مش عايزين نتعبك هي هتتصرف

ميار : شكلك لسه زعلان من ساعه ماكلمتك المره اللي فاتت

فارس : لا مش زعلان ولو عايزه تروحي تساعديها مفيش مانع بس هقولها الاول

ميار : طيب زي ماتحب

انجز فارس عمله …وعاد الي المنزل واستقبلته والدته وسما وقالوا في نفس واحد: حمد الله علي سلامتك

رد مبتسما : الله يسلمكم

وجلسوا جميعا علي الطاوله ليتناولوا الطعام وعلي الرغم من عدم قبول صفيه لزواجهم حتي الان الا انهما تشاركا في صنع الطعام بدون اي مشاجره وبعد انهاء الطعام ذهبت سما لتغسل الفارغ ثم دخلت خلفه واحتضنته من الخلف قائله : وحشتني

ادار جسده اليها وبادلها العناق : وانتي اكتر بكتير

وبعد ان بدل ملابسه جلس علي الاريكه وحاوط كتفيها قائلا : ايه رأيك لو عملنا عزومه لزمايلي في الشغل الاسبوع اللي جاي ، لو حابه هقولهم لو حاسه ان الموضوع مرهق بالنسبالك انا هرفض فورا

تنهدت وقالت : لا طبعا ياحبيبي اعزمهم عادي اهلا وسهلا بيهم في اي وقت

قبل باطن يدها وقال : كنت عارف قبل ماسأل بس قولت اتأكد .. تعالي بقي عايزك في موضوع مهم جدا

ردت مبتسمه : لا مش قادره النهارده

مسك معصمها واخذها الي السرير قائلا : تعالي بقي متتعبيش قلبي معاكي

ردت ضاحكه : حاضر

ومر باقي الاسبوع علي نفس الحال فقد كانا يعيشان بمنتهي السعاده ، حتي جاء يوم العزومه فقامت سما بكل حماسه وقامت بتجهيز الاطعمه لتطبخها هي وخالتها وفي اثناء التحضير سمعت الباب يدق فسارت مهروله لتفتح وبعدما فتحت وجدتها فتاه غريبه لاتعرفها فقالت : مين ؟؟

ردت الاخري بابتسامه مزيفه : انا ميار صاحبه فارس في الشغل وجيت بدري عشان اساعدك

ابتسمت سما باحراج : اه اه نسيت خالص انا اسفه

ميار : لا ولا يهمك يلا عشان قربوا يوصلوا

سما : ماشي

كانت سما طيله جلسه هذه الغريبه معها كانت لاتشعر بالارتياح وبعد ان قاما بتحضير الطعام مع خالتها… دخلت سما لتغسل يدها في المرحاض واثناء غسلها ليدها وجدت ميار في المرآه وفجأه قالت : شهم اوي فارس مش كده

ردت باندهاش : اه اشمعنا

قالت ميار بلا مبالاه : لا بلاش لحسن تزعلي

ردت بحده : لو سمحت وضحي

ضحكت ميار بسخريه : يعني مش عارفه انه شهم لانه اتجوزك وداري علي الفضيحه اللي حصلت

ردت بصدمه : نعم ! فضيحه ايه دي

ميار : اولا شكلك متعرفنيش ولا تعرفي ان فارس كان هيتجوزني وفجأه بدون اي مبررات لقيته متجوز وفي وقت قصير كده

ردت بسرعه : وده ايه علاقته انه متجوزني عشان يداري زي مانتي بتقولي

ردت ضاحكه : مانا اتأكدت بنفسي ولما سألت عليكي لقيت سمعتك سبقاكي ، واللي اكد اكتر واحد من الامن اللي تحت ب ١٠٠ جنيه حكالي كل حاجه تحبي احكيلك قالي ايه

مسكتها سما من يدها وسحبتها بقوه الي الخارج وصرخت في وجهها : اطلعي بره اياكي اشوفك مره تانيه

بعدما تركت يدها سما عدلت ملابسها وقالت بابتسامه شماته : هو للدرجه دي الكلام جي علي الجرح فطردتيني عشان ماكملش

صرخت سما وهي تبكي : بره

بعد ان خرجت اغلقت الباب بعنف، وفي خلال ساعه جاء فارس والباقيين معه فبعد ان استقبلتهم وجلست معهم علي الطعام كانت صامته بشكل اثار ريبه فارس … وكانت طيله هذا الوقت تسترجع كل ماسبق فوجدت ان هذه المرأه معها حق حيث انها بالفعل كانت تتعرض لنظرات غريبه من سكان العماره ومعهم الامن ايضا.. وكانوا يتهامسون كلما مرت من امامهم … بالاضافه الي ذلك سرعه زواجها بفارس فقد تزوجها علي عجله بدون خطبه حتي ولو قصيره علي الرغم عدم اجبارها علي الزواج من فارس ، وفجأه غير مجري حديثه من مجرد اخوه الي حبيبين … فمن المؤكد انه تزوجها بغرض الستر عليها والحفاظ علي عرضه من ان يتمرمغ في الوحل بعدما اصبحت سمعتها ملوثه .. قاطع تفكيرها خروج الضيوف فبعدما خرجوا ركضت الي مرحاض غرفتها لتفرغ كل مافي معدتها وعندما خرجت وجدته امامها يقول لها : مالك ياحبيبتي انتي تعبانه ؟

ردت بصوت منخفض : لا مش تعبانه ، بس انا عايزه اسألك سؤال واحد وترد عليا بكل صراحه

رد بقلق : اسألي

سما : انت كنت هتتجوز ميار ورجعت في كلامك

رد باندهاش : ايوه .. من ايام الجامعه كنت بفكر مجرد تفكير اني اتجوزها بس انا روحت اشتغلت في السويس وهي هنا ونسيت الموضوع خالص، بس مين اللي قالك

ردت بنبره باكيه : مش مهم مين اللي قالي المهم انه صحيح ، طيب ازاي ؟! انت عمرك ماقولتلي حاجه زي كده ولا حتي لخالتي

رد بحده : عشان كانت مجرد مشاعر مؤقته وانتهت

قالت بنبره متوسله : طيب سيبك منها خالص ، انتي اتجوزتني عشان تداري علي الفضيحه اللي حصلت من جوازي من رشدي وتستر عليا مش عشان فجأه مشاعرك اتغيرت من انك شايف اني اختك لحبيبتك فجأه

رد بعصبيه : متنطقيش اسمه قدامي مره تانيه

ردت بصراخ : مش ده المهم ، المهم انه صح انت حتي مانكرتش واعترفت

ضحك بسخريه وقال : يعني انتي شايفه كده ، اني متجوزك شفقه وعشان استر عليكي

ثم وضع يده علي موضع قلبها : وده مش حاسس اني مش بس بحبك اني بموت في الهوا اللي انتي بتتنفسيه …

ردت بحيره : مش عارفه بس كل اللي اعرفه اني خلاص مش هقدر اكمل … احنا لازم نتطلق وانا هروح لعمي

بعد ان قالت كلامها ادارت ظهرها لانها لن تتحمل نظره عينيه التي تقتلها حيه … فادارها اليه بعنف وقال : نتطلق !! وعشان ايه انتي اكيد اعصابك تعبانه عشان تقولي الكلام الغريب ده

ردت بصراخ وهي تبكي : طلقني يافارس بهدوء ، انت عمرك ماغصبتني علي حاجه ارجوك طلقني

ضحك بسخريه : بتترجيني دلوقتي عشان نتطلق وامبارح كنتي بتترجيني برضه بس عشان نتلاحم ، علي العموم طالما مش طيقاني اوي كده انا هسيبلك البيت خالص

ثم تابع بنبره تهديد : واسمعي انا مش هطلقك حتي لو السما انطبقت علي الارض هنموت انا وانتي واسمك مكتوب علي اسمي …انتي فاهمه

غادر فارس وتركها للنيران التي بداخلها تحرقها ببطئ شديد و .. وقضي ليلته في احد الفنادق القريبه… ولم ينعم اي منهما بلحظه نوم واحده هذه الليله

_________________________

استيقظت دهب بكل حماس ونشاط وارتدت ملابس العمل ودخلت غرفه سليم لتوقظه ومسكت بيدها الميكرفون وقالت وهي مبتسمه : الشمس طلعت يازين و انت محمر الخدين

بعد ان سمع هذا الصوت الجهوري قام مفزوعا : في حد يصحي حد كده .. وبعدين ايه البتاع ده جبتيه امتي ؟!

ردت ضاحكه : جبته من فتره ، المهم يلا البس بسرعه عشان نازله معاك النهارده

رد بضيق : ليه ؟ ده انا قولت انك مش هتكملي بعد الاجازه الطويله دي

دهب : لا طبعا اقعد في البيت واسيبك علي حل شعرك

اقترب منها وامسكها من تلابيب قميصها : تسيبيني علي حل ايه ؟!

ردت متلجلجه : لا ياسليم انتي فهمتني غلط انا اقصد خايفه عليك من عيون الستات اللي بتجيلك علي طول ياحبيبي

تركها وحاوط خصرها وقال مبتسما : طالما بتغيري عليا يبقي مفيش مشكله ، دقايق والبس وننزل سوا

ردت بدلال : شوفت انت كنت ظالمني ازاي ياسولي

رد بصوت مبحوح : شوفت يادهب

ردت مبتسمه : هنفضل واقفين كده كتير مش هتلبس احنا اتأخرنا جدا

سليم : ماشي

________

بعد ان ذهبا الي العمل سويا ، جلست دهب علي مكتبها ووجدت عمل كثير بانتظارها مما جعلها تشعر الندم ، فقد اعتادت علي الحياه بدون جهد او ارهاق وبعد وقت ليس بالكثير وجدت انثي تحمل كل صفات الانوثه بكل ماتحمله من معني وقفت امامها وقالت : هاي

دهب : هاي

قالت المرأه : مسيو سليم هون بدي ياه في قضيه كتير خطيره

قامت دهب من مكانها واخذت تتفحصها وقالت : كتير خطيره متأكده

ردت عليها : كتير اكتر مما بتتصوري بس بدي ادخل بسرعه لاني كتير متعجله

مطت دهب شفتيها و قالت : للاسف سليم بيه مشي من هنا عزل خلاص

ردت بقلق : كيف كيف عزل ، لارا قالتلي انه اكيد هون

دهب : اه قولتيلي انتي تبع لارا

ردت المرأه : اي تبعها

مسكتها دهب من يدها واخذتها الي الخارج : طيب بصي ياحبيبتي لو جي او اي اخبار وصلتلي عنه هقولك

ردت بلهفه : طيب هادا الكارت الخاص فيني ، ابقي دقيلي اذا اتصل او اذا وصلتك اخبار عنه

دهب بابتسامه مصطنعه : طبعا ياحبيبتي من غير ماتقولي هكلمك اكيد

ردت بفرحه : ميرسي لذوقك

دهب : العفو

وبعد ان تخلصت منها قطعت الكارت الي اشلاء ودخلت الي سليم مكتبه ومعها القهوه : عملتلك القهوه اهو اي خدمات تانيه

سليم : لا روحي علي مكتبك وانا لو احتاجتك هكلمك

ردت بضيق : بقي كده ياسليم ، فين ايام زمان قبل مانتجوز كنت مابتصدق ادخل مكتبك

رد ضاحكا : ولسه ياحبيبتي.. بس قدامي قضيه معقده ومحتاجه تركيز

دهب : ماشي انا هخرج واسيبك تكمل

سليم : طيب

_________

وبعد ان خرجت كانت تتآكلها الغيره من داخلها ، وشعرت بالندم علي عدم مجيئها طيله هذه المده …الله الوحيد الذي يعلم هل حاول خيانتها ام لا خصوصا وانه متزوجها علي الاوراق فقط ، ولكن كل هذا رغما عنها لاتسطيع نسيان زواجه عده مرات و فكره انه يمكن ان يعرف اخري عليها تكاد ان تحرقها ….

مضي وقت العمل وعادا سويا الي المنزل وبعدما بدل كل منهما ملابسهما اتي الي سليم مكالمه جعلته ينظر اليها بغضب : انتي جتلك عميله النهارده وانتي مشيتيها وقولتلها اني نقلت من هناك

ردت متوتره: وانت مين اللي قالك

رد بعصبيه : ليه يادهب ، انا قولتلك الا شغلي انا بتحمل غباءك في حاجات كتير لكن توصل لشغلي لا و الف لا

دهب ببكاء : والله دي مكنش شكلها بتاعه شغل خالص

رد بحده : والله هي بقيت بالشكل دلوقتي

تركته ودخلت الي غرفتها واغلقت بسرعه فقال لها : بتهربي يادهب ؟! براحتك انا بقي هقعدلك قدام الباب لحد ماتخرجي انا مش ورايا غيرك النهارده

ردت وهي تشهق : وانا مش هخرج النهارده ياسليم وذنبي هيكون في رقبتك اني اموت من الجوع

رد ضاحكا بعصبيه : وماله معنديش مانع

بعد حوالي ساعتين شعرت دهب بالجوع الشديد فنظرت من ثقب الباب وجدته مازال جالسا فزفرت بضيق وقالت : انا هتصرف

اتصلت بوالدتها وعندما ردت قالت بسرعه : ماما بقولك سليم مجوعني ومش عايزني اكل .. عشان شايف اني تخنت ولازم اخس شويه

شهقت حنان ووضعت يديها علي قلبها : تخسي هو انتي فيكي حاجه عشان تخسي ، انا طلعاله دلوقتي اشوف بيعمل كده ليه

ردت بلهفه : لا لا مش عايزه اتخانق معاه ياماما ، المهم انتي طابخه ايه النهارده

تنهدت حنان بضيق : محشي ورق عنب وبانيه

ردت بفرحه : ايوه بقي ياحنون ياقمر انتي تسلم ايدك ، انا هربط شويه هدوم في بعض واربطهم بكيس بلاستيك وانزلها وانتي بقي حطي علي قد ماتقدري عشان انا هموت من الجوع

حنان : ياحبيبتي يابنتي ، دقيقه واحده واكون حطالك

دهب: ماشي وانا مستنيه

بعد ان اغلقت معها قال لها عامر : كنتي بتكلمي مين

حنان : شوفت ابنك وعمايله

عامر : ماله

قصت عليه كل ماقالته لها فقال : لا لا ملهوش حق انا هكلمه

حنان : كلمه ياريت

وصل اليها الطعام الساخن واكلته بكل تلذذ وبعدما قاربت علي الانتهاء وجدت الباب يدق بعنف : افتحي يادهب بدل ما اكسر الباب

ردت بخوف : لا لا مش هفتح انت عايز تضربني

رد بعصبيه : مش هضربك يادهب ، افتحي عايز اقولك حاجه ضروري

دهب : قول هنا انا سامعه اهو

سليم : مش هتفتحي يعني

دهب : لا

دخل سليم اليها من الشرفه فتسمرت مكانها من الصدمه وقال لها وهو مبتسما : نسيتي تقفلي البلكونه تخيلي

قفزت هاربه من امامه وقالت : انت ايه بس اللي معصبك ماللي حصل حصل

سليم : ردي عليا انا مجوعك وعايزك تخسي

ردت بصوت متقطع : لا لا مين قال الكلام ده دي اكيد اشاعات مغرضه

مسك بقايا الطعام وقال : وده اشاعات مغرضه برضه

دهب : استني بس انا هفهمك

رد بحده سليم : انا مش فاهم انتي مشيتيها ليه ، عشان حلوه يعني وخايفه منها تخطفني منك ولا حاجه

ردت بضيق : فين الحلاوه دي ، علي فكره انا احلي منها بمليون مره علي الاقل انا جمال طبيعي

رد ضاحكا : انتي عم جمال نفسه انا هدخل انام عشان اتخنقت

بعدما تركها ودخل غرفته اكلت اظافرها من كثره الاستياء وفتحت الدولاب واخرجت الاكياس منه واخذت منه الاشياء التي اشترتها وطرأت اليها فكره ستجعله يندم عما قاله في حقها زير النساء هذا …

وفي اليوم التالي استيقظت مبكرا وارتدت من هذه الاشياء بيد واليد الاخري هاتفها وسارت علي اطراف اصابعها وحبست انفاسها و عندما دخلت اليه وجدته في سبات عميق .. فاستغلت الفرصه واغلقت يده بها بسرعه وبعدها استيقظ فورا ووجد نفسه علي هذا الحال فصرخ بها : ايه اللي انتي بتعمليه ده

اقتربت منه بدلال وهمست : اششش

لم ينطق بحرف حيث انه عندما نظر اليها بتمعن وجدها ترتدي قميص نوم ممن اشترتهم وكانت واضعه علي جسدها احدي الرسومات الجذابه سهله الازاله … وفوق هذا تاركه لشعرها العنان وترتدي خلخالا ذو صوت رنان

فقد تسارعت دقات قلبه الي حد الجنون وخاصه بعدما ادارت اغنيه واخذت تتمايل بخصرها عليها بطريقه كلها دلال ….

كان يقدر ان يكسر هذه اللعبه علي الفور ولكنه انتظر حتي لا تتوقف هي … وبعدما انتهت قالت ضاحكه: عشان تعرف بس ان في كل الي انت بتشوفهم محدش زي ياحبيبي

قبل ان تخرج قام من مكانه وكسر الكلبشات في الحائط بكل قوته … وعندما رأت ذلك ركضت منه فركض خلفها ومسك يدها وسحبها الي الغرفه مره اخري فقالت باكيه : والله ياسليم ما اقصد سبني ودي اخر مره مش هعمل كده تاني

رد ضاحكا : ده انتي مش هتعملي بعد كده غير كده

وبعد ان دخل اغلق باب الغرفه وحملها من الامام حيث كانت ساقيها تحيط خصره وقبلها بكل قوه لهيب النار الذي بقلبه وقال بانفاس حاره : بحبك يادهب

ردت لاهثه : وانا بعشقك

ثم اخذها الي السرير وانجرف الاثنان في بحر غريق من الحب لا نهايه له …. اما عنها فقد ضاعت فيه فقدت نفسها وروحها وعقلها معه واستمرت ليله مليئه بالعشق الجارف …..

في صباح يوم جديد ارتدت سما ملابسها وخرجت من غرفتها وقبل ان تخرج من الشقه نادتها خالتها : سما متعرفيش فارس ساب البيت ومشي ليه ؟

ردت بتوتر : معرفش اسأليه

ردت بحده : مانا سألته ومردش عليا قولت اكلمك انتي يمكن تردي

تنهدت بضيق وقالت : طيب انا مستعجله دلوقتي ولما ارجع هنتكلم في الموضوع ده

صفيه : علي راحتك اتفضلي

نزلت من العماره وطلبت سياره عبر الهاتف لتقلها الي المشفي وبعد نصف ساعه وصلت الي هناك ودخلت مباشره الي معمل التحاليل وقامت بعمل تحليل الحمل لتتأكد من شكوكها ثم بعد ان اخذتها اتجهت الي الطبيبه النسائيه في نفس المشفي وانتظرت دورها ودخلت اليها : لو سمحت يادكتور ، انا كنت عايزه اتأكد ان النتيجه دي صح

نظرت الطبيبه الي التحليل ووجدت ان نتيجته ايجابيه بالفعل فقالت وهي مبتسمه : ده اختبار حمل رقمي كمان بيبقي ادق من العادي انتي ازاي شاكه في كده

ردت بقلق : عارفه بس عايزه اتأكد برضه

الطبيبه : طيب انتي اخر مرة كانت امتى…….

سما : حوالي ٣ شهور تقريبا

ردت باندهاش : وده محسسكيش واحد في الميه انك ممكن تكوني حامل مثلا

قالت سما وهي متلجلجه : لا اصل ده كان بيحصلي من زمان فمشكتش خالص ، لو سمحت انا عايزه اتأكد

تنهدت الطبيبه : طيب هعملك سونار

بعد ان صعدت سما علي سرير الكشف وضعت علي بطنها ماده لزجه ثم وضعت جهاز السونار عليه وقالت وهي مبتسمه : دول تؤام كمان

ثم اشارت لها علي الاجنه وقالت : انتي ازاي محستيش بحركه لحد دلوقتي

ردت وهي ترتجف من الصدمه : لا محستش نهائي

الطبيبه : اه ممكن تكون حركتهم خفيفه عشان لسه في الشهر الرابع عموما الشهر اللي جاي حركتهم هتبقي اقوي

بعد ان هندمت ملابسها جلست امام الطبيبه وقالت لها : انا هكتبلك علي فيتامينات وحديد تستمري عليهم لاخر الحمل … ولو حابه تتابعي معايا تعاليلي بعد ٣ اسابيع

سما : تمام

وبعد ان صافحتها خرجت كالتائهه تتخبط في كل من يمر بجانبها .. كل الدلائل حولها كانت تؤكد لها انها بالفعل حاملا ولكنها تجاهلت …واكثر مايؤلمها ان يحدث الان في توقيت غير مناسب بالمره في وقت ارادت فيه الهروب من هذه الزيجه حتي ولم يقبل ان يطلق سراحها

___________

وعند وصولها الي العماره قبل ان تصعد بالمصعد وجدت اثنان من افراد الامن يضحان بشده وشعرت انهما يتحدثان عنها وان واحدا منهما اشار عليها .. فعادت الي البوابه مره اخري وقالت بعصبيه : انتوا بتضحكوا علي ايه ممكن اعرف ده لو تسمحوا

رد واحدا منهم : والله يا استاذه سما بنتكلم عن واحد صاحبنا عمل موقف يضحك ..

ردت بضيق : بعد كده ياريت تركزوا في شغلكم وبلاش الاستهتار ده

قال : تحت امرك

تركتهم وصعدت وهي تشعر بالاختناق …

دخلت الي الشقه بعد ان اصبحت كصحراء جرداء بدونه والشبابيك مغلقه والانوار اغلبها منطفئ ، دخلت الغرفه وبدلت ملابسها ثم وضعت جسدها المنهك علي السرير … ووضعت يدها علي بطنها وهي تبكي وتحدث نفسها : كان نفسي يكون معايا لما اعرف خبر زي ده

ثم اخذت تتقلب وكأنها علي صفيح من نار … وشعرت ان الفراق شطر قلبها الي نصفين … ارادت ان تسمع صوته ان تقول له اي شئ حتي ان تتشاجر معه لايهم ولكنها كلما فكرت في ذلك تراجعت في الحال .. لانها لاتريد ان تربطه بها… تريده ان يأخذ قراره بعيدا عنها … فقد اصبحت امرأه سيئه السمعه والناس تنظر اليها واعينهم تتحدث علي الرغم من عدم نطقهم .. واثناء تفكيرها المعذب هذا غلبها النعاس خاصه انها لم تنام في الامس

_________

وفي الغرفه الاخري اتصلت صفيه بفارس وعندما رد عليها : ايه ياحبيبي مش بترد عليا ليه ده كله

فارس : اديني رديت .. المهم انتي عامله ايه وصحتك اخبارها ايه

صفيه : مش مهم عامله ايه ؟ المهم انت مش هتريح قلبي وتقولي سبت بيتك ليه ؟! .. انتوا اتخنقتوا سوا صح

فارس : لا مش صح ، انا بس عندي شغل متراكم بسبب غيابي اللي كان بسبب جوازي …ووقت مايخلص اكيد هرجع

ردت بعدم اقتناع : متأكد يافارس

فارس : متأكد ، انا هقفل دلوقتي عشان عندي شغل

صفيه : ماشي ياحبيبي ، خلي بالك من نفسك

فارس : وانتي كمان خلي بالك من نفسك ومن سما

صفيه : طيب

بعد وقت طويل .. بالتحديد في منتصف الليل استيقظت سما من نومها وهي تشعر بالجوع الشديد ، قامت لتأكل شيئا في النهايه هذان الصغيران مسكينان ليس لهما اي ذنب حتي تعاقبهما فدخلت المطبخ واكلت علي قدر شهيتها ثم دخلت مره اخري … وبعدما دخلت شعرت بصوت شخص وكأنه يئن الما فخرجت مهروله فسمعت الصوت من غرفه خالتها فسارت اليها مهروله ووجدتها تسحف علي الارض فجثت علي ركبتيها لتساعدها علي ان تقوم ونجحت في ذلك بصعوبه بالغه : انتي وقعتي ازاي بس

ردت لاهثه : السكر علي عليا اوي وحاسه اني هيغمي عليا

اخذت واحده من الحبوب ووضعتها في فمها .. ثم قالت لها : انت كلتي حاجه تعلي السكر النهارده

صفيه : لا بس اكيد من الزعل ، انا اصلا مكلتش من ساعه الفطار

ردت بدموع وقبلت يدها : حقك عليا انا اهملتك الفتره اللي فاتت سامحيني

صفيه باعياء : انتي اللي تسامحيني علي كل مره زعلتك فيها ، مكنتش اعرف اني اول ما هقع مش هلاقي غيرك يابنتي

ردت مبتسمه بعد ان مسحت دموعها : اديكي قولتي بنتي ، في حد يعتزر من بنته .. انتي مهما عملتي انتي زي امي ويمكن اكتر لان اللي عشته معاكي اكتر منها

صفيه : ربنا يحميكي ويخليكي ياسما

سما : وانتي يارب …انا كمان في خبر حلو عايزه اقولهولك

ردت بلهفه : ايه

سما : انا حامل وفي الشهر الرابع ، وقبل ماتفتكري اني خبيت عليكي .. انا لسه عارفه النهارده وكنت شاكه الفتره اللي فاتت بس مكنتش متأكده

ردت بفرحه : ياحبيبتي .. الف مبروك يتربي في عزك

سما : دول تؤام كمان

صفيه : مش قادره قلبي هيقف من الفرحه

سما : ياحبيبتي بعد الشر عنك

صفيه : طيب قولتي لفارس

ردت بتوتر : هقوله اكيد لما يرجع او لما يكلمني

صفيه : طيب ياحبيبتي بس متنسيش

سما : حاضر

سهرت الليله بجانبها لئلا تتعب ثانيه دون ان تلاحظ … وبعد عده ساعات سمعتها تئن مره اخري فقامت مفزوعه : انتي تعبتي تاني

صفيه : اه بقالي شويه بس خوفت اصحيكي ، مش عايزه اتعبك تاني وانتي حامل محتاجه للراحه اكتر من الاول

ردت بقلق : انتي شكلك تعبانه اوي.. انا هكلم فارس يجيب الدكتور بتاعك ويجي

صفيه : لا لا مش عايزه اقلقه ، انا هبقي كويسه خلاص

لم تسمع كلامها واتصلت بفارس وعندما رد قالت : فارس ماما تعبانه شويه روح للدكتور بتاعها وهاته

رد بسرعه : طيب مسافه السكه

وبعد ساعه اتي ومعه الطبيب وبعد ان كشف عليها قال : نوع برشام السكر ده لازم يتغير ، هكتبلها نوعين تبدل بينهم

فارس : خلاص تمام

وبعدما غادر الطبيب طلبت سما ان تتحدث معه في غرفتهما وعندما دخلا قالت : انا كنت عايزه اكلمك في موضوع ضروري

رد بقلق : قولي ، شكلك مش عاجبني اصلا من اول مادخلت مالك

ادارت ظهرها وقالت وهي تتلاعب باصابعها : انا حامل

ادارها اليه ووضع يده علي زراعيها من الامام : نعم !! وانتي لسه عارفه الكلام ده ولا كنتي مخبيه عني اني اعرف

ردت بلهفه : لا وحياتك عندي .. انا كمان حامل في الرابع ومكنتش اعرف

ضحك بسخريه: كمان ده انتي كان ناقص تعزميني علي الولاده زي اي حد غريب

ردت بدموع : انت فاهم غلط اصل ….

تلجلجت كثيرا حيث انها خجلت ان تعترف له بالسبب ، اضافه الي ذلك انها تريد ترك الحريه له اذا قرر الابتعاد

فارس بحده : خلاص فهمت ، انتي اكيد عشان كنتي بتفكري ان احنا ننفصل

ثم تابع بصرامه : وده طبعا في الاحلام … المهم دلوقتي انتي تابعتي مع حد ولا لسه

ردت بتوتر : لا لسه ، بس احتمال الدكتور اللي كشفت عندها النهارده اتابع معاها

فارس : طيب اعملي حسابك اني هاجي معاكي المره الجايه …ولو فاكره اني هروح معاكي اني هرجع البيت لا متخفيش خالص انا مش هرجع غير لما انتي تتصلي بيا وتقوليلي مش قادره يافارس علي البعد كفايه كده … ساعتها هفكر ارجع ولا لا

ثم تركها وغادر الغرفه وذهب الي والدته ليودعها ثم غادر الشقه باكملها….

________________________

دخلت دهب الي سليم مكتبه وهي مبتسمه وقالت :

حبيبي تحب اساعدك

رد مبتسما : اه تعالي اقعدي جمبي

جلست بجانبه ووضعت يديها تتحسس ذقنه بيديها وكأنها تسرحها وقالت : عندي ليك مفاجأه حلوه اوي

وضع يده علي يدها وهمس بعاطفيه : قولي ياحبيبتي

ضحكت بدلال وقالت : لا مانا لوقولتلك دلوقتي مش هتبقي مفاجأه انا هروح قبلك وهحضرها

قبل يدها قبله طويله وقال مبتسما : وانا بعشق المفاجأت

دهب : طيب انا هروح بقي عشان الحق

سليم : ماشي ياحبيبتي

بعد دقائق خرجت من المكتب وذهبت الي احدي محلات الحلويات واحضرت تورته صغيره علي شكل قلب وشمعه واحده ودخلت المحل الذي بجانبه ايضا واحضرت الكثير من البالونات وعده اشياء من التي تنتفخ لتعلن عن وصول مولود جديد … وذهبت الي المنزل واضاءت الشموع وزينت كل شئ علي اكمل وجه وارتدت قميص نوم جميل وانتظرته بفارغ الصبر وبعد جاء ودخل من الباب ركضت اليه وتشعلقت به من الامام واخذت تقبل وجهه بالكامل قبلات سريعه وهي تضحك فابتسم بسعاده وقبلها … وبعدما نزلت اخذت يده الي الداخل وشغلت اغنيه سمعني نبضك … عبر هاتفها واخذت ترقص معه بعشق وبعدما تعبت و قالت لاهثه : يلا نقعد

رد مبتسما : يلا

جلست علي قدميه وكانت تطعمه بيدها وهو كذلك بكل رومانسيه وبعدما انتهيا من ذلك اخذت يده ووضعتها علي بطنها وقالت مبتسمه : هيبقي شبهك اوي وهسميه سليم انا حاسه انه ولد

رد بصدمه : نعم مش فاهم

ردت بدلال : يعني بعد سبع شهور هيجيلنا نونو صغنن يجننا ومش هيخليك طول مانت في البيت تشوف شغلك

قام من مكانه وقال: بس احنا كنا متفقين ان الموضوع ده يتأجل مش دلوقتي خالص .. انا مكنتش مستعد لده انتي كده حطيتيني قدام الامر الواقع اني اقبل

نزل الكلام كالصاعقه علي قلبها فقالت بحشرجه : لا معلش انا غبيه ومش فاهمه معني كلامك ممكن توضح

سليم : مش لازم تفهمي علي العموم مبروك .. وانا هدخل اغير هدومي عشان في شغل ملحقتش اخلصه

دخل الي الغرفه وتركها لصدمتها وفرحتها التي كسرها الي شظايا … وبعد ان استعادت وعيها قليلا قامت وفرقعت البلالين بدبوس وجمعت الاشياء وهندمت المكان كالسابق .. ودخلت غيرت ملابسها … واطفئت النور وظلت تبكي بحرقه وحسره عما حدث لها .. وفي الليل دخل ونام بجانبها واعطي كل منهما ظهره الي الاخر ..

ومرت الايام علي نفس الحال .. وكانت تشعر فيها انها علي حافه الموت وهي مازالت تتنفس .. ووجدت انها يجب ان تتخلص من الجنين طالما ابيه لايرغبه فلماذا تأتي به الي هذه الحياه من الاساس …

وفي الصباح الباكر اتصلت بصديقتها نوجه وقالت : بقولك ياحبيبتي كنت عايزه رقم دكتور *** اللي راحت عنده ماجده عشان في واحده صاحبتي عايزه تروحله ضروري

ردت باندهاش : صاحبتك مين دي

دهب بعصبيه : صاحبتي وخلاص انتي هتحققي معايا

ردت بعتاب : متتعصبيش بس .. انتي عمرك ماتعصبتي عليا بالشكل ده

زفرت بضيق : انا اسفه يانوجه .. انا بس في مشاكل في شغل سليم وانا مضايقه شويه

نوجه : لا ياحبيبتي ولا يهمك خدي اهو الرقم

اخذته منها وحجزت ميعاد وبعدها اتصلت بسما : الو ياسما محتاجاكي معايا في مشوار ضروري

ردت بقلق : مشوار ايه ده ؟

دهب : مشوار وخلاص ، لو مش عايزه عادي انا هتصرف

سما : لا لا انا هنزل معاكي

ذهبت دهب الي منزل سما وانتظرت بسياره الاجره تحت المنزل وفي دقائق نزلت وصعدت معها : ها قوليلي رايحين فين بدل مانتي سحباني زي الحماره كده وراكي

نظرت دهب الي يديها وقالت بتوتر : انا حامل وهنزل الجنين

لطمت سما علي وجهها : انتي مجنونه انتي ازاي تعملي كده … دي روح… روح فاهمه يعني ايه

ردت بدموع : ابوه مش عايزه ياسما .. يرضيكي اغصب عليه واجيبله طفل هو مش عايزه

سما : حتي ولو .. حتي لو انفصلتي انتي كده بتموتي ابنك اللي لسه مجاش للدنيا … انا كمان عندي مشاكل مع فارس ومفكرتش اني اسقط

مسحت دموعها وهي تبتسم : ايه ده انتي حامل ازاي ؟ … مش باين عليكي خالص ،مبروك ياقلبي

ردت بسرعه : الله يبارك فيكي ياحبيبتي … ها قولتي ايه ؟ …يلا نلف ونرجع واستهدي بالله كده واكيد الامور هتتحل وهتقنعيه

ادارات وجهها الي الشباك قالت : بيكي ياسما او من غيرك هعملها فلو انتي عايزه تتراجعي اتفضلي انزلي انا هكمل .. وشكرا علي تعبك لحد كده

اخذت تحاول اقناعها طيله الطريق املا في ان تتراجع عن قرارها وعندما يأست ارسلت رساله الي سليم بالموقع لانه بالتأكيد لن يسمح بهذه المهزله ان تحدث … وبعد وصلا الي هناك كانت امامهم حاله واحده وظلا في الانتظار فوق الساعه وسليم لم يأتي فقالت سما : طيب انا هدخل الحمام

دهب : طيب بس متتأخريش عشان خايفه اوي

سما : حاضر

دخلت المرحاض واتصلت به كثيرا ولم يرد فاصابها الاحباط وعندما جاءت لتخرج هاتفها هو : وقال ايوه ياسما في حاجه انا لقيتك رنيتي عليا كتير وانا مشغول

ردت بصدمه : نعم ، انت موصلتلكش الرساله

نظر في هاتفه ووجد الرساله فقال بعصبيه: انتي ازاي تسبيها تعمل حاجه زي كده ، المهم انتوا فين دلوقتي

ردت بخفوت : احنا هناك دلوقتي ومش فاضل غير حاله واحده وندخل تعالي بسرعه بقي لاني حاولت معاها كتير ..

سليم : طيب امنعيها باي شكل حتي لو اتخانقتوا دهب عندها مشاكل في القلب ولو اجهضت ممكن تموت ارجوكي امنعيها

اغلق معها وركب سيارته وادارها علي اقصي سرعه الي العنوان الذي كتبته له …وخرجت سما اليها وجدتها تستعد للعمليه فقالت لها : مش هتعمليها يادهب

دهب : نعم انتي رجعتي في كلامك تاني .. احنا هنلعب انا هعملها يعني هعملها وانتي روحي علي بيتك وشكرا

ردت بعصبيه : انتي مقولتليش ليه انك عندك مشاكل في القلب تمنعك انك تجهضي

دهب بتوتر : لا طبعا مفيش الكلام ده هو مين اللي قالك

سما : سليم … اللي انتي جايه من وراه تجهضي ، اللي انا اول ماكلمته كان هيتجنن من خوفه عليكي

قامت من مكانها بفزع: يانهار اسود انتي ايه اللي خلاكي تكلميه

سما : كان لازم امنعك من الجريمه دي .. بس انا مش عارفه اتأخر كده ليه

وفي اثناء حديثهما سمعا صراخ احدهم يقول : يعني ايه محدش الاسم ده جالكوا ، انطق يابن ال*****

عندما خرجت اليه وجدته علي هذا الحال ممسكا بتلابيب الطبيب وهو مرفوع الي الاعلي صرخت به : سيبه انت ماسكه كده ليه

ضحك بسخريه : ايه عاوزاني اسيبه عشان ينزل يجهضك

ردت بعناد : والله دي حاجه تخصني

قال الطبيب بعصبيه الي ممرضته :بلغي البوليس بسرعه للراجل ده ولمي الناس من الشارع بسرعه .. انتي لسه هتنحي

ضغط سليم عليه اكثر واخرج كارنيه النقابه ووضعه امام وجهه قال : شايف ده .. بص كويس كده وركز علي الاسم

بعدما دقق الطبيب فيه رد بخوف : وبعدين يعني ؟ انت هتخوفني عشان محامي يعني

رد ضاحكا وهو مازال ممسكا به : يظهر انك مسمعتش عني بس علي العموم انا سليم عامر مفيش قضيه لحد دلوقتي خسرتها ..وانا مستعد لما يطلع الناس اللي انت بعتلهم اسجنك واشمعلك العياده المشبوهه دي ومش بس كده

رد الطبيب بصوت متقطع : ايه

سليم : هلبسك ميه تهمه هتخليك تقضي عمرك تتعفن في السجن .. ايه رأيك نخرج بهدوء ولا اعمل كده

رد بسرعه : اخرج ياباشا ولو عايز الفلوس كمان خدها

تركه وهندم ملابسه وشعره : لا خليهالك

واخذ دهب من معصمها بالقوه وسحبها خلفه وسارت معهم سما فعند نزولهم للاسفل قالت دهب بعصبيه : انت ازاي تعمل كده وكمان جي بكل جبروت بعد ما خلتني احاول اجهض جي تمنعني

ضرب علي السياره من فوق عند السقف عده مرات وقال عصبيه مكتومه : ياريت ياسما تسكتي البت دي لحد مانروح

سما : طيب

نظرت لها دهب بعدم تصديق : والله ! انتوا اتفقتوا عليا

سما : اه

ردت دهب بحنق : طيب مش عايزه اعرفك تاني

سما : ياريت

وفي اثناء الطريق بعد ان قام بتوصيل سما الي بيتها … قالت دهب بعصبيه : ممكن افهم ايه بقي اللي انت عملته ده .. عايز تعمل نفسك شهم رغم انك اصلا السبب

رد بحده : اعمل نفسي شهم ! وانا كمان اللي ارغمتك .. لا انتي مش طبيعيه انتي اكيد مجنونه

ردت بدموع : امال من ساعه ما قولتلك وانت مش بتكلمني ولا قريب مني بأي شكل من الاشكال ده مش معناه انك مش عايزه

ضرب مقود السياره بقوه وقال بعصبيه : افهمي انا كنت خايف عليكي وكنت مصدوم مش قادر افكر

دهب : والله يعني مش انا اللي خايفه .. انت بدل ماتطمني بعدت عني ، هو ده بقي مفهوم الخوف عندك

هدأ من نفسه قليلا وقال : انتي عارفه اي راجل مكاني بعد اللي عملتيه ده كان عمل ايه

ردت بسخريه : كنت هتضربني مثلا

سليم : ياريت اقدر لكن للاسف مش هعمل كده .. عشان لو عملت كده مش هسيب فيكي حته سليمه

ردت بدموع وهي تشعر بالصدمه : وكمان نفسك تضربني .. لا واخلاقك بقي مسمحتلكش لا بجد شكرا اوي لحد كده وانا بقي عايزه اتطلق وابني انا اللي هربيه

ضحك بعصبيه ولم يرد عليها وبعد ان وصلا اخيرا الي العماره التي يقطن بها نزلت بسرعه ولكنه ركض خلفها وامسكها من معصمها قائلا والنيران تخرج من عينيه : تعرفي لو عرفت انك جريتي بالطريقه دي وانتي حامل تاني مش هيهمني اي حاجه وهرنك علقه تحلفي بيها طول حياتك …. انا مش هخدك شقتي ريحي نفسك .. انا هوديكي عند امك

ردت بضيق : يكون احسن برضه

وبعد ان صعدا وهو مازال ممسكا بيدها اقوي من قبل .. دق الباب بعنف ففتحت حنان : في ايه؟ .. حصل حاجه

ضحك سليم بسخريه : اسألي بنتك عملت ايه ؟

ردت بقلق : طيب ادخلوا ادخلوا

وبعد ان دخلا ، حكي لهما كل ما حدث منذ بدايه صدمته ..حتي مافعلته دهب

فردت حنان بعصبيه : انتي اتهبلتي علي كبر شكلك .. بقي متقوليليش انك حامل اصلا وكمان كنتي هتسقطيه …لا لا انتي اكيد مش بنتي

اللي انا ربيتها

قبل ان يتحدث سليم .. قال عامر بهدوء : خلاص ايه ؟! انتوا الاتنين عليها ، وانت كمان ياسليم كان المفروض تحتويها مش تعمل كده وانا اللي بقولك اهو هي هتفضل هنا لحد ماتعرف قيمه اللي انت عملته

نظرت له بتحدي : اديك شوفت ابوك اللي قال مش انا

زمجر عليها وقبل ان يتحدث رد عامر : بس ده ميقللش من فداحه اللي كنتي هتعمليه

سليم : ياريت تحسي فعلا بالكارثه اللي كنتي هتعمليها

صرخت بوجهه قائله : يارب تكون ارتحت

وبعد ان قالت كلامها دخلت احد الغرف واغلقتها خلفها.. فسار خلفها وقال من امام الباب : لا مرتحتش يادهب ولا هرتاح .. وقريب هتندمي ولما تحسي بندمك حقيقي انا مستنيكي

ردت بعناد : مش هيحصل

سليم : لا هيحصل وهتشوفي

وقبل ان يخرج قالت له حنان : معلش ياحبيبي دي اعصابها تعبانه اعزرها

سليم : انا معنديش اي مشكله المهم تحس باللي عملته وتجيلي تعتزر

حنان :حاضر اوعدك اني هخليها هي اللي تصالحك

بعد مغادرته حاولت حنان معها كثيرا ولكنها لم تستمع اي شئ مما قالته وعاندت اكثر فتركتها علي حريتها

شعرت سما بالسعاده الغامره عندما اتصل بها فارس حتي يأخذها للطبيب كما كان يفعل الاربع اشهر السابقه علي الرغم انه مازال يجافيها ويعاملها بتجاهل شديد الا انه لم يقصر في حقها او طفليها فارتدت فستان اصفر مشرق ملئ بالازهار ونزلت له في الاسفل وركبت السياره معه وقالت : صباح الخير

فارس: صباح النور .. اتأخرت عليكي

ردت بسرعه : لا لا احنا لسه قدامنا وقت

رد بجديه : طيب كلتي ولا لسه

سما : لا هاكل لما اروح لسه الوقت بدري وانا عندي غثيان

توقف عند احد المحلات واحضر لها عصير وبسكويت مملح واعطاه لها وقال : خلاص علي راحتك كلي ده ولما تروحي افطري كويس

ردت بخفوت : حاضر

وبعد قليل وصلا الي الطبيب وانتظرا موعد دخولهم وبعد ان دخلا جلس بجانبها والدكتور يفحصها بالسونار وقت طويل فقال له بضيق : طيب اتفضل بس انت بص في الشاشه اللي قدامك وانا همسكلك الجهاز

رد الطبيب بحده : ازاي يعني ؟! لا طبعا مش هينفع ده شغلي وانا ادري بيه

همست له : الدكتور معاه حق مش هينفع

فارس : طيب انجز انت طولت عن المرات اللي فاتت

رد الطبيب بضيق : طيب

وبعد انتهاء الفحص قال : كده الحاله تمام وهتولد في ميعادها الطبيعي عادي جدا ..وبما انها خلاص بقالها كام يوم بدأت التاسع اي اعراض تحصلها في اي وقت تجيلي فورا

مسك يدها وساعدها علي الوقوف واخذها معه وركبا السياره مره اخري وفي اثناء الطريق قال : انا مش مرتاح للدكتور ده غيريه

نظرت له باندهاش : ازاي ؟! ده انا هولد خلاص وهو اللي عارف حالتي مش هينفع اولد مع حد تاني خصوصا الدكتور الشاطره اللي كنت هتابع معاها قبله سافرت

تلاعبت اصابعه بتوتر علي المقود وقال : طيب خلاص بس المره اللي جايه هتغيريه

نظرت له مبتسمه : حاضر

في خلال دقائق وصلها وغادر مره اخري ..

_______________

استيقظت دهب بصعوبه رغم محاولات والدتها الكثيره وبعد ان فاقت قليلا خرجت اليهما في غرفه المعيشه وجلست علي الطاوله واخذت تتلاعب في صحنها من كثره الحنق مما يحدث امامها الان فقد وجدت عامر يطعم امها ويقول : لا لا انا مش عجبني اكلك القليل ده انا عايزك مقلوظه كده

ردت مبتسمه بخجل : لا والله شبعت

رد بترجي : طيب خدي السندوتش ده وبس

حنان : لا مش قادره بجد انت عمال بتأكلني من الصبح كل انت بقي ياسي عامر

رد ضاحكا : هاكل بس قولي كده تاني واحده سي عامر كده تاني

ضحكت بخجل : سي عامر

فقال : طيب كلي قطمه وانا هكمله مكانك

حنان : حاضر

ضربت دهب المعلقه علي الطبق وقالت : تحبوا اعملكوا عصير ليمون

حنان : لا ياحبيبتي متتعبيش نفسك انا هعمل بعد الفطار

دهب : لا وعلي ايه انا هقوم اعمله عشان هتجيلي جلطه من كتر القعده

شهقت حنان : بعد الشر عنك ياحبيبتي .. طيب قومي اعمليه

بعدما دخلت قال بخفوت وهو كاتما ضحكته : شوفتي خطتنا نجحت ازاي

ردت بضيق : بس صعبت عليا اوي

رد ضاحكا : ميصعبش عليكي غالي ياقمر انتي

وبعد ان قامت دخلت المطبخ واحضرته وهي مدمعه العينين فقاسي القلب لم يتحدث معها طيله الفتره الماضيه … وخصوصا في فتره حملها كانت تحتاجه بجانبها ولكن كبرياؤه المريض منعه … وبعد ان وضعته امامهم .. قررت ان تذهب الي سما لتصالحها .. فبعد وقت قصير نزلت من المنزل واحضرت مجموعه من الحلويات الشرقيه وصعدت الي شقه سما ودقت الجرس عده مرات فوجدت سما امامها وقالت لها : قولت مش معقوله مكونش جمبك في الايام دي

ردت مبتسمه : ادخلي ياختي

وبعد ان دخلت بدلت ملابسها بأخري مريحه ..ورحبت بوالده فارس : ازيك يام فارس عامله ايه ؟ وصحتك اخبارها ايه

صفيه : الحمد لله يابنتي

وجهت حديثها الي سما : بصي بقي حطيلنا كده كل واحد طبق من الحلويات وتعالي نتفرج علي مسرحيه ريا وسكينه

سما : ماشي

وبعد ان وضعت الحلويات وجدت دهب تأكل بشراهه فقالت لها : خلي بالك عشان انا ملاحظه انك ضربتي والحلويات هتخنك اكتر

نظرت لها بضيق وقالت : بصي لنفسك ياختي الحال من بعضه

ردت ضاحكه : طبيعي عشان حامل في تؤام وكمان كلها ايام وهولد ..

تركت دهب مابيدها وقالت : تصدقي عندك حق .. لا خلاص كفايه كده تعالي نرقص عشان نهضم

ردت سما بعدم تصديق واشارت الي بطنها : ازاي بقي واحنا بالمنظر ده

دهب : تعالي بس هنرقص رقصه الحوامل

ردت ضاحكه : اول مره اسمع عنها دي

دهب : لا عادي انا هعلمك .. اتفرجتي علي فيلم كركر

سما : لا

دهب : طيب قلديني

ثم نظرت الي صفيه وقالت : شغليلنا ياخالتي مزمار عبد السلام

نظرت لها باندهاش ولم ترد .. فاثارت تعجب دهب فقامت هي بتشغيلها علي هاتفها.. ثم مسكت يد سما واخذت ترقص معها يمينا ويسارا .. وكانت طيله هذا الوقت صفيه فاغره الفم … وفي اثناء الرقص دعتها دهب ولكنها كانت في نفس الحاله لم تنطق وبعدما انتهيا قالت دهب لاهثه : هي حماتك هتفضل مصدومه كده كتير

ردت ضاحكه : لا بصراحه ملهاش حق ابدا

دهب : اه مانا بقول برضه

وبعد ان جلسوا كانوا يشاهدون ثلاثتهم المسرحيه ووضعت دهب صحن المقرمشات علي بطنها فقالت سما : حطيه في ايدك احسن عشان تبقي علي راحتك

ردت ضاحكه : ده انا كنت منتظره من زمان اني اكون حامل عشان احطه كده

وقبل ان ترد سما .. جاء اتصال لها من سليم فقالت بسرعه : وطي الصوت بسرعه

سما : حاضر

ردت عليه بخفوت بنبره حزينه : الو

تنهد : لسه برضه بتدللي ومش عايزه ترجعي

دهب : لا ياسليم عمري ماهسامحك بعد اللي انت عملته فيا

رد بعصبيه : وهو انا اللي خليتك تروحي وتحاولي انك تجهضي ابني

دهب : وكمان بتتعصب عليا

هدأ من عصبيته قليلا : انا محاولتش اني احاسبك رغم انك تستاهلي

دهب : طيب ياحبيبي عرفت اني انا اللي غلطت وانت ملاك ، متصل بيا عايز ايه

سليم : عايزك ترجعي ..وكفايه كده ، انتي عاوزه تولدي وانا بعيد عنك

دهب : اه وماله

سليم : علي العموم انا عملت اللي عليا وانتي اللي اخترتي

وبعدما اغلقت معه ذهبت الي منزل والدتها… وقد وجدتهما علي نفس الحال فأصابها الجفاف العاطفي وقررت ان تصعد له مبرره ذلك بأنها لاتريد ان يولد طفلهما بعيدا عنهما فصعدت ودقت علي الباب ببطئ شديد ولكنه لم يفتح فقررت ان تنزل مره اخري ولكنه فتح الباب وقال : اخيرا ندمتي ورجعتي

ردت بسرعه : لا لا انا مندمتش خالص .. انا بس قولت بلاش اولد وابنك ميتولدش معاك

رد مبتسما : عملتي الصح .. وانا مقدرش ارفض اتفضلي

وبعدما دخلت وجدت الشقه هادئه تماما ..بدلت ملابسها ووضعت الحقيبه الصغيره خاصتها في غرفه النوم وخرجت الي غرفه المعيشه .. ووجدته جالسا علي الحاسوب المحمول خاصته .. وطيله جلسته وهو مدقق تدقيقا شديدا … فكانت المشاعر في قلبها تراكمت لابعد حد وكانت رائحته تجذبها بشده .. وكانت في نفس الوقت مغتاظه منه ، ألهذه الدرجه لا يشتاقها وكأنها شئ شفاف … وعندما سأمت دخلت الغرفه واتصلت بصديقتها وقالت بخفوت : نوجه بقولك انا رجعت لسليم

اطلقت زغروده عاليه وردت بفرحه : ايوه بقي عشان سليم الصغنن يتولد بينكم

قالت بدموع : بس هو بيتجاهلني اوي .. فاكر اني كده هعتزر وانا اصلا المجروحه منه .. قوليلي اعمل ايه يخليه هو اللي يصالحني

تنهدت نوجه وقالت : بصي انتي تغريه

دهب : اغريه! وانا كده ازاي

نوجه : جربي بس مش هتخسري حاجه ولو مفلحتيش ارجعيلي تاني

دهب : حاضر

سمعت كلامها وارتدت جلباب مشقوق من الجوانب ووضعت مستحضرات قليله في وجهها واحمر شفاه الفراوله الذي كان يحبه واطلقت شعرها وخرجت مره اخري وجلست نفس الجلسه وكان نفس رد الفعل …..

ولكن بعد قليل وجدته يقترب ومع كل خطوه اقتراب يخفق قلبها بقوه…. واقترب كثيرا حتي انه جثي امامها وشعيراته الرطبه كانت تحت انفها … فأغمضت عينيها مستمتعه ولكن فجأه وجدته يأخذ هاتفه من جانبها فزفرت بضيق … فدخلت الي الغرفه واما هو فقد اهلكه قربها وكاد ان يرضخ اذا جلست دقيقه اخري فقد اشتاقها بشده … وبعدما دخلت غيرت ملابسها ومسحت وجهها بكت بعنف ونامت … وفي منتصف الليل دخلت اليه لتوقظه : سليم سليم قوم

قام مفزوعا وقال بلهفه : انتي كويسه في حاجه حصلت

مطت شفتيها وقالت : لا مفيش حاجه انا بس نفسي في بطاطا ومانجه

رد مبتسما : حاضر ادخلي نامي دلوقتي وانا هجبلك الصبح

ردت بحده : نعم نعم ! انت عايز الواد يجيله وحمه في قفاه

رد باندهاش : في قفاه ! وده من ايه انشاء الله؟ !

دهب : بقولك ايه انت لو مش عايز كده هنزل لابوك واقوله وهو مش هيرفضلي طلب

سليم : وانتي اللي مخليكي واثقه كده انه هيوافق

ردت بثقه : طبعا ده عمره مارفض لحنان طلب .. عشان بيموت فيها

سليم : ومالك بتقوليها كده ليه بحرقه

دهب : اهو قولتها زي ماقولتها ، المهم هتجيب ولا

سليم : هنزل بس مش عشان الوحمه اللي في قفاه ولاعشان تهديدك الاهبل ده

ردت مبتسمه : ماشي

وبعد وقت قصير اتي ومعه ماطلبت .. سارت اليه مهروله وفتحت الاكياس بفرحه فوجدت البطاطا نيه فقالت بحزن : دي نيه

سليم : اكيد مكنتش هلاقي في الوقت ده حد يبيعها مستويه بس انا هشويهالك بسرعه

زمت شفتيها : طيب

وبعد ان قام بتسويتها اخذتها منه واكلتها بقشرها بشراهه فقال مصدوما : انتي بتكليها بقشرها انتي مدركه ولا عشان بتتوحمي وكده

توقفت ونظرت له بذهول : هي البطاطا اصلا بتتقشر ، انا طول عمري باكلها بقشرها

رد ضاحكا : طيب كملي كملي ، لو تحبي اجبلك المانجه معاها ؟!

دهب : لا بقي دي هخليها بعد البطاطا هحلي بيها

وبعد ان اكلت كميه لا بأس بها .. اخرجت المانجه واعطت له واحده واخذت الباقي امامها في طبق كبير ووجدته قام بتقسيمها الي نصفين ثم امنها بالمعلقه فقالت له : انت كده مش هتسمتع بيها

سليم : هتقوليلي آكلها بقشرها

دهب : لا المانجه مش بقشرها .. بس قطعها شرايح وكلها كده وهتدعيلي

رد ضاحكا : طيب هجرب

وبعد ان اكلا سويا وتجادلا وضحكا كثيرا .. دخل غرفته وتجاهلها مره اخري ….

وفي صباح اليوم التالي .. اتاها اتصالا من نوجه فردت : يخربيت افكارك الجهنميه

نوجه : مش قولتلك يابنتي .. انا افكاري متنزلش الارض ابدا

ردت بعصبيه : جتك وكسه .. انا لبستله جلابيه نانسي عجرم وكأني قدام ابو الهول ولا اي تأثر

نوجه : اهدي بس ممكن عشان حامل وكده … طيب هو حصل ايه بعد كده ؟

دهب بابتسامه : مفيش اتوحمت علي بطاطا ومانجه وجبهملي بس ايه يا بت نزلتهولك علي ملي وشه وجبهم بسرعه

نوجه : انتي ازاي ؟ متستغليش الحكايه دي

ردت باستغراب : حكايه ايه ؟

نوجه : استغلي موضوع الوحم ده وكل شويه اطلبي حاجه

ردت ضاحكه : ايوه يابت يخربيت دماغك هعمل كده اقفلي اقفلي

نوجي : ماشي

_________

وبعد ان اغلقت معها اتصلت به وقالت بدلال : سليم كنت عايزاك تجبلي ملوحه ورنجه عشان نفسي فيهم اوي

سليم : ماشي .. تحبي اجبلك حاجه تانيه معاهم

دهب : لا خلي بالك من نفسك بس بسرعه

سليم : الله يسلمك

وبعد ان انجز عمله دخل الي الشقه وقبل ان يبدل ملابسه اعطاها الطعام وقال : جبتلك اللي انتي طلبتيه هدخل اغير وانام عشان مرهق جدا

وضعت اصابعها علي انفها لتكتم الرائحه وقالت وهي تشعر بالقرف : يلهوي ياسليم ريحتها صعبه اوي

رد بضيق : نعم ياروح امك بتخليني الف عليها لحد ماجبلك انضف نوع وفي الاخر مش عجباكي

دهب : لا مانا كان نفسي فيها فعلا بس فجأه لما شميت ريحتها قلبت معدتي ، هتلي سمك بقي وخلاص

جلس وقال : لا لا انا تعبان بكره بكره مش هتفرق

دهب : لا مش هينفع

ثم وضعت اصبعها في فمها وقالت بدلال : يرضيك تطلعله وحمه في رجله

رد ضاحكاً بعصبيه :

لا ميرضنيش ازاي ؟! سليم باشا الصغير تطلعله وحمه في رجله

كتمت ضحكتها : طيب هتجيب بقي ولا اروح لعامر

نزل مره اخري واحضره لها : اتفضلي

ردت بسرعه : لا انا كنت عايزه ..

ضرب يده بقوه في الحائط : كنتي عايزه ايه يادهب متجننيش

دهب : كنت عايزه نوتيلا نفسي فيها اوي

دخل الي الثلاجه واخرج لها عبوه كبيره من الشيكولاته ووضعها امامها قائلا : كانت في التلاجه بس يظهر انك مخدتيش بالك .. اتفضلي بقي وانا هنام .. تصبحي علي خير

ضربت الارض بقدمها واكلت منها بحنق ثم نامت .. وفي الثالثه صباحا استيقظت مفزوعه واخذت تسعل بقوه .. وشعرت ان نفسها ضاق بها وكأنها تختنق فهرع اليها واعطاها كوب من الماء لم تأخذه واشارت الي جهاز التنفس خاصتها فأحضره في الحال ووضعه لها وبعد وقت قليل قال بقلق : كده احسن

ردت وهي تشعر بالراحه : الحمد لله كنت هموت

قبل يدها وقال : بعد الشر عليكي انشاء الله انا وانتي لا

دهب : ولا انت ياحبيبي .. خلاص بقي انا بقيت كويسه نام انت

سليم : انتي بتاخدي الجهاز ده من امتي ؟

دهب : من شهرين بس

سليم : طيب انا هنام جمبك النهارده .. مضمنش تحصلك تاني وملحقيش

ردت دهب بعناد : بس انا مش عايزه

جعلها تجلس في السرير وجلس بجانبها : ولا انا عايز

اعطته ظهرها ونامت …وبعدما غفلت اخذها بين احضانه بقوه ونام بعمق ..

____________________

سما : انا نازله ياماما عايزه اجبلك حاجه معايا وانا جايه

صفيه : لا ياحبيبتي مش كنتي كلمتي فارس ينزل معاكي

ردت مبتسمه : انا مش هبعد عن البيت بس كنت ناسيه حاجات ضروريه للبيبي وهنزل اجيبها مش هتأخر

صفيه : طيب خلي بالك من نفسك

حاضر

وضعت صفيه يدها علي قلبها فلقد شعرت بانقباض شديد وقالت : قلبي وجعني كده ليه ؟

نزلت سما في شارع مخصص بالكامل لملابس الاطفال وكانت كلما اشترت طقما وجدت اجمل منه ولكنها كانت سعيده بكل ما اشترته واخيرا بعدما شعرت بالتعب الكبير خصوصا انها سارت الشارع الي نهايته طلبت سياره لتقلها الي المنزل مره اخري …

وفجأه وجدت يد ليست بالغريبه عنها توضع علي عينيها وقال ضاحكا : مفاجأه مش كده

ازاحت يده بعنف وهي ترتجف : انت عرفت مكاني منين

نظر الي بطنها وقال بسماجه : مبروك صحيح ولد ولا بنت بقي

ردت بحده : شئ ميخصكش وابعد بقي

رشدي بعصبيه : لا يخصني عشان ده كان هيكون ابني ولا بنتي بس انتي خونتيني ودمرتيني

ردت بصدمه : لا لا انت اكيد مجنون انا خونتك مع جوزي !؟

رد بصراخ : مش جوزك .. انتي كنتي معاه من زمان وكان بيبصلك كل مره انك بتاعته، كنتوا بتستغفلوني وكمان في الاخر يتصورلي فيديو ذله

سما بتوتر : طيب لو علي الفيديو متقلقش هخليه يمحيه لما اروح

اخرج علبه مبهمه من بنطاله وبها سائل مذيب وقال وهو يضحك : لا مانا هاخد حقي ودلوقتي

ردت بدموع : لا يارشدي ابوس ايدك اوعي تعمل كده انا عمري ماعملت فيك حاجه وحشه وحتي لما كان في ايدي انا عفيت لاني مش اله عشان احاسب الناس … اعفي عني انت كمان واهدي كده وهنتفاهم

ضحك بسخريه : عدي وقت التفاهم ودلوقتي وقت الافعال

فتح الزجاجه وسكبها بالكامل تجاه وجهها … فصرخت بكل قوتها تقسم انها صرخت ولكن صرختها لم تخرج من حلقها …

وفجأه فقدت الوعي تماما … وبعد ان استعادت وعيها قليلا وجدت امرأه مسنه ومعها زجاجه ماء كانت ترش بالقطرات القليله علي وجهها حتي تفيق فقالت المرأه بنبره حنونه : متخفيش ياحبيبتي ابن الحرام اللي كان بيتخانق معاكي رمي ميه النار بس مجتش فيكي من حظك الحلو بس جت علي واحد شكله مهم اوي كان جمبك ومعاه كده ناس حواليه كتير وخدوه معاهم

لم تصدق سما وكأنها لم تستعيد وعيها كاملا ووضعت يدها علي وجهها لتتأكد علي الرغم من عدم احساسها بشئ … وساعدتها المرأه ووصلتها حتي باب المنزل فصعدت بسرعه وبعدما دخلت رمت الاكياس ودخلت الغرفه واغلقتها خلفها ودخلت الي السرير وغطت نفسها بكل ما طالته يدها وقد كان كل جزء بها

ينتفض وبكت بقوه والعرق كان ينزل علي وجهها كالسيول

دقت خالتها الباب عده مرات ولكنها لم تفتح .. فاتصلت بفارس ليأتي ليري ما اصابها وجعلها تأتي هكذا

_ الو يابني بقولك انت فين ؟

رد بقلق : في الشغل واحتمال اعدي عليكم النهارده

قالت بلهفه : سما رجعت من بره شكلها مش طبيعي وقفلت عليها الاوضه تعالي شوفها دي مراتك برضه

فارس : انا جي دلوقتي

لم يتأخر وجاء اليها بسرعه ولم يدق باب الغرفه بل فتح بالنسخه الاحتياطيه وعندما دخل ازاح عنها الغطاء ووجدها تبكي واسنانها تصطك في بعضها فامسكها من زراعيها وقال برعب : مالك فيكي ايه ..انتي تعبانه اوديكي لدكتور دلوقتي

لم ترد واستمرت في البكاء فقال : يارب اموت لو متكلمتيش ورحمه امك ياشيخه اتكلمي

ردت بصوت خرج بصعوبه : رشدي

صرخ : عملك ايه ابن ال *****

سما : دلق ميه نار عليا ، بس جت في واحد ملوش دخل كان ماشي جمبي

ترك ذراعيها وفتح احد ادراج مكتبه واخرج مسدسه وقام بتعميره … فركضت امه خلفه :

الله يخليك يابني متوديش نفسك في داهيه .. كمان سلاحك مش مترخص

وبعد مشاجره طويله تحاول امه منعه من النزول خرجت سما من الغرفه بصعوبه وقالت ببكاء : الحقني يافارس ميه الجنين نزلت انا شكلي هولد

ركض اليها وحملها وذهب بها الي اقرب مستشفي لتلد وكان بداخله جمر من النار يشتعل

وفي اثناء انتظاره بالخارج لولادتها اتصل بسليم : فاكر الزفت رشدي طليق سما

سليم : ايوه فاكره ، ايه اللي فكرك بيه بعد المده دي كلها

رد بعصبيه : هبعتلك عنوان بيته اللي هو ساكن فيه حاليا وشغله كمان عشان دلوقتي سما بتولد وانا مش هقدر اسيبها

سليم : اهدي اهدي هجيبهولك متكتف كمان لو عايز ، بس قولي عمل ايه

فارس : كان عايز يشوهها بميه النار بس من رحمه ربنا عليها جت في حد تاني

رد سليم بضيق : هجيبهولك حتي لو كان فين

فارس : ياريت

وبعد مرور ساعتين ولدت سما وخرج الطبيب اليه : الحمد لله الولاده تمت من غير مشاكل هما بس عندهم الصفرا وده عادي هتروح بالرضاعه .. عن اذنك

فارس : اتفضل

دخل اليها وجدها علي ملامحها علامات الاعياء الشديده فجلس بجانبها وقبل يديها : حمد الله علي سلامتك يا ام عمار

ردت مبتسمه : الله يسلمك يابو حنين

قال بقلق : بقيتي احسن ولا لسه تعبانه

سما : لا الحمد لله بقيت كويسه بعد ماولدت يظهر ان كان الطلق عندي بسيط قبل مانزل وزاد لما رجعت

فارس : طيب الحمد لله ربنا يخليكم ليا

سما : ويخليك لينا يارب

بعد مرور ساعه جاءت الممرضه بالطفلين بعد فحصهما فأخذتهما وحاولت ان ترضعهما حتي يبعث الله لهما غذائهما في صدرها وبعد محاولاتها ارادات ان تعود المنزل فساعدها علي النزول بعد مجئ نوجه ووالدته فكل منهما كان بيده طفل وتولي هو اسناد سما حتي سيارته وبعدما وصلهم الي الشقه خرج مره اخري ولم يجعلهم ان يعلموا اين سيذهب ؟

وبعد ان نزل وجد سليم بالاسفل فقال له بلهفه : لقيته مش كده

سليم : لا ملقتهوش

فارس : هيروح مني فين هجيبه زي المره اللي فاتت

سليم : علي فكره انا دورت عليه وملقتش غير امه وفي الشقه وكمان كلفت راشد يدور من جهه وانا من جهه ، انا ملقتهوش بس راشد

رد بضيق : راح فين قولي

قال سليم وهو مبتسما : راشد لما راح وسأل في المكان اللي كانت ماشيه فيه عرف ان الراجل اللي دلق عليه ميه النار حد تقيل اوي وكان معاه الحرس بتوعه خدوه معاهم ومن ساعتها مختفي يعني اعتبره الله يرحمه

زفر بضيق : الله يحرقه بس برضه قلبي مش مرتاح انا الفيديو اللي كنت رحيم عليه ومكنتش هنزله دلوقتي هنزله علي كل المواقع

سليم : حقك مقدرش اقول حاجه

لقد نسي فارس تماما ان يحضر بعض الاشياء الذي كتبها الطبيب فأحضرها وصعد اليهما ففتحت له امه : ايه ياحبيبي كل ده تأخير

فارس : معلش الصيدليه اللي تحت البيت قفلت روحت لواحده بعيد شويه .. المهم ايه الاخبار

صفيه : مفيش العيال نايمين وسما نامت هي كمان

فارس : طيب انا هدخلها

دخل الغرفه ببطئ شديد حتي لا يوقظها وقبلها من جبينها فشهقت فقال لها بسرعه : انتي خوفتي كده ليه ؟! ده انا

ردت بتوتر : اوعي تكون عملت حاجه فيه، ده ميستهلش تودي نفسك في داهيه عشانه

وتابعت حديثها وهي ممسكه يده بقوه : احنا محتاجينك وملناش غيرك

تنهد وقبض علي يدها بقوه : للاسف فلت مني متقلقيش

تنهدت بارتياح : طب الحمد لله

وفجأه سمعت صراخ الفتاه فقالت : ساعدني يافارس هتلي الببرونه وحطلي فيها ميه دافيه

قام من مكانه مسرعا وساعدها علي ارضاعها ووضع وساده تحت يدها ايضا .. وظلا طيله الليله يتناوبان علي طفليهما …